|
|
 لهذه الاسباب اعلن انضمامى للمؤتمر الوطنى
|
مافى زول يقول لى يا خائن
ولا زول يقول يسالنى عن الاسباب
لان الاسباب ساضعها هنا جميعا وهى اسباب مقنعة جدا
الاسباب التى اقتنعنى بان انضم للمؤتمر الوطنى هى
1- عايز اعمل شركات مليارية
2- عايز انهب قروش اى مشروع
3- عايز اى عطاء يرسى على شركتى او عرضى كويس ولا ما كويس
4- عايز اعتقل اى زول بيخافنى او بيقيف قدامى مشروعاتى
5- عايز اكون زول مسئول واظهر فى التلفزيون بسبب او بدون سبب (وعنكم ما فهمتو الكلام البنضم فيهو فى التلفزيون)
6- عايز افوز فى كل مهرجان وانال اوسمة وانواط حتى ولو كان البحث بتاعى عن نفسى
7- عايز يكون عندى استثمارات فى الخارج واعفاءات من الجمارك
8- عايز اعصر المواطنين ديل اكتر من كدة عشان الزيت الطلع منهم دى ما كافى وعندى قناعة ان زيتهم لسه ما طلع كله
9- عايز انتقل من وزارة لوزارة (مش حكومتنا)
10- عايز كلامى كلو يكون سمح (ان شاء الله ما انفذ فيهو حرف) هو الكلام بقروش
11- عايز اسكن فى ارقى احياء الخرطوم وانزع قطعة ارض من اى زول موقعه كويس (ما يمشى يسكن فى اى حتة هو البلد دى خلاص اتملت ما مليانة اراضى)
والله طموحى كبيرة وافتكر ما بلقى الامتيازات دى الا عند الكيزان
بفكر تانى ولو فى حاجة نسيتها برضو بضيفو ولو اى زول من الجيران او معارفى عايز شئ برضو بضيفو ليهو (هو انا داقى فيهو حجر ) ما مال عام وانحنا بنمثل العام (تانى شنو)
|
|
 
|
|
|
|
|
|
|
 Re: لهذه الاسباب اعلن انضمامى للمؤتمر الوطنى (Re: دوت مجاك)
|
نسيت
كمان عايز اتقلد فى نفس الوقت كم وظيفة (هو اصلا انا شغال ولا فى زول بيحاسبنى اشتغلت شنو)
كمان عايز ارافق كل وفد مسافر خارج السودان (لزوم تغيير الهواء وكدة) هو السافروا قبالنا مشوا عملو شنو ما سياحة والسلام
كمان عايز لى فى البيت عربيتين لخدمة المنزل (واحد للمدام والتانى تودى الاولاد المدرسة)
تانى فى شنو ذكرونى لو نسيت
| |
|
|
|
|
|
|
|
|
|
Re: لهذه الاسباب اعلن انضمامى للمؤتمر الوطنى (Re: دوت مجاك)
|
الاخ دوت مجاك
ما بس الموتمر الوطني هو البيعمل كدة كل السياسين عندنا بينتهزوا فرصة وصولهم للحكم وبينهبوا وشوف ارصدتهم قبل وبعد والان حتي الاخوة الجنوبيين القلنا جايين يحرروا وينتشلوا السودان من الفساد والفضائح يمارسون نفس الفساد والظلم
فالانقاذ منذ وصولهم ومنذ تضامنهم مع الترابي نهبوا البلد ونهبوا كل خيراتها ومعهم شيخهم الترابي والان الجنوبيين وبالامس الاحزاب ولك الله يا وطني
| |
|
|
|
|
|
|
|
|
|
Re: لهذه الاسباب اعلن انضمامى للمؤتمر الوطنى (Re: Elsheikh Mohd Aboidris)
|
Quote: الاخ دوت مجاك
ما بس الموتمر الوطني هو البيعمل كدة كل السياسين عندنا بينتهزوا فرصة وصولهم للحكم وبينهبوا وشوف ارصدتهم قبل وبعد والان حتي الاخوة الجنوبيين القلنا جايين يحرروا وينتشلوا السودان من الفساد والفضائح يمارسون نفس الفساد والظلم
فالانقاذ منذ وصولهم ومنذ تضامنهم مع الترابي نهبوا البلد ونهبوا كل خيراتها ومعهم شيخهم الترابي والان الجنوبيين وبالامس الاحزاب ولك الله يا وطني |
حبابك Elsheikh Mohd Aboidris
ما كلهم
الحركة الشعبية فيها استغلاليين نعم نفعين نعم مفسدين نعم
لانهم بشر
ولكن الفساد فى الجنوب غير مؤسسى بل انهم افراد انتهازين وحكومة الجنوب تحاربهم بكل الطرق وكل شخص ضبط يمارس الفساد المالى اودع السجن وتم ارجاع ما تم نهبه ولا يوجد تسويات التسوية الوحيدة هو ارجاع ما قمت بسرقتها
هذه الحالة فى حكومة الجنوب وهو شئ صحى ويوكد ان الحركة ماضية للاصلاح
اما فى الجانب الاخر
هل وجدت او سمعت يوما ان وزيرا فى المؤتمر الوطنى او اى مسئول قد تم محاسبتة او توبيخه على اضعف الايمان (لا) لم يحدث اذا هم افسد حكومة مرت على افريقيا والارض كلها
| |
|
|
|
|
|
|
|
|
|
Re: لهذه الاسباب اعلن انضمامى للمؤتمر الوطنى (Re: دوت مجاك)
|
كمان فى حاجات تانية نسيتها
عايز اشغل اخوى فى وزارة الطاقة مدير اى قسم هناك اصلو هو خريج تربية بس بيفهم كويس فى البترول من كترت المقالات اللى قراها عن البترول بس ما عايزو يكون فى مناطق الانتاج خلوه هنا عشان يخطط ليكم
كما عايز كل سنة اعرس مرة جديدة (محلل لى اربعة) وما افتكر لمن اطلق الرابعة عشان اعرس الخامسة اكون ارتكبت جرم
كمان عندنا جيرانا عندهم بيت من زمان ما بقدروا ناس الاسكان يدوهم ليها او يقنعوهم انهم ما مستحقين عايزهم يستلموها فى مدينة النيل (ما بهمنى كيف ان شاء الله تنزعوا واظة زول)
شوية كدة افكر وبرجع
| |
|
|
|
|
|
|
|
|
|
Re: لهذه الاسباب اعلن انضمامى للمؤتمر الوطنى (Re: دوت مجاك)
|
كتب الشيخ محمد أبو أدريس
Quote: ما بس الموتمر الوطني هو البيعمل كدة كل السياسين عندنا بينتهزوا فرصة وصولهم للحكم وبينهبوا وشوف ارصدتهم قبل وبعد والان حتي الاخوة الجنوبيين القلنا جايين يحرروا وينتشلوا السودان من الفساد والفضائح يمارسون نفس الفساد والظلم
فالانقاذ منذ وصولهم ومنذ تضامنهم مع الترابي نهبوا البلد ونهبوا كل خيراتها ومعهم شيخهم الترابي والان الجنوبيين وبالامس الاحزاب ولك الله يا وطني |
عليك أن تثبت في البداية أن كل الاحزاب قد عملت كدة وأنها سرقت ونهبت
أذكر الاحزاب وأذكر الادلة ?
ياعزيزي أن نزعة الفساد موجودة كنزعة ولكن ما يجعلها تتضخم هو
عدم الشفافية والشمولية والاقصا ء والتغول علي أستقلال القضاءة
والتغول علي حرية الصحافة والاعلام وأنعدام الرقابة وهذه سمات تمددت في عهد الانقاذ وأنكمشت
في العهود الديموقراطية بفضل الحريات والرقابة وأستقلال القضاءة
أي محاولة لوضع الجميع مع الانقاذ في سلةواحدة هي محاولة بائسة
فلا يوجد من يوازي الانقاذ في الفساد والدمار وتمزيق النسيج الاجتماعي
للبلاد والتفريط في السيادة والتراب والوطني والاقصاء
هذاليس كلامنا نحن فقط وأنما شهادات أهل الانقاذ أنفسهم
وأن كنت محتاج لأدلة بلسان أبناء ما يسمي بالحركة الاسلامية لأرفدناك بها
كمال
| |
|
|
|
|
|
|
|
|
|
Re: لهذه الاسباب اعلن انضمامى للمؤتمر الوطنى (Re: Kostawi)
|
عزيزى دوت مجاك
عايزQuote: 1- اعايز اعمل شركات مليارية
2- انهب قروش ى مشروع
3- عايز اى عطاء يرسى على شركتى او عرضى كويس ولا ما كويس
4- عايز اعتقل اى زول بيخافنى او بيقيف قدامى مشروعاتى
5- عايز اكون زول مسئول واظهر فى التلفزيون بسبب او بدون سبب (وعنكم ما فهمتو الكلام البنضم فيهو فى التلفزيون)
6- عايز افوز فى كل مهرجان وانال اوسمة وانواط حتى ولو كان البحث بتاعى عن نفسى
7- عايز يكون عندى استثمارات فى الخارج واعفاءات من الجمارك
8- عايز اعصر المواطنين ديل اكتر من كدة عشان الزيت الطلع منهم دى ما كافى وعندى قناعة ان زيتهم لسه ما طلع كله
9- عايز انتقل من وزارة لوزارة (مش حكومتنا)
10- عايز كلامى كلو يكون سمح (ان شاء الله ما انفذ فيهو حرف) هو الكلام بقروش
11- عايز اسكن فى ارقى احياء الخرطوم وانزع قطعة ارض من اى زول موقعه كويس (ما يمشى يسكن فى اى حتة هو البلد دى خلاص اتملت ما مليانة اراضى)
|
تعرف يا سيدى العزيز كل الاسباب دى موجوده عند الحركة
وبصوره اضخم من الموتمر الوطنى يا رجل دى الهبره الواحده
فى الحركة بتكون فوق الستين مليون دولار يعنى لمن اولاد اولادك يصبحو
رجال ما بتحتاج لمليم واحد
واهديك مقتطفات لذلك حتى تقوم بتغير رايك وتكون فى مربعك الاول الحركة
Quote: وزير في حكومة جنوب السودان يعرقل تحقيقا في قضية فساد
أنفق 70 مليون دولار لشراء عربات رباعية
جوبا ـ لندن: «الشرق الأوسط»
أمر برلمان جنوب السودان بإجراء تحقيق مع وزير بالحكومة يقول البرلمان انه عطل تحقيقا مع مسؤولين كبار متهمين بالفساد في المنطقة الغنية بالنفط والتي تتمتع بحكم شبه ذاتي. واستدعى البرلمان وزير داخلية جنوب السودان بول مايوم الأسبوع الماضي لتفسير السبب وراء بطء إجراءات التحقيق في اتهامات بأن مسؤولين بوزارة المالية دفعوا مبالغ ضخمة لشراء عربات للحكومة والشرطة. |
Quote: كشفت مصادر داخل حكومة الجنوب السودانية اعتقال اثنين من أبرز القيادات الجنوبية وإيداعهما السجون عقب تلقيها بلاغات تتهمها بالفساد، وأوضحت صحف الخرطوم الصادرة أمس أن المعتقلين هما العميد متقاعد مارتن ملوال أروب عضو مجلس قيادة ثورة الإنقاذ الوطني، والمقرب من الحركة الشعبية في الوقت الراهن، وايزك ماكور اتيم مدير عام وزارة المالية بحكومة الجنوب وقد ذكرت المصادر أن المبالغ موضوع الاتهام قد تتجاوز المائتي مليون دولار أمريكي.
وقالت المصادر إن المتهمين اللذين تم اعتقالهما أول أمس واجها تعاملاً تضمن الكثير من التعسف وأودعا السجن مباشرة دون أن يمرا على حراسات الشرطة وأفادت معلومات أن مارتن ملوال كان على صلة بكل الأعمال المرتبطة بمشتريات حكومة الجنوب الداخلية والخارجية بينما هدد ايزك ماكور معتقليه بأنه سيضطر إلى كشف كبار المسؤولين المتورطين في عمليات الفساد بالوثائق والمستندات |
والقائمة طويلة سيدى دوت مجاك عشان كده خليك فى مكانك عندكم الارض خصبه جدا وممكن تكون فيها ما تود ان تكون وفى سرعة خرافية فتك
بعافيه وبعدين ما تنسانى اهو انا نورتك.......
| |
|
|
|
|
|
|
|
|
|
Re: لهذه الاسباب اعلن انضمامى للمؤتمر الوطنى (Re: kamalabas)
|
الاخ kamalabas
عليك أن تثبت في البداية أن كل الاحزاب قد عملت كدة وأنها سرقت ونهبت
أذكر الاحزاب وأذكر الادلة ?
هي وين الديمقراطية انت تقصد المحاولة الديمقراطية عام 96 هل نسيت الفساد والمحسوبية في تلك الفترة وتخزين المواد التموينية والفساد وغيرة
والان الانقاذيين ايضا عاثو في البلاد فسادا وسرقة ونهب بس انت عندك دليك مادي اي مستندات عليهم كلنا نتكلم ولا نملك دليل عليهم
علشان كدة ما تطالبنب بدليل ايام الاحزاب اي المحاولة الديمقراطية كان هناك فساد وفساد كبير وتشوية للممارسة الديمقراطية
تفادات بدون ادلة كما تزعم ما بدنا اياها بدنا ادلة ذي ما انت بتطلب
وبعدين متي كان هناك مسالة لاحد لم نسمع او نراء محاسبة ايام الاحزاب لاي شخص هم جميعا شاركو نميري واتو ايام الانتفاضة وقالو نحن مناضلون والان بعضهم يشارك ويقل انة مناضل سبحان الله
الوقت تغير والزمن ليس بزمن 96 لكي نصوت بطائفية او لاشخاص بعينهم لن نرضي لاي شخص بتشوية الديمقراطية مرة اخري والتصويت حيكون علي حسب من يعطي للوطن اولا وبدون مجاملات
| |
|
|
|
|
|
|
|
|
|
Re: لهذه الاسباب اعلن انضمامى للمؤتمر الوطنى (Re: دوت مجاك)
|
Quote: كان شديت حيلك فى الحركة الشعبية بتلقاها!
وكمان بالدولار!
ولكم فى آرثر كوين قدوة حسنة!
وكمان قبيلتك بتحميك وتقلعك من مركز الشرطة! |
أها يا جني بعدين ما تقول أنا ضد الكيزان!
غايته ما عارف عنصريتك حتوصلك وين..
لكن واضح أنها أسقطت عنك بالكامل قناع الليبرالية المزيف!
| |
|
|
|
|
|
|
|
|
|
Re: لهذه الاسباب اعلن انضمامى للمؤتمر الوطنى (Re: Adrob abubakr)
|
Quote: أها يا جني بعدين ما تقول أنا ضد الكيزان!
غايته ما عارف عنصريتك حتوصلك وين..
لكن واضح أنها أسقطت عنك بالكامل قناع الليبرالية المزيف! |
يا أدروب
يا حليل قرنق
شوف آرثر عمل شنو وباقان بعمل شنو!
فرقهم شنو من الانقاذ وهم شركاؤها فى الحكم!
بدل ما ينتقد الحركة ويحذرها من سلوك عصابة الانقاذ عاوز يستغفلنا!
وهسة ناسك حيصالحوا ناس الانقاذ ويلهطوا بس صبرك شوية!
ليبراليتى ما بضووا ليها نار براها مولعة!
جنى
| |
|
|
|
|
|
|
|
|
|
Re: لهذه الاسباب اعلن انضمامى للمؤتمر الوطنى (Re: دوت مجاك)
|
دوت
مساء الخير
| Quote: ولو اى زول من الجيران او معارفى عايز شئ برضو بضيفو |
لازم تمشي الحج كل سنة ( لزوم الوجاهات وكدة ) عشان تكف العين.
وبعدين الاجازات مالك نيستها ....هاواي وتركيا وماليزيا
لازم تمتلك شقه في القاهرة وواحدة في الاسكندرية( عشان القاهرة حر اوي في الصيف)
مبروك عليك المؤتمر الوطني....ان شاء الله يسجلوا ليك وزارة اتحادية بي اسمك ....واهو كلو من
مالنا......
موددات كثيرة
| |
|
|
|
|
|
|
|
|
وبعدين اللعب دا فيهو كلمة > ســـــــــــــــر جــــــــــــــاخ ما تنساها<
| |
|
|
|
|
|
|
|
|
|
Re: لهذه الاسباب اعلن انضمامى للمؤتمر الوطنى (Re: دوت مجاك)
|
تعرف يا دوت بعد تعمل الحاجات دي كلها كمان يدوك "نجمة انجاز" وتصبح اسم كبير من "أسماء في حياتنا" واحتمال يسموا عليك شارع .. موش الأعلام حق الجماعة ديل والبيكتبوه سعيد خلاص سعيد .. ولو هبرت ليك هبرة مشاترة شوية ما تخاف لأنه هنالك بند لمثل هذه الحالات اسمه "استراحة محارب" الى أن يجهزوا ليك "الوزارة" البديلة .. بس ما تنسى تربي الدقينة وتطرق الحس للتكبير والكضب (بعد ما تاخد دورات مكثفة) ..
عمر
| |
|
|
|
|
|
|
|
|
|
Re: لهذه الاسباب اعلن انضمامى للمؤتمر الوطنى (Re: دوت مجاك)
|
اخوتى
مساء الخير
والله انا امنيتاتى هسع امنياتى وحاجاتى العايز اسويها فاقت الخمسة ورقات ولسع بفكر فى حاجات تانية
لمن اكملها تب بجيكم راجع
وبعدين شايف الكيزان ما عايزينى انضم ليهم
يا خلق الله القروش دى ما بتكمل واهو البترول كل يوم مكتشفين بئر جديد
ما تخلونا شوية معاكم
اهو تكونوا كسبتو اخو معاكم يشاركم الحلوة (بس)
| |
|
|
|
|
|
|
|
|
|
Re: لهذه الاسباب اعلن انضمامى للمؤتمر الوطنى (Re: دوت مجاك)
|
مافى كوز يزكينى يا جماعة
خلونا نلهف حق الشعب دى شوية
ادونى ان شاء الله حلة واحد بس وخلى الباقى ليكم
خلونا نكضب معاكم شوية
خلونا نعذب معاكم شوية اصلى كرهان لجماعة هنا كدة
خلونا نرسم معاكم مؤامرات شوية (اصلو اخوكم رسام نمبر ون)
خلونا نصرح كمان اصلى بصرح فى كل شئ ودائما ممكن اقول عبارتكم المشهورة (سيادة ارض الوطن والتدخل الاجنبى)
يا جماعة هوى
| |
|
|
|
|
|
|
|
|
|
Re: لهذه الاسباب اعلن انضمامى للمؤتمر الوطنى (Re: مجاهد عبدالله)
|
دوت سلامات
Quote: أولا كان هناك أستقلال قضاءة في الديموقراطية وشفافية وحرية صحافة
ورقابة .....كان يمكن لكل من يملك دليل فساد أن يتقدم به للقضاءة
وقد روجت صحف الجبهة كثيرا لدعاوي الفساد ونصبت المحاكم لمحاسبة رموزالعهد
الديموقراطي ولكنها فشلت في أدانتهم مما يوضح أن الامر كان مجرد مكائدة
وكما قلنا أن الفساد يفرخ في ظل الكبت وأنعدام الشفافية والتغول علي
أستقلال القضاءة وحرية الاعلام.....هذه معطيات وحقائق لاتقبل الجدل
يا شيخ.......
فساد الجبهة أعلنه شيخها وعرابهاالترابي حتي قبل الانشقاق وأعلنه يس عمر
الامام والجميعابي الخ ..........
|
شكراً العزيز كمال
| |
|
|
|
|
|
|
|
|
|
Re: لهذه الاسباب اعلن انضمامى للمؤتمر الوطنى (Re: Rama)
|
و ليه تعبان كدا ؟؟
ياخي أعمل فيها حركة تحرير بتاعت مناطقة مهمشة ..
و شوف ليك كم واحد من أولاد حلتكم ..
و فكوا ليكم عشرة طلقات و عشرين تصريح صحفي ..
بكرة الحكومة حتقوم تدفع ليكم أول بعدين تجي تفاوضكم و أكيد حتعمل معاكم إتفاقية قسمة ثروة و سلطة ..
و بعد كدا أعمل ميت ..
وسلملي على المهمشين ..
| |
|
|
|
|
|
|
|
|
|
Re: لهذه الاسباب اعلن انضمامى للمؤتمر الوطنى (Re: Rama)
|
نسيت أهم حاجة وهي إنك تألف ليك كتاب في النقد الذاتي .. وأخطاء الحزب والحركة والمعارضة .. ومشيناها خطى .. واهتدينا.. ولماذا المؤتمر الوطني.. وهلم جرا.
وما تنسى تحج كل سنة
وكمان تعمل عُمرة كم مرة في السنة مع العائلة الكريمة
وكلو على حساب الدولة.
| |
|
|
|
|
|
|
|
|
|
Re: لهذه الاسباب اعلن انضمامى للمؤتمر الوطنى (Re: دوت مجاك)
|
الاخوة الاعزاء
اسف للغيبة لبعض المشغوليات الخاصة
هسع قاعد اكتب فى سيرة ذاتية
طبعا لازم تكون من ال البيت وكدة
ولازم يكون مشهود ليك بالامانة (فى السرفة والنهب)
ولازم يكون كلامك معسول ومسئول
لازم تبداء بايات قرانية (ما مهم تكون قاصد معانيها)
لازم يكون وعودك كثيرة ويكون الوعود متبعوة بتبرع عينى (اديها لاى موظف فى منطقة الزيارة وبعدين يرجعها ليك) لزوم الوجاهة وكدة
لازم تكون زول ما بتعرف الحنية واى زول يجيك زيارة لازم يلقاك فى اجتماع
ما مهم الموظفين اللى تحتك بيعملوا فى شنو ولا شايفين شغلهم ولا لا
المهم انهم شغالين ليك شغلك ولا لا
ما المهم الشعب دى يموت ولا يحيا
المهم الفضلو حيين كم
ما مهم التنمية يكون فى كل السودان
المهم الخرطوم عاصمة (حلوة) ومن ناحية العمران سمحة وهى واجهة البلد
ما مهم اى مواطن يكون عندو بيت ملك
المهم انا عندى كم فلة فى وسط الخرطوم وما مهم اسكن فيها المهم حقاتى وبس
| |
|
|
|
|
|
|
|
|
|
Re: لهذه الاسباب اعلن انضمامى للمؤتمر الوطنى (Re: دوت مجاك)
|
Quote: طبعا لازم تكون من ال البيت وكدة
ولازم يكون مشهود ليك بالامانة (فى السرفة والنهب)
ولازم يكون كلامك معسول ومسئول
لازم تبداء بايات قرانية (ما مهم تكون قاصد معانيها)
لازم يكون وعودك كثيرة ويكون الوعود متبعوة بتبرع عينى (اديها لاى موظف فى منطقة الزيارة وبعدين يرجعها ليك) لزوم الوجاهة وكدة
لازم تكون زول ما بتعرف الحنية واى زول يجيك زيارة لازم يلقاك فى اجتماع
ما مهم الموظفين اللى تحتك بيعملوا فى شنو ولا شايفين شغلهم ولا لا
المهم انهم شغالين ليك شغلك ولا لا
ما المهم الشعب دى يموت ولا يحيا
المهم الفضلو حيين كم
ما مهم التنمية يكون فى كل السودان
المهم الخرطوم عاصمة (حلوة) ومن ناحية العمران سمحة وهى واجهة البلد
ما مهم اى مواطن يكون عندو بيت ملك
المهم انا عندى كم فلة فى وسط الخرطوم وما مهم اسكن فيها المهم حقاتى وبس |
و النسوان ....؟ لازم تكون عندك 2 علانية(القديمة والجديدة) و كذا واحدة (بالسر)
بتاعات (السر) يمكن استبدالهن كما تستبدل ملابسك ... ويقفلن خشومهن والا ....
| |
|
|
|
|
|
|
|
|
|
Re: لهذه الاسباب اعلن انضمامى للمؤتمر الوطنى (Re: دوت مجاك)
|
اها يا ناس المؤتمر (الوطنى)
رمضان كريم
طبعا انتو ناس (الصوم) زاتكم ومافى زولا فايتكم فى (التدين)
والعمل (عبادة)
اها (دحين) تكملوا لى اجراءات الانضمام لحزب (النهب) اقصد (حزبنامعاكم) متين
اصلو العيد قرب ولا يخفى عليكم مصاريفها
فلحقونا معاكم ان شاء الله نسرق لى قروش افطار جماعى ليوم واحد بس
بتكفينى اصلو اخوكم قنوع جدا وبرضى بالبسيط
لمن نكبر داك بنطلب تمويل من اى بنك بمليارات ان شاء الله يخسر ما يهمنى (ما قروشنا)
| |
|
|
|
|
|
|
|
دوت مجاك
خالد العبيد
kamalabas
Kostawi
waleed500
jini
Abureesh
Adam Omer
adil amin
وفي رواية اخرى جناح عثمان محمدين
بشير حسـن بشـير
عز الدين بيلو
omar altom
Nasr
Omer Abdalla
lana mahdi
Ahmed musa
عصام دهب
ولياب
osama dahab
فيس بوك
تويتر
انستقرام
يوتيوب
بنتيريست