|
دعواتكم لزميلنا المفكر د.الباقر العفيف بالشفاء العاجل
|
|
 Re: الهلال المصري يهلل فرحا بالتعادل مع المريخ السوداني (Re: وليد محمد المبارك)
|
يا وليد في بورتسودان قبل أقل من أسبوع جماهيركم كسرت الأستاد
مساعد المدرب بتاعكم إبراهومة حاول الاعتداء على الحكم لولا تدخل الشرطة..
فوضتو كلاتشي ودفعتو ليهو وهو ما زال لاعباً للهلال..
حاولتو تسجيل علاء الدين يوسف عن طريق البصمة المزورة..
فضائح محاولة رشوتكم للحكام جاءت في الصحف الجزائرية
وحتى الآن لم ينفِ مجلسكم الموقر هذه التهمة أو يدافع عن نفسه..
فريقكم يتم تمويله بواسطة المؤتمر الوطني..
في شبه كبير بينكم وبين الكيزان..
بترفعوا الشعارات الرنانة وتحت تحت بتعملوا السبعة وذمتها..
عشان كده مش مستغرب يكون رئيسكم كوز..
| |
 
|
|
|
|
|
|
|
|
Re: الهلال المصري يهلل فرحا بالتعادل مع المريخ السوداني (Re: Nasruddin Al Basheer)
|
يا عمو روح
انت وعلاء الدين يوسف ده سجلتوه من برشلونه ؟
وكان لكسير الكراسي
استاد المريخ ده كسرتو كراسيه كم مرة وحرقتو الشبك
نسيت كورة بيت المال والهلال ؟
نسيت دحدوح
اما التمويل
فنحمد لي الله رئيسنا ما قصفوا ليه مصنع بتهمت صناعة اسلحة كيمائية
ولا شارك في انشاء جياد
ولا عندنا رئيس بقى والى
هسع اقول ليك حاجة
علاء الدين ده لعبتوه كيف ما عنه كرتين ؟
نسيت فضيحة ال (2) و (12)
نسيت عاكف عطا اللعبتو هلال مريخ وهو موقوف
يا عمو روح
_________________________
نرجو من ليبة الهلال المصري ان يتحلوا بالاخلاق
| Quote: وابان المهاجم النيجيري انه تعرض لمضايقات من لاعبي الهلال فيها خروج من السلوك وقال: اعتقد ان لاعبي الهلال سعوا الى اخراجي من اجواء المباراة ووجهوا الي اساءات بالغة واضاف: هيثم مصطفى بالتحديد وعلاء الدين يوسف وجها الي اساءات بالغة ولكنني رددت عليهما في الملعب. |
http://www.alsadda.net/topics.php?dep_id=36&on=1
| |
|
|
|
|
|
|
|
|
|
Re: الهلال المصري يهلل فرحا بالتعادل مع المريخ السوداني (Re: وليد محمد المبارك)
|
والله العظيم يا وليد أحلف صادق أنت لو ما هدف التعادل الهدية ده كنت جنيت عديل كده ..
ياخ الهوس الشديد في الكورة ما كويس ..
أقول ليك حاجة ..
والله العظيم الكورة دي حدنا معاها الحكم يصفر تاني غالبين ولا مغلوبين و لا مظلومين ما فارقة معانا كتير بنجي نقضيها ضحكـ و ونسة هنا و نمشي ..
لكن أنت شايفكـ بقيت تهضرب ...
أسه ده البوست الكم الفتحتو للكورة المرض بتاعة أمس دي ؟؟
ياخ أنت متعادل بكرامة البليلة المكانكـ مفروض يخجل ..
| |
|
|
|
|
|
|
|
|
 Re: الهلال المصري يهلل فرحا بالتعادل مع المريخ السوداني (Re: وليد محمد المبارك)
|
والله يا وليد أمس لو ما درنتو كان حصلت كارثة عديل كده ..
ما تجي تشبكني ضيعنا وماسكين الكورة وكلام مزمل أبو القاسم دا ..
الكورة أقوان زي ما قال كابتن لطيف والهلال إستفاد من الفرصتين السنحت ليهو وسجل منها هدف ..
أمشوا شوفوا مهاجمينكم ديل بضيعوا الأهداف من شنو ..
المريخ في مباراة الأمل عطبرة كان هو الاحسن وعادل بشق الأنفس أو بإرادة الحكم ما فارقه ..
ياهو كلامكم ياهو نفس الموضوع ..
يبقى هناك عله عالجوها وتعالوا أتكلموا عن فريق الدريم بتاعكم دا ..
درن لي يا حكم ..
يا ولي والله العصرة حاااره ..
قول الروب بس 
| |
|
|
|
|
|
|
|
|
|
Re: الهلال المصري يهلل فرحا بالتعادل مع المريخ السوداني (Re: وليد محمد المبارك)
|
وليد سيبك من كلام الزنقة دا امبارح كنت بتقول اين التعادل لما روحك مرقت والليلة جاى تكاوى
انت الذى تهلل للتعادلة لانك كنت بقول يارب تعادل لان فريقك كان مهزوم المهم ما فاتت حاجة اولا مبروك عليك
التعادل تهلل بيه ولا تبرطع بيه الهلال ختاكم فى رجفيبه وقال ليكم تعالوا ياغلابة وبعدين الاقال مدربو منو
الهلال والبريك؟ اوع تقول لى تراكمات واخطاء مدرب سابقة السبب لا ياحبة انه هدف هيثم اخليك فى تهليلك
شطحة
ياريت تغيير صورة السجارة دى لتكون جزء من معسكر محاربة التدخين وتخت لينا صورة بنتنا الحلوة
| |
|
|
|
|
|
|
|
|
|
Re: الهلال المصري يهلل فرحا بالتعادل مع المريخ السوداني (Re: هاشم نوريت)
|
يا نوريت
اي عصرتونا او عصرنا الحظ
لكن عليك الله امبارح نطيط كم نطة مع كل قون انفراد ضيعناه
احمد ربك الله ده ما كريم
________________
| Quote: ياريت تغيير صورة السجارة دى لتكون جزء من معسكر محاربة التدخين وتخت لينا صورة بنتنا الحلوة |
صورة بتكم ما بناباها
لكن التدخين غلبنا نسيه
اوع تقول لي ده من ضمن شروط العضوية عندكم
| |
|
|
|
|
|
|
|
|
|
Re: الهلال المصري يهلل فرحا بالتعادل مع المريخ السوداني (Re: عبدالوهاب علي الحاج)
|
Quote: انت زعلت يادكتور
وبرضو آآآآآآآخ ياكراعي |
قالوا الدعيع كان بكورك ويقول بطنه منفوخة
عشان كده زدنا للمعدات الرياضية قصرية
فاصبح على اي لاعب من لعيبة الهلال وهو داخل مباراة ضد المريخ ان يحضر المعدات الرياضية وهي :
1) كدارة
2) شنكار
3) شراب
4) فنيلة
5) ردا
6) مرتبة ( لزوم الرقاد لتضيع الزمن عشان النجيلة ما تاكل الضهر )
7) قصرية ( عشان البطنه منفوخة ياخد راحته )
| |
|
|
|
|
|
|
|
|
|
Re: الهلال المصري يهلل فرحا بالتعادل مع المريخ السوداني (Re: وليد محمد المبارك)
|
عارف يا ولي ..
أحلى ما في مباراة الأمس دي زرتكم ..
نحن والله قاعدين نلعب على صفحات الجرائد بس وفي أمخاخ مزمل أبوالقاسم ومن شاكلته ..
ياخي نحن من شهر 12 راسنا دا وجعنا من الكلام البتقال في عواميدهم دي ..
رسموا صورة غير واقعية لحالنا وصوروا لينا اللعيبة الجايين يحترفوا عندنا ديل ميسي وإيتو ..
رغم أنهم لاعبين عاديين وجايين من فرق عادية جداً وبي قروش ياخي أسكت ساي ..
وكورتنا زاته حبه وما ماشه لي قدام عشان العقلية والعشوائية التي تدار بها كرة القدم في السودان ..
صدقني الهلال والمريخ ديل مافي فكاك منهم والمناكفة ما ح تنتهي بيناتنا نحن المشجعين ..
لكن نقول شنو في المطبلين العاملين ليهم جرائد ديل وببيعوا في الوهم للناس المسكينة دي ..
حقوا نكون واقعيين شوية ونخلي التنافس بينا يكون حبي زي ما كان ومافي داعي للشحن الحاصل دا ..
والله يا وليد تلقاك أمس خايف تطلع من بيتكم يلم فيك هلالابي يبهدلك أو العكس تقوم تلم في الهلالابي تبهدله ..
وأخاف يا وليد إنو يتحول التشجيع دا لصراع دموي وبعدين ما نقدر نسيطر عليهو ..
الله في يا حبيب ..
| |
|
|
|
|
|
|
|
|
|
Re: الهلال المصري يهلل فرحا بالتعادل مع المريخ السوداني (Re: وليد محمد المبارك)
|
Quote: والله سوها ظاهرة
بشته ورقاد واطه
الدعيع يقع ،،، ولما يقوم ،، امولادي يقع ،،، ولما يقوم ،،، الدعيع يقع تاني ،، وما يقوم حمودة يقع
قالو في توب طلع جديد اسمه " وقعة الدعيع "
والله يا الشفت اخوي في ناس حلفوا قالو شافوا اسامةالتعاون كان بتوقع وهو بعمل التسخينة !
يوم الاثنين قرررررررررب
بس نشوف 0000 الميدان يا حميدان |
تعليق من زول فرده في حته تانية
عجبني شديد
قلت ارفعه هنا ازيد مغستكم
| |
|
|
|
|
|
|
| |
وليد محمد المبارك
Nasruddin Al Basheer
محمد عبد الماجد الصايم
خضر حسين خليل
عبدالوهاب علي الحاج
بابكر التوم
خالد عبد الله محمود
7abib_alkul
على محمد على بشير
abas
معتصم دفع الله
هاشم نوريت
حبيب نورة
Naji A.Moniem
haroon diyab
Yassir Tayfour
dalihabboub
فيس بوك
تويتر
انستقرام
يوتيوب
بنتيريست