|
قرفة في رأس المواكب
|
قرفة عايش قرفة لسع قرفة موجود قرفة ماشي قرفة ضاحك قرفة سائق قرفة رأكب فى المرأكب قرفة فى رأس المواكب قرفة فى المهجر صديقنا كان من الناس الكواكب
|
|
|
|
|
|
|
|
Re: قرفة في رأس المواكب (Re: Amin Mahmoud Zorba)
|
لو تعاين ياجنا عتمان فى المواعيد تلقاهو جاي لو تغتى العيون بي كفك من ضو الشمش تلقاهو ماش الرقاريق التناوش الضو تلقاهو خاش مرات كتيره تشُمو عِز الصهد مرات تلاقيهو والدعاش فى بواكر الصُبحِ خاش ضولو راكوبه مركوبه اكبر من جلود الفهود والعصا من طوله يا دي الميضنه يرمى ضُلها من هنا لي عِن هناك . .
| |
|
|
|
|
|
|
Re: قرفة في رأس المواكب (Re: معاوية عبيد الصائم)
|
من متين يا صاحب كنت بتنوم دايماًكنت صاحى عشان انوموا الناس تفلى النجوم والقمره داقسه تغتغت للسُغار والماماناعسه وانت صاحى وللا عليك ياخى اصحى كما تريد .. ياخى قوم الليل والناس نيام ياخى اصحى كما تريد وانفخ شرايين النشيد ليي فجر قادِم أضرب فرشتك .. خلطة احوال السنين وخليك حنين وللا قاسى لما ترسم رُشها رشاها الجمال رشاها النضال رشاها البلا وخليها اللوحه مفتوحه , على البلا د العِباد السوسنه . . مالو ياخ لو كلمتنى فى حلمه ساي كلمتنى مالو ياخ لو قُلتَ او اقترحت مالو ياخ ! !
| |
|
|
|
|
|
|
Re: قرفة في رأس المواكب (Re: Osman Musa)
|
يا خطاب ليلة البارح زولك حاضر جادع الضحك الأصلك سامعو وباهل القول العارفو وجامعو زولك صابر ثابت وجابر أبيض يلمع فوق أزهار الجنة بيجمع ياهو ده قرفة
| |
|
|
|
|
|
|
Re: قرفة في رأس المواكب (Re: Osman Musa)
|
نغنيلك نغنيلك زي ما كنا بنغنى ونتذكر شوارع الغربة وأحلامك وتتذكر مطارات الوصول ضاحك . وكانت كيفن أيامك وتسرح فى البعيد رايح مع ناسك مع صورك مع أعلامك تتابع فى فراشات الجمال الصاح وشايف الجنة قدامك نغنيلك نغنيلك
| |
|
|
|
|
|
|
|