والله السودانيات ديل بقن سمحات جنس سماحه

Quote: والله السودانيات ديل بقن سمحات جنس سماحه

Quote: [أخي عثمان محمد كرار... عندنا مثل بقول: (تشوف البُرقة .. تشيل مالك وتزُرقا .. تعرز في البمرقا). المعنى: تشوف واحدة جميلة.. تدفع فيها دم قلبك... تكتشف أن البطيخة حمراء ويكون مالك ضاع يعني سمسم ضرب شق. في واحدات لو شفتهن ساكت من غير Foundation, make-up, eyeliner, وكندشة وحاتك تقوم جاري. أعمل حسابك. تحياتي كبـّـاشي الصـّـافي

Quote: والله السودانيات ديل بقن سمحات جنس سماحه

Quote: العجب كان دخلت ليك جامعة من الجامعات الخاصة ممكن تجيك صدمة من الجمال

Quote: لكن ياكبـّـاشي الشي ديل سماحه مي سماحة نصاح

Quote: أخي عثمان كرار ... كنت مرّة أشاهد اليوتيوب مع إبني صلاح في الكمبيوتر. لاحظت أن الفنانة وجهها نظيف زي صحن الصيني. قلت ليهو: شوف البت دي وجهها نظيف كيف؟ قال لي: يا بابا دا ما وجهها دا في زمننا كان الفاونديشن دا ما موجود. منه عرفت ما معنى المصيبة دي. قال لي: ركِّز في وجهها بدِقّة ، أملس شديد في زول وجهه بهذه النعومة. وقد كان. شفت الست يوم في شوارع الخرطوم.. ما ناقصة إلا تكون بتقطع في بصل. بعدين خلي بالك اللون هو العامل ليك أرضي . الألوان الفاتحة مع ضوء الكشافات بتزيد البنت جمال. مرّة في واحد قريبي زلنطحي جاني في المكتب ومعاه واحدة. لم يقدمها لي بحكم أنها مذيعة مشهورة في التلفزيون. ما عرفتها ولمن سألتها عن اسمها استنكرت كيف لا أعرفها وهي فلانة الفلانية؟ قلت لها: سبحان الله. شكلك هنا أحلى كتير من التلفزيون. وبصراحة كنت عاوز أتخارج ودي كذبة بيضاء لأن صورتها دي ممكن تديها 4 من عشرة مع الرأفة. ركّز كويس. تحياتي. كبـّـاشي الصـّـافي

Quote: ا عثمان ياخي الصيام دا كان غلبك ... افطر ما ياهن زاتهن .. ما اتغيرن

Quote: ياكباشي اخوي والله الشفتو الليله دي مااظن يكون فاونديشن وبعدين ماتنسي انو مقاييس الجمال عند مرتفعه بحكم البلد العايش فيها يعني مابننخلع بي سهوله البهم الشفتو اللبله دا مابهم نصاح

Quote: سمحن سماحه اصلها ما معقولة...لانهن بقن يعتنن بي انفسهن...ومتنافسات في السماحه واللبس..

Quote: خايف يا نزار يا ولدي تبقى زي سماحة النبق في الطبق,, أو سماحة الصورة في البنضورة.. أو سماحة جمل الطين... بس قبل الفاس ما تقع في الراس إتأكدوا كويس.. تحياتي.

Quote: البهم الشفتو اللبله دا ما بهم نصاح

ما سبقك عليها زول

Quote: وين الصور ؟؟ ممكن الشوفتهم ديل ما سودانيات اللهم انك صايم .......... تحياتي

Quote: أخانا كباشي أجد متعة حقيقية في الأمثلة التي توردها الله يديك العافية ---------------------- ناس البوست: سلام

Quote: تِكِبِّر الصُلب بالجناقو ما ببقى

Quote: Quote: البهم الشفتو اللبله دا ما بهم نصاح ما سبقك عليها زول

Quote: زولك لمن فقد المنطق.. معذور ياخ.. صحي سماحة تخلي الزول (يقهي).

Quote: عارف يا عثمان يا اخوي...مرة زماااان جاني واحد عربي في بلاد المهجر ..جاني قال لي انتو يا السودانيين ربنا يعينكم على حريمكم ... قلت ليهو حريمنا انت شفتهم وين ...قال بشوفهم البجيبوهم في برنامج ساحات الفداء ديل ... ضحكت واتخارجت ..ذكرتني حقو امشي ليهو الايامات دي اقول ليهو افتح قناة النيل الازرق ... اللهم اني صايم .

Quote: Quote: تِكِبِّر الصُلب بالجناقو ما ببقى صباح الخير ياكباشي.. وكل سنة وانت طيب.. البنات حيرونا عديل كده.. مرات يعملن حملات لمسألة (تِكِبِّر الصُلُب).. وأحيانا كتيرة يدخلو في برامج الرجيم القاسي لتنحيف الجسم..

Quote: Quote: البهم الشفتو اللبله دا ما بهم نصاح ما سبقك عليها زول

Quote: معاك حق...يا ود كرار... ما تسمع كلام كباشي دا... (يا عمك دا يقول ليك...مره كنت بتفرج مع ولدي وولدو بفرز الفاونديشن) دا بكون السماحه عندو من زمن (لي شلاخك وقفن شهود) وكونكوش كش كونكوش كوش) (دا صوت الرق) سمحن سماحه اصلها ما معقولة...لانهن بقن يعتنن بي انفسهن...ومتنافسات في السماحه واللبس.. وما تنسي الهواء قنوات فضائيات..زوفيه ناس اليسا ونانسي...ودعايات كريمات...ودهانات شعر.. وهبة معتمد...والمحلات التجميلية في الخرطوم اكتر من محلات ستات الدكوه زمان

(عدل بواسطة البحيراوي on 09-01-2010, 09:41 PM)

Quote: ا جماعة عشان نشارك في الكلام دايرين دليل .. .. الصور

Quote: محمد عثمان كرار رمضان كريم وتحياتي لضيوفك . يا زول هوي ما تسمع كلام الجماعة ديل يعلم الله كان القلوب دي مفتوحة يا تشوف جنس كلام يا زول أنا يوم فتحت التلفزيون السوداني وكانت السهرة إسمها نساء السودان . غايتو فيها كم فنانة كدا وفيها كم مسئوليين كباااااار كدا. يمين الله في فنانة كدا لمن تغني والله المسئولين ديل لو جات ضبانة تدخل في حلاقيمهم وتطلع ما ينتبهوا ليها . وتعال شوف فنانات كدا لمن يصعدن في المسرح ويغنن والله جماعتك بتونسوا ساي كأنو البتغني دي ما صوت نسائي. دي ذكرتني واحد بلدياتنا يُسمى الزاحم كان زول شربة وفي نص النهار بدخل الحلة وبجي مارق بخيط في الشارع يوم الجماعة لموا ليك فيه يا أخي إنت ما تنهدي وتسيب الشغلة دي يا الزاحم. عشان الناس كلها سابوها . قام قال يهم سابوها حرم أنا قاعد أدخل الحلة دي نهااااار والشمس في السماء وبالليل برجع . لكن والله يوم كان الشمس دي طلعت الساعة إطناشر بالليل في الحلة الفوق دي . والله تلقوا ناس كتاااااار يتلخبطوا في الشوارع.

Quote: اخونا عثمان كرّار .. تحية الحقيقة انا الشايفاه ده، صحيح جميل، لكن في نفس الوقت تعريف واحد للجمال، يعني البنات كلهم زي اللابسين يونيفورم.. هوية البت السودانية ضاعت ما بين الكريمات البتبيّض وما بين الكحل الخليجي المسحوب وما بين المكياج التقيل خالص... صحيح الكل بكون جميل، لكن زي ما قال ليك عمنا كنتونا، الصباح الوش بكون عامل كيف... ! ده كلام حساده طبعا، واصله الزول الشين بنبّذ السماحه.... لكن لو الله اداني بت لونها ما فاتح زي البنات ديل، ما عايزاها تحس انها ما جميلة... .. وتمشي تتبهدل بالكريمات والمكياج وتنسى انه الجمال جواها اهم من البوهية دي كلها.. برضه النوعيّك، بعد العرس، البوهيه دي كلها بتتنسي... والاعتناء والبرط وتغيير اللون وكل الحاجات دي بتقيف، ده شرك بس ياخوي... اقول قولي هذا، واستغفر الله لي ولكم

(عدل بواسطة Abdlaziz Eisa on 09-02-2010, 01:15 PM)

Quote: البهم الشفتو اللبله دا ما بهم نصاح

Quote: والله سماحة مبااااااالغة ومعاها كمان بريستديج عالى ده هلاك عديل غايتو بس الله يثبتنا ويقوينا نحن معشر العذابة

Quote: عثمان اخوي اهلنا زمااان قالوا الماشاف البحر تخلعو الترعة

Quote: : البهم الشفتو اللبله دا ما بهم نصاح فتأمل

Quote: هي الصور بس أنا الما بضوقو ولا بقدر أحكم عليه

Quote: لأخ كرار لقد عجبني تحاوركم والأخ الكباشي.. البنت السودانية تجري مع الموضة وأعمال غيرنا.. الألوان الكثيرة هذه صنعت لغيرها.. للتي بلون أبيض.. والأبيض يعرف كضوء وليس كلون.. فمساحيقكم صنعت للاتي يفتقدن اللون.. الشئ الطالع في الساحة من مساحيق وتلوين أضر كثيراً بجمال البنت السودانية.. جمالها الطبيعي.. حلوة السمراء على فطرتها..

(عدل بواسطة Nazik Eltayeb on 09-03-2010, 12:40 PM)

Quote: سؤال برئ جدا هل النساء في بقية العالم لا يتجملن ولا يستعملن الفونديشن؟ وهل رأينا نساء لعالم كلهن وهن مستيقظات من النوم؟ البوست به نبرة تحامل شديد على المرأة السودانية من البعض اذا كانت السودانية قد اصبحت جميلة بمواصفات الجمال الاعلامي العالمي الان فهي اخرجت جمالها المدفون كما اخرجته نساء العالم قبلها واللاتي تفنن في ذلك بدأً من المكياج و انتهاءً بعمليات التجميل. و حتى لا نظلم النساء السودانيات عليكم اولا تحديد مقاييس الجمال (المختلفة) ثم اجراء البحوث الميدانية في كل العالم و بعدين نقارن مقارنة المراة السودانية بالممثلات والفنانات ظلم كبير. و مقارنتها بشعوب لا نراهم الا في الاسواق و الاحتفالات و الشوارع و المقاهي و لا ندخل بيوتهم في لحظات راحتهم ظلم للمرأة السودانية كذلك اعتبار اللون الابيض دليل جمال خطل كبير وانغلاق في الفهم وهو قد بدأاولا من الرجال السودانيين الذين اعنبروا ان كل ابيض جميل فلجأت النساء لكريمات التبييض. المشكلة ثقافية فقد تربينا نساء و رجالا على ثقافة جمال شعوب اخرى وهنا لابد ان نكره ذاتنا ولوننا الاسود و الاسمر و القمحي والبني ونفضل في الواننا بعضها على بعض ونرى نساءنا شينات ورجالنا شينيين ولا ماكدا Black is beautiful ودمتم

Quote: متشكرين يا عثمان....رأيك راي سمح وزين

Quote: الليله وين ياعيني جاياني بالاصفر لون الدهب

Quote: هاهاهاهاهاها و الله عمك دا صعب

Quote: Quote: : البهم الشفتو اللبله دا ما بهم نصاح فتأمل Dania Elmaki ماتزعلي في حكاية بهم دي لو عرفتي معناها ماراح تزعلي البهم=جنا الغزال يسمي بهم:)

Quote: البهم هي صغار الماعز و الاغنام و ليست صغار الغزلان

Quote: كذلك اعتبار اللون الابيض دليل جمال خطل كبير وانغلاق في الفهم وهو قد بدأاولا من الرجال السودانيين الذين اعنبروا ان كل ابيض جميل فلجأت النساء لكريمات التبييض. المشكلة ثقافية فقد تربينا نساء و رجالا على ثقافة جمال شعوب اخرى وهنا لابد ان نكره ذاتنا ولوننا الاسود و الاسمر و القمحي والبني ونفضل في الواننا بعضها على بعض ونرى نساءنا شينات ورجالنا شينيين ولا ماكدا Black is beautifu