|
دعواتكم لزميلنا المفكر د.الباقر العفيف بالشفاء العاجل
|
|
 Re: هلالاب زمان يدكم معانا بالله اللعيبة القاعدين ديل منو ؟ (توجد صورة) (Re: hassan bashir)
|
Quote:
لا يا لؤي. نحن أول من ذكرنا أن آخر الجالسين هو عصام كورنر (كتبناها كورنا)
أما الصورة الجميلة التي أوردتها فهي للمدافع الصلد عصام عبد الخير .. نجل الراحل عبد الخير صالح
|
أبو الـحُسن
سلامات
أنا قصدي الكلام عن الأخير عمر النّقي
ولاّ كان المقصود الأخير وقوف ؟ ( الطّبق الطّائر )
واضح إنّي رفعت الصّورة الغلط بدون إنتباه ومراجعة
بعدّلـها من البيت بعدين
تحاياي وتقديري
| |
 
|
|
|
|
|
|
|
 Re: هلالاب زمان يدكم معانا بالله اللعيبة القاعدين ديل منو ؟ (توجد صورة) (Re: Maawya Hussein)
|
| Quote: .الاعب المقصود بيهو كسلا دا احتمال يكون مبارك سليمان |
حبيبنا معاوية ...
كلام لؤي صاح .. ده هو محمد حسين كسلا بشحمه ولحمه ....
كمان حتغالطني في أخوي .... 
واضح إنك هلالابي غيور من نفس مجموعة عباس الإمارات .. وكيكي وخليل الدوحة .. وود الصايم السعودية ...
أما حبيبنا لؤي شمت ... ما شاء الله عليك ... كل يوم بتطلع لينا من جراب الحاوي إبداعك في مجال جديد ...
الله يديك الصحة والعافية ...
| |
|
|
|
|
|
|
|
|
 Re: هلالاب زمان يدكم معانا بالله اللعيبة القاعدين ديل منو ؟ (توجد صورة) (Re: Maawya Hussein)
|
Quote:
حسب ما قريت من سيرة كسلا يا لؤي انو هاجر واحترف في الامارات بعد اعلان نميري الرياضه الجماهيريه (اظنها كانت 75-76 ) ..الاعب المقصود بيهو كسلا دا احتمال يكون مبارك سليمان |
يا معاوية
بس عشان الشّنب يعني ؟ 
كسلا رجع ولعب في الهلال يا معاوية
ومبارك سليمان ما لحق النّاس ديل
بعدين لاحظ لصور كسلا
حاتلاحظ منطقة الخدّين والفكّين ما متلئة زي في صور مبارك سليمان
وإليك بعض الصّور لـمبارك سليمان
تـحاياي
| |
|
|
|
|
|
|
|
|
 Re: هلالاب زمان يدكم معانا بالله اللعيبة القاعدين ديل منو ؟ (توجد صورة) (Re: nabielo)
|
Quote:
يا سلام يا لؤي تصدق نفس الصورة دي مكبرة انا كنت عامل ليها برواز جميل
و معلقو في الصالون جنب صورة قاقرين المشهورة و هو بالكرة داخل المرمي
عليك الله يا لؤي لو عندك صورة قاقرين دي ارفعا لينا
|
نبيلو
سلامات
عندي عدد مهول من الصّور
وتسجيلات الـمباريات القديـمة
أيّام الشّباب كان الغرام بالكورة
وكنت بسجّل أيّ ماتش
وبلم الصّور
إضافة لعلاقتـي الـمباشرة وصداقتـي وملازمتـي لعدد من لعيبة الـهلال وقتها
في الفترة من 1985 إلى 1990
حأشوف لو صورة علي قاقرين موجودة
تـحاياي
| |
|
|
|
|
|
|
|
|
|
Re: هلالاب زمان يدكم معانا بالله اللعيبة القاعدين ديل منو ؟ (توجد صورة) (Re: Maawya Hussein)
|
Quote:
دا الجيل الظهر فيهو حمد دفع الله والعوني (حمد التاني وقوفا والعوني الرابع وقوفا)
|
معاوية
حـمد والدّيبة والعونـي لعبا نعم مع هذا الـجّيل
لكنّهما ظهرا في الـهلال قبل ذلك بقليل
وفـي صورتك أعلاه
وقوف
عمر النِّقَيْ
حـمد دفع الله
عبد الـمعز جبارة ( صبحي )
عادل العونـي
فائز نصر الدّين السّيّد
الرّيح مصطفى ( كاريكا )
جـمال مـحمّد خـميس ( الثّعلب )
منصور بشير مصطفى ( تنقا )
جلوس
أسامة إدريس فرج الله ( الثّغر )
شـمس الدّين النّاجي
جـمال كدوس
طارق أحـمد آدم
مـجدي مرجان ( كسلا )
كرّار أبو علي
وُدّي
| |
|
|
|
|
|
|
|
|
|
Re: هلالاب زمان يدكم معانا بالله اللعيبة القاعدين ديل منو ؟ (توجد صورة) (Re: عبدالله ابوشوارب)
|
Quote:
الاخ لؤي
تحية واحترام
نعم انه جمال كدوس
شكرا جزيلا اخي لؤي
لكن كدي فك لينا الشفرة الجبتها دي
|
أخـي عبد الله
لا شكر على واجب
الشّفرة كالتّالـي
وقوف
عبد العزيز زكريّا ( منقستو )
شـمس الدّين النّاجـي
أُسامة إدريس فرج الله ( أُسامة الثّغر )
جـمال مـحمّد خـميس ( الثّعلب )
جـمال كدوس
هاشـم تيّة كرتون ( كندورة )
منصور بشير مصطفى ( تنقا )
هود بشير
عمر النِّقَيْ
جلوس
مبارك سليمان
وليد طاشيـن
طارق أحـمد آدم
الرّيّح مصطفى ( كاريكا )
مـجدي مـحمّد مرجان ( مـجدي كسلا )
عادل العونـي
حـمد دفع الله
تـحاياي
| |
|
|
|
|
|
|
|
|
|
Re: هلالاب زمان يدكم معانا بالله اللعيبة القاعدين ديل منو ؟ (توجد صورة) (Re: لؤى)
|
تقريبا يا لؤي اغلب الجيلين ديل اختفوا اعلاميا ..الا طارق والنقر والنقي والديبه والريح كاريكا والثعلب واحمد ادم ..وللاسف لو قارنت الجيل دا بي نفس جيلوم في الفرق المصريه حا تلقاهوم هم حاليا المتحكمين في الكره المصريه اداريا وتدريبيا واعلاميا ..ويمكن دا من اسباب تخلفنا الكروي انو البتحكموا الما عندهم بيها علاقه ..
| |
|
|
|
|
|
|
|
|
 Re: هلالاب زمان يدكم معانا بالله اللعيبة القاعدين ديل منو ؟ (توجد صورة) (Re: Maawya Hussein)
|
Quote:
تقريبا يا لؤي اغلب الجيلين ديل اختفوا اعلاميا ..الا طارق والنقر والنقي والديبه والريح كاريكا والثعلب واحمد ادم ..وللاسف لو قارنت الجيل دا بي نفس جيلوم في الفرق المصريه حا تلقاهوم هم حاليا المتحكمين في الكره المصريه اداريا وتدريبيا واعلاميا ..ويمكن دا من اسباب تخلفنا الكروي انو البتحكموا الما عندهم بيها علاقه ..
|
صحيح يا معاوية
والبعض هاجر أو إغترب طبعاً ويعمل في مـجال كرة القدم أو غيرها
وفعلاً الفرق شاسع بيننا والمصريّين في استيعاب اللعيبة بعد الإعتزال
في مجالات التّدريب والتّعليق وتقديم البرامج الرّياضيّة
والـتّحليل في ستوديوهات الـتّحليل للمباريات
| |
|
|
|
|
|
|
|
|
|
Re: هلالاب زمان يدكم معانا بالله اللعيبة القاعدين ديل منو ؟ (توجد صورة) (Re: لؤى)
|
الأخ لؤى
السلام عليكم ورحمة الله وبركاته
تذكرنى تؤامى وعضو المنبر ياسر معتصم
موسوعة فى كرة القدم يفوق المؤرخ عبده قابل حتى أنه صححه فى أحد المرات....
دخل فى تحدى مع أحد الهلالاب فى مصر رغم أنه مريخابى فسأله الأخ الهلالابى عن عشرة حراس مرمى لعبوا فى الهلال فذكر له أخى ياسر خمستاشر حارس مرمى لعبوا فى الهلال ....
وجاء دور أخى فى السؤال فطلب من الأخ الهلالابى أسماء الفرق التى كان يلعب بها هؤلاء الحراس فأندهش الأخ ولم يستطيع الأجابة
| |
|
|
|
|
|
|
|
|
|
Re: هلالاب زمان يدكم معانا بالله اللعيبة القاعدين ديل منو ؟ (توجد صورة) (Re: khaleel)
|
دا كان هلالا ممتع للغاية.. للغاية!
الملاحظ غياب: مصطفى سيماوي, المرحوم شيخ إدريس كباشي, قاسم أحمد عثمان
الإسيد(حي العرب), عصام عبد الخير, أنصاري(إنكسر), نادر كمبيوتر,كمبا
أبو زعبل, عصام مصطفى, عصام سليم(أبو الجاز, و أخطر راس حربة في تاريخ
السودان متوكل عبد السلام, علي عبد القادر, المرحوم جمال الخطيب, و لاحقا
حافظ عبيد و أبو طالب(النيل) و رشيد المهدية و تنقو التحرير و المرحوم
مبارك بيكينباور(الزهرة) وو
| |
|
|
|
|
|
|
|
|
|
Re: هلالاب زمان يدكم معانا بالله اللعيبة القاعدين ديل منو ؟ (توجد صورة) (Re: khaleel)
|
صباح الخير للجميع بتوقيت الإمارات ...
النجيضة ...
الصورة دي في عام 1982 بنادي النصر في دبي بمناسبة زيارة فريق الهلال لدبي وإقامة معسكره وهو في طريقه للجزائر لملاقاة فريق تيزي اوزو بطل الجزائر في بطولة الأندية الأفريقية - كسلا كان وقتها يلعب موسمه الأخير مع نادي النصر الإماراتي .. وطلبت بعثة الهلال أن يلعب كسلا مع الهلال ضد النصر .. وإنتهت المبارة بنتيجة التعادل 3/3 .. وسجل كسلا الهدف الأول للهلال في مرمى النصر ...
الجدير بالذكر أن فريق النصر الإماراتي كان قد قام قبل ذلك .. بزيارة للسودان في مايو 1978 ولعب ضد الموردة وضد الهلال ... خسر أمام الموردة صفر/1 .. وفاز على الهلال .. ويومها سجل كسلا هدفاً للنصر في مرمى الهلال ...
وطبعاً كسلا عاد للسودان من الإمارات في العام 1982 ولعب مع الهلال موسم 82-83 بالكامل ...
إذاً يكون قد لعب مع طارق أحمد آدم ضمن الفريق الظاهر في الصورة لموسم كامل ...
(المعلومت دي من سيد الشئ زاتو) ... 
التحايا النواضر للجميع ...
| |
|
|
|
|
|
|
|
|
|
Re: هلالاب زمان يدكم معانا بالله اللعيبة القاعدين ديل منو ؟ (توجد صورة) (Re: hassan bashir)
|
شكراً جميلاً لصاحب البوست ولكل المتداخلين وهم يطوفون بنا في رحاب الهلال في ذلك الزمان الجميل ...
الأخوان لؤي وعبد الله كسلا ما شاء الله معلومات دقيقة وتوثيق رائع من لؤي أتمنى أن نطلع على مزيد من تفاصيله في هذا البوست ، وشكراً يا خليل على المساهمة الانيقة ، هذه المساهمة قادتني يالذاكرة لمباراة الهلال وتيزو أوزو في إستاد الهلال ونحن صغاراً متسمرين أما شاشة التلفزيون (الأبيض والأسود لدينا حينها) والمعلق الرائع (حسب ما أذكر) مبارك آدم وهو يصرخ (شووت يا عبده ... شووت يا عبده) وقد أطلق عبده الشيخ تلك القذيفة اليسارية - وكأنه قد سمع المعلق - إرتدت الكرة من الحارس وتابعها مصطفى النقر في الشباك هدفاً رائعاً كان سبباً في تأهل الهلال لدور ال 16 والذي للاسف غادرناه على يد فريق كمبالا سيتي اليوغندي .
فقط للمعلومة فإن فريق جيت تيزو أوزو - الذي هو شبيبة القبائل حالياً - كان بطلاً لبطولة الأندية الأفريقية في السنة السابقة لمباراته الشهيرة مع هلال العظمة .
وفي سابقة خطيرة جداً إختفت نتائج مباراتي الهلال وتيزو أوزو من إرشيف موقع الإتحاد الأفريقي في بطولة الأندية الأفريقية لعام 1982 -
بينما ظهرت مشاركة الهلال في دور ال 16 أما كمبالا سيتي والرابط أدناه لموقع الكاف وبطولة 1982 ، أرجو من المتابعين زيادة التحري (لربما إختلط علي الأمر) حتى لا تضيع تلك الإنجازات وتجد حقها من التوثيق الأقليمي والعالمي ...
http://www.cafonline.com/competition/champions-league_2010/pastcomp/1982
| |
|
|
|
|
|
|
|
|
|
Re: هلالاب زمان يدكم معانا بالله اللعيبة القاعدين ديل منو ؟ (توجد صورة) (Re: أمين يحيى)
|
Quote:
شكراً جميلاً لصاحب البوست ولكل المتداخلين وهم يطوفون بنا في رحاب الهلال في ذلك الزمان الجميل ...
الأخوان لؤي وعبد الله كسلا ما شاء الله معلومات دقيقة وتوثيق رائع من لؤي أتمنى أن نطلع على مزيد من تفاصيله في هذا البوست ، وشكراً يا خليل على المساهمة الانيقة ، هذه المساهمة قادتني يالذاكرة لمباراة الهلال وتيزو أوزو في إستاد الهلال ونحن صغاراً متسمرين أما شاشة التلفزيون (الأبيض والأسود لدينا حينها) والمعلق الرائع (حسب ما أذكر) مبارك آدم وهو يصرخ (شووت يا عبده ... شووت يا عبده) وقد أطلق عبده الشيخ تلك القذيفة اليسارية - وكأنه قد سمع المعلق - إرتدت الكرة من الحارس وتابعها مصطفى النقر في الشباك هدفاً رائعاً كان سبباً في تأهل الهلال لدور ال 16 والذي للاسف غادرناه على يد فريق كمبالا سيتي اليوغندي .
فقط للمعلومة فإن فريق جيت تيزو أوزو - الذي هو شبيبة القبائل حالياً - كان بطلاً لبطولة الأندية الأفريقية في السنة السابقة لمباراته الشهيرة مع هلال العظمة .
وفي سابقة خطيرة جداً إختفت نتائج مباراتي الهلال وتيزو أوزو من إرشيف موقع الإتحاد الأفريقي في بطولة الأندية الأفريقية لعام 1982 -
بينما ظهرت مشاركة الهلال في دور ال 16 أما كمبالا سيتي والرابط أدناه لموقع الكاف وبطولة 1982 ، أرجو من المتابعين زيادة التحري (لربما إختلط علي الأمر) حتى لا تضيع تلك الإنجازات وتجد حقها من التوثيق الأقليمي والعالمي ...
http://www.cafonline.com/competition/champions-league_2010/pastcomp/1982
|
أخـي أمين يحيـى
صباح الـخير
كلامك وكلام خليل صحيح
في بطولة 1982 أقصى الهلال فريق جيت تيزي أوزو الـجّزائري
حامل اللقب للعام السّابق له 1981
بعد الإنتصار عليه فـي مباراة الذّهاب فـي السّودان بـهدف مصطفى النّقر
وهزيمته فـي الـجّزائر بـهدف
ليتعادلا فـي النّتيـجة الإجماليّة بـهدفٍ لكُلٍ
وتـمّ الإحتكام للضّربات التّرجيحيّة
والتـي قام فيها أحـمد آدم ( عافية ) يومها بصدّ ( 3 ) ضربات
بالفعل إختفت النّتيجة من الـموقع
وسأقوم بـمراسلة قسـم الإشراف على الـموقع
لكنّك عموماً تجدها موثّقة هنا :-
(( http://forum.jskabylie.org/viewtopic.php?f=9&t=1028&start=0 ))
وهنا :-
(( http://www.rsssf.com/tablesa/afcup82.html#cc ))
ثُـمّ هنا :-
(( http://en.wikipedia.org/wiki/1982_African_Cup_of_Champions_Clubs ))
تـحاياي
| |
|
|
|
|
|
|
|
|
 Re: هلالاب زمان يدكم معانا بالله اللعيبة القاعدين ديل منو ؟ (توجد صورة) (Re: يسرى معتصم)
|
Quote:
الأخ لؤى
السلام عليكم ورحمة الله وبركاته
تذكرنى تؤامى وعضو المنبر ياسر معتصم
موسوعة فى كرة القدم يفوق المؤرخ عبده قابل حتى أنه صححه فى أحد المرات....
دخل فى تحدى مع أحد الهلالاب فى مصر رغم أنه مريخابى فسأله الأخ الهلالابى عن عشرة حراس مرمى لعبوا فى الهلال فذكر له أخى ياسر خمستاشر حارس مرمى لعبوا فى الهلال ....
وجاء دور أخى فى السؤال فطلب من الأخ الهلالابى أسماء الفرق التى كان يلعب بها هؤلاء الحراس فأندهش الأخ ولم يستطيع الأجابة
|
يسري
صباح الـخير
والـتّحيّة للعزيز ياسر
ياخي حكاية الغلاط دي حكاية عجيبة خلاص
أحكي ليك طرفة عجيبة
ذكّرتنـي ليها حكايتك عن ياسر وحكاية عبد الله كسلا في ( أها غالطونـي في أخوي )
كان فردتـي وصاحبـي شديد لاعب الـهلال عصام عبد الـحميد مـحمّد علي ( عصام بلاتينـي )
وكانت في مباراة هلال مرّيخ يوم خـميس
فقال لـي أبو اللول سجّل لي الكورة عشان أجـي أشوفها معاك بكرة الـجّـمعة
الـمهم عصام بلاتينـي في المباراة ضرب كمال عبد الغنـي
فالـحكم طرد عصام
تانـي يوم جايينـي عصام يشوف معاي الكورة فيديو
وأنا عازم لي كم زول كدا هلالاب
في من ضمن المعزومين ( أحـمد ) أكبر منّنا شويّة
ومرضان بالهلال مرض شديد
الـمهم أحـمد دا طلع أظن الدُّكّان وجاء راجع
قبل الرّجعة من الدُّكّان عصام جاء
وجهّزت شريط الكورة
وأحـمد رجع وطوّالي شغّلنا الكورة
وهو لا شاف عصام جاء ولا عارف إنّنا أصحاب أظن
بس جات اللقطة بتاعة الفاول
وطرد عصام بلاتينـي
بس أحـمد دا قام ليك يكورك
( ياخي الزّول دا لا ضرب كمال عبد الغنـي دا لا حاجة )
نـحن نقول ليهو يا أحـمد ضربو بس بدهاء والحكم لاحظ للحـاجة دي
أحـمد أصرّ إصرار شديد عصام ما ضرب كمال ولا حاجة
ونعيد في اللقطة وهو لسّا مُصِر
قمت أنا بـهدوووووء قلت لعصام
يا عصام ضربتو ولاّ ما ضربتو ؟
قال لي أيوا ضربتو وأنا ما قايل الـحكم شافنـي
بس في اللحظة دي أحـمد يعاين يلقى ليك عصام بلاتينـي
ويقوم مخلوع
( ياااااااااااااااا كابتـن )
وقام ليك يـحاضن في عصام
ونـحـن نضحك
أيّام ياخي
| |
|
|
|
|
|
|
|
|
|
Re: هلالاب زمان يدكم معانا بالله اللعيبة القاعدين ديل منو ؟ (توجد صورة) (Re: لؤى)
|
| Quote: د ما لعب في الهلال كان بلعب في المريخ وشهرتو صلاح بمبان |
لا يا د. محمد حسن .. صلاح ابوروف كان من اميز لاعبي الهلال في السبعينات.. مدافع رهيب ..
وكان احسن من يجيد ضربة الجزاء والوحيد الذي لم يستطع حامد بريمه ان يصد منه ضربة جزاء .
ثم اسمحوا لي ان اتداخل معكم واعبر اولا عن اعجابي بهذ البوست الموسوعة والذي خرج من ملفات
خاصة بكم .. فيه كثير من الصور التي لم نعد نذكرها وهي جديرة بالتسجيل في سجل يوثق لتاريخ
الهلال من خلال صور لاعبيه وذكريات اصحاب الصور عنها .
ومن هنا ادعوكم للمشاركة في عمل توثيقي موحد يأتي فيه كل من بيده صور قديمة او حديثة ويسرد
ما يعرفه عن الصورة و يمكن ان يقوم احدنا او مجموعة منا بارشفة هذه الصور حسب تواريخها او
مواسمها واقترح صاحب البوست عبد الوهاب علي الحاج وعبدالله كسلا ود. محمد حسن ومن ترون
غيرهم من (الاثرياء) في هذ المجال وان نقدم من خلال ذلك عملا متكاملا يدعم توثيق تاريخ الهلال
ويرصد في موقع نادي الهلال وارشيف النادي ثم يستفاد منه في معارض النادي وادبياته بل وفي بيع
اجزاء منه لدعم خزينة النادي ولاشك ان كل ذلك سيصب في مجال تثقيف اجيال الهلال المتعاقبه
وتعريفهم بتاريخ ناديهم العظيم
لكم الود
عمر علي حسن
| |
|
|
|
|
|
|
|
|
|
Re: هلالاب زمان يدكم معانا بالله اللعيبة القاعدين ديل منو ؟ (توجد صورة) (Re: لؤى)
|
Quote: لعب محمد حسين كسلا مباراة جيت الجزائري مع الهلال في امدرمان سنة 81
انتهت المباراة بهدف اعتقد احرزه مصطفي النقر
عبده الشيخ اطلق قذيفة من وسط الملعب ارتدت من الحارس قابلها النقر في الشباك
طارق احمد ادم وشريف سجلا للهلال في موسم واحد |
التحيه لصاحب البوست الجميل ده الخال وهبه ولكل الفطاحله
ياخليل اعتقد الهدف احرزه عبده الشيخ والشات الشوته الصاروخيه
وارتدت من الحارس هو كسلا وبعد ان تخطي جيت اوزو جاء ولعب
مباراه سيئة جدا امام كمبلا سيتي الاوغندي وانتهت بهدفين دون مقابل
في استاد الهلال والفريق كله كان سئ باثتثناء حمد دفع الله ومباراة الرد
انتهت بثلاثه اهداف لهدف وهدف الهلال في كمبالا احزه حمد دفع الله
ومن طرائف مباراة الرد في الجزائر مع تيزو اوزو انه كان ضمن البعثه
العم حسن شبشه (ربنا ياخد بيده ويشفيه) وقالوا عمك شبشه كان شايل معاهو
(رتينذه) والفكي موصيه يدفنها في مقابر ولما كان في الجزائر حايم بفتش في
مقابر ماعرف دربها اصله ماعارف لهجة الجزائريين والفرنساوي تك اها لما
جاء راجع الفندق وماعرف له مقابر قام سأل الموظفين بتاعين الريسبشن بالفندق
قال لهم ........انتو المليون شهيد ديل دفنتوهم وين ؟؟؟
العريس لؤي لكن طلعت خطير جدا
| |
|
|
|
|
|
|
|
|
|
Re: هلالاب زمان يدكم معانا بالله اللعيبة القاعدين ديل منو ؟ (توجد صورة) (Re: Maawya Hussein)
|
| Quote: هود لعب في الهلال منتصف التسعينات ورغم انو لاعب موهوب جدا الا انو ما استمر كتير في الهلال واعتزل الكورة مبكرا |
معاوية حسين يا صاحبي ..
لعلك طيب وبخير ..
أظنك تقصد منتصف الثمانينات ..
هود بشير لعاب شديد وهو جيل كرار أبوعلي يعني نفس التيم تقريباً ..
وحظه كان إنه وسط الهلال وقتها مليان شديد حمد والديبة وكندورة والعوني وكرار أبوعلي ومنقستو لاحقاً وما أعتقد وجد حظه من اللعب ..
عشان كده ما واصل أو تكون هنالك قصة تانية لا أعرفها ..
| |
|
|
|
|
|
|
|
|
 Re: هلالاب زمان يدكم معانا بالله اللعيبة القاعدين ديل منو ؟ (توجد صورة) (Re: Maawya Hussein)
|
Quote:
سلامات يا معتصم
داير اقول لي لؤي دا ماهود بشير بس خفت يقول الزول دا غالالات :) هود انا بعرفو شخصيا وهو من ابناء الخرطوم 3 وشقيق لاعب المريخ السابق قدورة ولاعب النيل خالد بشير هود لعب في الهلال منتصف التسعينات ورغم انو لاعب موهوب جدا الا انو ما استمر كتير في الهلال واعتزل الكورة مبكرا
|
معاوية الغالاط 
إنت زعلت يا دكتور ولاّ شنو ؟
يا راجل بـنمازح وبنشاغل وبنكاوي
وإنت عارف البيناتنا
فلك العُتبـى
أها دا هود بشير ولاّ ما هود بشير ؟
لكن يا معاوية النّغالطك
هود ياهو دفعة النّاس ديل
فترة نوسط الهلال العجيب وناس حاتـم عزّت معنّـي
مودّتـي
| |
|
|
|
|
|
|
| |
عبدالوهاب علي الحاج
hassan bashir
Mohamed Doudi
لؤى
د.محمد حسن
فتحي الصديق
يسرى معتصم
الخير محمد عوض
معاوية الزبير
Maawya Hussein
عبد الله كسلا
nabielo
abas
حيدر حسن ميرغني
سيف الدولة كامل
khaleel
المعز ادريس
أمين يحيى
حمزه بابكر الكوبي
معتصم دفع الله
صلاح عثمان
فيس بوك
تويتر
انستقرام
يوتيوب
بنتيريست