|
|
|
 Re: يا كيكي .. اها سفر عيني عينك ده وضعه كيف ؟ (Re: وليد محمد المبارك)
|
سلام يا وليد وكريم،، في البداية بالنسبة لي هو شئ مثير للشفقة لما آل إليه حال النظام وللسخرية في آن،، إذ يتم تصوير خروج البشير لدولة مجاورة وكأنه إنتصار لا مثيل له، ودا بالضبط هو الهدف من الزيارات دي: يعني شوفوني أها أنا لا خفت ولا حاجتين! دي تبقى جقلبة وليست مرجلة كما قيل وتدل على عدم النضج السياسي مثلها مثل يموصوه وناموسة في أضان فيل الخ.. ولو كان القصة كدة فما الفايدة من الزيارات الكتيرة لوفود الحكومة للخارج بل حتى لما يسمونها دول الإستكبار.. الشئ التاني الزيارة قالوا يا وليد لمصر مش للقاهرة يعني ممكن تكون لأسوان مثلا وبالتالي تبقى زيها زي زيارة أسمرا أو نيالا.. حاجة تالتة لا استبعد أن مصر حصلت على ضمانات خاصة من أمريكا بعدم محاولة التعرض للبشير حتى لو زار القاهرة؛ أقصد أن التحدي ليس هو التفسير الوحيد وأعتقد أن كل التحركات المصرية تتم بعلم ومباركة فرنسا وأمريكا ومعذرة ح أقيف هنا لأني بكتب بالماوس تحياتي
| |
 
|
|
|
|
|
|
|
|
Re: يا كيكي .. اها سفر عيني عينك ده وضعه كيف ؟ (Re: Isa)
|
مرحب عيسى
كيف الاخبار ؟
المشكلة يا عيسى انه العنتريات بكل اسف بداها مدعي محكمة جنايات لاهاي .. وهو ما بفرق كتير من حالة الهرج الحاصلة دي بل هو الاتسبب فيها ...
اذا كان مدعي عام مهمته الحفاظ على القوانين واكيد طبعا اكبر اختصاص ليه بندرج تحت القوانين الدولية ، اذا كان مدعي محكمة زي دي ، بهدد بالقرصنة على طائرة في الاجواء الدولية .. وبطالب الاستعانة بالدول عشان تتقرصن على هذه الطائرة ..ز كان لاذم رد البشير يكون على شاكلته ...
مدعي المحكمة الجنائية ( مع اني عندي فيها رائي ) هو من بدأ الهرجلة اولا
صدرت مذكرة توقيف تجاه شخص ...
لحدي هنا كويس
مفروض يتبع السبل والطرق القانونية لتوقيف الشخص ده
وما اظن من ضمنها القرصنة
طيب البشير والسودان بهلل وبكبر لي زيارتين صغيرات
ده برضو رد فعل تجاه بلاده مدعي لاهاي
لانه قال في الاعلام بتحد سافر
حال ما يخرج البشير من السودان سيتعرض للقبض
ختاها واضحة يا عيسى
والصراحة ابلد زل في موضوع لاهاي ده هو المدعي العام بتاع المحمة
عدم مهنية
وبلاده
وكانه قايل نفسه بطل في فلم
اها البشير سافر ..!
شن قولو اوكامنو
( الكلام ده بره تفاصيل المحكمة وشرعيتها وباقي الكلام داك )
بالنسبة لي القاهرة او مصر
يا صديقي انا خصصتها
والمعروف مصر اكبر من القاهر بطبيعة انه الكل اشمل وكبر ومعناه اقوى من الجزء
احيانا يا عيسى زيارة جهة غير العاصمة بكون وقعها اقوى
يعني بالنسبة لمشلة دارفور
زيارة نيالا او الفاشر في موضوع بخص دارفور وقعها اقوى من زيارة الخرطوم
ما علينا
| Quote: أقصد أن التحدي ليس هو التفسير الوحيد وأعتقد أن كل التحركات المصرية تتم بعلم ومباركة فرنسا وأمريكا |
اها يا عيسى لو فعلا كلامك ده صحيح
كان كده البشير مشكلته اتحلت تماما
لانه لو الدول دي مباركة زيارته للقاهرة
اوكامبو فعلا يبل قرارة ويشرب مويتو
وعلى الجنائية السلام
تحياتي وكل الود
| |
|
|
|
|
|
|
|
|
|
Re: يا كيكي .. اها سفر عيني عينك ده وضعه كيف ؟ (Re: وليد محمد المبارك)
|
ولـيد، قـبل ما أرجـع لتعليقك الأولاني، أنا شايف القصة كدة بقت (حواسة) ساكت، برضـو زي زيارة أريتريا أو الدمازين... فخليك من حداشر أبريل البعيد داك، مؤتمـر الدوحة باقي ليهو يومـين تلاتة ونحنا لسه في حـاو و تـر! فلم نسمـع بقـرار قاطـع حول مشـاركة الرئيس من عـدمها حتى الآن رغـم (تجـديد) قطـر لدعـوتها له أمـس على مسـتوى رئيس وزرائها..
| |
|
|
|
|
|
|
|
|
|
Re: يا كيكي .. اها سفر عيني عينك ده وضعه كيف ؟ (Re: وليد محمد المبارك)
|
Quote: بتاعة القاهرة دي لو نفذت اليوم وعاد البشير الي السودان بسلام
تبقي بكل صراحة تحدي واضح
وان كانت القاهرة ودول الجوار كلها المخاوف الامنية فيها قليلة..
الا ان الحق يقال بانها خارج الحدود مهما كانت نسبية ذلك
|
يا كيكي يا دقس
ويا وليد الكان شفت
لسع على القبض
لأنه بيحتاج لتفعيل من مجلس الأمن
بموجبه تكون الدول الأعضاء ملزمة بالتنفيذ
الجنائية ماعندها شرطة تنفذ ليه قرارها
وقرارها مابتنفذ لو ما مجلس الأمن عضده
ومجلس الأمن لغاية الآن لم يجتمع لكي يبت في الأمر
يعني البشير في إمكانه السفر بدون ماتعتر ليهو قشة
وهو عارف كده ، لدلك بيتعمد السفر اليومين ديل
حتى يظن الداقسين مثلكم ان الرئيس شجاع
وان اوكامبو / الجنائية جعجعة ساكت
شوفو تقرير الزيارة في بوست معتصم محمد صالح وكلام ابوالغيط
وشوفو بوست الدكتور احمد عثمان المعلق في راس العناوين
يا وهم .
| |
|
|
|
|
|
|
|
|
|
Re: يا كيكي .. اها سفر عيني عينك ده وضعه كيف ؟ (Re: أبو ساندرا)
|
يا ابو ساندرا
والله الايام ي في شفت واااااااااااااااحد
عمر البشير
هاهاهاهاهاهاهاهاهاهاهاها
| Quote: وان اوكامبو / الجنائية جعجعة ساكت |
يا عمنا الكلام ده تغش بيه زول شيوعي
القال سيتم القبض على البشير حا مغادرته السودان ..
ده انا ولا اوكامبو ؟!
الله
اها اقول ليك شي يا عمنا
حا استنى معاك قرار مجلس الامن
هاهاهاهاهاهاهاهاهاهاهاها
ولحدي ما يطلع
قولوا لي اوكامبو بطل حركات الافلام الهندية دي
ما تقول كلام ما بتقدره
شنو البقبضو اول ما يطلع والذي منو؟
| |
|
|
|
|
|
|
|
|
|
Re: يا كيكي .. اها سفر عيني عينك ده وضعه كيف ؟ (Re: وليد محمد المبارك)
|
مسـاء الخـير يا ولـيد،، رغـم إنو (الأخوة) أبوساندرا وأبو الغـيط! ما خلّو لي حاجة أقولها،، لكـن برضو ح أضيف شوية،، يعني تصريح المسؤول الأمريكي حول عدم وجود إلتزام دولي لبلاده بالقبض على البشير، أيوة حتى الآن صحيح،، لكن زي ما قال ليك (الإخوة) أعلاه،، فالموضوع أصلا ذهب للمحكمة من مجلس الأمـن،، والمحكمة لامن يتأكد لها عدم رغبة البشير في التعاون هي ح ترجع القرار لمجلس الأمـن،، بعدداك المجلس من حقوّ يأجلو ومن حقو برضو يموصو ويشربو.. لكـن لو دا ما حصل وأصبح القرار واجب التنفيذ وما تنسى إنو تحت الفصل السابع كمان،، يبقى مش أمريكا بس، لكن حتى مصر وأثيوبيا بكون عليهم (إلتزام دولي) بتنفيذه.. وأمريكا هـددت وما زالت تهـددت بعقوبات مثل حصار بورتسـودان أو قطـع الإتصالات والإنترنيت أو ضرب طائرات عسكرية في مهابطها الخ.. ودا كلو (للأسف) ممكن يحصل مادامت الحكومة تتعامل مع القرار بالطريقة الشايفنها دي.. الحاجة التانية: من متين أمريكا كانت منتظرة القرارات الدولية لتقوم بإجراءات عقابية ضد الدول والأفـراد..
في البداية أنا قلت أن ما تقوم به مصر يتم تحت سمع وبصر أمريكا،، وأظـن الآن الأمر إتضح اكتر بعـد تصريحات أبوالغـيط،، ومساسقة عمر سليمان بين أمريكا والخرطوم رغم توليه أيضا للملف الفلسطيني حيث تنشط الآن جهود المصالحة من جهة ومفاوضات تبادل الأسرى بين حماس وإسرائيل أيضا..ويتضح أيضا من عرض المؤتمر الدولي الذي رفضته الحكومة.. ولكن يبدو الآن أن الضغوط تسير باتجاه تنفيذ ما كان سيقرر في المؤتمر دون مؤتمر! والآن قمة ما يطمح إليه النظام والجامعة العربية وحلفاء النظام هو التأجيل لمدة عام (المادة 16)،، لكـن لتوافق الدول الكـبرى على ذلك فلابد أن هناك ثمـن (باهـظ) يجب أن تدفعه الحكومة،، مثل تسليم هارون وكوشيب (أحدهما أو كلاهما)..ومثل عـدم ترشـح البشـير في الإنتخابات الرئاسية القادمـة،، عشان بعـد السـنة تنتهي يكـون البشـير مواطـن عادي وما تجوا تشبكونا رمـز الدولة والسـيادة ومش عارف أيه! وعشان يكون (الرمز) الموجود في الوكت داك ملزم بتسليمه، لغاية ماهو كمان يجي دورو ودور الرموز التانية.. يعـني صدقني يا وليد الخيارات أمام الحكومة قليلة وأحلاها أمرّ من التاني.. دا يقـودنا إلى أن المسألة الآن طلعت من يد أوكامبو بالمناسبة.. وتصريحاته بأن القبض على البشير سيتم حال خروجه لا معنى لها وهو يعلم ذلك، فلا المدعي ولا القضاة يملكون قوات بوليس للقبض على المتهمين... لكـن في نفس الوقت مذكرته وحديثه وأمر القبض أحدث تأثيرات كثيرة،، فلولا أوكامبو لما كان البشير في مصر اليوم، ولولاه لما زار البشير دارفور مرتين في أسبوع والتالتة قالوا في الأيام أو الأسابيع القليلة القادمة..ولولاه لما تغير خطاب البشير في دارفور من (ما عايزين أسير أو جريح) إلى (ياخوانا قولوا بسم الله وانعلوا إبليس وتعالوا نقعد في الواطاة دي!) الخ الخ.. لكن الحكومة هي التي تصور للناس وكأن معركتها الآن مع أوكامبو وضده.. أبدا.. زي ما قال أبوالغـيط الحكاية بقت مجتمع دولي كما بدأت.. تحياتي الصادقة
| |
|
|
|
|
|
|
|
|
|
Re: يا كيكي .. اها سفر عيني عينك ده وضعه كيف ؟ (Re: Isa)
|
مرحب عيسى
وخالص التحايا
الامر عنده بعدين
البعد الدولي
وبعد المحكمة الجنائية متمثل في تصريحات مدعيها العام
طيب ...
ان كان القرار قرار مجلس امن .!
ما بال مدعي المحكمة يصر مثل تكل التصريحات الفطيرة
( سيتم القبض على البشير حال مغادرته الاراضي السودانية
حال دي تعني مجرد خروجه .. والكلام ده كان بعد رفض السودان تنفيذ القرار
يعني يا عيسى الشتارة ما من السودان وحكومته .. لانها ترد على ما صرحت به المحمة الجنائية متمثلة في مدعيها العام ....
هذا اولا
فيما يختص مجلس الامن ومن خلفة الامم المتحدة ومن خلفهما المجتمع الدولي
بعد تجربة الست سنوات الماضية وما جرته على العام من ويلات وحروب وازمات سياسية واقتصادية .... اشك ان يتحرك المجتمع الدولي او حتى الامم المتحدة متمثلة في مجلس امنها اي تحركات مشابهة للتي حدثة في العراق وافغانستان قريبا .. وقريبا دي في نظري عشرات السنوات .. وذلك حتى يتعافى النظام العالمي من الهذات التي اصابته جراء الرعونة الامريكة وانصيا العالم لمراهقتها
امريكيا نفسها .. عندما تدخلت تلك الحوب كانت في رخا ورغد ولا توجد بها مشاكل سياسية واقتصادية كالتي تمر بها الان
امريكا ستنكفي على نفسها لفترة طيلة تعالج مشاكلها الخاصة واهمها اقتصادها الذي اصيب في مقتل .. وبما انها دولة ايدلوجيتها -اكرر ايدلوجيتها وليس نظامها - راسمالية .. ستنكفي امريكيا على نفسها حتى تعافيها .. او تحوال الاتظير لشعبها لائجاد نظريات تقتصادية جديدة والعودة الى مستوها في المعيشة قبل حروبها الاخيرة ... ثم بعد ذلك امامها سنوات لمحاولة تحسين صورتها مام العالم .. لانها الان في نظر الكثيرين دولة مضر وغير محبوبة خلاف الذي كان قبل حربها على العراق .. فما عادة امريكا الدولة الحلم ولا عادة القائد الا استنادا على ترساتها الحربية التي اثبتت الايام انها لا تستطيع كسب حروب تجاه دول لا تمتلك عشر الامكانات العسكرية التي تملكها امريكا ومعها كل الدولة الغربية الداعمة ( افغانستان )
اي حرب جيدة وطويلة كالتي حدثت في العرقي تهدد النظام العالمي باكملة
وامريكان يعلمون هذا تماما ... وظهر في سياساتهم المهادنة تجاه دول مثل ايران وسوريا وكوريا الشمالية يمثلون تهديدا مباشرا لامريكا ومصالحها في المنطقة اكثر من السودان بمراحل
صدقني انت يا عيسى
حكومة الانقاذ تمكن اكثر من قبل بفضل رعونة بعض المعارضية .. وعدم مهنية المحكمة الدولية ومدعيها العام .. وحسابات امريكا التي تحتم عليها الانفاء على نفسها
خالص ودي
| |
|
|
|
|
|
|
| |
وليد محمد المبارك
عبدالكريم الامين احمد
Bakhaf
أبو ساندرا
فيس بوك
تويتر
انستقرام
يوتيوب
بنتيريست