بس .. أدخل .. عليك الله

Quote: لكن النبى فيك مسعول من الخير يا يابا دحن ات متأكد انك عاايش فى بلد الخواجات ومعرس منهم كمان ؟ ولا لسه حايم فى بطانة اهلك الغبش ناس سوما

عليك أمان الله إتوقعتَ أن طمبل دا قطع شك ياحداد ولا سكمري
ما قايل الشقي دا قطعوا وواسا هسي بعد المبارة
الأخيرة ...

كيف تقولي كدي ياسوما عليك أمان الله الخواجات قربوا
إجو البطانة
( الفات قديمو تاه )

بعدين هو عليك الله الفي الصورة دي ياهو تبارك
تبارك الله .. والله ظنيتو الشاعر ود حسن الدابي


سوما هاك دي

الوليد : يما أديني شئ آكلو
الأم : ياولد تأكل الحمت رمت

هسي قولي لي الحمت رمت دا شنو ؟؟
مودتي وتحياتي

Quote: يا أوالاد الخرطوم الدغنا دي حاجة زي البسبوسة كده

Quote: سلمى سلامة ومحمد البشرى لأانهما تربية حبوبات

Quote: اذكر زمان لمن الواحد فينا يبكي بقولوا لينا ما تبكي فينا يبكوا عليك ان شا الله

(عدل بواسطة خالد العبيد on 08-09-2008, 10:44 PM)

Quote: سلمية خدرا وزقاق ضيق

Quote: فى دعوة سمعتها يوم من والدةالرئيس عمر البشير ومن يومها وحفظتها وبتقولها لى لا أذكرها كلها

Quote: الشاهد انه الناس كانوا بقولو تاكل الدغنا او الحمت رمت ولغاية الان ما عرفت الدغنا ولا الحمت رمت كان عرفت ورينى

Quote: اصيع انا و لا ايه

Quote: تتلقاك خرزاته سبح هطول ممدود لحد قبر الرسول (دي من عندي أبوأحمد) ،،،،أبوقصي،،،،

Quote: زمان الواحد لما يزعل يقول ماشي يقولوا ليه امش تمش و التراب يكمل

Quote: اب احمد ... حياك الله سلام وتحيه ليك ولزوارك الافاضل ( اديك العافيه ويسكنك الصافيه ) سلام لاحمد وامه ...

Quote: بعدين لما يجي الصقط اوع تغلط تقول انا بردان يقولا ليك برد الحجاج

Quote: قالت ليهم مش حرام عليكم زول كبير زي ده ما تعلموه الكلام ليه

Quote: دي دعوة والده لي ابنها قبل ما يسافر والراجل ده جنو كوتشينة مدور حريق مع العزابة طواالي ربنا استجاب لي دعوة والدته صاحبنا طوالي مقبوض فوق بي اربعتاشر كرت اصلو ما بينزل كلو كلو دايما في العلالي !!!

والله يا ودالعبيد ما غلبكم شئ
حتى الدعوة دي لقيتو ليها مخرج

.... يقال عندنا في شندي
في اسرة ناس الامين الحسن والعجيبة كلهم أصواتهم جميلة وكانوا فنانين
يقال عنهم
أن جدتهم دعت لهم في ليلة من الليالي الفردية في العشر الآواخر من رمضان
كانت تريد ان تقول ( يا ربي أدينا الغناء لي جنى الجنى ).. ( اي كثرة المال )
فقالت ( ياربي أدينا الغُنا لي جنى الجنى ).. ( اي الطرب وحبه والإبداع فيه )


تحياتي ودالعبيد

Quote: نحن في كلية الشرطة كان التعلمجية الواحد يقول ليك (لف يلف قطرك) حقيقة ما كنت فاهم يعني شنو يلف قطرك ؟ والمقصود يلف يطلع من القضيب يعني ينقلب ........

Quote: عافية ليك لبن صدري وشيل حكري ويغطيك جناح جبريل لا ينكسر لا يلين

هاشم الحبيب
كيفك يا رجل
يالها من دعوات صالحات من أم رؤوم حنون
العفو في العافية وعفت لك شيئين عظمين لبنها التي أرضعت في عامين
وأنت قطع شك بتكون أخدت ليك ستة شهور فوق المقرر ( بعرفك شفقان )
وشيل حكرها التي ظللت فيه إلى أن قمت منه تف يا المدرسة جاك زول
وبعد دا في السيرات والأعراس متحكر فوق حكرها ...


الله يديك العافية ومافي شئ خير من رضاء الوالدين
والله يسعدك دنيا وآخرة

تحياتي ومودتي

(عدل بواسطة خالد علي محجوب المنسي on 08-10-2008, 11:14 AM)

Quote: دخلنا ... يدخلك الـ ....