دعواتكم لزميلنا المفكر د.الباقر العفيف بالشفاء العاجل
|
|
 صاحبي الفاضلابي .. كان رقت .. تعالني جاي
|
ماهو يا تقنعني بي جديدك وتسوقي معاك
يا إما اقنتعتك بي قديمنا ورجعت
لكن ما بسيبك
ما ممكن تكون انت في وادي
وانا في وادي
تعال اقنعني بالاقتنعت بيه ، ولا بتكره لي صحبك الخير
تعال نتونس هنا ونسة اصحاب دقااااااااااااقه
|
|
 
|
|
|
|
|
|
|
|
Re: صاحبي الفاضلابي .. كان رقت .. تعالني جاي (Re: وليد محمد المبارك)
|
غايتو يا وليد جنس لياقة 
يا صحبي ياخي أنا ما داير أستفز لي زول
أنا بحترم عقائد الناس لأنو عاوزهم يحترموا قناعتي الجديدة دي
بعدين كان قمت عليك بكفرك ساكت و إنت راجل كويس محتاجين ليك في الإصلاح من الداخل
فخليها الحكاية دي و أرح نتونس في حاجة مفيدة
أنا عندي نظرية جديدة إكتشفت إنها هي سبب مصايب السودان
إسمها نظرية فنايل الكورة (الكلام ده ما هظار) دايرني أحكيها ليك
| |
|
|
|
|
|
|
|
|
|
Re: صاحبي الفاضلابي .. كان رقت .. تعالني جاي (Re: وليد محمد المبارك)
|
شفت الشعب السوداني ده كلو عندو فنايل كورة غير مرئية
و احدين بدوها ليهم يوم الولادة واحدين بجيبوها لمن يكبروا
و أي زول لازم يلعب و يشجع التيم حقو أو يقعد إحتياطي و يشجع أو يلبس الفنلة و يشجع
-تيمك ده أصح حاجة يا إبني ( قال رجل لطفله )
-(قال الطفل) يا أبوي التيم ده نحن فيهو من زمان
- أيوة يا إبني ده تيم جدودنا كلهم
- إنت يا أبوي زعلان من منال أختي لي شنو
- منال عاوزة تعرس من برة التيم يا إبني
-لكن أبكر ده ما ود جيراننا من زمان يا أبوي و شاطر وهو ذاتو أول ناس منال في الجامعة
- عارف يا إبني لكن بس هوما من تيمنا
- صاح يا أبوي منال أولادها ممكن يطلعوا من تيم أبكر
- شاطر يا ولد
-أبوي
-نعم يا إبني
-سمح نحن لي شنو لازم نلبس فنيلة داخلية برضو
-أووو دي أهم من فنيلة التيم مثلا أبكر ده فنيلتو الداخلية زيينا عشان كده ناس تيموا لمن يلعبوا ضد تيم أنجلو بنشجعم و نقيف
معاهم
- فهمتك يا أبوي
-لمن تكبر لازم تبقى لعاب يا إبني
-أكيد يا أبوي حأبقى ألعب زول في التيم
-أبوي
-نعم يا إبني
-لو بلعب كويس مش بتشجعني
- أكيد يا إبني
- حتى لو فكيت تسجيلي
- لا طبعا أهم حاجة لون فنيلتك
- يا أبوي معناتا إنت بتشجع الفنيلة ما بتشجعني
| |
|
|
|
|
|
|
|
|
|
Re: صاحبي الفاضلابي .. كان رقت .. تعالني جاي (Re: fadlabi)
|
عارف يا صاحب
كلامك صاح
لكن كمان هسع في كفر باغلب ماهو قديم وموروث شلنا من اهلنا
يعني العنصرية اتراجعت
والجهوية اتراجعت
حتى الحزبية اتراجعت
اما الانتماء الجغرافي
فده اتلحس خلاص
لكن يا فاضلابي ما ممكن تاخدنا موجة الكفران فنكفر بكل ما هو قديم وكان اهلنا ما ورثونا شيئا صحيح
كدي كمل لي نظريتك كلها
ما انا قلت ليك ما بخلك 
| |
|
|
|
|
|
|
|
|
|
Re: صاحبي الفاضلابي .. كان رقت .. تعالني جاي (Re: وليد محمد المبارك)
|
اها يا فادكس
عشان تروق شوية حا احكي لي 3 نكت
لو لفيت اسكندنافيا كلها تلجة تلجة ما بتلقاهم
نكت ميدين الثورة
(1) دي ليها علاقة غير مباشر بالموضوع المهيجك
قالو في واحد مشى للدكتور بتاع الامراض التناسلية
قال ليه : يا دكتور البتاع ده ما بقوم كلو كلو يكون عندي عجز جنسي ؟
الدكتور قال ليه دي هينة : اديك حبة فياغرا 25 ملج وانت تبقى كويس
صحبك جاء راجع للدكتور تاني يوم وقال ليه ما حصل شي
قام الدكتور زاد ليه الجرعة لي 30 ملج
اها
صحبك بقي يمشي وما يحصل تطور ويجي للدكتور والدكتور يزيد في الجرعة
لحدي ما حصل 100 ملج
الدكتور قال ليه دي اخر حاجة عندي ابلع الحبة دي واتعشى كويس وان شاء الله موضوعك سالك
ولو ما حصل شي تعال لي بكره انت وجيب معاك المدام
اها بكره الزول جاه ومعاه المدام ، وكانت المدام شينة شنات العدو
قام الدكتور قال للمدام : يا مدام كدي عليك الله امرقي بره خليني مع المريض شويه
اول ما مرقت المدام الدكتور قال لي صاحبك:
والله بتاعك ده بقى اعقل منك
هسع دي مرة بقوموا عليها
| |
|
|
|
|
|
|
|
|
|
Re: صاحبي الفاضلابي .. كان رقت .. تعالني جاي (Re: وليد محمد المبارك)
|
Quote: لســـة في نفس المكان
لســــة واقف زي زمان
وحاســـي بي احســاس غريب
ديني بنقص
حبه حبه
لما ضاع مني اســتخبا
يا إلهي
وانت جاهي
ديني وين ؟
.....
.....
فاضلابي |
وليد والفاضلابى
الله يحلنا منكم الإتنين
حب الإسلام والسودان
حب شرف لازم
"وكلاكما يحب على طريقته"
فإتونسوا وونسونا
ــــــــ
حاوريكم انا كتبت المداخلة دى ليه !! بعدين
| |
|
|
|
|
|
|
|
|
|
Re: صاحبي الفاضلابي .. كان رقت .. تعالني جاي (Re: الملك)
|
عارف يا ملك
فاضلابي ده انا مراهن عليه في تغيير حركة الثقافة ومن وراها الاجتماع في البلد ده
هو واحد من امل مستقبل السودان
عشان كده
حا اتثاقل معاه ثقالة تقيلة
نحن اتعودنا ما تفرط في حاجاتنا بسهولة
وفاضلابي حاجة عامة زيو زي اي اثر ثقافي
ما بنفكه الا نقنع منو
وكت نقنع منو بنرمي طوبته مره واحده
وتاني ما بنقبل عليه
لكن يا ملك انا فاضلابي ده بعرفه تقريبا عشرة سنوات
شفته في كل المواقف
شفته بريد
وشفته بشاكل
وشفته داخل الحراسة
وشفته بغني
وشفته برسم
وشفته بكتب شعر
وشفته بتجمجر
وشفته يده مكسورة
وشفته جاري في عرس اخته ( وجرينا معاه فيه )
وشفته في تخريجه
حضرنا اجتماعات سوى
وقلعنا حق لينا بالمنطق والشكل ( ما حق سياسي )
ساهرنا مع بعض
وساقني في عربيته التيكو
وابيت اركب الفلكسفاجن الشينة ديك
شفته بعزف هارمونكا
شفته وافق في نص السوق العربي بغني في غنية الحلم العربي مع الشريط
حضرت ليه كل ولوما كل قول اغلب ( حاجاته السواها ) كان شعر ولا رسم
اول معرض ليه كان في الالمناني
سوى البوستر حقو في المكتب عندي وكانت يده مكسورة
اخر معرض ليه كان في هلتون
جيتو من الشقة وانا في شهر العسل ومعاي مرتي
وتاني ما لاقيتيو بعد داك
فانا بعرف فاضلابي بصورة كويسة
وعارف انو زول تمام
وتصدق انا لي هسع
الكلام القاله ده متاكده انو حنك منو
حتى ولا زهجة
| |
|
|
|
|
|
|
| |
وليد محمد المبارك
fadlabi
الملك
فيس بوك
تويتر
انستقرام
يوتيوب
بنتيريست