منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 16-12-2017, 05:36 AM الصفحة الرئيسية

مكتبة وليد محمد المبارك(وليد محمد المبارك)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

ست البنات .. مهداء الى كل نساء البورد .. بدون فرز

24-12-2004, 07:02 AM

وليد محمد المبارك
<aوليد محمد المبارك
تاريخ التسجيل: 04-12-2004
مجموع المشاركات: 26313

للتواصل معنا

FaceBook
تويتر Twitter
YouTube


ست البنات .. مهداء الى كل نساء البورد .. بدون فرز

    ست البنات

    محجوب شريف


    ست البنات إتمالكت اعصابا
    بيبانا إتكت...
    بكت .. الشبابيك التي
    نورا انطفا..
    فقدت حنان الهمبريب والإلفة
    والشمي البتضحك
    وانسياب الدردشة...
    نار الكوانين انطفت
    الا البتوقد في الحشا..

    حق الفطور .. يمه..
    العشا...
    حق الفطور يمه.. العشا

    ما بابا ليكم يا جناي
    اصبر كفى...
    ادت رضيع الاشهر الاولى
    القفا..

    ثم انكفت غرقت غرق
    في دمعتا ...

    عشم العشم نقطة حليباً بسكويتاً
    ولا حتى حتة كسره
    تسند من مشى ...

    ما أهون الدمع الجسور اذا جرى
    من عين والدة سعت
    بكل ما ملكت يداها وصِحتا..
    صِحت هموما الصَحتا ..
    مرقت تفتش في الشغل
    كم مهنة حامت كاستا..
    نكتت شهادات الزمن
    ما كان تخلي دراستا ...
    رمت اللقيمات الدَغَش
    والكِسره قامت عاستا..

    كم حاجة عندها باعتا..
    كل الاواني بتاعتا..
    دبلة زواجا وساعتا ....

    ترخص حياتا وكل شي

    بس سمعتا .. بس سمعتا ..

    يالله ما اطول خميسا وجمعتا ...

    احدٌ.. احد
    احدٌ.. احد

    اليوم يجر التاني
    والتالت كما ود الاحد...

    احدَ ..احد
    احدٌ..احد

    حيلا انتهى
    حيلا انتهي
    حيلا انتهى....


    يا منتهى .. الصبر البخلي الستره
    غاب قوسين وادنى
    من الذي ما بشبهى ..

    محجوب شريف

    (عدل بواسطة وليد محمد المبارك on 24-12-2004, 07:10 AM)

                   |Articles |News |مقالات |بيانات

24-12-2004, 07:17 AM

وليد محمد المبارك
<aوليد محمد المبارك
تاريخ التسجيل: 04-12-2004
مجموع المشاركات: 26313

للتواصل معنا

FaceBook
تويتر Twitter
YouTube


Re: ست البنات .. مهداء الى كل نساء البورد .. بدون فرز (Re: وليد محمد المبارك)

    رفضت ان اعلق في مكان القصيده

    عشان ما اخرب الايقاع والكلام السمح ده


    لكن ده اهداء لكل نساء البورد .. بمناسبة الكرسماس

    (عدل بواسطة وليد محمد المبارك on 24-12-2004, 07:25 AM)

                   |Articles |News |مقالات |بيانات

24-12-2004, 07:48 AM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22501

للتواصل معنا

FaceBook
تويتر Twitter
YouTube


Re: ست البنات .. مهداء الى كل نساء البورد .. بدون فرز (Re: وليد محمد المبارك)

    Dear Wakid,
    Thanks for bringing joy to our hearts, especially if Mahgoub Sharif is involved. have a beautiful Christmass,
    Muna
                   |Articles |News |مقالات |بيانات

24-12-2004, 08:21 AM

وليد محمد المبارك
<aوليد محمد المبارك
تاريخ التسجيل: 04-12-2004
مجموع المشاركات: 26313

للتواصل معنا

FaceBook
تويتر Twitter
YouTube


Re: ست البنات .. مهداء الى كل نساء البورد .. بدون فرز (Re: Muna Khugali)

    منى كوقالي
    زي ما قال عادل امام
    انت بتشتمي ليه

    عموما الحمد لله انو كرت المعايده بتاعي عجبك

    وتسلمي يا زوق
                   |Articles |News |مقالات |بيانات

24-12-2004, 08:50 AM

وليد محمد المبارك
<aوليد محمد المبارك
تاريخ التسجيل: 04-12-2004
مجموع المشاركات: 26313

للتواصل معنا

FaceBook
تويتر Twitter
YouTube


Re: ست البنات .. مهداء الى كل نساء البورد .. بدون فرز (Re: وليد محمد المبارك)

    معليش حا ارفع دي

    عشان النسوان الما قرنها.. يقرنها

    ويتملن عزه وفخر بي انوثتن
                   |Articles |News |مقالات |بيانات

24-12-2004, 08:52 AM

ست البنات
<aست البنات
تاريخ التسجيل: 02-10-2002
مجموع المشاركات: 3676

للتواصل معنا

FaceBook
تويتر Twitter
YouTube


Re: ست البنات .. مهداء الى كل نساء البورد .. بدون فرز (Re: وليد محمد المبارك)

    الوليد الوضاح،
    شكرا على الأهداء
    وكل يوم وانت طيب وبخير
    وكل يوم والوطن معافى
    خاصة وانا اسمى مكتوب خلقة !
    ونلتقى هناك قبل اكتمال العام المقبل ان شاء الله !
    ست البنات .
                   |Articles |News |مقالات |بيانات

24-12-2004, 09:00 AM

وليد محمد المبارك
<aوليد محمد المبارك
تاريخ التسجيل: 04-12-2004
مجموع المشاركات: 26313

للتواصل معنا

FaceBook
تويتر Twitter
YouTube


Re: ست البنات .. مهداء الى كل نساء البورد .. بدون فرز (Re: ست البنات)

    اذا كان القصيده دي هديه للنسوان مرة
    فليك انت مرتني
    مرة عشان انثى
    والتانيه عشان اسمك

    انحنا قاعدين بي هناك
    متحكرين
    وراجنكم تطلو

    عشان نغني طلع البدر علينا
                   |Articles |News |مقالات |بيانات

24-12-2004, 08:55 AM

قرشـــو
<aقرشـــو
تاريخ التسجيل: 05-02-2002
مجموع المشاركات: 11371

للتواصل معنا

FaceBook
تويتر Twitter
YouTube


Re: ست البنات .. مهداء الى كل نساء البورد .. بدون فرز (Re: وليد محمد المبارك)

    Quote:
    حق الفطور .. يمه..
    العشا...
    حق الفطور يمه.. العشا

    ما بابا ليكم يا جناي
    اصبر كفى...
    ادت رضيع الاشهر الاولى
    القفا..

    ثم انكفت غرقت غرق
    في دمعتا ...




    الأخ وليد

    شكرا للقصيدة وانها بحق لتعبير صادق ومعبر

    التحية للشاعر محجوب شريف فهو ضمير هذه الامة دوما يعبر عن الامها واحزانها

    نسأل الله ان يلطف بهذا الشعب الابى وينصلح حاله

    لك تحياتى
                   |Articles |News |مقالات |بيانات

24-12-2004, 09:18 AM

ست البنات
<aست البنات
تاريخ التسجيل: 02-10-2002
مجموع المشاركات: 3676

للتواصل معنا

FaceBook
تويتر Twitter
YouTube


Re: ست البنات .. مهداء الى كل نساء البورد .. بدون فرز (Re: وليد محمد المبارك)

    شكرا يا وليد على الهدية البقت لى هديتين !
    وتسلم يا أخوى ويسلم الشاعر الوطنى محجوب شريف .
    ست البنات .
                   |Articles |News |مقالات |بيانات

24-12-2004, 09:25 AM

وليد محمد المبارك
<aوليد محمد المبارك
تاريخ التسجيل: 04-12-2004
مجموع المشاركات: 26313

للتواصل معنا

FaceBook
تويتر Twitter
YouTube


Re: ست البنات .. مهداء الى كل نساء البورد .. بدون فرز (Re: ست البنات)

    قرشو تحياتك وصلتني وحسيتا
    تسلم يا غالي

    ست البنات شكرا تاني
                   |Articles |News |مقالات |بيانات

24-12-2004, 11:29 AM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: ست البنات .. مهداء الى كل نساء البورد .. بدون فرز (Re: وليد محمد المبارك)

    فوووووق الروعة لازم تبقى فوق


    كده بالنسبة للبوستات خالصين لكن لسة موضوع الشيك ابو مائة ضورار ماتحسم !!

    بالمناسبة انت شلت صورتك ليه ؟
    دواعى امنية ولاشنوووو؟

    قصدى يعنى ناس البيت احتجوا عليك ولاالحصل شنوووو؟
                   |Articles |News |مقالات |بيانات

24-12-2004, 10:44 PM

وليد محمد المبارك
<aوليد محمد المبارك
تاريخ التسجيل: 04-12-2004
مجموع المشاركات: 26313

للتواصل معنا

FaceBook
تويتر Twitter
YouTube


Re: ست البنات .. مهداء الى كل نساء البورد .. بدون فرز (Re: نادية عثمان)

    ناس البيت ده قصدك وزير الداخلية بتاعي السيده حرمنا المصون

    هي خالاني وحاتك كل حرف بكتبو بتعاين للكيبورت قدامي

    لكن شلنا الصورة عشان الدواعي الامنية التانية
    انا عندي ولد وبت بربي فيهم وما عندي حزب يفتح لي بوست لم يعتقلوني
    عشان كده قلتا اخير اشيلا

    اما بخصوص الميه دولار
    انت قريتي في ست فله

    انا كتبت دولار واحد بس
    "دولار واحد فقط لا غير"

    هسع برسلو ليك

    اها كتبتا فيهو الى الصديقة نادية عثمان
    وفكيتو مع الهواء

    كان وصلك خلاص
    وكان ما وصلك
    اسالي الهواء

    بعد ده انا بررررره

    وشكرا على المرور يا غالية
    والروعة انت البجسيدها
                   |Articles |News |مقالات |بيانات

31-12-2004, 12:20 PM

سارة حمزة

تاريخ التسجيل: 01-12-2004
مجموع المشاركات: 0

للتواصل معنا

FaceBook
تويتر Twitter
YouTube


Re: ست البنات .. مهداء الى كل نساء البورد .. بدون فرز (Re: وليد محمد المبارك)

    تسلم يا وليد
    فوق و تاني فوق
                   |Articles |News |مقالات |بيانات

[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de