|
دعواتكم لزميلنا المفكر د.الباقر العفيف بالشفاء العاجل
|
|
 Re: الله يفضحكم .. لا كورة .. لا رجالة .. ولا حسابات تجارة (Re: وليد محمد المبارك)
|
بالامس القريب كتبنا ان مباريات الكاس هي مبارايات لاعبين بالدرجة الاولى ، لا يجدي فيها تكتيك ولا تكنيك ، وفيصلها هو عزم اللاعبين ، وقلنا قياسا على مباراة الرجاء والشوط الثاني من مباراة الخرطوم ، نخاف على المريخ من مستقبل مظلم لكننا نتمنى عكس ذلك ، فصدقت توقعاتنا
وبالمناسبة العاوز يطبطب على ظهر المسئولين فهذا خيارة لكني في هذا البوست ساكتب رائي بصراحة
المريخ امبارح كان تيم بتاع درجة ثالثة الليك كتير عليه
والبون شاسع بين المريخ والهلال هذا العام والخمس اعوام الاخيره
وان لم يتدارك اهل المريخ فريقهم فسكون هكذا حالهم على الدوام
وسنفصل ..
| |
 
|
|
|
|
|
|
|
|
Re: الله يفضحكم .. لا كورة .. لا رجالة .. ولا حسابات تجارة (Re: فيصل نوبي)
|
قلنا(1) لا كورة ….
وكضاب البقول لي انو المريخ امبارح بلعب في كورة الا استثناءات ، وحتى الاستثناءات دي النفحات حقتها في كورة امبارح هي زاتها عبارة عن استثناءات ..
نمسك من القون
انا ما عارف بهاء الدين ده علاقته بي حراسة المرمي شنو؟ - بالمناسبة انا كنت قون ولعبتها على اعلي مستوى في المريخ ده زاتو لعبتها ما يجي زول يغالطني ويقول لي العرفك بالقينان شنو-
ما عنده اي علاقة بحراسة المرمي ؟
هي حراسة المرمي نطيط ؟!
بهاء الدين ده ينفع بتاع جمباز بتاع اكروبات بتاع سرك .. ينطط من هنا لي هناك
حراسة المرمي قبل الامكانيات العضلية والبنية الجسمانية ، هي خانة للاذكياء والاذكياء فقط
خانة اساسها مبني على القراءة والتومقع مع ترك احتمال ان يخيب التوقع فيتحوط الحارس لذلك
العبره من انو حارس المرمي بلعب بي يده دون سائر الفريق شنو ؟
انا اوريكم …
الغرض من حارس المرمي هو معالجة اخطاء العشرة لاعبين الذين امامه والوقوف امام ترجمت هذه الاخطاء لاهداف
يعني لو لن يخطي لاعبي الفريق لن تكون هناك حاجة لحارس مرمي يلعب بيديه ورجلية
يعني بالدارجي كده القون مختوت عشان يعالج اخطاء زملائه ولو ما بقدر يعالجا مافي داعي ليه
عشان ما يجيني زول يقول لي الاخطاء اخطاء دفاع .. بهاالدين ما مسؤل
بل هو مسؤل كل المسؤلية لان مهمته الاساسية هي تدارك اخطاء زملائه وان كان لا يتستطيع ذلك فحقو نجيب غفير النادي ونختو قون لانو ما بكون في فرق بينه وبين بهاء الدين
بهاء الدين حارس قاصر ذهنيا .. ولا يمتك فكر حارس فريق بمستوى المريخ .. صحيح هو صاحب امكانيات بدنية عالية ، له لقطات تلفزيونه جميلة
لكننا هنا نتحدث عن فريق كرة قدم وحارسة
ليس عن سرك او فريق استعراض لامكانيات الجسد
اللي بعدو……
| |
|
|
|
|
|
|
|
|
|
Re: الله يفضحكم .. لا كورة .. لا رجالة .. ولا حسابات تجارة (Re: طلحة عبدالله)
|
ابالو
ياخ ده تلاجة او بالة قطن .. محترف شنو ياخ … وحياة الله دي اوهم سيرباك لاقاني في حياتي ولو كنت القون انا امبارح كان قطعت فيه كف ....
ياخ دي مصنوع من حديد ؟
ولا صابنو ما عارف ؟
زول ما عنده مرونه .. ولا سرعة ، ولا بعرف يضرب هد ، وكراعه واحده …. وما بعرف يسرق ،… ولا بقع كنشاسا عشان نقول فدائي … ولا بلعب باصات خطره … ولا بطلع مع الهجمه .. وشين ، وكورته حبه … وما بعرف عربي عشان يوجه زملائه .. ولا حا يفهم توجيهات بهاء الدين لانو بهاء الدين ما بعرف انقليذي …
يعني مسجلنوا ليه ؟؟؟
يمكن يكون زمااااااااااااااااااااااااااااااااااااان كان لعاب لمن كان اصغر من 35 سنة لكن هسع وهو قريب من الاربعين كورته كملت
ده عبارة عن تلاجة 14 قدم خاتينها في الميدان
اللي بعدو …
| |
|
|
|
|
|
|
|
|
|
Re: الله يفضحكم .. لا كورة .. لا رجالة .. ولا حسابات تجارة (Re: وليد محمد المبارك)
|
مجاهد احمد
والله ليس في الامكان احسن مما كان ... مشكور على مجهودك المقدر لكن بصراحة ما تقدمه اقل من اسم المريخ
كورتك كملت زمان مع الهلال وانت لاعب مجتهد ومثابر ومحترم
احتمال لو جابو معاك محور تاني يشيل معاك وانت تشل معاه بي خبرتك وجسارتك واصرارك
حينها قد تفيد المريخ كثيرا خصوصا وانك مؤخرا اصبحت هداف تستفيد من العكسيات
لكن صدقني براك كده تشيل ارتكاز المريخ ولا تكضب على روحك
وللسن احكاموا يا مجاهد
كتر خير
وما قدمته للهلال وللمريك يشفع ليك
خصوصا اونك اسم على مسمى مجاهد
لا تدخر جهوا في الملعب
لكن بت الكلب فكت .. وللسن احكامه
| |
|
|
|
|
|
|
|
|
|
Re: الله يفضحكم .. لا كورة .. لا رجالة .. ولا حسابات تجارة (Re: ALazhary2)
|
وليد
دعني اتكلم بعيدا عن انتمائي للهلال ، والهزيمة الثقيلة ....
والله سعيد ببوستك ده ، لاننا جميعا نري عيوب المريخ ، يعني في مباراة دولفين ذات الاهداف الستة،
في هذه المباراة كانت هناك مشكلة في دفاع المريخ ، ولكن لم يلتفت عليها ، وايضا لا يمكن لاي مدرب يلعب مبارتين خلال 10 ايام ، ويقوم بنفس الاخطاء وبالكربون .....
هناك ظواهر عجيبة جدا في المريخ ،،،، بخصوص اللعب خارج السودان ،،،،
* كيف لفريق يهزم من القطن التشادي 2 صفر ، ثم يعود وهزمه 5 صفر (علي ما اذكر)
* كيف لفريق ان ينتصر علي فريق 6 /1 ثم يذهب الي نيجريا ، ويهزم ب 3 صفر ..... عندما تنتصر علي فريق بهذا العدد من الاهداف ، لابد كلاعب ان تكون امتلأت ثقة من فوزك هناك ، بفارق اكثر من هدفين ...
* وكذلك الحال مع كوارا .....
عارف جاني احساس ان المريخ بفوز بجماهيره ،،، ....
يعني السؤال ماذا يحدث للمريخ في المباريات الخارجية ،، هل هناك مشكلة ثقة ، ام خوف من الجمهور (مهما كان هذا الجمهور؟؟؟)
كيف للمدرب ان يتعامل مع مباراة مع فريق لعب نهائي الابطال العام السابق ، كتعامله مع (دولفين) ، فالواضح ان المدرب افتكر ان التوانسه سيدافعون(كدأب الفرق الافريقية) في بلد الخصم ،،، رغم ان الفريق التونسي انكشف له المريخ تماما في مباراة الرجاء ....
لماذا لم يلعب المريخ دوري العرب بلاعبي الصف الثاني (هذا السؤال اوجه للهلال ) ... فالدورة العربية في اجمالها ليس بها ما يفيد (غير الكاش) ، وهذا -اي الكاش- لا يفتقده المريخ ....
والله وبكل صدق اتمني ان يقرأ ما تكتبه كل مسؤل في المريخ ،،، عسي ولعل.....
لازلت وحتي هذه اللحظة معجب بالتشجيع المثالي والحضاري لجمهور المريخ ، ولازلت اقول لهم شكرا لكم .....
| |
|
|
|
|
|
|
|
|
|
Re: الله يفضحكم .. لا كورة .. لا رجالة .. ولا حسابات تجارة (Re: وليد محمد المبارك)
|
علاء الدين طيارة
الزول ده افضل مهاجم وطني موجود في الساحة الان
الزول ده لو ما مشكته النفسية والفوبيا حقتو واصرار المدربين على الزج به في خانه غير التي يجيدها لكان هو هداف السودان الافريقي الاول
امكانيات بدنية عالية
سرعة كبيرة
تحكم في الكرة
وحساسية مع الشبكة
عنده حبة دروشة لكن ما ماثره على ادائه
اشراكة في خانة الظهير الايمين قتله وقتل المريخ كذلك فهو كان احد ابرز الثغرات
زمان لمن كانوا بلعبوه باك يمين
كان بتفرغ للهجوم الذي يجيده لان ( قلق ) كان يغطي عليه بصورة جيده
والتغطية ليست فقط ان تكون امام من يحمل الكره
تغطية المساحات خلف المدافع الذي يهجم على حامل الكره تريح المدافع وتطمئنه وتربك حامل الكره وتجعله يراجع نفسه مرارا قبل تخطي المدافع الذي امامه لانه ينتظره مدافع اخر مركز على الكره فيضطر الى العوده الى الوسط او الاحتفاظ بها
عشان كده عيوب علاء الدين الدفاعية لم تكتشف الا في هذه المباراة
لانو كان لوحده امام مهاجم صريح
والحشاش يملا شبكته
وبما ان منجل علاء الدين هجومي فقد كانت شبكته خالية
الزول ده مهاجم ومهاجم فقط
ومهاجم صاحب امكانيات مهولة
ما تلخبتوا ليه راسو ساكت
اللي بعدو
| |
|
|
|
|
|
|
|
|
|
Re: الله يفضحكم .. لا كورة .. لا رجالة .. ولا حسابات تجارة (Re: Rawia)
|
اُمَك راوية زاتها
والله كتر خير المريخ الخلانا نقرا ليك رد في بوستاتنا
مشتاقين وكده
ان شاء الله عافية و 100%
يا راوية الكورة اصبحت علم عديل كده
وبما انو الناس ماشة على طريق الاحتراف مفروض ما يلعب في الهلال والمريخ الا زول عنده شهادة سودانية على اقل تقدير نجاح ونسبتها لا تقل عن 60%
عشان يقدر يفهم كلام المدرب
ويتفاهم مع المحترفين الاخرين
هي الكورة دي شطرنج بلعبوها والناس ( سُكُم بُكُم)
ما في تفاهم جوه الميدان وفي تعليمات مدربة يجب فهمها جيدا وترجمتها في على الفور لمواقف
لو الزول مبرز وما متعلم ولاذم يعني يلعبوه
خلاص بعد تسجيله يدخلوه كورس انجليذي مكثف عشان يستفيدوا منو
ولا كيف
| |
|
|
|
|
|
|
|
|
|
Re: الله يفضحكم .. لا كورة .. لا رجالة .. ولا حسابات تجارة (Re: Rawia)
|
القلوب عند بعضيها يا راوية
تسلمي
تصدقي انا تاكد لي تماما انو ناس الانقاذ ديل اشفت ناس
ياخ دعموا ليك الرياضة بقروش ورجال ( الوالي وصلاح ادريس )
فتقدمت نسبيا وانصرف الناس اليها
ونسوا السودان ودارفور والشريكين والانقاذ والبترول
والله ناس الانقاذ ديل اشفت ناس في التخطيط
تتصوري يا دوب وقع لي الدعم غير المحدود للرياض من قبل الحكومة
| |
|
|
|
|
|
|
|
|
|
Re: الله يفضحكم .. لا كورة .. لا رجالة .. ولا حسابات تجارة (Re: وليد محمد المبارك)
|
العجب
طبعا العجب ده منطقة حساسة ، من هنا والحرب حا تدور وحا يجونا المتشنجين
ياخ العجب كورتو ببح .. خلاص انتهى الفلم
هو وهيثم مصطفى مفروض يلعبوا غانا ( تشريفيا ) وطوالي بعد غانا يعتزلوا اللعب دوليا ويشوفوا ليهم تيم في الخليج يلعبوا فيه اخر سنتين يحسنوا بيه اوضاعهم المادية
لكن كورة تاني
ماااااااااااا اظن بقدروا عليها
العجب لاعب كبير مافي شك
لكن كمان يا جماعة لو دامت ليه لما اتته من الذين قبله
الكورة دي عندها شروط مهارية ونفسية وعقلية وبدنية
لاذم تتوافر الابعة عشان تتلعب
العجب ده كبر خلاص
ومشكلته انه عظيم الجثه كثيف العظم
والناس الهامتها كبيره وتُقال ... بيعتزلوها بدري
لاسباب منطقية
الحجم الكبير بشكل ضغط عالي على العضلات والمفاصل مما يعجل بنهاية فترتها الافتراضية ويستهلك الطاقة الموجوده بها
وبما انه لم تصنع قطع غيار حتى الان للبشر
فالعجب عمره الافتراضي كمل
صحيح العجب كان افضل من غيره في المبارة تلك
لكن خلاص ببح السنة الجاية ما بقدر
وهيثم مصطفى عنده فرصة اكبر منه في اللعب عامين اخرين
لانه حجمه اصغر نسبيا
وده ظاهر في البشر
الزول السمين او تقيل او حجمه كبير بعد الستين يصاب بمشاكل كبيره في الحركة
عكس الانسان خفيف اللحم
يكون متحرك حتى دنو ساعته بدون مشاكل
يا جماعة ما عندنا كلام في كورة العجب
ولا بنقدر نتكلم فيها
لكن لكل بداية نهاية
ومافي شي بستمر الى الابد
اللي بعدو...
| |
|
|
|
|
|
|
|
|
|
Re: الله يفضحكم .. لا كورة .. لا رجالة .. ولا حسابات تجارة (Re: وليد محمد المبارك)
|
سلام يا ولي
و الله زي ما قال صديق رحمة في بوست تاني.. فرقنا السودانية دي قدر
ما بطنك تطم منها، يجي يوم يدوك طرف الامل و يدردقوك يودوك سابع
سماْْْء و تاااااااااخ يخسفوا بك الارض!
ياخ الكورة دي ساهرنا ليها و بدت عندنا 2 صباحا.. بالله الكاميرا مشت
من وش المعلق للميدان بعد دقيقة بس من بداية المباراة في امدرمان..
نلقاها واحد؟ نحن ناقصين في الغربة و السهر دا يا وليد اخوي!
اخونا هلالابي سمع المعلق التونسي قال الكورة فيها واجد على المريخ
ابيت اصدقوا قلت ليه يا زول قول بسم الله!
تعرف والله أنا اتوجست من الشحن الزائد قبل المباراة شديد..
يل وليد أخوي الناس العاقلة و الاتيام القوية دائما بتدي نفسها هامش
لسوء الطالع و دوران بت الكلب و بقولوا مواجهتنا صعبة و خصمنا عنيد
ونحن باذلين مجهود و لن نغتر بأننا بنلعب على أرضنا.. و الكلام دا ما
عدم ثقة لكن استراتيجية، عشان ما تنفخ لعيبتك و لا جمهورك و في نفس الوقت
كان انتكست ما تحبط ..علا ناسنا دبل داخلنهابالعنتريات و البذخ العاطفي
نقول شنو بس!
| |
|
|
|
|
|
|
|
|
|
Re: الله يفضحكم .. لا كورة .. لا رجالة .. ولا حسابات تجارة (Re: وليد محمد المبارك)
|
طمبل والسعودي
الاتنين امتنع عن تقيمهم
لانو الجماعة ديل كورتهم ما ثابته يوم في السما ويم في الواطه وهم زاتو لعبوا شنو ؟
خصوصا انو النص ما شايل نفسه ومقل في رفد المهاجمين بالكرات
يعني ادوهم فرصة شوية بعد داك نشوف
اما الباقين من لم يلعبوا
اعتقد يجب ان تتاح الفرصة لهؤلاء وبكثافة في الاياام القادمة
1) جيمي ناتالي
2) عنتر
3) صلاح الامير
4) سعيد السعودي
الباقين ما بعرفهم ولا شفت كورتهم
ده فيما يختص اللعب
نمشي للرجالة
| |
|
|
|
|
|
|
|
|
|
Re: الله يفضحكم .. لا كورة .. لا رجالة .. ولا حسابات تجارة (Re: وليد محمد المبارك)
|
ورد في العنوان بتاع البوست
لا كورة (اتكلمنا عنها وورينا كله زول كورته قدر شنو من وجهة نظرنا المتواضعة )
لا رجالة ثم لا حسابات تجارة
يا جماعة هي الرجالة دي الا مع النسوان في السراير
الرجالة دي ما مواقف
يعني زول عامل فيها لاعب كورة
جوه ناس من حلة تانية
وناس حلتهم جابوا الكراسي وقعدوا يتفرجوا على امل اولاد حلتهم يشرفوهم
يقوموا يتغلبوا في حلتهم اربعة
والله نحن في الدافوري ما بنقبلها
خلي نقبلها في منافسة دولية
وساوين ليهم نادي
وساوين ليهم نشيد
والناس دخلت من الساعة ميه
ده كله ما حرك فيهم نخوه
والله صحي الرجالة خشم بيوت
| |
|
|
|
|
|
|
|
|
|
Re: الله يفضحكم .. لا كورة .. لا رجالة .. ولا حسابات تجارة (Re: وليد محمد المبارك)
|
وليد الشفت
والله الكلام القلته ده هو الكلام الحقيقة الجماعة ديل عذبونا عذاب وسهرو بينا الليالي في الغربة.
المريخ ده زمان زمن المرحوم سامي عزالدين وحامد بريمة..عادل امين.. عبده الشيخ..حموري..الجماعة ديل عندهم حرارة قلب .. الواحد بكون مطمئن حتى آخر دقيقة انو في قون ..بس الله غالب..
تحليلك منطقى وكفي دفن الرؤس في الرمال..فليذهب الجميع وابقاء من له نغع ..التحية.
آدم العشا
| |
|
|
|
|
|
|
| |
وليد محمد المبارك
فيصل نوبي
عمر الفاروق
طلحة عبدالله
إدريس البدري
محمد البشرى الخضر
Rihab Khalifa
ALazhary2
رقم صفر
هجو الأقرع
شهاب الفاتح عثمان
Rawia
saadeldin abdelrahman
Adam D.El-Asha
فيس بوك
تويتر
انستقرام
يوتيوب
بنتيريست