|
دعواتكم لزميلنا المفكر د.الباقر العفيف بالشفاء العاجل
|
|
 Re: سؤال : انتو القال عكس ( عربي ) ( عب ) منو ؟ (Re: عبدالرحمن عزّاز)
|
جلابة بتاع فنيلتو
هم الجلابة ديل ما نشروا جزء كبير من ثقافة البلد دي ، وبشكلوا ضلع اساسي فيها
ولا الناس ما بتعرف ليهم الا الشين
بعدين لو مفتكر انو بشاشا عندو خيال تكون واهم
بشاشا ناقل ما مفكر
يتخيل شنو ؟
ده زول موهوم ساكت
________________________
يا عمك انت سايقها صاح
وحبابه اي طنقراشة شامي اباطه
| |
 
|
|
|
|
|
|
|
|
Re: سؤال : انتو القال عكس ( عربي ) ( عب ) منو ؟ (Re: وليد محمد المبارك)
|
Quote: هم الجلابة ديل ما نشروا جزء كبير من ثقافة البلد دي ، وبشكلوا ضلع اساسي فيها
ولا الناس ما بتعرف ليهم الا الشين |
عشان كدا لمن قلنا أنو الأصل حاجة إسمها سودانيون ، و الجقلبة دى بتخدم صلاح قوش
طلعونا بتاعين سخيلات ساكت.
بشاشا يا وليد ما تظلموا عندو خيال ، لكن للأسف خيال مريض ، و رؤيتو للأمور
لا تتعدى أرنبة أنفو
____________________________________
مادام قلت كدا ! خليها تنقد
| |
|
|
|
|
|
|
|
|
|
Re: سؤال : انتو القال عكس ( عربي ) ( عب ) منو ؟ (Re: Sabah Hussein)
|
ســـلام اخت صباح
ياخ نحن اتقدينا من البيض ديل
هم قايلننا جنس الردحي البسوا فيه ده غالبنا
اها من الليلة نردح كلنا
والداير يناقش حبابو الف
والداير يشاكل حبابو مية الف
اها يا بتاعين الافريقانية انتو
مافيكن زول قادر يورينا افريقيا يعني شنو ؟
ومصدر الاسم من شنو ؟
مافي زول قادر يعرف
الفوق ديل ويربطهم مع بعض
| |
|
|
|
|
|
|
|
|
|
Re: سؤال : انتو القال عكس ( عربي ) ( عب ) منو ؟ (Re: أبو الحسين)
|
Quote: عرب :
جلابة :
افارقة :
عبيد : |
عرب : زول عذابى جاء من الجزيرة العربية ساكى ليه غنيمات..واحدة افريقية شحدو لبن
قام قال ليها ببساطة تعرسينى قالت ليه ايوة...طلعت خلطة..قالت جدها العباس..
لو طلع بره بقولو ليه سودانى اسمر
جلابة : ارملى او بربرى او شنقيطى تاجر عدة وتوابل وبروش..حايم فى ديار كردفان عجبتو دارفورية فتزوجها ذريتها خطفت لون مجلوب ...سودانى اسمر
افارقة : سودانى اصيل شارب موية النيل..تزوج ابنوسية اصيلة فولدت نيلى ابنوسى ..
سودانى
عبيد : لما تكون سودانى جلابى او سودانى عربى او سودانى نيلى او سودانى جلابى
ويقابلك فى بلادة بره خواجة..بناديك هاى نقرو او نيقر..وانت تبتسم هاى هاى
باى باى...انا من السودان والسودان فى افريقيا..تعرف نهر النيل دا حقنا
من كتاب الفصاح
والكسرة والملاح
لابقوتة الجحجاح
| |
|
|
|
|
|
|
|
|
|
Re: سؤال : انتو القال عكس ( عربي ) ( عب ) منو ؟ (Re: وليد محمد المبارك)
|
سؤال : الخواجات ديل لونهم ابيض و لا بمبى؟ و السودانيين ديل لونهم اسود و لا بنى؟
سؤال تانى : الراجل بيقولوا ليهو جلابى .. المرة بيقولوا ليها شنو؟
الكويس فى الموضوع ده اصحاب النظريات دى لحدى هسع ما اكتشفوا تصغير لكلمة الجلابى
ابوداود لمن سالوه عن جنسه فى مركز الشرطة اتلفت و لقى المركز كله من الصول للضابط مشلخين لوراء فقال "عب شايقية"
و بعدين ابوداود قال لابوعاج "يا ريس اديت الناس كلها اوسمة الا انا. فقال له ابوعاج لكن انت يدوك وسام شنويا ابوداود؟ فقال له ابوداود يا اخى ان شاء الله وسام عب السودان البار"
تعرف فى تفكير حاييم اليوميين دى انا مرات بسميهو "التفكير الاباليسى" و هو نوع التفكيرالحير ابليس يعنى ابليس ذاتو حا يكون متحتير من بعض النظريات التى طرحت فى هذا الموضوع
| |
|
|
|
|
|
|
|
|
|
Re: سؤال : انتو القال عكس ( عربي ) ( عب ) منو ؟ (Re: Mohamad Shamseldin)
|
وليد
ازيك
لفظ العبد دة ما مختص بينا, يعني من زمن الرسول عليه السلام ويمكن قبله كمان عرفوا سود البشرة
بالعبيد وكان معظمهم من الاحباش (بلال بن رباح مثالا). والعرب ياهم العرب بتاعين الجزيرة ديل ناس الشعر السبيبي الداكن السواد واللون الابيض (زينب العسكري مثالا).
نجي بقى لناسنا الفي السودان, واللي اكتر واحد فينا ود عرب جده النبي زاتو, موش العباس, ما بيطلع زي ناس زينب ديل,, لكن في النهاية عرب لاننا من سلالتهم وعبيد لاننا مخلوطين مع جدودنا الافارقة,, والبنقول عليهم عبيد من اهلنا السودانيين ديل زينا وواحد مع اختلاف درجات الخليط.
اقرب ليك المسالة, حاجة كدة زي الشاي باللبن, ناس الجنوب ديل شاي سادة, والفي الغرب شاي ممهمج والفي الشمال شاي بس نسبة اللبن فيهو مرتفعة شوية, وكل ما ترتفع النسبة كل ما بيفرحوا بشبابهم اكتر.
يعني لو نحن شعب بيفهم, مفروض ما نجيب سيرة عب وود عرب دي ونكتفي باننا سودانيين وعلى راي المثل
"لا تعايرني ولا اعايرك دة الهم طايلني وطايلك"
تحياتي
لفة
العرس كمل والا شنو؟ 
| |
|
|
|
|
|
|
|
|
|
Re: سؤال : انتو القال عكس ( عربي ) ( عب ) منو ؟ (Re: Dina Faisal)
|
يا دينا العبد ما الا يكون اسود البشرة حتى في زمن الرسول كان هناك كثيرين بشرتهم بيضا عبيد ، فيهم ناس عرب وفيهم ناس اعز من العرب حينها وعندك مثال سيدنا سلمان الفارسي
خصوصا النساء ( الجواري ) كان اغلبهم من ذوات البشرة البيضاء ، وفيهم عرب كثيرات يمكن اغلبهم عرب يسبونهم من حروبهم فيما بينهم ، بل كمان العرب كانو مستعبدن من الامبراطوريات حوالينهم الرومانية والفارسية بل والحبشية ، يعني ابره كان مستعمر اليمن فترة طويلة بامر من النجاشي وبعد داك انفصل بيها من مملكة الحبشة وعملها مملكة خاصة بيه ، فترة طويلة لحدي عام الفيل والقصة المشهورة لهدم الكعب ،
بالمناسبة في عرب من زمان سمر البشرة ، صحيح بشرتهم ما سوداء لكنها سمراء داكنة
يا دينا كلمة افريقي ما مرادف ليها كلمة عب
العروبة يا دينا ممكن نقول عليهاجنس ، قبيلة ، نسب ، هوية
والعبودية حالة لشخص معين حسب ظروف معينة وممكن تكون في اي جنس
بمني
ما كل العرب احرار
ولا كل الافارقة عبيد
ولا كلمة عربي العكس بتاعها كلمة عب
كلمة عبد عكسها حر
وعربي عكسها غير عربي
وختى في غير عربي اي حاجة تانية من الاجناس
حتى الافريقانية ما ممن نستخدمها كضد لعربي
لانو الافريقانية شاملة اجناس كتيرة ، افريقيا قارة كاملة فيها ما فيها من الاجناس والسحنات
افريقي ممكن نستخدم معاها اسيوي اوربي ، ، ، الخ
يا دينا عمرها ما كانت الزنجية مسبة عشان يتعايروا بيها الناس
يمكن تكون العبودية مسبة
لكن منو القال انو العبودية مرادف للزنجية ؟
بمعني مافي همطايل زول ولا حاجة
اذا كان فينا عرق ذنجي ده ما بكسرنا ولا بخلينا نشعر باننا دون ، ولا العرق العربي بميزنا على البشرية
اما الرسول فهو ما جد زول
ودي حكمة الله في انو ما كان عنده اولاد صبيان بعيشوا
عشان ما يجي يزول يتشربك ويقول انو جده الخمسين محمد صلى الله عليه وسلم
وتاني بسال
منو القال انو عكس ( عربي ) (عب ) ؟
| |
|
|
|
|
|
|
|
|
|
Re: سؤال : انتو القال عكس ( عربي ) ( عب ) منو ؟ (Re: رأفت ميلاد)
|
في نعمه يا رأفت والحمد لله
انت كيفك
اما بخصوص تنظيرك
فـ كضبا كاضب
عربي حر عكسها عربي غير حر
موش معناتا انو اي عربي هو الحر ، ومن هو غيره غير ذلك
ياخ العرب ديل اكثر الامم التي تم استعبادها
وراجع التاريخ بتعرف ده
وما قامة قائمة للعرب وعرفوا معني السيادة الا بعد ما جاء الاسلام
لكن قبليه كانو ملطشة للشعوب الحوالينهم زي هسع
| |
|
|
|
|
|
|
|
|
|
Re: سؤال : انتو القال عكس ( عربي ) ( عب ) منو ؟ (Re: وليد محمد المبارك)
|
المحترم ... وليد
تحياتى و تقديرى ،
المسألة يا عزيزى لم تعد أكثر من مكاسب شخصية رخيصة ، لبعض الأرزقية ، من نخّاسة القضايا
و تجار الهامش المسكين ، و بعض المغيبين فكرياً ( لحسن النية) .
فكل من يعتقد أنّ بإمكانه إزالة عنصر محدد من السودان ، لأجل عنصر آخر ينحاز له ، جهوياً أو فكرياً
فهو مخطىء ...
عندما كنّا تلاميذ فى المرحلة الإبتدائية ، فى مدارس معهد التربية الدلنج ، وبعدها الكاكى الإبتدائية ، كنت
و نفر من أصدقائى فى الحى و الأحياء المجاورة ، شأننا كغيرنا من التلاميذ آنذاك ، نحمى بعض ، و نقاتل
أحياناً بالوكالة لبعض ....
فى مجموعتنا ، كل أبناء السودان ، و عداءنا فى المدرسة ، لما كنّا نسميهم (أولاد الحنين) و لنا مقولة نطلقها عليهم
لا أعرف مصدرها ( كستر خنقنى و بسكويت جرحنى) .... و أولئك هم أولاد التجار و كبار الموظفين
(يعنى حقد طبقى دفين) ...
الغريب أنّ أولاد التجار و كبار الموظفين فى حلتنا يحسبوا لصالح أولاد (قرف)
كنا ياعزيزى ، بقارة ، نوبة ، محس ، دناقلة ، شايقية ، جعليين ، مناصير، سكوت ، فلاتة ، دينكا ( المهم كل السودان)
مفهوم جلابة ، إرتبط فى أذهاننا كأهل هامش ، و ما أقوله لك لايرتبط بذلك الهامش الذى طفا على السطح أخيراً فى
المنابر ، أنهم (أى الجلابة) التجار القادمين من مناطق السودان المختلفة ، لمدينتنا .
و لمّا كبرنا كنّا نمزح مع أصدقاءنا فى الأحياء الأخرى بأولاد فريق الجلابة .
الآن ...
و لمكاسب رخيصة ، أصبحت كلمة جلاّبة ( إساءة و شتم) ، بل أكثر من ذلك ، فهى ذهنية متجذرة كما يدعى
بشاشا و آخرون ، فى أذهان بعض أبناء الهامش .....
و أنّ ما تراه أمامك من دجل ، و أكاذيب ، يعتبرونها نضال لتخليص أمثالى أولاً ( بإعتبارى إبن هامش ملوث عقله بتلك الذهنية)
ثم ....
محاولة إقناع أهل الشمال للتوبة كما بشاشا !
هنا أتذكر أكثر كلام ساخر و ناضج فى قراءة المنبر بوعى ، للزميل حميدة:
حيث كتب فى بوست ما ، أن أحد أصدقاءه قد سأله
إنتو فى سودانيزأونلاين بتحلوا مشاكل السودان؟
فأجابه حميدة :
لا لا ياخ نحنا بنعمل المشكلة و بعد داك بنقوم نحلها !
بالضبط دا الحاصل ....
برجع ليك تانى يا حبيب ...
و أسمح لى أضع هذا الرابط لعناية الأستاذ محمد سليمان :
الأستاذ / محمد سليمان ... (2) حول مفهوم الجلابة
.....
| |
|
|
|
|
|
|
|
|
|
Re: سؤال : انتو القال عكس ( عربي ) ( عب ) منو ؟ (Re: عبدالرحمن عزّاز)
|
عزاز يا دصديق
تسلم وشكرا على اللنك
بصراحة يا عزاز قدر ما حاولت اربط بين عرب وعبيد ما قدرت ،
كثير من القبائل الافريقية تستعبد قبائل اخرى افريقية ايضا
ياخ النمل بستعبد بعضه
الاستعباد ما مربوط بالعرب فقط
بالعكس
العرب استعبدوا قديما وحديثا
وامبراطورية الحبشة استعبدت اليمن واهله اكثر من مرة
مستنيك يا مازوق
تسلم
| |
|
|
|
|
|
|
|
|
|
Re: سؤال : انتو القال عكس ( عربي ) ( عب ) منو ؟ (Re: وليد محمد المبارك)
|
الحبيب كيفك واخبارك...الصورة مقلوبة ..الحمدلله شهر فبراير قصير....
آسيا - الاساس :
و هي القارة الام التي انطلقت منها البشرية جمعاء ، وهي من فعل اسس يؤسس فهي الاساس ، و ليس غريبا ان يكون لاسمها معنى باللغة العربية التي هي لغة الانسان منذ ان خلق الله تعالى آدم ، وهنا لا بد لنا من التحديد بدقة ان البشرية التي بدأت من آدم و حواء ، وقد سكنوا في اول امرهم في الجنة ( جنة عدن شرق – كما تقول التوراة ) – وهذا التعبير يعني شرق البحر الاحمر ، كما ان اول بيت وضع للناس كما يقول القرآن كان ببكة – مكة – في شرق البحر الاحمر ايضا ، وهنا لا بد من الاشارة ان هذا البيت الاول هو البيت الذي بناه آدم – كما يقول ابو لهيعة ، مما يجعل هذا التراث الديني الاسلامي يتوافق مع المعنى الجغرافي لاسم اسيا ، من الاساس.
افريقيا- الفرق :
على الجانب الغربي من آسيا تقع قارة اخرى يفصل بينها و بين آسيا بحر العبور التاريخي ، البحر الاحمر و بحر العرب ، و لهذه القارة وضع خاص حيث يقول الجيولوجيون (ومصدر هذه الكلمة – جيئو – لو-ذي) علماء التضاريس و طبقات الارض ، ان افريقيا كانت متصلة بآسيا قبل ان تنفصل عنها منذ ملايين السنين ، لذلك نرى في اسمها ، افريقيا ، فعل فرق ، وهو الفرق الذي افترق و انفصل عن اسيا منذ ملايين السنين .
اها ده ما قاله عمك قوقل ..واذا داير ابليس يتحير هاك ده.... وده قالها عمك قوقل نفسه
تسميتها بإفريقيا قبل ان تظهر للبشرية نظرية انفصالها عن آسيا يبين ان هذه التسمية ربما تعود الى ما قبل خلق الانسان – اي أن الله تعالى قد علمها لآدم من جملة الاسماء الاولى و العلم الاول الذي تلقاه آدم من رب العالمين .
اوروبة – الغروبة و الغرب :
اما اوروبة فإن المؤرخون يقولون انها اكتسبت اسمها من شخصية فينيقية تحمل هذا الاسم ، وهي اوروبة شقيقة قدموس ، ولو علمنا ان اسم اوروبة الفينيقي هو غروبة أو غربة ، لتبين لنا ايضا ان هذه القارة التي تقع الى الغرب من آسيا قد اكتسبت اسمها هي و غربة – شقيقة قدموس التي تغربت بذهابها غربا من الشرق الى الجهة الغربية من العالم ، فاصل اسم اوروبة هو غربة او غروبة .
أما اسم اميركا فالمعروف أنه اسم حديث تبعا للرحالة اميركو فسبوتشي ، و اوستراليا هي تسمية حديثة ايضا وأنني أعتقد انها كانت تحمل اسماء مختلفة قبل ذلك و لكن لا سبيل لمعرفة هذه الاسماء في عصرنا و يبقى ان ننتظر اكتشافا جديدا يبين لنا الاسماء القديمة لقارتي اميركا و اوستراليا حتى يتسنى لنا ان نقحمهما في هذه المقارنة . من هنا نرى ان القارات القديمة الثلاث تحمل اسماء لها معنى باللغة العربية تبعا لمعناها . اسيا من الاساس ، افريقيا من الفرق ، و اروروبة من الغرب
| |
|
|
|
|
|
|
|
|
|
Re: سؤال : انتو القال عكس ( عربي ) ( عب ) منو ؟ (Re: وليد محمد المبارك)
|
Quote: المسألة يا عزيزى لم تعد أكثر من مكاسب شخصية رخيصة ، لبعض الأرزقية ، من نخّاسة القضايا
و تجار الهامش المسكين ، و بعض المغيبين فكرياً ( لحسن النية) |
جرقاس جلابة، او بلا خجلة يتكلم عن المغيبين فكريا!
ياخي اتلهي يامجولب يا مستلب يامخموم!
هو لو انت مامغيب، ساوين ليك الرسن او قايدنك جمل، كت كما الببغاء تردد شعارات الجلابة، شغال عسكري نفر، تحارب في صفوف الجلابة، وكمقاول من الباطن، تنفذ في عقودات محارق التطهير ضد الدينكا والنوبة، في جنوب كردفان؟
كمان الود عامل فيها ليبرالي، والناس الزيو برشوهم زي الجراد!
عامل فيها الود تفتيحة يعني؟
ماشي ميطي او خانق الببيونة؟
فرق ليبرالي المجولب عادل من المؤتمر الوطني شنو، من حيث الموقف من الحركة الشعبية او ثوار دارفور؟
هل صدفة انك واصلت ذات دورك التاريخي، كمخلب قط لي جلابة عادل؟
نرجع للسؤال:
اي نعم، وهم العروبة تم اختراعو، كدابة، يمتطيها ذنوجة الشمال، هربا من الذنوجة، الذيك كده، بالضبط!
ما سمعتهم بقولو عليك، "ناسا قبــــاح، من الغرب جونا"؟
ماعشان كده الانت بتتمسح فيهم ديل، جاكين منك، يدعون الاصل العربي، الفاكرنو اشرف من اصلهم كذنوجة!
مافي سبب اخر لسطو امثالك، علي هوية غزاتنا!
اها، قتا لي البقارة خواجات من اوربا، اقصد عرب من الاندلس؟
امنت بالله، واستثنيت حجوة ام ضبيبينة، حقة الجلابة، القالو جو من اليمن!
برضو مبلوعة، اكتر من حكاية البقارة الخواجات ديل!
اظرفكم اخوكم بتاع تنزانيا، القال جا من ايران!
ياكافي البلا او حاجز المحن، حتي بعض الدينكا قالوا جو من اسيا!
ده معناها شنو، خلاف وهي الشهادة، انكم ذنوجة اقحاح!
قال ليبرالي قال!
| |
|
|
|
|
|
|
|
|
|
Re: سؤال : انتو القال عكس ( عربي ) ( عب ) منو ؟ (Re: Bashasha)
|
بشاشا ....
كتبت:
| Quote: اها، قتا لي البقارة خواجات من اوربا، اقصد عرب من الاندلس؟ |
جهلك ، وعنصريتك الفاضحة بالنسبة لى على الأقل ما محتاجة درس عصر، لكن فى آخر عمرك
بقيت كذّاب ؟؟
و ين قلت ليك كلام زى ده؟ المنبر قدامك بأرشيفو ، يلا يا شاطر أمشى جيب الإقتباس، أو الرابط
عشان على الأقل تثبت لباقى خلق الله ، خصوصاً عزيزك القارىء ، إنك أمين فيما تكتب.
ساعتها ...
ممكن الواحد يرد على باقى كلامك ، ثبّت ليك كذبتك دى ، وأتحداك على رؤوس الإشهاد
أن تأتى بما يثبتها...
يلا ... الله معاك
| |
|
|
|
|
|
|
|
|
|
Re: سؤال : انتو القال عكس ( عربي ) ( عب ) منو ؟ (Re: وليد محمد المبارك)
|
تاني، قال، جاب سيرة البحر!
لو قنا البقارة ماعرب، وانما ذنوج ذي بشاشا، طوالي بشاشا يطلع عنصري؟
يعني لو قال ايو ذنوجة البقارة عرب من الاندلس، طوالي تصفق ليهو او تشيل صفة عنصري برا؟
ثم حتنكر انو ده كلام البقارة في المنبر ده؟
لولقيت وكت، حاجيب ليك كلام ناس كبر او بريمة او ما شابه!
عايز تفهمني انك ضد الفكرة دي مثلا؟
طق حنق، جايز!
| |
|
|
|
|
|
|
|
|
|
Re: سؤال : انتو القال عكس ( عربي ) ( عب ) منو ؟ (Re: Bashasha)
|
Quote: يعني لو قال ايو ذنوجة البقارة عرب من الاندلس، طوالي تصفق ليهو او تشيل صفة عنصري برا؟
ثم حتنكر انو ده كلام البقارة في المنبر ده؟ |
بشاشا .... شوف بدون لف و دوران ، قولتنى ما لم أقله ، عليه أنت كاذب حتى تثبت كلامك.
ثانياً :
أنا مسؤل مما أكتب لا ما يكتبه الآخرين ، !
أين إثباتك ؟؟
متى و أين قلت ذلك ؟
الله معاك ...
| |
|
|
|
|
|
|
|
|
|
Re: سؤال : انتو القال عكس ( عربي ) ( عب ) منو ؟ (Re: وليد محمد المبارك)
|
Quote: الشكلة دي في البوست بتاعي
انت يا بشاش عاوز تودية الخور موش |
العزيز ... وليد
تحياتى و إحترامى ....
أعتذر لما ورد منى فى بوستك ، مما تراه
لكن لو سكتنا فنحن عبيد و أشباه عبيد ، و لو تحدثنا فالأمر يقود البوست لمثواه الأخير.
فقط ... أردت أن أثبت لبشاشا أنّه كاذب أشر ...
لو لم يثبت ما جاء به فى ترهاته أعلاه... و قد كان
عذراً مرة أخرى ,,,,,
و لك التحايا و جميل الأمنيات ؛؛
..
| |
|
|
|
|
|
|
|
|
|
Re: سؤال : انتو القال عكس ( عربي ) ( عب ) منو ؟ (Re: Bashasha)
|
كتبت يا بشاشا :
Quote: الجريقيس عزاز،
مافاهم، اثبت ماذا؟ |
تثبت كلامك الوارد فى الإقتباس أدناه ، و الموجّه لى شخصياً :
| Quote: اها، قتا لي البقارة خواجات من اوربا، اقصد عرب من الاندلس؟ |
أين ؟
و متى قلت بذلك ، لك أو لغيرك ، مع ضرورة إيراد الرابط لأجل (عزيزك القارىء)
الإساءات مثل جريقيس و غيرها لا تعنينى ، و لو كانت تؤثر فسأتجاوزها لأجل صاحب البوست.
هات دليلك ....
لا زلت أتحداك أمام عزيزك القارىء !
و الكورة فى ملعبك ...
مع السلامة؛؛؛
| |
|
|
|
|
|
|
|
|
|
Re: سؤال : انتو القال عكس ( عربي ) ( عب ) منو ؟ (Re: وليد محمد المبارك)
|
| Quote: اها، قتا لي البقارة خواجات من اوربا، اقصد عرب من الاندلس؟ |
لوكده فاهم غلط، او دي دايما غلطة الزول صاحب الرسالة ما المتلقي!
قولة "قت لي دي"، تعبير متداول بالدارجي ولا يؤخذ حرفيا!
بنتكلم عن حاجة معلومة بالضرورة، كيف البقارة بفتكرو روحم عرب الي اخر التفاصيل!
قت ليك لو رايك غير كده يبقي طق حنك ساكت!
ليه؟
لانو مواقفك العملية تدل علي تصالحك مع فكرة السودان العربي، بدليل انخراطك في حزب يكرس لهذا الواقع، وهو المسؤول من كل الحاصل!
علي العموم لو زعلت نعتذر وبشدة لاعن راينا ولكن لتسببنا في تاذي مشاعرك.
اها، تمام؟
| |
|
|
|
|
|
|
|
|
|
Re: سؤال : انتو القال عكس ( عربي ) ( عب ) منو ؟ (Re: Bashasha)
|
Quote: علي العموم لو زعلت نعتذر وبشدة لاعن راينا ولكن لتسببنا في تاذي مشاعرك.
|
أبداً ... يا بشاشا
المسألة ما مشاعر و لا أحاسيس !
المتداول دراجياً شيىء ، و نسبة الكلام لآخر شيىء .
إنت لو عليك إعتذار ، بكون لقراءك الأعزاء لأنك نسبت لى كلام لم أقله !
و قع ليك ؟
النت مافى زول بدخل هنا بمشاعر ، و لا غيره ، قولتنى ما لم أقله .
عليك الإعتذار عن ذلك لنواصل ....
دعك عن مشاعرى ،
و مع ذلك أشكر لك شعورك النبيل ...
....
| |
|
|
|
|
|
|
|
|
|
Re: سؤال : انتو القال عكس ( عربي ) ( عب ) منو ؟ (Re: Bashasha)
|
Quote: عزاز،
لوالمسالة بقت ابتزاز، اعتذار او سحبناهو. باقي كلامنا في محلو. سلام. |
إبتزاز شنو؟
بشاشا للمرة المليون ، قولتنى ما لم أقله ؟ فعليك الإعتذار .؟
هل فى طلبى إبتزاز ؟
علما ً أنّ إعتذارك من عدمه ، لا يمثل عندى الكثير !
باقى كلامك يا شاطر لن أرد على حرف منه ، ما لم تثبت كذبتك أو تعتذر عليها صراحةً ، لا لمشاعرى
و أحاسيسى ، فذلك لا شأن لك به.
و مادمت أصريت أن لا تفعل .
إذاً :
أسمح لى بمخاطبتك بالكاذب بشاشا ،إستشهاداً بهذا الرابط ....
و الله معاك ...
___________________________________
تحياتى لعزيزك القارىء
| |
|
|
|
|
|
|
| |
وليد محمد المبارك
عبدالرحمن عزّاز
Sabah Hussein
أبو الحسين
Muhib
abuguta
Mohamad Shamseldin
معتز القريش
bushra suleiman
رأفت ميلاد
Bashasha
السمؤال بدرالدين
فيس بوك
تويتر
انستقرام
يوتيوب
بنتيريست