انه اسم فلم سودانى من بطولة محمد احمد الخائن تخيل بطل يكون خائن عمركم حضرتو فلم زى دة احضروا معاى لانه حصرى على هذه القناة والما شافوا الليلة (فاتو القطر) تانى ما بنعيده
مشهد اول صحى محمد احمد من النوم واستعد للذهاب الى العمل (اصلو بتاع رزق اليوم باليوم) وما اول رشفة شاى سمع فى المذياع ان الحكومة اللى كانت بتحكم اتقلبت وان الحكومة الجديد ما جاءات الا لتصحيح الوضع الذى وصل اليه محمد احمد من الفقر والبؤس وكل شئ (كعب) خرج محمد احمد ويمنى نفسه بمستقبل جيد بعد ان اتى الناس (الجدد) وكان فى هذا اليوم كله نشاط وهمة ويتخيل نفسه فى وضع افضل
08-03-2007, 06:06 PM
دوت مجاك دوت مجاك
تاريخ التسجيل: 07-15-2007
مجموع المشاركات: 2253
مشهد ثانى جار محمد احمد كان من ضمن الجماعة (الجداد) فى اليوم التانى محمد احمد شافوا فى التلفزيون (الابيض باسود) بتاعه والغريبة بقى شكل (غير) واصبح اكثر (ايمانا) وكلامه كلو (ايات واحاديث) من شدة الدهشة كان محمد احمد (فاتح خشمو) للاخر ومع نهاية الحديث كبر المتحدث وتبعهها (بتهليل) مما جعل محمد احمد يكبر خلفه نام محمد احمد فى ذلك اليوم مرتاح البال
08-03-2007, 06:08 PM
دوت مجاك دوت مجاك
تاريخ التسجيل: 07-15-2007
مجموع المشاركات: 2253
مشهد ثالث بعد شهر كان بيت جار محمد احمد بكسوا فيهو وهو وصاحبه اشترى عمارة فى الطائف واسق معاهو اولاده وفى اقل من شهر كان البيت بقى شكل (غير) وطوابق كتيرة وعشان ناس محمد احمد وشلة الحلة ما يقولوا صاحبنا افترى جاهم راجع وسكن فى نفس البيت بس البيت ما كان زى الاول بقى شكل (غير) هو زاتو بقى خطيب المسجد ورئيس اللجنة الشعبية للحى وطبعا السبحة ما بتفارق (يده)
08-03-2007, 06:09 PM
دوت مجاك دوت مجاك
تاريخ التسجيل: 07-15-2007
مجموع المشاركات: 2253
مشهد رابع طبعا ناس محمد احمد ساكنين فى الحلة القدامية قاموا ناس الحلة الورانية اتشاكلو مع ناس حلة محمد احمد وطبعا صاحبنا عشان من كبار اعيان الحى الناس فاتوا ليهو يستشيروا فى الموضوع بتاع الحرب فكان صاحبنا طوالى قال ليهم نجاهد عشان (حلتنا) واستنفروا شباب الحلة ومن كل بيت طلع ولد طبعا محمد احمد طلع ولد وصاحبنا عندو اربعة اولاد ما طلع ولا (ولد كشتينة) ساى المهم الشباب هاجموا ناس الحلة الورانية ومات فيهم من مات وعاد فيهم من عاد
08-03-2007, 06:10 PM
دوت مجاك دوت مجاك
تاريخ التسجيل: 07-15-2007
مجموع المشاركات: 2253
مشهد خامس صاحبنا بعد فترة ناس محمد احمد بقوا يتكلموا فيهو تحت (تحت) وما بقى يعجبهم كلامهم عشان كدة صاحبنا قرر يطبق فيهم عقاب شديد حتى يعودوا الى رشدهم فكر شديد واهتدى لفكرة عبقرية يمسكهم فى معايشهم ويضايقهم فيها طبعا محمد احمد شغال خضرجى فى السوق صاحبنا قال لرئيس المحلية كل خضرجى يدفع (مليون) جنيه شهريا والا يشوف ليهو شغلة تانية (هو فى شغل فى البلد دى) ولد محمد احمد اتخرج من الجامعة بتقدير جيد جدا قدر ما دخل معاينة فى وزارة طلبه بترفض ليه عشان هو ولد (محمد احمد) المعارض
08-03-2007, 06:11 PM
دوت مجاك دوت مجاك
تاريخ التسجيل: 07-15-2007
مجموع المشاركات: 2253
مشهد سادس الاجاويد خشوا بين ناس الحلة الورانية وناس حلة محمد احمد عشان صلح كدة ووقف الاقتتال وعشان ناس الحلة الورانية على نياتهم صدقوا كل الكلام اللى اتعاهد عليها صاحبنا مع انه ناس محمد احمد كانوا صادقين مع ناس الحلة الورانية ولكن عشان كل شئ فى يد (صاحبنا) طبعا هو اللى حيقرر كيف بعد الصلح الناس بتعيش وهو بلتزم ولا ما بلتزم المهم ما علينا(هسع)
08-03-2007, 06:12 PM
دوت مجاك دوت مجاك
تاريخ التسجيل: 07-15-2007
مجموع المشاركات: 2253
مشهد سابع محمد احمد بعد اتوفى وبقى ولده احمد محمد احمد هو رب الاسرة وكبير الاسرة وصاحبنا برضو اولاده كبرو وبقى برضو (كبار) زى ابوهم فى الوظائف وكل انتخابات كان ابوهم بيكسب فى فى الدوائر الكبيرة وهم بيكسحوا الانتخابات فى الدوائر الصغيرة وناس احمد محمد احمد زى ما خلاهم ابوهم قبل ما يموت
08-03-2007, 06:13 PM
دوت مجاك دوت مجاك
تاريخ التسجيل: 07-15-2007
مجموع المشاركات: 2253
مشهد ثامن احمد محمد احمد برضو تقدم فى العمر وعندو ولد سماهو محمد يعنى بقى اسمو (محمد احمد محمد احمد) وفى انتخابات جاية قريب بس محمد احمد محمد احمد دى مفتح شديد ما زى ابوه وجده
08-03-2007, 06:15 PM
دوت مجاك دوت مجاك
تاريخ التسجيل: 07-15-2007
مجموع المشاركات: 2253
مشهد قبل الاخير هل سيصوت محمد احمد محمد احمد لصاحبنا واسرته رغم ما مر به من ظلم ابتداء من جده الى ابيه ام يتم غشه مرة اخرى مثل ما السابقين باسم (الدين والوطنية) ام يتم زغللة عيونه بشوية (جنيهات)
ساعدونى فى الاجابة عشان اكتب الحلقة (الاخيرة)
08-03-2007, 08:36 PM
دوت مجاك دوت مجاك
تاريخ التسجيل: 07-15-2007
مجموع المشاركات: 2253
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
دوت مجاك
فيس بوك
تويتر
انستقرام
يوتيوب
بنتيريست