|
|
 واحد!!
|
بعرف واحد في ألاباما.. إسمه محمد
من أولاد بحري الشعبية
يمكن يرجع
وحسن دفعتنا الساكن بون
بعرف واحد في كوريا .. و تمنية في سدني
و إتنين بيحاولوا في قبرص ..
كلها قرشين .. و بعدها راجعين
بعرف زي مية ..
لمن عديتهم في الفيس بوك حصلوا أكتر من ميتين
و أنا ذاتي معاهم
أول ما البت تكبر حبة
و تقرر تمشي معاي
برجع
يا حليلك يا سودان واحد
ولا
اتنين
يا ريتك كنت النيل
الواحد من نيلين
يا ريت عمري الواحد يكفي
و أجيك
و ما أحتاج عمرين
|
|
 
|
|
|
|
|
|
|
|
Re: واحد!! (Re: fadlabi)
|
وأنا زاتي بعرف كم واحد
في نفس الحال البطال
دايرين يرجعو
بس راجين ينصلح الحال
فاضلابي
أنا واحد من كم واحد
أنا واحد منكم
الله في
| |
|
|
|
|
|
|
|
|
|
Re: واحد!! (Re: fadlabi)
|
وانا بعرف واحد جاييكم
بيفرفر كايس لي مخرج
لو بتصدق
فتش فتش عن مخرج
عن جيهة تلملم
باق احلامو
ما الوطن المنفي
قفل بابو
حنفتش لسع ياصاحب
عن عمر يشيل باقي
الاحلام
ـــــ
تعالنا ياخ تعالنا نحنا خلاس زهجنا يافاضلابي
| |
|
|
|
|
|
|
| |
fadlabi
Soumeta
tarig almakki
وليد محمد المبارك
خضر حسين خليل
محمد البشرى الخضر
فيس بوك
تويتر
انستقرام
يوتيوب
بنتيريست