ضحكت فقالوا الا تحتشم .. بكيت فقالوا الا تبتسم بسمت فقالوا يرائي بها .. عبست فقالوا بدى ماكتم صمت فقالوا كليل اللسان .. نطقت فقالوا كثير الكلم حلمت فقالوا صنيع الجبـــان ولو كان مقتدرا لانتقم بسلت فقالوا لطيش به .. وما كان مجــترءا لو حكم يقولون شذ اذا قلت لا .. وإمعه حين وافقتهم فايقنت اني مهما اردت .. رضا الناس لابد ان اذم
07-20-2010, 07:22 AM
محمد عبد الماجد الصايم
محمد عبد الماجد الصايم
تاريخ التسجيل: 10-16-2005
مجموع المشاركات: 35312
يا ود الصايم أنا بالمعاش بالمعاش بالمعاش يا خلف الله يااااخ نزلوني الصالح العام بالرغم من أنني معرج يعني لا من صالحي لا من صالحهم لكين نعمل شنو الحكومة قالت قولها وهي ست البلد ، عشان كده بقي ما عندي موضوع خشيت لي في تريننق سوت مرة وقلت أعمل خواجه وأمارس رياضة الجري ، أها وحاتك صليت الصبح حاضر ودخلت في عدة الرياضة وبديت الجكه لمن قطعت حوالي 200 متر عدواً لقيت ليك نص كلاب الحلة وراي ومن يومها إعتزلت الأوليمبيك قيمز أها بقي ما عندي غير الكمبيوتر وسودانيز أونلاين ولو بكري عاوز يحدد ساعات وجود الأعضاء أونلاين برضو يكون كويس عشان الواحد يقدر يفكر ليهو في هواية تانيه.
07-20-2010, 10:59 AM
نادر النور آدم
نادر النور آدم
تاريخ التسجيل: 04-29-2010
مجموع المشاركات: 1126
تبلدينا يا جميل اللاب توب دا كان part of فوائد ما بعد الخدمة بعد عمر طويل عشان كده يعتبر من الممتلكات في منزلنا الكائن ومؤمن عليه في شركة شيكان فرع المطار ضد الحريق والفايروسات وعين الحسود والـSpam إيميلز وهلم أما حكاية كنار قو دي ما بعرفها وأنا زي ما قلت ليك ساكن في حته يبدو أنها كلهاnetworks فهذا اللاب توب لديه قرنا إستشعار زيو وزي أى أم حشرة يعني يلقط ليك الشبكة وتدخل ويا نت ما دخلك شر ، أها يوم يسوا ليهم باسوورد ويوم يفكوها بدون ويوم في بيوم نبيع الكمبه ، وأنا بين هذه وتلك ما بتحير ، يعني تقدر تقول على داخل ملح وفي راوية أخرى لاطش الشبكة..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة