|
دعواتكم لزميلنا المفكر د.الباقر العفيف بالشفاء العاجل
|
|
 Re: غادة نوري .. شكرا جزيلا .. فقد فتحت باب الأمل على مصراعيه (Re: وليد محمد المبارك)
|
فتَحتِ باب ما بنفقل
بتاكا بس
دخلت جموع الشوق
لو بكره تلقى شروق
او حتى نور بالدس
والناس حوالينك
غرقانه نشوه وريد
أو زي أصابها المس
مشروقه بي بسمه
صادقه وحميميه
من فاهك الما عاب
مليانه حنية
لكل من حباك
او حتى للافكاره
مقريه بره النص
السراج غادة ..أشرقت يوم حفل دعم علاجها .. وكانت هي من تهدي الناس الأمل .. وكأنهم هم المرضى وهي من هب لمساندتهم .. نقلت إلينا الصور بسماتها وضحكاتها وأكاد اجزم إنا سمعناها عبر الفتوغراف .. رأينا الناس تبكي وغادة تضحك وتشجع .. شع نورها .. فما كان للفراشات إلا أن تحق حولها منساقة للنور مستسلمة له ..
| |
 
|
|
|
|
|
|
|
|
Re: غادة نوري .. شكرا جزيلا .. فقد فتحت باب الأمل على مصراعيه (Re: وليد محمد المبارك)
|
يا بكره لو تشفق
على جموع الناس
ما ترتى لي غادة
دي بنيه زي الضوء
انواره وقاده
مليانه حس وناس
بل ارتي لي حالنا
تحرمنا كيف بسمه
مشرورة زي نسمه
وسط الهجير والزيف
تحرمنا أمالنا !!
ما تسوي شغل الضر
الما بيدي حريف
ما تزيدنا ياخ نزيف
تنادت الجموع لعلاج غادة نوري .. وهم حينما تنادواتنادوا لعلاج انفسهم من ترسبات السنين القديمة .. من ترسبات أثقلتهم ونغصت عليهم حياتهم .. الآن فقط عرف الوطن أن لا بديل للتكاتف إلا التكاتف .. والايد الواحده ما بتصفق
| |
|
|
|
|
|
|
|
|
|
غادة نوري .. شكرا جزيلا .. فقد فتحت باب الأمل على مصراعيه (Re: وليد محمد المبارك)
|
الأخ / وليد
سلام واحترام ،،،،
حقيقه ما فعلته غادة تشكر عليه لانها جمعتنا في كلمة واحدة والسبب في هذا النجاح
هو الصدق في طرح موضوع علاج الاخت غادة والعمل من اجله وهنا نشكر اخوانا بورداب
الخرطوم لوقفتهم بصدق وجهدهم المقدر ونمتنى بان نسير جميعاً على هذا النهج وان
نكون صادقين في طرح قضايانا متمسكين بها
اشكرك أخي وليد على هذا البوست الجميل
والشكر كل الشكر للاخت غادة الامل غادة الابتسامة الجميلة المعبرة غادة الصبر والقوة
وقد اعطتنا غادة كمية من الدروس المجانية يجب ان نستفيد منها لمصلحة البلد ولمصلحة
اهلنا الغلابة المكتوين بالنار وصابرين من اجل المشردين وصابرين ايضاً .
التحية لكل من ساهم في هذا العمل الانساني
والدعوات لاختنا غادة الامل بالشفاء العاجل
أبو كريم
| |
|
|
|
|
|
|
|
|
|
Re: غادة نوري .. شكرا جزيلا .. فقد فتحت باب الأمل على مصراعيه (Re: عبد المنعم سليمان)
|
كل الفراش ملموم
اشكاله واللوانو
بي قدرته الباقية
حادية ايمانو
يمم تجاه النور
برضو الدببابير ديك
المن زمان كانو
سدنة حقول الورد
مشاعرهم لانو
واتكاتفت ايدين
لا باعو لا خانو
كل الجمع كان زين
حتى الجراد الشين
سمعنا اذانو
شباب زي الورد .. مليان صدق مليان مثابرة وعمل وكد .. انجر ما عليه .. والمرجو منه المزيد .. كل ألوان الطيف السوداني .. وكل أناتج الفكر السوداني .. التفوا حول غادة .. كما يلتف الفراش حول مصدر الضوء
| |
|
|
|
|
|
|
|
|
|
Re: غادة نوري .. شكرا جزيلا .. فقد فتحت باب الأمل على مصراعيه (Re: وليد محمد المبارك)
|
فتحت باب ما بتقفل
بتاكا بس
مدخل جدود المك
كمان ولاد الرس
باب كان موارب ضيم
من كترت النضيم
وقلت الأعمال
الفشخرة القرضيم
القشرة بالأحوال
ولا الوعود الزيف
بيع الوهم أقوال
يا لاهي يا غبيان
العزة ما بالمال
والعافية ما بتعرف
شن الفرق بين ديل
نورة الباشا
أو غبشة التربال
اللهم يا كريم ، اشفي غادة شفاء ما بعده سقم ، اللهم ألطف بها ، اللهم ألطف بالقلوب التي تلتف حولها ، وتقبل دعائنا ودعائهم ودعاء كل من رفع يديه أو حدث نفسه في سره يطلب شفائها ، اللهم أمين
| |
|
|
|
|
|
|
|
|
|
Re: غادة نوري .. شكرا جزيلا .. فقد فتحت باب الأمل على مصراعيه (Re: Raja)
|
مرحب رجاء
تخريمة: طيب إنت لو بتعرف تكتب متل الكلام السمح ده ببفولو عليك كده ليه ..؟
الله يطمنك يا رجاء
عارفة يا رجا2004 جيت البورد ده منشرح ، ونفسي مفتوحة ، اختلفت في رؤية مع بكري الجاك ، استنكرت ما بدأ لي استهتار بالرسول صلى الله عليه وسلم ، بكري الله يطراه بالخير ولانه زول زوق ، رد على بي زوقا يشبهه ، اتجادلنا واتساجلنا في البوست داك ، اها قامو جوني جوز اللوز ، بشاشا ومحمد سليمان ، وكل واحد فيهم شايل الختم حقو ، الاول وصفني بالكوزنة ، والتاني قال لي يا جلابي ،
ومن ديك عينك ما تشوف الا النور
بشاشا ما قادر يستوعب انو بقدم للكيزان اكبر خدمة بالبسوي فيه ده ، وانه استهلك مفردة كوز لمن فرغها من مضمونة ، زمان البقولو ليه كوز نبزوه نبزا شين ، هسع بقت عااادي ، والاخطر بقت بتخارج الناس كمان ، لانو هسع البتوصف بالكوزنة من قبل شاشا وتيمه البلعب معاه ، ده دليل على انو زول كويس ( شفت البلاده )
فتحت بوست عن المغفل النافع والافادة الخفية للكيزان وفيه رسالة لي بشاشا ما فهمها ، مفادها انو بالبتسوي فيه ده بفقد المعارضة مصداقيتها وبتفرغ كلمة كوز من مضمونها ، لاني والحمد لله ما كوز ولا حا اكون في يوم كوز ، والكلام ده معروف للناس القاعدين جوه البلد دي ، والبعرفوا وليد محمد المبارك والحمد لله هم ما شوية
اما محمد سليمان فكانت مشكلته اخطر ، جاني شايل دمغته حقت الجلابي ديك ، وشبكني ليك دارفور وما ادركما دارفور ، رديت قلت ليه نحن هدفنا واحد ومشكلتنا مع نظام ، معا عشان نزيح النظام ده ونرفع الضيم عن اهنا من دارفور .
تتصوري رد قال لي شنو !!
قال لي نحن مشكلتنا ما مع النظام مشكلتنا معاكم كلكم يا اهل الشمال ،
قلت ليه يا وهم انت قاعد تمل في قاعده وارضة للكيزان بي كلامك ده
ولا اشتغل بي الشغلة وشبكني ليك الحزام الاسود والخرطوم وحا نفعل وحا نسوي
وفعلا جات احداث الاثنين الاسود واكدت لي انو ما كان كلام بورد ، كان بعني الكلام القاله
وهسع شايفة بكورك وبقول انو الناس بدت تدعم النظام وما شغالة بقضية دارفور
وطيب من الاول مالك
ما قلنا ليك يا زول نتكاتفل ونشتغل ضدالنظام لانو هدفنا واحد،
قلنا ليك بي هجومك على قبائل الشمال كلها بدون فرز ، بتجبرهم يتخندقوا مع الكيزان في خندق واحد
الغريبة لي كم يوم بفتش في كلاموا القديم عن مشكلتهم المع اهل الشمال كلهم ، وكلامه عن الحزام الاسود ما لامي فيه ؟!!!!!
لكن ما مشكة راسنا ده راس فيل ما بنسى
اها من الوكت داك ، وانا شايت شمال
لانو البسوا فيه بشاشا ومحمد سليمان لا يقل خطورة
عن ما يفعله الامنجية بتاعين النظام
ديك على الاقل بيئذوك ماديا
لكن ديل بيئذوا في الناس معنويا
| |
|
|
|
|
|
|
|
|
|
Re: غادة نوري .. شكرا جزيلا .. فقد فتحت باب الأمل على مصراعيه (Re: وليد محمد المبارك)
|
وليد يا شفت..
سلامات ومحبة..
ننتهز هذه السانحة الكريمة، ونفضفض.. ولا يسعنا إلا أن نشكر الكريمة غادة لإتاحتها لنا هذه الفرصة ..
..
تعرف لما كنا في الابتدائي.. كان في أولاد شكلهم أكبر مننا (قريت في مدرسة أولاد عشان مدرسة البنات كانت بعيدة ..).. أها الأولاد ديل عاملين فيها "مقرًمين"، بيعملو صوتهم كيف كيف عشان باقي الاولاد يخافو منهم، وكانوا عصابة عدييل كده. ولما يجي يقنصو لي زول بيرسلو ليه التهديد من طابور الصباح.. إنه الليلة بعد الحصص موتو جاهو. أها كان أثناء الحصص وفي الفسحتين في أجاويد، او ناس المديدة حرقتني وفي ناس القلوب الحارة والدعم اللا متناهي (زيي كده).
كان كل المجموعات دي بتعمل في استعدادها لمواجهة آخر اليوم.. وتلاقي الأجاويد رفعوا الراية البيضا وأصحاب المديدة مشوا يجيبو سيطان النيم وأصحاب القلوب الحارة نظموا صفوفهم ليكونو موجودين مهما حصل..
..
في كل مرة كنت بسأل روحي يا ربي الأولاد ديل "المقرًمين" ليه زعلانيين من الزول ده؟ وبالمناسبة "الزول ده" في معظم الاحيان بيكون مهذب، شاطر، محترم
مرات يتخيل لي هم بيعملو كده عشان يوروا باقي التلاميذ إنه زول "خيخة" ساكت.. وده ممكن لو كان تعريف "الخيخة" إنه زول ما بيعرف الشكل والضرب من غير سبب.
..
بالمناسبة الأولاد "الشرامة" ديل مافي واحد فيهم عنده عمارة مع الرجال.. مشيت حنتوب من فترة ولقيت الزمن أثبت ليهم إنه هم "الخيخة".. والاولاد الكانو بيضربوهم.. بسم الله ماشا الله أسماء تبهج في اي سماء. منهم الطبيب الناجح، والأستاذ الفاضل، والمهندس البيعمًر، والمغترب الشايل أهله وجيرانه.
أنا اليومين دي وكل ما افتح المنبر طوااالي بتذكر ليك الجماعة ديلك..
تعرف أسهل شئ تبقى "شرامي" و"مقرًم".. هي بي فلوس؟
لكن أصعب شئ تبقى زول محترم.
الشئ الجميل إنه في أماكن زي دي أي زول بيعرف: Who is who?
وبقرية سطر بتعرف تميز بين بتاع عضلات الجسم، وبتاع عضلات الدماغ
والأجمل برضو إنو الزول عرف ناس زي بشاشة ومحمد سليمان.. وعرفك أكتر وأكتر..
تخريمة واجبة: الحرف العدلتو ظااااهر في إقتباسك.. شفت الشفاتة دي؟
وتحية لغادة..
ودي
| |
|
|
|
|
|
|
|
|
|
Re: غادة نوري .. شكرا جزيلا .. فقد فتحت باب الأمل على مصراعيه (Re: Raja)
|
وبقرية سطر بتعرف تميز بين بتاع عضلات الجسم، وبتاع عضلات الدماغ
ده كلام خطر
يا الله نحن تصنيفنا شنو ؟
هاهاهاهاهاهاهاهاهاهاها
ربنا يهنيك بي معرفك كلهم يا رجا
وانت بتستاهلي كل خير
تخريمة واجبة: الحرف العدلتو ظااااهر في إقتباسك.. شفت الشفاتة دي؟
يا رجاء معقولة
انا بشاغل فيك ما اكتر
تسلمي
وربنا يشفي غادة
| |
|
|
|
|
|
|
| |
وليد محمد المبارك
Salah Waspa
فيصل نوبي
الفاتح خليل الفكي
عبد المنعم سليمان
Raja
صالح عبده
فيس بوك
تويتر
انستقرام
يوتيوب
بنتيريست