|
|
|
 Re: ياهلالاب أعطـوا اللاعبيــن (الماهيــه) وتعالــوا راجعيين (للمحليــه). (Re: keiga2000)
|
Quote: الكباشي البكري
كيفك حالك يا زول ورمضان كريم والعيد مبارك عليك..
الحمد لله على هزيمة الهلال الكتبت لك الرجوع للمنبر..
شفت الهلال ده عظيم كيف؟
قبل ما أنسى وعشان طولنا منك، بنبارك ليك النقطة الرجعتو بيها من دبي
وبالمرررة كده بنكفر ليك الشيء الحصل ليكم في عطبرة..
عارفو طبعاً؟!!
مريخاب مساكين..
_____________
الليلة برضو كيقا حا يظهر |
سلام يا أبو مصطفى وحمداً لله سلامتك يا اخ
دي مداخلتي صباح اليوم مع الكباشي البكري
كنت متوقع ظهورك، أصلو إنت ما بتظهر إلا مع هزيمة الهلال..
| |
 
|
|
|
|
|
|
|
 Re: ياهلالاب أعطـوا اللاعبيــن (الماهيــه) وتعالــوا راجعيين (للمحليــه). (Re: Dr.Elsadig Abdalla)
|
Quote: سلام يا أبو مصطفى وحمداً لله سلامتك يا اخ
دي مداخلتي صباح اليوم مع الكباشي البكري
كنت متوقع ظهورك، أصلو إنت ما بتظهر إلا مع هزيمة الهلال.. |
انا راجع من عمـره والحمدلله وربنا يتقبل منا
ما أحلى الظهور مع اغاني حمام الوادي ياراحــل
والساقيـة لسع مدورة اصلي مجنون حمد الريح
وبحب الأغاني من نوع أنا (مالــــــــــي) ومالـو الشغلني جمالــو
ولسع الغريــق قــدام ما وصلـتو مرحلـة الخمسات داخل استادكـم
المرحلة ديك الا تقوموا جاريين
المريخاب واثقييـن من عدم نيلكم لأي كاس خارجي اصلـوا خالي ودالموج حكى لي راويـة طمنتنئ شديــد
وياناس الرياض الهلالاب اجلـسوا مع الخال دا وشوفوا ليكم حاجـة تانية غير الهلال شجعـوا الريال برشلونه الهلال السعودي الغرافة القطري انسـوا الهلال دا موضوعوا منتهي خالس خالس
ابومصطفى
| |
|
|
|
|
|
|
|
|
|
Re: ياهلالاب أعطـوا اللاعبيــن (الماهيــه) وتعالــوا راجعيين (للمحليــه). (Re: keiga2000)
|
ابن عمي ابومصطفى
مسكاقمي
كدا انا زعلت منك
وحردان كمان
معقولة تجي الرياض وأنا اعرف من البوست دا
ما يصح كدا يا اخوي
كنت تعطيني خبر قدومك وانا كنت انتظرك عند بوابة الرياض
والغايظني وحارق فشفاشي انك كنت مع صديق الموج
غايتو كدا فوتا علينا فرصة التمتع بالسلام ولقاءك
أما بخصوص ان الصفراب يجيبوا كاس خارجي ممكن يحصل لمن الكورة تكون مربعة او مستطيلة
| |
|
|
|
|
|
|
|
|
|
Re: ياهلالاب أعطـوا اللاعبيــن (الماهيــه) وتعالــوا راجعيين (للمحليــه). (Re: حمزاوي)
|
Quote: ابن عمي ابومصطفى
مسكاقمي
كدا انا زعلت منك
وحردان كمان
معقولة تجي الرياض وأنا اعرف من البوست دا
ما يصح كدا يا اخوي
كنت تعطيني خبر قدومك وانا كنت انتظرك عند بوابة الرياض
والغايظني وحارق فشفاشي انك كنت مع صديق الموج
غايتو كدا فوتا علينا فرصة التمتع بالسلام ولقاءك
أما بخصوص ان الصفراب يجيبوا كاس خارجي ممكن يحصل لمن الكورة تكون مربعة او مستطيلة
|
أبن عمي
مسكاقمي
والله كنت اكون سعيد بلقاءك لكن خليها مشـوار طويل من الدوحة للرياض لمكه لجده للمدينة لبريده للرياض مره اخرى ومنها للدمام بس صدقني الرياض في المرتين كانت غشـوا اول مره لاحقين ليلة 27 واصلنا على طول اخذت معي ابن عمتي من الرياض والثانية جينا غاشين الجــد الجـديد وقيلنا فقط (لقينا عندو ملاح مفروك ولدي مصطفى كترت ما اتكيف بقى يأكل بيديه الأثنين لمان خجلني) وكان مفروض اجي اليوم القبلو كان العزاء بتاع المرحوم عماد محمود ربنا يرحمه ويغفر له لكن اصرار خالي في بريده على المبيت، المهم مافي مشكلة سلكنا الطريق ودي اول جيه بسيارتي الخاصـة مع طول الطريق وأصراري على المواصلة دائما ومعي اسرتي الصغيرة واختي الكبرى وبنتها عشان كدا البرنامج كان مزدحم
والجايات اكثر من الرايحات وتحياتنا لكل اهل القبيلة بالرياض وتقديم الإعتذار لهم، وأبقوا عشره على خالي ودالموج نص يوم فقط سرد لي تاريخ طويل عن العائلة وعن أهل القبيلة الحمراء ربنا يعطيه العافية ودوام الصحـة
ابومصطفى
| |
|
|
|
|
|
|
| |
keiga2000
Nasruddin Al Basheer
Dr.Elsadig Abdalla
عبد اللطيف عبد الحفيظ حمد
فيس بوك
تويتر
انستقرام
يوتيوب
بنتيريست