دعواتكم لزميلنا المفكر د.الباقر العفيف بالشفاء العاجل
|
|
 جروف الفرحة
|
جروف الفرحة
شاذلى جعفر شقَّاق
يا العطَّشتو جروف الفرحة
وما عارفِنَّها بكرة تَبتِّق
بكرة تفرهِد اخير من اوَّل
بكرة تهِز بالفال والجرتِق
بكرة تحلِّق فوقها غمامه
ومطر البشرى يسيل ويدفِّق
ونيل الأمل الضامِر وشارد
بكرة يفيض خيراتو تغرِّق
ولمَّا حصاد الموسم ينجح
تلقى الناس فرحانه تقرِّق
وفاطمة السمحة الشلتو سماحه
ترمى حجابها تحش وتورِّق
تحت النخلات اتلمُّوا ترابلة
حلاة القَنقَر لمَّا يطقطِق
وفى عين فاطمة بترقص فرحه
ونار الشوق جُواىَ تحرِّق
فى جوف المغرب تاهت نسمة
ضفاير فاطمة تفوح وتعبِّق
والودعات الفى شبَّاله
مرَّة توسوس ومرَّة تنقنِق
عند الشاطى قعدتَ معاها
وفى جُوَّاى قصيدة تجلِّق
يا فطومة تعالى نغنِّى
صوتِك ينقِّط زىّ المُشرِق
كنتَ زمان فى زمنِك شاعر
الّا الليلة بقيتَ التِّق
يا فطومة زمانِك اخضر
وجرف الفرحة مصيرو يبتِّق
|
|
 
|
|
|
|
|
|
|
 Re: جروف الفرحة (Re: shazaly gafar)
|
ايوة كدة يا شاذلى
من زمن و انا منتظرة البوست دة يغسل الهم ببراعم الازهار
وتعاين للسما تلاقيها صافية و زرقاء
حاجة تغسل الروح كدة
وتفتح "حق"الشذا فيضوع
وبكرة اكيد احسن من الليلة
والليلة احسن من امس
ربنا يعدلا عليك
| |
|
|
|
|
|
|
|
|
|
Re: جروف الفرحة (Re: lana mahdi)
|
الرقيقة لنا
تحياتى وحبى
والله عملتَ بى نصيحتك
قلنا نسكت نقرقر وننبسط امكن الايام دى تبتسم لينا
الشاعر الشايقى عندو حالة قريبة من حاتى دى قال:
كُلَّهِن بعدِك أًبنِّى
حتى يا طيبة العوانس
يا زمن كلْكِلْ معاى
حالاً مطرِّمْ وديمة عابس
ربنا يجعل ايامك كلها فرح
| |
|
|
|
|
|
|
| |
shazaly gafar
عبد الحميد البرنس
THE RAIN
lana mahdi
فيس بوك
تويتر
انستقرام
يوتيوب
بنتيريست