|
|
 معقول ياجماعة الواحد يصل لسن الـ 60 ويكون مامطهّر ؟؟؟
|
ليس القصة من تأليفي
إنما هي متداولة بين الناس وربما تأتي غدا بأسلوب آخر أجمل يختلف من أسلوب ابوحراز
طبعاً هذا البوست مدسوس منذ فترة طويلة
ولكن رأيت في هذين اليومين سودانيز أون لاين مفتوح على الآخر
طالبة تصور زميلها وهو عاري 00 وحاجات كتيرة
قلت مادام الحكاية جاطت أخير نطلع البوست في الزحمة دي
اها 00 دخل الولد ذو الخمسة والعشرين عاماً الى كاتب العيادة والتي تخص طبيب جراح سوداني كبير ومشهور 00
دفع الشاب وبكل أدب قيمة التذكرة
ومن ثم جاء دوره ودخل الى الطبيب الذي استقبله بكل ترحاب على أمل ان يحكي مشكلته 00
كان الشاب متردداً وخجولاً
ولكن الطبيب بأسلوبه الممتع والشيق طلب منه ان يبعد الخجل جانباً ويحكي قصته
وبعدها شعر الشاب بالإطمئنان وقال للطبيب المشكلة ليست لدي
انما لوالدي 00 فقال له الطبيب ما هي مشكلته
والله ابوي عمرو 60 سنة وما مطهر
حيث أن أمي فاتحته في هذا الموضوع كثيراً
ولكنه عنيد ولايسمع كلام أي احد مع إننا مسلمين والاسلام يحث على ذلك 00
استمع الطبيب باندهاش
ومن ثم نادى على كاتب العيادة في سابقة تعد نادرة بين الأطباء الاختصاصيين
وقال للكاتب ارجع مبلغ التذكرة لهذا الشاب
وفي أي لحظة يأتيك الى هنا اتركه يدخل مجاناً
وبعدها التفت للشاب وقال له :
سأحاول بقدر المستطاع حل المشكلة
وماعليكم الا احضار والدكم للعيادة
وسوف أقوم باقناعه ومن ثم إجراء عملية ختان له 0
في اليوم التالي مباشرة أتى الشاب مبكراً للعيادة
وكان الطبيب قد وصل لتوه وطلب منه الشاب سيارته لاحضار والده
وذلك كي يقتنع أكثر حينما يرى سيارة الطبيب التي عليها شعار مستوصفه الخاص 00
ولكن الطبيب رفض ذلك وقال للشاب معي سائق خاص سيقوم بايصالك لوالدك واحضاره
وبالفعل ركب السائق والشاب في سيارة الطبيب
وذهبا الى احدى محلات الذهب حيث طلب الشاب من السائق الوقوف جانباً ريثما يأتي له 00
وقال الشاب لبائع الذهب أنا ابن الطبيب الجراح المشهور فلان 00
فقال له البائع ايوة رجل معروف واخو إخوان
فقال له الشاب لدينا أختنا نريد أن نعقد عليها
ونريد شراء ذهب لها ولكن الوالد مشغول اذهب معنا وخذ هذه السلاسل والخواتم معك ليراها والدي
ومن ثم يحاسبك عليها مباشرة 0
وبالفعل أخذوا عينة من المجوهرات
وذهب الشاب للسائق وقال له هذا والدي وسنذهب سوياً للعيادة 00
دخلوا العيادة وكان هناك مريض وثلاثة اشخاص في الانتظار
لكن الطبيب سبق وان نبه الكاتب انه في حالة حضور الشاب مع والده
عليه ان يمنحهم الفرصة لأن امرهم عاجل 00
طلب الشاب من الكاتب الدخول ولكن الكاتب ذكر له ان الطبيب معه مريض
ولكنني سأدخل أولاً لأخبره
دخل الكاتب وأخبر الطبيب فقال له سيخرج المريض الذي معي بعد قليل ولكن اتركهم يدخلوا
فدخل الشاب بعد ان اقنع البائع بان يدخل لوالده ويخبره بانك أتيت
وأخذ معه عينة المجوهرات ودخل بكل رباطة جأش
ليقول للطبيب والدي ينتظر بالخارج فقال له الطبيب دعه يدخل
ومن ثم خرج الشاب وطلب من صاحبنا الدخول
بل طمأنه بان والده اقتنع بالذهب ويريد ان يفاوضك في السعر
فدخل الرجل على الطبيب وحياه وجلس على المقعد المجاور وخرج المريض الذي كان جالساً
بدأ الطبيب يتحدث للرجل ويقول له أحاديث من البخاري وابن ماجة ومسلم والترمذي
وآيات تحث على الختان وأنه لابد أن يجري عملية الختان بأسرع ما يكون
وأن الطهور شيء مفروض على المسلم
وهنا اندهش الرجل وقال للطبيب انت يازول بتقول في شنو 00 طهور شنو وختان شنو
فقال له الطبيب مش انت { ما مطهر }؟
ولدك قال انك ما مطهر لحد الآن وأمو زعلانة جداً من الحكاية دي
ولدي منو يادكتور الولد دا مش ولدك ؟
الدكتور قال ليهو ولدك انت
ياخي شال مني ذهب
وقام الرجل مسرعاً يتقفى أثر الشاب فلم يجد له أي اثر
وقعد يكورك باعلى صوت 00 والله فعلاً أنا ما مطهر !!!!!!!
بالله عليكم الله هل يصل الاحتيال في السودان الى هذه الدرجة ؟؟
|
|
 
|
|
|
|
|
|
|
|
Re: معقول ياجماعة الواحد يصل لسن الـ 60 ويكون مامطهّر ؟؟؟ (Re: Ashraf el-Halabi)
|
Ashraf el-Halabi
كيفك ياعمو
أخبارك شنو
قال عمو قال !!!
Quote: سمعت تحت تحت إنو عادل إمام رسل لبكري يطلب عضوية سودانيز أون لاين
أول بوستاتو حا يكون "الأخ السوداني اللي لطش فيلمي"
يا كمان جيب تاريخ نشر للقصة سابق للفيلم |
عليك أمان الله الزول القعد يقص لينا في القصة خلانا نموت من الضحك
تاريهو فيلم 00 حكاية عجيبة
بس زي الفيلم دا كتير جداً في السودان
اها دي حصلت في بيتنا ماتجي تقول لي بتاعت عادل إمام
جونا المداحين الساعة 11 بالليل اتاخروا شوية
وكان مفروض من المغرب يكونوا معانا
المهم انت عارف جدودنا بيناموا بدري
قوم يا الوالد رسل ابوحراز عشان يصحي الجماعة من النوم للمديح
اها مشيت لحاج علي
وشيخ قسم الدين
وحاج فضل الله
واج أحمد
المهم ماخليت واحد ماصحيتو
وهم عاد يعجبوك
بس اي واحد لفح توبو وجاء حلقة المديح
واتوهطوا للمادح في واطاة الله دي
اها المادح يمدح في مدحة { شفيع الأمة }
فجأة قطع المديح ولقى جدودنا كلهم بدون سراويل
وهذا شيء طبيعي لديهم بالنهار مش بالليل
حتى اللحظة لا اعرف الحكمة في ذلك
المهم
قال لأبوي
ياحاج ابراهيم إنتوا جايبني أمدح وللا جايبني { أطهر ليكم الشياب ديل } !!!
| |
|
|
|
|
|
|
|
|
|
Re: معقول ياجماعة الواحد يصل لسن الـ 60 ويكون مامطهّر ؟؟؟ (Re: Sabri Elshareef)
|
أخي صبري
شكراً جزيلاً على الدعم المعنوي والفني
في الحقيقة ترددت كثيراً في البداية من سرد هذا الموقف
والهدف هو لفت نظر عامة الناس لصور الإحتيال الغريبة التي غزت مجتمعنا البريء والبسيط
صدقني أخي صبري هذه القصة كان لها تأثير سلبي في حياتي
حيث زعزعت ثقتي في الكثير من الناس
بدأت من يومها اتعامل بحذر شديد
لدرجة انه تشابه علينا البقر في الكثير من الأمور
فأحياناً يقف امامك رجل أو إمراة لطلب المساعدة
فلا تعرفه أنه مع قبيلة المطهرين
أم هو اصلاً محتاج
وهناك ظواهر وصور كثيرة جداً من هذا النوع
ياليت نفرد في هذا البوست صوراً من صور الاحتيال التي نتعرض لها يوميا
حتى تكون عبرة وموعظة للآخرين
والاحظ أن السودانيين بالداخل مازالوا على نواياهم الطيبة
حتى بعد دخول أجانب كثيرون للبلاد
فمازالت بيوتنا تفتح ابوابها لهم جميعاً دون استثناء
ولاحظت اخي صبري زيجات سودانية كثيرة من بعض هؤلاء
كتب لها الفشل 00 حيث هرب كثيرون منهم
ليس هذا أن كل الزيجات غير ناجحة
ولكن بعضها تم لحاجة في نفس يعقوب
فهل السودانيين يحتاجون لإعادة صياغة تعاملهم مع الآخر في ظل الوضع الراهن ؟؟
| |
|
|
|
|
|
|
|
|
|
Re: معقول ياجماعة الواحد يصل لسن الـ 60 ويكون مامطهّر ؟؟؟ (Re: osman righeem)
|
osman righeem
شاكرين جداً أخي عثمان على على المشاركة
المشكلة قال ليك بدري حدثت نفس القصة
والمشكلة زمن الوقت الجميل حيث كان الناس يصدقون كل شيء
والبطل هنا إمراة إدعت غنها زوجة الطبيب الشهير المتفرد { طه بعشر }
ومن منا لايعرف هذا الإنسان أو سمع به
المهم مشت ليك للصائغ وكانت جميلة لدرجة قف
الصائغ ذاتو { اتلخم }
المهم أقنعتو إنها زوجة طه بعشر وهو مشغول ولديهم مناسبة
صاحبك بكل طيب خاطر فتح البترينة وهاك ياسلاسل وقوايش وختم
وقعد يحكي ليها عن ارتفاع اسعار الذهب
وعشان يتفرج فيها أكتر
القصة خلاها تطول وتطول
مرة ارتفاع اسعار الذهب
ومرة علاقة الذهب مع الدولار
قومي يابت اللذين أمشي لطه بعشر وبنفس ذهب الصائغ المسكين
وقولي ليهو زوجي كان صائغ وعندو مرض نفسي خطير
والزول دا ياكافي البلاء من الدكان بتاعو قفلوه بقى يتكلم الدهب الدهب
الدولار والدهب 00 أونصات الذهب 00 يعني سبب ازعاج لناس البيت
وصارت كل تصرفاته فيها خطورة على أولاده
اها سيد الدهب قوم أمشي اليوم التاني للدكتور بعشر
وبعد السلام والتحية بكل أدب
قام الماسووووووووووووورة يحكي
والله الدهب اليومين ديل مرتفع جداً
حتى الأونصة اصبحت غالية
ولمن نقارن السعر مع الدولار تبقى العملية الحسابية معقدة
قام الدكتور قال ليهو عارف عارف 00 خلاص
وماهي لحظات حتى أدوا ليك زولنا كهرباء تقيلة
كهرباء تشغل تلفزيون وتلاجة وخلاطةومكواة
وقدر مايكورك يقول ياجماعة انا شديد
يقوموا يشحنوه ليك مرة تانية
والمشكلة الكهرباء زمان لافيها جمرة خبيثة ولا فيها أنتراكس
قال أونصة قال !!!
| |
|
|
|
|
|
|
|
|
|
Re: معقول ياجماعة الواحد يصل لسن الـ 60 ويكون مامطهّر ؟؟؟ (Re: فيصل محمد خليل)
|
أخونا فيصل
كيفك ياخ 00 قرات بوستك الجميل ناس السبعين والستين وفوق
صورة جميلة ورائعة لعالم رائع وطفولة خلاقة
يللا نرجع لبوست الطهور
Quote: دا فيلم حضرتو لعادل امام
في سنة 1900 وخشبة
__
اتلع من دورك |
معناها لو هو فيلم صاحبنا الشاب طبقوه بحذافيره
لكن المصيبة إنو الدكتور لم يحضر الفيلم
وكذلك ابوحراز
وعمنا بطل الفيلم
ان شاء الله تقيف على كده ومايقوموا الجماعة الطييبين يطبقوا فينا أفلام أسوأ وأتعس
وما الصعود هذه الأيام لأبراج الإتصالات بهدف الانتحار المزيف الا صورة من هذه الصور
تحياتي 00 والبركة في عادل امام
اها انا قلت سمعت القصة
مايجي بكرة الفاتح جبرة الساخر الظريف وسجيمان اللاذع الممتع
ويقولوا الطهّار دا حقهم
| |
|
|
|
|
|
|
|
|
|
Re: معقول ياجماعة الواحد يصل لسن الـ 60 ويكون مامطهّر ؟؟؟ (Re: معاوية الأرباب)
|
تعرف الاخوة الليبيين تقول للواحد فيهم يا راجل انا امين
يقول لك الامين محمد ومحمد مات ابو بكر ما استامنو لكثرة الغش والاستهبال
الحياة في السودان مليانه غش واستهبال
تصدق لقيت صاحبي وقريبي وبيننا صحبه وهو شيوعي ومحامي وقريب لي غشاني واستهبلني
هل تصدق هذا وماذا تقول لحفنة مال بعد قساوة حال السودان جعلتني ادير وجهي له وان سالني ومددت له ما استطيع من عون او لا شرط ان تبقي العلاقة الجميلة
ال سماسرة قاتلهم الله
حدث ولا حرج
| |
|
|
|
|
|
|
|
|
 Re: معقول ياجماعة الواحد يصل لسن الـ 60 ويكون مامطهّر ؟؟؟ (Re: محمد فضل الله المكى)
|
سرد ممتع يا استاذ ابوحراز و كل سنة و انت طيب
سمعت قصة مشابهة حصلت منذ فترة بعيدة و أعتقد في الثمانينات
قالوا في واحد مشي لي بتاع مخبز قال عاوز لي حوالي 1000 عيشة
عشان عندنا مناسبة و كدة ، جهزهم لي و انا بجيك راجع المساء استلم
و من دربه داك مشي برضو لي بتاع دهب و قعد يقول ليهو عاوز لي طقم كبير
و ما مهم السعر و مش عارف إيه المهم خلي ليك بتاع الدهب يطمئن إنه دا اكيد زول
مرطب و ما فارقة معاهو و قعد يعرض عليه في الطقوم الكبيرة و الغالية .
بعد ما إختار واحد كبير و مجهبز قال للصايغ معليش ما معاي كاش كفاية ما كنت متوقع
الدهب يكون بقي غالي كدا تأخد شيك ولا تمشي معاي اديك كاش ، طبعا صاحبنا فضًل انه
يمشي يستلم كاش ، أخده معاهو في العربية تووووشك طوالي علي بتاع الفرن و فهًم الصايغ
إنه هو صاحب الفرن ، و من عربيته فتح القزاز و قال لي عمك الفران أها الالف بتاعتي جاهزة ؟
الفران قال ليه جااااهزة تعال استلم طوالي .. قال ليه خلاص سلًم صحبي دا 800 و انا بجئ اشيل
الباقي بعدين ، رد عليه الفران طواااالي تعال يا عمك بجاي نحسبهم ليك ..
و طول فترة الحوار دي مافي زول جاب سيرة عيش ولا قروش بس بتكلموا عن الارقام !
و طبعا" الصايغ شرب المقلب لما الفران قال وينها شوالاتك العاوز تستلم فيهم الـ 800 عيشة ؟
قال ليه عيش شنو ؟ و قعد يلطم في خده بعد ما النصاب شتت في حال سبيله .
هو زاتو نصاب قلبه قوي كيف ما خطر في باله إنه أثناء الحوار بينه و بين الفران ممكن ينكشف الدور ؟
غايتو عالم عجيبة ..
تحياتي للجميع
| |
|
|
|
|
|
|
|
|
|
Re: معقول ياجماعة الواحد يصل لسن الـ 60 ويكون مامطهّر ؟؟؟ (Re: محمد فضل الله المكى)
|
سرد ممتع يا استاذ ابوحراز و كل سنة و انت طيب
سمعت قصة مشابهة حصلت منذ فترة بعيدة و أعتقد في الثمانينات
قالوا في واحد مشي لي بتاع مخبز قال عاوز لي حوالي 1000 عيشة
عشان عندنا مناسبة و كدة ، جهزهم لي و انا بجيك راجع المساء استلم
و من دربه داك مشي برضو لي بتاع دهب و قعد يقول ليهو عاوز لي طقم كبير
و ما مهم السعر و مش عارف إيه المهم خلي ليك بتاع الدهب يطمئن إنه دا اكيد زول
مرطب و ما فارقة معاهو و قعد يعرض عليه في الطقوم الكبيرة و الغالية .
بعد ما إختار واحد كبير و مجهبز قال للصايغ معليش ما معاي كاش كفاية ما كنت متوقع
الدهب يكون بقي غالي كدا تأخد شيك ولا تمشي معاي اديك كاش ، طبعا صاحبنا فضًل انه
يمشي يستلم كاش ، أخده معاهو في العربية تووووشك طوالي علي بتاع الفرن و فهًم الصايغ
إنه هو صاحب الفرن ، و من عربيته فتح القزاز و قال لي عمك الفران أها الالف بتاعتي جاهزة ؟
الفران قال ليه جااااهزة تعال استلم طوالي .. قال ليه خلاص سلًم صحبي دا 800 و انا بجئ اشيل
الباقي بعدين ، رد عليه الفران طواااالي تعال يا عمك بجاي نحسبهم ليك ..
و طول فترة الحوار دي مافي زول جاب سيرة عيش ولا قروش بس بتكلموا عن الارقام !
و طبعا" الصايغ شرب المقلب لما الفران قال وينها شوالاتك العاوز تستلم فيهم الـ 800 عيشة ؟
قال ليه عيش شنو ؟ و قعد يلطم في خده بعد ما النصاب شتت في حال سبيله .
هو زاتو نصاب قلبه قوي كيف ما خطر في باله إنه أثناء الحوار بينه و بين الفران ممكن ينكشف الدور ؟
غايتو عالم عجيبة ..
تحياتي للجميع
| |
|
|
|
|
|
|
|
|
|
Re: معقول ياجماعة الواحد يصل لسن الـ 60 ويكون مامطهّر ؟؟؟ (Re: heba Elmahi)
|
Quote:
ياحاج ابراهيم إنتوا جايبني أمدح وللا جايبني { أطهر ليكم الشياب ديل } !!! |
كان عندنا واحد من الشياب المذكورين
محرم على الدوام
لا مخيط
ويقعد تجمع المعارضة على قارعة الطريق
يا حاج أرحم عيون الناس
وعيون الناس الجايبها تعاين شنو
وعيون المها يا حاج
الحق حقها تشوف
وبعدين قليص
ان شاف ليه مهوية مجقلبة يوسعلها الشارع
| |
|
|
|
|
|
|
|
|
|
Re: معقول ياجماعة الواحد يصل لسن الـ 60 ويكون مامطهّر ؟؟؟ (Re: إدريس البدري)
|
السلام عليكم
....
.
أبو حراز ازيك
غايتو دي حصلت عند المصريين أخوانا وجيرانا الجدد في مارنجان وما جاورها
والعهدة على الراوي
....
الجماعة بعد ما صلوا الجمعة
دخل عليهم جماعة شايلين عنقريب فيهو جنازة
ختوهوا قدام محل الأمام ، وسوسوا للأمام شوية كدى
وبعد شوية الأمام مسك الميكرفون وقال لجموع المصلين
عندكو أخوكم ميت وعايزين نصلي عليهو صلاة القنازة
وهي عبارة عن ......
الجماعة اترصوا وعايزين يصلوا
فجأة صوت من ورا : يا قماعة ...ما تصلوش عليه
الناس باستغراب شديد : ليه يا أخونا ما نصليش عليه
الراجل : اصلي عندي عليهو دين عشر تالاف قنيه... ومات من غير يدفعوا
أهل الميت بارتباك شديد : يا شيخ فؤاد ...كلامك صح ...بس خلينا نصلي ع ابونا وانشاء الله لما نرجع ح نديهمولك
شيخ فؤاد : يا سيدنا الشيخ ... يصح برضو تصلي على القدع ده وعليه دين؟
الأمام : لا طبعاً ...الرسول صلى الله عليه وسلم أمر بتأدية الدين أولاً..
باقي المصلين ... استنكار شديد لتجاوز الرجل (فؤاد) حرمة الموت ومطالبته بالدين في الوقت الما مناسب ده .. وبقوا يلعنوا في الزمن الكعب ده...
أهل الميت : يا عم فؤاد ...والله ما معانا دلوقت ...بس نرجع حنديهولك ع داير مليم
عمك فؤاد أصر وألّح ...
الجماعة المستنكرين ...في أقل من 5 دقائق ...لموا ال10 ألف وأدوها للرجل
الرجل شتت
بعد الصلاة انتهت اتلفت الأمام ...ما لقى ولا واحد من أهل الميت
قلبو أكلو ...فتح الكفن لقاهو عبارة عن هدوم قديمة
.....
| |
|
|
|
|
|
|
| |
ابوحراز
Ashraf el-Halabi
فيصل محمد خليل
osman righeem
ارصد محمد جلال
معاوية الأرباب
محمد فضل الله المكى
المسافر
إدريس البدري
عوض عبدالله طه
فيس بوك
تويتر
انستقرام
يوتيوب
بنتيريست