|
دعواتكم لزميلنا المفكر د.الباقر العفيف بالشفاء العاجل
|
|
 Re: حادث حركة مؤلم شمال الخرطوم قبل ساعة (صور) (Re: مدثر صديق)
|
إن شاء الله سلامه
---------------
مدثر صديق في الصيف ممكن حرارة الاسفلت تأثر كتير على سلامة الساتك
وفي السرعة العالية بقل التحكم في العربية وبالتالى بتكتر الحوادث
ربنا يغطي على الكل
للناس البتحب السرعات العالية ياريت يفكروا في أنو الحادث أثروا ما بقيف عليهم وبس
ممكن يمتد لناس ابرياء ما عندهم اى ذنب
| |
 
|
|
|
|
|
|
|
 Re: حادث حركة مؤلم شمال الخرطوم قبل ساعة (صور) (Re: عبد الناصر الخطيب)
|
Quote: إن شاء الله سلامه
---------------
مدثر صديق في الصيف ممكن حرارة الاسفلت تأثر كتير على سلامة الساتك
وفي السرعة العالية بقل التحكم في العربية وبالتالى بتكتر الحوادث
ربنا يغطي على الكل
للناس البتحب السرعات العالية ياريت يفكروا في أنو الحادث أثروا ما بقيف عليهم وبس
ممكن يمتد لناس ابرياء ما عندهم اى ذنب |
الله يسلم كل المسافرين على الطرق السريعو و كل سائقي السيارات و مستخدمي الطريق
بالاضافة لماذكرت لاحظت ان العربة ذات اطارات قديمة ....
| |
|
|
|
|
|
|
|
|
|
Re: حادث حركة مؤلم شمال الخرطوم قبل ساعة (صور) (Re: مدثر صديق)
|
الاخ مدثر
اتمنى ان لايكون احد قد قضى نحبه
ما اود قوله هنا
انظر الى الشارع الذى التقطت منه الصور
وقارنه بالمساحات التى حوله
تجد ان المساحات شاسعة والشارع اضيق من ان يكون شارعا فى وسط الحى قياسا للمساحات فى السودان
ولو كنت صحافيا اتمنى ان تمشى لوزير المواصلات ووزير التخطيط
وتسالهما عن سر الشوارع الضيقة فى بلد مساحاته هى الاكبر افريقيا وعالميا ؟
بالعربى الما فصيح
يعنى بكلف الدولة شنو لو عملت شارع بعدد من "اللينات " اربعة ماشى واربعة جاى على اسوأ الفروض؟
بكلف الدولة شنو انها ترصف اطراف الشوارع عشان تحمى السائق حتى لو حدث حادث يكون فى حتة "تثبته "
ولا لانه ابنى ادم فى السودان ارخص من ان نقوم بحمايته ؟
ولا ناس السلطة ما فاضيين لسه عشان يشوفو احتياجات البشر
اللهم لا اعتراض فى حكمك
| |
|
|
|
|
|
|
|
|
|
Re: حادث حركة مؤلم شمال الخرطوم قبل ساعة (صور) (Re: اسماء الجنيد)
|
| Quote: يبدو أن الأولوية لبيت الفنون. |
يامحمد المرتضى حامد يا اعز الناس
ياخ انت شايف ليك بنات هنا ؟
سامع ليك زول بقرا فى شعر او فى زول بلعب موسيقى ؟
انت الظاهر عليك ما سمعت الوزير المثقف الذى حين يسمع كلمة ثقافة
يتحسس اين النظام العام لاغلاق تلك المساحات من الضوء ؟
وتحويلها الى عتمة تلبس النقاب
يا حبيب كدى عاين الشارع دا
دا شارع ظلط فى بلد تنتج بترول ولا نبق حتى ؟
ياخ البترول دا خليناهو ليهم انشا الله يشربو الباقى
اليصلحو لينا شوارعنا دى
انى امنت بالله من القرف اللنحنا فيهو والمرض العايشنو
بلد ماعندها وجيع
| |
|
|
|
|
|
|
|
|
|
Re: حادث حركة مؤلم شمال الخرطوم قبل ساعة (صور) (Re: سلمى الشيخ سلامة)
|
Quote: سلمى الشيخ سلامة
ولو كنت صحافيا اتمنى ان تمشى لوزير المواصلات ووزير التخطيط
وتسالهما عن سر الشوارع الضيقة فى بلد مساحاته هى الاكبر افريقيا وعالميا ؟
بالعربى الما فصيح
يعنى بكلف الدولة شنو لو عملت شارع بعدد من "اللينات " اربعة ماشى واربعة جاى على اسوأ الفروض؟
بكلف الدولة شنو انها ترصف اطراف الشوارع عشان تحمى السائق حتى لو حدث حادث يكون فى حتة "تثبته |
المثل العربي يقول: (البلقى الهبوب بضرِّي). وإنتوا لقيتو الهبوب في كندا وعمان وهلم جرا. وبلغة الرياضيات إليكم المعطيات:
1- تكلفة كيلو متر واحد من الطرق المسفلت تتراوح بين: 750,000 - 850,000 دولار أمريكي. (طريق بعرض 6 أمتار)
2- البلد مساحتها واحد مليون ميل مربع وبالتالي تحتاج لعشرة ملايين كيلومتر طرق مسفلتة (على أقل تقدير)
3- سكان البلد في حدود 40 مليون نسمة.
4- عدد البراميل المنتجة من النفط في حدود 600,000 برميل يومياً.
المطلوب إثباته وفي هذه الحالة رصفه من الطرق الآتي:
1- طريق من النهود إلى الجنينة بأربع لينات (حسب طلب الكاتبة سلمى)
2- طريق من أم دافوق وحتى نيالا الضعين بابنوسة الفولة كادقلي (بأربع لينات)
3- طريق دنقلا سودري الأبيض ب 4 لينات
4- طريق كوستي الدويم ام درمان ب 4 لينات
5- تغطية ولاية الجزيرة بشبكة طرق باربع لينات - لآن الجزيرة منشرّة زي التربيزة.
6- ومثلها ولايتي القضارف وكسلا.
7- طريق الرنك ملكال جونقلي جوبا نمولي
8- طريق بابنوسة أويل راجا واو رمبيك جوبا
9- طريق ملكال الناصر الجيكو
10- شبكة طرق داخل الجنوب تغطي ولايات الوحدة وواراب والبحيرات وربطها بكل من ملكال واو وجوبا.
11- طريق كوستي كادوك ملكال بالغرب.
12- تغطية ولاية سنار بشبكة طرق لانها ولاية منشرّة وليست طويلة.
13- طريق أم روابة أبو جبيهة تلودي الليري كادقلي.
14- تغطية ولايات النيل الأزرق وغرب دارفور وجنوب كردفان وجنوب دار فور بشبكة طرق من لين واحد لآنهما ولايات منشرة.
هذا ما يحتاجه السودان من طرق على أقل تقدير. ولا إنتو عاوزين الطرق تتركز في الوسط والهامش يظل هامشاً مغبوناً إلى ما لا نهاية؟
أعملوا العقل قبل العاطفة. ضعي نفسك يا سلمى مكان أي من الوزيرين وورينا خياراتك، وربنا يعينك.
العامل المهم في الحوادث هو الإنسان. لا علاقة للطريق بالحادث. والمثل بقول: في العجلة الندامة وفي التأني السلامة.
صيانة العربة عامل بشري. القيادة بتهور عامل بشري. لنفترض أن هنالك طريق من 4 لينات وتسير فيه عربة بسعرة 160 كلم في الساعة وإطاراتها قديمة والحرارة فوق الخمسين، ماذا سيحدث؟
ينفجر إطار السيارة والباقي معروف. هل للطريق أبو 4 لينات دور في سلامة أو هلاك راكبي تلك السيارة؟
لا تلقوا اللوم على من لا لوم له. أقضوا على تسيب العامل البشري وهو الأهم والباقي على الله.
(العوج راي والعديل راي)
| |
|
|
|
|
|
|
|
|
|
Re: حادث حركة مؤلم شمال الخرطوم قبل ساعة (صور) (Re: cantona_1)
|
| Quote: المثل العربي يقول: (البلقى الهبوب بضرِّي). وإنتوا لقيتو الهبوب في كندا وعمان وهلم جرا |
اولا ياسيدى لم اذهب بخاطرى ولا بمزاجى
مشيت لانه اترفدت من شغلى فى صمة خشمى
مشيت لانه تم اتهامى وحكم على بالسجن 15 عاما وسقطت بالتقادم فى ذنب لم اقترفه
ثم انى يا سيدى اعرف ان بلادنا غنية واعرف مكمن غناها
لكنى اعرف بالمقابل من الذى ينهب بلادنا ؟ وكيف ؟
يا سيدى لدينا ثروات غير البترول اين تذهب ؟
لدينا مدخلات اخرى اين تذهب ؟
منها الماشية التى وصل سعر الكيلو من اللحم الى اسعار اكثر من خيالية فى بلاد معروفة بغنائها من تلك الثروة
لماذا نجد ان الناس فى بلادنا "خليك من شوارع ومطارات وغيره ؟"
الناس وشهدتهم بعينى مافى زول قال لى يرمون بالفواكه الى المطامير لان النقل غير متوفر
كان ذلك فى نيالا وفى الروصيرص وفى الدمازين
خليك من شوارع يموت فيها الناس بالعشرات فى اليوم
لماذا تم اغلاق السكة الحديد ولمصلحة من ؟
قل وربنا بسالك لماذا تم تجفيف معاهد التربية والتعليم فى "بخت الرضا ، وشندى ، والابيض والدبنج ؟
دى كلها من مقومات التنمية لماذا تم تجفيفها ولمصلحة من ؟
لماذا يا سيدى تم تحويل القوات المسلحة الى خاصة باولادالبحر دونا عن غيرهم ولمصلحة من ؟
يا سيدى اجبنى لماذا يحدث ان الخدمة المدنية باتت مثالا لكل اوساخ المجتمع من رشاوى ونهب منظم لموارد الدولة وعلى عينك يا تاجر ؟
يا سيدى المسالة ليست ان يكون لدينا شوارع وهذا حق من حقوق المواطن
من حقه ان ياكل ويشرب ويسكن ويتعلم وتوفر له الدولة العلاج والانسانية
كل هذه امور لانجدها فى بلادنا التى مثلما تحبها نعشقها ياسيدى ونعمل جاهدين ان تعود الى ماكنته
بلاد يتعايش فيها الناس على اساس المواطنة لا الانتماء القبلى
ولا على اساس الدين
لان الدين لله والوطن للجميع
وكفاية انكم تشكروا لينا الراكوبة فى الخريف
| |
|
|
|
|
|
|
|
|
|
Re: حادث حركة مؤلم شمال الخرطوم قبل ساعة (صور) (Re: سلمى الشيخ سلامة)
|
مدثر صديق
ربنا يرفع المصابين وينجيهم باذن الله.
شكرا لك...
Quote:
المثل العربي يقول: (البلقى الهبوب بضرِّي). وإنتوا لقيتو الهبوب في كندا وعمان وهلم جرا. وبلغة الرياضيات إليكم المعطيات:
1- تكلفة كيلو متر واحد من الطرق المسفلت تتراوح بين: 750,000 - 850,000 دولار أمريكي. (طريق بعرض 6 أمتار)
2- البلد مساحتها واحد مليون ميل مربع وبالتالي تحتاج لعشرة ملايين كيلومتر طرق مسفلتة (على أقل تقدير)
3- سكان البلد في حدود 40 مليون نسمة.
4- عدد البراميل المنتجة من النفط في حدود 600,000 برميل يومياً.
المطلوب إثباته وفي هذه الحالة رصفه من الطرق الآتي:
1- طريق من النهود إلى الجنينة بأربع لينات (حسب طلب الكاتبة سلمى)
2- طريق من أم دافوق وحتى نيالا الضعين بابنوسة الفولة كادقلي (بأربع لينات)
3- طريق دنقلا سودري الأبيض ب 4 لينات
4- طريق كوستي الدويم ام درمان ب 4 لينات
5- تغطية ولاية الجزيرة بشبكة طرق باربع لينات - لآن الجزيرة منشرّة زي التربيزة.
6- ومثلها ولايتي القضارف وكسلا.
7- طريق الرنك ملكال جونقلي جوبا نمولي
8- طريق بابنوسة أويل راجا واو رمبيك جوبا
9- طريق ملكال الناصر الجيكو
10- شبكة طرق داخل الجنوب تغطي ولايات الوحدة وواراب والبحيرات وربطها بكل من ملكال واو وجوبا.
11- طريق كوستي كادوك ملكال بالغرب.
12- تغطية ولاية سنار بشبكة طرق لانها ولاية منشرّة وليست طويلة.
13- طريق أم روابة أبو جبيهة تلودي الليري كادقلي.
14- تغطية ولايات النيل الأزرق وغرب دارفور وجنوب كردفان وجنوب دار فور بشبكة طرق من لين واحد لآنهما ولايات منشرة.
هذا ما يحتاجه السودان من طرق على أقل تقدير. ولا إنتو عاوزين الطرق تتركز في الوسط والهامش يظل هامشاً مغبوناً إلى ما لا نهاية؟
أعملوا العقل قبل العاطفة. ضعي نفسك يا سلمى مكان أي من الوزيرين وورينا خياراتك، وربنا يعينك.
العامل المهم في الحوادث هو الإنسان. لا علاقة للطريق بالحادث. والمثل بقول: في العجلة الندامة وفي التأني السلامة.
صيانة العربة عامل بشري. القيادة بتهور عامل بشري. لنفترض أن هنالك طريق من 4 لينات وتسير فيه عربة بسعرة 160 كلم في الساعة وإطاراتها قديمة والحرارة فوق الخمسين، ماذا سيحدث؟
ينفجر إطار السيارة والباقي معروف. هل للطريق أبو 4 لينات دور في سلامة أو هلاك راكبي تلك السيارة؟
لا تلقوا اللوم على من لا لوم له. أقضوا على تسيب العامل البشري وهو الأهم والباقي على الله.
(العوج راي والعديل راي) |
حسه خلاص....بضربة كي بورد عايز تطلع سلمي الشيخ سلامه ما شغاله بالهامش؟؟؟!!
يا زول انت بجدك!!
اها خذها مني كل حساباتك الجبتها لا تعني شيئا.
من حقنا عليهم كشعب ان يقوموا بتنميه بمواصفات عاليمه وله ينخمدوا!
انت حسه في كردفانك دي لو عملوا لك شارع زي ده
وكل يوم تجينا باكي هنا عن معدلات الحوادث.....تفتكر ممكن تسكت عن ارتفاع معدلات الوفيات
وتطلعها كلها كسور وبواقي ولاستك ضاربه و المرحوم غلطان؟؟؟؟
طيب سلامة المواطن ولساتكه برضها مسؤلية الدوله
لي انت ما عندك في برطيانيا بلد الكفار الاوتك دي حوادث عن انفجار اطارت السيارات قدر ده؟؟
ما تقول لي عشان الطقس بارد؟؟!!
لا يا حبيب ولكن لانه وزراة المواصلات منضبطه البترخص العربات وما مرتشيه
وفي السودان بتحصل على الرخصه بالرشوة وبترخص عربيتك الغير مستوفيه لشروط السلامه بالرشوة
ويعني يمنحكو بدلا شهادة صلاحيه العربه للاستعمال بيمنحوك شهادة الموت المجاني
وكله من تفشي الرشوة.
يا كانتونا1 حكومة السجم دي وين ما تحاول تدافع عنها صدقني ماب تلقى لها طريقه.
كدي اتعلم من الكفار القاعد ماعهم ديل
قول الحق ولو على نفسك وبعدين بنقبل شهادتك للمصلحة الحكومه!!
قال هامش قال!!
يعني مهتم بيه سيادتك شديد!!
سبحان الله!!
كلمه آخيره يا سلمة نسيت اقول لكم بيكون اتنفذر الطريق (الشريط) ده بالمناسبه
بنفس قيمة الطريق المتعدد المسارات بس للاسف الاموال ليجبوهم وليس للمنشأة الحقيقيه.
| |
|
|
|
|
|
|
|
|
|
Re: حادث حركة مؤلم شمال الخرطوم قبل ساعة (صور) (Re: Tragie Mustafa)
|
شكرا مدثر
عاجل الشفاء للمصابين
نعم عبدالناصر الخطيب
الناس البتحب السرعات العاليه ياريت يفكرو انو الحادث اثرو مابيقيف عليهم
العزيزcantona-1
صيانة العربه عامل بشري والقياده بتهور عامل بشري
نعم اخوتي القياده باهمال هي غالبية الحوادث بالمرور السريع بل اصبحت داخل المدن
حوادث مميته والسبب السرعه الزائده
لقد صارت السرعه الزائده ومشيت الخرطوم الابيض في كم والخرطوم مدني في كم نوع من التباهي
يعلم الله العربيه تجي متخطيه بي طريقة تحير سرعه منتهي الطيش
والنتيجه دايما مؤلمه لنا ولهم كمازكرة اخي عبدالناصر
وربنا يسلم كل المسافرين علي طرق المرور السريع
ويارب تحفظ السودان واهل السودان
| |
|
|
|
|
|
|
|
|
|
Re: حادث حركة مؤلم شمال الخرطوم قبل ساعة (صور) (Re: خالد كدودي)
|
Quote: العزيزcantona-1
صيانة العربه عامل بشري والقياده بتهور عامل بشري
نعم اخوتي القياده باهمال هي غالبية الحوادث بالمرور السريع بل اصبحت داخل المدن
حوادث مميته والسبب السرعه الزائده
لقد صارت السرعه الزائده ومشيت الخرطوم الابيض في كم والخرطوم مدني في كم نوع من التباهي
يعلم الله العربيه تجي متخطيه بي طريقة تحير سرعه منتهي الطيش
والنتيجه دايما مؤلمه لنا ولهم كمازكرة اخي عبدالناصر |
الأخ الفاضل خالد كدودي ... الله ينصر دينك ... دا كلام العقل.
لو كل زول ساق بروقه ومهلة الباقي نخليه لله.
(العوج راي والعديل راي)
| |
|
|
|
|
|
|
|
|
|
Re: حادث حركة مؤلم شمال الخرطوم قبل ساعة (صور) (Re: Tragie Mustafa)
|
Quote: تراجي مصطفى
حسه خلاص....بضربة كي بورد عايز تطلع سلمي الشيخ سلامه ما شغاله بالهامش؟؟؟!!
يا زول انت بجدك!! |
لو سلمى شغالة بالهامش ولا بالمركز هذا لايعني عندي مليم. دايماً قولي كلام بطلعوا بيهو الدرنقل. (الدرنقل دا كلام عرب... يعني لو ما عرفتيه ما مهم).
(العوج راي والعديل راي)
| |
|
|
|
|
|
|
|
|
|
Re: حادث حركة مؤلم شمال الخرطوم قبل ساعة (صور) (Re: cantona_1)
|
| Quote: عدد البراميل المنتجة من النفط في حدود 600,000 برميل يومياً. |
طيب دى بتجيب 47 مليون فى اليوم
نفترض انو نصيب الحكومة 20 مليون
يعنى فى السنة بتعمل بالميت كدا 7 مليار
ودى بتعمل ليها كم شارع كدا
دا غير قوانين المرور الممكن تتفعل وتتعدل عشان
تضمن سلامة المسافرين والمارة
سلام
| |
|
|
|
|
|
|
|
|
|
Re: حادث حركة مؤلم شمال الخرطوم قبل ساعة (صور) (Re: الصادق صديق سلمان)
|
Quote: م أ مهاجر
طيب دى بتجيب 47 مليون فى اليوم. نفترض انو نصيب الحكومة 20 مليون .يعنى فى السنة بتعمل بالميت كدا 7 مليار. ودى بتعمل ليها كم شارع كدا.
|
أستاذ مهاجر كلامك عديل والحساب ولد.
1- كم هو الفصل الأول في الميزانية العامة للدولة؟
2- كم هي الفوائد على الديون قديمها وجديدها؟
ومبلغ ال 7,300,000,000 دولار بتمامه في العام لا يرضف أكثر من 8,500 كيلو متر شارع سنقل بعرض 6 أمتار. هذا لو وظفنا كل المبلغ في رصف الطرق والجسور المعاها. ولو حسبنا أن البترول له 10 سنوات (لكن مش كلها 600,000 برميل في اليوم) تكون جملة الدخل = 73 مليار دولار.
هذا المبلغ بكامله يرصف 85,000 كيلو متر بالمواصفات المذكورة.
وعلى حسب رغبة الكاتبة سلمى شارع بعرض 4 لينات هذا المبلغ لا يرصف أكثر من 21,000 كيلو متر.
والمسافة دي ما تغطى طرق ولاية الجزيرة وحدها. وما تنسى 1 و2 الفوق.
الحساب ولد ولا أنا غلطان.
(العوج راي والعديل راي)
| |
|
|
|
|
|
|
|
|
|
Re: حادث حركة مؤلم شمال الخرطوم قبل ساعة (صور) (Re: الصادق صديق سلمان)
|
Quote: يعني يا كانتونا 1 انت ماعاوزنا حتى نحلم بي شوارع متر
يعني الزينا نحن دا عشان سوداني ما من حقوا حتى يحلم
خلاص الحلم زاتو خليناهو
|
الصادق الصديق حرّم تحلم زي ما عاوز... هو ياخي الحلم عليهو جمارك ولا إتاوات ولا جبايات؟
اسمك حلو واسم أبوك أحلى... وربنا يخلي ليك الولد الحلو التحت ... بسم الله ما شاء الله.
(العوج راي والعديل راي)
| |
|
|
|
|
|
|
|
|
|
Re: حادث حركة مؤلم شمال الخرطوم قبل ساعة (صور) (Re: cantona_1)
|
Quote: تراجي مصطفى
اها خذها مني كل حساباتك الجبتها لا تعني شيئا.
من حقنا عليهم كشعب ان يقوموا بتنميه بمواصفات عاليمه وله ينخمدوا! |
كان ما بتعرفي لغة الحساب .. القالوا عليها الحساب ولد.. واتحاسبوا تجار وأكلوا أخوان يبقى انا خالي مسؤولية. لمن تعرفي ديل تعالي إداخلي معاي. المصيبة لا بتعرفي حساب ولا عربي.. لغتك العربية الدارجة زي عدمها. أكتبي صاح وبعدين إتفاصحي.
(العوج راي والعديل راي)
| |
|
|
|
|
|
|
|
|
|
Re: حادث حركة مؤلم شمال الخرطوم قبل ساعة (صور) (Re: cantona_1)
|
Quote: تراجي مصطفى
انت حسه في كردفانك دي لو عملوا لك شارع زي ده
وكل يوم تجينا باكي هنا عن معدلات الحوادث.....تفتكر ممكن تسكت عن ارتفاع معدلات الوفيات
وتطلعها كلها كسور وبواقي ولاستك ضاربه و المرحوم غلطان؟؟؟؟ |
لكل مقام مقال. لمن يسووا الشوارع والطرق الطلبناها ونشتكي من الحوادث بعدين كان الله حيانا تعالي وقولي لي. كلامك دلوقت ما عنده سالفة.
(العوج راي والعديل)
| |
|
|
|
|
|
|
|
|
|
Re: حادث حركة مؤلم شمال الخرطوم قبل ساعة (صور) (Re: cantona_1)
|
Quote: تراجي مصطفى
لا يا حبيب ولكن لانه وزراة المواصلات منضبطه البترخص العربات وما مرتشيه
وفي السودان بتحصل على الرخصه بالرشوة وبترخص عربيتك الغير مستوفيه لشروط السلامه بالرشوة
ويعني يمنحكو بدلا شهادة صلاحيه العربه للاستعمال بيمنحوك شهادة الموت المجاني
وكله من تفشي الرشوة. |
إنت برّا الشبكة والله ما سمعتي بأن الرشوة أجازوها. كمان أسأليني عشان أفتي ليك في الدين. دي ما مسؤوليتي مسؤولية القال الرشوة حلال . فقط أردت ان أعلمك عشان تدفعي طوالي بدون تردد. آل رشوة آل.
إذا صاحب العربة ما خاف على نفسه وماله وعياله عاوزة الشرطي بتاع الترخيص يخاف عليهم؟ دي حكاية مقاييسها مختلة خالص.
(العوج راي والعديل راي)
| |
|
|
|
|
|
|
|
|
|
Re: حادث حركة مؤلم شمال الخرطوم قبل ساعة (صور) (Re: cantona_1)
|
Quote: تراجي مصطفى
يا كانتونا1 حكومة السجم دي وين ما تحاول تدافع عنها صدقني ماب تلقى لها طريقه.
كدي اتعلم من الكفار القاعد ماعهم ديل
قول الحق ولو على نفسك وبعدين بنقبل شهادتك للمصلحة الحكومه!! |
أنا أدافع عن وجهة نظري وكيف أنظر للموضوع. لا سبب واحد يجعلني أدافع عن الحكومة وأخطاءها لأن هذا ليس من مهامي أو واجباتي. وصدقيني مما تخرجت في الجامعة لم أعمل في الحكومات السابقة ولا الجارية في أي وظيفة ميري. وما استفدت من الحكومات كلها نكلة واحدة. عشان كدا مافي سبب بخليني أدافع عن الحكومة حتى ولو كان رئيسها جون كندي.
الكفار ما قاعد معاهم زي قعدتك المهببة دي. قاعد بشديدي ولضيضي. بدفع ضرائب وساكن في بيت ملكي. وراكب عربية ولدي مشتريها بحر ماله. وعيالي بقرو في الجامعات والمدارس بقروشنا. يعني ما بتاع إعانات ومؤسسات خيرية بتمد يدها للكفار. وما تنسي أنني أطلب الإنجليز خاصة والبريطانيين عامة دية على أهلي في كرري. طبعاً دي حاجات بعيدة عن أشنابك. روقي في عليك يا بت الناس. وألمي حامي ولا لعب قعونج.
(العوج راي والعديل راي)
| |
|
|
|
|
|
|
|
|
|
Re: حادث حركة مؤلم شمال الخرطوم قبل ساعة (صور) (Re: cantona_1)
|
Quote: تراجي مصطفى
قال هامش قال!!
يعني مهتم بيه سيادتك شديد!! سبحان الله!! |
أنا مهتم بالهامش ولكن بالأحرى والأكثر دقة بمنطقتي عملياً وليس تنظير وكلام كيبوردات. اليوم بقري وأغنامي في الهامش. وفي شهر فبراير الفات أدليت البحر ودفعت لأهلك في الجنوب 7 ملايين بالقديم عشان بقري تشرب موية البحر الجابها الله وتاكل من القش الجاب مطرته الله.
زراعتي اليوم في الهامش .. الجاز إشتريناه من حر مالنا.. ما أخدت مليم من البنك. وبعدين بدفع الزكاة والضرائب وكل الواجبات... وبرجى الله.
لعلمك بكون في بريطانيا من شهر يونيو وحتى منتصف أكتوبر ومن منتصف أكتوبر وحتى نهاية مايو. يعني مش مكسّر في بريطانيا العظمى زي كسريك والزيك في كندا وخلافها.
(العوج راي والعديل راي)
| |
|
|
|
|
|
|
|
|
|
Re: حادث حركة مؤلم شمال الخرطوم قبل ساعة (صور) (Re: cantona_1)
|
كانتونا ون حبابك
احكي ليك دي يا كانتونا 1
وخلي نعتبر نفسنا قاعدين في الضرا بعد ما البقر هجعن والدنيا خريف وما علينا زقاية باكر
مما انا وعيت وبقيت اسافر من هبيلا للدلنج في خور صغير وهوين قبل التكمة, تقريبا خور دوماي او خور شطة ما متأكد
الخور دا وعدد الكباري الاتعملت فيهو بتكون دخلت موسوعة جنيس للارقام القياسية .. ولامن أقول كباري اوع مخك يمشي بعيد انا بقصد كبري واحد في نفس المكان كل سنة
الخور تجي تلقي مؤسسة الطرق والكباري عامل فيهو معسكر الصيف كلو ومرات شركات اجنبية لامن جزء منهم زي شركة ادكو الرسمو الظلط دخلن أغاني البنات ,, أها الهليمانة العملوها في الصيف دا كلو راسمالو مطرة واحدة بس في الخريف والكبري يحلف ما يخلي الموية تمشي براها للرهد وهاك يا جري قدام الموية
سبحان الله .. الناس قالو الخور دا وخور شوشاي في طريق الدلنج الابيض مسكونين
رجعت للسودان في صيف 2008 بعد خمستاشر سنة وما نسيت حكاية الكبري المسكون دا
والطراوة ضربتني برا السودان وما خليت دولة فقيرة طايرة قبال ما عمي كوفي عنان يحن علي من الفضيحة والخجل الأنا حسيت بيهو في دول افقر من السودان زي اثيوبيا او ارتريا وطبعا خجلان اقول بلغارياوالله مصر تقوم تفتكرني ببالغ وانا زول حاسد .. وفضيحتي سببها اني كنت فاكر انو الخور الهوين دا ومعاه خور شوشاي ديل اخطر خورين في العالم وبالتالي ديل ألا يجيبوا ليهم الامريكان او الروس عشان يعرفوا شغلهم معاهم يعني فوق انو مسكون ديل محتاجين قروش الدنيا والعالمين اكتر من تضريبك الفوق دا والوصلت فيهو لرقم خرافي (نص مراحات الحوازمة + نص مراحات الغلفان) .. اها في ارتريا واثيوبيا شفت فيها خيران وجبال من الله خلقني ما شفت زيها .. كانتونا اخوي اول مرة اشوف موية ممكن تجرف حجر قدامك بس المظاهرات العاملاها الموية دي كلها لامن تجي عند الكبري مافي ولا نقطة تخلي رفيقاتها وتحاول تعدي من حتة ماياها .. بيني وبين نفسي قلت قطع شك الكباري دي عملوها الروس زمن منقستو الشيوعية بس قالوا لي الكباري العملوها الروس وغيرها كلها كسروها عمدا لقطع خطوط الامداد للثوار او الجيش الحكومي وانو الكباري دي كلها هي صناعة ارترية مية المية .. طيب ارتريا جابت القروش دي من ووووووين؟ علي قول جارنا عادل امام .. وعشان ما اشطح قعدوني في الواطة وفهموني انو المسألة ما مسالة قروش بقدرما هي عقول تضع اولوياتها بكل دقة وانضباط وتمشي علي الخور وتخت الكبري بايادي محلية.
.. بس ما طالنبي حليفة طيلة الفترة الانا بعدت فيها من السودان كلما كان الناس يكلموني عن الكباري الجديدة في الخرطوم خيال رفض يفارق الخور الهوين دا.. لانو عندي اصلا ما ممكن تكون عندك منطقة بتاع انتاج زي منطقة هبيلا ومساهمتو الكبيرة في الاقتصاد الوطني وتكون ما قادر تعمل ليهم كبري زي الناس في خور لحدي ما الحركة تتعطل الخريف كلو ونرجع للعصر الحجري وكمان مع الكلام الكبار بتاع التوجه الحضاري المخلوط بارهاصات اننا اصبحنا دولة بترولية تفاءلت لحدي ما انتشيت وقلت يا شمس بلا معارضة بلا لمة فالكباري من حقوق الانسان والناس ديل تكون مكجنهم ساكت
تصدق وتامن بالله يا كانتونا..
بعد خمستاشر سنة رجعت لقيت الكبري فز وعرد كعادتو لكن مؤسسةالطرق والكباري واقفة في نفس الخور
بنفس العربات و الالات
وعلى كدا اعمل لي تضريب زي تضريبك الفوق دا وقول لي كان المشكلة في عدم القروش والله عدم التخطيط
| |
|
|
|
|
|
|
|
|
|
Re: حادث حركة مؤلم شمال الخرطوم قبل ساعة (صور) (Re: عابدون محمد عابدون)
|
حكومة يقول قادتها أنهم حملوا ارواحهم على اكفهم للاستيلاء على السلطة، حكومة من اجلها حنث عسكرها
بالقسم الذي اقسموه بحماية البلاد و صيانة الدستور، حكومة قام اهلها بقتل و تشريد و اعتقال و تعذيب
كل من اختلف معها،بعد كل ذلك تأتي هذه الحكومة لتبرر لفشلها و عجزها عن توفير ابسط احتياجات
الناس و تصور لهم أن رصف طريق محترم يوجد مثله في افقر بلاد العالم هو ضرب من المستحيل ..تخيل!!
ياخي الشارع وكت ما بتقدروا تسووه زي الناس مسوينو لشنو؟
| |
|
|
|
|
|
|
|
|
|
Re: حادث حركة مؤلم شمال الخرطوم قبل ساعة (صور) (Re: عابدون محمد عابدون)
|
سلام
في ردمية (حمراء اللون ) في عدة شوارع داخل مدني ظلت كيمان قافله الطريق طيله اجازتي في السودان بسبب ان مورد التراب طالب حكومه الولاية قروش و كتير من شوارع الاسفت اضمحلت بقت بتشيل عربيه بحجم صغير وركشه في اكثر اماكنه اتساعا - ولأن الاحتفال دائما اهم من الانجاز فبدل الحكومه تعمل طريق مسار واحد وبشكل غير مطابق للمواصفات فقط اشان يجي الرئس ينطط ويتبعوه بالمن والأذى اعملوا نص الطريق بمسارين وكملوا علي مراحل
---------------------------------------
بلدينا صاحب عمنا صديق الموج ليهو حوالي 20 سنه ما نزل السودان الجماعه قالوا لي البلد اتطورت والحكومه سوت الكباري والشوارع ما تنزل بعد ده قال ليهم يعني انا ماشي مدني بلاقيني مخرج السوريبه وودرعيه ومخرج فداسي قالوا لا - قاليهم طيب عملوا شنو
--------------------------------------
شمس الدين كلامك سمح بالحيل شكرا لك ولصاحب البوست كل التقدير وربنا يكتب سلامة الجميع
| |
|
|
|
|
|
|
|
|
|
Re: حادث حركة مؤلم شمال الخرطوم قبل ساعة (صور) (Re: Hassan Senada)
|
| Quote: وإنتوا لقيتو الهبوب في كندا وعمان |
الأخ كانتونا سلام،
1- أظن ، وليس كل الظن إثم، أنك عنيتني بكندا وعمان لذا وددت الرد عليك.
2- لم أشر في مداخلتي لمسألة الطريق وجودته أو عدد الحارات (اللينز) وإنما عرضت
لجزئية محددة في الصوره ولحظت أنه لاوجود للشرطة في مكان الحادث أو أثر تخطيط
للحادث على الأسفلت ن يعني مجرد ملاحظة.
3- الهبوب الفي كندا وعمان أو تركمانستان لاتمنعنا من مناقشة أمور بلدنا السودان
الذي لم يغب عنا لحظة واحدة .
4- السرد الذي أتيت به عن الطرق لايبرر ما يحدث هناك من حوادث شبه يومية أدت
إلى ضحايا لاحصر لهم ، وعلى سبيل المثال طريق مدني الخرطوم الذي تتحصل منه
الحكومة ملايين الجنيهات يوميا لم يتم تعديله لمنع الحوادث التي تسببت في
وفاة المئات إن لم يكن الآلاف من أبناء وبنات الوطن رغم أن ما تم جبايته
من هذا الطريق كفيل بتشييد طريق مزدوج dual carriageway على أطرافه
زهور وبمستوى يغني عليهو سرور زي ال M62 العندكم .
يمكنك أن تسأل جهينة لتفيدك أن أي شاحنة تمر بذلك الطريق – وهو toll highway
مع اعتذاري لمصطلح هاي واي - تدفع مبلغا يصل إلى 400 ألف جنيه (بالقديم) عن
كل رحلة من الخرطوم إلى بورتسودان وبالعكس منذ عدة سنوات وهناك شركات نقل تملك
20 شاحنة تسيِّر رحلاتها يوميا على تلك الطريق وبعملية بسيطة يمكنك أن تعرف حجم
المبلغ الذي تدفعه تلك الشركة في اليوم الواحد ولك مضاعفته في الشهر ثم السنة
ثم عشر لتعرف أن ما دفعته تلك الشركة وحدها كفيل بتشييد طريق عالمي فقط بين مدني
الخرطوم وهو شريان بكل ما تحمل الكلمة من معنى ، لكن للأسف لم يحدث شئ من هذا سوى
ترقيعات بايخه تسببت في حوادث لسوء تنفيذها، ولعلمك ما أكتب هنا ليس بينة سماعية
أو حديث ( من منازلهم) أو ( ونسة كيبورد) ، فقد ذرعت الطرق في السودان إلى أقاصيه
عدة مرات ولم أغب عنه حتى العام المنصرم ، (بس ما تقول بتاع شوارع).
5- يا كانتونا، أنا عارف ناس الإنقاذ ديل ناس متدينين جدا وبخافو الله خوف شديد جدا،
ولهم في رسول الله وصحابته أسوة حسنة، بس عايزين نذكِّرهم بأنه روي عن عمر رضي الله عنه
( أقصد عمر خليفة المؤمنين الجد الجد) قال :
" والله لو أن ناقه عثرت فى العراق لسئلت عنها لم لم تسوي لها الطريق ياعمر؟ ..." ،
أها يا كانتونا تسوية الطريق دي من مهام عمر بتاعنا الذي لم يسو الطريق الذي يمر
بأم مغت وكافتيريا حافظ والمسيد وفداسي الحليماب دعك عن ذلك الذي في العراق.
6- ياخ بالله طلب أخوي ، ما تقول لشمس الدين السنوسي نكمل في المسنجر ، لم لانكتب
في هذا الشأن العام هنا؟ جيب كلامك لشمس الدين هنا لأنو بدا هنا ويجب أن ينتهي
هنا وهو حتما سيفيدني سيما أن شخصي الضعيف يهمه شأن تلك الطرق الكائنة في جبال
النوبة وكردفان ودارفور وكمية (الزفت) فيها ، ليس لأنني أدفع ضريبة منتظمة للسودان
بلغت آلاف الدولارات – وهو يستأهل أكثر من هذا - ولكن أضعف الإيمان لمعرفة أخبار تلك
المناطق وطرقها و ما آل إليه حالها وقد سافرت فيها كثيرا كطرق بقية أرجاء السودان ،
وما كنت أريد التفصيل لكن هي مناسبة لأن نقول لأحبابنا في البورض أن ثمة من يصنف الناس
هامش ومركز دون أن يعرف من أنت وأين عشت ويصادر حقك في الرأي فقط لأنك تقيم في كندا أو
غيرها وتفريعا على ذلك يأخذك على أنك ضارب الهمبريب وفاتح شبيابك الحبيب زي ما قال
محجوب ومن ثم لايجوز لك الحديث عن مشاكل الهامش أو المركز مع إنو السودان كله أصبح هامش
من حيث التصنيف .
عزيزنا كانتونا ، دعواتك معانا – يا شيخنا – إنو ربنا يصلح الطرق ومنها طريق الدلنج
هبيله وطريق الحب وطريق الشوق وكافة الطرق سواء كانت طرقا (ترابية) أو (صوفية) أو غيرها
وربنا يعدل طريقك.
رمضان كريم.
| |
|
|
|
|
|
|
|
|
|
Re: حادث حركة مؤلم شمال الخرطوم قبل ساعة (صور) (Re: محمد المرتضى حامد)
|
بكري خليفة: صحيفة السودانى
لا يكاد يمر يوم دون أن نسمع بوقوع حادث مرورى يروح ضحيته العديد من الانفس البريئة حتى بلغ العدد الالفى قتيل لعام واحد، مما يدل على خطورة الامر الذى بات يتطلب التدخل العاجل من أجل وضع حل لهذه القضية، وكانت شرطة المرور قد كشفت في تقريرها السنوي بمناسبة عيد المرور العربي أن عدد ضحايا حوادث المرور لهذا العام في السودان بلغت(1827) حالة وفاة (13) ألف مصاب اصابات متفاوتة، ولا تزال الحوادث تحصد يومياً المزيد من الضحايا، فلمن يقرع ناقوس الخطر لحوادث المرور والتي تكاد تتفوق على الأوبئة والحروب . بيان وزير الداخلية ذكر عن احتلال السودان للمركز الثالث عالمياً من حيث حوادث المرور بمعدل (حادث مروري لكل عشرة آلاف مركبة) وتسجل "مخالفة كل دقيقة" وثلاث حالات وفاة كل (24) ساعة و(10) اصابات جسيمة كل ثلاث ساعات، وعزا البيان ذلك للهجرة السكانية الكبيرة إلى الخرطوم مما أدى إلى مضاعفة قاطنيها إلى (16) ضعفا خلال العقدين الاخيرين، وزادت المركبات من (148) ألف مركبة في العام 1984م إلى (400) ألف مركبة هذا العام بالاضافة لعدم مواكبة الطرق للمواصفات العلمية لمقابلة هذه الزيادة. وكانت الإدارة العامة للمرور قد أعلنت الأيام القادمة ستشهد تركيب نظام حديث لضبط السيارات غير المرخصة إضافة لتغيير خطوط السير بالطرق الداخلية للخرطوم. وقال المسؤول بالإدارة العميد مهندس طارق عبيد مدني لدى مخاطبته (منتدى الحوادث المرورية وأثرها على الأمن الإنساني) الذي نظم بمبادرة من الأمن الإنساني وبالتعاون مع شركة شيكان للتأمين أن (85%) من حوادث الطرق سببها مستخدمو الطريق "مما يؤكد ضعف الثقافة المرورية" بين المواطنين و(7%) بسبب المركبة و(7%) بسبب الطريق، مشيراً الى أن (30%) من نسبة الوفيات يكون ضحاياها داخل المركبات بينما بلغت نسبة السقوط من المركبات (10%) من الوفيات، منتقداً النهج المتبع في تشييد واعادة تأهيل الطرق، واصفاً إياه بعدم اصطحاب التوعية المرورية. وعزا البعض أن كثرة الحوادث ناتج من استهتار سائقي الحافلات السفرية والداخلية التي غالبيتهم "شباب طائش"، بالإضافة لتهور سائقي العربات العامة الذين لا يلتزمون بقواعد السير والتخطي، بالاضافة للاتهامات التي أطلقها البعض تجاه شركات التأمين التي وصفوها بدورها السلبي في تشجيع المزيد من الحوادث وان كان بطريقة غير مباشرة، ووصف ذلك حضور الندوة الذي شن هجوماً على ادارة المرور وشركات التأمين على السواء، انطلاقاً من سؤال جوهري عما إذا كانت شركات التأمين جاءت لدفع ثمن الموت أم الحفاظ على حياة الناس. وروى كثيرون قصصاً كثيرة عن عدم المبالاة التي يبديها كثير من مرتكبي الحوادث رغم مأساويتها وفظاعتها وقالوا إن البعض ينفض الغبار عن نفسه ويجلس بعيداً ليدخن سيجارة في عدم اكتراث للحادث، مطمئناً أن لديه وثيقة تأمين سـ"تتكفل بدفع الدية واجراء اللازم". من جانبه قدَّم الاستاذ عمر الفاروق من شركة شيكان للتأمين ورقة تناولت التأمين وأثره على الحوادث المرورية، قال فيها إن شركته درجت على رد فائض التأمين بعد دفع التعويضات والمصروفات الإدارية الى المستأمنين، مبينا أن هنالك من يمنح حافز عدم الحوادث المرورية من المستأمنين وقد أوصى المشاركون بضرورة التطبيق الصارم لقانون المرور مع ادخال تعديلات جوهرية عليه ومواصلة حملات التوعية المرورية بدأ بإدخال المرور كمادة تدرس ضمن المناهج التربوية. وكانت دراسات حديثة قد ذكرت أن الفاقد الاقتصادي من حوادث المرور في الوطن العربي بلغ حوالى (24) مليار دولار كنتاج لتقدير خسائر التلفيات والاصابات والوفيات وقالت مصادر لـ( السوداني) إن هنالك مراجعة شاملة لكل الاجراءات المرورية المطبقة في السودان، وذلك من أجل الحد من الحوداث ولأجل تجويد الأداء، مضيفاً أن العقوبات التي لجأت إليها شرطة المرور لم تعد رادعة للسائقين المتفلتين، مضيفاً أن التشريعات القادمة ستعمل على الحد من كل هذه المخالفات. ونسبة لكثرة الحوداث وتكرارها المتواصل أرجع البعض القصور لشرطة المرور ونعتوها بانها ما عادت قادرة على أن تؤدي ما أوكل إليها من مهام مرورية فانصب عملها كله على العقوبات المادية المفروضة على السائقين، متخلية عن الجانب المهم وهو الجانب المعنوي الخاص بالارشاد والتوجيه والذي بتجويده يمكن لها أن تحقق شعارها الذي أطلقته لهذا العام وهو (سلامتك هدفنا) وحتى يتحقق هذا الهدف يبقى المواطن رهين إجراءات قد تطول وربما تأتي متأخرة بعد أن تحصده حوادث المرور أو تحصد عزيزا لديه .
| |
|
|
|
|
|
|
|
|
|
Re: حادث حركة مؤلم شمال الخرطوم قبل ساعة (صور) (Re: خالد كدودي)
|
الأخ خالد كدودي،
رمضان كريم،
جوزيت خيرا على إيرادك التقرير المفصل أعلاه ، ليس لأنه يتفق مع مداخلاتي السابقه
ولكن لأنه رسم لكل من يهمه الأمر صورة واقعية بالأرقام عسى أن يطلع عليها أولي
الأمر ، وهناك تصويب هو أن الوفيات في السودان جراء حوادث المرور تبلغ 5 أنفس
في اليوم أو تزيد وليس 3 ..
هذه أرقام مخيفه ،
نرجو أن يصبح دور الشرطة الإرشادي أعلى من الجزائي.
مودتي.
| |
|
|
|
|
|
|
|
|
|
Re: حادث حركة مؤلم شمال الخرطوم قبل ساعة (صور) (Re: خالد كدودي)
|
العزيز كانتونا والله عجبني كلامك شديد رغم كراهيتي الشديدة للحكومة دي(كراهية مبررة)
شوارع زي الحصل فيها الحادث دي لسه الناس محتاجين ليها في انحاء كثيرة من السودان والحوادث البتحصل في شوارع التراب والدقداق والمرضى والنساء الاتي يعنين عسر الولادة كلهم وكلهن يتعرضون و يتعرضن للموت في الطريق لبعد المسافة وغياب الطرق المسفلتة( سته متر) خصوصوا في الخريف هولأ عددهم كبير جدا
خلونا نكثر من شوارع الستة متر وبعدين بعد ربنا يفرجها نمشي للثمانية مسارات
بس خفف شوية الفساد في الطرق موجود و مستشري
ايضا هناك نقطة مهمة وهي كثافة المرور في شارع ما تحتم توسعته مثلا طريق الخرطوم مدني الذي كان هو الطريق الوحيد الي بورتسودان الي عهد قريب بخلاف السكة حديد لم تتم توسعته ابدا ولايوجد مبرر لذلك فرسوم عبور هذا الشارع تتكفل بصيانته و توسعته بلا شك
والعوج راي و العديل راي ورايك عديل
| |
|
|
|
|
|
|
|
|
|
Re: حادث حركة مؤلم شمال الخرطوم قبل ساعة (صور) (Re: Nazik Eltayeb)
|
التحية لصاحب البوست و ضيوفه الكرام.
كما نتمنى السلامة لكل من كان في هذا الحداث و لجميع اهلنا في السودان.
المحترم كانتونا
Quote: العامل المهم في الحوادث هو الإنسان. لا علاقة للطريق بالحادث. والمثل بقول: في العجلة الندامة وفي التأني السلامة.
صيانة العربة عامل بشري. القيادة بتهور عامل بشري. لنفترض أن هنالك طريق من 4 لينات وتسير فيه عربة بسعرة 160 كلم في الساعة وإطاراتها قديمة والحرارة فوق الخمسين، ماذا سيحدث؟
ينفجر إطار السيارة والباقي معروف. هل للطريق أبو 4 لينات دور في سلامة أو هلاك راكبي تلك السيارة؟
لا تلقوا اللوم على من لا لوم له. أقضوا على تسيب العامل البشري وهو الأهم والباقي على الله |
.
ما قلته صحيح 100%.
العامل الإنساني له مسئولية تفوق 80% من اسباب اي حادث مروري.
عملت في الإمارات مع شركة تعنى بالسلامة المرورية وهي شركة سويدية خليجية.
عرفت من بعض الخبراء ان أستكهولم وصلت إلى هدفها الإستراتيجي في السلامة المرورية وهو ما يعرف بال Zero fatal accident قبل اربعين سنة.
و الهدف الاساسي في هذه الخطة الإستراتيجية هي منع الأضرار الكبيرة أثناء الحادث.
حكى لي بعض المستشارين السويدين انه كثير من السنين تحدث حوادث في عاصمتهم و لكن لا يوجد اي وفيات طيلة العام.
كل هذا يتم عن طريق التوعية المرورية.
حضرت مؤتمر يعني بالسلامة المرورية عام 2005 في ابوظبي و تحدث ممثل الصحة العالمية في الشرق الاوسط و هو دكتور سوداني. تحدث بالارقام عن أسؤ المناطق من ناحية السلامة المرورية. و كانت افريقيا هي الأولى و تلتها مباشرة منطقة الخليج. و ذكر انه يجد عزرا لافريقيا بسبب قلة الإمكانيات المادية المبذولة في التوعية المرورية و سلامة الطرق. و لكن منطقة الخليج بها أحسن الطرق في العالم و أحدثها بإعتبار الإمكانيات و حداثة إنشائها. ورجع السبب الاساسي لهذه الحوادث هي التوعية المرورية.
| |
|
|
|
|
|
|
|
|
|
Re: حادث حركة مؤلم شمال الخرطوم قبل ساعة (صور) (Re: عمار يس النور)
|
Quote:
كلمه آخيره يا سلمة نسيت اقول لكم بيكون اتنفذر الطريق (الشريط) ده بالمناسبه
بنفس قيمة الطريق المتعدد المسارات بس للاسف الاموال ليجبوهم وليس للمنشأة الحقيقيه. |
المشكلة في الفساد
في العهد المايوي تبرع الشيخ زايد بإنشاء طريق بورتسودان مدني الخرطوم ، ودفع التكلفة لإنشاء طريق مزدوج وكان الغرض إهداء شئ له قيمة للشعب السوداني وبداية طريق قاري في أفريقيا ليعبر السودان إلى دول أخرى ... وكان المقرر أن يحضر الشيخ زايد شخصياً افتتاح الطريق ... ولما بلغوه إكتمال المشروع لكي يعد للزيارة المرتقبة طلب رؤية الصور من الطريق...
وكانت الصور كما تعلمون وكما ترون...
غضب الشيخ زايد لما علم بالفساد الذي تم في إنشاء الشارع ... فهو دفع تكلفة الشارع المزدوج بأكثر مما هو ممكن ولكن النتيجة عبارة عن شريط أسفلتي لم يصمد كثيرا..
ورفض الذهاب ونسى أي مشاريع يمكن أن يتبرع بها ... فصارت الهبات معلوم أنها إلى جيوب منتفعين وتحولت إلى صدقات بدلا من المساهمة في مشاريع حقيقية تنفع المواطن...وضاعت الفرصة
استفادت بلاد كثيرة من المشاريع التي كان يرغب الشيخ زايد في إنشائها لمنفعة المواطن وكانت المتابعة والتأكد من عدم وجود الفساد دافع من أجل تنفيذ المزيد من الشروعات...
وفهم الناس ذلك وأستفادوا من مشاريع ما كان يستطيعون تنفيذها لولا العون الصادق الذي يهدف للتنمية الحقيقية..
| |
|
|
|
|
|
|
|
|
|
Re: حادث حركة مؤلم شمال الخرطوم قبل ساعة (صور) (Re: المسافر)
|
| Quote: 1- تكلفة كيلو متر واحد من الطرق المسفلت تتراوح بين: 750,000 - 850,000 دولار أمريكي. (طريق بعرض 6 أمتار) |
ربنا يســلم من كان في هذا الحادث أو أي حادث آخـر
الأخ كونتانا 1
بالله أرجـو أن توضح ارقامك دي كتابة ( بالعربي ) لأني ما عرفت
الشـرطة دي فاصله عشـرية أم غير ذلك وما عاوز اتسـرع قبل توضيحك
للأرقام
هنالك نسـبة معروفة من الحوادث بسـبب الأخطاء البشـرية
ولكن يرتبـط ذلك بعوامل أخرى وليس بشـكل مطلق
فمثلا تدخل في المسـألة ( على سـبيل المثال ) درجة خشـونة أو نعومة
الشـارع , ميلان الشـارع وخاصة عند المنعطفات , اتسـاع الشـارع
العلامات الارشـادية ومن ضمنها الخطوط البيضاء والصفراء المرسـومة
على الشـارع و نوعها ( هل هي خطوط متقطعه أم مســتمرة )
جـودة رصف الشـارع , ...................... الخ
وكل واحده من ديل عندها قياسـات و مواصفات
يعني الموضوع ليس كله خطأ بشـري , وطبعا كل العوامل التي ذكرتها
لك مفقــوووووووودة في شـوارعنا, لذلك تزيد الحوادث في شـوارعنا
الكلام أعلاه دا من ناحية تصميم و تنفيذ الشـارع ,
فهل شـوارعنا السريعة أو الداخل المدن تنطبق عليها المواصفات
أما عن الأخطاء المكنيكية وجـودة الإطارات فبإذن الله ارجـع ليك ليها
لأن ســلامة الانســان والصرف عليها هي الأسـاس وليس
ورمضان كريم
| |
|
|
|
|
|
|
|
|
|
Re: حادث حركة مؤلم شمال الخرطوم قبل ساعة (صور) (Re: عبدالله احيمر)
|
Quote: قام اللواء عابدين الطاهر حاج إبراهيم مدير الإدارة العامة للمرور بزيارة مفاجئة للميناء البري، ارتدى خلالها زيّاً مدنياً واستقل أحد البصات المتجهة لمدينة كوستي عبر طريق النيل الأبيض.
وقال عابدين في تصريح أمس، إن إدارته ستعمل خلال الفترة المقبلة على متابعة الطرق القومية بواسطة قيادات شرطة المرور لضبط المخالفات المرورية التي تحدث أثناء سير المركبات وتدوين الملاحظات التي من شأنها ضمان سلامة أرواح وممتلكات المواطنين. وأوضح عابدين أنه خلال الرحلة تم تكوين عَدَدٍ من الملاحظات منها حالة البص الفنية التي أدت إلى تعطله قرب مدينة القطينة، وعدم وجود أدوات الصيانة اللازمة، بجانب صغر سن السائق وتخطيه الخاطئ داخل الأحياء، داعياً أصحاب البصات لضرورة مراجعتها فنياً قبل التحرك.
|
http://www.rayaam.info/News_view.aspx?pid=752&id=59305
| |
|
|
|
|
|
|
| |
مدثر صديق
سلمى الشيخ سلامة
قلقو
محمد المرتضى حامد
اسماء الجنيد
cantona_1
محمد على حسن
Tragie Mustafa
خالد كدودي
M A Muhagir
الصادق صديق سلمان
نوفل عبد الرحيم حسن
Shams eldin Alsanosi
عابدون محمد عابدون
محمد علي شقدي
Nazik Eltayeb
عمار يس النور
المسافر
فيس بوك
تويتر
انستقرام
يوتيوب
بنتيريست