زوج يؤدب زوجته على طريقته الخاصة

Quote: كان المفروض يمنعها نهائياً من الذهاب للحفل ولو كمان قدر يعرس فوقها يكون خير وبركه

Quote: كان المفروض يمنعها نهائياً من الذهاب للحفل

Quote: و يا ربي هو قاعد يتزين ليها و يلبس ليها بجامات حلوه و لبس جميل ولا قاعدالليل و النهار بعراقي و سروال؟؟

Quote: رجل سخيف و غير حكيم, ما ذا يستفيد من احراج زوجته امام المجتمع؟ كرامة زوجته من كرامته و المفروض انه يحافظ عليها. يعني هو هسه مبسوط انه خلاها فرجه و حديث المدينه؟ في النهاية هي زوجتك و احترامها من احترامك؟ و يا ربي هو قاعد يتزين ليها و يلبس ليها بجامات حلوه و لبس جميل ولا قاعدالليل و النهار بعراقي و سروال؟؟

Quote: إنما النساء شقائق الرجال، ما أكرمهن إلا كريم، وما أهانهن إلا لئيم

(عدل بواسطة Salahaldeen Nadir on 07-18-2010, 08:40 PM)

Quote: مرحبابك اخي الملا عمر وضيوفك الكرام ... تحية وتقدير واحترام النصيحة يا خوي البنية اتلومت شديد بدون اي تحيز جندري والله.... وتصرفها غير سليم علي الاطلاق ... بالجد تصرف استفزازي اي رجل ما بقبلو مهما كان الحال ... حتي ولو كانت ما قاصدة تستفز زوجها بالمعني الواضح لكن تصرفها بقول كدة وتصرف الزوج ابدا ما سليم .. عالج الخطأ بخطأ اسوأ منه .. وردة فعل عكسية لا تعالج المشكلة ولا تحل عقدة واكيد ما بكون مرتاح بتصرفه ده واحراجه لزوجته قدام كل الناس.... في النهاية ياها زوجته ,,,, المواضيع دي يفترض انها تعالج بحكمه وتناقش بدون حساسيات .. يعني هسه الزوج ده لو قعد زوجته دي قدامه وخاطبها بعتاب ولوم شديد اللهجة ,, مثلا ليه بتلبسي للناس وصديقاتك وانا لا!! ليه انا ما بستاهل ؟ مقصر معاك في شنو ؟ اهم هم ولا انا ؟؟ و و يتفشي قدامها وبي احترام لا يجرح شعور ايا منهم ولا حسه حتي الاقربين ليهم الاتنين ... ربما عتاب دون جفا ودون حدة ربما عالج المشكلة دي والله اكتر من انه يتزوج عليها وتبقي مكايدة للطرفين .... ,,,, الاخوات الحبيبات دانيا وشيراز سلام واحترام وتقدير كتير ... بختلف معاكم شوية في نقطتين ... اول حاجة يا شروزة عصرتي علي الجماعه ديل كتير بيني وبينك .. بعدين الكلام القلتيه ده ما بنطبق عليهم كلهم هههههههه غايتو بالغتي ... الشي التاني يا جماعه العراقي ده مالو ...؟؟ ما زي سوداني مية المية وكل الرجال بتحبو المهم اللبس يكون نضيف ومحترم ومهندم لكن حكاية الراجل يتذوق دي غايتو ما عارفاها كيف !!!! في النهاية الاحترام والمودة والمحبة بين الناس ياها مفتاح السعادة والنقة والتفندرة في الرأي والمكاواة والمكايدة بلا سبب ولا مشورة دي كمان معول الهدم لآي حياة زوجية التحية للجميع وامنياتي بحياة هادئة للجميع ]

Quote: الاخوات الحبيبات دانيا وشيراز سلام واحترام وتقدير كتير ... بختلف معاكم شوية في نقطتين ... اول حاجة يا شروزة عصرتي علي الجماعه ديل كتير بيني وبينك .. بعدين الكلام القلتيه ده ما بنطبق عليهم كلهم هههههههه غايتو بالغتي ... الشي التاني يا جماعه العراقي ده مالو ...؟؟ ما زي سوداني مية المية وكل الرجال بتحبو المهم اللبس يكون نضيف ومحترم ومهندم لكن حكاية الراجل يتذوق دي غايتو ما عارفاها كيف !!!! في النهاية الاحترام والمودة والمحبة بين الناس ياها مفتاح السعادة والنقة والتفندرة في الرأي والمكاواة والمكايدة بلا سبب ولا مشورة دي كمان معول الهدم لآي حياة زوجية

Quote: أستاذه اسماء مرحب بيك انا اقصد بيتزين ليها انه يحلق طوالي و يكون دقنه و شنبه مهذبات و حالق شعره موش مثلا خنفس و صلعه في نفس الوقت و العراقي ما عيب ابدا لكن برضه لبس بيت و هي الزوجه دي لبست لبس بيت. بنقصد يلبس بجامه حلوه و يتريح و دي الزينه المطلوبه للرجل. زي ما هو عاوزها تقعد بفستان الحفله يسال نفسه يا ربي هو بيقعد ليها في البيت بالبدله البيمشي بيها حفلات او حتى الشغل؟ ليه دائما الرجل ما بينظر لنفسه و بس ينتقد زوجته.

Quote: رأيكم شنو في طريقة معالجة الزوج للموقف بهذه الكيفية ؟

--------------

انت يا دانيا عيبى لى العراقى والسروال
ماهو زينتو اما عراقى او ترينغ .. بعد دا تانى
الا يمشى ................ ( تقطعت الحروف لبعض الظروف )

Quote: هم النسوان ديل ما قادرين يفهو الرجال ديل عيونهم بتبقى طايره وبعرسو فى شنو ؟؟ ما لى جنس الخمج دا ... والحلة الحرقانة

Quote: والله يا تبلدينا .. ياخ انت حكمه ومدرسه عدييييل كده ..

Quote: المرأة يا دانيا مطلوبة منها الزينة اكثر بكثير من الرجل لانه الزينة خلقت للمرأة و لانه بشوف فيها كل شي جميل اي رجل بتمني زوجته تكون اجمل واحلا واحدة في الدنيا ..وتأكدي النوعية دي بكونوا سعيدين جدا جدا

يا استاذة سوما
معليش شفت مداخلتكـ .. بس مش النوعية دى ؟؟
ياخى _ موووووست most اوف زيم ..
دى حاجة طبييعة واعتقد مفترض المراة تسعد بهذا الشعور ..
وتحاول تهتم بالاهتمام بنفسها وهندامها لزوجها اكثر من مسالة تهتم بالعرس والظهور للاخرين او الاخريات
واعتقد عدد من الرجال يستاء من المراة التى تقابله مبهدله او تخش تحت الفراش وريحه البصل فايحه
ولمن تجى طالعة لمشوار وعرس الحنه للساق والدخان فايح والفستان عشرة على عشرة
اها دا البجيب طيرررة العيون ونبقى فى عرس فيها وجكس بره
ووبقى اللعب خلف الكواليس ما عشان الجمال عشان ريحه كوكو شانيل وسينما ..الفى الزولة التانية :)

Quote: الجملة دى هى البتخلى حكاية الزينه والذى منو كلها تسليع من باب العرض والطلب.... وتضع علينا كنساء بطاقات سعر بعضها رخيص والآخر باهظ وجميعها إهانه.......فكون المرأه مطلوب منها ان تتزين او ان تكون دائما " على سنجة عشرة" ... بفهم ان الزينة خلقت للنساء فى المقام الأول ...فهذا حقيقة فهم خاطئ

الاخت شيراز
سلام ( لزوم اول مداخلة لى معاكـ فى المنبر وكدا )
يؤسفنى من البدايةاقول ليك مفهومكـ دا خاطئ جدا
عمر الزينة -واخص زينة المراة لزوجها _ لا قبل الزواج _ لا تعتبر او تنظر كعرض وطلب
ولا تضع تسعيرة - احتمال قبل الزواج _ تسعى البعض لرفع السعر ويعتقد الاخر بان ما ظهر من جمال بالمساحيق
هو ما بطن من جمال فى الوجه او النفس ..
ولكن زينة المراة لزوجها طوال فترة الزواج من الاشياء المحببه وهناك بعض الاحاديث والروايات لا اذكرها
ولكن الشيخ العثمين سئل فقال :
تجمُّل المرأة لزوجها في الحدود الشرعيَّة من الأمور التي ينبغي لها أن تقوم به ؛ فإن المرأة كلما تجمَّلت لزوجها كان ذلك أدعى إلى محبَّته لها وإلى الائتلاف بينهما ،
وهذا مقصود للشارع ، فالمكياج إذا كان يجمِّلها ولا يضرها فإنه لا بأس به ولا حرج .
والزينة للزوج حسب راى المتواضع من الاشياء التى تزيد اواصر المودة والحب بينهما والنظافة م الايمان والله جميل يحب الجمال

-----------

غايتو موضوع القرود دا بالغت فيهو !!
غايتو الراجل غير يهذب نفسه ويشذب دقنه ويهتم برضو بهندامه
ويقوم بواجبه . ما شايفين حاجة .. الا توقولوها لينا للعلم بالشئ ..
لكن غايتو انحنا حبنا فيهو شروط .. بتقول
الدخان والدلكة والحلة المسبكة خير وسيلة لضمان الرجل لاطول فترة ممكنة

(عدل بواسطة Tabaldina on 07-19-2010, 01:33 PM)

Quote: والله ضحكتينى يا دانية.....يتزين ليها شنو....ده كمان على العراقى ده يكون مجكن ليو سفه قدر الليلة وبكرة....ودقنو إبر إبر..... والشعر خلى ساكت.......والله قال يأدبا قال........ده شنو هو...داير ليو زوجه واللا إبنه وتلميذه؟؟؟؟ يا زولة ديل شافو ليهم واحد عارض أزياء من صميم عملو انو يضع المساحيق أو يظهر تقاطيع وملامح وجهو كويس وإنو يلبس بشكل محدد....اقاموا عليو الحد وطلعو نص كم.... وقالوا فيه ما لم يقله محجوب شريف فى هجاء الكيزان!!.....يتزين شنو يا دانية؟؟؟.....يعنى لو اتزين يكون راجل كيف.....؟؟؟؟...قصة والله!! >

Quote: دايما بتذكر نص درسناه فى الاتدائي واللا المتوسط ما عارفه ....واللا يمكن الثانوى....اسمو وصية أم لابنتها؟

Quote: ..الجملة دى هى البتخلى حكاية الزينه والذى منو كلها تسليع من باب العرض والطلب.... وتضع علينا كنساء بطاقات سعر بعضها رخيص والآخر باهظ وجميعها إهانه.......فكون المرأه مطلوب منها ان تتزين او ان تكون دائما " على سنجة عشرة" ...بفهم ان الزينة خلقت للنساء فى المقام الأول ...فهذا حقيقة فهم خاطئ اسست له المجتمعات

Quote: يا استاذة سوما معليش شفت مداخلتكـ .. بس مش النوعية دى ؟؟ ياخى _ موووووست most اوف زيم .. دى حاجة طبييعة واعتقد مفترض المراة تسعد بهذا الشعور .. وتحاول تهتم بالاهتمام بنفسها وهندامها لزوجها اكثر من مسالة تهتم بالعرس والظهور للاخرين او الاخريات واعتقد عدد من الرجال يستاء من المراة التى تقابله مبهدله او تخش تحت الفراش وريحه البصل فايحه ولمن تجى طالعة لمشوار وعرس الحنه للساق والدخان فايح والفستان عشرة على عشرة اها دا البجيب طيرررة العيون ونبقى فى عرس فيها وجكس بره ووبقى اللعب خلف الكواليس ما عشان الجمال عشان ريحه كوكو شانيل وسينما ..الفى الزولة التانية :)

Quote: الله يديك العافية يا استاذه اسماء الجنيد الله يزيدك رزانة في عقلك وعلم وإيماناً وحياءاً يزينك الصادق

Quote: معاقبة الزوجة في الحالة دي واجبة لأنه الوقائع بتدل على انها مقصرة في حق زوجها بعدم التزين له وايضا انها غير مطيعة ,لذلك إتطر لمعاقبتها بهذة القسوة لكن الطريقة غير صحيحة لأنهم في النهاية بقوا سيرة على لسان الناس .. حديث الناس و استغرابم من عدم تزينها بدل على انه الزوج مستتا و بشتري ليها كل إحتياجاتا و خالي صورتادايما حلوة قدام الناس يعني ما مقصر معاها..فكيف هي تبخل عليهو بالزينة و تعملا للناس ده ما الحرام زاته ..

Quote: (((((المرأة يا دانيا مطلوبة منها الزينة اكثر بكثير من الرجل لانه الزينة خلقت للمرأة و لانه بشوف فيها كل شي جميل اي رجل بتمني زوجته تكون اجمل واحلا واحدة في الدنيا .. وتأكدي النوعية دي بكونوا سعيدين جدا جدا)))))) ...الجملة دى هى البتخلى حكاية الزينه والذى منو كلها تسليع من باب العرض والطلب....وتضع علينا كنساء بطاقات سعر بعضها رخيص والآخر باهظ وجميعها إهانه.......فكون المرأه مطلوب منها ان تتزين او ان تكون دائما " على سنجة عشرة" ...بفهم ان الزينة خلقت للنساء فى المقام الأول ...فهذا حقيقة فهم خاطئ اسست له المجتمعات ما بعد الأموية التى انهت سيطرة المرأة الأم على المجتمع ونشأت بعدها المجتمعات الذكورية ثم الرأسمالية التى أطرت للمرأه كسلعه استهلاكية يزداد عليها الطلب بشدة ويشتد عنما تكون فى قمة تزينها....ومن هنا ازدهر وزاد مبدأ العرض والطلب وارتباطه بالجنس البشري وتحديدا المرأه ...بعد ان كان مرتبطا بالحيوانات ....غض النظر عن جنسها...فالذكور من القردة تصرخ وتطلق رائحه محدده فى موسم التزاوج فتطاردها الاناث وليس العكس....(ما عارفة الزمن ده حصل عليها شنو...احتمال كبير يكون الوضع اتقلب عندهم برضو)........ أما الزمن الإحنا فيهو ده...فقد اشتد الضغط الاعلامى والإجتماعى والاقتصادى على معشر النساء ليكن بمظهر محدد ووزن محدد وأناقه بمستوى محدد وهكذا...... فزادت حتى فاضت حالات إدمان المساحيق وكريمات التبييض وعمليات التجميل الجراحية الصغيرة منها والكبيرة....وعمليات انقاص الوزن بأنواعها... والأنوركسيا نيرفوزا... خوفا من أن تكون الواحده منا خارج دائرة الاهتمام والاعجاب أ و ان يتزوج عليها زوجها ورفيق العمر كما قال الأخ تبلدينا....... دايما بتذكر نص درسناه فى الاتدائي واللا المتوسط ما عارفه ....واللا يمكن الثانوى....اسمو وصية أم لابنتها؟؟؟؟فى حاجة زى دى واللا بتخيل لي.... غايتو كان فيهو كلام غريب خلاص وملخصو يدور حول ضرورة أن تكون الواحده متنكرة فى شكل قزازة أو نجفه 24 ساعة....أو حتى ملاك.....!!!!! ...لا أعيب على العراقى السودانى .......ولا على أن يجلس الرجل مرتاحا سعيدا ....بملابس مريحه وكده ...وكذلك لا أعيب على جلابية البيت والتسريحه الملمومة المرتبه فى البيت .... لتجلس المرأه مرتاحه فى بيتها ....وتتلافى إشكاليات النظافة والصحه المترتبة على الأظافر الطوييييييله والشعر المفكوك الذى يتساقط فى إناء السلطه والحلة ولبن الطفل....... ...ومن الجميل أن نتعلم قبول الآخر بكل صورو ومزاجاتو......ومن الرائع أن نحب ونعبر عن الحب دونما شروط وقيود ودون ضرورة لإطلاق صافرة البداية والنهاية بصرخة القرود او رائحة الطيور أو مساحيق التجميل ...والبيجامات الحرير..... .......وهذا الرأى ينطبق على الجنسين....!!

Quote: الحبيبة سناء سلام واحترام وتقدير شديد اللهجة زاتو لووول ياخي ريحتيني كيف !!! اختصرتي كتير من المشاوير في زيارة واحدة بحاول ما اكون شديدة اللهجة وحادة في رأي لاثراء النقاش لكن فعلا اختنا دي الله يهديها كما تفضلتي و ذكرتي وان شاء الله بعد العقاب ده يكون حالهم اتصلح واعتذروا لبعض ويمشي قطار حياتهم في سبيل حالة لكن هذه المره مشحون بالمحبة والتفاهم والرضا والسعادة الدائمة ان شاء الله شكرا سنوية ياخ يديك قدر رجاحة عقلك يا رب الشكر للجميع

Quote: وعمرها المجتمعات ما اسست لي جمال الانثي وزينتها بانها سلعة رخيصة في نظر الرجل او المجتمع كما تفضلتي و ذكرتي

Quote: ث تلعب توازنات القوى داخل مؤسسة الاسرة بان يرضخ الاضعف (واعني الاقل مالاً) للاقوى الذي يمتلك المال وعليه يجب ان تتبع خطاه وتبحث عن ما يريد منها وما يسعده دون الالتفات لرغباتها ، حيث لا تمتلك القوة التي تمكنها من تمرير اجندتها بحساب توزنات القوى ودور الوضع الاقتصادي للطرفين في ذلك هل من هذا المنطلق يتحكم الزوج ويفرض اجندته ام من اي منطلق هل تمكن المراة اقتصاديا قد يساهم في تغيير توازنات القزى وبالتالي الالتفات لاولياتها وتقييمها وتفتح لها مساحة ومجال لكي تطلب من زوجها التزين و....... اسئلة مطروحة !!

Quote: وغايتو يا تبلديهم لو لسه ما عرستا معناها بعد كتابتك دى فقد اصبحت البورة قاب قوسين أو أدنى ...:)... لأنو ياخى القصة اكبر كبير من حلة وبصل وريحه وتسريحه.... هو اصلا اصبح من النادر ان تتزوج من جيل هذا العصر من تفضل الجلوس فى البيت لتنتظرك فى كامل بهائها بينما تأتى أنت حاملا معك الغزلان والأرانب لتطبخها .... دى صورة كهفية ايله للإنقراض....ففى الغالب انها واحده قابلتها فى مجال العمل ....وستدخل معك البيت فى نهاية اليوم الحجل بالرجل.... لو ما جات بعدك...أو مرت عليك فى مكان عملك بسيارتها لتقيك شر المواصلات..... يعنى فى الغالب بعد شروطك وتلويحاتك دى كلها تلقى نفسك واقف معاها فى المطبخ تقطع السلطة بينما تعد هى حلة سريعه لتجلسا سويا بصفاء نفس وقبول جميل لمائدة تأسست من بدايتها على تفاهم وتناصف واتفاق!!..:)...قول يا رب...

Quote: اتحفظ اولا على كلمة تأديب

Quote: أبو الريش يأخي الملا خاتي ليكم أيقونه ( منقول ) فوق في أعلى الموضوع سلام وإحترام كتير