الان فقد تمكنت الانقاذ .... معارضين اغبياء

Quote: معارضة وهـم بـس

Quote: والله كلامك صاح ياود المبارك .....بلاده مركبه وغباء مستفحل ...انشاء الله بعد دا كلو يكونو قبضو مايكونو طلعو بيش ...خدمه كبيره للانقاذ

Quote: بـكــل أســــــف......

Quote: فعلاً معارضة وهم وبيش وارزقجية هسة نحن عندنا بلد بنتشاكل فيهو برانا بعد شوية البلد البنشاكل فيه ده ذاتو حايكون مافي معارضة بيييييييييييييض ساكت وغبية .

Quote: وضح انه البلد دي ما فيها زول نصيح بتاتا لا حكومة ولا معارضة

Quote: و الله يا وليد النصيحين في .... لكن لافي الحكومة و لا في المعارضة

Quote: النصيحين شافو عمايل الحكومة و المعارضة علشان كدا بعدوا عنهم الإثنين

ده اكبر دليل يا ابو حسين انو البلد ما فيها نصيح
في زول نصيح بخلي البلد يلعبوا بيها الاغبياء ديل كده

كل من تنحى وترك الحبل على القارب هو مسئول مثله مثل من اغرقه
لا استثنى احدا

مبوك للانقاذ حكم السودان 50 سنة جاية

Quote: لا حكومة ولا معارضة

Quote: وليد يا عزيزي اما معارضه فنادق او معارضة كيبورد ,,, اما في ارض الواقع فلا تجد الا الابواق ذات الصوت المرتفع ,,,

Quote: بالجد الإجماع اللي حصل عليهو البشير لم يكن إطلاقاً ليدركه ولو سخر كل الإعلام الداخلي والخارجي لخدمته لمدة 100 عام . ماحدث كان خير دعاية إنتخابيه للبشير الذي بدون شك سيكتسح الإنتخابات القادمه

Quote: قلنا الكلام دا قبل كدا ياوليد قالو انتو امنجية والامنجية الله بيعلم بيهم وشوف البدائل للحكومة منو وشوف الطارح نفسه للرئاسة منو بالكاد يصلح كاراجوز في احدى رياض الاطفال وليد انا اصاب بالغثيان من طرح المعارضة دي .

(عدل بواسطة وليد محمد المبارك on 03-05-2009, 12:55 PM)

Quote: نحن في مفترق طرق ، ومازالت الحكومة تتعامل مع القرار بسطحية شبه متعمدة

Quote: انت يا وليد المقلوب كدي ورينا كنت بتسوي في شنو (على سبيل المعارض الذكية) وقامو جو الأغبياء ديل وخربو ليك كل حاجة ...!!!!!!!!! وكان ما بتقدر تقولها هنا رسل مسج

Quote: والله يا شامل ممغوس ومقهور من بلاده ولاتنا حكومة ومعارضة

Quote: تعالي بالله أنا راقد في جناح القرحة !

Quote: والله يا وليد انا جادي انا ما منتمي لاي معارضة ورينا خطوات عملية لمدة 20 سنة كنت بتعارض الانقاذ كيف ويمكن الواحد يعمل زيكم ويستفيد ، ما تتحسس من السوال غايتو كان ياهو زي باصك ده يبقى انتم سواء

Quote: Salaam, sorry I don’t have an Arabic keyboard, which is why I am writing in English. A question: what do you mean by opposition? The opposition parties in Sudan or the armed Darfurian movements/fractions? It would probably be more objective if you differentiated between the two for the sake of the argument. Stay well

Quote: دقيقة ما عارف ليه جايني احساس كده انت ((شعبي)) ياريت توضح لي الحتة دي

Quote: بالعمل في منظمات المجتمع المدني وكتااااااااااااااااااااار هن وتوجيه مجهودنا لصالح البد مباشرة او لصالح المواطنين الغلابة برضو مباشرة

Quote: والقال ليك منو انا ساعي لاسقاط الحكومة؟ عشان يجي منو بدلا ؟ الى ان يظهر البديل المفيد اولوياتي الشخصية محاربة اخطاء الحكومة بغرض تقويمها موش السعي لاسقاطها حتى لو كان المحاربة دي في اموري الشخصية

Quote: ومحكمة شغالة هسع في قضيتين واحده مطالبين فيها تعوض مليار

Quote: بعدم ترك الوطن لهم يمرحون فيه

Quote: بالاول اكد لي الحتة دي انهم سارحين ومارحين وماكلين وهل الكلام ده كان من 89 ولا من التاريخ بتاع 93 الما عارف سبب ذكرو هنا (ممكن تدينا فكرة عنو )

Quote: وليد شوية شوية كدي ، وما تعتبر اغترابنا ده هروب وانضمام للمعارضة البليدة لانو كل زول بي ظروفو..

Quote: حماقة المعارضة تضحك الثكلى

Quote: بعد ده يا صلاح ممكن اسالك انا وتركز وتجاوبني بوضح زي ما جاوبتك انا

Quote: (لكن لسه ما نفيت لي حكاية موتمر شعبي دي)

Quote: أسمع عفيتك من جيتي, شكلك تعبان شديد والعليك ما شوية (وش برئ) بجيك انا, بس السستر تجيب الغداء.

Quote: الناس ما قادرة تفرق بين معارضة النظام ومعارضة الوطن

Quote: وليد انا ما عيبت ليك اخذ حقوقك ، لكن عايز اربطها بي انها معارضة للنظام القائم ، وحتة 93 و 89 دي جد ما فهتمك فيها

Quote: للأسف يا وليد للآن و لا الحكومة و لا مؤيديها و لا عمر البشير نفسو عرفو عدوهم الحقيقي ... أنت جاي تشتم المعارضة و الحكومة بتطرد في منظمات الإغاثة و لا أحد يفكر أن الأمر لا علاقة له لا بالمعارضة و لا بمنظمات الإغاثة.. عدوكم الحقيقي يا وليد هو أوكامبو و محكمة الجنايات الدولية و بالتالي أي عدو خلاف كده بتحاربوه معناها بتحاربو طواحين الهواء ساكت .. المعارضة دي بالأمس كانت ضعيفة ولا وجود لها ... الليلة بقت بالقوة التي فعلت كل هذا ؟؟؟؟؟؟

Quote: جيلي انا .. يحيا وحيدا .. يقاتل وحيدا .. ويموت وحيدا الفرقه بين الدفعات زي عشره سنين .. نقول عشره .. ناس الخمسينات جيل التحرر من الاستعمار.. استلموها من ناس الاربعينات القاومو الانقليز .. وسلموها لي ناس الستينات جيل بلورة الفهم السياسي السوداني .. ومفروض انو ناس الستينات يسلموها لينا نحنا ناس السبعينات .. وكان مفروض يكون التسليم والتسلم في بداية التسعينات حتى الالفين .. يعني في عز عهد الانقاذ .. الحصل انو ما استلمنا اي عهدة عن الثقافة والاخلاق السودانية من اي زول ... لقينا الناس القدامنا .. يابره البلد .. يا محابي .. يا خايف .. يا مسجون .. ياكوز طيب نسوي شنو !!!؟؟؟؟؟ نعلم روحنا برانا وما قصرنا علمنا روحنا قدر قدرتنا وطبعا ما حا تطلبو مننا في الغابة دي انو نكون نماذج مستفحلة في الخير.. لانو ما حانقدر ماهو يا اما تكون عزال وديع .. وبفترسوك يا تكون ضبع متملق .. عشان تعيش على فتات المفترسين يا تكون مع المفترسين .. وتاكل اي غزال قدامك وتخلي الضبع يتملقك وينظف ما تركته من وساخه او تكون نصف مفترس ونصف وديع وغير متملق ... عشان تحافظ ليك على دائرة قدر مساحة جسدك .. مملكه خاصة بيك ما يدخلها لا مفترس ولا وديع .. حقتك براك .. يهاب منطقتك المفترسين لان الدخول في معارك معك يخرجهم بخسائر وان فازو ده الشي اللقينا قدامنا دي الخيارات اللقيناها واخترنا الخيار الاخير وعشان ما لقينا قدامنا زول يربينا ، انا ما قاصد التربيه الخام البتربيك ليها الاسرة ... الاسره بتذودك باساسيات التربية والاخلاق .. والشارع هو البفسرها وبوريك فنيات استخدامها...يعني كمثال .. بربوك بقولو ليك الكضب حرام ... لمن تمرق الشارع بتعرف انو الكضب ما كلو حرام .. في كضب مباح واحتمال تلقى فيه حسنات . -أخرج مسلم في صحيحه عن أم كلثوم رضى الله عنها قالت: "ما سمعت رسول الله (ص) يرخص في شيء من الكذب إلا في ثلاث: الرجل يقول القول، يريد به الإصلاح (أي بين الناس)، والرجل يقول القول في الحرب، والرجل يحدث امرأته، والمرأة تحدث زوجها".- يعني في كذب حلال ... وبحلك من مشاكل وبحل الدنيا كلها معاك ... اها دي ما بورونا ليها اهلنا.. بنعرفها من الناس القدامنا ... بنتعلمها من الشارع والحمد لله .. والله عشان رحيم .. لحقنا بالانترنت .. عشان نتربي في البورتات .. وكت ما اتربينا في الشوارع ... وما قصرنا ... سكيناكم وكسناكم وفتشنا عنكم .. عشان نتعلم ونشيل منكم.... ونتحاور معاكم حسب الشي الاتعلمناه هنا وبرانا ... لكن .... لقيناكم رافضننا وما قبلانين بينا .... وما فاضين عشان تعلمونا .. بس فاضين عشان تنتقدونا ... زي ابوين ولدو ولد وخلو الشارع يربيه .. وبعد ما كبر جمعتهم به الظروف ... واتصرف الولد تصرف غير مقبول مع ابويه .. فما كان من الابوين الا ان نعتاه بقلت الادب ... بالله شوف !!!!! ما لازم يكون قليل ادب .. وكت انتو ابيتو تربوه وخليتوه للشارع يربه.. انا ما بتهم زول بالتقصير ... وما بطالب زول بالاجتهاد .. انا عاوز بس تفهمونا وتعرفو انو ده العندنا .. وسويناه برانا وتقبولونا على علاتنا وكت ما ساهمتو في ازالت علاتنا دي لحدي ما تعاد تربيتنا على اياديكم وشكرا كتير وليد ــــــــــــــــــــــــــــــــــــــــــــ اي مصطلحات او احصائيات مقطوعة من راسي .. ما لقيت لي زول يوريني منهجية انشاء المصطلحات والاحصائيات فخلقت لي فلسفة حقتي

Quote: أنت الما فهمتني يا وليد .. بالأمس كان يقال لنا أن المعارضة ضعيفة و لا وجود لها و كل الشعب ملتف حول الرئيس .. و اليوم بقولو لينا إنو المعارضة هي السبب في كل الحصل .. أنا سؤالي وقت المعارضة ضعيفة وما عندها وجود كيف تكون هي السبب؟؟؟ بس ده سؤالي و أؤكد ليك للمرة الثانية إنو العدو الحقيقي هو أوكامبو و ليس للمعارضة أي دور فيما حدث ..

Quote: وليد القدامك دة يا ليون أفندي لو كان عايز قروش أكتر زي ما قلتة كان زكّة الكورة دي بس و كان جاب حقو و زيادة وليد من لعيبة كأس العالم شباب إيطاليا لكن فضّل يشتغل و يكدح و يجتهد و يتعلم لأنو لقى الكورة بتديهو هسي لكن بتاخد منو بعدين يبقى نتفق إنو ما زول قروش

Quote: الفرقه بين الدفعات زي عشره سنين .. نقول عشره .. ناس الخمسينات جيل التحرر من الاستعمار.. استلموها من ناس الاربعينات القاومو الانقليز .. وسلموها لي ناس الستينات جيل بلورة الفهم السياسي السوداني .. ومفروض انو ناس الستينات يسلموها لينا نحنا ناس السبعينات .. وكان مفروض يكون التسليم والتسلم في بداية التسعينات حتى الالفين .. يعني في عز عهد الانقاذ .. الحصل انو ما استلمنا اي عهدة عن الثقافة والاخلاق السودانية من اي زول ... لقينا الناس القدامنا .. يابره البلد .. يا محابي .. يا خايف .. يا مسجون .. ياكوز طيب نسوي شنو !!!؟؟؟؟؟

Quote: ما ده البنقول فيه من سنة 2004

Quote: وليد صدقني دي ازمة البورد ده مرات تحس المتحاورين كل واحد في وادي اها بعد داك إبقي حوار طرشان