|
|
|
 Re: مجلة الاذاعة والتلفزيون والمسرح .. غلاف قديم ونادر (Re: خالد العبيد)
|
والله ايام يازمان ........يا خالد
والله أيـــــــــــام .. يا زمــــــــــــــان
ببكى وأتحسر علــــــــــــيك
وما بقول العشنا .. كان
وأرمى حبة لومى فيك
ولسة راجيك يا زمان
بحبة الذكرى .. المعاى
عايشة فى وجدانى .. جوة
ولسة بتدغدغ حشاى
يمكن الحبيتو .. مرة
يلقى فى كلمات غناى
فاصلة بتصحى المشاعر
ويمكن الطوّل سهادو
تغشى ليلاتو البشاير
ويمكن الفرح الزمان
لسة أصداهو .. بترن
غنوة حاضناها .. الضفاير
| |
 
|
|
|
|
|
|
|
|
Re: مجلة الاذاعة والتلفزيون والمسرح .. غلاف قديم ونادر (Re: سلمى الشيخ سلامة)
|
خالد سلام ...
علاقتي بالمجلة كانت في فترة الثانوي العام ... كنت بشتريها كل يوم أربعاء من مكتبة الملتقى في بري .. وأهم المواضيع الكنت بتابعها، كان أستاذنا الموصلي (وهو طالب في المعهد) بيعمل بالتناوب مع المرحوم عبدالله أميقو نقد فني، وفي كل أسبوع بيختار أغنية يعمل ليها تحليل ... حاجة كانت روعة، ما عارف بيتذكر الكلام ده والاّ لأ.
| |
|
|
|
|
|
|
|
|
|
Re: مجلة الاذاعة والتلفزيون والمسرح .. غلاف قديم ونادر (Re: محمد أبوالعزائم أبوالريش)
|
شكرا يا خالد على الذكريات الجميلة، اعتقد ان كل من كان له علاقة بالقراءة والكتابةوالموسيقى والغناء في سنوات الستينات والسبعينات هو بالضرورة من قراء مجلة الإذاعة والتليفزيون
أذكر فيها معركة فنية عنيفة بين الفنان الموصلي والموسيقار العظيم جمعة جابر
وكان يكتب فيها الصديق عبد الرحمن نجدي في النقد السينمائي
مرة في جريدةالخرطوم قال أناوفيصل دة دفعة، قلت ليه يانجدي حرام عليك، نحن كنا في الثانوي العام لمن انت بتكتب نقد سينمائي في مجلةالإذاعة والتليفزيون. قال لي أنا ذاتي كنت في الثانوي العام لكن اللع ينعل النبوغ المبكر..!!
فيصل محمد صالح
| |
|
|
|
|
|
|
|
|
|
Re: مجلة الاذاعة والتلفزيون والمسرح .. غلاف قديم ونادر (Re: خالد العبيد)
|
صورة الغلاف:
***- للفنانة نـجوي من فرقة الفنون الشعبية بالزي بتاع ناس منطقة كسلا،
***- تاريخ المجلة: الخميس 13 رمضان... الموافق 18 سبتمبر 19 وكم كده!!
***- سعر المجلة خمسون مليمآ.
***- اول من امر باصدار هذه المجلة هو اللواء محمد طلعت فريد وزير الاستعلامات والعمل.
+++- خالد لك مودتي.
| |
|
|
|
|
|
|
|
|
|
Re: مجلة الاذاعة والتلفزيون والمسرح .. غلاف قديم ونادر (Re: معاوية المدير)
|
تعرف يا خالد لدي علاقة تأريخية بهذه ألـمجلة.. ففي العام(1978) كنت طالبا في السنة ألأولي بمعهد ألـموسيقي والـمسرح وفي رمضان ذلك العام كانت ألإذاعة السودانية تبث مسلسل الحراز والـمطر لهاشم صديق ومن إخراج صلاح الفاضل فإستهواني ذلك ألـمسلسل لجهة أنني قادم من منطقة تنمو فيها شجرة الحراز وكنا ننام علي حكاوي حبوبابتنا عن (خصام ألحراز مع الـمطر) فكتبت مقالا نقديا عن ذلكم الـمسلسل ونشرته لي مجلة الإذاعة والتلفزيون ودفعوا لي قيمة ثلاثة عشر جنيها وعرفني بالأستاذين صلاح الفاضل وهاشم صديق والذي وجهني لأن أتخصص في شعبة النقد بالـمعهد
تخريـمه:- أوعاك يا فيصل محمد صالح تجي تقول الوقت داك إنت كنت في تانيه إبتدائي
| |
|
|
|
|
|
|
|
|
|
Re: مجلة الاذاعة والتلفزيون والمسرح .. غلاف قديم ونادر (Re: خالد العبيد)
|
سلام يا كارلوس
اها يا ناس عبدالله الشيخ ده من اصحابي العجايز!
انا اللماني فيكم منو؟!
لمن كنت بكتب لي مجلة الصبيان عبدالله الشيخ ده
من الكانو بوجهوني !!!
ايوه كده .. مستواك اتحسن .. صلح السطر ده .. احذف هنا !!
ولو نسيت يا عبدالله تشهد كافتريا الجامعة !!
مشتاقين يا كارلوس
بالله تلفونك في الخاص
وتحياتي للاسرة الانيقة
| |
|
|
|
|
|
|
|
|
|
Re: مجلة الاذاعة والتلفزيون والمسرح .. غلاف قديم ونادر (Re: خالد العبيد)
|
يا سلام يا خالد هيجتنى الذكرى
المجلةدى بطباعتها التعبانةكانت سادا فرقةكبيرة
فى بوست بهناك عنوانو غياب المجلات الثقافية
كنت باستمتع بتحليلات الموصلى الموسيقية
اذكر فى صفحةرسائل القراء فى زول بيرسل كل اسبوع
اسمو سايمان ابوحديد
زنك الفاكهة مدنى
ومرة الغلاف كان
صورة جميلة مكتوب
سمرقندية محمد المحتسب اديبة من كردفان
الاسم الجميل دا باقى يرن من زمن طويل وبعيد
| |
|
|
|
|
|
|
|
|
|
Re: مجلة الاذاعة والتلفزيون والمسرح .. غلاف قديم ونادر (Re: mohmmed said ahmed)
|
معاوية عبيد
كيفك يا خردة
في ذمتك دي !!
" واشار بيده الى رقبة معاوية"
والله دفعتك ونص
وقيل انت كنت " بايت " كم سنة !!
ياخ ذكرتني فتاح زميلنا وحبينا الله يرحمو
بقدر ما اعطى اتحاد الشباب السوداني
لمن استلمنا اتحاد الشباب بعد الانتفاضة
التقيت به كثيرا في منزله الذ لاي بعد منا كثيرا
انسان حبوب ولوف وطيب لمن يدهشك
طلعت منو بالدراسة عن الاتحاد التي كنت اقدمها للشباب في دورهم
سلمى بناديها لمن نحتاج للحكي الجميل
زولة حكاااية
تصدق حتى الليلة ما شفتها !
وكم تمنيت ذلك
سلام لدرية والعيال
سارة خلت البطانية ولا لسه جاراها!!
| |
|
|
|
|
|
|
|
|
|
Re: مجلة الاذاعة والتلفزيون والمسرح .. غلاف قديم ونادر (Re: خالد العبيد)
|
العزيز خالد العبيد
سلامات
يا أخى كتر خيرك .
بتخيل ده غلاف المجلة بين سنة 1976 _ و1978
أيام كان رئيس التحرير د / عبدالله جلاب الزول الكان مهتم جدا بنشر
اعمال الشعراء الشباب . عليك الله يا خالد كدى فتش فى التاريخ ده عندى
شغلات منشوره راحت .
يا أخى المجلة دى كانت من المجلات الجميلة
فى البلاد العربية فى تلك الأيام .
| |
|
|
|
|
|
|
|
|
|
Re: مجلة الاذاعة والتلفزيون والمسرح .. غلاف قديم ونادر (Re: Osman Musa)
|
أستاذنا ود العبيد..أجمل التحايا لك
(هاك الصوره دي)
مرّة معاي الجميل محمد السني,طلَّعت ليهو العدد دا(أمانه ما دستر عديل كده)
ياسلام على الزمن الجميل وناسو الأجمل.
مع تقديري للنبيل بكرى الصايغ
إلا أن العدد الذي بيدي يقول إن المجلة تأسست سنة 1942
وهذا التاريخ سابق لعهد سعادة اللواء طلعت فريد وتقلده وزارة
الإستعلامات والعمل.. كما إنه سابق للحرب العالمية الثانية التي
شارك فيها على جبهة كرن برتبة صغيرة.. كما إن التاريخ سابق لإستقلال
السودان ..وهنا مربط الفرس!....والسودان مُستعمر ماهي الجهة التي كانت
تصدرها؟.... أفتونا.
مرت هذه الإصدارة بعدة مسميات:
هنا أم درمان
الإذاعة والتلفزيون
الإذاعة والتلفزيون والمسرح
(صحِّحونا)
كامل الود
| |
|
|
|
|
|
|
|
|
|
Re: مجلة الاذاعة والتلفزيون والمسرح .. غلاف قديم ونادر (Re: خالد العبيد)
|
الأخ الـحـبيـب الـحـبـوب،
خـالد العبيـد،
تحياتي ومودتي،
***- رجعت مرة تانية عشان اقول، مجلة الأذاعة والتلفزيون والمسرح هي في الأصل مجلة (هنا مدرمان) الكانت بتصدر من (وزارة الاستعلامات والعمل) في الخمسينيات، وتوقفت بعد ثورة اكتوبر 1964 وعادت بأسم جـديد هو (مجلة الأذاعة والتلفزيون والمسرح) في زمن الوزير الراحل عمر الحاج موسي عام 1974. والاسم اصلآ مقتبس صورة طبق الأصل من المجلة المصرية ( مجلة الأذاعة والتلفزيون والمسرح )وكان رئيسها رجاء النقاش في القاهرة.
***- لك مودتي اخي العبيـد.
| |
|
|
|
|
|
|
|
|
 Re: مجلة الاذاعة والتلفزيون والمسرح .. غلاف قديم ونادر (Re: خالد العبيد)
|
الأخ الـحـبيـب الـحـبـوب،
محمد فضل الله المكى،
تحياتي ومودتي،
اكرر اعتذاري ولم اقصـد ان اتجاهلك، ولكني عندما خاطبت الاخ خالد العبيد لم اطالع وقتها ردك الموقر. واسأل ورغم صدقي في معلوماتك ( كيف تكون المجلة صـدرت سنة 1942 ووقتها ماكان في مسرح ولا تلفزيون،.... وكانت في اذاعة سودانية فوق سطـح مبني البريد والبرق بشارع الجامعة?).
***- لك مودتي اخـي مـحمد.
ملحـوظة:
***- في الصـورة: الباشـمهندس حـسن عبـدالرحـمن مـدير التلفزيون حتي 5 ابريل 1985.
| |
|
|
|
|
|
|
|
|
|
Re: مجلة الاذاعة والتلفزيون والمسرح .. غلاف قديم ونادر (Re: خالد العبيد)
|
Quote:
ود العبيد والله بالغت عديل كده
تصور بس قبل شويه بسأل فيصل خليل فى بوست لجميع الأشخاص الذين ولدو وعاشوا في أعوام 1950، 60، 70 وحتى الـ 80 لو عنده نسخة من مجلة الاذاعة والتلفزيون والمسرح
وكمان مجلة الرياضة
|
تعرف ياحيدر ،
أنا في كل يوم ، تقريباً ،
بلعن حاجة إسمها الأرضة
لأني عند العودة في أول إجازة
من الغربة ، اكتشفت إنها دمرت
أغلى ما كنت أحتفظ به لنفسي_
المكتبة -
فقد كانت مكتبتي تضم ، ضمن ما ضمت؛
العشرات من أعداد مجلة "هنا أمدرمان"
ثم الإذاعة والتلفزيون، والإذاعة والتلفزيون والمسرح
كنا نشتريها، أسبوعياً ،
ب3 قروش ، لم تكن هناك مسجلات ولا فيديوهات
لكن في الغلاف الأخير كانت تنشر
3 أو 4 أغانٍ.
كانت وسيلتنا الوحيدة لحفظ الأغاني
قراءتها في تلك المجلة
ثم الاستعداد لحفظ اللحن
في أول مناسبة إذاعية.
أعتقد أنها كانت تصدر عن
مكتب الإتصال العام
ثم وزارة الشؤون الإجتماعية
ثم وزارة الإستعلامات والعمل
ثم وزارات الثقافة والإعلام
بمسمياتها المختلفة،
وما تزال في النفس أشياء وأشياء
عن هذه المجلة.
تحياتي
| |
|
|
|
|
|
|
|
|
|
Re: مجلة الاذاعة والتلفزيون والمسرح .. غلاف قديم ونادر (Re: dardiri satti)
|
قريبي خالد العبيد
مسكاقمي
يا سلام ذكرتنا الايام الحلوة
يا ليت الشباب يعود يوماً
مجلة الإذاعة والتلفزيون المسرح
كنت من المداومين على قرائتها
وبالذات صفحة افكار لها سيقان
ذكرتنا ايام الستينات ومطلع السبيعينات
مجلة الصبيان
مجلة الاذاعة والتلفزيون والمسرح
مجلة هنا لندن
مجلة العربي
مجلة روز اليوسف
| |
|
|
|
|
|
|
|
|
|
Re: مجلة الاذاعة والتلفزيون والمسرح .. غلاف قديم ونادر (Re: حمزاوي)
|
العزيز الحبيب خالد العبيد
تحياتي وتقديري..
كما يقول اهلنا في دارفور..والله بالغت فوكا..
وكما قال احد الاخوة هذه المجلة المتواضعة كان لها أثر كبير في ثقافة الشعب السوداني الفنية والآن مع اتساع رقعة الحركة الفنية والموسيقية والشعرية لا توجد مجلة يتفق حولها الناس كما اتفقنا جميعا على مجلة الاذاعة والتلفزيون (القديمة)..
مشكور كتير..
| |
|
|
|
|
|
|
| |
خالد العبيد
مرتضى الكجم
haroon diyab
سلمى الشيخ سلامة
محمد أبوالعزائم أبوالريش
Faisal Salih
معاوية المدير
abdalla elshaikh
معاوية عبيد الصائم
mohmmed said ahmed
Osman Musa
محمد فضل الله المكى
حيدر امين
Adil Osman
khalid abuahmed
فيس بوك
تويتر
انستقرام
يوتيوب
بنتيريست