|
|
|
 Re: ماهو تقييمك للعشرة أيام الاولى ؟ (Re: ALZOLZATOO)
|
يا زول ماشي وين بالليل دا؟؟
رمضان كريم وربنا اتقبل منك انشاء الله
طبعا نحن المرة دي برة الشبكة و المشكلة قالوا الاطعام السنة دي بي 90 جنيه يعني انا والجماعة
180 جنيه قلت للجماعة خلو الرضاعه دي واشتري لبن S26
تحياتي
| |
 
|
|
|
|
|
|
|
|
Re: ماهو تقييمك للعشرة أيام الاولى ؟ (Re: khaleel)
|
Quote: يا زول والله اول مرة اصوم في سخانة ورطوبة زي دي
بقت الخلق ضيق جدا
الزول رمضان كريم |
خلي ياخلي رمضان كريم وتصوم وتفطر علي خير انت والاسرة
اصعب جهاد هو جهاد النفس الجو حار والرطوبة الف لكن الواحد يحتسب الاجر
ياخي الرطوبة طفشت السمك من البحر خليك نحن الكائنات البرية
تحياتي
زاتوووو
| |
|
|
|
|
|
|
|
|
|
Re: ماهو تقييمك للعشرة أيام الاولى ؟ (Re: الصادق يحيى عبدالله)
|
| Quote: رغم وجودي بمكة المكرمة لكن نسبة الرضا اقل من 50% |
حبيبنا الصادق
رمضان كريم ياخي انت زول مفتري بالجد جد زول في مكة الصلاة بي 100 الف صلاة وفي رمضان تضاعف فيه الحسنات يعني في كل صلاة 200 الف والخمسة صلوات بي مليون ده غير الحاجات التانية يعني رمضان بالميت كده ح تطلع ليك بي 40 مليون حسنة كده يعني ممكن تعرس طوالي لوووووووووولز
لو قاعد لحدي نهاية رمضان ممكن نلاقيك هناك
تحياتي
زاتوووو
| |
|
|
|
|
|
|
|
|
|
Re: ماهو تقييمك للعشرة أيام الاولى ؟ (Re: الصادق يحيى عبدالله)
|
لاول مره منذ عامين .. اصل فى التلاوه للجزء التاسع رمضان الفات انتهى وانا فى الجزء الرابع... لا اذكر اين انتهى بى رمضان القبل الفات.. الحمد لله .. فضل من الله ونعمه ..النسبه عموما 50 % لان للشيطان لا يزال يطل من بعض النوافذ .. العمل جارى وبجد شديد لاغلاق تلك النوافذ فى خلال العشرا ايام القادمات ان شاء الله
.
.
ملاحظه .. فى صلاه الوتر يجتهد الامام الذى اصلى خلفه فى الدعاء بالغفران والتوبه والرحمه .. ويطلب منه الله القبول الحسن .. بالاضافه الى دعوات عاده يدعوها الناس .... ولكن لم يفتح الله عليه بدعاء صالح لاخواننا المسلمين المكنوبين فى باكستان فليتنا ندعو ليهم بان يزيل يهون الله عليهم الابتلاء وهو اضعف الايمان
| |
|
|
|
|
|
|
|
|
|
Re: ماهو تقييمك للعشرة أيام الاولى ؟ (Re: 7abib_alkul)
|
حبيبنا حبيب الكل
رمضان كريم وربنا يمتعك بالصحة والعافية ان شاء الله شدة وتزول
ومبروك انتصارات الهلال وعقبال الكاس
شخصيا كل الامور مهياة للعبادة رياضيا المريخ مرض وتلفزيونيا الريموت حايم بين المسلسلات الرمضانية وقنوات الاطفال فقلنا دي فرصة الواحد يتعبد شوية
180 جنيه في اليوم ربنا يعينك والله يعني مسخن اكتر مننا
تحياتي للاولاد والاهل
زاتوووو
| |
|
|
|
|
|
|
|
|
|
Re: ماهو تقييمك للعشرة أيام الاولى ؟ (Re: ALZOLZATOO)
|
حبيبنا يوسف الولي
رمضان كريم وتصوم وتفطر على خير
ربنا يوفقك في الصيام والقيام والتلاوة ، ان شاء الله السنة دي ح تتم القران كاملا
بخصوص دعاء الامام ماتشيل هم عندنا امام هنا دعاء لي ناس باكستان والشيشان كمان
انا برضو رمضان ده احسن من الفات نسال الله القبول
تحياتي العطرة
زاتوووو
| |
|
|
|
|
|
|
|
|
|
Re: ماهو تقييمك للعشرة أيام الاولى ؟ (Re: ALZOLZATOO)
|
رمضان كريم تصوموا وتفطروا على خير ..
أول أيام رمضان كنت استشفى في حالة نقاهة لمدة أسبوع قبل رمضان ولكن الحمد لله صمت .. وأديت عمرة رمضان في اليوم الثاني من رمضان يوم الخميس وبحمد الله بعد انتهيت من أداتء العمرة وفي السعي قبل أن أغادر انزلقت نتيجة مياه في السعي مما أدى إلى اطاحتي على ظهري مما أدى إلى فتحة في الرأس من الخلف نتيجة تلك الوقعة أدت إلى نزيف حاد أسعفت سريعاً وتم خياطة الجرح بستة غرز .. الحمد لله الآن بخير وعدت للمدينة المنورة بعد مغادرتي المستشفى فوراً ومارست عملي والحمد لله أيضاً واصلت صيامي ولكن ليس بمستوى السنوات السابقة أفطر وأودي صلاة المغرب في الحرم النبوي وفي بعض الأحيان أواصل لصلاة العشاء ..
ادعو الله العلي القدير أن يتقبل من صيامنا وأعمالنا ومن جميع المسلمين آمين إن شاء الله ..
| |
|
|
|
|
|
|
|
|
|
Re: ماهو تقييمك للعشرة أيام الاولى ؟ (Re: فيصل النعيمه)
|
الاخ العزيز/ الزول ذاتو
السلا عليكم و رحمة الله و بركاته
Quote: حبيبنا الصادق
رمضان كريم ياخي انت زول مفتري بالجد جد زول في مكة الصلاة بي 100 الف صلاة وفي رمضان تضاعف فيه الحسنات يعني في كل صلاة 200 الف والخمسة صلوات بي مليون ده غير الحاجات التانية يعني رمضان بالميت كده ح تطلع ليك بي 40 مليون حسنة كده يعني ممكن تعرس طوالي لوووووووووولز
لو قاعد لحدي نهاية رمضان ممكن نلاقيك هناك
تحياتي
زاتوووو |
شكرا على كلماتك طيبة الدافئة. انا باذن الله موجود في مكة الى يوم
28 رمضان و ساغادرها في هذا اليوم الى مدينة رسول الله لحضور الختمة هناك، و اتشرف بمقابلتكم
| |
|
|
|
|
|
|
|
|
|
Re: ماهو تقييمك للعشرة أيام الاولى ؟ (Re: فيصل النعيمه)
|
اخونا فيصل النعيمة
رمضان كريم
الف حمد الله على السلامة وربنا يشفيك ان شاء الله ويعظم اجرك
والله موقع موية زمزم في تلك المنطقة مع زحمة المواسم خطير جدا
انا حصل لي نفس الشئ رمضان القبل الفات بس في محل الوضؤ بس جات سليمة
تقبل الله منا ومنك
تحياتي
زاتوووو
| |
|
|
|
|
|
|
|
|
|
Re: ماهو تقييمك للعشرة أيام الاولى ؟ (Re: بكري عباس علي)
|
Quote: زاتو
رمضان كريم
والله لغاية هسي الامور تمام والحمد لله رغم السخانة والرطوبة زي ما قال ليك خليل ( عاملين فلاتة ) وما عارفين لو سخنت زيادة بنقلب (حلفاويين) عديل كدة |
بكوري
انت مقيم وين يازول ؟ ياخي نحن عندنا رطوبة الف ماشايف ناس ماهر محمد صالح في بوست ازالة الرطوبة بتاعت النظارات كان مشارك بفعالية لووووووووووووووولز
كل عام وانت بخير وخليك فلاتي مابتجيك عوجة
رمضان كريم وتصوم وتفطر على خير
سؤال بالجنبه كده
صورة البروفايل بتاعك اسنان ناصعة البياض ماشاء الله ده مسواك ولا معجون لووولز
تحياتي
زاتوووو
| |
|
|
|
|
|
|
| |
ALZOLZATOO
7abib_alkul
عبد المنعم سليمان
الصادق يحيى عبدالله
khaleel
يوسف الولى
cantona_1
بكري عباس علي
فيس بوك
تويتر
انستقرام
يوتيوب
بنتيريست