Willi No mabrook did he say that in a playground or in a mousque ??? this is football, whatever happens in the field, stays in the field ___ you heard!
11-17-2008, 07:30 PM
وليد محمد المبارك وليد محمد المبارك
تاريخ التسجيل: 12-04-2004
مجموع المشاركات: 26313
Ya Willi do you think he meant that "to him personally or to his mother" ?? come on waleeed you've been there and you how tough it is .. ___ don't forget people use their hands and fight in the field not just some foolish words
11-17-2008, 08:21 PM
وليد محمد المبارك وليد محمد المبارك
تاريخ التسجيل: 12-04-2004
مجموع المشاركات: 26313
هيثم اثبت انه لاعب وضيع وعار في جبين الرياضة السودانية ان يكون هذا الحقير كابتن المنتخب الوطني ومثل هذا النبذ قيل له في عطبرة حيث له خالات في عطبرة ولم يستحمل جعر بالبكاء تف عليك وعلي قلدك شارت كابتن وشعار السودان
نسالك هل انت متاكد انو العجب بادله نفس الشتائم ؟ لو متاكد كلمنا عشان نعرف
المتاكدين منو انو هيثم نبذ العجب نبذ فيح جدا لو عندك شك في النبذ ده كلمنا ولو عند مصدر باكد ليك نبز العجب لي هيثم برضو كلمنا
ولو العجب رد عليه ما بفرق منو
عموما تاريخ الاعبين بوضح هيثم تصرفاته القبيحة كتيره ولو عاوز اجيبها ليك كلها هنا بجيبها ليك اخرها شويتت القزازة الشينة والتصرف غير الاخلاقي من كابتنكم الكبير
معقولة يا ود البشرى عاوز تتخط لي حقيقة ماثلة وتمسك لي في افتراض انت زاتك ما متاكد منو
11-17-2008, 08:25 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
يا شفت دا كلام شنو طيب منو المتاكد من كلام هيثم منو الماخد كورس قراية شفاه - ما دام القصة غلاط يا شفت الله يرضى عليك القصة ما هلال مريخ وكان للحاجات دي من زمن عبدو الشيخ و سامي عز الدين و حمد مرورا بعبد الحميد السعودي عادي بتحصل في الملاعب وما في زول بعمل ليها قومة و قعدة زي حقتكم دي يا ولي انت زول كورة وما غريبة عليك ياخ اسي ممكن جدا تلقى العجب زاتو و هيثم بعد الكورة ممكن يكونوا متعشين مع بعض و انتو حارقين رزكم في الفاضي
11-17-2008, 08:28 PM
وليد محمد المبارك وليد محمد المبارك
تاريخ التسجيل: 12-04-2004
مجموع المشاركات: 26313
ياوليد الف مبروك للمريخ وهاردلك للهلالاب بالنسبة لماقاله هيثم اعتقد انها كلمات كبيرة وقاسية ....ولكني اعتقد جازما انوا الموضوع انتهي بانتهاء المباراة لانوا الالفاظ دي عادي جدا في الكورة السودانية بسبب الخلفية الثقافية والتعليمية لغالبية اللاعبين وايضا الاداريين لانوا لااحد ينظر للجانب الاخلاقي خاصة في مباريات هلال مريخ. المهم .... بقدر ادانتنا لسلوك الكابتن هيثم مصطفي فهذا لايمنع ان يكون رد فعل لفعل موازي صدر من العجب او من اي لاعب اخر ومصيبة هيثم مصطفي انوا الكاميرا ظبطته واعتقد بانها ستكون بداية النهائة للاعب قدم الكثير للكرة السودانية سواء مع الهلال او المنتخب الوطني. والمصيبة الكبري انوا المباراة منقولة فضائيا لكل انحاء الدنيا ولكننا لانتعظ من اخطائنا ودائما مانكررها ولنا في ماحدث في مباراة المريخ والامل عطبرة الاخير الدليل الاكبر .
11-17-2008, 08:30 PM
haroon diyab haroon diyab
تاريخ التسجيل: 06-20-2007
مجموع المشاركات: 23215
ياوليد الف مبروك للمريخ وهاردلك للهلالاب بالنسبة لماقاله هيثم اعتقد انها كلمات كبيرة وقاسية ....ولكني اعتقد جازما انوا الموضوع انتهي بانتهاء المباراة لانوا الالفاظ دي عادي جدا في الكورة السودانية بسبب الخلفية الثقافية والتعليمية لغالبية اللاعبين وايضا الاداريين لانوا لااحد ينظر للجانب الاخلاقي خاصة في مباريات هلال مريخ. المهم .... بقدر ادانتنا لسلوك الكابتن هيثم مصطفي فهذا لايمنع ان يكون رد فعل لفعل موازي صدر من العجب او من اي لاعب اخر ومصيبة هيثم مصطفي انوا الكاميرا ظبطته واعتقد بانها ستكون بداية النهائة للاعب قدم الكثير للكرة السودانية سواء مع الهلال او المنتخب الوطني. والمصيبة الكبري انوا المباراة منقولة فضائيا لكل انحاء الدنيا ولكننا لانتعظ من اخطائنا ودائما مانكررها ولنا في ماحدث في مباراة المريخ والامل عطبرة الاخير الدليل الاكبر .
11-17-2008, 08:38 PM
وليد محمد المبارك وليد محمد المبارك
تاريخ التسجيل: 12-04-2004
مجموع المشاركات: 26313
المشهد كامل عندي ومافي داعي لي رفعه حتى لا ينفتح باب التاويلات و تزيد النار اشتعالا وللامانة العجب هو البادي لكن لان هيثم كان في مواجة الكاميرا ظهرت كل انفعلاته و ما لاحظة الاخوة او ما تراى لهم ليس صحيحا لان حركات فم هيثم لا تدل على انه تفوه بمثل تلك الالفاظ ربما كانت كلامات غضب وهي رد على ما قاله العجب ومثل هذه المشاحنات دائما ما تصدر من اللعيبة داخل الملعب ولا تنسوا ان الهلال وقتها كان متاخرا بهدف عن المريخ وهذا ليس دفاع عن هيثم ولا يعفية عن ما بدر منه
اللقطة اسفل توضح وضع الاثنين امام الكاميرا ويظهر لعيبة قريبين جدا من الموقع الحدث بالتاكيد سمعوا كل ما دار بينهما
والله يهدي الجميع
11-17-2008, 09:23 PM
وليد محمد المبارك وليد محمد المبارك
تاريخ التسجيل: 12-04-2004
مجموع المشاركات: 26313
في الاول شوتة القزازة وهسع نبز قبيح وغير حميد من كابتن السودان
اللقطة كانت واضحة و كل من شاهدها استطاع فهم الكلمات من حركة شفاه هيثم..بالتأكيد الكثير يحدث داخل الميدان و لكن شئ مرفوض من كابتن السودان و مع أحد زملائه لسنوات طويلة..أرجو ان يتجاوز العجب عن هذه الكبوة رغم مرارة الاساءة..كان يربطوا ليهو كم قارورة في كيس كل ما يزعل يشوت واحدة كان أحسن من هذه الاساءات من سفير الأمم المتحدة للنوايا الحسنة...
11-18-2008, 04:42 AM
وليد محمد المبارك وليد محمد المبارك
تاريخ التسجيل: 12-04-2004
مجموع المشاركات: 26313
بالامس اعادت قناة النيل الازرق حلقة العيد ( القمة الثالثة ) وضيفيها هيثم مصطفى والعجب وتحدث اللاعبان عن حساسية المباريات بالذات القمة وقال العجب انه يحاول دائما اخراج هيثم من طوره وهيثم قال ان العجب بارد ولا يمكن اثارته عموما اللقطة الى حد بعيد بتوضح انفعال هيثم الشديد وتلفظه ردا على العجب الذى كان يؤشر بيده الى هيثم مصطفى ولم تظهر الكاميرا العجب وماذا قال ولكنها لسوء حظ هيثم جعلته اللقطة التلفزيونية المذنب الوحيد برغم ان فى الملعب مافيه من احتكاك وتدوير بين اللاعبين ومهما كان يجب ان نرفض اى سلوك خارج عن الادب واحترام الاخرين ولم يكن هيثم هو الاول ولا الاخير فقد سبقه عبد الحميد السعودى بحركة غير اخلاقية اوضحتها شاشة التلفزيون وهذا ايضا سلوك مدان بعد ادانة سلوك هيثم بوضوح اخى وليد ايضا قبل اليوم وعبر الاذاعة سمع الناس بعض الافاظ البذيئةالتى رددها جمهورالمريخ ضد حكم مباراته مع الامل عطبرة وضد الحكم اعتقد اسمه مبارك قبل موسمين بقى ان نتساءل ماذا قال هيثم طمبل بعد خروج المعز بقوة عليه خارج خط 18 واحتسبها الحكم تسلل وقد اظهرته الكاميرا ايضا وهو يقول شيئا ما ترى ماذا قال نرجوا ايضا البحث عن هذه اللقطة وقد كانت ففى نهاية الشوط الاول
11-17-2008, 09:56 PM
على محمد على بشير على محمد على بشير
تاريخ التسجيل: 08-07-2005
مجموع المشاركات: 8648
Quote: الله يفتح عليك يا اللمينز و يرفع ليك قيمة اسهم مؤسسة اللمينز تكنولوجي كورب
اها يا خوانا الامين دا مريخابي لكن فهمو للموقف اكبر من ضيق هلال مريخ
ود البشرى يا حبيب اللمينز اخوك دا كان لاعب كرة ولو ما الدراسة الليلة كان تتصوروا معاي لكن فكت بنت ... ومشاكل الميدان بتبدا في الميدان بتنتهي في الميدان واللعيبة ديل برا اصحاب ولو متابع قبل فترة كان في برنامج طويل في قناة النيل الازرق مشاركين في العجب وهيثم وسمن على عسل
ياخي وليد حاكيها معاي شديد غايتو يا وليد لو ما لقيت زول ينزل ليك مشاهد الشكلة بنزلها ليك اها قصرت معاك
لقد كانت تلك هى اسوا لقطة فى المباراة بجدارة واظهرت الكابتن هيثم فى وضع سىء وهو يتلفظ بتلك الصصورة البشعة لقد المتنى اللقطة اكثر من خسارة الهلال للدورى ولكن هى قطعا ليست الاوى ولا الاخيرة فى الملاعب ولا ان ننصب المشانق لهذا اللاعب او غيره والمهم ان يدرك هيثم مقدار الاذى الذى نال الجميع واتمنى الا يكون العجب هو البادىء اعتقد من خلال متابعتى للمباراة اننى شاهدت هيثم والعجب يتحدثان مع بعض بعد صفارة الحكم فى نهاية الشوط الاول اتمنى ان يكون هيثم قد اعتذر للعجب عما بدر منه
11-17-2008, 10:21 PM
hanouf56 hanouf56
تاريخ التسجيل: 06-02-2002
مجموع المشاركات: 1776
والله دي مهزله لابعد الحدود والظاهر دي كانت شتيمه قوية جدا لكن الخلوق العجب تعامل معها بدلماسية تفوق الدبلوماسية التي من المفترض تكون عند سفير النوايا العنصري هذا.
وبعدين كورتنا السودانية دي ماذا تساوي اصلا عشان يعملوا ليها كل هذة القومة والقعدة و الشتيمة
الله يكون في عون الرياضة التي وصل بها الحال الي الذي نشاهدة الان .. وكل هذا الذي يحدث هوا نتيجة افرازات طبيعية لحكومة الانقاذالظالمة
11-18-2008, 03:19 AM
نبيل عبد الرحيم نبيل عبد الرحيم
تاريخ التسجيل: 11-27-2007
مجموع المشاركات: 3638
ياشباب ه الحكاية النيل من هيثم والهلال أم الأخلاق ؟ ولو كانت الإجابه هى الإخيره فالعجب أيضا شتم ولكن لا نعرف ماذا قل الأثنين لأن المخرج ركز الكاميرا على هيثم وإحتمال لأنه مرخابى . خلاص أصبحنا جميعا نترجم حركاتالشفاه؟ لدرجة إن هناك بوست أخر هنا يقول أنه شتمه شتيمه عنصريه ! الأثنين لاعيان سودانيان ويلاعبانلمنتخبنا القومى وهى نرفزة ملعب ولا نحمل الأمور أكثر من ما تستحق ويصبح الكلام عنصرى وأعيب على الأخ الذى شتم أسرة هيثم لأننا لا يجب أن ننهى عن شئ ونفعل مثله. على العموم أبارك للمريخ
11-18-2008, 03:36 AM
خالد العبيد خالد العبيد
تاريخ التسجيل: 05-07-2003
مجموع المشاركات: 21983
سلام يا وليد وتحياتي انا مشجع كيشة جدا وغير متابع عالم الرياضة !! اول مرة اداخل في بوست رياضي اشجع المريخ واسمع اخبارو من بعيد لي بعيد تصرف اللاعب ان ثبت عليه قبيح يجب ان تحاسبه ادارة الهلال
تخريمة هو المريخ غالب كم!!!!!!
11-18-2008, 05:30 AM
abuguta abuguta
تاريخ التسجيل: 04-20-2003
مجموع المشاركات: 8276
ترجمو لى مازا قال الايطالى لاسطورة الملاعب زيدان بعد كدا تعال ياوليد ترج شفاه هيثم
لكن ما قاله هيثم اخرج العجب من المباراة واخرجه من فرحة الكاس ,,,ياربى قال ليه ياعربى جزيرة ولا ياحلبى ولا ياغرابى,,ولا يانوباوى,,,, ياشباب لا تفسدو فرتكم,,,,هثيم كبير واسى لو شطبو الهلال ,,,سوف تسجلوه ويظل مزمل يكتب فيه الاشعار هكذا اعلام المريخ,,,مازا كتب فى طمبل ايام كان فى الهلال وانظر ما يكتبه فى طمبل هذه الايام,,,
بصراحة كده أستغرب هذا الاسلوب من لاعب خلوق كهيثم مصطفى ، هيثم وللامانة أنسان خلوق جداً .. ومابدر منه شيء لا يشبهه ولا يشبه الهلال .... أعرف هيثم جيداً لانه صديق لابن خالتي ... رجل مهذب وخجول جداً .. ربما حساسية المباراة وتأخر الهلال بهدف في تلك اللحظات والالتحام في الفاول هو ما أفقد هيثم رشده .. ولكنني واثق أشد الثقة بأن هيثم سيقوم بالاعتذار للعجب ولجماهير المريخ بصفة خاصة والسودان بصفة عامة بعد أن تهدأ ثورته ويخرج من جوء الحزن الذي أحاطه به أمس .. والكبير كبير ياهيثم .. وبكل تأكيد هذه ليست تبريرات لهيثم الذي نرفض أسلوبه تماماً مهما كان ولكن لتوضيح شخصية هذا اللاعب الذي كنا نحترمه ....
مبروك لجماهير الصفوة فلقد عاد الكأس إلى رشده وغادر إلى مكانه الطبيعي ...
هاردلك جمهور الهلال ... الضلال مهما طال فلا بد من الهداية ...
مودتي
عماد
11-18-2008, 06:00 AM
tmbis tmbis
تاريخ التسجيل: 10-19-2002
مجموع المشاركات: 24862
يا وليد .. كدي اول حاجة مبروك ليكم فكيتو بورتكم .. حسابات كدا باقي ليكم اربعة على شرط يكون فيها غلب وقلع من جووه المقبرة ما درون .. غايتو كان امس غلبتونا وقلعتو الكاس دا وحيات ابتسامتك انا كان بقيت مريخابي راسي عديل واستقلت من الأمن.. بعدين دقيقة يا وليد .. أنا بتكلم معاك كلاعب كورة إنت ولعبت درجة .. في حاجات مفترض تكون عارفه كويس جدا وما غايبه عنك: فيما يتعلق بالممبر هنا دا في مجموعة متخصصة في هيثم مصطفى .. كان مد يدو لي اي زول للسلام ممكن بكرة يجو يكتبو ليك هيثم بعدما سلم على فلان الفلاني عمل ليهو حركة بي اصبعو ما كويسة .. كدي بس عاين قدامك وفي اتنين تلاتة انفار خليني من اسماهم بس فتش البورد دا والارشيف الوراني بي اسم هيثم مصطفى بتلقى البشيب الراس .. بالنسبة للكلام الفي الميدان .. نحن لعبنا كورة يا وليد وبرضو درجات ولعبنا مع لعيبة كبار وعارفين اخلاقيات الكورة والبيحصل جوه الميدان .. وأنا متاكد تماما إنو الناس البتكتب عن هيثم مصطفى في المكان دا .. والله الواحد كان دردقو لهو كورة علشان يشوته احتمال كبير جدا يقع على ضهرو قبال ما يشوته .. لذلك .. وقبل محاكم التفتيش بتاعت سودانيزاونلاين .. في حاجات مفترض الانتباه ليها:
Quote: يا اخوانا انتو جادين قبل ما تعقدوا محكمة التفتيش دي متاكدين انو ما رد على العجب بنفس الشتيمة
..
Quote: وللامانة العجب هو البادي لكن لان هيثم كان في مواجة الكاميرا ظهرت كل انفعلاته و ما لاحظة الاخوة او ما تراى لهم ليس صحيحا لان حركات فم هيثم لا تدل على انه تفوه بمثل تلك الالفاظ ربما كانت كلامات غضب وهي رد على ما قاله العجب ومثل هذه المشاحنات دائما ما تصدر من اللعيبة داخل الملعب ولا تنسوا ان الهلال وقتها كان متاخرا بهدف عن المريخ وهذا ليس دفاع عن هيثم ولا يعفية عن ما بدر منه اللقطة اسفل توضح وضع الاثنين امام الكاميرا ويظهر لعيبة قريبين جدا من الموقع الحدث بالتاكيد سمعوا كل ما دار بينهما
ياريت يا وليد بس لو كنت حقاني شوية ايوة ما عندنا مشكلة نكربن بعض لمن الدنيا تنقلب .. في النهاية الكورة لازم فيها غالب ومغلوب نكربنكم الليلة بكره تكربننونا نقلبكم خمسة مرات الليلة تقلبو مرة واحدة .. لكن كمان التأويل والكلام البتعمو فوقو دا والظلم دا وحركات بعض الجهلاء هنا ما ظابطة .. هيثم يشوت القزازة .. يشوت النص ما مشكلة الناس تجيب ليهو فيديو وتعمل ليهو البتعملو .. كلو ماشي في عالم الكورة .. لكن كمان علشان الناس ما لقت ليها طريقة تفرح بيها بشكل كامل تجي تفتح ليها مليون بوست مهاجمة لي هيثم مصطفى كابتن السودان ..؟ والسبب ..؟ العجب صاحبو ..؟ وندو في الميدان .. وود حلتو ..؟ اسمع كلامي الجاي دا كويس يا وليد وارمي نصو البحــر .. يوم الأحد كان في حلقة في قناة النيل الأزرق جمعت بين كابتن هيثم وبين كابتن فيصل العجب .. كانت حلقة سخيفة جدا .. وأنا لو كنت في مكان هيثم والعجب ما بمشي اسجل الحلقة دي .. الحلقة كان فيها كمية اطراء غريب جدا .. كل واحد بيمدح في التاني .. الاسئلة عبيطة جدا .. وفيها كلام ما مفترض يتقال خارج نطاق الميدان .. يعني خاص بالميدان فقط زي لما تحكي ليك نكته بايخه والناس ما اتفاعلت معاها .. تقوم تشرحة ليهم.. الشي المهم وليهو ارتباط بالبوست دا .. وربما الحاجة المهمة والحاجة الواحدة المفيدة في الحلقة .. سال سعد هيثم وفيصل .. سؤال واحد: لما تسلمو على بعض جوه الميدان في كلام كدا بتقال بيناتكم الناس ما بتكون سامعاهو .. انا بكون دائما متحير فوقو بتقولو شنو لي بعض .؟ الغريبة إنو اصرار هيثم وفيصل العجب .. كان عالي جدا بعدم البوح عن المسالة دي .. برغم محاولات سعد إنو يطلع بي اي حاجة من هيثم تحديدا .. فهيثم كان بيضحك ويعاين للعجب والعجب بي نفس الطريقة .. هيثم قال مرات العجب بقول لي كلام مرات بردو ليهو في وقتو ومرات بكون لاميها ليهو لظروف تانية .. والشئ البتقال لي من العجب وانا بردو ليهو قال انا مستحيل اقولو الآن دي حاجة بيني وبين العجـب .. والشئ الغريب العجب أمن على الكلام دا .. فيا وليد كدي خليك من الناس الما بتلعب كورة إلا في سودانيزاونلاين دي .. كم مرة جوه الميدان اتقالت ليك حاجات ما بتتكتب إلا بالنقط .. من خصمك في مباريات حساسة وغير؟ كم مرة قلت حاجات ما بتتكتب إلا بالنقط .. لي خصمك في الملعب في مباريات حساسة وغير حساسة .. أقول ليك حاجة .. خليك من اللعيبة الفي الميدان .. حسع دي مش انتو شلتو الكاس واي حاجة ..؟ في ناس كان دورناها ح تقرا البشيب الراس .. علشان كدا الحركات البيض البيعملو فيها جماعتكم وجيت يا وليد للاسف فتحت ليك بوست كامل ليها .. وزي ما شايف كتااار جدا منتظرين الفرصة دي في هيثم مصطفى علشان يطلعوهو ما بيعرف اسمه زاتو .. الحركات دي ما كان تفوت عليك .. انا شخصيا كنت داخل هنا الليلة علشان اتكربن لمن اعرف حاجة .. لكن بالجد القاعدين تعملوا فوقو دا يا وليد صدقني خلاني اكره ليك حاجة اسمها تشجيع وحاجة اسمها كورة .. وحاجة اسمها قدم .. حسع دي لو العجب دا جا قال كلام تاني غير الاستعراض البتعملو فوقو دا .. وقال لي الناس البتقرا الشفايف دي .. ياخ الحصل بيني وبين هيثم قاعد يحصل كتير .. ودا ميدان كورة .. إنتو قبل كدا زيدان دا مش بقى حيوان عديل ونطح متريزي في كاس العالم والكاس بره دهب والعين بتشوف والدنيا دي كلها بتحضر .. هل الطليان جو قالو زيدان دا (تــوور) بعد حصل الحصل متريزي عمل نايم في لحظته وشال الكاس من فرنسا بعدما نجح في استفزاز اخطر لاعب في العالم وطلعو بره .. بالاحمر .. طيب لو حسع دي جايين هنا عاملين لينا فيها بتاعين قراية شفايف وقراية بدون دق .. منو فيكم كان اقرب من الحكم في الميدان .. من المراغبين البره مش المراغبين ديل مفترض انهم يكونو مراغبين الكم وعشرين لاعب ديل ..؟ طيب مالم ما كلمو الحكم يطرد هيثم ..؟ متريزي دا زاتو .. بعدما الأمور هدت .. مش جا قال انا شتمت زيدان بي شرف امو واللا اختو ما عارف ؟؟ أنا لو كنت منظم للبطولة كان اديت متريزي دا كاسين زي كاسات العالم دي .. كاس انو نجح يطلع زيدان من طورو ويفقد الفريق عنصر مهم جدا .. وكاس تاني انو بالرغم من طول المسافة قدر يصرح بالكلام دا .. وبقلع كاس العالم من ايطاليا وبديهو لي زيدان في مباراة تكريم خاصة جدا .. واجيب متريزي او مترازي جوه الميدان لي زيدان ويحاورو في فنجان قهوة فوقو نجوم .. والفنجان يجيبو مترازي معاهو .. يتحاورو فوقو ويغسلو ويرجعو تاني الفضية .. دا علشان شنو يا وليد ..؟ دا علشان زيدان ما جا قال والله مترازي شتمني بي امي وقال لي كلام فاحش .. السعودي بتاع المريخ دا قبل كدا يا وليد .. الحركة العمله للجمهور بي يدو .. دي مش مفترض يقطعوا ليهو يدينو الاتنين فيها ..؟ ولي منو للجمهور كمان ..؟ إنتو نسيتو الحاجة دجي واللا علشان يعني السعودي دا ما كابتن السودان وهيثم البرنس سفير النوايا الحسنة ...؟ يا وليد عاين .. جماعتك ديل العايزين يطلعوا هيثم دا كعب وما بيعرفه .. قول ليهم احسن ليكم شوفو ليكم طريقة افرحو بيها بي اول كاس للممتاز بعد خمسة سنوات ودي خطوة كويسة .. لكن البتعملو فوقو دا .. ما ليهو علاقة بالكورة ولا بالتشجيع .. ويعجبوك ابطال الديجيتال في سودانيز .. طوالي طلعوا الفورمات بتاعت العنصرية .. وقاعدين يعبو فيها .. واحتمال كبير يكونو مودنها لاهاااي .. ياخ والله الواحد فوقم في (حرينـا) تلقاهو كانما مخلي ليهو ام زول خادم ولا عب حايم في الحلة .. مضحكين حد الامتاع .. عالم مضحكة جدا. البتقال في ميدان الكورة .. يبقى قاعد قبلو في ميدان الكورة دي حاجة بيعرفوها الناس اللعبو كورة .. ناس سكج بكج ديل .. يمشو يشوفو ليهم شغله تانية دي كورة ما اللعبة بتاعت الليمونة البختوها في الملعقة ديك ..
11-18-2008, 09:38 AM
على اسماعيل على اسماعيل
تاريخ التسجيل: 03-25-2004
مجموع المشاركات: 1802
Quote: يا وليد .. كدي اول حاجة مبروك ليكم فكيتو بورتكم .. حسابات كدا باقي ليكم اربعة على شرط يكون فيها غلب وقلع من جووه المقبرة ما درون .. غايتو كان امس غلبتونا وقلعتو الكاس دا وحيات ابتسامتك انا كان بقيت مريخابي راسي عديل واستقلت من الأمن.. بعدين دقيقة يا وليد .. أنا بتكلم معاك كلاعب كورة إنت ولعبت درجة .. في حاجات مفترض تكون عارفه كويس جدا وما غايبه عنك: فيما يتعلق بالممبر هنا دا في مجموعة متخصصة في هيثم مصطفى .. كان مد يدو لي اي زول للسلام ممكن بكرة يجو يكتبو ليك هيثم بعدما سلم على فلان الفلاني عمل ليهو حركة بي اصبعو ما كويسة .. كدي بس عاين قدامك وفي اتنين تلاتة انفار خليني من اسماهم بس فتش البورد دا والارشيف الوراني بي اسم هيثم مصطفى بتلقى البشيب الراس .. بالنسبة للكلام الفي الميدان .. نحن لعبنا كورة يا وليد وبرضو درجات ولعبنا مع لعيبة كبار وعارفين اخلاقيات الكورة والبيحصل جوه الميدان .. وأنا متاكد تماما إنو الناس البتكتب عن هيثم مصطفى في المكان دا .. والله الواحد كان دردقو لهو كورة علشان يشوته احتمال كبير جدا يقع على ضهرو قبال ما يشوته .. لذلك .. وقبل محاكم التفتيش بتاعت سودانيزاونلاين .. في حاجات مفترض الانتباه ليها:
Quote: يا اخوانا انتو جادين قبل ما تعقدوا محكمة التفتيش دي متاكدين انو ما رد على العجب بنفس الشتيمة
.. Quote: وللامانة العجب هو البادي لكن لان هيثم كان في مواجة الكاميرا ظهرت كل انفعلاته و ما لاحظة الاخوة او ما تراى لهم ليس صحيحا لان حركات فم هيثم لا تدل على انه تفوه بمثل تلك الالفاظ ربما كانت كلامات غضب وهي رد على ما قاله العجب ومثل هذه المشاحنات دائما ما تصدر من اللعيبة داخل الملعب ولا تنسوا ان الهلال وقتها كان متاخرا بهدف عن المريخ وهذا ليس دفاع عن هيثم ولا يعفية عن ما بدر منه اللقطة اسفل توضح وضع الاثنين امام الكاميرا ويظهر لعيبة قريبين جدا من الموقع الحدث بالتاكيد سمعوا كل ما دار بينهما
ياريت يا وليد بس لو كنت حقاني شوية ايوة ما عندنا مشكلة نكربن بعض لمن الدنيا تنقلب .. في النهاية الكورة لازم فيها غالب ومغلوب نكربنكم الليلة بكره تكربننونا نقلبكم خمسة مرات الليلة تقلبو مرة واحدة .. لكن كمان التأويل والكلام البتعمو فوقو دا والظلم دا وحركات بعض الجهلاء هنا ما ظابطة .. هيثم يشوت القزازة .. يشوت النص ما مشكلة الناس تجيب ليهو فيديو وتعمل ليهو البتعملو .. كلو ماشي في عالم الكورة .. لكن كمان علشان الناس ما لقت ليها طريقة تفرح بيها بشكل كامل تجي تفتح ليها مليون بوست مهاجمة لي هيثم مصطفى كابتن السودان ..؟ والسبب ..؟ العجب صاحبو ..؟ وندو في الميدان .. وود حلتو ..؟ اسمع كلامي الجاي دا كويس يا وليد وارمي نصو البحــر .. يوم الأحد كان في حلقة في قناة النيل الأزرق جمعت بين كابتن هيثم وبين كابتن فيصل العجب .. كانت حلقة سخيفة جدا .. وأنا لو كنت في مكان هيثم والعجب ما بمشي اسجل الحلقة دي .. الحلقة كان فيها كمية اطراء غريب جدا .. كل واحد بيمدح في التاني .. الاسئلة عبيطة جدا .. وفيها كلام ما مفترض يتقال خارج نطاق الميدان .. يعني خاص بالميدان فقط زي لما تحكي ليك نكته بايخه والناس ما اتفاعلت معاها .. تقوم تشرحة ليهم.. الشي المهم وليهو ارتباط بالبوست دا .. وربما الحاجة المهمة والحاجة الواحدة المفيدة في الحلقة .. سال سعد هيثم وفيصل .. سؤال واحد: لما تسلمو على بعض جوه الميدان في كلام كدا بتقال بيناتكم الناس ما بتكون سامعاهو .. انا بكون دائما متحير فوقو بتقولو شنو لي بعض .؟ الغريبة إنو اصرار هيثم وفيصل العجب .. كان عالي جدا بعدم البوح عن المسالة دي .. برغم محاولات سعد إنو يطلع بي اي حاجة من هيثم تحديدا .. فهيثم كان بيضحك ويعاين للعجب والعجب بي نفس الطريقة .. هيثم قال مرات العجب بقول لي كلام مرات بردو ليهو في وقتو ومرات بكون لاميها ليهو لظروف تانية .. والشئ البتقال لي من العجب وانا بردو ليهو قال انا مستحيل اقولو الآن دي حاجة بيني وبين العجـب .. والشئ الغريب العجب أمن على الكلام دا .. فيا وليد كدي خليك من الناس الما بتلعب كورة إلا في سودانيزاونلاين دي .. كم مرة جوه الميدان اتقالت ليك حاجات ما بتتكتب إلا بالنقط .. من خصمك في مباريات حساسة وغير؟ كم مرة قلت حاجات ما بتتكتب إلا بالنقط .. لي خصمك في الملعب في مباريات حساسة وغير حساسة .. أقول ليك حاجة .. خليك من اللعيبة الفي الميدان .. حسع دي مش انتو شلتو الكاس واي حاجة ..؟ في ناس كان دورناها ح تقرا البشيب الراس .. علشان كدا الحركات البيض البيعملو فيها جماعتكم وجيت يا وليد للاسف فتحت ليك بوست كامل ليها .. وزي ما شايف كتااار جدا منتظرين الفرصة دي في هيثم مصطفى علشان يطلعوهو ما بيعرف اسمه زاتو .. الحركات دي ما كان تفوت عليك .. انا شخصيا كنت داخل هنا الليلة علشان اتكربن لمن اعرف حاجة .. لكن بالجد القاعدين تعملوا فوقو دا يا وليد صدقني خلاني اكره ليك حاجة اسمها تشجيع وحاجة اسمها كورة .. وحاجة اسمها قدم .. حسع دي لو العجب دا جا قال كلام تاني غير الاستعراض البتعملو فوقو دا .. وقال لي الناس البتقرا الشفايف دي .. ياخ الحصل بيني وبين هيثم قاعد يحصل كتير .. ودا ميدان كورة .. إنتو قبل كدا زيدان دا مش بقى حيوان عديل ونطح متريزي في كاس العالم والكاس بره دهب والعين بتشوف والدنيا دي كلها بتحضر .. هل الطليان جو قالو زيدان دا (تــوور) بعد حصل الحصل متريزي عمل نايم في لحظته وشال الكاس من فرنسا بعدما نجح في استفزاز اخطر لاعب في العالم وطلعو بره .. بالاحمر .. طيب لو حسع دي جايين هنا عاملين لينا فيها بتاعين قراية شفايف وقراية بدون دق .. منو فيكم كان اقرب من الحكم في الميدان .. من المراغبين البره مش المراغبين ديل مفترض انهم يكونو مراغبين الكم وعشرين لاعب ديل ..؟ طيب مالم ما كلمو الحكم يطرد هيثم ..؟ متريزي دا زاتو .. بعدما الأمور هدت .. مش جا قال انا شتمت زيدان بي شرف امو واللا اختو ما عارف ؟؟ أنا لو كنت منظم للبطولة كان اديت متريزي دا كاسين زي كاسات العالم دي .. كاس انو نجح يطلع زيدان من طورو ويفقد الفريق عنصر مهم جدا .. وكاس تاني انو بالرغم من طول المسافة قدر يصرح بالكلام دا .. وبقلع كاس العالم من ايطاليا وبديهو لي زيدان في مباراة تكريم خاصة جدا .. واجيب متريزي او مترازي جوه الميدان لي زيدان ويحاورو في فنجان قهوة فوقو نجوم .. والفنجان يجيبو مترازي معاهو .. يتحاورو فوقو ويغسلو ويرجعو تاني الفضية .. دا علشان شنو يا وليد ..؟ دا علشان زيدان ما جا قال والله مترازي شتمني بي امي وقال لي كلام فاحش .. السعودي بتاع المريخ دا قبل كدا يا وليد .. الحركة العمله للجمهور بي يدو .. دي مش مفترض يقطعوا ليهو يدينو الاتنين فيها ..؟ ولي منو للجمهور كمان ..؟ إنتو نسيتو الحاجة دجي واللا علشان يعني السعودي دا ما كابتن السودان وهيثم البرنس سفير النوايا الحسنة ...؟ يا وليد عاين .. جماعتك ديل العايزين يطلعوا هيثم دا كعب وما بيعرفه .. قول ليهم احسن ليكم شوفو ليكم طريقة افرحو بيها بي اول كاس للممتاز بعد خمسة سنوات ودي خطوة كويسة .. لكن البتعملو فوقو دا .. ما ليهو علاقة بالكورة ولا بالتشجيع .. ويعجبوك ابطال الديجيتال في سودانيز .. طوالي طلعوا الفورمات بتاعت العنصرية .. وقاعدين يعبو فيها .. واحتمال كبير يكونو مودنها لاهاااي .. ياخ والله الواحد فوقم في (حرينـا) تلقاهو كانما مخلي ليهو ام زول خادم ولا عب حايم في الحلة .. مضحكين حد الامتاع .. عالم مضحكة جدا. البتقال في ميدان الكورة .. يبقى قاعد قبلو في ميدان الكورة دي حاجة بيعرفوها الناس اللعبو كورة .. ناس سكج بكج ديل .. يمشو يشوفو ليهم شغله تانية دي كورة ما اللعبة بتاعت الليمونة البختوها في الملعقة ديك ..
ينصر دينك يا tmbis ..كل الود للجميع ..ومبروك للمريخ الدورى
11-18-2008, 06:29 AM
أبوبكر أبوالقاسم أبوبكر أبوالقاسم
تاريخ التسجيل: 11-27-2007
مجموع المشاركات: 2805
Quote: تمبس سلامات العاجبنى إنو الكلام زعلّك لمن جيت مارق. خلينا من قصة زيدان الما بتحل هيثم.
عليكم السلام يا ابوبكر .. من ناحية الكلام زعلني فعلا زعلني شديد جدا .. لي سبب واحد بلاي كم بوست اتفتح لي هيثم مصطفى .. ومفترض يكون في بوستات مفتوحة علشان تفرحو ..؟ الزعلني اكتر انو البوست دا فاتحو وليد الشفت اللي هو مفترض انو يكون لعب درجة وعرف الحاصل شنو ومثل السودان قبل كدا .. والزعلني اكتر انو وليد وليد مفترض يكون اكبر من كدا .. مفترض يفرح لمن ينطط لكن مافي داعي لي الكلام دا في حق هيثم خاصة وانو في ناس قاعدين هنا دا علشان يكتبو ضد هيثم .. ومستعدين يفتحو ليهم محلات افراح وصيوانات يدقوها كان هيثم دا حصلت ليهو اي حاجة ما كويسة .. دا السبب الخلاني ارد يف البوست دا .. مع العلم انو في بوستات مشابهة ليهو لكن ما بتهمني كتير لانو عارف اصحابة توجهاتهم شنو وقاصدين شنو ودا شئ مكرر لو عملت بحث بتلقاهو دا البوست رقم المية بعد الالف.. نحن هنا دا يا ابوبكر ما قاعدين نزوغ ونظهر فجأة لينا خمسة سنة هنا دا بندرش ونكربن ونشيل في الكاسات الله بيسالك شفتني يوم واحد عملت زغبير واتدسيت علشان تقول يل جيت مارق ..؟ ياخ انا قاعد هان دا اكتر من الايقونات والوشوش الضاحكة دي .. أنا زول هلالابي على السكين وقاعد اعرف الغلب طعمو كيفنهو والفوز طعمو كيفنهو .. لاني طويل خمسة متر .. لكن كمان لما العجب يغلبني قاعد اقول ليهو إنت زول حريف .. وكان دقس العجب بقول ليهو دقسته .. لكن كمان يكون العجب برنامجي ..السنة كلها كان المريخ غالب اكان مغلوب .. لالالا ما قاعد اعرف كدا ..
Quote: ما حدث كان فى السودان بين فريقين محليين فى أستاد سودانى بين لاعبين سودانيين كلاهما كابتن فى فريقه. ما حدث جاء نتيجة الفاول العنيف من هيثم على العجب وليس نتيجة إستفزاز من العجب.
لا نتيجة استفزاز من العجب .. ولو كترت يا ابوبكـر احتمال إنت زاتك اجيب ليك حبل تيل عشرة متر اقول ليك جر بي الطرف دا وامشي جر بالطرف داك .. شفت كيف..؟
Quote: معروف فى الكورة لو كان النبذ متبادل ينتهى الأمر بلعب الفاول .... ولكن قيام العجب لاحقاً بالدخول العنيف على هيثم بعد هذه المشاحنة يدل على مدى حِدّة الألفاظ وعنصريتها.
تااني عنصريتها ..؟ يعني الليلة البورد دا كلوو طلعو بتاعين قراية شفايف ..؟ شنو الشفافية الجات عليكم الليلة من الصباح كدا ..؟ اها دا حسع دي الفرحانين بيهو بدل ما تفرحو بي الكاس ..؟
Quote: بالمناسبة من وين ليك حكمت على كل المتداخلين ما بعرفوا كورة وما شاتوها؟
وين كل دي يا ابوبكــر ..؟ أنا بعرف ناس كاتبين هنا دا .. ما ليهم اي علاقة بي الكورة .. معرفة شخصية ما معرفة سايبر
Quote: تماما إنو الناس البتكتب عن هيثم مصطفى في المكان دا .. والله الواحد كان دردقو لهو كورة علشان يشوته احتمال كبير جدا يقع على ضهرو قبال ما يشوته ..
وين بالضبط انا كتبت كل الناس ..؟ مش احسن تكون دقيق شوية .. وتقرا كويس ؟؟ ياخ انا بتكلم عن ناس بعرفهم وعاشرتهم .. يعني كمان عايز تطلع بتاع قراية شفايف كيبورد ..؟ نشتغل ليكم بالاشارة يعني يا ابوبكـر؟؟
Quote: أسألك يا تمبس : ما هى أهم صفات الكابتن خاصة إذا كان هو أيض كابتن النتخب الوطنى ؟ هذا هو مصدر إستغرابنا وإستنكارنا وفوق كل هذا قال سفير للنوايا الحسنة !!!!!!!!
صفات الكابتن من ياتو ناحية .. ولي منو..؟ كلامك الصغير دا ممكن ارد ليك عليهو بي معلقة .. لي بكرة اقعد اكتب ليك وامسح وانت تقرا .. لاني كنت كابتن ولعبت كورة عدة درجات .. شفت النرجسية دي كيفن ..؟ يعني بتكلم معاك وانا مالي يدي ما بتاع لعبة الكراسي.. لو بتقصد صفات الكابتن لي اللعيبة زوملانو .. الاقدمية ، الحكمة .. حسن التصرف .. واهم شئ يكون محبوب وكلمتو مطاعة وكاريزما عالية .. دا متوفر في هيثم مصطفى البرنس بصرف النظر عن انو منقطه وبطلع فيها وهي ماشة وبيوزعه زي المرارة .. بالنسبة للجمهور محبوب حتى من الخصوم .. اخلاقو عالية .. حريف وممتع .. ودي كلها اسال منها جمهورك حتى خليك من جمهور الهلال .. لانو دا حمدو في بطنو بلاي تقدر تفتكر لي الحركة العمله هيثم مصطفى لما غيروهو وجرى لي فوزي المرضي بالاحضان ..؟ شفت الميدان دا عمل شنو..؟ يعني بي اشارة الناس دي بتقول سمعا وطاعة .. الغريبة انو العجب حاول يعمله في مباراة ما لكن ما لفقت معاهو .. لكن دا ما معناتو انو العجب ما حريف وما كاريزما وما محبوب .. لكن كمان كل ظرف بختلف من التاني .. ودا نفس الظرف الشات بيهو هيثم قزازة الموية .. ونفس الظرف الغيرو بيهو العجب قام اتفرعن واتعنتر على مازدا وكان ادوهو صنة ممكن كان يدقو عديل كدا .. واخد بال حضرتك ..؟ إنو الاتنين ديل كباتن ..؟ الأهم من كدا يكون شخصية معروفة على الاقل على النطاق البتحرك فوقو خارجياً عادل امام شخصية معروفة تم اختياره سفيرا للنوايا الحسنة .. عندك اعتراض في الحتة دي ..؟ كابتن هيثم اخاروهو سفير للنوايا الحسنة لانو معروف برضو .. إنتو لو مسخنة معاكم المسالة بتاعت سفير النوايا الحسنة دي .. مافي مشكلة ممكن نقول ليهو اتنازل لينا لي فيصل العجب .. علشان إنت عنصري وناس جر الحبل في ممبر سودانيز قالو كدا دا ..
Quote: هذا هو مصدر إستغرابنا وإستنكارنا وفوق كل هذا قال سفير للنوايا الحسنة !!!!!!!!
الاتسغراب والاتستنكار دا كلووو مباح دا نفسياتكم وانتو حرين فوقه .. لكن كمان لما المسالة تكون بي شكل متواصل وماسكين ليكم في اسطوانة واحدة .. دي هنا الحركة المحتاجة استنكار شديد اللهجة واستغراب برضو .. الكورة درون إنت فاكر نفسك غالب واللا شنــو.؟ بعدين الكاس الشلتو امس بالدرون دا .. شلناهو خمسة سنة وراء بعض .. خليكم بتعرفو تكربنو علشان نتكربن ليكم .. لكن ما تمسكو ليكم في احرف زول في السودان وسفيركم للنوايا الحسنة عايزين بي ضربة كيبورد تلحقوهو الطيب صالح ,, ومحمد عثمان وردي.
11-18-2008, 07:01 AM
Mohammed Ibrahim Othman Mohammed Ibrahim Othman
تاريخ التسجيل: 07-21-2007
مجموع المشاركات: 3953
الله المريخ وجع .. مبروووووووووووووووووووووووووووووووووووووووووووووووووووووووك ... ياوليد حركة الكابتن هيثم مصطفى ما بتشبه لعبه الجميل ..ووضعه ككابتن للهلال وللسودان .. وصراحة العجب اثبت انه لاعب كبير .. فلاحظ انه ظل ماشي وهيثم يسب فيه ..
11-18-2008, 07:09 AM
حمزاوي حمزاوي
تاريخ التسجيل: 10-10-2002
مجموع المشاركات: 11622
الناس العايزة تبرر تصرف هيثم نقول ليهم ما هكذا تورد الأبل أها العجب ريحنا من الترجمة بتاعت الشفاهـ وقال انها كانت كلمات عنصرية وتانياً غطرسة هيثم محتاجة لي دليل ولا مترجم الله يرحم هبنقة
11-18-2008, 07:15 AM
ALZOLZATOO ALZOLZATOO
تاريخ التسجيل: 03-14-2002
مجموع المشاركات: 4216
ياوليد صباح الخير ،، ياخي انت زول كنت لاعب كورة ماعارف في الميدان بيحصل شنو بعدين الكابتن لو ماكان شفت مابينفع كابتن لازم يكشر عن انيابو لي زملانو ولي خصمو والحكم زاتووو مفروض يعمل ليهو الف حساب عادي يامعلم كلنا كنا في الميدان بنتنرفز ونسب لي زملانا خليك من الخصم لكن بعد الكورة تلقانا كلنا بنتعشى مع بعض وسمن على عسل
عادي زي الزبادي
مبروك الدوري
زاتوووو
11-18-2008, 08:11 AM
صديق حمدتو صديق حمدتو
تاريخ التسجيل: 03-19-2006
مجموع المشاركات: 451
Quote: لاني كنت كابتن ولعبت كورة عدة درجات .. شفت النرجسية دي كيفن ..؟ يعني بتكلم معاك وانا مالي يدي ما بتاع لعبة الكراسي.. لو بتقصد صفات الكابتن لي اللعيبة زوملانو .. الاقدمية ، الحكمة .. حسن التصرف .. واهم شئ يكون محبوب وكلمتو مطاعة وكاريزما عالية .. دا متوفر في هيثم مصطفى البرنس بصرف النظر عن انو منقطه وبطلع فيها وهي ماشة وبيوزعه زي المرارة ..
كلامك دا ما بختانى ، وساهل جداً بنرجسية أو غيرها نناقش وزى ما يقولون الفورة ألف.
ما بهمنا صفاته مع الجمهور ... بتهمنا صفاته داخل الميدان.
كابتن الفريق : تعنى قائد الفريق ... تعنى ممثل الفريق فى إجراء كل الترتيبات المتعلقة بالمباراة ، وأولها الإلمام الكافى بقواعد
اللعبة الفنية.
إذا كان الأقدمية ما أورثته الخبرة المطلوبة فى التحمل ونكران الذات .... وأن يصير قدوة لباقى الفريق فى السلوك المحمود... فشيمة
أهل البيت ستكون مثله.
الكورة تطورت وصارت النواحى السايكلوجية من الأشياء التى تهتم بها إدارات الفريق .... وببساطة معلوم إنه بعض التصرفات من القادة
حا تتسبب فى إثارة البقية بمفهوم ( العقل الجماعى ) فهم سيحاكونه دون وعى ودون تردد. فتصرف جاهل وغير محسوب يمكن أن يؤدى لكوارث.
وبرضو تقول لىّ كابتن وحكيم ويحسن التصرف ... غايتو ما عارف لو كان عكس ما تقول وتعتقد ما عارف كان قال للعجب شنو ؟
غايتو خلينا نسرح ونحاول نتصور إنه ممكن يقول ليهو شنو من واقع حكمته المتدفقة .
11-18-2008, 09:49 AM
tmbis tmbis
تاريخ التسجيل: 10-19-2002
مجموع المشاركات: 24862
Quote: كلامك دا ما بختانى ، وساهل جداً بنرجسية أو غيرها نناقش وزى ما يقولون الفورة ألف. ما بهمنا صفاته مع الجمهور ... بتهمنا صفاته داخل الميدان.
عداك العيب طبعا جيب نرجسيتك وتعال علشان نتناقش لكن الكلام لما يكون واضح بيفتح مجال لي انو الواحد يبدع في الرد بي نرجسية برضو .. علشان كدا لما تسالليك سؤال متشعب وتسهل امكانية الرد فوقو من عدة زوايـا حقو تزيد حجم الفورة شويتين الف دي ما حبابه .. ارفع الاسكيل من مليون ولي فوق .. الف دي شغالين بيها لي ناس مرتضى جعفـر وبعض الخيانة .. بعدين فورتك كيفن تكون الف يا ابوبكـر وإنت شغال لي بي نظام يا كديسة سكي الفار .. بي صورة اوضح:
Quote: بالمناسبة من وين ليك حكمت على كل المتداخلين ما بعرفوا كورة وما شاتوها؟
دا كان كلامك .. وجيت كتبت ليك الكلام دا
Quote: وين كل دي يا ابوبكــر ..؟ أنا بعرف ناس كاتبين هنا دا .. ما ليهم اي علاقة بي الكورة .. معرفة شخصية ما معرفة سايبر
على الاقل كأدبيات حديث وعلشان ما تقولني الما قلتو حقو كان تجي تقيف في الحتة دي علشان الواحد يقدر يضع ليك حدود في الحوار يحترم فيها المنطلق بتاعك وبالمرة ما تصل ليهو فكرة انك جاي زول غلاط .. لانو الغلاط في الكورة دي ما بينفع والله يديك العافية بي سببو انا خليت تشجيع الكورة في البورد دا قبل فترة .. اها .. ح تغالط واللا الفورة مليون ..؟
Quote: ما بهمنا صفاته مع الجمهور ... بتهمنا صفاته داخل الميدان.
ليه ما بيهمكم .. بعدين إنتو منو زاتكم البتحددو الحاجة دي ؟؟؟ طيب ليه قاعدين تفتو في مسالة سفير النوايا الحسنة دي وكاتبه بي نفسك بتقدح فيها
Quote: هذا هو مصدر إستغرابنا وإستنكارنا وفوق كل هذا قال سفير للنوايا الحسنة !!!!!!!!
دا مش كلامك ، كيف ما يهمك مع لاجمهور وياتو يوم اللاعب انفصل من الجمهور غايتو أول مرة اشوف لي زول سفير في الميدان وعاملين ليهو بارتيشن من الجمهــور.. دي غايتو اكلشيهات جديدة حقو نضيفه ليكم ونجيب ليها عراضات علشان نطلعه فوقه ..
Quote: كابتن الفريق : تعنى قائد الفريق ... تعنى ممثل الفريق فى إجراء كل الترتيبات المتعلقة بالمباراة ، وأولها الإلمام الكافى بقواعد اللعبة الفنية
دي اي زول ممكن يقوم بيها واحد كان جبتو جديد الليلة وسجلتو ممكن يقوم بيها الالمام دا ما عايز ليهو كبتنيه .. الترتيب برضو ما عايز ليهو كبتنيه كان جبت أمين الخزينة بتاعت النادي يا البقطعو التذاكر ديلاك .. ممكن يجيهو ليك المسالة دي كدي اسقط لي ديل لانهم ما تأثيريات خالص وممكن زي ما قلت ليك اي واحد يعمل الحركة دي حتى لو كان الببيع الكركدي يا السواري البدخل ما بين الشوطين .. وبكوركو ليهو بتاع الحصان ملح .. ممكن امسك معاك في الاقدمية دي ..
Quote: إذا كان الأقدمية ما أورثته الخبرة المطلوبة فى التحمل ونكران الذات .... وأن يصير قدوة لباقى الفريق فى السلوك المحمود... فشيمةأهل البيت ستكون مثله.
والله إلا تكونو عايزين تكونوها براكم .. وتعملو منها كونكان وتكشو بالولد وتبصرو بي طريقتكم .. أها ايهما اكثر واشد تاثيرا الكابتن واللا المدرب البضع الخطة وبيشوف من بره وبيتحكم في حركة الكابتن زاتو وممكن يغيرو ..؟ طيب بي نفس الفكرة دي .. مازدا دا قبل كدا لما قلق طلع الكورة بي يدو من جوه في منافسة افريقية .. مازدا دا مالو الناس دي بقت زيو .. لما جا قرب يكتل الحكم .. وأخد عليها عقاب قانوني .. طيب ما كان الادارة زاتو واللعيبة في اي كورة تانية اتهزمو فيها يقومو يقلو ادبهم ويشتمو الحكم بي أم أم أمو زاتو .. واللا ديل كمان ما اهل البيت .. واللا كمان ما بيعرفوا يرقصوا ويطربوا والا دي ما من شيمم ..؟ كابتن مارادونـا كابتن منتخب الارجنتين لو عندك فكرة ... زول حريف جدا جاب قون بي يدو لحدت الآن مافي زول فهم حاجة .. طيب ليه ناس الارجنتين ديل ما وضعو ليهم خطة سموها جيب قون بي ايدك يلعبو بيها بدل خطة اربعة اتنين اربعة .. لما يتزنقو .. مع العلم أنو استعمال اليد في غير حارس المرمى في كرة القدم وعن عمد .. ممكن يدخل اللاعب في حتة ضيقة جدا .. يعني لو كل كورة اللعيبة ديل فوقم واحد بيدخل قون بي ايدو .. الارجنتين دي كان كلها لابسه شنكارات في ايدينه .. البسم كلامك عن نكران الذات ومبررات ضعيفه زي دي .. والله بيفتكر انو هيثم مصطفى دا أول لاعب كورة في العالم كابتن فريق يشوت ليهو قارورة موية علشان بدلوهو وهو ما راضي عن نفسو .. ويفتكر هو أول لاعب كورة تعدى عليهو لاعب في الملعب بي عبارات ما معروفة ورد ليهو بي عبارات ما معروفة لكن نحمد الهل ونكون من الشاكرين عندنا ناس بيقرو الشفاه وبيفكو المربوط ويجلبو الغايب .. قدرو اخيرا يمسكو سفير النوايا الحسنة بالثابتة .. ويطلعوهو صعلوك وما مفترض انو يلعب كورة خليك من انو يبقى سفير ..
Quote: الكورة تطورت وصارت النواحى السايكلوجية من الأشياء التى تهتم بها إدارات الفريق .... وببساطة معلوم إنه بعض التصرفات من القادة حا تتسبب فى إثارة البقية بمفهوم ( العقل الجماعى ) فهم سيحاكونه دون وعى ودون تردد. فتصرف جاهل وغير محسوب يمكن أن يؤدى لكوارث.
يا ابوي عقل جماعي بتاع شنو..؟ وسايكولوجي شنو دا دافوري في احدى المدن السودانية .. حتى ميادينه لا تتوفر فيها المعائير العالمية .. عقل جماعي شنو وسيكلوجية شنو البتتكلم عنها في هلال مريخ ياخ إنت اول حاجة اللاعب السوداني دا زاتو تعال طلع لي منو فيهو حامل شهادة دكتوراة وقاعد يلعب كورة علشان يشكل وعي جماعي .. تعال وريني منو ليهو علاقة بالتثقيف الرياضي وبالطب الرياضي وبالتغذية الرياضية .. يا بوي كلامك دا بذكرني مغامرات سندباد .. لو كنت بتتكلم عن مباراة بين المانش والبرشا معليش كان بلقى ليك مبرر .. لكن إنت بتتكلم عن ناس لسه بتاكل ملاح ويكــه وبتتسوك بي معجون ابوصفقة .. وبتقيف في صف الرغيف .. لو الواحد عمل ليهو مدير اعمال علشان يتكلم بي اسمو بتجو تفتحو بوست تقول هيثم البرنس بقى متطنقع الكلام ما قاعد يتكلمو مع الناس ..
Quote: وبرضو تقول لىّ كابتن وحكيم ويحسن التصرف ... غايتو ما عارف لو كان عكس ما تقول وتعتقد ما عارف كان قال للعجب شنو ؟ غايتو خلينا نسرح ونحاول نتصور إنه ممكن يقول ليهو شنو من واقع حكمته المتدفقة .
اسرح يا ابوي .. اسرح طوالي .. لكن اسرحو بعيد من هيثم دا .. اسألو العجب وبعداك تعالو خلونا نسرح ليكم فيما يتعلق بي سيدا .. يعني اسألو عجبكم وما تتدخلو في عجب الناس .. دا الظاهر لي حل مرضى خالص ..
11-18-2008, 02:27 PM
أبوبكر أبوالقاسم أبوبكر أبوالقاسم
تاريخ التسجيل: 11-27-2007
مجموع المشاركات: 2805
ياوليد مبروك الكاس بعد غيبة اولا ثانيا هيتم لاعب كورة وانت عارف الوسط الرياضى عندنا فى السودان باعتبارك لاعب سابق كله وساخة وحكاية الفاظ ماكويسة بتتقال بين اللاعبين جوة الميدان دى حاجات صغيرة جدا جدا مقارنة بالحاجات التانية وبعدين نظرة المجتمع لحد الان للاعب الكورة انه شخص نجم ومحترم ومحبوب فقط اثناء العطاء ولكن بعد اعتزاله يهجره المعجبون والمتطفلين على موائد النجوم والقصة دى بتحصل لكل اللاعبين وعلى سبيل المثال عندنا هنا فى السعودية ماجد عبدالله الذى عاش اياما صعبة ووصل مرحلة الافلاس قبل انقاذه بتنظيم حفل اعتزال اسطورى له. القصد من القول انه هيثم لاعب كورة وليس بحامل درجة الاستاذية فى علم الاجتماع اوعلم النفس او الشريعة
11-18-2008, 04:16 PM
khaleel khaleel
تاريخ التسجيل: 02-16-2002
مجموع المشاركات: 30134
رغم علمه بأن الحكم لن يجرؤ على طرده هيثم مصطفى كان خارج عن طوره ومفوت بصورة مزرية .. فى تلك اللقطة التى سجلتها الكاميرا .. هل هذا من الأثار السلبية لتناول العقاقير المنشطة؟
كل إجتهادات من يحاولون التبرير أو تخفيف قبح ما شاهدناها بالأمس هى محاولات غير موفقة هيثم لاعب مخضرم وكابتن السودان والهلال لسنوات عديدة. و ما قام به تعدى كل الحدود .. ً
11-18-2008, 05:02 PM
معتصم عبدالرحيم معتصم عبدالرحيم
تاريخ التسجيل: 01-24-2007
مجموع المشاركات: 425
يا جماعة الخير هيثم سيظل هيثم البرنس وسيدا ابي من ابي ورضي من رضي
وتلقوها عند غير ...
منو القاليكم هيثم هو اول مخترع لهذه العبارات في الرياضة السودنية ..وهي العرجاء اصلاً
والله ...والله اي واحد فيكم يامن كتبتم في هيثم
لعب كورة ... فلقد قال.... وافحش ..من قبل ومن شجع كورة ..سودانية دوري ..ليق ..روابط ...وكمان مدرسية ..فلقد اسفف ..من قبل وما بعيد عنكم دار الرياضة ام درمان ..ميدان عقرب ..ليق الخرطوم ....
والواحد فيكم لقي ليهو كي بورد وشال اخلاقو العالية وسماء وركب الاخلاق النبيلة من محطة هيثم.
يا اخوة لكل فعل رد فعل .. فلقد وثقت الكميرا رد الفعل و العجب ليس بنبئ
المثالية التي ظللتم تسوقنها هنا . فأنتم ادري قبل غيركم هي ليست موجودة في الوسط الرياضي باكملة.
القصص عن الكباتن ...كثيرة والالفاظ اكثر ... بل الافعال داخل المياديين وخارجها ,
هيثم كبير وسيظل كبير ..ونجد له العزر... وماقصة زين الدين زيدان ..ببعيدة عن الاذهان
داك جزائري ودة بتعرفوا.....براكم
والدموا حامي ...حامي .....
11-18-2008, 05:27 PM
Mahmoud Mustafa Mahmoud Mahmoud Mustafa Mahmoud
تاريخ التسجيل: 11-26-2004
مجموع المشاركات: 4325
يا جماعة الخير هيثم سيظل هيثم البرنس وسيدا ابي من ابي ورضي من رضي
وتلقوها عند غير ...
منو القاليكم هيثم هو اول مخترع لهذه العبارات في الرياضة السودنية ..وهي العرجاء اصلاً
والله ...والله اي واحد فيكم يامن كتبتم في هيثم
لعب كورة ... فلقد قال.... وافحش ..من قبل ومن شجع كورة ..سودانية دوري ..ليق ..روابط ...وكمان مدرسية ..فلقد اسفف ..من قبل وما بعيد عنكم دار الرياضة ام درمان ..ميدان عقرب ..ليق الخرطوم ....
والواحد فيكم لقي ليهو كي بورد وشال اخلاقو العالية وسماء وركب الاخلاق النبيلة من محطة هيثم.
يا اخوة لكل فعل رد فعل .. فلقد وثقت الكميرا رد الفعل و العجب ليس بنبئ
المثالية التي ظللتم تسوقنها هنا . فأنتم ادري قبل غيركم هي ليست موجودة في الوسط الرياضي باكملة.
القصص عن الكباتن ...كثيرة والالفاظ اكثر ... بل الافعال داخل المياديين وخارجها ,
هيثم كبير وسيظل كبير ..ونجد له العزر... وماقصة زين الدين زيدان ..ببعيدة عن الاذهان
داك جزائري ودة بتعرفوا.....براكم
والدموا حامي ...حامي
11-21-2008, 10:55 PM
وليد محمد المبارك وليد محمد المبارك
تاريخ التسجيل: 12-04-2004
مجموع المشاركات: 26313
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
وليد محمد المبارك
أبوبكر أبوالقاسم
ASAAD IBRAHIM
elsawi
keiga2000
Yassir Tayfour
ابراهيم بقال سراج
waleed dawash
السمؤال بدرالدين
محمد البشرى الخضر
فاروق أبوحوه
haroon diyab
بدر الدين اسحاق احمد
طارق جبريل
الحاج حمد الحاج
على محمد على بشير
عامر تيتاوى
hanouf56
ثابت محمد
حسام يوسف
Farahat Sayed
محمود ريحان
احمد محمد بشير
نبيل عبد الرحيم
خالد العبيد
abuguta
tmbis
Mohammed Ibrahim Othman
ALZOLZATOO
صديق حمدتو
محمد عبد الماجد الصايم
احمد التجانى احمد
khaleel
معتصم عبدالرحيم
Mahmoud Mustafa Mahmoud
Mohamed Foto7li
فيس بوك
تويتر
انستقرام
يوتيوب
بنتيريست