|
|
|
 Re: الحقوق محفوظة ...( مصطلحات , تعابير, أفكار ....إلخ) - II (Re: طارق الكوتش)
|
النجوم دي **** بتعملها منال برضو ..
يا كوتش (الكرور الاسفيري) الرصيتو دا كلللو حق ود الصـايم ..
(المهم) تبارك ..
(بكري بيجيب لينا الناس ديل من وين؟؟) تمبس
(كلام كتييير دش مافيهو شولات ولا نقط وخطو شين) اساسي
(الاحصاء الملعوماتي والبيانات السيموطيقيه والسايبرنطقيه) محمد اي سليمان
(نحن كالنحل لو عملتا شنو ما بعرف بتلقاهو لي قدام ومعاها وشوش خدرا) علاء الدين يوسف
(انت عارف يا فلان) (الكلام دا ا حصل )(جداد بالفرن) عمر عثمان جنابو
(الهوس الديني ) صبري الشريف
(تليشه)(نخجي)(جوعير)(انعل ابو الجمكسين) طارق جبريل
(الشفيف الوريف) معتصم دفع الله
(الليله وووووووب) الرفيقه الصديقه الداده ام عطيات الشهيره بي اميره الشيخ
(هلا يا فلان) كيكي
(عندي راي في كلام دا لكن بجيك راجع) عصام جبرالله (ما بيجيك راجع اصلن )
(يا وغد , اوغاد) خــدر
(مهمش , مهمشين) تراجــي
(كبـك , كبكي ) نجاه محمود , بيان
| |
  
|
|
|
|
|
|
|
 Re: الحقوق محفوظة ...( مصطلحات , تعابير, أفكار ....إلخ) - II (Re: داليا الكباشى)
|
ياعمك
البوست ده مهم جدا لانو قبل يومين في ورشة مشتركة مع ابو خليل اكتشفنا انو المصطلحات زي قاعد يحصل ليها لبع وكدا..
فخد دي مثلا..
(كركبة) ( جيب من جووه) ( عوة) دي كلها خليلية وقاعد اشدها منو بوست بوستين وبرجعها ليهو..
سجل لي بالله (كراكير) وجخانين و(مدارات وموغلة ودهشة) والاخيرة دي كلها وحدة نصية واااحدة...
ممراح - خليل
الكاهن الاسفيري خليل
اندياح دي برضها حقت ابو خليل لكني شاكي انو شداها من ناس فورووال
(خالك) برضها خليلية واخوك قاعد يشدها يوم يومين كده..
وبجيك راجع للمزيد او كما قال عصام جبرالله
| |
|
|
|
|
|
|
|
|
|
Re: الحقوق محفوظة ...( مصطلحات , تعابير, أفكار ....إلخ) - II (Re: محمد عبد الماجد الصايم)
|
هلا بالشباب هلا والله
كوتش يا عمك
كان داير تجيب لنكات لناس يا عمك و زووط و بتاع أخير خت رابط المنبر العام و ريّح روحك
النجيضة حقوقهامحفوظة لود الصايم استبدل بيها عبارتو الأشهر "غايتو جنس غايتو" بعد أن تمرّس في البورد و اشتد ساعده
أما أبلع فحقوقها لوهبة
الباقيات ديل ما عندهن سيد زيهن وزي "كل الود" و "تعرف يا فلان" كلامات اسافير الناس جو لقوهن حايمات فاعتادوهن
دكتورة داليا
ما شاء الله متابعة
"الليلة وووووب" زي ما تفضلت حقوقها لبت الشيخ الفيرشن القديم
الفيرشن القديم ايامها الكانت ضحكنجية قبل اللقاء الشهير
أسي اتوقعها تستبدلها بناس ما هذا الهراء أو شيئ من هذا القبيل
كيكي يا موغل في الدهشة
"خالك" دي اظنها من جنس كلام الأسافير الماعندو سيد
خلّي ..
حفظ حق "شيل الإبريق" ليك دي كانت في البال عند بداية كتابة البوست
واحد من اعظم المصطلحات في رأيي البتصف حال البعض هنا
لأنو منتشر في البورد بصورة واسعة , أخوك طبعا عندو حق الترويج للمصطلح و التعريف بيه ولا كيف؟
حموودي ...
زعمطة دي جديدة لسة
حسب معايير التصنيف المعتمدة في حفظ الحقوق
لا زم التعبير/المصلح/الفكرة....إلخ ياخد فترة زمنية اقلاّها ربع كامل يحافظ فيه على استمراريتو
وإلاّ ما ح نخلص , كل يوم و التاني بتظهر حاجات غريبة لكن بتتلاشى تدريجيا بالقصور الذاتي لضعفها
الفكرة حفظ حقوق التعبير القوي و المنتشر لدرجة ما تعرف سيدو منو
لو بقينا نصنّف أي شي جديد و غريب مع ناس محمد عادل و ذو اليد البوست دا بحصّل الصفحة مية براحة
يتبع ... ياقول تنظير
| |
|
|
|
|
|
|
|
|
|
Re: الحقوق محفوظة ...( مصطلحات , تعابير, أفكار ....إلخ) - II (Re: محمد البشرى الخضر)
|
ضحكنجية أو ضحوكنجية - كما كتبتها صاحبتها
حقوقه محفوظة لصباح حسين طه
أطلقته على ناس ود الصايم وشلته إثر هاشمية شالتها في أمر دكتور عثمان الريّح - المرشح السابق لرئاسة الجمهورية
أو على الأصح الكان عايز يترشح لكن المهندس عادل بتاع الموية وقف في طريقه
واحد من اقوى المصطلحات بل يكاد يكون اقواها في الفترة الأخيرة
إذ يشمل قطاع واسع من البورداب الذين ما اتوا لحوار
| |
|
|
|
|
|
|
|
|
|
Re: الحقوق محفوظة ...( مصطلحات , تعابير, أفكار ....إلخ) - II (Re: osman righeem)
|
زعمطة دي جديدة لسة
حسب معايير التصنيف المعتمدة في حفظ الحقوق
لا زم التعبير/المصلح/الفكرة....إلخ ياخد فترة زمنية اقلاّها ربع كامل يحافظ فيه على استمراريتو
وإلاّ ما ح نخلص , كل يوم و التاني بتظهر حاجات غريبة لكن بتتلاشى تدريجيا بالقصور الذاتي لضعفها
الفكرة حفظ حقوق التعبير القوي و المنتشر لدرجة ما تعرف سيدو منو
لو بقينا نصنّف أي شي جديد و غريب مع ناس محمد عادل و ذو اليد البوست دا بحصّل الصفحة مية براحة
ولد دااااااا
خترى عديل ..
| |
|
|
|
|
|
|
|
|
|
Re: الحقوق محفوظة ...( مصطلحات , تعابير, أفكار ....إلخ) - II (Re: داليا الكباشى)
|
CD الحسن
اجمل ما قرات من مصطلح في هذا الربع
وحقوقها محفوظه لود البدري علي ما اظن
______________________________________
يا ود البشري يادوبك رجعت للياقتك الاسفريه القديمه غايتو من وقفوك لحدي بوست حاضرين
كان الغنمايه بتاكل عشاك في المنبر ده .. بوست حاضرين ثم المعيار بدات تستعيد فيهم اللياقه
الان انت في كامل لياقتك البدنيه والذهنيه
_____________________________
الخط ده حقوقه محفوظه لمنو؟
| |
|
|
|
|
|
|
|
|
|
Re: الحقوق محفوظة ...( مصطلحات , تعابير, أفكار ....إلخ) - II (Re: احمد التجانى احمد)
|
هلا بالشباب هلا
جاييكم نرد على البعض و نستوسـخ الباقين
بالمناسبة الإستوساخ دي حقوقها محفوظة لمفكّرنا أمين محمد سليمان
عنى بها تجاهل الرد على المتداخلين خاصة المخالفين
دار نقاش حول المصطلح و على اثره ظهرت حواشي و تفاصيل مثل ما أطلق عليه " الإستوساخ الإيجابي"
و "االإستجداء" لكن تيكنيكالي لسة المصطلح ما زبط مية مية فيه دخنة من مكان ما
مجموعة الدكتور حسن موسى
انتشرت في البورد كالنار في الهشيم قد يغيب عن الكثيرين اصلها لذا لزم الحديث عنها, ادناه بعضها
- يا أخانا فلان الذي بالحتة الفلانية
- شايف كيف؟
- ولاّ شنو يا فلان (ومعاها صرة و حدرة بقعر عينو)
- فلاننا
- بلا بلا بلا بلا بلا..... ولا أطيل
للمزيد راجع هنا حسن موسى أخانا الذي بـ(فرنصا) أو دجانقو الذي فرز المويات
نواصل
| |
|
|
|
|
|
|
|
|
|
Re: الحقوق محفوظة ...( مصطلحات , تعابير, أفكار ....إلخ) - II (Re: محمد البشرى الخضر)
|
كذّاب أشر
أثبت كذا وكذا وإلاّ فانت كذّاب أشر
أشر - بكسر الشين
ما متاكد بالضبط من هو صاحب امتياز استخدامها في البورد لكن أعتقد أن عادل عبد عاطي أكثر مستخدميها
الكنافة و الليدو
ويراد بهما فش الخلق لمّا عمّك يسكّك في حذف البوستات
الكنافة حقوقها لمريم الحسين و الليدو لتيسير
_____________________________________
بت الشيخ ...Quote: ولد دااااااا
خترى عديل .. |
يا حليلك من شدة ما بقيتي مثقفة كلام الضحكنجية ولا بتكلّفي روحك تسوّي ليه اقتباس
أها اسّي عمك رغيم افتكر الكلام هولك
الله يجازي اللي كان السبب 
داليا ..Quote: (شيل العــده) غايتو اول زول شالو عدتو من انا جيت البورض دا كان انت يا ود البشرى ,
لكن المصطلح دا حق منـو ..؟؟ |
صعب نحدّد المصطلح تبع منو لأنو طلع أيام اتشالت عدة زميل البورض  و الكتيبة المعاه
و بالمناسبة دا ينفي حتة إنّي أول زول اتشـ.... إحم - راح باسويرد بعد جيتك
عمر بوب سلامات Quote: CD الحسن
اجمل ما قرات من مصطلح في هذا الربع
وحقوقها محفوظه لود البدري علي ما اظن |
أظنك قاصد ود البدوي
بالنسبة لموضوع اللياقة و الجناح وما أدراك ما عشا البايتات النحدّثك عاد
دي وهمة حقوقها محفوظة لأساسي , فكّاها فيني بعد روحة الباسويرد
ومن بعد تلقّفها الشباب و سرت و انتشرت البتقوليه سلام عليكم ساي يرد لي الغنماية و جناحك و كورتك و بتاع
حتى خلت إني من قبل كنت ربّاطي إسفيري أو ما شابه
الخط دا يُعد من كلامات الأسافير الناس جابوهو معاهم من سودانت
حمودي ... | Quote: إنا لله!* محفوظة لعماد عبد الله! |
كلامك سليم
و دي بالذات ما تنفع إلاّ عند عماد | Quote: معقولة يا عمكـ .. لو البوست ما كان باسمكـ كان نكرتنا حطب |
يا عمك ما نكرتكم , أرجع البوست
قالت محمد البشرى و الضحكنجية المعاه , هنا الواو حرف عطف و في التقاء ساكنين بالتالي...
الكلام واضح 
ود البيلي Quote: شعب بحجم أمة في وطن بحجم قارة.
أو:
وطن بحجم قارة يعيش على أرضه شعب بحجم أمة
أليس كذلك ؟؟. |
ههههههههه دي قوية
اضف عليها ناس ديوك العدة و مجهولي الهوية و ليه بكري ما بعلّق بوستاتي الأحدث هزة في الإقتصاد العالمي ولاّ شنو كدا ما عارف
| |
|
|
|
|
|
|
|
|
|
Re: الحقوق محفوظة ...( مصطلحات , تعابير, أفكار ....إلخ) - II (Re: محمد عبد الماجد الصايم)
|
غاااااغ
من ابداعات بت الشيخ *
انتجته حين زهجة من حال الوصيف و ما حاق به من شماتة اسياد البلد
و هو ظرف و يُعامل كالأفعال كالقول غاغى و يغاغي و غاغي
ودرج البعض على استخدامه بالفات ممدودة مكان الكااااااكـ الشهيرة
___________________
* في بعض الروايات أن اول من استخدم الغاغ كان الحبشي على أيام غزوة ذات القعويات و التي عرفت بذات الكاريكاتيرات أيضا
حين حرّف لقب "كيكي" إلى "غيغي"
| |
|
|
|
|
|
|
| |
محمد البشرى الخضر
داليا الكباشى
عبدالكريم الامين احمد
khaleel
حذيفه ابراهيم الكباشي
محمد عبد الماجد الصايم
osman righeem
Omar Bob
احمد التجانى احمد
محجوب البيلي
Gaafar Ismail
omer osman
motaz
ياسر بيناوي
احمد الأمين على إدريس
فيس بوك
تويتر
انستقرام
يوتيوب
بنتيريست