|
Re: ضابط بالحرس الجامعي يضرب فتيات ويركلهم برجله ويسبهن ويشتمهن - فيديو (Re: اساسي)
|
الأخ الكريم / اساسي
تحية طيبة
هذا العمل الغير كريم والغير حميد، من رجال في بلد قال عنهم النبي (انهم في رباط الي يوم القيامة) يدل علي مستوي الانحدار في اخلاق رجال الشرطة والأمن، وهو عمل مشين واذا ارتضت الدولة المنسوب لها هذا الشرطي ما يقوم به من اذلال امهات الغد، اخوات اليوم شريكات حياة المستقبل، فقل علي الدنيا والدولة ومن يقف علي رأسها السلام.
مودتي:
ملحوظة: عنوانك فيه شوية التباس، لو وضعت له بين قوسين تعريف باسم الدولة التي مورس فيها هذا الفعل لكان جيدا..
| |
|
|
|
|
|
|
Re: ضابط بالحرس الجامعي يضرب فتيات ويركلهم برجله ويسبهن ويشتمهن - فيديو (Re: كمال سالم)
|
قبيل رفعت البوست شلاقة بس يا ج اساسي عشان اشوف عدد الكليكات الحا تجي فيهو خاصة وانه من قبل شهرين ونيف مشاهداتو اربعمائة الا قليل هسع ما شاء الله وصلت الف وعشرينات ..
Quote: . قلنا نرفع البوست لمزيداً من الكلكات والمشاهدة كما هو متوقع هذه الايام :) |
المهم هزاني هتاف البنات ديل زي ما هزاني هتاف بناتنا واخواتنا في المعتقل بالامس زي ما شفنا في الفيديوهات النازلة هنا - الجدير بذكره انو انا ايضاً لم تهزني قصيدة الصحفي خضر عطا المنان - ما علينا لكن الموضوع شكلوا متجذر في نظام حكم غير ديموقرطي واينما كان
العزيزكمال سالم تحياتي ياملك
البوست دا فاتحو اساسي زي ما شايف التاريخ شهر عشرة يعني لا علاقة ليهو بما يدور الان .. لكن انا بشلاقتي الخاصة رفعتو لغرض وقرايتي بشوف انه برضو ليهو ارتباط بما حصل قبل كم يوم بالخرطوم .. فشرطة الحزب الوطني الحاكم في مصر منفردة وتجييير للفساد الحاصل وشرطة المؤتمر الوطني الحاكم في السودان وتجيير برضو للفساد لا تنفصل خاصة وانه حزب المؤتمر الوطني الحاكم في السودان بيحاول ينقل تجارب الحزب الوطني الحاكم في مصر بضبانتها .. بل ويسعي لانشاء مراكز قوة زي ما بيحصل ف مصر ويكون اصحاب السعادة والنيافة محميوون بالقانون والشرطة والقهر والذل والانتهاكات تُطبق علي الفقراء والضعفاء.. وفي مقدمتهم طبعاً النساء مع الاخذ في الاعتبار انه انفراد مصر بتجربتها دي دفعت المؤتمر الوطني لاقتباس الكثير منها اولها انها ضمت ليها كل اصحاب الفساد والانتهازيين حتي يشكلوا ليها سند حقيقي دفاعاً عن مصالحهم وللآن البنشوفوا في الشارع السوداني هو وجه حقيقي من اصحاب المصالح الانتهازيين لتبرير انتهاكات حقوق الانسان وتبرير غلاء المعيشة والفساد الحكومي والتفريط في الارض وغيره باسم الاستهداف الخارجي بل وصلت مرحلة انه مسئوليين كبار علي سدة الحكم يمارسوا التعريض والقذف والتشهير علي المواطنيين بهدف التبرير للممارسات الخاطئة والرعناء لمنسوبيهم في ظل اجحاف القانون وانعدام النظام والعدالة
| |
|
|
|
|
|
|
|