دعواتكم لزميلنا المفكر د.الباقر العفيف بالشفاء العاجل
|
|
 فاضلابي
|
فاضلابي
تعودنا أن نسمع عن ، أو نقرأ عن أو لـِ ، أو نحكي عنهم . أنهم ذلك الجيل القديم من الرواد وتابعيهم . روادنا في كل مناحي وضروب ودروب الفنون والآداب وحتى العلوم .. وهم بحق يستأهلون أن يكتب عنهم ويقرأ عنهم ولهم ويسمع عنهم ومنهم .. لكننا في ظل انبهارنا الكامل بهم ، لم نعطي أجيال خلفتهم من المبدعين ما يستحقون من شكر وتبجيل .. والاثنان لعمري هما دافع ومحفز للمبدع للمواصلة .. فتسببنا بدون وعي في إطفاء جذوة الإبداع ومواصلته في الكثير من مبدعينا .. فقط لأننا نبجل الرواد ونتجاهل سواهم ..
لست بناقد .. ولست مؤهل لذلك .. لكنني مستمع .. اعتقد في نفسي الذوق الجيد .. ولأنني منحاز بالكامل إلى أبناء جيلي .. سأكتب هنا عن الفاضلابي .. واقصد محمد محمد علي الفاضلابي .. الشاعر والقاص والتشكيلي وقبل ذلك كله سأكتب عن الفاضلابي الإنسان .. وستكون كتابتي من وجهة وزاوية المستمع والمتابع فقط ..
فاعزوني إن كانت بعض أرائي فطيرة أو غير صحيحة ..
هي محاولة.. حتى يتحرك النقاد أهل الدراية والخبرة والمجال .. ليكتبوا عن مبدعينا الجدد ولا أقول الصغار .. لان من سأكتب عنه كبير وكبير جدا
( نحن ما بنوثق للزول إلا يموت ولا يشيل جائزة عالمية )
|
|
 
|
|
|
|
|
|
|
|
Re: فاضلابي (Re: وليد محمد المبارك)
|
الوليد إزيك
و الله ياخ انا برضو بتفق معاك
ما عشان حاجة إلا انو فاضلابي بتاع ( جدعـات )
و في الجدعات الحلوة .......
يعني أديك الدليل
فاضلابي دا أنا عرفتو هنا في المنبر دا و بعد ما بقيت عضو
مع انو راجل معروف و مشهور  على نطاق المنابر و الفنون
لكن بالجد الفاضلابي موهوب و جدعاتو عاجباني
إذن انامن معجبي فاضلابي (بتاع الجدعات) 
ومن معجبي أصحابو زاتو ..(يعني انت يا وليد)
ربنا ما يحرمنا من كل ما جميل و رائع
من أحبتي ابناء بلدي
يديك العافية
| |
|
|
|
|
|
|
|
|
|
Re: فاضلابي (Re: غباشي)
|
غباشي ..
تسلم يا حبيب
حقيقي الفاضلابي زول مليان وشاعر فطحل ورسام مبدع ومان عنده جدعات تانية
| Quote: ومن معجبي أصحابو زاتو |
الذكور فقط
هاهاهاهاهاهاهاهاهاها
تسلم يا مان
وخليك قريب
| |
|
|
|
|
|
|
|
|
|
Re: فاضلابي (Re: وليد محمد المبارك)
|
اول مرة رايت فيها الفاضلابي كان ذلك عام 1996 ان لم تخني الذاكرة .. كان ذلك في مسرح جامعة النيلين في مباني الادارة حفل استقبال الطلاب الجدد .. قال لي صديقي ماذن امير سيكون لهذا الفتى مستقبل واعد فالفاضلابي يصغرنا بعام او عامين .. قال صديقي الذي ذكرت " اني احاول جاهدا ضمه للرباط *" .
كنا مجموعة .. وكنت اكثرهم انتقادا للفاضلابي .. وقلت " ياخ عاين ليه برقص وبتلولح كيف !! شكله كده زول بتاع وهمات وما مالي مركزو " ..
فرد على صديقي .. سوف ترى
* الرباط جمعية اجتماعية علمت في مجموعة من الجامعات السودانية اشهرها النيلين وجامعة امدرمان الاهلية تعني بالعلاقات الاجتماعية فقط
| |
|
|
|
|
|
|
|
|
|
Re: فاضلابي (Re: وليد محمد المبارك)
|
بعد فترة ليست بالطويلة .. سنحت لي فرصة لمشاهد الفاضلابي والاستماع له وهو يلقى اشعارة .. وقد قدمت المشاهدة على الاستماع لان الفاضلابي يجسد اشعارة بحركات لا ارادية او تعبيرات تصدر منه تعبر تماما عن النص وتشرح الكثير من مفرداته ..
كان ذلك اما في كلية العلوم او كلية القانون .. لا اذكر ... وقد رايت كما اخبرني صديقي
واقتنعت
الانطباعية آفة السودانين .. عفانا الله منها
| |
|
|
|
|
|
|
|
|
|
Re: فاضلابي (Re: وليد محمد المبارك)
|
شكرا يا وليد سنتابع معك لنعرف اكثر عن الفاضلابي.....
لمساته واضحه على البورد
امين...... ونقي..... وعميق....وهذا يعني الكثير في هذا الزمان...له الود.
| |
|
|
|
|
|
|
|
|
|
Re: فاضلابي (Re: وليد محمد المبارك)
|
شاهدته بعد ذلك كثيرا واستمعت له داخل او خارج الجامعة بل اصبحت من المتابعين له .. كنا شلت اصدقاء تتقصى اخباره الفنية وتتابعه ونرحل الي اماكن اقامتها لنستمتع ..
كانت له قصائد مشهورة ومعروفة تنكر لها هو الان .. ويا ليته يمدني بنصوصها الكاملة فقط للتوثيق .. يا ليته يفعل ..
اذكر من تلك القصائد
مجوك .. عشقتك .. توية ..وقصائد اخريات نسيتها لكنني سابحث عنها في دفاتر اصدقائي القديمه .. وساجدها
تنكر الفاضلابي لقصائده القديمة بعد ركوبة البحر
| |
|
|
|
|
|
|
|
|
|
Re: فاضلابي (Re: وليد محمد المبارك)
|
وليد
إزيك ,,
ذكرتنى بوست قديم إحتمال أنسخ منو وأجيب ليكــ
"أكثر ما يعجبنى فى الفاضلابى هو وضوحه المطلق,,والضفارى بتاعو ده"
بديك إحساس انوا بعيش بى عمرك ,,ٌقدرك ,,هواجسوا هواجسك
هموموا همومك,,"جاييك تانى
| |
|
|
|
|
|
|
|
|
|
Re: فاضلابي (Re: الملك)
|
اول مرة ارى فيها رسم للفاضلابي .. كان ذلك في كافتريا المواني البحرية قبالة كلية القانون جامعة النيلين ... لا افهم كثيرا في الرسم الغريب ( سريالي ولا تشكيلي ) ولا اي مسمى اخر ... فقط اهتم بالشكل واللون واحيانا المعني .. في ذلك الرسم الذي كان يحمله الفاضلابي .. شدني المعني كثيرا .. حيث انه لا شكل واضح او زوايا صعبة في الرسم .. كان الرسم عبارة عن مؤخرة راس فتاة .. بالسوداني كده دنقوس او فاخورة وهي المنطقة الخلفية من الراس حيث منبت الشعر .. لا معالم في الرسم للوجة او بقية الجسد .. وكان في منتصف الراس والشعر توجد قضبان زنزانة فاجة للشعر من حولها .. وكانها جزء اصيل من راس الفتاة .
فكانت الرسمة لفتاة خافضة راسها الى الارض وكان بداخل راسها افكار حبيسة خلف قضبان التقاليد والاعراف واشياء اخرى .
حاجة عجيبة وفكرة مجنونة
| |
|
|
|
|
|
|
|
|
|
Re: فاضلابي (Re: الملك)
|
الملك يا فردة
الشوق محيط ياخ
انت يا جبان اخوك يعمل حادث ويكسر خشمو ولا تلفون ساكت
بعدين ما تنسانا من شريط فاضلابي
| |
|
|
|
|
|
|
|
|
|
Re: فاضلابي (Re: وليد محمد المبارك)
|
| Quote: امين...... ونقي..... وعميق....وهذا يعني الكثير في هذا الزمان |
أجمل ما قيل فى هذا البوست ففعلاً فاضلابى هو كذلك وقد زاملته فى المرحلة الثانوية وصراحة هو لم يكن دفعتى فأنا أكبره سناً ولكن من منا لم يكن يعرف ذلك الود الشقى محمد الفاضلابى
فاضلابى فنان فنان فنان وكفى
لك التحية الأخ وليد على فتح هذا البوست فالرجل يستحق وزيادة
| |
|
|
|
|
|
|
|
|
|
Re: فاضلابي (Re: ابن الرشيد)
|
ابن الرشيد سلامات
يا ريتك تكون قريب .. لان كثيرين ممن جمعتهم الدراسة بالفاضلابي واقصد خور عمر وداخلياتهاتحديدا .. اجمعوا على ان الفاضلابي كان ملح الداخليات وشقيها المحبب .. سياتي ذكر بعض مواقف الفاضلابي في داخليات خور عمر على لسان بعض ممن عاصره هناك ... يا ليتك تمدنا ببعض ما تذكر
تسلم
| |
|
|
|
|
|
|
|
|
|
Re: فاضلابي (Re: وليد محمد المبارك)
|
وليد
فاضلابي ده انا عرفتو في 97 تقريبا
مامتذكر كيف ولا مع منو..
بس بتذكر انو فجاة بقينا اصحاب مع اننا ما بنتلاقى كتير
بس في صحوبية كده بتاعة ناس كل مايتلاقو مع بعض يتونسو ويلقطو بديع العبارات ولطائف الكلام..
واغلب الظن لاقيتو مع شبكة اول مرة..
ود ظريف ومليان كلام سمح..
كان بحب ليهو واحدة اسمها سمر في جامعة الخرطوم..
في امسية سمحة كده عزمنا (انا ومروان)الفندق الكبير معرض صحباتو..
مشينا ولقينا شغل سمح وصحجبات سمحات
وجو مخملي كده ونيلي فريد ومتناسق مليان الوان ومزيكة صحوبيات..
بهرنا الولد وبهرتنا اللوحات
والبنات الرسامات كان حلوات والفندق الكبير كبير ..
ومرة تانية عزمنا معرض تشكيلي ليهو في المركز الالماني في 99 تقريبا
كان فيهو شغل جميل والوان زرقاء وشبكة..
ومرة عدينا انا وهو ورانيا وسهير كبري الحديد بتاع بحري كداري عشان عيد ميلاد سهير اظنو..
وفي اخ الكبري علق لينا على العمارة الكويتية وكيف انو الفراغات بيناتها بتعمل شكل صليب..
فاضلابي مابتذكر ليهو شي محدد
بس بتاخد راحتك لامن تلقاهو لانو حبيب ومريح
زيو وزي شبكة وعمر عشاري
بحبهم بلا شروط
فاضلابي ولد مليان كلام ورسم ولون ..
وفيوض محبة..
وبحب الحياة والحياة بتحبو..
| |
|
|
|
|
|
|
|
|
|
Re: فاضلابي (Re: DKEEN)
|
دكين المتين
عارف انت وفاضلابي فيكم شي من بعض
بمعنى انكم بتتشابهوا
احتمال لانكم الاثنين مبدعين
يمكن عشان اولاد بحري ( موش انت من بحري )
ويمكن عشان شبكة صديق مشترك ليكم
المهم
فاضلابي حِبِّيب يا دكين زيك كده
عشان كده ما تركز ليك على محبوبة واحدة
بعدين اصحابوا كتار خلاص وكلهم بعزوه وهو كمان بعزهم
لكن يا دكين ما عندو زمن للصحبة اللحام الا مع القليل
لانو اعدادهم كتيره
وهو كمان مشاريعو الراسمها لي روحو كبيره
رسم .. شعر .. اكاديميات .. لغات .. سياسة ... الخ
وبجود اي حاجة يهبشا
الا الكورة غلبتو
وكمان الهارمونكا
وزي ما قلت هو زول مريح جدا
| |
|
|
|
|
|
|
|
|
|
Re: فاضلابي (Re: وليد محمد المبارك)
|
اخوك يعمل حادث ويكسر خشمو
سلامتك وسلامة قدووومك ياود المبارك.
Quote: وبجود اي حاجة يهبشا
الا الكورة غلبتو |
ياخى أنا فاكرو حارسى مرمى الفريق القومى مؤديا نشيد العلم قبيل الماتش !!
فاضلابى..تهانينا بالروح المبدعة وحب أصحابك وصاحباتك.
| |
|
|
|
|
|
|
|
|
|
Re: فاضلابي (Re: Abd Alla Elhabib)
|
يا وليد أنا من أحباب هذا الفاضلابي ، وفعلاً نحن بنوثق للناس بعد الموت باقي لي عاوز تجيب خبر الفاضلابي دا
ومتابع معاك البوست بإستمتاع ، خليك مواصل
| |
|
|
|
|
|
|
|
|
|
Re: فاضلابي (Re: وليد محمد المبارك)
|
الشفتــ "صباح الخير "
جيتك تانى
..
..
Quote:
نفسي فيك
نمشي في شارع برانا
نمشي ساكت
في طريق ضو رملو خافت
نفسي لو كان صوتي أجمل
و كل خطوة أغني ليك
نفسي لو ما كنت عادي
بس ألوح
ينزل الضو من أصابعي
وبي إشارة
يبقى لون السكة أجمل
شان أحبك صاح و أول
ونمشي ساكت
في طريق ضو رملو خافت
نفسي فيك
.....
.....
محمد |
منقول من مكان ما
..
| |
|
|
|
|
|
|
|
|
|
Re: فاضلابي (Re: وليد محمد المبارك)
|
بلا سبب محدد "قبل مدينة "
Quote: حولي دائما
أرواح الجنود الذين لسبب ما ماتوا ولم يتذكرهم أحد آناء توقيع إتفاقية السلام
حولي
أسماء الأطفال الذين أكلت أشلاءهم النسور
قبل أن يتعلموا الحلم
..........
حولي بطريقة ما
صرخة أحد لم يسمعه أحد عندما صرخ
حولي دائما أفكار لم يسعف الوقت مفكريها تدوينها قبل موتهم
حولي دائما
الصور التي في عقولكم ولم تجدوا ما يقابلها في اللغة
حولي
شارع المدرسة الذي كان طفل ما سيمشيه إن لم تجهضه أمه
أو يقتله الجندي
حولي
مخلوقات موجودة الآن في قاع البحر ولم تجد من يسميها بعد
حولي دائما
بلا سبب محدد
oslo 2005 |
| |
|
|
|
|
|
|
|
|
|
Re: فاضلابي (Re: وليد محمد المبارك)
|
القصيدة حكاية
...
والحكاية قصيدة
Quote: الوطن هو مكان يحبه أناس إسمهم الوطنيون... يكسرون زجاج واجهاته في التظاهرات..!
في حبة دقايق
راحت هيروشيما
في حبة دقايق
من أجمل جميلة
لي أحجار سقيمة
من دون أي قيمة
شان ما تهد مدينة
وتبدل حياة
بينات البيوت
لي دخان و موت
محتاج جندي واحد
يضغط زر واحد
من طيارة واحدة
ما محتاج كتير
وشان ما تبني حيطة
في نفس المدينة
محتاج لي نفير ..!
لو بالبندقية
محتاج ثانية واحدة
بس ضغطة زناد
وشان تفهم قضية
شان ما تربي زول
و تسويهو زول
محتاج لي كتير
بي ضغطة زرار
تردم بالقنابل
ناس ما ناس مشاكل
وناس بيناتنا برضو
حيسموك مناضل...!
دايما حادثة واحدة
وزي ميتين رواية
دايما ألف وش
لي نفس الحكاية
و الموت
وشو
واحد
....
....
.... |
| |
|
|
|
|
|
|
|
|
|
Re: فاضلابي (Re: وليد محمد المبارك)
|
كنت اراقب الفاضلابي من البعد وهو يفعل فعل النحلة بحقل الازاهر ..
تتخير النحلة من الحقل افضل الزهور .. تلك المشبعة بالرحيق الخام .. لتاخده منها وتحوله الى عسل لذيذ فيه فؤائد .. وتضع بالمقابل في الزهرة ما يضمن لها استمراريتها من حبوب لقاح ..
والنحلة لا تستمر مع زهرة لفترة طويلة بل تتنقل بين الزهور مخصصة لكل زهرة برهة زمنية قصيرة لكنها خاصة جدا فيها تبادل منفعة بينها و الزهرة.. ويتم ذلك بينهما بكل الود .
هكذا كان الفاضلابي بين الناس ..
يتخير من مجموع البشر افضلهم بعناية .. ليصطفيهم ويصادقهم .. لكنه كما النحلة لا يخصص لهم جل وقته بل تكون صداقته معهم سريعة وعابرة وعلى فترات لكنها مؤثرة للحد البعيد .. فيفيدهم بثقافته العالية وادبه الجم .. ويستفيد هو باحتكاكه معهم لياخذ منهم افضل ما فيهم من افكار ومشاعر .. ليحولها الى تجربة شعرية او لوحة فنية تعبر عن الواقع ..
لذا تجد الفاضلابي كيثر الاصحاب ..اغلبهم يكون قد قابله لمرة او مرتان لا اكثر
| |
|
|
|
|
|
|
|
|
|
Re: فاضلابي (Re: وليد محمد المبارك)
|
الاخ الوليد / تحياتي
وأنت تهبش زول بنز إبداع للدرجة التي لا يستطيع معها أن يلملم نفسو من كل الاماكن ، وكأن الدنيا ضيقة والناس قُلال َ!
إفتتحت بوست الترحيب به هنا عندما نال عضوية المنبر ( الفاضلابي سليل اللون والمحبرة ) وما زلت أراه كذلك ... تعرفت على الفاضلابي وهو البرلوم القادم من مدرسة خور عمر الثانوية الدفعة الأخيرة ، وبقرأ شعر جميل ( جادع الدلقان على كتفك ، وما هامِّيك ، أو هاميك ومتناسي ) وقصائد أخرى كثيرة ، وقتها كان الفاضلابي ( كولنجي ) في الاركان ثم نمت علاقتي به في الدروب المدلهمة ، وأذكر ليلة كنا ذاهبين لحراسة صناديق إنتخابات في جامعة السودان - شفت المصائب - ولقينا الباب مقفول والزول المفروض يوفر البطاقات ما جاء في المواعيد وقررنا الذهاب كل إلى بيته وقال الفاضلابي أنا ماشي مع عزت ، ثم قررنا جميعنا الذهاب لبيت صديق آخر وليلتها إتونست مع الفاضلابي حتى الصباح ، ومن ديك وإييييك ، بيننا الكثير من التفاصيل - ميزار - سوميتا - وما بينهما من حكاوي وقصص يا فاضلابي - تويا - وقد كان الفاضلابي شعلة من الإبداع في زمن الموت ، يرسم بريشته ويرسم يقلمه ، ويدرس الفنون ويكتب الشعر وبحب البنات السمحات وبسبح في النيل ، وبناضل في صفوف الجبهة الديمقراطية ! كل هذا وللفاضلابي - حضور مميز- اينما كان ، ويحبه الناس أينما حل لأنه خفيف الظل وونّاس وطيب كالماء .
الحديث عن تجربة الفاضلابي الابداعية يحتاج لأكثر من - نفرين - لأنها تجربة متوغلة في كل ضروب الإبداع ... تشكيل ، شعر ، قص .. إلخ .
حين أقرأ للفاضلابي أتذكر سنوات خصيبة ، ضاعت في المشاوير .. واتذكر تفاصيل حميمة مثل فطور رمضان في بيت ناس فاضلابي ، مع مجاهد الكاتب الآخر الذي لم اسمع عنه منذ زمن بعيد ... أتذكر ناس جميلين كانو بطردوا القبح من المكان ، أخذتهم الدروب إلى -- أين .. لا ادري
لك الود وأن تفتح سيرة الولد الموبوء بالابداع .. ويا له من وباء
| |
|
|
|
|
|
|
|
|
|
Re: فاضلابي (Re: وليد محمد المبارك)
|
يا شباب كتر خيركم الواحد بقى صغيييييير من كلامكم الجميل
و يشهد الله الناس الكاتبين ديل كلهم أخير مني .. فأنا أعلم عني من النقائص ما لا تعلمون
شكرا على حسن ظنكم ..
و طيب كلامكم
و أعفوني خلاص طلعتوا عيننا بسماحتكم دي
يديكم الفي مرادكم
و يزيدكم بالفي مرادي ليكم
و يعليكم و يخليكم يا رب
| |
|
|
|
|
|
|
|
|
|
Re: فاضلابي (Re: fadlabi)
|
فاضلابي اسعدنا مرورك تاااااااااااني
بس عليك الله ما تجي المرة الجاية ويدك فاضية
جيب معاك
لوحة
قصيدة
غنية
نكته
اي حاجة ياخ نطعم بيها البوست
وياريت لو من القديم الاتنكرت ليه
| |
|
|
|
|
|
|
|
|
|
Re: فاضلابي (Re: fadlabi)
|
استاذ فاضلابي
بعد التحية
هل من قرابة بينك و بين الشاعر محمد الفاضلابي الذي يسكن الحتانة و احيا امسية شعرية بالشعر العامي اللذيذ في المنتدى السوماني بمنزلي بالرياض - الخرطوم قبل عدة سنوات
في كل الاحوال التحية لك
نزار غانم
| |
|
|
|
|
|
|
|
|
 Re: فاضلابي (Re: وليد محمد المبارك)
|
شكرا ليك يا امير و فرصة سعيدة نتعرف بكل الفاضلاب
محمد الفاضلابي الذي اعرفه شاعر مرهف و الى حد ما يقتدي بمدرسة صديقي محمد طه القدال بل و يدخل في قصيدته العامية مقاطع كاملة من لغات اهل السودان غير العربية و الرطانات
اكرر التحية و هنيئا لسيد الاسم اوسلو انا شخصيا مشيت برقن لان فيها مركز مهتم بالدراسات السودانية و ناس اوفاهي و لايف مانجر و كلاهما مستشرق درس السودان ما قصروا معاي تب
جزى الله الخواجات خيرا و جزى السودان الذي باسمه تفتح للباحث ابواب التنقيب عن الذهب الباقي!
| |
|
|
|
|
|
|
|
|
|
Re: فاضلابي (Re: Summanism)
|
أخي نزار غانم
الفاضلاب قرية صغيرة غرب عطبرة كل ساكنيها أهلي
أظنك تقصد محمد عبيد الفاضلابي و هو يسكن حسب علمي الحتانة و يكتب الشعر
أنا أسكن أوسلو في النرويج
| |
|
|
|
|
|
|
|
|
|
Re: فاضلابي (Re: وليد محمد المبارك)
|
وليد يا جميل - ودائما تنبش فى الجمال -
تحيات وسلامات -
وأكيد فاضلابى دا الموجود الآن فى القاهرة يكمل شهر العسل مع زوجته التى لا تقل جمالا عنه ( زينب شيخ السوق )
وكان كدى ( وافق شن طبقة بجد ...
وكان ما ياهو وكمان انا راكبة بص الدروشاب بنزل منو !
وبرضو بقول : يعنى أتاريهو أى زول اسمو فاضلابى فاضل وخيير وجميل .
ست البنات .
| |
|
|
|
|
|
|
|
|
|
Re: فاضلابي (Re: ست البنات)
|
ست البنات لي حدهن
سلامات
فاضلابي بتاعنا ده قاعد في اوسلو متزوج ليه خواجايا وعندو منها بت اسمها " مدينة"
لكن ما تنزلي من بصنا
انا دفعت ليك
تسلمي يمه
| |
|
|
|
|
|
|
|
|
|
Re: فاضلابي (Re: وليد محمد المبارك)
|
اتذكر تجربة فريده للفاضـلابي وصـديقاه غاندي وببو في الشـارقة القاعة الصغرى .. تعودنا ان نسـتمع الى الشــعر (حاف كده) ، او نســمعه مصاحب للموســيقى وتداخل الرواة في الازاعات والمرئيات فقط .. لكن الفاضــلابي وصــديقاه فعلوها مباشــرة في جلســة القاء شــعري .. كانت تجربة جميلة بحق ، في ذلك اليوم ضــاق المكان بالحضــور الكمي والنوعي في آن واحد .. كانت شــهرة الفاضــلابي قد فاحت وعُرف بين الناس ، خصــوصــا طلاب الجامعات ، النيلين والســـودان خاصة بانه شــاعر مُجيد له مســتقبل مُبشــر ، في ذلك اليوم تمتعنا ايما اســتمتاع بالشــعر والموسيقى وتداخل الحضور المميز..
| |
|
|
|
|
|
|
|
|
|
Re: فاضلابي (Re: وليد محمد المبارك)
|
الأخ الوليد
تحياتي
في ما يخص اللغات ، الفاضلابي ده يوم حلّاني من زنقة غريبة سواء كان يدري أو لا يدري .... مرة كنت طالع من معهد " سلتي " بتاع اللغة الإنجليزية في الخرطوم ، ولاوز لي بوكسي ، الايام ديك كان البوكس لو كان موديل سنة اسكت بهوِّب الزول خليك من يبقى موديل 96 ومعاي صديقة قسمت الله إنها شافت فيهو ناس بتعرفهم في الامن ، ومافي قدامنا إلا السفارة النجيرية أو القنصلية ما عارف ، وطوالي إنقشطنا فيها وسلمنا على السكرتيرة ورحبت بينا ، وسألتنا عن غرضنا - قلت ليها نحن جمعية مهتمة بالادب والثقافة الافريقية وجايين عايزين نقابل الملحق الثقافي بتاع نجيريا للتواصل بيننا والطلاب النجيريين والتعرف على الادب النجيري . يا زول السكرتيرة زادت الترحيب وسقتنا " ببسي " وانا وصاحبتي ديك إنجليزينا موية باردة ما كان بتشربنا ، غايتو تمتمنا القصة نصها عربي ونصها إنجليزي وما ادراك ... ودخلت السكرتيرة جوه وجاتنا بعد نص ساعة ضربنا فيها مكيف بارد وونسة جانبية ، بعد داك قالت لينا الملحق الثقافي حدد لينا مواعيد وادتنا اليوم مكتوب في ورقة ومعاهو الزمن ، وطلعنا من عندهم مبسوطين إتلفتنا شويا ومشينا على السوق العربي .
لما جات المواعيد ما كان قدامنا أي حيلة غايتو أنا لقطت لي شوية أسماء كتاب نجيريين ، وحاولت اعرف شويا عن نجيريا إلا ، الانقليزي ، كان مشكلة في ذلك الوقت وبعده ، والساعة قربت ولميت لي شوية طلاب من المعهد ووريتهم الحكاية ، طبعاً ما ممكن الواحد يِشُر ليهو ملحق ثقافي بتاع دولة زي نجيريا ، بالمناسبة الوكت داك لا في إتفاقية ابوجا ولا موضوع دارفور ، كنا حالمين حلم اكبر من جغرافيا الوجع دي ، بس مشكلة الانجليزي دي نحلها كيف دايرين لينا زول لسانوا ليِّن شويا ، وانا قبل يوم كلمت الفاضلابي دون شرح أو تفصيل عن مقابلة مع الملحق الثقافي لنجيريا ولا هو القنصل ذاتوا انا ما عارف ! ومشيت للفاضلابي في المركز الفرنسي ، الايام ديك كان حاتل فيهو للقراية طبعاً وكمان الناس النضيفين زي رسوماتوا ، ولقيتوا قاعد _ فاج المجلس - وطلعنا على السفارة ، لقينا الزول أخضر وماكن ولابس ليهو كنقولي ، وحارسنا . على الحلال الفاضلابي إتكلم معاهو لما انا صدقت القصة بتاعت الادب الافريقي دي .. والزول إنبسط وفتح لينا المكتبة بتاعت السفارة بدون ما يسالنا من ورقة مروّسة ولا بطاقات ..
انا إستفدت من تلك المكتبة في قراية أعداد كثيرة من الجرايد السودانية في فترة الديمقراطية ، عندهم إرشيف شحمان ، وبعد داك مرت الايام وإذا نجيريا وعاصمتها تتردد بكثرة في إعلام بلادنا ولا يحتاج أحدنا ان يشير لنجيريا ديك بل لنجيريا الهنا .
ده الفاضلابي العرفتو في سنوات المحل ، ولكنوا أينما حل سيكون هو ...
لك الود
| |
|
|
|
|
|
|
|
|
|
Re: فاضلابي (Re: ابنوس)
|
الأخ ابنوس
| Quote: ده الفاضلابي العرفتو في سنوات المحل ، ولكنوا أينما حل سيكون هو ... |
هو كذلك
وعشان ااكد ليك مقولتك دي بحكي ليك قصص مختلفة في المعني تماما لكن بتروريك انو اخو اخوان ما بخلى بيهم
سنة 1998 - 1999 كان للفاضلابي علاقة مميزة مع شلتي ، وبسبب العلاقة دي استعنا بيه في شغل (نجفاط) لي معهد كمبيوتر ، رسم الفاضلابي على جدرانه رسومات ليوم افتتاحه - والله حقو يقلعوا الحيطة ويبروزوها ويعلقوها في حيطة تانية - المهم كراع الفاضلابي تعودت على الشهداء في تلك الايام ، وكان ياتيها في معية الشباب ، في احد الايام ومعه الصديقين احمد عضل وايهاب صلاح ، ايهاب عمل شكلة مع الكمساري - كمساري ود عرب عشان ما تقولوا عنصريين - يا زول الكمساري طلع جامد قرب يستفرد بي صاحبنا فصحبك الفاضلابي دخل توشك وشبك ليك الكمساري شلاليت وكان لابس ليه بوت ماكن ، غايتو اتخامسوا الكمساري هو وايهاب ، جاء البوليس وودوهم النقطة وفرجخوهم ليك في الارض ، الفاضلابي ما ود لواء كان ممكن يتخارج منهم عااااااااااااادي، لكن لا ، اكلها ليك معاهم للنهاية ، وفي الاخر حصل الصلح بيناتهم ، اصلوا الكمساري كان غلطان
التانية سنة 2000 ، وليد عباس ده واحد فردتنا، كان بينو وبين فاضلابي شغل ، اشتغل ليه شعار وتصميم -للشركة الشنو كده ما عارف للتامين واعادة التامين- وليد عباس بحكي لي قال : فاضلابي اشتغل الشغل بدون ما اديه قرش ، وحصل انو القروش طلعت من الشركة ، قال لي قلت العب على الفاضلابي ضربت ليه، قلت ليه اسمع انا مفلس عندك لي قروش ، قال لي تعال لي في الحته الفلانية ، وليد قال مشيت ليه ، لقيتو معاهم 2 شباب ، قال الفاضلابي قال ليه: اسمع نحن ماشين مدني وعندنا العشرة الف دي نقسمها مع بعض ، قلت ليه يا زول كيف الكلام ده ه كلها ما بتوديكم مدني ؟! قال والله نقسمها وفعلا قسم العشرة خمستين واداني خمسة
وليد قال لي عقدني واحترت معاه فقلت ليه ياخ انا بهظر ساكت هاك دي قروش الشغل الزماااااااااااااااااان داك طلعت وانا حبيت اجيبها ليك بس ما اكتر
وليد قال شكرني وقال للجماعة المعاه اسمعو هاكم دي وانا ما ماشي معاكم مدني
وشتت..
| |
|
|
|
|
|
|
|
|
|
Re: فاضلابي (Re: وليد محمد المبارك)
|
الاخ وليد
انا اباذر صاحب فاضلابى
افتقده بشده
كان بيكمل الفكره قبل ما اقولا
وواحده من الاعمال
العمل دا وهو من كلمات فاضلابى
انسان
انسان من النسيان
واحترت كيف انساك
يا الفت منى زمان
ياريت تفوت ذكراك
سوها فىنى الناس
وشالوها من يدى
وكل التسوى كريت بلقاهو فى جلدى
يالفت منى زمان
ياريت تفوت ذكراك
مشوار الالف ميل بالخطوه عدو تقيل
وان تمشى دون حبيب مشيهو مستحيل
بابا بجيب الريح
سدو استريح وان غلبك تسدو من اكتافو هدو
يالفت منى زمان ياريت تفوت ذكراك
كلمات فاضلابى الحان وغناء اباذر
توزيع جعفر عبد القادر
| |
|
|
|
|
|
|
|
|
|
Re: فاضلابي (Re: bukhary el amin)
|
Quote: الاخ وليد
انا اباذر صاحب فاضلابى
افتقده بشده
كان بيكمل الفكره قبل ما اقولا
وواحده من الاعمال
العمل دا وهو من كلمات فاضلابى |
هاهاهاهاهاهاهاها
يا اباذر ياخ نحن بنتعارف
ياخ انت والشلن موش كان عندكم شركة في بحري ورا السنما
انا جيتكم هناك كم مرة بخصوص دروس ASP
مفروض كان تسوا ليكم موقع بتاع تجارة الكترونية لبيع الاراضي والقطع عبر النت
ولا ماك ياهو
موش ابابذر بتاع عقد الجلاد؟؟
بالمناسبة شريطك الجديد شديد
فيه الغنية دي زاتها
100%
| |
|
|
|
|
|
|
|
|
|
Re: فاضلابي (Re: AmroKamal)
|
2002 اخر مرة شفت فيها فاضلابي انا عريس جديد ولسع في شهر عسلي .. فاضلابي عمل معرض في الهلتون فسحتنا كانت زيارة لي معرض فاضلابي ، كان معرض جميل وراقي واظنو جاب قروش كويسة لي فاضلابي يا ريتو ما جابها لانو لقطها كلها واتخارج ولي هسع ما جا
اظرف حاجة كانت في لوحة عبارة عن ورقة بيضا جوه برواز
| |
|
|
|
|
|
|
|
|
|
Re: فاضلابي (Re: وليد محمد المبارك)
|
وليد سلامااااات
والله سردكم جميل وهيجتوا فينا ايام جميلة ايام النيليين وكافتريا المواني البحرية والمشربية
وياريت لو تعود تاني ..ولكن هيهات
اها في مرة من المرات.كانت دفعتنا(اول دفعة انجليزي في اداب النيليين)في جلسة خلط صافية وكانت
العلاقة بيناتنا متينه بحكم قلة عددنا نادتني زميلتنا خلود بت المورده عازفة الجيتار الرقيقة وهي بالمناسبة تشكيلية وقاصة ورسامه ومجنونه جنون جميل زي فاضلابي ده المهم نادتني وقالت لي تعال اعرفك بالزول ده حتنبسط منو شديد والكلام ده في اواخر التسعينات وطلع الزول صاحبنا الفاضلابي طويل..نحيف..لابس جينز في جينز..اصلو ما حأنساهو... مذهلل..هادي ودائم الابتسامه في قلبي قلت ده مالو ده.. وعرفتنا خلود ببعض على اساس ان كلانا شاعر ثم انضم لينا صديقي العزيز مهلب عريبي وهو ايضا راجل تشكيلي مرهف وجميل و كذلك الفنان التشكيلي الاخر صديقنا عاطف مسخو وكانت جلسة بطعم الشهد امتدت حتى غروب الشمس كانت اول مرة اسمع فيها الفاضلابي (تويا) بالذات كانت مدهشة واللفت نظري اكتر طريقة القاء فاضلابي للشعر وانفعالو مع قصايدو حتي تخاف عليهو اطق ليهو عرق بعدها غيرت انطباعي الاول تماما وعرفت ان هذا الفاضلابي عايش في عالمو الخاص والجميل جدا حتي النخاع..وتعددت اللقاءات وحصل المعرفة..
ثم شغلتناهموم الدراسة والسنة الاخيرة في الجامعة وابتلعنا بعدها طوالي طوفان الغربة ولم التقي به الا في سودانيز وما عرفتو من صورتو تفة + شحم لكن في المسنجر قال لي ياني زاتي الفاضلابي بتاع النيليين..لسه في جنونو دااااك ولو شفى منو ابقى ما الفاضلابي البعرفو..
التحايا للجميع
محمد
| |
|
|
|
|
|
|
|
|
|
Re: فاضلابي (Re: mohmed khalail)
|
الزمن طال
والمسافه بعيده
الناس فى امريكا هنا محتاجه تعرف الحاصل بى هناك شنو. شى مهم جدا
والواحد فرحان جدا بالشباب ديل _ اتمنا لهم التوفيق والسداد.
فاضلابى
فاضلابى جدع . زول فالح جد فى الكتابة والرسم.
فاضلابى اسلوب سهل.
جميل وعذب
لكم وله التحية
| |
|
|
|
|
|
|
|
|
|
Re: فاضلابي (Re: mohmed khalail)
|
mohmed khalail
سلامات
اهو شفت فاضلابي ده يعرف بالناس الكويسين حتى في الاسافيير
بالمناسبة عاطف مسخو صديق عزيز جدا وفرده عمر وبيناتنا ايام حلوه فطعتها الغربة برضو
عاطف الان في الامارات متزوج
بالمناسبة يا فاضلابي وباقي الشباب
عاطف جابو ليه ولد قبل اسبوع
وسماه احمد على ما اعتقد
يتربى في عزنا يا عاطف
وكان لما فيك يا فاضلابي بقول ليك ده شنو يا ابو النسوان
وباقي الكلام انت عارفو
هاهاهاهاهاهاهاهاهاهاهاهاهاها
| |
|
|
|
|
|
|
| |
وليد محمد المبارك
غباشي
Tragie Mustafa
الملك
ابن الرشيد
fadlabi
Abd Alla Elhabib
Sidig Rahama Elnour
ابنوس
ست البنات
Mohamed Ahmaed Olyesh
abazar hamid
bukhary el amin
AmroKamal
mohmed khalail
Osman Musa
فيس بوك
تويتر
انستقرام
يوتيوب
بنتيريست