|
|
 انا قنعت من الاحزاب.. اقتراح استعمال سلاح الـقـبـلـيـة ضد الانقاذ (نفس سلاحهم)
|
الاحزاب خلتنا قاعدين في الصقيعة ساكت
وحقيقة هم ما قصروا، ومشكورين على كل محاولاتهم (التي باءت جميعها بالفشل)
لكن قطار التحرير من قبضة الانقاذ والمؤتمر الوطني او الجبهة لازم يواصل مسيرته
انتفاضة شعبية، تمرد مسلح، عصيان مدني كلو ما نفع
فلنستعمل نفس السلاح القذر، سلاح القبلية الذي استعمله الكيزان للتمكين والبقاء في الحكم
لكننا سنستعمله بشرف ولغرض نبيل
فل يلتقي شرفاء قبيلة الجعليين مع شرفاء قبيلة الزغاوة
ويلتقي شرفاء النوبيين مع شرفاء قبيلة الفور
وشرفاء الشايقية مع شرفاء البطاحين وهكذا
والكل يلتقي في مشروع (مؤقت)
للحفاظ على تراث وتاريخ سوداني عملت عليه كل القبائل السودانية منذ مئات السنين
مشروع اخوه ومشروع تواصل اجتماعي وتجاري وانساني
تم تدميره بفعل فاعل اسمه المؤتمر الوطني او الانقاذ وقلبت الاخ على اخيه السوداني
|
|
 
|
|
|
|
|
|
|
|
Re: انا قنعت من الاحزاب.. اقتراح استعمال سلاح الـقـبـلـيـة ضد الانقاذ (نفس سلاحهم) (Re: أحمد ابن عوف)
|
لسنا ضد الاحزاب فلهم اتحادهم المسمى (قوى الاجماع الوطني)
لكن لا هم استفادوا مننا ولا نحنا قادرين نفهم هم برنامجهم شنو بالضبط كده
فاصبحوا مشلولين واصبحنا مجمدين
اقترح اسم
"تجمع القبائل السودانية" بعداك نشوف نضيف شنو، للتحرير، الثوري، الديموقراطي ....الخ
تجمع القبائل السودانية، تجمع حر، بمعنى انه حر من كل القيود الايدلوجية والفكرية ... الخ
تلك القيود التي دائما هي السبب في قعاد تجمع الاحزاب السودانية من انفاذ برنامج وطني واحد
القبيلة لا بتعرف اشتراكية ولا راسمالية ولا علمانية ولا فدرالية ...
| |
|
|
|
|
|
|
|
|
|
Re: انا قنعت من الاحزاب.. اقتراح استعمال سلاح الـقـبـلـيـة ضد الانقاذ (نفس سلاحهم) (Re: أحمد ابن عوف)
|
الى دعاة الوحدة:
لا ترسلوا علي عثمان محمد طه وكل الافاقين الذين معه الى الجنوب من اجل الوحدة
هؤلاء هم راس الداء، والجنوبيين يعلمون ذلك تماما، يعلمون ان مشكلتهم مع المركز وليس مع السودانيين
ارسلوا وفدا من قبيلة البجه، ارسلوا وفدا من قبيلة الشايقية، ارسلوا وفدا من البطاحين
فهم الاقدر على مخاطبه اخوانهم في جنوب السودان
لكن عليكم في الاول ازاحة قوات الاحتلال الطالبانية من السودان وارجعاهم من حيث اتو من جبال تورا بورا
او دهاليز القاهرة وجحور الاخوان المسلمين في مصر
| |
|
|
|
|
|
|
|
|
|
Re: انا قنعت من الاحزاب.. اقتراح استعمال سلاح الـقـبـلـيـة ضد الانقاذ (نفس سلاحهم) (Re: أحمد ابن عوف)
|
اذا استدعتني قبيلتي لمنازلة هذا النظام، لن اتوانى لحظة لمد اليد
واذا استدعتني اي قبيلة اخرى للتحالف معها ايضا لن اتوانى لحظة في مد اليد
قبيلة المؤتمر الوطني، بدهائها و######ها ومالها ومغريات الدنيا التي جعلت السوداني اول ما يعمله
هو ارهاق ابناء قبيلته (كعربون تطمين المستنفذين) وتشريدهم وتقتيلهم وبث الفتنة بين ابناء قبيلته
الكل ضد قبيلة المؤتمر الوطني
فليسقط من سقط، هذا امر طبيعي، لكن يقيني ان الشرفاء من السودانيين ما زالوا يسدون عين الشمس
| |
|
|
|
|
|
|
|
|
|
Re: انا قنعت من الاحزاب.. اقتراح استعمال سلاح الـقـبـلـيـة ضد الانقاذ (نفس سلاحهم) (Re: أحمد ابن عوف)
|
زمن الزول ما قرا ليهو دعوة جادة ... كلام وجيه !
تلقى التقدمي الإشتراكي المش عارف مين يملاء الأوراق حبراً وتنظيراً وعند أول ملف إختلاف
تصج أضانك قولة " يا عب" ولا يا فرخ ومشتقاتهم بسهولة شديدة وهذا المنبر يقف شاهداً على ذلك...
محاولات القفز على دور القبلية من قبل مدمني الفشل هو ما ساقنا إلى ديكتاتورية مقننة من قبل حفنة من قيادات الأحزاب بمختلف مسمياتها.
إذا كانت هناك وحدة حقيقية منشودة...فلن تأتي من قبل السياسيين...بل من قبل الأفراد والقبائل...
ستجد معارضة كبيرة لطرحك هذا...حيث أنه سيزلزل الأرض تحت أقدام اللاقنها باااااااااااردة ومتوارثة.
بدلاً عن نقد سلوك الحكومة في إدراج خانة القبيلة في طلب الوظائف، كان ينبغي الإلتفات لتجربة جبهة الشرق في تحديد وظائف لقبائل بعينها
وتظل الوظائف شاغرة (نعم شاغرة) إذا لم يوجد مؤهل لشغل الوظيفة من تلك القبائل. كلام واقع ، مش كدة؟
عملياً تلعب القبلية دوراً كبيراً في تسيير الحياة اليومية في السودان... شئنا أم أبينا...وإن كانت هناك فرصة لولادة أحزاب تمثل إرادة وتطلعات
جموع قبائل (شعوب) السودان...فالمفترض تخرج عبر عباءة هذه القبائل عامة...طالما أن بقية المؤهلات جميعها يمكن أن تتقازم أمام الولاء السياسي!
مسئول من الخير يا أحمد ابن عوف...أنتا شايقي؟
| |
|
|
|
|
|
|
|
|
|
Re: انا قنعت من الاحزاب.. اقتراح استعمال سلاح الـقـبـلـيـة ضد الانقاذ (نفس سلاحهم) (Re: AnwarKing)
|
الاخ انور كنج
تحياتي
كنت متابع لكتاباتك عندما كنا متصفحين لكن اختفيت ليك مده، مرحب بك في هذا البوست
| Quote: محاولات القفز على دور القبلية من قبل مدمني الفشل هو ما ساقنا إلى ديكتاتورية مقننة من قبل حفنة من قيادات الأحزاب بمختلف مسمياتها. |
بالضبط كده، الاحزاب ترفع شعارات وهم اول من يكسروها
والعمل الحزبي في السودان فاشل
150 سنة عمر حزب الامة والحزب الاتحادي ومحلك سر، مازالوا يتصارعون في المؤسسية وديموقراطية الحزب
النظام القبلي في السودان نظام راسخ وآاليات العمل داخله معروفة
| Quote: إذا كانت هناك وحدة حقيقية منشودة...فلن تأتي من قبل السياسيين...بل من قبل الأفراد والقبائل... |
لانهم هو اصحاب الوجعة الحقيقية، بماذا تضرر السياسيين في السودان بعد 42 سنة دكتاتورية
وظائف ووجاهات ووزارات ومصادرة شوية عربات وبيوت
| Quote: ستجد معارضة كبيرة لطرحك هذا... |
مرحب بها
Quote: عملياً تلعب القبلية دوراً كبيراً في تسيير الحياة اليومية في السودان... شئنا أم أبينا...وإن كانت هناك فرصة لولادة أحزاب تمثل إرادة وتطلعات
جموع قبائل (شعوب) السودان...فالمفترض تخرج عبر عباءة هذه القبائل عامة...طالما أن بقية المؤهلات جميعها يمكن أن تتقازم أمام الولاء السياسي! |
للتوضيح اخي انور
انا لا ادعو لبناء احزاب سودانية على اساس قبلي، ما دايرين احزاب، كفى الكم وتمانين حزب ديل
انا ادعو لتحالف قبلي
| Quote: مسئول من الخير يا أحمد ابن عوف...أنتا شايقي؟ |
شايقي من ناحية الاب وحلفاوي من ناحية الام
وممكن اكون فوراوي اذا اقتضى الامر
| |
|
|
|
|
|
|
|
|
|
Re: انا قنعت من الاحزاب.. اقتراح استعمال سلاح الـقـبـلـيـة ضد الانقاذ (نفس سلاحهم) (Re: أحمد ابن عوف)
|
Quote: غايتو في قبائل بعينها حا تكون غنية جنس غنى في الدنيا دي؟
خذ البترول مثلاً...يكون واقع في أرض جدك ...ولا حمى الدهب الحايمة الأيام دي...تكون في أرض حبوبتك!
أما بعض القبائل حا تضبط أمورها تمام مع السياحة... والزراعة والخ... |
اي قبيلة في السودان عندها من الخير ما عندها، يكفيها ويزيد
العندو بقر يرعاهو والعندو واطه يزرعها والماعندو يقدم خدمات
تاريخيا، علمت قبائل الغرب في الزراعة والرعي وكانت مهمة قبائل الشمال هي نقل المنتوجات
السودانية الى مصر وقبائل الشرق تنقلها للحجاز، قبائل الجنوب كانت توفر العاج وريش النعام
وقبائل الوسط تهتم بالاتجار بها والجلابة يعودون لهم بالمنتجات التي يحتاجونها
تنسيق تام وتفاهم بمستوى رفيع وبروتوكولات موقعة ومحترمه ومنفذه
| Quote: أعتقد أن الإطار النظري يمكن أن يخرج عبر "الكتاب الرمادي"...! |
فليكن اسمه الكتاب الرمادي اذا
| |
|
|
|
|
|
|
|
|
|
Re: انا قنعت من الاحزاب.. اقتراح استعمال سلاح الـقـبـلـيـة ضد الانقاذ (نفس سلاحهم) (Re: أحمد ابن عوف)
|
وهاك كمان قائمة قبائل السودان...التي أعدها الأخ عادل عبد الله
http://adilsud.blogspot.com/2009/10/tribes-of-sudan.html
213 قبيلة
عندي ملاحظة على كلامك ده...الذي يبدو وردياً شوية...
Quote:
تاريخيا، علمت قبائل الغرب في الزراعة والرعي وكانت مهمة قبائل الشمال هي نقل المنتوجات
السودانية الى مصر وقبائل الشرق تنقلها للحجاز، قبائل الجنوب كانت توفر العاج وريش النعام
وقبائل الوسط تهتم بالاتجار بها والجلابة يعودون لهم بالمنتجات التي يحتاجونها |
لا أعتقد أنو كان في تعاون حقيقي بين قبائل السودان المختلفة لعدم وجود كيان "الدولة بحدودها الجغرافية السياسية الحالية"...
حقو نحاول نفند وندرس الإتحادات القبلية التي أفضت إلى دول ...زي دولة الإمارات العربية المتحدة مثلاً... ولا رأيك شنو؟
__________
قلتا لي شايقي بحلفاوي؟
الموضوع ده داير ليهو شايقي برباطي نجيض يؤسس له كما ينبغي...
وسعدت بالتداخل معك والسلام
| |
|
|
|
|
|
|
|
|
|
Re: انا قنعت من الاحزاب.. اقتراح استعمال سلاح الـقـبـلـيـة ضد الانقاذ (نفس سلاحهم) (Re: cantona_1)
|
أحمد بن عوف
اذا استدعتني قبيلتي لمنازلة هذا النظام، لن اتوانى لحظة لمد اليد
واذا استدعتني اي قبيلة اخرى للتحالف معها ايضا لن اتوانى لحظة في مد اليد
شايقي من ناحية الاب وحلفاوي من ناحية الام
يا أحمد بن عوف: شايقي وحلفاوي: الحكومة سوت ليكم سد مروي. أعطتكم تعويضات - بنت ليكم بيوت في أمري وخلافها. سوت ليكم كم كبري عبر النيل- عملت شوارع زلط من الخرطوم إلى حلفا بالشرق وبالغرب.
تقدر تقول لي دايرين شنو من الحكومة؟؟
شوف يا إبن عوف كلامك ما بنسمعه.. كم من أهلك خيلانك الحلفاويين وأعمامك الشايقية ماتوا في حرب الجنوب؟
كم منهم اليوم مستوزر وماسك في شطر كبير برضع منه؟
حكاية Man of all times دي بعد دا بقت مافي. لو الحكاية بالقبائل أحسن السودان يتقسم زي الإتحاد السوفيتي وكل قبيلة يدوها حقها ناشف.
ولنكن واضحين مع انفسنا.في هذا السودان وبصراحة شديدة:لا شئ يجمع الشايقية بالفور. لا الجعليين بالبرتي. ولا الحلفاويين بالدينكا. ولا الشكرية بالجوامعة. ولا الرباطاب بالنوبة. ولا العنج بالوطاويط. ولا المسلمية بالتنجر. وعليه قس.
فسيسفاء قبلية تمكن الإنجليز بمساعدة الباشبوزق وعملاء مخابرات ونجت على جمعها في دولة اسمها السودان.
تقدر توريني عامل مشترك بين بقايا الأتراك في الخرطوم والزغاوة في طينة شنو؟
ما تدفنوا رؤوسكم في الرمال وتقولوا سودان موحد.. لو الجنوب فرّ بجلده فالجفلن خلوهن أقرعوا الواقفات.
(العوج راي والعديل راي)
| |
|
|
|
|
|
|
|
|
|
Re: انا قنعت من الاحزاب.. اقتراح استعمال سلاح الـقـبـلـيـة ضد الانقاذ (نفس سلاحهم) (Re: cantona_1)
|
سلام انور
| Quote: لا أعتقد أنو كان في تعاون حقيقي بين قبائل السودان المختلفة لعدم وجود كيان "الدولة بحدودها الجغرافية السياسية الحالية"... |
لا ياخي، حرام عليك، دا ما يحاول دعاة الاسلاموعروبية ان يقولوهو، ان السودان كان
دويلات لا علاقة لها ببعض عشان نحمد ونشكر وندعو لمحمد علي باشا بالرحمة والمغفرة
لانه هو من صنع السودان الحالي، وان الفضل يعود للباب العالي بالاستانة والخلافة الاسلامية
لا لا لا يا صديقي، كيف يعقل ان يصل جدنا تهراقا الى جنوب تركيا بجيوشة ولا يكون له علاقة مع دارفور
وكردفان والشرق؟؟
ياخي التاريخ الانساني والجغرافي والتاريخي في كل الكرة الارضية اثبتت ان له لا يوجد مجتمع
مغلق على نفسه، كيف لدارفور ان يكون لها علاقات شرقا وغربا ولا يكون لها علاقة من اي نوع
مع اولاد البحر القريييييبين ديل؟؟ كيف كان يتصل الجنوبي وهو منعزل في ادغاله مع العالم الخارجي
الا عبر ابناء عمومتهم من ابناء النيل الشمالي؟؟
دا تاريخ مكذوب ان يصوروا انه لم توجد علاقة بين الممالك المسيحية وسنار ودرافور وتقلي والمسبعات
لك ان تعرف ان ديار الشايقية كانت تستقبل طلاب العلم من سنار وكردفان ودارفور ويقيمون هناك
بالسنين ودا تاريخ موثق لو عاوز ممكن اجيب ليك المرجع وما كتب فيه.
| Quote: حقو نحاول نفند وندرس الإتحادات القبلية التي أفضت إلى دول ...زي دولة الإمارات العربية المتحدة مثلاً... ولا رأيك شنو؟ |
خلينا من الامارات دي، المهدية دي ما كانت تحالف بين القبائل السودانية بما فيها الدينكا لطرد المستعمر التركي؟؟
دولة المهدية اليست بدولة؟؟ الا بس التعايشي استخدم سلاح القبيلة الذي صنع المهدية لتمزيق دولة المهدية
نفسها
هو سلاح ذو حدين وخطير جدا، عشان كده انا فوق قلت (مؤقت) يتنهى بانتهاء مراسم دفن قبيلة
المؤتمر الوطني
| Quote: قلتا لي شايقي بحلفاوي؟ |
كومبينيشن خطير
| Quote: الموضوع ده داير ليهو شايقي برباطي نجيض يؤسس له كما ينبغي... |
يا زول والله اسس ليهو شرعا وتاصيلا كمان، بس اصبر علي شوية، راجع دستور الرسول (ص)
لدولة المدينة
| Quote: وسعدت بالتداخل معك والسلام |
وانا اكثر منك سعادة يا وجيه
تحياتي
| |
|
|
|
|
|
|
|
|
|
Re: انا قنعت من الاحزاب.. اقتراح استعمال سلاح الـقـبـلـيـة ضد الانقاذ (نفس سلاحهم) (Re: أحمد ابن عوف)
|
تحية طيبة ....يا احمد ياخوي مشروعك المؤقت المنتهي بانتهاء مراسم الدفن.. مشروع سيطول شرحه وبالتالي سيطول انتظار مراسم دفن الميت الحي...
انظر الي تاريخ الاحزاب ودورها في تاريخ السودان..بانتهاء مرحلة النضال الوطني كان لابد من تكريس قواعد الديمقراطية بمزيد من نوافذ الاستنارة والوعي والتاثير وبمزيد من الديمقراطية ..ان الحفاظ علي الديمقراطية لا ياتي الا بمزيد من الديمقراطية كما قال المحجوب..ولكن انظر سنوات الحبو ثم محاولة المشي ثم المشي باقدام ديمقراطية لتري كم مرة جري الانتهاك ..اذا حاولنا الصاق تهمة الاستقواء الحزبي بالععسكر ذلك دليل علي عدم نضج التجربة الديمقراطية ولبس فشلها.. النوافذ الديمقراطية تفتح بالوعي وبالحرية لا بالبوت العسكري الذي يتمسح بمسوح الديمقراطية وهو الذي قام باغتيالها..
(الديمقراطية دايرة ليها مواعين ) كما قال عبد الخالق محجوب...الارتباط الحزبي ليس ارتباط حول شعار او هدف او خطة او مشروع فحسب انما ياتي السؤال المحوري عن دور المواطن في الالتزام الحزبي و المشاركة ....متي تم دفع اخر اشتراك في عضوية الحزب .؟...من هم زملاءك علي النطاق المكاني وعبر المستويات الاخري...؟الخ الخ الخ....سؤال ينبغي ان يطرحه كل مناد بالديمقراطية ليظهر الخلل ..ليس في الزعامات الحزبية انما في الفرد ..المواطن...حجر الزاوية.. ومنتهي كل مشروع...اليس كذلك؟..
صديقي احمد...الجدل حول مشروعكم سيطول واخشي طول سلامة لاصحاب المشروع الحضاري...المنتهي بواقع او احتمالات تشطير الوطن الواحد.... ولك وافر الاحترام.. وسنعود
| |
|
|
|
|
|
|
|
|
|
Re: انا قنعت من الاحزاب.. اقتراح استعمال سلاح الـقـبـلـيـة ضد الانقاذ (نفس سلاحهم) (Re: أحمد ابن عوف)
|
عزيزي كانتونا
تحياتي
Quote: يا أحمد بن عوف: شايقي وحلفاوي: الحكومة سوت ليكم سد مروي. أعطتكم تعويضات - بنت ليكم بيوت في أمري وخلافها. سوت ليكم كم كبري عبر النيل- عملت شوارع زلط من الخرطوم إلى حلفا بالشرق وبالغرب.
تقدر تقول لي دايرين شنو من الحكومة؟؟ |
ياخي دي دعاية حكومية مغرضة بتستغلها عشان تقول انو ناس الشمال مميزين، عشان الناس
التانين يزعلوا مننا ساكت، ودا غرض الحكومة، شوفت كيف
دحين من هم عتاة المعارضة؟؟ مافيهم شوايقة ولا نوبيين ؟؟
| Quote: شوف يا إبن عوف كلامك ما بنسمعه.. كم من أهلك خيلانك الحلفاويين وأعمامك الشايقية ماتوا في حرب الجنوب؟ |
كتار الماتو، بس طبعا ما زي اهل التماس، لكن النسالك الـ 28 ضابط التم اغتيالهم في رمضان ما كانوا
لو ما كلهم جزء كبير منهم شوايقة؟؟
| Quote: كم منهم اليوم مستوزر وماسك في شطر كبير برضع منه؟ |
وكم من اهل الشرق ودارفور والجنوب وكردفان مستوزر اليوم؟؟
ديل عندهم قبيلة اسمها المؤتمر الوطني، لا بعرفوا ليك شايقي ولا زغاوي، بعرفوا الدولار بس
| Quote: حكاية Man of all times دي بعد دا بقت مافي. لو الحكاية بالقبائل أحسن السودان يتقسم زي الإتحاد السوفيتي وكل قبيلة يدوها حقها ناشف. |
ما عندي مانع
لكن في الاول لازم نتحد عشان نتخلص من الماسك في رقابنا دي، ياخي الجنوبيين دايرين بتفكفكو
وما قادرين، اتفاقية طويلة عريضة دايرين يموصها ليهم
| Quote: ولنكن واضحين مع انفسنا.في هذا السودان وبصراحة شديدة:لا شئ يجمع الشايقية بالفور. لا الجعليين بالبرتي. ولا الحلفاويين بالدينكا. ولا الشكرية بالجوامعة. ولا الرباطاب بالنوبة. ولا العنج بالوطاويط. ولا المسلمية بالتنجر. وعليه قس. |
في، التخلص من المؤتمر الوطني وقوات الاحتلال الاسلامية
| Quote: تقدر توريني عامل مشترك بين بقايا الأتراك في الخرطوم والزغاوة في طينة شنو؟ |
كلهم سودانيين، كلهم معرضين لعسف الحكومة، كلهم عرضة لعدم التعليم والعلاج
| Quote: ما تدفنوا رؤوسكم في الرمال وتقولوا سودان موحد.. |
بالضبط كده، عشان كده قلنا يسموها اتحاد قبائل، زي ما عمل الامام المهدي
تحياتي
| |
|
|
|
|
|
|
|
|
|
Re: انا قنعت من الاحزاب.. اقتراح استعمال سلاح الـقـبـلـيـة ضد الانقاذ (نفس سلاحهم) (Re: أحمد ابن عوف)
|
Quote: يلتقي شرفاء قبيلة الجعليين مع شرفاء قبيلة الزغاوة
ويلتقي شرفاء النوبيين مع شرفاء قبيلة الفور
وشرفاء الشايقية مع شرفاء البطاحين وهكذا
والكل يلتقي في مشروع (مؤقت) |
بختك والله لقيت محمد الزاهــد ماف وبقيت تتجــدع 
يــادفعة كدا انت بتزيـــد الأمور تعقيد وبتأصل للشئ العملتو الإنقاذ دا ..
ببســــاطة يا احمد لأنو كلنا قنعنا من حاجة اسمها احــزاب ... بس تفتكر دا هـــو الحل؟
وبعد ما ينجح تحالفك دا وتسقط الإنقاذ سوف تبدأ المشاكل والاحتجاجات من جديد .. لعدم وجـــود رؤية واضحة
مشـــاكل الســـودان والهامش هي مشاكل خدمية وعرقية (أحياناً) ومطلبية لإحســـاسهم بظلم المركز لهم وعدم مشاركتهم في السلطة وأخذ نصيبهم من الثروة
بعد ما تفوت الانقـــاذ ســـوف تبقى نفس المشكلة .. اقصاءات وظلم واستئثار بالسلطة والثروة في ظل عدم وجود ايديولوجية واضحة او قــانون واضح ينظم كيفية تداول السلطة والحكم والثروة
هســـي لو محمد الزاهـــد هنا كان قال ليك لا بـــد من اعتماد نظام المحاصصة القبلية وتفكيك مؤسسات دولة ...... ويجيــك اد......ون ناطي وعييييييييييييييك الله يحلك منـــهم
اها انت فرقك منــهم شنو بدعوتك دي؟
أو اشــرح وجهتك نظـرك كاملة لمرحلة ما بعــــد السقوط ... وما تنســـى الإنقـــاذ دي برضو قبيلة من المصلحجية واصحاب الحاجات
مشـــتاقييييييين يا دفعـــة
| |
|
|
|
|
|
|
|
|
|
Re: انا قنعت من الاحزاب.. اقتراح استعمال سلاح الـقـبـلـيـة ضد الانقاذ (نفس سلاحهم) (Re: الامين موسى البشاري)
|
هذا هو دستوري لوحدة القبائل
دستور المدينة كتبه محمد (صلى الله عليه وسلم) بين المهاجرين والأنصار واليهود
بسم الله الرحمن الرحيم
هذا كتاب من محمد النبي (رسول الله) بين المؤمنين والمسلمين من قريش وأهل يثرب ومن اتبعهم فلحق بهم وجاهد معهم.
إنهم أمة واحدة من دون الناس.
المهاجرون من قريش على ربعتهم يتعاقلون بينهم وهم يفدون عانيها بالمعروف والقسط بين المؤمنين.
وبنو عوف على ربعتهم يتعاقلون معاقلهم الأولى، وكل طائفة تفدى عانيها بالمعروف والقسط بين المؤمنين.
وبنو الحارس (من الخزرج) على ربعتهم يتعاقلون معاقلهم الأولى، وكل طائفة تفدى عانيها بالمعروف والقسط بين المؤمنين.
وبنو سعادة على ربعتهم يتعاقلون معاقلهم الأولى، وكل طائفة تفدى عانيها بالمعروف والقسط بين المؤمنين.
وبنو جشم على ربعتهم يتعاقلون معاقلهم الأولى، وكل طائفة تفدى عانيها بالمعروف والقسط بين المؤمنين.
وبنو النجار على ربعتهم يتعاقلون معاقلهم الأولى، وكل طائفة تفدى عانيها بالمعروف والقسط بين المؤمنين.
وبنو عمرو بن عوف على ربعتهم يتعاقلون معاقلهم الأولى، وكل طائفة تفدى عانيها بالمعروف والقسط بين المؤمنين.
وبنو النبيت على ربعتهم يتعاقلون معاقلهم الأولى، وكل طائفة تفدى عانيها بالمعروف والقسط بين المؤمنين.
وبني الأوس على ربعتهم يتعاقلون معاقلهم الأولى، وكل طائفة تفدى عانيها بالمعروف والقسط بين المؤمنين. وأن المؤمنين لا يتركون مفرحاً بينهم أن يعطوه بالمعروف في فداء أو عقل. وأن لا يخالف مؤمن مولى مؤمن دونه.
وأن المؤمنين المتقين أيديهم على كل من بغى منهم أو ابتغى دسيعة ظلم أو إثماً أو عدواناً أو فساداً بين المؤمنين، وأن أيديهم عليه جميعاً ولو كان ولد أحدهم.
ولا يقتل مؤمن مؤمناً في كافر ولا ينصر كافراً على مؤمن.
وأن ذمة الله واحدة يجير عليهم أدناهم، وأن المؤمنين بعضهم موالي بعض دون الناس.
وأنه من تبعنا من يهود فإن له النصر والأسوة غير مظلومين ولا متناصر عليهم.
وأن سلم المؤمنين واحدة لا يسالم مؤمن دون مؤمن في قتال في سبيل الله إلا على سواء وعدل بينهم.
وأن كل غازية غزت معنا يعقب بعضهم بعضاً.
وأن المؤمنين يبئ بعضهم عن بعض بما نال دماؤهم في سبيل الله.
وأن المؤمنين المتقين على أحسن هدى وأقومه.
وأنه لا يجير مشرك مالاً لقريش ولا نفساً ولا يحول دونه على مؤمن.
وأنه من اعتبط مؤمناً قتلاًَ عن بينة فإنه قود به إلا أن يرضى ولى المقتول (بالعقل)، وأن المؤمنين عليه كافة لا يحل لهم إلا قيام عليه.
وأنه لا يحل لمؤمن أقر بما في هذه الصحيفة وآمن بالله واليوم الآخر أن ينصر محدثاً أو يؤويه، وأنه من نصره أو أراه فإن عليه لعنة الله وغضبه يوم القيامة ولا يؤخذ منه صرف ولا عدل.
وأنكم مهما اختلفتم فيه من شيء فإن مرده إلى الله وإلى محمد.
* *
وأن اليهود ينفقون مع المؤمنين ما داموا محاربين.
وأن يهود بني عوف أمة مع المؤمنين لليهود دينهم وللمسلمين دينهم مواليهم وأنفسهم إلا من ظلم أو أثم فإنه لا يوتغ إلا نفسه وأهل بيته.
وأن ليهود بني النجار مثل ما ليهود بني عوف.
وأن ليهود بن الحارث مثل ما ليهود بني عوف.
وأن ليهود بني ساعدة مثل ما ليهود بني عوف.
وأن ليهود بني جشم مثل ما ليهود بني عوف.
وأن ليهود بني الأوس مثل ليهود بني عوف.
وأن ليهود بني ثعلبة مثل ما ليهود بني عوف إلا من ظلم وأثم فإنه لا يوتغ إلا نفسه وأهل بيته.
وأن جفته بطن من ثعلبة كأنفسهم.
وأن لبنى الشطبية مثل ما ليهود بني عوف وأن البر دون الإثم.
وأن موالى ثعلبة كأنفسهم.
وأن بطانة يهود كأنفسهم.
وأنه لا يخرج منهم أحد إلا بإذن محمد.
وأنه لا ينحجز على ثأر جرح، وأنه من فتك فبنفسه وأهل بيته إلا من ظلم وأن الله على أبر هذا.
وأن على اليهود نفقتهم وعلى المسلمين نفقتهم، وأن بينهم النصر على من حارب أهل هذه الصحيفة، وأن بينهم النصح والنصيحة والبر دون الإثم.
وأنه لا يأثم أمره بحليفه وأن النصر للمظلوم.
وأن اليهود ينفقون مع المؤمنين ما داموا محاربين.
وأن يثرب حرام جوفها لأهل هذه الصحيفة.
وأن الجار كالنفس غير مضار ولا آثم.
وأن لا تجار حرمة إلا بإذن أهلها.
وأنه ما كان بين أهل هذه الصحيفة من حدث أو اشتجار يخاف فساده فإن مرده إلى الله وإلى محمد رسول الله (صلى الله عليه وسلم)، وأن الله على أتقى ما في هذه الصحيفة وأبره.
وأن لا تجار قريش ولا من نصرها.
وأن بينهم النصر على من دهم يثرب.
وإذا دعوا إلى صلح يصالحونه ويلبسونه فإنهم يصالحونه ويلبسونه، وأنهم إذا دعوا إلى مثل ذلك فإنه لهم على المؤمنين إلا من حارب في الدين.
على كل أناس حصتهم من جانبهم الذي قبلهم.
وأن يهود الأوس مواليهم وأنفسهم لأهل هذه الصحيفة مع البر المحض من أهل هذه الصحيفة، وأن البر دون الإثم لا يكسب كاسب إلا على نفسه وأن الله على أصدق ما في هذه الصحيفة وأبره.
وأنه لا يحول هذا الكتاب دون ظالم أو آثم، وأنه من خرج آمن ومن قعد آمن بالمدينة إلا من ظلم أو آثم، وأن الله جار لمن بر واتقى، ومحمد رسول الله (صلى الله عليه وسلم).
__________________________
وادونو فرصة يوميومين اراجع نعوم شقير وانقل منه رسائل المهدي الى قبائل السودان
التي كانت ناجحة بكل المقاييسن الا خربها التعايشي
| |
|
|
|
|
|
|
|
|
|
Re: انا قنعت من الاحزاب.. اقتراح استعمال سلاح الـقـبـلـيـة ضد الانقاذ (نفس سلاحهم) (Re: أحمد ابن عوف)
|
قريبي محمد الكامل
تحياتي
| Quote: تحية طيبة ....يا احمد ياخوي مشروعك المؤقت المنتهي بانتهاء مراسم الدفن.. مشروع سيطول شرحه وبالتالي سيطول انتظار مراسم دفن الميت الحي... |
نجح المهدي في 4 سنوات فقط، موش احسن من انتظار السادة عشرين سنة تانية
| Quote: ياتي السؤال المحوري عن دور المواطن في الالتزام الحزبي و المشاركة ....متي تم دفع اخر اشتراك في عضوية الحزب .؟...من هم زملاءك علي النطاق المكاني وعبر المستويات الاخري...؟الخ الخ الخ....سؤال ينبغي ان يطرحه كل مناد بالديمقراطية ليظهر الخلل ..ليس في الزعامات الحزبية انما في الفرد ..المواطن...حجر الزاوية.. ومنتهي كل مشروع...اليس كذلك؟.. |
اخوي محمد كامل، بس هسه لو داير امشي انضم للحزب الاتحادي الديموقراطي، اسجل اسمي وين وعند منو؟؟
الحزب الوحيد العنده عضوية ياهو الحزب الشيوعي وقاعدين يدفعوا اشتراكات فيهو، تاني منو
| Quote: صديقي احمد...الجدل حول مشروعكم سيطول |
دا لا مشروع لا يحزنون، دي دردشة بتاعت سياسة، ومحاولة للتفكير بصوت عالي، لكن لو عندي
قدرة بتاعت حركة لما توانيت من عرضها في الساحة.
تحياتي
| |
|
|
|
|
|
|
|
|
|
Re: انا قنعت من الاحزاب.. اقتراح استعمال سلاح الـقـبـلـيـة ضد الانقاذ (نفس سلاحهم) (Re: أحمد ابن عوف)
|
الاخ نعيم علي
تحياتي وشكرا لمرورك
| Quote: كده معناها قنعت من (البلد) ذاااتا |
البلد اساسا رايحه في ستين داهية، دي محاولة للملمتها
Quote: تخريمه : نحن بالقوميه النبيله
مابندور عصبية القبيله
تربي فينا ضغائن وبيله
وتذيد مشاكلك وطني العزيز |
كلام سليم
بس انا ما قصدي ابدا ان ادعو للعصبية، بل العكس تماما، انا بدعو لوحدة قبلية
| Quote: القبيله فتنه نائمه لعن الله من ايقظها |
القبلية تم ايقاظها وانتهى
راجعو شريط الترابي وحديث الغرباوية
انا داير الجعلي يخت يدو في يد الفوراوي والبجاوي
للتخلص من الذين لعنهم الله ديل
| |
|
|
|
|
|
|
|
|
|
Re: انا قنعت من الاحزاب.. اقتراح استعمال سلاح الـقـبـلـيـة ضد الانقاذ (نفس سلاحهم) (Re: أحمد ابن عوف)
|
ود بشاري الاسد الضاري وللا بعد كده نقول (بنو هبان) هههههه
ياخي انت في شيطان في مداخلتك دي وللا شنو؟؟ ياخي مرتين كتبتها وفي مرة اضطريت
اعمل ري ستارت للجهاز زاتو
| Quote: بختك والله لقيت محمد الزاهــد ماف وبقيت تتجــدع |
محمد الزاهد المؤتمر الوطني ههههه الله يطراهو بالخير، دا زول تخصص فتنة قبلية في الاسافير
| Quote: يــادفعة كدا انت بتزيـــد الأمور تعقيد وبتأصل للشئ العملتو الإنقاذ دا .. |
دفاع متوقع، لكن انا رديت عليه فوق، وبعيدو تاني، ابدا، انا بحاربهم بنفس سلاحهم
its war
| Quote: ببســــاطة يا احمد لأنو كلنا قنعنا من حاجة اسمها احــزاب ... بس تفتكر دا هـــو الحل؟ |
دا خط الدفاع التاني وما عندنا غيرو، خط الدفاع الاول انهار (الاحزاب) ح اقعد اتفرج على الانقاذ تنهش في لحمنا
زي الكلاب وللا شنو
its war
Quote: وبعد ما ينجح تحالفك دا وتسقط الإنقاذ سوف تبدأ المشاكل والاحتجاجات من جديد .. لعدم وجـــود رؤية واضحة
مشـــاكل الســـودان والهامش هي مشاكل خدمية وعرقية (أحياناً) ومطلبية لإحســـاسهم بظلم المركز لهم وعدم مشاركتهم في السلطة وأخذ نصيبهم من الثروة |
لمن الفيلم ينتهي ما بكون في مركز زاتو عشان الناس تتشاكل فيهو، لكن دي في حد زاتها مشكلة
مافي دولة في العالم ما عندها مركز ودا الشيء البحيرني احيانا في دعاة الهامش
جيب لي دولة اشتراكية، راسمالية، شيوعية، كلكية، جمهورية، فدرالية، رئاسية، برلمانية
اتحادية
وما فيها مركز
بس المركز سيعاد بنائه على اسس جديدة، ودا بتم بتنسيق اثناء النضال والعمل.
واحنا ماشين بعيد لييهن الم يقترح على محمود حسنين تبادل رئاية الجمهورية وغيره
كثير على اسس اقليمي ؟؟؟ اقليمي دي يعني بالعربي شبه قبلي
| Quote: بعد ما تفوت الانقـــاذ ســـوف تبقى نفس المشكلة .. اقصاءات وظلم واستئثار بالسلطة والثروة في ظل عدم وجود ايديولوجية واضحة او قــانون واضح ينظم كيفية تداول السلطة والحكم والثروة |
اذا تجاوزوا عقبة الانقاذ بالتاكيد سيكون لديهم الحكمة والمقدرة على تجاوز المشكلة دي
طبعا في تجارب كانت نتائجها كارثية زي افغانستان بعد خروج السوفييت، ووقعوا القبائل تقتيل في
بعض، علينا ان نستفيد من تجارب زي دي وما نقع في نفس الغلط
Quote: هســـي لو محمد الزاهـــد هنا كان قال ليك لا بـــد من اعتماد نظام المحاصصة القبلية وتفكيك مؤسسات دولة ...... ويجيــك اد......ون ناطي وعييييييييييييييك الله يحلك منـــهم
اها انت فرقك منــهم شنو بدعوتك دي؟ |
الفرق بين وبين الزاهد فرق السماء من الواطا
محمد الزاهد بدعو الى الدوس على قبائل جعل وشايق ودنقل بالجزموان يستلم ادارة البلاد
ابنائها من الهامش ويا حبزا لو كانوا من الزرقة، ما قلت ليك مؤتمر وطني سايد بي
| Quote: أو اشــرح وجهتك نظـرك كاملة لمرحلة ما بعــــد السقوط ... |
لا باس، نتفق اولا على الوحدة، وما بعد السقوط ممكن نتفاهم فيهو لقدام
| Quote: وما تنســـى الإنقـــاذ دي برضو قبيلة من المصلحجية واصحاب الحاجات |
دي هي القبيلة المستهدفة اساسا من المشروع
| Quote: مشـــتاقييييييين يا دفعـــة |
بالاكتر يا حبيب
| |
|
|
|
|
|
|
| |
أحمد ابن عوف
AnwarKing
cantona_1
محمد الكامل عبد الحليم
naeem ali
الامين موسى البشاري
فيس بوك
تويتر
انستقرام
يوتيوب
بنتيريست