|
|
 طارق دياب... المحلل الرياضي بقناة الجزيرة يستهزأ بالسودان
|
في معرض تعليقة على هزيمة الفريق الايطالي من الفريق السلوفاكي
قال لا أدري من أين أتي المدرب ليبي بهؤلاء اللاعبين؟؟
هل أتي بهم من السودان؟؟
تخيلو؟؟
والله انا قلتا امكن انا سمعتا غلط
لحدي ما جا نبيل معلول يصلح الموضوع وقال من السودان أو من تونس
كيف تسمح قناة الجزيرة بمثل هذه الاهانات؟؟
وأين السودانين العاملين بقناة الجزيرة؟؟
كيف يسمحو لهذا السمج بالاساءة للسودان
والله هانت الزلابية
وأصبحنا ملطشة العرب (عاربة ومستعربة)
ولكن من يهن يسهل الهوان عليه
|
|
 
|
|
|
|
|
|
|
|
Re: طارق دياب... المحلل الرياضي بقناة الجزيرة يستهزأ بالسودان (Re: معاذ حسن)
|
رغم أنه قطاعنا الرياضي الهايف بيستاهل
لكن ممكن نبعث ليهو توبيخ كارب مع إرفاق صورة المنتخب القومي
السوداني أدناها و هو المنتخب الهزأ المنتخب التونسي عام 1975
و أقصاه من بطولة الأمم الأفريقية و قد كان طارق دياب هذا قائدا لمنتخب بلاده
حيث ذلاهم منتخبنا في المباراتين في تونس و في الخرطوم و يبدو أنه
الدخلت طارق دياب هذا لم تطلع لي يوم الليلة.. الغريب أنه لاعب مرموق
و له شعبية سودانية في ذلك الزمان.
| |
|
|
|
|
|
|
|
|
 Re: طارق دياب... المحلل الرياضي بقناة الجزيرة يستهزأ بالسودان (Re: khaleel)
|
هذا الحديث غير مقبول وبمثل اساءه
صريحه وواضحه من طارق ومن قناة الجزيرة
يا ساده هنالك منتخبات كتيييره
اسوى من السودان على مستوى العالم
ومنها دول عربيه والسودان او الهلال
او المريخ ممكن يرشوهم ضحى > فالسؤال
لو ما قاصد السودان ليه ترك تلك الدول
وذكر السودان > ولو دائر يكون حقانى
ويضرب الامثال فاليرجع لتصنيف الفيفا
الاخير >>>>>>>>>>> يا اخوانا الحاجه
ده فيها اساءه > ومفروض تانى الناس
ما تمرر اى اساءآت
وبطالب بكرى بتثبيت هذا البوست
كنوع من الاحتجاج > وانا شخصيا
شائف ده لا تقل من اساءة لبنان
ومصر > خصوصا انها اتت من قناة
تدعى الحياد ومن المفترض تحترم
كل متابعيها > واذا كانت قناة
الجزيره حريصه على سمعة السودان
فالتبعد هذا الطارق فورا من برامجها
وراجعين لنتحدث بالارقام
| |
|
|
|
|
|
|
|
|
|
Re: طارق دياب... المحلل الرياضي بقناة الجزيرة يستهزأ بالسودان (Re: Maawya Hussein)
|
يا شباب
لايجب السكوت على هذا الكلام الــــعفــــن
اتصلت على قناة الجزيرة تلفونياًً
وقابلت واحد مصري
وحولني على قسم إدارة البرامج ولكن لا يرد احد
قلت للمصري:
كلم طارق دياب وقول ليهو تونس بتاعتك دي عبارة عن قرية عندنا في السودان
والمهم كلمتو كلام كتير
وبعد داك رسلت ايميل
المفروض نعمل احتجاج اسفير
ليصل صوتنا عالياً إلى قناة الجزيرة
وطارق دياب
نرجو صياغة خطاب او اي شيء يوصل صوتنا إليهم
الصادق
| |
|
|
|
|
|
|
|
|
|
Re: طارق دياب... المحلل الرياضي بقناة الجزيرة يستهزأ بالسودان (Re: طارق بخيت)
|
يا شباب هونوا عليكم
نعم علينا أن نغضب ونثور , لأننا وبصراحة كتنظير وعلى الورق نحنا الكورة حافظنها وأسيادها ولعبناها قبل الإنجليز
ذاتهم .
لكن لما نجي للجد وعلى المستطيل الاخضر يا حسسسسسرة !!!
هذا هو حالنا في الكورة كحالنا في السياسة
أما طارق دياب هذا كمحلل رياضي فهو ليست بقامة الجزيرة الرياضية لأنة بليد جدآ ويفتقد لللباقة والكياسة وعلى ما أذكر
لديه سابقة أيضآ مع المصريين ..
| |
|
|
|
|
|
|
|
|
|
Re: طارق دياب... المحلل الرياضي بقناة الجزيرة يستهزأ بالسودان (Re: عثمان الخير)
|
ياجماعة الخير القضية ليست هي كورتنا جميلة ولا قبيحة
الكورة تمر عند كل العالم بهزائم وخيبات واحدة من هذه الخيبات يمر بها الان
الفريق التونسي الخايب
كما نمر بنفس المرحلة ولكن هذا لا يسمح لهذا ال########
طارق دياب ان يهين امة
وهو لايملك تاريخها ولا سمعتها
فما اتفهه وما اغباه
لاعب حريف ومتمكن ويجيد التفنن بالكورة لكنه لايفهم في الاتيكيت ولا في الفهم الاجتماعي
ولا في التعليق الرياضي
وكل سوداني في الجزيرة لابد ان يحددها معاه
ولا سوف احددها معاهم هنا
لابد لهذا ال######## وغيره ان يلزموا حدودهم في السودان
السودان يعرفه تماما ويعرف نجومه فكفاية تفاهة
يا اغبى خلق الله
| |
|
|
|
|
|
|
|
|
|
Re: طارق دياب... المحلل الرياضي بقناة الجزيرة يستهزأ بالسودان (Re: محمد سنى دفع الله)
|
نعم يا استاذ السنى
والاخوان البكتبوا هنا بنقول ليهم المساله عندها علاقه بالاهانه ليس الا
وكورة القدم غالب و مغلوب
ده غير انى قبل 3 سنين ولمن جمعتنى بيهو مجموعه واحده على مستوى تصفيات افريقيا السودان الاول
وتونس التانى > ورشيناهم ذى العجب
وعلى مستوى الانديه وبرضك قبل 3 سنين استطاع الهلال ان يرشو ليك و يبعد ليك فريقه الترجى ذى الماحصل شى
وقبل سنتين المريخ راشي ليهو النجم التونسى فى الكونفدراليه ذى السم
وده كورة القدم مره ليك ومره عليك > لعبه > واستخدامها او اقحامها للترقية على الدول و الشعوب مرفوووض
اى انا هلالابى اناكف و اتريق على المريخاب و العكس > زيتنا فى بيتنا > لكن اى اهانه خارجيه لدوله
ككل مرفووووضه وغير محترمه > ونتمنى انو بكرى يثبت الموضوع ده و اهل السياسه و القانون يمروا
علينا بهنا > الموضوع كبير وعنده علاقه بقناة تتدعى الحياد
تخريمه
وين حكومة السجم و الرماد ووزير الشباب و الرياضه ووووو من الذى يحدث
مره قوات نظاميه لدوله تسئ و تضرب و تحتقر مواطنيها
واخرى قناة فضائيه فاتحه استديوهاتها لكل من هب ودب يتريق عليها
قرف
| |
|
|
|
|
|
|
|
|
|
Re: طارق دياب... المحلل الرياضي بقناة الجزيرة يستهزأ بالسودان (Re: محمد سنى دفع الله)
|
Quote: كيف تسمح قناة الجزيرة بمثل هذه الاهانات؟؟
|
القرضابى سلامات
الكلام غير مقبول ولو كنا بنتغلب بالشوالات ... وعادى من معلِّقى قناة الجزيرة الرياضية فقد سبقه ( محمد سعيد الكعبى) بنعت كل اللاعبين
الأفارقة بالفقر وأنه لا سبيل أمامهم سوى التفوق فى الكرة للخروج من دائرة الفقر وكافأته الجزيرة بالسفر إلى جنوب أفريقيا للتعليق
على المونديال.
أى إقتراح عملى لكيفية الرد؟
| |
|
|
|
|
|
|
|
|
|
Re: طارق دياب... المحلل الرياضي بقناة الجزيرة يستهزأ بالسودان (Re: Mohamed Ibrahim Ahmed)
|
| Quote: وأصبحنا ملطشة العرب (عاربة ومستعربة) |
أخانا القرضابي...
للأسف، فالسودان في أعين معظم العرب "مجرد" بلد طيب ومسالم، يسكنه شعب طيب ومسالم، ولديه حكومة طيبة ومسالمة وجيش طيب ومسالم، وأعلامه: الطيب صالح، سيد خليفة، الترابي، النميري، الفيتوري، البشير ... طيبون ومسالمون.
لذلك تستأسد عليه الكائنات والدول المجهرية، ولا عين حمراء يراها المسيؤون والمعتدون.
أخانا خليل .. الجميل
لست واثقاً إن كان التونسي المدعو طارق دياب أمازيغياً أم لا.
الأمازيغية على أية حال ليست سبّة. الأمازيغ "أجدع ناس"، وقد عشت بين ظهرانيهم وعاشرتهم في عقر دارهم ثلاثين عاماً كاملة، وهم أهل جود وكرم ونخوة... وقرآن.
مثلك أنا ازدادت حساسيتي تجاه هذا النوع من الإساءات، تصريحاً وتلميحاً، ووجدتني أكتسب شيئاً من العدوانية أو التوجس على وجه الدقه تجاه كل من هو أصفر. بدءاً بالزلمات وانتهاءً بشعوب جنوب شرق آسيا.
لكن، حتى وأنا أحارب العنصرية والتعميم والتصنيف على الهويّة، ربما أقول منفعلاً:
اليوم يشتمنا التوانسة وليس| Quote: اليوم يشتمنا الامازيغ |
وأقول: هدية … للتونسي طارق دياب وليس| Quote: هدية … للأمازيغي طارق دياب |
الخلاصة: لم أستسغ تخصيص الأمازيغ كمكوّن عرقي في منطقة المغرب الكبير.
تحيّات ومودّات
| |
|
|
|
|
|
|
|
|
|
Re: طارق دياب... المحلل الرياضي بقناة الجزيرة يستهزأ بالسودان (Re: د.السيد قنات)
|
تحية عاطرة وارفة الظلال --يا د- قنات-- نحن في معرض الحديث عن رجل تطاول علي البلد--استخدام معني من يهن يسهل الهوان عليه لا يكون ذريعة لكل من هب ودب ان ينتاشنا بسهام نقده وسبه وسبابه--يجب ان نتصدي لاي عابث او جاهل او متطاول يرمينا دون جريرة .
هل فساد الحكم في السودان يعطي المسوغ لاي فرد ان ينال من الوطن كيفما شاء
وهل خلافنا مع النظام يعني ان نعطي المسوغ لسوانا ليعبث كيفما اتفق
مع وافر الاحترام للدكتور
| |
|
|
|
|
|
|
|
|
|
Re: طارق دياب... المحلل الرياضي بقناة الجزيرة يستهزأ بالسودان (Re: الصادق يحيى عبدالله)
|
دا إنسان متعالي في الفاضي
وله كثير من المواقف المشابهة لهذا الكلام الذي لا يصدر إلا من شخص جاهل
وقبل كدا كان ليهو رد في منتهى الجهل لسؤال يتعلق بنيل لاعبة منتخب البرازيل للسيدات وذكر إنو لا يعترف بلعب السيدات لكرة القدم (أو ما شابه ذلك)
لا يجب أن نسكت على هذه الأشياء التى غالبا ما تكون عن سؤ نية ومقصد
وشكلو كدا عايز درس زي بتاع اللبنانيين
| |
|
|
|
|
|
|
| |
ALGARADABI
Elhadi
نور الدين عثمان
ياسر معتصم
nazar hussien
د.السيد قنات
moaz elsir
احمد محمد بشير
معاذ حسن
المعز ادريس
أيمن مبارك أبو الحسن
الصادق صديق سلمان
khaleel
عمر التوم
haroon diyab
Maawya Hussein
محمد سنى دفع الله
بشير أحمد
أبوبكر أبوالقاسم
أحمد ابراهيم عثمان
الطيب رحمه قريمان
محجوب البيلي
MOHAMMED ELSHEIKH
Elsanosi Badr
عطية المحسي
عبدالعزيز الفاضلابى
معتصم دفع الله
الصادق يحيى عبدالله
سامي عبد الوهاب إدريس
فيس بوك
تويتر
انستقرام
يوتيوب
بنتيريست