|
Re: الأعزاء بورداب أمريكا ،،، جاييكم إن شاء الله يوم 28 سبتمبر ،،، أخيرا راح أشوفكم عن قرب ،،، (Re: Yasier Elsayed)
|
Quote: مرحبتين بالمدمرة / سانى وكما قالت الاخت هبة اهم شى زيارة منطقة واشنطن الكبرى
وفى انتظارك ياجميل اول تلفون 3012337587 |
الحبيب ياسر السيد
ياخ تسلم على الترحاب الحلو ده وربنا يلمنا مع بعض على خير وإن شاء الله نشوفكم كلكم تامين ولامييين أكيد الزيارة راح تكون بدايتها من واشنطون والتفاصيل راح تجييكم حبه حبه لمن تردني من الإتحاد طبعا من فرحتي الشديده بالزيارة والشوفة دي ما قدرت أنتظر حتى أجمع كل المعلومات ههههههههههههههه وتلفونك إتحفظ خلاص عن ظهر قلب وتسلم تاني وبيننا تلفون من الدوحة قبل ما أتحرك بس عايز أعرف منكم فرق الزمن كيف والمواعيد المناسبة للإتصال
| |
|
|
|
|
|
|
Re: الأعزاء بورداب أمريكا ،،، جاييكم إن شاء الله يوم 28 سبتمبر ،،، أخيرا راح أشوفكم عن قرب ،،، (Re: heba Elmahi)
|
Quote: محمد ساني تحياتي يا صاحب والله دا أحلي خبر اسمعه من فترة طويلة .. و جاهزين يا عمك للبرمجة و الفسحة بس إستعجل شوية لاني مغادرة بلاد العم سام دي في إجازة قد تطول |
هبه الماحي يا صديقة
تسلمي على الكلام الحلو ده والله الواحد سعيد جدا إنه راح يشوفكم قريب تواصلنا كتير مع البورداب هناك بس من غير شوفه أهااااااااااا ربنا سهلها خلاص وراح نشوفهم قريب الحضور هناك إن شاء الله يوم الثلاثاء 28 سبتمبر
Quote: الحتة دي وين ؟ ما عندي فكرة عنها ! السؤال المهم حتجئ واشنطون ولا لا ؟ و لو جاي حتصل متين بالضبط
|
هههههههههههههههههههههههه تصدقي أدونا ليها كده سولومون آيلاند بس الأكيد طبعا إن جيتنا عبر مطار واشنطون والحته دي قريبه شديد من هناك وتقع على خليج كده ما بعرف أسمو أيه بس راح أجيب ليك الصور من غوغل إيرث عشان نستفيد كلنا بمعرفتها بعدين ما بعرف الناس بتنزل فى مطار واشنطون ولآ فى مطار تاني فى فرجينيا أخوك جااااااااااااااهل فى الحاجات دي وأول مره بكون جيت فيها امريكا يلا خليكم قراااااااااااااب شديد عايزين نشوفكم وعايزين نتعرف على بعلك العزيز وبقية الرهط الجميل
والتفاصيل أكيد راح ترد تباعا حلوة تباعا دي مش كده هههههههههههههههههههههه
| |
|
|
|
|
|
|
Re: الأعزاء بورداب أمريكا ،،، جاييكم إن شاء الله يوم 28 سبتمبر ،،، أخيرا راح أشوفكم عن قرب ،،، (Re: Sabri Elshareef)
|
Quote: الحضور هناك إن شاء الله يوم الثلاثاء 28 سبتمبر
|
بالسلامة إن شاءالله يارب
Quote: بعدين ما بعرف الناس بتنزل فى مطار واشنطون ولآ فى مطار تاني فى فرجينيا
|
لو جاي بالقطرية أكيد بتنزل في واشنطون ( مطار دالاس )
Quote: يلا خليكم قراااااااااااااب شديد عايزين نشوفكم وعايزين نتعرف على بعلك العزيز وبقية الرهط الجميل
|
اكيد قراااب و فرحانين بجيتك شديد و اكيد برضو حتلاقي كل الناس الحلوين بس يا خسارة بعلي العزيز في السودان حاليا" ( عليك الله ما شايفو متجدع كيف من حفلات رشا شيخ الدين و لي ندوة بكري أبو بكر ؟ ) و انا مجدوعة هنا براي !! بس هانت يا صديق راااااجعين للسودان الحنين دا قريب بأذن الله
Quote: بس عايز أعرف منكم فرق الزمن كيف والمواعيد المناسبة للإتصال |
فرق الزمن تقريبا" 8 ساعات منكم و بشكل اخر التوقيت هنا في واشنطون تحديدا" = -5 من توقيت غرينتش و للمساعدة اكتر استعمل الموقع دا :http://www.aloots.com/modules.php?name=city_time
| |
|
|
|
|
|
|
Re: الأعزاء بورداب أمريكا ،،، جاييكم إن شاء الله يوم 28 سبتمبر ،،، أخيرا راح أشوفكم عن قرب ،،، (Re: Sayed Bekab)
|
الحبيب سيد بيكاب
كل سنه وإنت طيب ياخ وينك ووين أيامك ليك مده ما باين
Quote: ساني رحلة موفقة لبلاد الانكل سام
|
تسلم كتير يا صديق وإن شاء الله نكون على تواصل وياريت لو إلتقينا هناك
Quote: ياسر السيد ازووول ما تقصرو مع ود عمي جاييكم تب لمنطقتكم !!!
|
عارف ياسر وكل الناس اللى هناك ما بتقصر والواحد زي ما قلت متمني يشوف الناس دي من زمان وأكييييييييييد بيننا لقاءات وبرامج وكده
Quote: ياساني ما تكب الزوغة....الموضوع ما بتستاهل ناس امريكا كلهم فى دبي و الدوحة و القاعد هناك داير يتخارج ملي عينك تمام و تعال راجع ما يغشوك هههه.
Have a nice trip :) |
يا جميل زوغة شنو دي معقولة بس تجي كده هههههههههههههههههه كلها اسبوع أو ثمانية أيام بالكتير وتنتهى الرحلة يعني الوصول هناك يوم الثلاثاء إن شاء الله والمغادره يوم الإثنين الذى يليه شفت كيف يا جميل ،،، بس الزيارات راح تتكرر لهناك الجماعه ديل عندهم حوالى 8 جولات ببلاد أنكل سام
| |
|
|
|
|
|
|
Re: الأعزاء بورداب أمريكا ،،، جاييكم إن شاء الله يوم 28 سبتمبر ،،، أخيرا راح أشوفكم عن قرب ،،، (Re: heba Elmahi)
|
Quote: لو جاي بالقطرية أكيد بتنزل في واشنطون ( مطار دالاس )
|
نهارك سعيد بتوقيتكم
فعلا الرحلة راح تقوم من الدوحة صباح الثلاثاء وإن شاء الله راح تكون عندكم عصر أو مساء نفس اليوم والوصول عبر مطار دالاس كما ذكرتي
Quote: اكيد قراااب و فرحانين بجيتك شديد و اكيد برضو حتلاقي كل الناس الحلوين بس يا خسارة بعلي العزيز في السودان حاليا" ( عليك الله ما شايفو متجدع كيف من حفلات رشا شيخ الدين و لي ندوة بكري أبو بكر ؟ ) و انا مجدوعة هنا براي !! بس هانت يا صديق راااااجعين للسودان الحنين دا قريب بأذن الله
|
والله خسارة كبيره إني ما أشوفه هناك بس أكيد راح أتعرف عليه فى الخرطوم أو زيارة أخرى إن شاء الله لأمريكا وهانت شديد خلاص زي ما قلتي كلها أيام وتمشي تتجدعى معاه فى برامج الخرطوم الحلوة
Quote: فرق الزمن تقريبا" 8 ساعات منكم و بشكل اخر التوقيت هنا في واشنطون تحديدا" = -5 من توقيت غرينتش
|
ههههههههههههههههههههههههه
خلاص فهمت دي تماما وعرفناها ما شايفاني قلت ليك نهاركم سعيد بتوقيتكم
| |
|
|
|
|
|
|
Re: الأعزاء بورداب أمريكا ،،، جاييكم إن شاء الله يوم 28 سبتمبر ،،، أخيرا راح أشوفكم عن قرب ،،، (Re: أسامة خلف الله مصطفى)
|
Quote: أخى الفاضل محمد خليل ساتى
زى ما قالت حبوبتى : يطرشنا ويعمينا.. زوارق وكمان أوف شور!!!! حبابك عشرة ونحنا تحت الخدمة.... |
الحبيب أسامه خلف الله
كل سنه وإنت طيب تصدق أنا زاتي كنت زيك ما عارف حاجه عن البطولات دي لحدي ما الجماعه كلفونا بتغطية الفعاليات وتقريبا هي بطولات بتقام يومي السبت والأحد الجولة الماضية كانت فى أتلانتك سيتي ولم تكتمل بسبب سوء الأحوال الجوية وقبلها كانت فى سانت كلير وأخرى فى كامبريدج
ياريتك تجي تشوف فعاليات السباق ده يعني فى أيام الويك إند وكده فرصه نشوفك وإنت تشوف سباقات الزوارق السريعة دي هههههههههههههههههههههه
| |
|
|
|
|
|
|
Re: الأعزاء بورداب أمريكا ،،، جاييكم إن شاء الله يوم 28 سبتمبر ،،، أخيرا راح أشوفكم عن قرب ،،، (Re: نزار كروم)
|
Quote: مرحب بيك اخ محمد خليل
ويا حبذا لو تم اللقاء بك في الويك اند القبل المهرجان نسبه لظروف مهمتك ومشغولياتك
لانه دي الفرصة الوحيده لتلتقي باغلب البورداب وعشان نقعد معاك وندردش برواقه
بعدين اقبض في كلام متولي ده كويس
يا الف مرحب بيك مره اخرى وتصل بالسلامة ان شاء الله |
العزيز نزار كروم
والله ليكم وحشه من القلب والحمدلله الشوفه قربت وأكيد طبعا اللقاء معاكم فى أى وقت ليهو طعم والمهم مواعيدكم إنتو وظروف عملكم وكده والويك إند مناسب جدا للمتكم والإلتقاء بكم بعدين لو حضرتوا فعاليات السباق يومي السبت والأحد أحلى وأحلى كمان وكلام متولى مالك على العين والراس وخلاص وضعناه ضمن الخطه هههههههههههه حلوة الخطه دي مش كده ،،، بس راح أشوف جدول السباق كيف أول يوم وبعد داك عيييييييييك وبينا تلفون كمان يا صديق
| |
|
|
|
|
|
|
Re: الأعزاء بورداب أمريكا ،،، جاييكم إن شاء الله يوم 28 سبتمبر ،،، أخيرا راح أشوفكم عن قرب ،،، (Re: Mutwali Malik)
|
Quote: محمد خليل ساني مسكاقمي سوف نكون من الحضور اذا صديقي مبارك الهاجري من المشاركين واعلم انه اصبح من متاسبقي هذا النوع من السباقات. عندك برنامج كارب تاني يوم محجوز من الان. واشنطون تتشرف بلقاءك |
العمدة متولي مالك شخصيا سلامات يا صاحب وليك وحشة والله أهو الحمدلله ربنا سهل علينا شوفتكم وإن شاء الله تكون حسب المخطط له
مثل هذه السباقات بها الكثير من المتعة خاصة وأنتم تعلمون السحر الذى فى السواحل دائما الفريق يتكون من الشيخ حسن بن جبر آل ثاني وعلى النعمة والسباقات بالتأكيد راح تكون يومي السبت والأحد وإن شاء الله تاني يوم راح أكون معاكم بس راح أتأكد من طبيعة المهمة فى يومها الأول وأكييييييييييييييد بيننا تلفون يا صاحب
| |
|
|
|
|
|
|
Re: الأعزاء بورداب أمريكا ،،، جاييكم إن شاء الله يوم 28 سبتمبر ،،، أخيرا راح أشوفكم عن قرب ،،، (Re: Deng)
|
Quote: الاخ محمد خليل ساني.
أتمنى لك رحلة ممتعة بواشنطن. أنا متواجد خارج واشنطن وأكيد بقية البورداب سوف يقومون بالواجب.
Quote: Solomons Maryland...a quiet waterfront fishing village located just 55 minutes south of the Washington beltway where the Patuxent River meets the Chesapeake Bay
أنها جزيرة جميلة جدا. لكن أعمل حسابك. الجو أحتمال كبير بكون بارد شوية. |
الحبيب دينق يا جميل
سلامات يا صديق كنت أتمنى شوفتك فى بلاد العم سام بس ملحوقة يا صديق ونتلاقى فى مرات جايه وتسلم على النصيحة وإن شاء الله راح نثقل اللبس وبيننا تلفون من هناك عشان نعرف أخبارك
| |
|
|
|
|
|
|
Re: الأعزاء بورداب أمريكا ،،، جاييكم إن شاء الله يوم 28 سبتمبر ،،، أخيرا راح أشوفكم عن قرب ،،، (Re: عبدالعزيز الفاضلابى)
|
Quote: ود سانى حللت سهلا ونزلت اهلا كان ما شالتك البلد يمين نمرق منها اها ياخوى ,, لازم وحتما ,, وتب لازم تجينا فى نيويورك وده تلفونى. 3479654013 |
الحبيب عبدالعزيز الفاضلابي
كل سنه وإنت طيب وتسلم كتير على الكلام السمح ده وعارف والله كلكم أولاد كرم وحسن ضيافة والواحد عارف إنه ما راح يروح فى البلد ديك بالنسبة لنيويورك والله حابب أشوفها وأزورها بس لكن ما بعرف برنامج الوفد راح يكون كيف غايتو تلفونك إتحفظ خلاص وراح نكون على إتصال ولو زرناكم هناك الحمدلله ولو ربنا ما سهل الجايات أكتر إن شاء الله
| |
|
|
|
|
|
|
Re: الأعزاء بورداب أمريكا ،،، جاييكم إن شاء الله يوم 28 سبتمبر ،،، أخيرا راح أشوفكم عن قرب ،،، (Re: ياسر إدريس حسن)
|
Quote: الاخ العزيز محمد خليل ...سلامات ...
الف مرحب بيك في امريكا ....وشكله كده ناس ح تكون مزحوم جدا....حاول تنظم وقتك لانو زي ما عارف كرم واصل السودانيين...في امكان كثيرة للزيارة في منطقة واشنطون وما جاورها..
بس خلي ليك يوم عشان تزور نيويورك....لانو ما ممكن تجي امريكا وما تزور نيويرك ...ونحن تحت الخدمة...تلفوني 9738851113 . |
العزيز ياسر إدريس
سلام مربع ليك ولكل الناس اللى هناك والله الواحد سعيد جدا بكلامك ده وعارف إن الناس ما راح تقصر أبدا وأنا بكون سعيد جدا وأنا رايح أتعرف عليهم عن قرب بس ربنا يسهل وحكاية الوقت دي ما تزنقنا الوصول يوم الثلاثاء 28 سبتمبر إن شاء الله والمغادرة يوم الإثنين 4 أكتوبر شايف المده القصيرة دي كيف ،،، وما عارف راح أزور نيويورك كيف لكن الأكيد راح أعمل كل جهدي وأنظم البرنامج ليتوافق مع زيارة الوفد وتلفونك إتحفظ يا صديق وبيننا خط وكلام كتير تسلم على مرورك الجميل
| |
|
|
|
|
|
|
Re: الأعزاء بورداب أمريكا ،،، جاييكم إن شاء الله يوم 28 سبتمبر ،،، أخيرا راح أشوفكم عن قرب ،،، (Re: Tragie Mustafa)
|
Quote: ساني منور امريكا يا اخي... واكيد وقتك محدود...والا فان كندا كأنها نيويورك نتمنى ان تشرفنا.
كنت عايزه اقول لك يا اخي مفروض تجيء في الصيف عشان تشوف الدمار الامريكي على اصوله, لكن في الشتاء الناس متحشمه غصبا عنها. |
هههههههههههههههه
تراجي بنت الشرق سلامات يا أم حازم تسلمي كتير على دعوتك والله الواحد لو كان فى زمن كنا مرينا هناك بس الجايات أكتر إن شاء الله
بعدين مالك عايزه تخليني أغيّر رأيي كده يعني نشوف لينا صرفه فى مواعيد الزيارة دي ولآ شنو ههههههههههههههههههههههههههههههه غايتو نجي نشوف دمار الشتاء كيف وبعدين ربنا يحلنا لدمار الصيف وتسلمي كتير مره تانيه على المرور
| |
|
|
|
|
|
|
Re: الأعزاء بورداب أمريكا ،،، جاييكم إن شاء الله يوم 28 سبتمبر ،،، أخيرا راح أشوفكم عن قرب ،،، (Re: Imad Khalifa)
|
Quote: الأخ محمد خليل ساني مرحبا بك في أمريكا ولو قررت (واتمنى ذلك) أن تزور ولاية كاليفورنيا الجميلة منطقة سانفرانسسكو، خبرنا بالمسنجر.
تحياتي |
الحبيب عماد خليفه
تسلم على كل هذا الكرم والترحاب كنت أتمنى أن ألاقي كل البورداب فى كل ولايات أمريكا بس تقول شنو الفترة بسيطه شديد لكن إن شاء الله فى زيارات قادمة ستمتد الزياره لـ سانفرانسسكو عندي صاحبي بالدوحة إسمو عثمان حكي لى عنها كتير وهو الآن فى رحابها مع عائلته الكريمة تسلم يا صديق وأكيد راح ألاقى تلفونك على الماسنجر لمزيد من التواصل
| |
|
|
|
|
|
|
Re: الأعزاء بورداب أمريكا ،،، جاييكم إن شاء الله يوم 28 سبتمبر ،،، أخيرا راح أشوفكم عن قرب ،،، (Re: haroon diyab)
|
Quote: ياباو ارام
سلامات
والله انت تستحق كل خير
الكارثة.....
قلنا نعرس ليك نريحك من الدمار
الدمار مباريك....!!!!
يوم اسبانيا ويوم سويسرا وتمت الناقصة بامريكا
المهم....
الصفوة ناس عبد الماجد والفاضلابي مابقصرو تب .
عليك الله السلام امانه
ومتابعين معاك في حلك وترحالك
تظل اخي الذي افخر به دائما
كل الود |
الحبيب هارون دياب
تسلم كتير على كل هذا الألق وتسلم كتير على كل هذا التقدير سعادتي كبيرة بوجودي فى هذا المكان وأنت من تبعث بهذا الأمل فى هذا المكان
نذهب الى هناك الى بلاد العم سام نحمل آمال التلاقي مع أخوة أعزاء نتابع كثيرا ما يكتبون وهاهي اللحظات ترسم موعدا للقاء كل من قطن تلك الديار النائية فهو من الصفوة الأخيار وهكذا نحسبهم فى كل سكنات يومهم وفى تواصل جميل مع الأحباب سأكون معكم متابعا لهذه الرحلة التى ستنطلق بإذنه تعالى عند الثامنة وخمس دقائق من صبيحة الثلاثاء ،،،
| |
|
|
|
|
|
|
Re: الأعزاء بورداب أمريكا ،،، جاييكم إن شاء الله يوم 28 سبتمبر ،،، أخيرا راح أشوفكم عن قرب ،،، (Re: محمد خليل ساني)
|
أخوتي الأعزاء
وصلت بحمدالله تعالي الى الولايات المتحدة الأمريكية وسعدت كثيرا وأنا فى طريق الى خارج مطار دالاس بعد إكتمال الإجراءات باستقبال طيب وجدت فى إنتظاري العزيزين عبدالله أبو شوارب وهبه الماحي وكم كانت فرحتي كبيرة بهذا اللقاء هي بالطبع المرة الأولى التى ألتقيهما فيها وليتكم تعلمون مدى الزهو الذى شعرت به أمام زملائي لحظات عشتها بصدق مع كلمات الإطراء من رفاقي فى الوفد القطري بهذا الإستقبال الطيب سألوني هل يمتون لك بالقرابه أو المجاورة أو أنتم من مدينة واحدة قلت لهم نعم نحن من دولة واحدة هي سودانيز أونلاين التى جمعتنا بكل الحب والتصافي لم يصدقوا أنها المرة الأولى التى ألتقى فيها بعبدالله وبنت الماحي لكن ذهولهم زال بعد سردي لتاريخ هذا المنبر وذكرياتي مع ذلك البوست رحلة العمر هذا البوست الذى زاد صداقتي ومعرفتي بالعديد من البورداب وحتى هذه اللحظة وحتى الممات
شكرا عبدالله أبو شوارب شكرا هبه الماحي شكرا لكما على هذا الإستقبال الطيب كانت خير مقدمة لخير بورداب وأعلم تمام أن المشاغل الكبيرة وظروف العمل هي ما حرمتني من رؤية الآخرين بمطار دالاس وكنت أحسب أن لقاءنا سيكون مع فعاليات البطولة أو قبلها لكنها المفاجأة التى إنتظرتني فى مطار دالاس ،،، فشكرا لكم جميعا
---------------------------- الصور جاياكم جاياكم لكن ما بوعدكم راح تكون دمار ولآآآآ لاااااااااااااااا
| |
|
|
|
|
|
|
Re: الأعزاء بورداب أمريكا ،،، جاييكم إن شاء الله يوم 28 سبتمبر ،،، أخيرا راح أشوفكم عن قرب ،،، (Re: محمد خليل ساني)
|
محمد ساني حمدلله علي السلامة و نوًرتا واشنطون و ضواحيها
Quote: شكرا عبدالله أبو شوارب شكرا هبه الماحي شكرا لكما على هذا الإستقبال الطيب كانت خير مقدمة لخير بورداب
|
أقل واجب والله يا ابو آرام و كان بوًدنا نكرمك أكتر من كدة انت والمجموعة المعاك من الشباب الطيبين بس حالة التعب و الارهاق كانت بادية عليكم من طول الرحلة .. إن شاءالله الجايات أحلي
Quote: الصور جاياكم جاياكم لكن ما بوعدكم راح تكون دمار ولآآآآ لاااااااااااااااا |
دمااااااااااار طبعا" و دي عايزة كلام ؟ أنزل العندي ولا انتظر بوست الدمار الامريكي ؟
تحياتي يا صاحب و stay cool
| |
|
|
|
|
|
|
Re: الأعزاء بورداب أمريكا ،،، جاييكم إن شاء الله يوم 28 سبتمبر ،،، أخيرا راح أشوفكم عن قرب ،،، (Re: Mutwali Malik)
|
Quote: وجدت فى إنتظاري العزيزين عبدالله أبو شوارب وهبه الماحي وكم كانت فرحتي كبيرة بهذا اللقاء هي بالطبع المرة الأولى التى ألتقيهما فيها وليتكم تعلمون مدى الزهو الذى شعرت به أمام زملائي
|
ماقمنا به كان الممكن ان يقوم به اي عضو من سودانيزاونلاين
نحن لم نقم الا بالواجب
Quote: لحظات عشتها بصدق مع كلمات الإطراء من رفاقي فى الوفد القطري بهذا الإستقبال الطيب سألوني هل يمتون لك بالقرابه أو المجاورة أو أنتم من مدينة واحدة قلت لهم نعم نحن من دولة واحدة هي سودانيز أونلاين التى جمعتنا بكل الحب والتصافي |
يالها من لحظات ، مزيج من الترقب والانتظار والامل بلقيا من لم تره من قبل
الحمدلله ان كنا هناك لتكسب رهانك علينا مع الوفد القطري
وقد رأيت الدهشة في عيونهم قبل ان يسألوننا عن علاقتنا ببعض
الشكر موصول للباشمهندس بكري الذي جعل هذا ممكنا
يالله بكرة ان شاء الله البرنامج مع كل البورداب في منطقة واشنطون
| |
|
|
|
|
|
|
Re: الأعزاء بورداب أمريكا ،،، جاييكم إن شاء الله يوم 28 سبتمبر ،،، أخيرا راح أشوفكم عن قرب ،،، (Re: عبدالله ابوشوارب)
|
Quote: ماقمنا به كان الممكن ان يقوم به اي عضو من سودانيزاونلاين
نحن لم نقم الا بالواجب
|
الحبيب عبدالله أبو شوارب مبروك الوليد أول حاجه وتسلم كتير على كل حاجه حلوه وما قمتم به أكثر من الواجب بكثير وده طبعا جاييهو برواقه شديده
Quote:
يالها من لحظات ، مزيج من الترقب والانتظار والامل بلقيا من لم تره من قبل
الحمدلله ان كنا هناك لتكسب رهانك علينا مع الوفد القطري
وقد رأيت الدهشة في عيونهم قبل ان يسألوننا عن علاقتنا ببعض
الشكر موصول للباشمهندس بكري الذي جعل هذا ممكنا
يالله بكرة ان شاء الله البرنامج مع كل البورداب في منطقة واشنطون
يالها من لحظات ، مزيج من الترقب والانتظار والامل بلقيا من لم تره من قبل
الحمدلله ان كنا هناك لتكسب رهانك علينا مع الوفد القطري
وقد رأيت الدهشة في عيونهم قبل ان يسألوننا عن علاقتنا ببعض
الشكر موصول للباشمهندس بكري الذي جعل هذا ممكنا
يالله بكرة ان شاء الله البرنامج مع كل البورداب في منطقة واشنطون |
نعم كسبت الرهان فقد كنتم على الموعد ولم تخذلوننا أبدا وكنت أعلم أنني أراهن على الحصان الرابح وكنتم عند حسن الظن وطبعا تفسير كل هذا بالصور في بوست الدمار الصاح
| |
|
|
|
|
|
|
Re: الأعزاء بورداب أمريكا ،،، جاييكم إن شاء الله يوم 28 سبتمبر ،،، أخيرا راح أشوفكم عن قرب ،،، (Re: Mutwali Malik)
|
Quote: للتنسيق اتصل بي علي الرقم 2408986651 لمعرفة البرنامج وملاقاة الجميع |
الذ حاجه بفتش لتلفون متولى لى فترة اها امس لمن كتب الرقم قمته كتبتو واتصلت عليهو اليوم قام رده على صاموتى وصاموتى ده حبيب الكل راجل بركه خلاص اها عموما متولى مديهو وصيه بانو فى زول حيتصل عليهو جاى من قطر اها اتصلت جرس جرسين صاموتى قام رد على التلفون قمته سلمت عليهو وسالتو من متولى قال لى والله متولى ده طلع ليهو مشوار وقال لى انك حتتصل عليهو انا طوالى قمته ركبته مكنه محمد خليل وداك يا سلام وديك يا مقارنه مابين قطر وامريكا قريب العشره دقايق انا بتكلم معاهو اها فى النهايه قلته ليهو ياخى معاك سامى والله حكايتك حكاية يا صاموتى
| |
|
|
|
|
|
|
Re: الأعزاء بورداب أمريكا ،،، جاييكم إن شاء الله يوم 28 سبتمبر ،،، أخيرا راح أشوفكم عن قرب ،،، (Re: Alsa7afa_30)
|
Quote: سألوني هل يمتون لك بالقرابه أو المجاورة أو أنتم من مدينة واحدة قلت لهم نعم نحن من دولة واحدة هي سودانيز أونلاين التى جمعتنا بكل الحب والتصافي لم يصدقوا أنها المرة الأولى التى ألتقى فيها بعبدالله وبنت الماحي لكن ذهولهم زال بعد سردي لتاريخ هذا المنبر وذكرياتي مع ذلك البوست رحلة العمر هذا البوست الذى زاد صداقتي ومعرفتي بالعديد من البورداب وحتى هذه اللحظة وحتى الممات
شكرا عبدالله أبو شوارب شكرا هبه الماحي شكرا لكما على هذا الإستقبال الطيب |
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
,نعم وهذا ما يتميز به هذا المنبر.. تجد اخوة واخوات لك لم تراهم من قبل ولم تلدهم امك ولكن عندما تقابلهملأول مرة وكأنك تعرفهم منذ سنوات,, وهذا ما فهمته من تعليقك المعبر... ومرحب بك في الولايات المنحدة الأمريكية والله يديك العافية
| |
|
|
|
|
|
|
|