|
|
 جلسة مع بروفسور كارولين فلوهر والصحفية رشا عوض شارك فيها د.ابكر واخرون كلام وصور
|
التقيت الاخوات كارولين ورشا من دون سابق معرفة ذلك من خلال ورشة عمل نظهما
مركز الجزيرة للدراسات بالاشتراك مع مجلس البحوث الاقتصادية والاجتماعية البرطانى
ومركز دراسات مسلمى اوربا بجامعةاكستر استمرت لمدة يومين 26ـ27/سبتمبر/2010
وكانت بعنوان: رؤى في الإرهاب والمقاومة والراديكالية
شارك فيها العديد من الباحثين والمهتمين وقد تشرفت بالاشراف على
فريق الترجمة الفورية لجلسات تلك الورشة
قدم في تلك الورشة كل من كارولين ورشا ورقة عمل غاية في الرصانة والعمق
وشجاعة في تحليل مايحدث وماحدث في السودان من قبح وقتل ... باسم الاسلام
وفي نهاية الورشة دعوتهن لجلسة تحاورية مع بعض بنات وابناء السودان بدولة قطر
وقد كان لى شرف قبولهن الدعوة
|
|
  
|
|
|
|
|
|
|
|
Re: جلسة مع بروفسور كارولين فلوهر والصحفية رشا عوض شارك فيها د.ابكر واخرون كلام وصور (Re: بدر الدين الأمير)
|
Quote: قدم في تلك الورشة كل من كارولين ورشا ورقة عمل غاية في الرصانة والعمق
وشجاعة في تحليل مايحدث وماحدث في السودان من قبح وقتل ... باسم الاسلام
وفي نهاية الورشة دعوتهن لجلسة تحاورية مع بعض بنات وابناء السودان بدولة قطر
وقد كان لى شرف قبولهن الدعوة |
بدر مساء الخير ات عارف نحن دايما نسكت على المغتغت
انا احب الناس البتنبش المسكوت عليه
وتتكلم بى شفافيه شديده يعجز عنها كثير من الناس الذين يتكلمون
كلام مستقفاتيه لايوصلون الرساله بقدر ما هم دايرين يتمحوروا فى
نفس الدايره انو فقط يعجب بهم من هو على شا كلتهم
رسل ت على الخاص
| |
|
|
|
|
|
|
|
|
|
Re: جلسة مع بروفسور كارولين فلوهر والصحفية رشا عوض شارك فيها د.ابكر واخرون كلام وصور (Re: بدر الدين الأمير)
|
بروف كارولين فلوهر ـ لوبان
استاذة الأنثروبولوجيا . علم اصول الانسان . في جامعة رود آيلند كولج
بالولايات المتحدة ، مديرة برنامج تعليمها الدولى، خبيرة في الدراسات
السودانية وباحثة في الشئون الإسلامية ، أحد مؤسسى جمعية الدراسات السودانية
مطلع الثمانينات في امريكا ومؤلفة لعدد من الكتب والابحاث الاكادمية وفي مقدمتها
الشرع الاسلامى والمجتمع في السودان تحليلا للقانون في تطبيقاته المجتمعية 1970ـ
1980ـ الذى ترجمه وقدم له استاذ علم الاجتماع في جامعة ولاية تنسى محجوب التجانى
صدر الكتاب في طبعته الاولى عام 2004 عن شركة مطبعة الفاطمياإخوان
القاهرة مصر
| |
|
|
|
|
|
|
|
|
|
Re: جلسة مع بروفسور كارولين فلوهر والصحفية رشا عوض شارك فيها د.ابكر واخرون كلام وصور (Re: Mannan)
|
| Quote: كارولين (وشهرتها مهيرة) وزوجها ريتشارد لوبان (اشهرته عبدالفضيل) عملا بجامعة الخرطوم ولديهما علاقات قوية امتدت لسنوات طويلة بالأكاديميين السودانيين |
نورالدين
ياخى كيف انك
بروف كارولين قدمت ورقة عن السياسة الدولية والارهاب
تحدثت فيها عن تطبيق الشريعة في السودان نميرى والانقاذ
وقاربت بين قطع الايادى في عهد نميرى وبيوت اشباح الانقاذ
وضحايا صلاح قوش طبعا لم يرضى عنها الاسلامويون وهاجموها
وكانت ترد بعلمها ومعرفتها وحيرتهم بمحبتها للسودان
والسودانيين وإدراكها لتفاصيل القبح والقتل الذى مورس
باسم الاسلام والسودان وبقدر مالها من ذكريات جميلة في
السودان الذى تقول انها تعلمت فيه العربية من الحبوبات
والاخوات في البيوت لها مرارت تدمى القلب فهى قد شهدت يوليو 1971م
واعدام صديقها جوزف قرنق وتعيش الان مآسى دارفور وإنفصال
الجنوب اوجعتنى كثيرا هذه المهيرة وهى تندب مصير السودان
على يد الغارمين الجدد اهل الغيهب
| |
|
|
|
|
|
|
|
|
|
Re: جلسة مع بروفسور كارولين فلوهر والصحفية رشا عوض شارك فيها د.ابكر واخرون كلام وصور (Re: بدر الدين الأمير)
|
رشا عوض
قدمت ورقة عن الهوية في صياغ الصراع والإرهاب
تحدثت بشجاعة عن تفاصيل مايحدث في السودان من
قتل وتشريد وتجويع صادر من فئة قليلة لاتتورع
في قتلك وسحلك لان الدين او تفسيرها للدين بمنحها
ذلك الحق هى فئة صانعة لضميرها وليس لها ضمير
بشرى طبيعى يمكن اتأنيبه ورشا ترى ان التغير يجب
ان ان يبدا من تغير مناهج تعليم الدين التى لاتنجب
غير قتلة وحاملى احزمة ناسفة ناهيك عن عدم موكبتها للتطور
المهول الذى حدث في حيات البشرية ونحن نتعلم من فقه
جامد مضى عليه اكثر من ألف سنة وايضا تمت مهاجمة
رشا ورفض لماتقول من قبل الاسلامويين العرب لكن
رشا كانت مستعدة باسلحتها العلمية والمعرفية وتفاصيل
مايحدث في الواقع الآن
| |
|
|
|
|
|
|
|
|
 Re: جلسة مع بروفسور كارولين فلوهر والصحفية رشا عوض شارك فيها د.ابكر واخرون كلام وصور (Re: بدر الدين الأمير)
|
الفاضل بدر الدين،
يا سلام على هذه الإطلالة الرائعة لاستاذتنا وصديقتنا العزيزة كارولين فلوهر لوبان/مهيرة.
جاءت كارولين بدعوة قدمناها لها من جامعة ولاية أريزونا العام الماضي من:
Institute for Humanities Research
Research Cluster on "Religion, Gender, and Reform" that I directed and coordinated
قدمت الدكتورة كارولين محاضرة ممتازة أتمنى أن يسعفني الوقت لاستعراضهنا معكم
في بوستك المميّز هذا عن هذه الصديقة العزيزة للسودان والسودانيين،
وزارت أيضاً المركز السوداني الاميركي بأريزونا والتقت بالعديد من أعضائه
وقدمت محاضرة ممتازة عن أهمية مواصلة شباب وشابات السودان في أميركا بإرثهم التاريخي.
يمتد إهتمام كارولين وزوجها العزيز الدكتور ريتشارد لوبان (عبدالفضيل) كما تفضّل الأستاذ نورالدين منان،
وصداقاتهم بالسودان لأمدٍ بعيد وتاريخ حافل بالبحثوث الهامة والجمال.
حتى أعود، هذه باقة ورد إحتفاءاً بصديقتنا مهيرة/كارولين في بوستك المميّز:
| |
|
|
|
|
|
|
|
|
|
Re: جلسة مع بروفسور كارولين فلوهر والصحفية رشا عوض شارك فيها د.ابكر واخرون كلام وصور (Re: بدر الدين الأمير)
|
Quote: وصداقاتهم بالسودان لأمدٍ بعيد وتاريخ حافل بالبحوث الهامة والجمال.
حتى أعود، هذه باقة ورد إحتفاءاً بصديقتنا مهيرة/كارولين في بوستك المميّز:
|
الاخت العزيزة سعاد تاج السر
سرنى مرورك من هنا
ومن حق مهيرة الامريكية علينا ان نعرفها اكتر ونعرف بها وبزوجها وحبهم لنا وابحاثهم الجمالية
عن السودان والسودانيين ياريت تعودى وتحدثينا اكثر عن بروف كارولين وزوجها وعن تلك الورقة
التى اشرتى لها
تنهدات: الكلام لبروف كارولين من كتابها (الشرع الاسلامى والمجتع في السودان)
الذى حللت من خلاله القانون في تطبيقاته المجتمعية خلال الاعوام 1970ـ 1980م
لايزال السودانيون باقين على صفتهم يعتزون بانفسهم وغير فاسدين وقورين وكرماء
وحساسين وراعين لحقوق الاخرين، وبهذا فقد كانت جربة مشبعة بعمق أن اوكن قد عشت
بينهم وعملت وسطهم ولو لفترة ما)
تقديرنا لها ولمترجم ذلك السفر الهام استاذ علم الاجتماع الدكتور محجوب التجانى محجوب
| |
|
|
|
|
|
|
|
|
|
Re: جلسة مع بروفسور كارولين فلوهر والصحفية رشا عوض شارك فيها د.ابكر واخرون كلام وصور (Re: دينا خالد)
|
Quote: رشا عوض دى ما سمعتها بتتكلم
لكن النصيحة كتااااااابه ,,
عندها مقالات ذى السم ..
|
شخصيا لم اقرأ لها ولم اسمع بها فقط سمعتها بتتكلم
ولاول مرة من خلال ورقتها التى قدمتها ومن خلال
مداخلاتها وتعقيبها على اوراق الاسلاموين في تلك
الورشة ياخى دى سكتت فهمى هويدى وعمل رايح رغم حدة
ووضوح رايها العلمانى فيما قاله وطرشقت له اسانيده
التحليلة الدينية حين عقبت على مداخلته
| Quote: خليل دا ياهو خليلنا الواااحد دا ؟؟ |
خليل الواحد داك بتاع الفنون والكورة عضو المنبر داك اتحادى
بس هناك رابط بينهما خليل تمساح رئيس حزب الامة بالدوحة هو خريج
جامعات الهند لكنه بالمقابل ود خالت المهندس كيكى صاحب خليل داك ودفعته
في هندسة الخرطوم ـ ياخى بلملابس بقيتى ما بتفرزى الاعتزال في القمة مهم
| |
|
|
|
|
|
|
|
|
|
Re: جلسة مع بروفسور كارولين فلوهر والصحفية رشا عوض شارك فيها د.ابكر واخرون كلام وصور (Re: Hussein Mallasi)
|
| Quote: والله يا كريم قرايبك كلهم100% |
هلا يا جعفر وحبابك يا زمن يا جميل
وتسلم ياخي واخوك ومنذ النيل الابيض وزمانات صحبك الاسطوري المان ماشة معاي باسطة
وحماية مسلحة في كل الامكنة
وهنا في الدوحة الانصاري الشرس ابو التوت الشهير بتمساح قاعد علي مرمي دوار او دوارين
وجاهز للتوضيب الانصاري الحاسم او كركبة تحصل من مرجفي المدن مثل بدر الدين ومن لف لفه
------------
خليل ده يا جعفر كان ايضا في الدويم وفي نفس فترتنا في النيل الابيض ديك
ولكن ديل ناس الدويم الشعبية وحناكيش المدينة وما مشي معانا الجخانين العجيبة ديك
وزول مدينة سااااكت
وتحياتي
| |
|
|
|
|
|
|
|
|
|
Re: جلسة مع بروفسور كارولين فلوهر والصحفية رشا عوض شارك فيها د.ابكر واخرون كلام وصور (Re: بدر الدين الأمير)
|
Quote: الصادق خليفة
لو سمحت اضف المستنيرين لزعماء الاحزاب
او سوف نضعك في خانة كيكى ومحمد عبدالرحمن
وبرضو نهديك صورة للوالد مع الصادق المهدى
تعرف يا صادق في ذلك اليوم حين بقينا على انفراد انا وامى الحرم بت على
قلنا جنس شمارات وضحكنا جنس ضحك حتى الستائر طربت لضحكنا وفي النهاية نهرتنى
امى وقالت لى يا ولد امشى نوم خلينى لابوك الحا يجى يسمع لى كلام الصادق المهدى |
ود الأمير
التحية للوالد العزيز محمد الامير والوالدة الحرم بت علي ربنا يحفظهم ويمد في ايامهم.
و الله الصورة مقبولة بكل فخر
و بعد دا مافي كلام طالما سيدي بجلالة قدرو شرف داركم العامرة , يا أخي انت زول بركة عديل كدة. بس شوية كدا و العرجاء لمراحه
| |
|
|
|
|
|
|
| |
بدر الدين الأمير
خالد المحرب
Mannan
doma
جعفر محي الدين
محمد عبد الماجد الصايم
عفاف الصادق بابكر
Deng
![6060.JPG Hosting at Sudaneseonline.com[/center]](http://www.sudaneseonline.com/uploadpic10/Augest/6060.JPG)
Souad Taj-Elsir
دينا خالد
عبدالكريم الامين احمد
Hussein Mallasi
الصادق خليفة
معتز القريش
محمد عبدالرحمن
Elawad Eltayeb
كمال سالم
Nazik Eltayeb
فيس بوك
تويتر
انستقرام
يوتيوب
بنتيريست