كوز يبيع معونات اهل غزة

Quote: كدي خليهو يبرطع حبة

Quote: بوست متزمزغ . لا لون له وتفوح منه رائحة الشياط ... ...

Quote: العزيز دوت الفساد سيصيبهم فى مقتل عن قريب لذا تجد ان البعض يدافع عن الفساد دون وعى ودونك جريمة الدواء الفاسد وأبطالها مندور المهدى وصلاح كمبال. الدواء الفاسد والإعلام الراشد . صيدلي/ياسر ميرغني عبد الرحمن بابكر عبد السلام( محاليل مارك الفاسدة) شاهد دفاع لدفن ج...ادات الطبية !!!!!!!! !!!!!!!!

Quote: دوت مجاك.. تحياتي ديل يا دوت بتجاروا بكل شي وفي كل شي دمغة جريح وشهيد وذاد المجاهد وووو.. ديل يادوت يقتلوك في الخرطوم ويسموا بيك اسم شارع (( شارع الشهيد فلان )) ويعرسوا زوجة الشهيد ولاحظ ديل ناسهم ومعاهم في نفس الخندق .. تقول لي غزه واهل غزه البعاد ديلك..

Quote: مش برضو افضل من بتاع حركة شعبية بيبيع فى معونات اهل الجنوب

Quote: وليد دة ما سمعنا بيها ولا شفنها

Quote: معونات أهل غزة أنضربت؟؟؟ دي كثيرة .... ¿¿¿

Quote: دوت مجاك, سلامات. هولاء عبارة عن عصابة لا تخاف الله فى السماء و لا الجهنم فى باطن الارض. قبل اسبوع شاهدت بعيناى فى تلفزيون جنوب السودان مجموعة من الكيزان مقبوضين من قبل شرطة مدينة جوبا و معهم نصف مليون دولار مزور و قبل يومين شاهدت فى فضائية افروكاريبية حفلة يوم افريقيا اقامها مندوب السودان لدى الامم المتحدة باعتبار السودان يتراس المجموعة الافريقية. اتت الوفود الافريقية الى مقر الإحتفال و بينما كانت سيدة فى غاية الشياقة (اظنها سيدة حرم السفير) تلقى كلمات الترحيبا اظهرت الكاميرا الحاضرين من الضيوف و فى ايادهم افخر كاسات النبيذ الاحمر و الشامبين الابيض, اها مان, يعنى بالعربى الجماعة كانت بتسكر بعرقى نظيف و ببيرة سااااقطة..

Quote: يادوت الفساد فى كل مكان .. الله يخلص الناس كلها منه ... ¿

(عدل بواسطة Zakaria Joseph on 06-04-2009, 03:14 PM)
(عدل بواسطة Zakaria Joseph on 06-04-2009, 03:15 PM)
(عدل بواسطة Zakaria Joseph on 06-04-2009, 03:38 PM)

Quote: الاخ دوت. هل سمعت بالهتافات التي كانت تقول "لا مربى ولا ساردين ولا تجارة بأسم الدين" "تجار الدين سرقوا التموين" . .

Quote: العزيز دوت لا غرابة في الأمر وإن وصل البوليس أو المحكمة ، سرقوا البلد كلها وباسم الدين ، ما غالية ولا كثيرة عليهم إغاثة غزة

Quote: وأقيل وزير المالية ارثر أكوين تشول رسميا من منصبه بعد أن أوقف عن العمل لاستجوابه بخصوص مزاعم عن اختلاسات في الوزارة في مارس اذار..............

Quote: بصراحة يادوت سؤالى وأرجو إنو مايكون استفزك لأنو أنا متابع كتاباتك من فترة طويلة وانا مستغرب من لغتك العربية من ناحية الكتابة والمحادثة لكن على كل حال أهو أنا برضو نوبى وبكتب وبقرأ عربى كويس لأنو إتربيت ودرست فى الخرطوم فما المانع فى حالتك برضو وأعتقد إنك فى مداخلات سابقة ذكرت الكلام دا , أعتذر مرة أخرى لسؤالى .. ...

Quote: وياخى ما يبيع معونات غزة انت غزة مالك ومالها يعنى بتهمك للدرجه دى

(عدل بواسطة Zakaria Joseph on 06-05-2009, 05:19 PM)

Quote: رعوا لاخوتكم فى غزة تبرع بالدم لاهلك فى غزة ساعد اهلك فى غزة نقف مع اهل عزة فى محنتهم الانسانية ولكن ان يكون اهل غزة مطية لتحقيق اهداف شخصية هذا لا يقبله ضمير اى انسان حى ان تاكل مال الاخرين باسم الضعفاء والمنكوبين هذا لا يفعله حتى الشياطين انفسهم ولكن هذا يحدث فى السودان بالامس فقط انكشف ان معظم التبرعات التى تبرع فيها السوانيين لاهلهم فى غزة لم تذهب كلها بالامس بعد ان اختلف اللصوص عديمي الضمير فى تقسيم (الغنيمة) انكشف المستور القصة هى ان احد معارفنا قام بتسويق بعض البضائع المختلفة بعضها جديد وبعضها قديم من مختلف الاصناف ملابس وبطاطين ومواد تموينية وتصاديق اعفاء لمنظمة تريد مساعدة اهل غزة تم البيع ولكن الشخص المسئول اراد ان (ينوم) بالحمل وما حمل وسافر الى دبي وخلى الجماعة فى خبر كان وعندما عاد قامت مناقشة بينه وبين المطالبين حتى وصل الامر للتعارك بالايدى تدخلنا لمعرفة السبب وتهدئية النفوس فى البدء رفضو ان يحكوا اصل المشكلة حتى لا تقع الفضيحة ولكن الكوز اراد ان يستغل هذا الامر حتى لا يطالب الاخرين بحقهم فى الحرام ولكن يبدو ان الشباب ارادوها علينا وعلى اعدائنا حكوها لنا من الالف الى الياء وقامت تانى مشكلة وتشابك بالايدى عندما عجزنا عن حل الاشكال ذهبنا لمركز الشرطة وهناك فاح الخبر لشريك يبدو ان مركزه مرموق ويخاف الفضيحة قبل متابعة الامر وفتح البلاغ اتصل شخص بالضابط المسئول وتم الاخلاء بصاحب الشكوى جانبا وتم التوصل الى تسوية ولكن الاخر اصر ان يستلم حقه هنا وحالا بعد نصف ساعة حضرت عربة امجاد بداخلها كيس بها اوراق نقدية فئة خمسين جنيه كان هو نصيب المسوقين وتم تدارك الموضوع وبرضو يقولوا لا للسلطة لا للجاه وبرضو قالوا عايزين يساعدوا اهل غزة بعد انكشاف هذا الامر كم هى المساعدات التى تم بيعها فى السوق قبل وصولها للذين تم جمع هذه التبرعات من اجلهم

Quote: 0/10 أعِـــد .

Quote: المشكلة فى الورقتة بيضاء يعني ما كتب حاجة اساسا دة بقى يعملوا ليهو شنو يا فالح جاوب

Quote: البصاص اخوى .. ما غريبة على الكيزان وانت تعلم ذلك جيدا انهم قادرون على فعل ذلك .. التجارة باسم الدين هو اسلوبهم .. ..

Quote: والله يا عاصم يا اخوى البصاص الحاجة دى مزعلاهو شديد وقال اصلا ما بيعملوا كدة

Quote: كلعاده ، جو الناس المع الحكومه قالو الكلام ده ما حصل ، و كان حصل ما إنتو زاتكم في الجنوب بتسوو كده ! و جو الناس الضد الحكومه و قالو الكلام ده حصل و الكيزان ديل مش يبيعو الاغاثه ، ديل يبيعو ناقه صالح ذاتها !!! و مافي زول سال أخونا دوت من دليل علي صحه كلامو ده !! و أنا هنا ما بشكك في ذمه أخونا دوت لكن بدعو لانو الناس ما تلقي القول علي عواهنو ، العندو دليل علي حاجه يجيبها ، الما عندو يسكت ساكت ! لانو ده بيفتح باب بتاع اتهامات و كلام بلا أدله ، و أي زول عندو غبينه مع زول أو جهه ، يجي يكبها هنا و يجو الناس المع الجهه دي ينفو الكلام و الناس الضدها ياكدو !!!! بدون دليل مافي إتهام عندو معني !!!! !!!!