يعلم الله كنت اعلم ان هذا سيتم ولو انتبهته يا خضر في احد مدخلاتي...... كتبت بانه سيتم ابتزازها ومتوقع تصويرها عاريه يعلم الله كتبته وكنت اتوقع امثال تصرفاتهم هذه!!
Quote: تم في يوم الاربعاء المنصرم استدعاء فتاة الفيديو وتم تهديدها وتعريتها امام شقيقها
ووالدتهاووضع اسمها في قائمة المحظورين من السفر خارج البلاد
ومراقبة منزلها.
12-21-2010, 02:30 AM
Tragie Mustafa
Tragie Mustafa
تاريخ التسجيل: 03-29-2005
مجموع المشاركات: 49964
........... من غرائب الأمور أن يرفض البشير التحقيق الذي قررته إدارة الشرطة والقضاء في حادثة الجلد ويصمت بعضا ممن كانوا ينادوا بالتحقيق والمحاسبة!! والاغرب أن يفتي المشير البشير بضرورة أن يراجع كل من إمتعض أو خجل من حادثة فيديو الفتاة - أن يراجع إسلامه ويغتسل ويصلي ركعتين ويعود للإسلام وهي فتوي تضع إسلام بعضا من أنصار الإنقاذ أنفسهم- ممن أستهجنوا طريقة الجلد- في محك?!! والاغرب أن يزعم رئيس الجمهورية أن الجلد كان في جريمة حدية وهو زعم ينافي الحقيقة مما يعد قذفا صريحا في حق الفتاة ومع هذا صمت البعض عن الكلام المباح ولم يدينوا رئيس جمهورية آخر الزمن!! .........
من أشكال التعذيب الموثقة في بيوت الأشباح: التهديد بإغتصاب الزوجة أمام زوجها
في محاكمة المتهمين بقتل الصحفي محمد طه محمد أحمد تمت تعرية أم أحد المتهمين أمام إبنها
Quote: اكدت شاهدة الاتهام الثالثة (حواء محمد عيسى) والدة المتهم صابر انها حضرت للخرطوم من منطقة عسلاية لغرض العلاج وذهبت لمنزل ابنها صابر في مايو ووجدته (عفشو مجدّع برة) وعادت الى منزل قريبهم آدم عبدالمجيد. وذكرت انها تم القبض عليها وامضت بالسجن (33) يوماً وخلال التحقيق تم عرضها امام ابنها بعد ان جُردت من ثوبها وجلبابها وشاهدها صابر وهرول الى الداخل.
وفي شهادة ضحية تعذيب آخر
Quote: جاءنى المدعو (تبيدى) ..مشمرا ساعد جلبابه : :خش المكتب ده .. واشار الى باب مكتب فى مقابلتى.. دخلت المكتب .. قال لى : انت عامل فيها رأسك قوى؟ الليلة انا بوريك.. اغلق باب المكتب (بالمفتاح) .. كانت الساعة حوالى الثانية عشر ونصف ظهرا.. بدأ حديثه معى مهددا : (نحن عارفين اختك فى دنقلا ..بنجيبها ون قدامك هنا.. (وبالفعل كانت اختى الوحيدة والكبرى تدرس فى نفس الجامعة ..فى السنة الثالثة)... وبرضو عارفين (حبيبتك ) (.......) داير تشوفها قدامك هنا (........) ؟ ...ثم استطرد: خليك من ديل ..انت زاتك كيف؟
التعرية والتحرش الجنسي
وتصوير الضحايا لإبتزازهم
جرائم متكررة ضد الضحايا
أجهزة أمن الإنقاذ
الباقر موسى
12-21-2010, 06:29 AM
أحمد ابن عوف
أحمد ابن عوف
تاريخ التسجيل: 04-26-2010
مجموع المشاركات: 7610
سلام يا دكتورة الشئ المؤسف سودانيز او لاين بقى فيه كذب كثير وتلفقيق اكثر وعدم إحترام لعقول القراء ، وإذا كان ديل ياهم المناضلين معناها حكومة الإنقاذ دي عند تاني 100 سنة لقدام . شئ عجيب ؟؟؟؟؟؟
Quote: سلام يا دكتورة الشئ المؤسف سودانيز او لاين بقى فيه كذب كثير وتلفقيق اكثر وعدم إحترام لعقول القراء ، وإذا كان ديل ياهم المناضلين معناها حكومة الإنقاذ دي عند تاني 100 سنة لقدام . شئ عجيب ؟؟؟؟؟؟
والله وما طالبني حليفة مرات قاعدة اشك في سلامة عقول الناس دي
خلاص الاعمى شايل المسكر وهاك يا شجب وقصص يارب اسع الناس دي بالجد بصدق الكلام دا؟
وذي ما قلت انعم بطولة سلامة يا مربع من جنس ديل الحبة ما بتجيك
Quote: يعلم الله كنت اعلم ان هذا سيتم ولو انتبهته يا خضر في احد مدخلاتي...... كتبت بانه سيتم ابتزازها ومتوقع تصويرها عاريه يعلم الله كتبته وكنت اتوقع امثال تصرفاتهم هذه!!
ماحدث ليس مستغربا من هذا النظام وهذه كانت ضربة استباقيه كما اشرت في بداية البوست
حتى لايتكرر ماحدث من الاستاذه لبني حسين , وحيث ان لبني حسين ظهرت في القنوات الفضائيه
من داخل السودان وحتى عندما حوكمت تم اسقاط عقوبة الجلد عنها واستبدالها بالغرامه
والتي قام النظام بتسديدها , ووجدت من مهد لها طريق الخروج ومن مطار الخرطوم
فمن لهذه الفتاه المسكينه واسرتها؟؟؟
12-21-2010, 11:38 AM
خضر الطيب
خضر الطيب
تاريخ التسجيل: 06-24-2004
مجموع المشاركات: 10075
Quote: ........... من غرائب الأمور أن يرفض البشير التحقيق الذي قررته إدارة الشرطة والقضاء في حادثة الجلد ويصمت بعضا ممن كانوا ينادوا بالتحقيق والمحاسبة!! والاغرب أن يفتي المشير البشير بضرورة أن يراجع كل من إمتعض أو خجل من حادثة فيديو الفتاة - أن يراجع إسلامه ويغتسل ويصلي ركعتين ويعود للإسلام وهي فتوي تضع إسلام بعضا من أنصار الإنقاذ أنفسهم- ممن أستهجنوا طريقة الجلد- في محك?!! والاغرب أن يزعم رئيس الجمهورية أن الجلد كان في جريمة حدية وهو زعم ينافي الحقيقة مما يعد قذفا صريحا في حق الفتاة ومع هذا صمت البعض عن الكلام المباح ولم يدينوا رئيس جمهورية آخر الزمن!! .........
كما هو واضح بان رئيس النظام يدين نفسه ويفضحها امام الملأ
بهذا القول اللامسئول وهو يحاول من خلال حديثه هذا ان يغطي
سوءاته والتي لاتغطيها كل اوراق التوت , وهذه هي فرفرة المذبوح
وهو لايعلم بان كل الذي وراء ماحدث ويحدث هي مراكز القوه داخل النظام نفسه
والتي ستقوده لحتفه قريبا.
12-21-2010, 01:55 PM
المكاشفي الخضر الطاهر
المكاشفي الخضر الطاهر
تاريخ التسجيل: 08-08-2004
مجموع المشاركات: 5644
الاخ الباقر تحياتى كان اهل الدين فى السودان ارق افئدة وان شجو بالعظم. كانو متسامحين عافون عن الناس كاظمون للغيظ. ولكن ابتلينا فى قيامة الانقاذ هذه باولئك التتر. لاتستبعد الشنق والوأد فى هذا الزمان الكالح.. خضر سلام مربع،،،
12-21-2010, 02:41 PM
الشفيع وراق عبد الرحمن
الشفيع وراق عبد الرحمن
تاريخ التسجيل: 04-27-2009
مجموع المشاركات: 11406
اولا طظ فى المعارضه كلها .................................
سؤالى هل تشكين فى ان الانقاذ ممكن تعرى بنت اوولد ..يمكن اجيب ليك عشره امثله لناس لا اشك ابدا فى كلامهم تمت تعريتهم او تعريه امهاتهم امامهم ومنهم من هو فى حاله نفسيه الى الان ولكن عشان خاطرك ممكن اخليك تقابليهو وتتكلمى معاهو رغم ذهللتو الان الهو فيها ولم يتعالج الى الان ؟ ولكن عشان خاطرك ممكن ارتب ليك لقا معاهو ؟
هل تستبعدى من الانقاذ فعل ذلك ؟اذا كانت الاجابه نعم رجاء ذكر الاسباب؟
يعني د. عمل النجيب كان عذبوه بي هدومه؟؟ المهم مش لو عذبوا البت ولا عروها لو ضربوا راسهم في الحيطة القانون ده حيسقط وأقول ليكم حاجة هم ذاتهم حيسقطوا عشان كدة ده نوع من الجقلبة
وبالمناسبة هم إستدعوا ناس كثار في ناس هددوهم وفي ناس قالوا ليهم إتعاونوا معانا وحاجات كثيرة لكن المهم ده كلوا ما في صالحهم وعادة الأستكبار بيوصل للهاوية وهم قربوا خالص
12-21-2010, 04:24 PM
Amani Al Ajab
Amani Al Ajab
تاريخ التسجيل: 12-18-2009
مجموع المشاركات: 14883
Quote: البثير العجب كلامي ولا كلام المناضل خصر الكضاب دا؟
بالجد ناس مساكين عايزين اي قشة تتعلقوا بيها لو كان جلد بنت..
الحبيبة دكتورة نجاة لك التحية والتقدير .. أتستغربين ذلك من جهاز أمن سلطة البطش !؟
ماحدث هو سلوك وممارسة روتينية متبعه لجهاز الأمن منذ استلاء هذا النظام على السلطة..
هذه جزء من رسالة العميد (م ) محمد أحمد الريح حدثت في سودان الإنقاذ وليس كوكب المريخ!!
Quote: تعرضت سخصياً للإغتصاب وادخال أجسام صلبة داخل الدبر، وقام بذلك النقيب عاصم كباشى واخرون لا أعرفهم. الاخصاء بضغط الخصية بواسطة زردية والجر من العضو التناسلى بنفس الآله وقد قام ذلك النقيب عاصم كباشى عضو لجنة التحقيق. الضرب باللكمات على الوجه والرأس وقام به أيضاً المدعو عاصم كباشى ونقيب آخر يدعى عصام ومرة واحدة رئيس اللجنة والذى التقطت أسمه وهو عبدالمتعال. القذف بالالفاظ النابئة والتهديد المستمر بإمكانية إحضار زوجتى وفعل المنكر معها أمام ناظرى بواسطة عاصم كباشى وآخر يحضر من وقت لآخر لمكان التحقيق يدعى صلاح عبدالله وشهرته صلاح قوش. وضع عصا بين الارجل وثنى الجسم بعنف الى الخلف والضرب على البطن وقام به المدعو عاصم كباشى والنقيب محمد الامين المسئول عن الحراسات وآخرين لا اعلمهم. - الصعق بالكهرباء وقام به المدعو حسن والحرق باعقاب السجائر بواسطة المدعو عاصم كباشى.
يمهل ولا يهمل..
12-21-2010, 04:52 PM
خضر الطيب
خضر الطيب
تاريخ التسجيل: 06-24-2004
مجموع المشاركات: 10075
Quote: سؤالى هل تشكين فى ان الانقاذ ممكن تعرى بنت اوولد ..يمكن اجيب ليك عشره امثله لناس لا اشك ابدا فى كلامهم تمت تعريتهم او تعريه امهاتهم امامهم ومنهم من هو فى حاله نفسيه الى الان ولكن عشان خاطرك ممكن اخليك تقابليهو وتتكلمى معاهو رغم ذهللتو الان الهو فيها ولم يتعالج الى الان ؟ ولكن عشان خاطرك ممكن ارتب ليك لقا معاهو ؟
هل تستبعدى من الانقاذ فعل ذلك ؟اذا كانت الاجابه نعم رجاء ذكر الاسباب؟
ولك الود والاحترام
.
سلامات يا عمر ويا اماني لانقاذ دي ممكن تعمل اي حاجة شيطانية في الدنيا دي
لكن البت دي خلاس استنفذتها المعارضة تماما
الكلام الكتبوا مسليمة دا كلام ما لافق وكذب وما عنده معنى
لازم الناس لو عايزة تعارض تبقى موضوعية وتخلي العك دا
القصة الفوق دي اي زول يصدقها لازم يعمل فحص لمخو
بالجد كرهتا تفاهة الثوار
12-21-2010, 05:21 PM
خضر الطيب
خضر الطيب
تاريخ التسجيل: 06-24-2004
مجموع المشاركات: 10075
ممكن سؤال فى موضوع محيرنى شديد : انتى ناس الحزب الشيويعى ديل مشكلتك شنوا معها فى مشكلة شخصية : تانى ناس المعارض برضوا مشكلة شنوا معاهم
قبل الاجابة : ما ظنيت انا عامر جابر دة زول بحب الكيزان ولا الناس العندهم مصالح مع الكيزان ولا العندهم فى الاسرة كيزان , لكن لا احمل ضغينه شخصية عليهم ,
ولا اطاردهم فى كل ماكان ,, علشان نفهم لانوا لمن تقولى معارضة (( فى ناس بتدخليهم ساى فى الموضوع لا يد لا كراع ))
لانو تانى عندى ليكى سؤال
12-21-2010, 05:39 PM
SAMIR IBRAHIM
SAMIR IBRAHIM
تاريخ التسجيل: 01-05-2007
مجموع المشاركات: 2628
البشير يهدد الشعب السوداني بالجلد و القطع و التنكيل!!
عرمان محمد احمد
لقد انفصل جنوب السودان عن شماله، منذ التوقيع علي اتفاقية نيفاشا عام 2005 بناء علي رغبة اليمين الأمريكي، وعملاً بأحكام قانون (سلام السودان) الذي اصدره الكونغرس الأمريكي عام 2002 ، و بناء علي اوامر ادارة الرئيس الأمريكي الاسبق، جورج دبليو بوش. ولم تك (نيفاشا) اتفاقية سلام حقيقي، وانما هي (صفقة إنفصال) لجنوب السودان، رعتها الولايات المتحدة،من الألف الي الياء، لدرجة ان الأمريكان، دفعوا مصاريف إقامة، الممثلين و الكمبارس، الذين شاركوا في اخراج، مسرحية (السلام) في فنادق المنتجعات الكينية. الصفقة كانت ببساطة (انفصال الجنوب) مقابل عدم اسقاط نظام البشير، علي طريقة اسقاط نظام صدام في العراق، و الطالبان في افغانستان، لاسيما وان البشير وجماعته كانوا يستضيفون يوماً، زعيم تنظيم القاعدة، اسامة بن لادن. ولم تكن الفترة الإنتقالية، سوي فترة تمهيد،و اعداد لحكومة وجيش الجنوب، للقيام بمهام إدارة الدولة الوليدة. اما الإستفتاء ونتيجته،فيجئ من قبيل تحصيل الحاصل. ولم يكتف الامريكان بعد نيفاشا بفصل الجنوب، وانما طالبوا بالمزيد، وهو انفصال اقليمي دارفور وشرق السودان!! ومن المضحك الأن، ان يردد (د. نافع علي نافع) القيادي بـ(المؤتمر الوطني) في أجهزة الإعلام (ان جهود الابقاء على وحدة البلاد فشلت)!! أي جهود هذه؟
نفط .. وحدة.. أم شريعة؟
والمضحك اكثر ان (المشير) البشير ، عرض اخيراً علي الجنوبيين، كل حصة الشمال، من النفط، اذا هم قبلوا الوحدة مع الشمال. و الأغرب ان المتهم عمر البشير، المطلوب بواسطة المحكمة الجنائية الدولية، في جرائم حرب، وجرائم ضد الإنسانية، وإبادة جماعية،في دارفور، توعد اهل السودان الطيبين في الشمال، بالجلد بالسوط و بالقطع والتنكيل،بعدانفصال الجنوب، و قال في لقاء جماهيري، بالقضارف يوم امس الأحد20/12/2010 :(الحدود في الشريعة الإسلامية تأمر بالجلد والقطع والقتل)!!
حديث البشير عن الشريعة والحدود والجلد والقطع والقتل، في هذا الوقت بالذات، يكشف عن نواياه الإرهابية المبيتة، وهو بطبيعة الحال، حديث بائس، ويأئس، يهدف الي تسيس الشريعة والحدود، واستخدامهما، في إرهاب الشعب السوداني واذلاله، مثلما استخدمها الرئيس المخلوع بأنتفاضة عام1985 ( المشير) جعفر نميري، بهدف تغطية فضائح وجرائم وفساد نظامه الديكتاتوري، خاصة بعد تسرب صفقة تهريب اليهود الفلاشا الي اسرائيل، التي كانت وقتها مجرد اتهامات تتسرب، مثلما تتسرب الآخبار الآن بأختلاس (المشير) عمر البشير، لتسع مليار دولار، من اموال البترول التي لا يعرف احد شيئاً، عن تعاقداتها، واسرارها المغطاة.
تصدي وقتها لذلك العبث بأسم الشريعة والإسلام،عملاق الفكر السوداني، الأستاذ الشهيد محمود محمد طه، بكلمة ضافية، امام محاكم الظلم والجور، التي سميت بمحاكم العدالة الناجزة، ودفع حياته ثمناً لقول الحق. وجاء في كلمة الأستاذ الشهيد، التي ستبقي نبراساً مضيئاً، في تاريخ الشعب السوداني، ابد الدهر،ان تلك القوانين:
(( مخالفة للشريعة وللإسلام .. أكثر من ذلك ، فإنها شوهت الشريعة ، وشوهت الإسلام ، ونفرت عنه .. يضاف إلي ذلك أنها وضعت ، واستغلت ، لإرهاب الشعب ، وسوقه إلي الاستكانة ، عن طريق إذلاله .. ثم إنها هددت وحدة البلاد .. هذا من حيث التنظير .. و أما من حيث التطبيق ، فإن القضاة الذين يتولون المحاكمة تحتها ، غير مؤهلين فنيا ، وضعفوا أخلاقيا ، عن أن يمتنعوا عن أن يضعوا أنفسهم تحت سيطرة السلطة التنفيذية ، تستعملهم لإضاعة الحقوق وإذلال الشعب ، وتشويه الإسلام ، وإهانة الفكر والمفكرين ، وإذلال المعارضين السياسيين .. ومن أجل ذلك ، فإني غير مستعد للتعاون ، مع أي محكمة تنكرت لحرمة القضاء المستقل، ورضيت أن تكون أداة من أدوات إذلال الشعب وإهانة الفكر الحر ، والتنكيل بالمعارضين السياسيين)).
اذا قبل الجنوبيون عرض (المشير) البشير بالوحدة، مقابل (كل النفط ) فسيقبل هو بـ" التعدد الثقافي والاثني".. ! ولن تكون (الشريعة) بطبيعة الحال، هي (المصدر الرئيسي للدستور)! اما في حال انفصال الجنوب، فيقول المشير البشير: (سنقوم بتعديل الدستور لذلك لا مجال لحديث عن التعدد الثقافي والاثني).. و (ستكون الشريعة والاسلام هي المصدر الرئيسي للدستور.. وسيكون الاسلام هو الدين الرسمي للدولة وستكون اللغة العربية هي اللغة الرسمية للدولة.)!
يناقض البشير نفسه، و يؤكد بأقواله هذه، ان (جماعة الإنقاذ) في السودان لم تكن تحكم طيلة العقدين الماضيين بالشريعة!! وان الاسلام لم يكن (دين الدولة الرسمي) بالرغم من كل شعارات المزايدة بالدين، المرفوعة، في الميدان السياسي السوداني، منذ اكثر من عشرين عاماً هي عمر حكومة (الإنقاذ) !! ولذلك (سيكون) الاسلام في المستقبل، هو الدين الرسمي للدولة، اذا انفصل الجنوب!
فتاة الفديو وجهل البشير بالشريعة والقانون
وتتجلي تناقضات البشير، بصورةاكبر، في تعليقه علي حادثة (فتاة الفديو) التي اثار جلدها استياء واسعاً، داخل وخارج السودان، فيقول، في كلمته التي ألقاها يوم الاحد 20 /12/2010 بمدينة القضارف، ان فتاة الفديو (جلدت وفق حد من حدود الله)! فهل حقاً جلدت تلك الفتاة، في جريمة (حدية) وفقاً لأحكام الشريعة؟ ام انها جلدت، في جريمة غير (حدية)؟ وهل حوكمت تلك الفتاة وفقاً لأحكام الشريعة؟ ام انها حوكمت وفقاً لأحكام قانون (النظام العام) الجائر، الذي لا علاقة له بـ(حدود الله) و وضع أساسأً لإرهاب المواطنين وإذلالهم ؟ وهل من بين ( الحدود) جريمة يحاكم مرتكبها اومرتكبتها بـ الجلد (50) سوطاً،كما هي الحال في قضية فتاة الفديو؟
معلوم ان جرائم الحدود هي من اشد الجرائم انضباطاً ودقة في الإسلام، حيث قيدت الشريعة القاضي،تقييداً تاماً، والزمته بالحكم بمقتضى طرق محددة في الإثبات، وفي تنفيذ العقوبة، فمثلاً في جريمة الزني،حددت الآية 15 من سورة النساء،طريقة الإثبات بقوله تعالى: (واللاتي يأتين الفاحشة من نسائكم فاستشهدوا عليهن أربعة منكم)، اما اذ فشل الشهود الاربعة في اثبات رؤيتهم لحدوث فعل الزني كالمرواد في المكحلة، فيكونوا قد ارتكبوا جريمة القذف، بنص الاية 4 من سورة النور،و يطبق عليهم هم حد القذف، بمقتضي قوله تعالى ( والذين يرمون المحصنات ثم لم يأتوا بأربعة شهداء فاجلدوهم ثمانين جلدة ولا تقبلوا لهم شهادة أبداً وأولئك هم الفاسقون)!!
من الواضح ان (المشير) البشير لايفقه شيئاً عن االشريعة والحدود، وكيفية اثبات الجرائم الحدية، و تطبيق العقوبات المقررة عليها في الشريعة،وانما هو ديكتاور اشر، يحاول المزايدة بالشريعة،واستغلال (الحدود) في ارهاب الشعب، وتغطية جرائم ومفاسد نظامه، المصنف دولياً، كأضعف وأقل انظمة الحكم، شفافية في العالم .اكثر من ذلك فأن رئيس نظام(الإنقاذ) الديكتاتوري، تدخل في كلمته تلك بصورة سافرة، ومهينة، في اعمال القضاء الخاضع لسيطرة جماعته الديكتاتورية، فقال (في ماذا سيحققون؟)وذلك عندما شُكلت لجنة تحقيق في قضية حادثة جلد الفتاة المخجلة. الحق ان ما حدث لتلك الفتاة، من مخالفة للقانون وللشريعة والإسلام، امر لا يقبله رجل به مسكة دين او انسانية، او مروءة وشهامة. لكن البشير يري ان ( الذين يقولون إنهم خجلوا من هذا، عليهم أن يغتسلوا ويصلوا ركعتين ويعودوا للإسلام) ! وهكذا جاءت تصريحات هذا (الرئيس) البائس –كالعادة- غير مسؤولة، جاهلة، بعيد عن الحق، والعدالة و الانسانية، والنخوة والشهامة السودانية!!
القضية ببساطة ليست هي ( حدود الله) وإنما هي في تجاوز(المشير) البشير وجماعته لمبادئ العدالة، ومحاولتهم الباس الظلم الفادح المفضوح، ثياب(الشريعة وحدود الله)! البشير الذي لم يعهده اهل السودان صادقاً في يوم من الأيام، قال: (لن نجامل في حدود الله والشريعة الإسلامية) حسناً ماذا فعلت يا (امير المؤمنين) بشأن المسؤولين السارقين، ومختلسي المليارات، بحسب تقارير اجهزة حكمك الرسمية ؟ ماذ فعلت بشأن القتلة و منتهكي الحقوق، و مغتصبي النساء المسلمات، في اقليم دارفور؟ ماذا فعلت بشأن المفاسد المشهودة في نظامك الفاسد؟ ام ا ن شريعتك تقوم علي (مجاملة الأقوياء) مع إقامة (الحدود) زوراً وبهتاناً، علي الفتيات المستضعفات؟
البشير الذي ركع للأمريكان، واحضر القوات الأجنبية للسودان، وسلم إخوانه (المجاهدين) لأجهزة الاستخبارات الأجنبية ، يتحدث بلسان، ويفعل غير ما يقول. فبعد ان اعلن (الجهاد)علي الكفار في الجنوب، وزوج اخوانه (الشهداء المجاهدين) لبنات الحور، وبعد ان امتثل لأوامر الأمريكان، وسلم الجنوب لـ(كفار) الحركة الشعبية، قال في اللقاء المشار اليه، إن حزبه (المؤتمر الوطني) الحاكم (سيسعى إلى إقامة علاقة سلسة وتواصل وود وتكامل على الأصعدة كافة مع دولة الجنوب احتراماً للوشائج التي تربطنا).. ما هي الوشائج التي يمكن ان تربط دولة (الشريعة الإسلامية) بدولة (الكفار) الذين كانت تجاهدهم، لأنهم (يحادون الله ورسوله) في الجنوب؟ وكيف يكون التواصل والود، مع دولة الجنوب التي ستصبح( دار حرب) بمقتضي الشريعة التي ستتطبقها (الدولة الإسلامية) في الشمال؟ ثم هل رأي الناس مثل التخبط والإلتواء والتناقض؟
لئن كان هناك من يستحق الجلد و القطع في السودان ، فهو عمر البشير، واخوانه من الإرهابيين الذين مزقوا وحدة البلاد، وعاثوا ظلماً و فساداً في ارض السودان .. اما آن الأوان، لاقتلاع جذور هؤلاء، من علي هذه الأرض الطيبة؟
عرمان محمد احمد
21/12/2010
شكرا جميلا اخ عرمان
12-21-2010, 08:02 PM
خضر الطيب
خضر الطيب
تاريخ التسجيل: 06-24-2004
مجموع المشاركات: 10075
بعد نجاح الانقلاب المايوي في العام 1969، لم يجد ( فتية مايو ) من قضايا الفساد الذي قالوا انه استشرى بالبلاد غير فاتورة الرحلة الفنية لكوكب الشرق ام كلثوم التي حضرت الى السودان بدعوة من وزارة الاستعلامات والعمل ، على خلفية تغنيها برائعة استاذ الاجيال الهادي آدم ( اغذًا القاك ) ، فقدم وزيرها المرحوم عبدالماجد ابوحسبو امام احدى محاكم الثورة بتهمة تبديد المال العام فيما لا ينفع .
ولان الفساد – كالعملة – يتضخم بمرور الزمان ، لم ينظر احد لاستجلاب ( فتية يونيو ) لنجمة ( استار اكاديمي ) المطربة السورية زينة افتيموس على انه ضرب من ضروب الفساد المالي ، ففساد الامس غير فساد اليوم ، فما انفقته الدولة على النجمة السورية يدخل في باب النثريات اليومية لديوان الزكاة لصاحبه ( ود الفادني ) الذي ينفق على المؤلفة قلوبهم ، وفتاتنا من بين المبشرين بتأليف القلب .
لقد اعتدنا – نحن رعايا دولة الانقاذ - على ان الاحتفالات الرسمية ومؤتمرات دولة الانقاذ لا تكتمل الا بالطرب والرقصات ، حتى بات كثير من الناس يتشاغلون عن حديث المتحدثين وهم ينتظرون اهازيج ورقصات الختام ، وكل الاصابع منصوبة الى اعلى في وضعية ( الله واكبر ) . وهذه ظاهرة تخص الشعب السوداني وحده ، لا تشاركنا فيه شعوب افريقيا ولا الشعوب العربية، ولم تتفضل مستشارية الرئاسة لشئون التأصيل ببيان اصول تلك الظاهرة في الدين ولم تعرفها – قبلنا- امة في هذا الكون من امم المسلمين ولا النصارى . فظاهرة ( قيقم ) ظاهرة سودانية خالصة .
في الجلسة الافتتاحية لمؤتمر اتحاد الاذاعات العربية الذي عقد بقاعة الصداقة بالخرطوم ، وبينما كانت الوفود الرسمية المشاركة تتأهب لمناقشة ازمة الاعلام العربي المسموع ، فوجئت الوفود بنزول المطربة (المسودنة) زينة مع المطرب ( المسورن ) عاصم البنا الى حلبة المؤتمر تتمايل وهي تردد نشيد ( ارض الخير ) ، ولم تضبط كاميرا التلفزيون التي طافت على وجوه المؤتمرين حالة طرب واحدة لاي من المؤتمرين او المؤتمرات ، فقد كست الوجوه نظرات الدهشة والاستغراب مما يجري امامهم .
قد يجد البعض للمطربة زينة وتابعها عاصم ، بعض اسباب الصفح والتخفيف في كونها قامت – في البداية – بترديد كلمات نشيد ذي مغزى سياسي ووطني ( افريقيا - ارض الخير ) ، رغم ان قارة آسيا التي تنتمي اليها غالبية الدول العربية لم يكن لها نصيب في الخير الذي تحكي عنه كلمات النشيد ، ولكن ما دخل ( اسمر جميل .. عاجبني لونه ) بفعاليات المؤتمر .
اهربي بجلدك يا ( زينة ) فكل ما تجنيه من هذه العصبة انهم سيحيلونك الى ( قيقم ) سوريا .
مسرح القضارف :
بعد كل مرة يصعد فيها الرئيس البشير منصة الخطابة ، يأتي بكارثة تغلب من يداويها ، وما قال به في القضارف يعد ابو الكوارث التي اما ان تقضي عليه او على ما تبقى من البلاد او الاثنان معًا ، ومع ذلك لا يمكن النظر لتصريحات الرئيس عمر البشير بمدينة القضارف على انها ذلة لسان ، او ( هوشة ) عابرة .
لم يجد الرئيس البشير ما يقوله للشعب المغلوب على امره من خلال مخاطبته لجماهير القضارف بشأن مصير الدولة التي يجلس على انفاسها ، بعد ان ادرك ان انفصال الجنوب بات امرًا محتما ، فعمل بحكمة الاجداد الذين صاغوا المثل الشعبي الركيك ( ان غلبك سدها وسع قدها ) ، واستعار حديث ابن رتبته المشير نميري الذي انهى سنوات حكمه بذات العبارات ، حين قال ( ايوه حا نجلد وننط البيوت ونقطع الايدي ) فانقطعت سيرته هو بلا رجعة ، وبقي الشعب .
سوف لن اتوقف كثيرًا حول حديث الرئيس عن تبشيره بدستور اسلامي وقوانين اسلامية وتطبيق عقوبات الجلد والقطع والقتل والصلب بعد فصل الجنوب ، فهذا حديث افك من افاك ، وهو حديث الغش والتدليس والزج بامور الدين كمخرج من محن الدنيا ، فالدستور الحالي ينص على ان الشريعة هي المصدر الاساسي للتشريعات ، وجميع القوانين الحالية وضعت بيد الاسلام الانقاذي بما في ذلك القوانين العقابية والحدود الشرعية ، والدستور ينص على ان اللغة العربية هي اللغة الرسمية للدولة ، فليس هناك جديد اضافه البشير غير اثارة مشاعر الدين عند الناس لمقاصد الدنيا .
ولكن لي وقفة في ثلاثة نقاط :
الاولى :
لا يدري البشير ان ما قال به حول عدم اعترافه بالتنوع التقافي والاثني هو بمثابة اعلان لتفكيك ما تبقى من دولة السودان ، ذلك ان ذات نصوص اتفاقية نيفاشا التي مكنت ابناء الجنوب من اختيار الانفصال ، هي التي تضمن للاثنيات والثقافات غير العربية في جبال النوبة والانقسنا تقرير مصيرهم بموجب قوانين المشورة الشعبية وهي اتفاقية لا يستطيع البشير ولا حكومته التنصل عنها او التحايل على نصوصها لذات الاسباب التي جعلته يزعن لتنفيذها في امر جنوب السودان ، فاذا كانت دولة الانقاذ قد اعلنت عدم اعترافها بثقافتهم واثنيتهم ، فما الذي يجبرهم على البقاء معهم في دولة واحدة ، ومن الغريب الا يتعلم الرئيس البشير من جرح نيفاشا في نسخته الجنوبية الذي لم يندمل ليسعى بيديه لحمل ابناء جبال النوبة والانقسنا للمضي في ذات الطريق .
الثانية :
دعوة الرئيس لمن تعاطفوا مع ( فيديو جلد الفتاة ) بالاغتسال والعودة لحظيرة الاسلام ، تثير كثير من الشكوك ، حول المام ( حافظ القرآن ) بما يعرفه العوام من قوانين الشريعة ومقاصد الاسلام ، ومعرفته – ايضا - لما يجري في بلده ، ولا ادري من اين استقى الرئيس معلوماته حول حادثة الجلد المهين ، وقد شاهدها نصف سكان الكرة الارضية ، فالفتاة لم تجلد في حد من حدود الله ليشهد عذابها طائفة من المؤمنين ولا طائفة من الصعاليك ، فقد جلدت – بفرض صحة الادانة – في جريمة تعذيرية لا دخل لها بحدود الله ولا شهادة المؤمنين .
الثالثة :
لقد اجهض الرئيس البشير – من حيث لا يدري - دعواه التي ظل يرددها كثيرًا - في الرد على الاعداء - عن استقلال القضاء الانقاذي ، وذلك حين وجه انتقادًا على الهواء للسيد رئيس القضاء باجرائه لتحقيق حول تنفيذ الحكم القضائي على الفتاة ، والصيغة التي جاء بها تقريع القضاء ترفع الخرقة عن جسد دولاب العدالة في البلاد وتفضح هيمنة جهاز الدولة على السلطة القضائية ، وهي فضيحة ( تحصيل حاصل ) ولن تجد من يتصدى لها ، فرئيس القضاء نفسه لا يدري ماهية استقلال القضاء وماذا يعني ، فخلفية الرجل الذي يجلس على رأس دولاب العدالة منذ اكثر من عشرة سنوات ، تقول انه فيما عدا فترة قصيرة قضاها في العمل كقاضي لبلدية ابوظبي ، امضى عمره المديد في العمل كقاضي احوال شخصية ( شرعي ) وهي خلفية لا تسعف صاحبها بشيئ ولا شأن لها بعلوم الدستور والفصل بين سلطات الدولة ( مزيد من المعلومات بموقع السلطة القضائية بالانترنت ) .
Quote: حق لك ان تتعجب وانت ترى اللا انسانيه تمشي على رجلين
دفاعا عن الباطل.
بالله كلامي دا اسع دفاعا عن الباطل ولا اظهارا للباطل يا حامل الاباريق لمدير التلفزيون. الواح يلقى ليه فرقة يقد السلك طوالي يركب لينا مكنة مناضل.. ويعد يمارس النضال الهبوب
Quote: ونكرر الانقاذ ممكن تعمل اي حاجة في الدنيا لكن اصلو موضوع البت دي انتهى خلاص ما بستحمل اي اكاذيب وزرع تاني
يا دكتورة انا مقتنع انت ما عاجباك الحكومه دى زينا. نحن ما بنعرف يا دكتورة غير البنكتب فيه ده، انت بدل تحبطينا اخدى بيدنا وانا ليك على البتكتبيه اعمل ليه كوبى اند بيست. من يوم الليله،لكن كده بتشككينا فيك،يعنى لاعارفين نتعامل معاك زى صلاح غريبه واللا نتعامل معاك زى هشام هبانى. بعدين ماتقولى لى انا محايده،لانو حتى فى ده فى حاجه اسمها الحياد الايجابى وبعدين انا ملاحظ لما تكتب مياده او اى شخص يدافع عن الحكومه وباى حرف ما بتقولى ليه زي ما بتقولى لما يكتب واحد من المعارضين او مناضلى الكى بورد زى ما بتسمونا هنا،انت بس بتدافعى عنهم او بتلتزمى الصمت. ويبقى الود،،،،
12-21-2010, 10:10 PM
elsawi
elsawi
تاريخ التسجيل: 06-13-2003
مجموع المشاركات: 4340
الأخ خضر تحياتي و بعد اذنك عندي سؤآل صغير للأخت دكتورة نجاة
سلامات يا دكتورة موضوع تعرية البشر ما جديد على ناس الإنقاذ و انت عارفة كده كويس مش كده و بس ديل ممكن يدخلو للزول قزازة في دبرة كما حدث للدكتور عمر التاج النجيب و انت عارفة كده برضو ووقعتي في مذكرة الإدانة لذلك التصرف الوحشي .. ومش كده و بس ديل ممكن يغتصبوا عديييييل كده كما حدث للعميد محمد احمد الريح حسب إفادته، بل كما حدث لمئات النساء و ربما اللآف منهن في دارفور .. و الدليل على انك عارفة انه التصرفات دي ما غريبة على الإنقاذ هو قولك
Quote: لانقاذ دي ممكن تعمل اي حاجة شيطانية في الدنيا دي
و قولك
Quote: ونكرر الانقاذ ممكن تعمل اي حاجة في الدنيا
بس الما قادر افهمو هو انك كذبتي الخبر ده بناء علي اي اساس طالما هو متسق تماماً مع سلوك الإنقاذيين الممكن يعملو اي حاجة شيطانية في الدنيا دي هل لأنه الخبر ده كتبه خضر الطيب و انت بتعتبري خضر الطيب كذاب مثلاً؟ ولا لأنه ناس الإنقاذ ممكن يعملو اي حاجة شيطانية ما عدا تعرية البنت دي .. هل لديك ملاحظات واقعية و شواهد تؤكد انه الإنقاذ لم تعري البنت امام شقيقها وما هذا الخبر الا اكذوبة؟
انا شخصياً اصدق الخبر مثل الكثيرين غيري من الذين مروا من هنا و ابدوا استيائهم و مثل الذين قرأوا في صمت .. ببساطة لأن هذا السلوك المشين يشبه سلوك الإنقاذيين و هذه الممارسة القذرة تشبه ممارساتهم و هذه الأخلاق الدنيئة تشبه اخلاقهم، و ليس هناك سبب واحد يدعوني استبعد ما حدث لأنه ديل بعملوها و يعملو ابوها ذاتو .. في النهاية انت من حقك تكذبي الخبر و نحن من حقنا نصدقو ولا شنو؟
12-21-2010, 09:41 PM
Shawgi Sulaiman
Shawgi Sulaiman
تاريخ التسجيل: 12-25-2006
مجموع المشاركات: 2536
الاخ خضر لك تحياتي في مداخلتي لم اكن اعنيك بإعتبار أنك تقصد بتعريتها اي فضحها ، وكنت فاكر الناس فهموك غلك وفهموا بتعريتها خلع هدومها (ام فكو) انا افتكر دي صعبة شوية ومستحيل تحصل في ظروف ذي دي
Quote: يا دكتورة انا مقتنع انت ما عاجباك الحكومه دى زينا. نحن ما بنعرف يا دكتورة غير البنكتب فيه ده، انت بدل تحبطينا اخدى بيدنا وانا ليك على البتكتبيه اعمل ليه كوبى اند بيست. من يوم الليله،لكن كده بتشككينا فيك،يعنى لاعارفين نتعامل معاك زى صلاح غريبه واللا نتعامل معاك زى هشام هبانى. بعدين ماتقولى لى انا محايده،لانو حتى فى ده فى حاجه اسمها الحياد الايجابى وبعدين انا ملاحظ لما تكتب مياده او اى شخص يدافع عن الحكومه وباى حرف ما بتقولى ليه زي ما بتقولى لما يكتب واحد من المعارضين او مناضلى الكى بورد زى ما بتسمونا هنا،انت بس بتدافعى عنهم او بتلتزمى الصمت. ويبقى الود،،،،
سلامات يا الموج
اي زول بكتب اكاذيب ويروجها هن باسم الفاع عن الحكومة اوالمعارضة قاعدة اشجبها..ز مافي حاجة في هذه الدنيا تخليني احب الكيزان ولا اكون ايجابية تجاههم بنفس الصورة للمعارضة لانه مافي فرق خالص خالص...
المعارضين المفروض يحترموا عقولنا ويكتبوا الكلام المليان الصاح لكن هرجلات ومن مصدر موثوق وكلام فاضي ما بنفع معاي..
اسع انا كلامي خليه رايك شنو في كلام خضر مكنات دا؟
واطالب مع الشعب السوداني بمعارضة محترمة تقودنا لبر الامان موش شلة ارزقية ولجوء سياسي بالاكاذيب
12-21-2010, 10:06 PM
Shawgi Sulaiman
Shawgi Sulaiman
تاريخ التسجيل: 12-25-2006
مجموع المشاركات: 2536
يادكتورة اكثر من واحد في الموقع ده ذكروا انهم اغتصبوا من قبل امن النظام...هل بتعتقدي رجال كاملين بعقولهم ولهم ابناء وبنات وزوجات واقرباء وقبيلة يقولوا كلام زي ده من اجل مكسب سياسي او معارضة والسلام ؟!!! هل يعقل نكذب زي ديل ؟!! ومادام الناس ديل اغتصبوا رجال زيهم هل يصعب عليهم تعرية بنت لا راحت ولا جات في نظرهم ؟!! يادكتورة انا بحترمك والله وبقولها ليك صراحة لو ماكنتي كوزة الحقي انضمي ليهم لانه حرام تكون بره منهم وانا بضمن ليك بمواقفك دي يعفوك من اشتراكات الــ 21 سنة الفاتت .. هي الكوزنة دي الا يمسكوك وزارة ؟!!!
Quote: يادكتورة انا بحترمك والله وبقولها ليك صراحة لو ماكنتي كوزة الحقي انضمي ليهم لانه حرام تكون بره منهم وانا بضمن ليك بمواقفك دي يعفوك من اشتراكات الــ 21 سنة الفاتت .. هي الكوزنة دي الا يمسكوك وزارة ؟!!!
لو عايزة انضم ليهم مامنتظراك تجي تكلمني ...
لو الكوزنة الزول يقول الحق ويتحرى الصدق حتبقى حاجة كويسة جدا اذن موش؟
اي زول عايز يعارض الحكومة يعارضها بشرف وذكاء عشان الناس تقدر تفرق بين المعارض والكوز..
ليه الشعب بطل يعمل ثورات لانه البدل اعفن والعن لو ما ماثل.
وتدثر ما اكتبه هنا فهمه مرهون بالفروق الفردية بين الناس كون انه يكون وجهة نظري سلبية عن العباطات البتكتب هنا عشان انا كوزة يبقى دا فهم زول مستى الذكاء عنه اقل من المتوسط,,
عايزين الناس البتعارض دي فقط تكون نجيضة وصادقة..
والنس القعدت تجيب في اسما ضحايا التعذيب هل البنت دي ذي الضحايا ديل مناضلة وعاملة في جميعات المجتمع المدني وناشطة ولا كيف؟ عشان ناس الامن يعروها قدام شقيقها وكذا
12-22-2010, 02:59 AM
خضر الطيب
خضر الطيب
تاريخ التسجيل: 06-24-2004
مجموع المشاركات: 10075
ياابو قصي انا ما قلت ناس الامن ما بعملوها قلت ليكم بيعلوا اكعب منها لكن الكلام القالو خضر دا كضب.. شوفتا كيف كضب عديل كدا يلا لما الكذب يكتر ويعم لما تجي بت بالجد مظلومة مافي زول حيدافع عنها
بعدين عايزة اقوليكم كلكم حاجة من قبل في محامية صفعها رجل بوليس وفي دكتورة صفعها رجل بوليس وفي ناشطة صفعها وزير وهن بأدن في واجبهن المقدس ليه ما هجتوا الهبجة دي؟؟!!!!
في ام عروها رجال البوليس ليه ما هجتوا الهيجة دي هل النساء الفاضلات كملن لغاية ما بقيتوا تدافعوا عن امثال البنات المنحرفات ديل؟
البت دي ما قبضوها في مظاهرة ولا ندوة اي كلام يتقال ليها تستحقوا واكثر مع اني ما سمعت الكلام دا الفدييو ما فتح معاي
دي نماذج لنساء لا يشرفن اي زول متأكدة لو كانت بت ولا اخت ولا زوجة واحد فيكم ما حترضوا ينشر الفديوولا حتجوا تتبجحوا يحقهن في التعهر ودا سلوك شخصي ولهن حريتهن في ممارساتهن بالجد النضال بقى قعدة. والشرطة حلت محل الاسر في تربية بناتها..
انتو بقيتو تاكلو لحم الخنزير ولا شنو؟؟؟ مافي حمية ولا شرف ولا عرض؟
12-22-2010, 06:52 AM
خضر الطيب
خضر الطيب
تاريخ التسجيل: 06-24-2004
مجموع المشاركات: 10075
Quote: تم في يوم الاربعاء المنصرم استدعاء فتاة الفيديو وتم تهديدها وتعريتها امام شقيقها
وناس الأمن منتظرين أكثر من اسبوعين ما استدعوا الفتاة ليه الدرب كان رايحلهم ؟ ولاّ ما كانو متوقعين أنها تتكلم أو تهاجر أو تظهر في الفضائيات . يعني معقولة ناس الامن وصل بهم الغباء الى درجة ما بفكرو في هكذا احتمالات ، ولا بقروا جرايد .. ولا بقروا سودانيز اونلاين .. طيب الحكومة منتكلة فوق شنو واحد وعشرين سنة ؟ .. ..
والفتاة زاتها كات بتسوي في شنو الفترة دي كلها ... لا صرحت ، لا ظهرت ، لا مرقت ، لا قالت لا ولا نعم . والمعارضة الوهم دي كانت نايمة ولاّ عايمة ؟
12-22-2010, 08:01 AM
خضر الطيب
خضر الطيب
تاريخ التسجيل: 06-24-2004
مجموع المشاركات: 10075
الأخ خضر تحياتي و بعد اذنك عندي سؤآل صغير للأخت دكتورة نجاة
Quote: سلامات يا دكتورة موضوع تعرية البشر ما جديد على ناس الإنقاذ و انت عارفة كده كويس مش كده و بس ديل ممكن يدخلو للزول قزازة في دبرة كما حدث للدكتور عمر التاج النجيب و انت عارفة كده برضو ووقعتي في مذكرة الإدانة لذلك التصرف الوحشي .. ومش كده و بس ديل ممكن يغتصبوا عديييييل كده كما حدث للعميد محمد احمد الريح حسب إفادته، بل كما حدث لمئات النساء و ربما اللآف منهن في دارفور .. و الدليل على انك عارفة انه التصرفات دي ما غريبة على الإنقاذ هو قولك
Quote: لانقاذ دي ممكن تعمل اي حاجة شيطانية في الدنيا دي
و قولك Quote: ونكرر الانقاذ ممكن تعمل اي حاجة في الدنيا
بس الما قادر افهمو هو انك كذبتي الخبر ده بناء علي اي اساس طالما هو متسق تماماً مع سلوك الإنقاذيين الممكن يعملو اي حاجة شيطانية في الدنيا دي هل لأنه الخبر ده كتبه خضر الطيب و انت بتعتبري خضر الطيب كذاب مثلاً؟ ولا لأنه ناس الإنقاذ ممكن يعملو اي حاجة شيطانية ما عدا تعرية البنت دي .. هل لديك ملاحظات واقعية و شواهد تؤكد انه الإنقاذ لم تعري البنت امام شقيقها وما هذا الخبر الا اكذوبة؟
انا شخصياً اصدق الخبر مثل الكثيرين غيري من الذين مروا من هنا و ابدوا استيائهم و مثل الذين قرأوا في صمت .. ببساطة لأن هذا السلوك المشين يشبه سلوك الإنقاذيين و هذه الممارسة القذرة تشبه ممارساتهم و هذه الأخلاق الدنيئة تشبه اخلاقهم، و ليس هناك سبب واحد يدعوني استبعد ما حدث لأنه ديل بعملوها و يعملو ابوها ذاتو .. في النهاية انت من حقك تكذبي الخبر و نحن من حقنا نصدقو ولا شنو؟
هي بتناكف يا الصاوي ماحتصل معاها لي نتيجه على الاطلاق
كل الكلام القلتو انت صحيح لكل ذي لب
بس في الحاله دي الالباب قسم
هي قصدها افساد كل شئ
دا شغل برضو بس بي غباء
12-22-2010, 09:36 AM
خضر الطيب
خضر الطيب
تاريخ التسجيل: 06-24-2004
مجموع المشاركات: 10075
Quote: من غرائب الأمور أن يرفض البشير التحقيق الذي قررته إدارة الشرطة والقضاء في حادثة الجلد
النقطة دي بتذكرني شركة صغيرة كنت اعمل بها أوائل إغترابي بالمملكة كان المدير العام فيها يستقبل معلومات خاطئة من بعض مدراء الأقسام ويبني عليها قرارات إستراتيجية للشركة كانت جميعها بطبيعة الحال فاشلة
Quote: عايزين الناس البتعارض دي فقط تكون نجيضة وصادقة..
يادكتورة انتي دايماً بتحكمي على الاشياء من خلال المعارضة ومع الاسف بتنسي الجريمة ومن ارتكب الجرم وتقعدي للمعارض البقول رأيه في الموضوع وتنسي القضية الاساسية ..انا عندي رأى في المعارضة دي زيك ..لكن دي حاجة والبتقوم به الحكومة من ممارسات لا تمت للاسلام ولا الانسانية حاجة تانية ...انسى انو في معارضة وحكمي ضميرك وانسانتك وانظرى للاحداث من خلالهم ...اكيد حاتكوني منصفة ...
Quote: والنس القعدت تجيب في اسما ضحايا التعذيب هل البنت دي ذي الضحايا ديل مناضلة وعاملة في جميعات المجتمع المدني وناشطة ولا كيف؟ عشان ناس الامن يعروها قدام شقيقها وكذا
شفتي كيف يادكتورة انت مستبعدة حدوث الحاجات دي لانو عقلك السليم والسوى ماقادر يقبلها ..لكن مع الاسف حدثت بشهادة من ارتكبت فيه هذه الممارسات التى تخالف الطبيعة البشرية فما بالك من يمارسها هو من دعاة الشريعة المفترى عليها ..ابليس كفر بربه واعلنها صراحة فليتهم يعلنو ذلك ...الا لعنة الله عليهم وعلى من شايعهم الى يوم الدين ...
احترامي ..
12-22-2010, 03:53 PM
خضر الطيب
خضر الطيب
تاريخ التسجيل: 06-24-2004
مجموع المشاركات: 10075
Quote: سؤالى هل تشكين فى ان الانقاذ ممكن تعرى بنت اوولد ..يمكن اجيب ليك عشره امثله لناس لا اشك ابدا فى كلامهم تمت تعريتهم او تعريه امهاتهم امامهم ومنهم من هو فى حاله نفسيه الى الان ولكن عشان خاطرك ممكن اخليك تقابليهو وتتكلمى معاهو رغم ذهللتو الان الهو فيها ولم يتعالج الى الان ؟ ولكن عشان خاطرك ممكن ارتب ليك لقا معاهو ؟هل تستبعدى من الانقاذ فعل ذلك ؟اذا كانت الاجابه نعم رجاء ذكر الاسباب؟
شكرا عمر سعد على الاضافه
12-22-2010, 09:39 PM
ABU QUSAI
ABU QUSAI
تاريخ التسجيل: 08-31-2003
مجموع المشاركات: 1863
Quote: ياابو قصي انا ما قلت ناس الامن ما بعملوها قلت ليكم بيعلوا اكعب منها
يا دكتورة أنا حدي معاك وقف لحد الاقتباس الفوق ده .. لاني لا خضت في تفاصيل تانية وعلى عندي رغبة اخوض فيها، إذا انت متفقية معانا في انهم بيعملوها يبقى السؤال ماذا نحن فاعلون؟؟؟ ده الاهم عندي لانه ناس الأمن قهروا رجولتنا عديل كده .
Quote: انتو بقيتو تاكلو لحم الخنزير ولا شنو؟؟؟ مافي حمية ولا شرف ولا عرض؟
دكتور بيان الكلام ده موجه لي أنا؟؟؟
12-22-2010, 10:45 PM
خضر الطيب
خضر الطيب
تاريخ التسجيل: 06-24-2004
مجموع المشاركات: 10075
Quote: يعني د. عمل النجيب كان عذبوه بي هدومه؟؟ المهم مش لو عذبوا البت ولا عروها لو ضربوا راسهم في الحيطة القانون ده حيسقط وأقول ليكم حاجة هم ذاتهم حيسقطوا عشان كدة ده نوع من الجقلبة
وبالمناسبة هم إستدعوا ناس كثار في ناس هددوهم وفي ناس قالوا ليهم إتعاونوا معانا وحاجات كثيرة لكن المهم ده كلوا ما في صالحهم وعادة الأستكبار بيوصل للهاوية وهم قربوا خالص
شكرا شاديه
12-23-2010, 00:14 AM
محمد فرح
محمد فرح
تاريخ التسجيل: 09-14-2006
مجموع المشاركات: 9222
Quote: بالله اسامه عبد الجبار رايو شنو في قلبتك دي ؟ اكيد بكون مندهش ذيي
كيفك يا خضر
يا زول الشفيع وراق ياهو زاتو الزمان، ما تغير، ولا تزحزح قيد انملة عن مواقفه ويظهر انك (غالق) نفسك شديد يا خضر وما متابع الحاصل شنو السودان الحقيقي بختلف كتيييير عن سودانيز يا خضر
أخونا المهندس/ أسامة عبد الجبار، وزوجته المهندسة/ اميمة ولمعلوميتك، حاليا (لا يعارضون) الانقاذ، وهم للتأييد أقرب ولو عايز تتأكد بي نفسك دف لي جوالك، او اتصل على جوالي في البروفايل وممكن اوصلك بيهم
12-23-2010, 09:19 AM
ABUHUSSEIN
ABUHUSSEIN
تاريخ التسجيل: 08-14-2002
مجموع المشاركات: 39330
هل تعرفون الفتن التي حذرنا منها نبي الرحمة عليه الصلاة والسلام ؟؟ فهلموا معي نقف على بعض منها من خلال بعض الأحاديث الشريفة 1- قال الله تعالى ( واتقوا فتنة لا تصيبن الذين ظلموا منكم خاصة) وقال تعالى ( ونبلوكم بالشر والخير فتنة) ، وعن زينب بنت جحش أم المؤمنين رضي الله عنها قالت(خرج رسول الله صلى الله عليه وسلم يوما فزعا محمرا وجهه يقول : ( لا إله إلا الله ويل للعرب من شر قد اقترب فتح من اليوم من ردم يأجوج مثل هذه وحلق بإصبعين الإبهام والتي تليها، قالت: يا رسول الله أنهلك وفينا الصالحون؟ قال : نعم ، إذا كثر الخبث)رواه البخاري
فهل نعي أن هذا قد كان في عهد الرسول صلى الله عليه وسلم الذي تفصلنا عنه آلاف السنين فياويلنا كم فتح من ردم يأجوج ومأجوج في هذا الزمن ؟؟
2- وعن أسامة رضي الله عنه (أن النبي صلى الله عليه وسلم أشرف على أطم من آطام المدينة ثم قال : هل ترون ما أرى ؟ إني لأرى مواقع الفتن خلال بيوتكم كمواقع القطر) رواه البخاري، وعن كرز بن علقمه الخزاعي قال : سأل رجل النبي صلى الله عليه وسلم : هل للإسلام من منتهى، فقال رسول الله صلى الله عليه وسلم (أيما أهل بيت من العرب أو العجم أراد الله بهم خيرا أدخل عليهم الإسلام. فقال ثم ماذا ؟ قال : ثم تقع الفتن كالظلل فقال الرجل كلا والله إن شاء الله ، قال بلى والذي نفسي بيده لتعودن فيها أساود صُبّا يضرب بعضكم رقاب بعض) رواه أحمد بإسناد صحيح
3- وجاء في صحيح الترمذي بإسناد صحيح ( أن الناس إذا رأوا الظالم ولم يأخذوا على يديه أوشك أن يعمهم الله بعقاب من عنده)
فالفتنة إذا عمت هلك الكل وذلك عند ظهور المعاصي وانتشار المنكر وعدم التغيير وما أكثر ما يرى الناس المنكر ولا يغيرونه وما أكثر ما يظلم القوي الضعيف فلا يجد من ينصره 4 - لا يأتي زمان إلا والذي بعده شر منه
عن الزبير بن عدي قال أتينا أنس بن مالك فشكونا إليه ما نلقى من الحجاج فقال ( اصبروا فإنه لا يأتي عليكم زمان إلا والذي بعده شر منه حتى تلقوا ربكم ) سمعته من نبيكم صلى الله عليه وسلم . رواه البخاري في صحيحه
وعن أبي هريرة رضي الله عنه عن النبي صلى الله عليه وسلم قال : ( يتقارب الزمان وينقص العلم ويلقى الشح وتظهر الفتن ويكثر الهرج، قالوا يا رسول الله أيم هو ؟ قال " القتل القتل " )أخرجه البخاري ومسلم
ونحن نرى تقارب وتسارع الأيام ونقص العلم الشرعي وكثره البخل والشح وأما القتل فما اكثره فلا يمر وقت إلا وتجد جريمة قتل في دار الحرمين التي تطبق الشرع فما بالك بباقِ الدول
أسباب الفتن والمحن والبلاء
عن ابن عمر رضي الله عنهما عن النبي صلى الله عليه وسلم قال ( لم تظهر الفاحشة في قوم إلا ظهر فيهم الطاعون والأوجاع التي لم تكن في أسلافهم ولا نقصوا المكيال والميزان إلا أخذوا بالسنين وشدة المؤنة وجور السلطان، ولم يمنعوا زكاة أموالهم إلا منعوا القطر من السماء ، ولولا البهائم لم يمطروا ، ولم ينقضوا عهد الله ولا عهد رسوله إلا سُلط عليهم عدوهم فأخذهم بعض ما كان في أيديهم، وإذا لم يحكم أئمتهم بكتاب الله إلا جعل الله بأسهم بينهم ) أخرجه ابن ماجه ، وصححه الألباني
وعن ابن عمر رضي الله عنهما قال : قال رسول الله صلى الله عليه وسلم( إذا مشت أمتي المطيطا وخدمها أبناء الملوك: فارس والروم سلط شرارها على خيارها) أخرجه الترمذي ، وصححه الألباني
وعن عبدالله بن عمرو بن العاص عن رسول الله صلى الله عليه وسلم أنه قال ( إذا فتحت عليكم فارس والروم أي قوم أنتم ؟ قال عبدالرحمن بن عوف: نكون كما أمر الله ، فقال رسول الله صلى الله عليه وسلم : أو غير ذلك ، تتنافسون ثم تتحاسدون ثم تتدابرون ثم تتباغضوا أو نحو ذلك ثم تنطلقون في مساكن المهاجرين فتجعلون بعضهم على رقاب بعض) رواه مسلم
وأخرج ابن ماجه عن اسامة بن زيد قال : قال رسول الله صلى الله عليه وسلم ( ما أدع بعدي فتنة أضر على الرجال من النساء ) وأخرجه البخاري ومسلم أيضا
وعن كعب بن عياض قال سمعت رسول الله صلى الله عليه وسلم يقول ( إن لكل أمة فتنة وفتنة أمتي في المال) رواه الترمذي بإسناد صحيح
يا زول الشفيع وراق ياهو زاتو الزمان، ما تغير، ولا تزحزح قيد انملة عن مواقفه ويظهر انك (غالق) نفسك شديد يا خضر وما متابع الحاصل شنو السودان الحقيقي بختلف كتيييير عن سودانيز يا خضر
أخونا المهندس/ أسامة عبد الجبار، وزوجته المهندسة/ اميمة ولمعلوميتك، حاليا (لا يعارضون) الانقاذ، وهم للتأييد أقرب ولو عايز تتأكد بي نفسك دف لي جوالك، او اتصل على جوالي في البروفايل وممكن اوصلك بيهم
تحياتي عبرك للباشمهندس اسامه والباشمهندس اميمه
كت اوت :
كمان بقيت تستقطب ياباش ؟ مباااالغه لكن!!
اي زول الا اسامه واميمه
12-23-2010, 11:48 PM
خضر الطيب
خضر الطيب
تاريخ التسجيل: 06-24-2004
مجموع المشاركات: 10075
Quote: وناس الأمن منتظرين أكثر من اسبوعين ما استدعوا الفتاة ليه الدرب كان رايحلهم ؟ ولاّ ما كانو متوقعين أنها تتكلم أو تهاجر أو تظهر في الفضائيات . يعني معقولة ناس الامن وصل بهم الغباء الى درجة ما بفكرو في هكذا احتمالات ، ولا بقروا جرايد .. ولا بقروا سودانيز اونلاين .. طيب الحكومة منتكلة فوق شنو واحد وعشرين سنة ؟
استدعوها ياعمر التاج
شوف اللنك دا جابتو كوزه ممكن تمشي بي هناك تسالا تقول ليها ليه استدعوها
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة