طـــــــــــــــــواقـــــــى الخـــــــــــــــــــــــوف ,,,,, جديد القدال ,,, شئ عجيب ,,,

نعى اليم ...... سودانيز اون لاين دوت كم تحتسب الزميل معاوية التوم محمد طه فى رحمه الله
الاستاذ معاوية التوم في ذمة الله
رابطة الاعلاميين بالسعودية تحتسب الاعلامي معاوية التوم محمد طه
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 11-12-2018, 09:26 PM الصفحة الرئيسية

مدخل أرشيف الربع الرابع للعام 2010م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
27-12-2010, 02:19 PM

كمال سالم
<aكمال سالم
تاريخ التسجيل: 13-02-2008
مجموع المشاركات: 4785

للتواصل معنا

FaceBook
تويتر Twitter
YouTube


طـــــــــــــــــواقـــــــى الخـــــــــــــــــــــــوف ,,,,, جديد القدال ,,, شئ عجيب ,,,

    فى إيميلى وجدت هذه القصيده قبل دقائق وقد أهدانى لها الأخ الصديق محمد طه القدال ..
    للقدال التحيه ,,


    Quote: طواقي الخوف
    محمد طه القدال 9ديسمبر 2010م

    ما خايف المطر
    يتحاشى الضهاري الراجية قولة خيرا
    ولا خايف المطر
    يمشي على الصحاري تلمو في بشكيرا
    ولا خايف العشم
    يتناسى العشامى ونيما ياكل نيرا
    ولا خايف النفس
    تتذكر نفسها وتنسى يوم حِدّيرا
    خوفي على البلد
    الطيب جناها وقمنا في خُديرا
    شاحدك يا كريم
    لا تحصل خراب لا أرجى يوم ودّيرا
    ***
    وانا ما بجيب سيرة الجنوب.
    عيال بتسرح للمدارس ..
    والفطور نجماً بعيد.
    بنوت بتجري
    على الخطاطيب الخطاطيف
    البتجرح ..
    والعريس نجماً بعيد.
    الدكاكين التملا تفضي،
    السماسرة يسمسروا،
    والبسفو الطين ..
    يسفوا،
    والبحتّوا الراب ..
    يحتّوا،
    والبناطلين ليها سستم،
    والقوانين ليها سستم،
    البنوك الفيها بستم ..
    من سويسرا ولي ماليزيا
    بالسفارات
    والعمارات
    والخبارات .. .
    انا كنت متغطي ..
    ومتدفي،
    العمة ملوية،
    والشال على كتفي.
    سودان وكان ما كان
    سودان علي كيفك
    السكة ساعة إيد
    والأرض مروية
    والناس حنان وظراف
    والراح يجيك ..
    للحول
    والخدمة مظبوطة
    مظبوطة مدنية
    والدنيا حرية
    الماشي درب الكار يغور
    والتاب من التمباك يتوب..!
    انا مابجيب سيرة الجنوب.
    الغبّوا عرفوهو
    والعرفو سوّوهو
    والسووا بلقوهو ..
    ......
    أصبحت زي الزول
    قادل بوسط السوق
    سروالو نصلوهو
    لو العِرق مسروق
    أو قلبي نشلوهو
    طعم الكضب مسلوق
    ماسخ تضوقوهو
    لو فمي ما مطلوق
    أو كمي غسلوهو
    ياني البسوي القوق
    قولي البتابوهو
    ماعندكم دمي
    ما عندهم دمي
    من دمي لا لا لا
    ماقدروا فصلوهو.

    وانا ما بجيب سيرة الجنوب؟
    قول استقلْ ..
    انا في صفوف الزوق
    واقف مع الواقفين مزنوق بهنِّيهو
    ويهنوهو
    أواستقال ..
    ودا أول الأحزان
    أو قالوا باعوهو
    ودا ياهو قطِّيع القلوب
    أنا ما بجيب سيرة الجنوب،
    فالسيرة كمين ألف عام
    لوني المحرق مندوكور
    وشكلي شكلين
    شكل منقة
    وشكل تور
    دمي المشتت من قبايل نوح وحام
    شعري المقرقد زي حصايا
    اتشتت فوق الدروب
    كتفي المهدل بالعيوب
    وانا ما بجيب سيرة الجنوب
    أصل البقت
    من ساس وسايس أو يسوس
    ياها البقت
    خلونا من حرب البسوس
    الفاضلة
    تكفير الذنوب
    الفاضلة لمليم البشاتن
    والمعاطن
    والخبوب
    الباقي
    مايخموكا تاني على
    الدفافير والكناتر والحروب

    الباقي تعظيم التماسك
    في الخطوب
    لا نافع الشَّدة العلوق
    ولا نافع المبقوص يحوق
    لا بنفعك عَرَق الزنوج
    ولابرقعك لبن العروب
    إلا الوقوف ألفاً ضكر
    واحد براك
    في الشيمة تلفحك الهبوب
    الغيمة تديك
    للسفاسف
    والعواصف
    والمطر
    برطع مع الأفعال
    وادخل على التاريخ
    يغلب أجاويدك
    من قرقريب عوسك
    اخرِج من التاريخ
    شيخك وعربيدك
    لا نافعك التكفير
    ولانافعك التوبيخ
    فامشيه وحيدك
    وامرق على التاريخ
    تلقاه في السهلات
    مستني كمسيدك
    لا بيظلم التاريخ
    ولا يرحم التاريخ
    إياه عوس ايدك.

    والأرض موقوت القنابل
    في الحدود
    والأرض منهبة الثعالب
    والطحالب
    والجيوش
    باليوناميد
    واليوناميس
    والفُرقة بينات القبايل
    والشتايم في المنصات
    والشراكة الفي
    المكايد
    والخناجرفي الحناجر
    والمنابر ..
    آه من تلك المنابر،
    إنداية كرتلة وبنابر
    والجرايد
    داقة طارات المدايد
    الصَدَق في الناس كذوب
    الساسة نِيّام العسل
    بين انتباهة
    وغفلتين
    بين السلاطين والحبوش
    والشلاتين
    والقرايب
    فين حلايب؟
    واللي بنى الأرض كان في الفرض سوداني
    عيني عليها
    اتمزعت
    حتة في قلبي
    وحتة ف غصتي .. تاني
    آدي اسرائيل في النيل
    بكِّيني ولعبطني
    والنيل أدنداني
    إحنا حبايب في الطيّبة والآه؟
    آ.
    غنيلي ورقصني ؟
    طيب.
    بسِّ سمعني آه الآه في وداني.
    ***
    أنقد السُقا وما بينصلح وكَّايو
    وانكشح اللبن ما بينفعِن بكَّايو
    بعدن بى الدروب مابقصِّرِن تكَّايو
    والشاكي النقاص ناقص قمح شكَّايو
    ***
    وانا لا بجيب سيرة الجنوب
    ولا أكلوني
    إذا ما أكلو التور الأبيض ..
    (الأرض في الجزيرة)
    وبدر الله فوق سماهو
    يا ساسا يابساحوتة
    مكوار حبس مياهو
    عطشت قبايل ابقوتة؟
    البودة في خلاهو
    والأرضة في بيوتا؟
    الزول رِبَت كلاهو
    سمينة بي مقوتا
    يا تمت المعاهو
    أو خلصت الحدوتة
    وانا لا بجيب سيرة الجنوب
    ولا أكلوني
    إذا ما أكلو التور الأبيض ..

    ***
    يدر الله يابسلوكة
    سلوكة الجزيرة
    كل يوم فينا بتنتش
    سكك الحديد بي كم؟
    بي كم بيت المفتش؟
    والبيع بيعة عدوكا
    بعت الأرض بترابا؟؟
    باكر تبيع أبوكا
    وان مُتْ من تُخمة باكر
    ناس الشرق يبكوكا
    وناس الغرب يبكوكا
    ناس الشمال يبكوكا
    وناس الجنوب يبكوكا.
    وانا لا بجيب سيرة الجنوب
    ولا أكلوني
    إذا ما أكلو التور الأبيض ..
    ***
    حمدتكم بالجاية
    والجاية فوق الجاية
    وعسكري الجباية
    قلبو الحجر اللداية
    ***
    بشرتكم بالسادة
    والسادة بعد السادة
    وجرادة فوق جرادة
    من دوكة لام كدلدة
    ***
    حمدتكم بالواقعة
    والصاقعة جنب الصاقعة
    مقدودة مالها راقعة
    والدمعة صابة وناقعة
    ***
    بشرتكم بالتوية
    والصبنة لي الدامبوية
    في الحلة دي ام كدوية
    ما تقعدوا شدرة موية
    ***
    والأرض لا حليوة
    ولاها دي الجزيرة
    الأرض أمات الحنين
    لو نقط الضحوي البريق،
    في الحين تبتق شهوتِن.
    تحبل
    كما الأمات
    وتشرق بالوحم
    لو تسعة الميلاد بتمرق بالسنين،
    أو دي الشوارع بالبنات متحينة،
    ترسل تراتيل الخروج في يوم
    وتقطع سرتِن.
    الأرض تعريف الهديل
    هدل الحمام بشري
    وشوق السلام انسان
    بالحيل بيعرف أنَّتِن
    والأرض شافت
    إلا خافت
    من عيون الليل
    تناجي حبيب
    غريب في الليل
    وتفرز غنوتِنْ.
    زي بذرة في جوف الأرض
    أو ضحكة عند طرف القلب
    بتغني لو جات في العيون
    والضحكة لاقت مرقتِن
    الأرض منصوص الضمان
    حضن أمك الدافي وأمين
    ريحة حبيب
    جاياني من شمة حبيبتي وكرفتِن
    لو جاتا في يوم الهموم،
    في الحين تزغرد فرحتِن.
    أو حرقصت فوقها السموم،
    باكر تهبهب نسمتِن.
    والأرض ما بتعرف تنوم
    ترتاح
    وغابت جمتِن
    بس تدِّي مدين للعديم
    بالمدة تحفظ ذمتِن
    ***
    هن مارقات خلاهِن
    ما مارقات بَراهِن

    لي بصاص حِداهِن
    إو قصاص بِراهِن

    هن مارقات تراهِن
    تريانات تراهِن

    الخوف ما حَماهِن
    من شوفة حِماهِن

    طمانات جناهِن
    بي لبنا معاهِن

    يوم الشينة جَاهِن..
    مرقن ليهو جَاهِن

    بالعز المبطَّر
    والزوق الشَفاهِن

    لا حايدات مداهِن
    لا قايدات عماهِن

    وما كشحن بلاهِن
    فوق زولاً أباهِن

    لو الضيم رماهِن
    هِنْ ياهِنْ
    وما هِنْ.
    ***

    وانا لا بجيب سيرة الجنوب
    لاني زول بالمرة خايف
    إلا شايف
    إلا شايف
    إلا شايف
    ***

    أنا شايف المطر
    يتحاشى الضهاري الراجية قولة خيرا
    وانا شايف المطر
    يمشي على الصحاري تلمو في بشكيرا
    وانا شايف العشم
    يتناسى العشامى ونيما ياكل نيرا
    وانا شايف النفس
    تتذكر نفسها وتنسى يوم حديرا
    وانا شايف البلد
    الطيب جناها وقمنا في شدِّيرا
    ...
    ...
    شاحدك يا كريم
    لا تحصل خراب لا أرجى يوم وديرا.



                   |Articles |News |مقالات |بيانات

27-12-2010, 02:39 PM

بله محمد الفاضل
<aبله محمد الفاضل
تاريخ التسجيل: 27-11-2007
مجموع المشاركات: 8617

للتواصل معنا

FaceBook
تويتر Twitter
YouTube


Re: طـــــــــــــــــواقـــــــى الخـــــــــــــــــــــــوف ,,,,, جديد القدال ,,, شئ عجيب , (Re: كمال سالم)

    توقيع حضور
    قبل قراءة النور
    الذي يتسرب من النور



    شكراً كمال
    لكما المحبات
    والتحايا
                   |Articles |News |مقالات |بيانات

27-12-2010, 03:44 PM

عبد المنعم ابراهيم الحاج
<aعبد المنعم ابراهيم الحاج
تاريخ التسجيل: 22-03-2005
مجموع المشاركات: 5691

للتواصل معنا

FaceBook
تويتر Twitter
YouTube


Re: طـــــــــــــــــواقـــــــى الخـــــــــــــــــــــــوف ,,,,, جديد القدال ,,, شئ عجيب , (Re: بله محمد الفاضل)

    Quote: لا نافع الشَّدة العلوق
    ولا نافع المبقوص يحوق
    لا بنفعك عَرَق الزنوج
    ولابرقعك لبن العروب
    إلا الوقوف ألفاً ضكر
    واحد براك
    في الشيمة تلفحك الهبوب


    التحية للقدال شكرا كمال .
                   |Articles |News |مقالات |بيانات

27-12-2010, 03:50 PM

DKEEN
<aDKEEN
تاريخ التسجيل: 30-11-2002
مجموع المشاركات: 6771

للتواصل معنا

FaceBook
تويتر Twitter
YouTube


Re: طـــــــــــــــــواقـــــــى الخـــــــــــــــــــــــوف ,,,,, جديد القدال ,,, شئ عجيب , (Re: عبد المنعم ابراهيم الحاج)

    ايوة كده ياكيمو
    متعنا ياخي.. ليمونة في هذا الطمام العاتي...

    والله لقد انقذت هذا اليوم من نهاية معفنة بهذا القدال..

    والله لو جبتها لينا مسجلة بي صوت هذا القدال..اديك مية ريال في ظل ظروفي السمحة دي..
                   |Articles |News |مقالات |بيانات

27-12-2010, 04:13 PM

DKEEN
<aDKEEN
تاريخ التسجيل: 30-11-2002
مجموع المشاركات: 6771

للتواصل معنا

FaceBook
تويتر Twitter
YouTube


Re: طـــــــــــــــــواقـــــــى الخـــــــــــــــــــــــوف ,,,,, جديد القدال ,,, شئ عجيب , (Re: DKEEN)

    نص مشبع..مريح
    Quote:
    رتكم بالسادة
    والسادة بعد السادة
    وجرادة فوق جرادة
    من دوكة لام كدلدة

    .
    ظني والعلم عند الشاعر انها (ام كدادة) ..واللام زوغة اصبع في كي بورد.

    تحيات وسلام شديد للقدال ..وابنرجاها ملحنة
                   |Articles |News |مقالات |بيانات

27-12-2010, 04:34 PM

كمال مبارك
<aكمال مبارك
تاريخ التسجيل: 18-08-2005
مجموع المشاركات: 1367

للتواصل معنا

FaceBook
تويتر Twitter
YouTube


Re: طـــــــــــــــــواقـــــــى الخـــــــــــــــــــــــوف ,,,,, جديد القدال ,,, شئ عجيب , (Re: DKEEN)

    شوف المقطع دا يا دكين



    Quote: بشرتكم بالتوية
    والصبنة لي الدامبوية
    في الحلة دي ام كدوية
    ما تقعدوا شدرة موية
    ***



    يا دكين تعرف ( الدامبوية ) ،، لا أعتقد


    يا أخى القدال ده ود جزيرة مقطع عديل كده ،، مجنون كلام

    سمعنا لها صوتاُ لوسمحت
                   |Articles |News |مقالات |بيانات

27-12-2010, 04:55 PM

كمال عباس

تاريخ التسجيل: 06-03-2009
مجموع المشاركات: 14245

للتواصل معنا

FaceBook
تويتر Twitter
YouTube


Re: طـــــــــــــــــواقـــــــى الخـــــــــــــــــــــــوف ,,,,, جديد القدال ,,, شئ عجيب , (Re: DKEEN)

    سلامات يا أخي كمال... القدال ينعي السودان!! ..القدال يرثي وطنا تقطعت أوصاله و تفتت ترابه
    ولم يبقي سوي البوم ينعق علي قمة دولته واللصوص ينهبون ثروته والبشير يوقع في صكوك تصفيته .... فمتي ينهض شعبه وينتزع زمام أمره متي>? !!.
    شوف اللوحة الجميلة دي
    Quote: انا كنت متغطي ..
    ومتدفي،
    العمة ملوية،
    والشال على كتفي.
    سودان وكان ما كان
    سودان علي كيفك
    السكة ساعة إيد
    والأرض مروية
    والناس حنان وظراف
    والراح يجيك ..
    للحول
    والخدمة مظبوطة
    مظبوطة مدنية
    والدنيا حرية
    الماشي درب الكار يغور
    والتاب من التمباك يتوب
    ..!
    ..........
    وشوف الصورة الكئيبة دي ............
    Quote: أصبحت

    زي الزول
    قادل بوسط السوق
    سروالو نصلوهو
    لو العِرق مسروق
    أو قلبي نشلوهو
    طعم الكضب مسلوق
    ماسخ تضوقوهو
    لو فمي ما مطلوق
    أو كمي غسلوهو
    ياني البسوي القوق
    قولي البتابوهو
    ماعندكم دمي
    ما عندهم دمي
    من دمي لا لا لا
    ماقدروا فصلوهو.

    وانا ما بجيب سيرة الجنوب؟
    قول استقلْ ..
    انا في صفوف الزوق
    واقف مع الواقفين مزنوق بهنِّيهو
    ويهنوهو
    أواستقال ..
    ودا أول الأحزان
    أو قالوا باعوهو
    ودا ياهو قطِّيع القلوب

    أنا ما بجيب سيرة الجنوب،
    .............

    (عدل بواسطة كمال عباس on 27-12-2010, 04:56 PM)

                   |Articles |News |مقالات |بيانات

27-12-2010, 05:18 PM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29123

للتواصل معنا

FaceBook
تويتر Twitter
YouTube


Re: طـــــــــــــــــواقـــــــى الخـــــــــــــــــــــــوف ,,,,, جديد القدال ,,, شئ عجيب , (Re: كمال عباس)

                   |Articles |News |مقالات |بيانات

27-12-2010, 05:30 PM

خضر حسين خليل
<aخضر حسين خليل
تاريخ التسجيل: 18-12-2003
مجموع المشاركات: 15087

للتواصل معنا

FaceBook
تويتر Twitter
YouTube


Re: طـــــــــــــــــواقـــــــى الخـــــــــــــــــــــــوف ,,,,, جديد القدال ,,, شئ عجيب , (Re: ناذر محمد الخليفة)

    Quote: الأرض أمات الحنين
    لو نقط الضحوي البريق،
    في الحين تبتق شهوتِن.
    تحبل
    كما الأمات
    وتشرق بالوحم
    لو تسعة الميلاد بتمرق بالسنين،
    أو دي الشوارع بالبنات متحينة،
    ترسل تراتيل الخروج في يوم
    وتقطع سرتِن.
    الأرض تعريف الهديل
    هدل الحمام بشري
    وشوق السلام انسان
    بالحيل بيعرف أنَّتِن
    والأرض شافت
    إلا خافت
    من عيون الليل
    تناجي حبيب
    غريب في الليل
    وتفرز غنوتِنْ.
                   |Articles |News |مقالات |بيانات

27-12-2010, 05:37 PM

شكرى سليمان ماطوس
<aشكرى سليمان ماطوس
تاريخ التسجيل: 07-11-2006
مجموع المشاركات: 2621

للتواصل معنا

FaceBook
تويتر Twitter
YouTube


Re: المؤتمرجى د. بادى (Re: خضر حسين خليل)

    كمال، لكم و الضيوف ألف تحية

    شكرا للقدال و لإبداعات أشقائه



    أشاركم بملحمة الشقيق د. بادى الملتهبة

    hl=en_US&rel=0">hl=en_US&rel=0" type="application/x-shockwave-flash" allowscriptaccess="always" allowfullscreen="true" width="640" height="385">







    ش
                   |Articles |News |مقالات |بيانات

27-12-2010, 05:58 PM

فتحي الصديق
<aفتحي الصديق
تاريخ التسجيل: 17-06-2003
مجموع المشاركات: 6024

للتواصل معنا

FaceBook
تويتر Twitter
YouTube


Re: طـــــــــــــــــواقـــــــى الخـــــــــــــــــــــــوف ,,,,, جديد القدال ,,, شئ عجيب , (Re: خضر حسين خليل)

    والأرض ما بتعرف تنوم
    ترتاح
    وغابت جمتِن
    بس تدِّي مدين للعديم
    بالمدة تحفظ ذمتِن
    ***
    هن مارقات خلاهِن
    ما مارقات بَراهِن

    لي بصاص حِداهِن
    إو قصاص بِراهِن

    هن مارقات تراهِن
    تريانات تراهِن

    الخوف ما حَماهِن
    من شوفة حِماهِن

    طمانات جناهِن
    بي لبنا معاهِن

    يوم الشينة جَاهِن..
    مرقن ليهو جَاهِن

    بالعز المبطَّر
    والزوق الشَفاهِن

    لا حايدات مداهِن
    لا قايدات عماهِن

    وما كشحن بلاهِن
    فوق زولاً أباهِن

    لو الضيم رماهِن
    هِنْ ياهِنْ وما هِنْ.

    حضور في حضرة الأرض والقدال ..
    شكرا يا كيمو
    ..
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de