|
|
 إنصر دينك........... يالفاتح جبرا
|
حالتو بى وازع
الفاتح جـــبرا
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
23/10/2010 عنوان المجموعة البريدية للفاتح جبرا http://groups.google.com/group/alfatihgabra
العبد لله يقترح أن تتم كتابة التحذير التالي في مكان بارز على رأس الصفحة الأولى من كل صحيفة، والتحذير يقول: (هذه الصحيفة
تحتوي على تصريحات مسؤولين لذلك ننصح مرضى القلب بتفادي قراءتها).. فلقد لاحظت أن حالتي الصحية بدأت مؤخراً في التدهور بعد أن كانت عال العال منذ أن قمت بعمل دعامات في (الشريان التاجي) قبل عامين ونيف.
وكمثال لهذه التصريحات والتي كتبنا عنها مؤخراً ذلك التصريح للسيدة وزير المالية الذى دعا فيه الشعب السوداني الفضل إلى
التقشف (أى والله ) والعودة إلى (الكسرة والعواسة) معتقداً سعادته أن الشعب الفضل قد ترك الكسرة إلى (الكافيار) !
ألا تتفق معي أيها القارئ الكريم، أن مثل هكذا تصريح عاوز ليهو زول نصيح وشديد لا تستجيب خلايا مخه أو عضلات قلبه أو جدران شرايينه لأي نوع من أنواع (الاستفزاز المفاجئ) حتى لا (يروح فيها)؟!
عشان الزول يروح فيها (صحي صحى) ويلحق أمات طه فليستصحب مع دعوة الأخ وزير المالية المطالبة بالتقشف التقرير السنوى
للعام 2010 الذى قدمه السيد المراجع العام مؤخراً والذى كشف فيه عن تزايد حالات الاعتداء على المال العام لـ 16.6 مليون جنيه للعام (2009_2010) مقارنة بـ 5.1 مليون في العام (2008_2009) بنسبة (9,0%) من إجمالي إيرادات الدولة الفعلية البالغة 19.2 مليار جنيه (يعنى لو إيرادات البلاد دى كومناها 100 كوم متساوية فـ 9 كيمان قاموا بيها الجماعة) ، ولم ينس السيد المراجع العام كعادته أن يكشف لنا في تقريره حول الأداء المالي للدولة للعام(2009) عن رفض وحدتين تقديم حساباتها للديوان (رجااااله كده والما عاجبو يضرب راسو فى الحيط) ، كما لم ينس أيضاً أن يكشف لنا عن 48 وحدة لم تقدم حساباتها (مش على كيفا؟) بجانب (66) تحت المراجعة (وح تظل طبعن) !
والسيد وزير المالية ينادي ويطلب من الشعب الفضل التقشف يكشف التقرير الذى قدمه المراجع العام عن الأداء المالى للحكومة عن مديونية مرحلة لم يتم تحصيلها للإدارة العامة للجمارك وضعت باسم رجل أعمال (يا ربى يكون منو؟) ولم يتخذ الإجراء اللازم بشأنها (فاضين من ستات الشاى) ، فيما بلغت مديونيات الوحدات الحكومية (10،2) مليون جنيه، وقال التقرير إن معالجتها تتم خارج السجلات المحاسبية (كيف مش عارف؟) .
والسيد وزير المالية يدعو الشعب الفضل للتقشف أفصح التقرير عن استمرار المخالفات لهيئة المخزون الاستراتيجي التى بلغ العجز فيها (1،7) مليون جنيه بجانب مديونيات متعثرة السداد !!
وقد أشار التقرير للجهود التى صاحبت محاولات الدولة الجادة لإعادة (أموال الشعب الفضل) فقد ذكر أنه قد تم البت في تهمة واحدة من (65) تهمة ( ما قصرتو والله .. أيه الهمة دى) ،ويستطرد التقرير قأئلا أن تسع منها بالمحاكم و(7) أمام النيابات و(22) لا زالت أمام رؤساء الوحدات !!
ويختتم السيد المراجع العام تقريره وهو يقر بوجود تجاوزات بمشروع العربات الحكومية وإدارة الأموال خارج الموازنة بجانب المخالفات في الجمع بين وظيفتين والجمع بين السكن المجان وبدل السكن !
وحتى أضعك فى الصورة عزيزى القارئ و(أضع السيد وزير المالية) الذى يطالب بالتقشف دعنى أعود بك لتقرير المراجع العام للعام الماضى إذ يقول في تقريره: إن هنالك 70 وحدة لا تزال تحت المراجعة، و34 وحدة لم تقدّم حساباتها للمراجعة من بينها 4 وحدات رفضت الاستجابة (يعني ما عاوزة تتراجع وكده!).
والحال هو هذا الحال الذى يسير من سئ إلى اسوا إعتقد بأنه يجب علينا أولاً أن نتقشف فى الفساد ... يعنى يكون فساد (ود ناس) ومافى داعي (للبع) التقيل ده .. ويحضرنى فى هذا المقام تصريح وزير العدل السابق الذى صرح فيه لأحد القنوات الفضائية قائلاً : (نحن في السودان نعول كثيراً على الوازع الديني)،موضحاً أن (الوازع الديني حمى الكثيرين من الوقوع في الفساد)، ومشيراً إلى أنه (يعد أكبر وسيلة لمكافحة الفساد).. انتهى تصريح السيد الوزير والذي معناتو إنو: لولا الوازع الديني لكان حجم الفساد أقل (يعنى ده حالتو بى وازع!!) ...
كسرة :
سال المعلم التلميذ: ما هو أغنى بلد فى العالم
رد التلميذ بدون تردد : السودان يا استاذ
الأستاذ متعجباً : كيف يعنى ؟ أغنى بلد السودان ؟
التلميذ : عشان قاعدين يتسرق الزمن ده كلو ولسه ما كمل
|
|
 
|
|
|
|
|
|
|
|
Re: إنصر دينك........... يالفاتح جبرا (Re: Magdi Is'hag)
|
والله يا الفاتح جبرة ماك نصيح عاوز تخت ليك تحذيرات في الصفحات الاولي عشان الناس ما تتخج من كلام وتصريحات الوزراء باللللللة عليك انت منو القال ليك انو واحدة من اساليب الحكومة في تقليل عدد الناس ( عشان الخدمات وكدة تكفي الباقيين)انها تنرفزم عشان ينجلطوا ويفلسعوا يفضوا بكان للباقيين اصلوا الناس يا الفاتح يا اخوي بقوا كتار والحكومة الجات تنقذهم فكرت وقالت التقلل عددهم وبعدين تنقذهم انت ما سمعت بنظرية النوعية والكمية
بعدين حكاية الناس ترجع للكسرة دي ما صحي صحي انا شفت بي عيني دي الناس في العزومات بتجي للكسرة اخر حاجو اها دة معناة شنو معناة انها بتحارب الكسرة عشان كدة بتجيها في الاخر هسي العزومات بتاعت الاعراس لو بقت كسرة ساي ما كانت وفرت للعريس حق الخرفات والتيران والمحاشي والحاجات التانية.... هسي دحين دة ما توفير ، بالله عليك ما توفير انت قايل الوزراء البنبحوا ديل بيجيبوا الكلام دة من عندهم ياخي ديل عندهم دكتوراة جابوها زمن الرخصة بقروش الحكومة تجي انت ناطي لي عاوز تنظر في القرارات المدروسة دي
اي الناس بعدت من الكسرة صاح ما وصلت مرحلة الكافيار زي ما انت بتتهكم لكن وصلت مرحلة انو بتعادي الكسرة وبقوا ياكلوا في حاجات تانية زي خاطرهم كدة مثلا فلازم نرجعهم للتراث وابشرك انا تحت تحت كدة سمعت انو الحكومة حاتفتح اكاديميات لتعليم الناس العواسة اصلوا حريمنا ديل مع الزمن نسوا الكسرة بيعملوها كيف
الفاتح جبرة الله يسلمك محل ما انت قاعد
| |
|
|
|
|
|
|
|
|
|
Re: إنصر دينك........... يالفاتح جبرا (Re: الزبير صالح الزبير)
|
(يعنى لو إيرادات البلاد دى كومناها 100 كوم متساوية فـ 9 كيمان قاموا بيها الجماعة)
القروش مامشت بعيد ماهي قاعدة بس الفرق بدل جيب الحكومة دخلت جيب ناس الحكومة يعني الفرق كلمة ناس بس ودي 3 حروف يعني ماكتار عشان تزعل وتجي تكتب في موضوع ######## زي دة
| |
|
|
|
|
|
|
| |
الزبير صالح الزبير
فدياس نجم الدين
أحمد الشايقي
اسعد الريفى
فيس بوك
تويتر
انستقرام
يوتيوب
بنتيريست