|
|
 برنامج اغانى واغانى فى دورتة الخامسة على النيل الازرق وعلى المنبر
|
السلام عليكم ورمضان كريم ،، على الجميع ،،
بالرغم من مطالبة البعض بفتح البوست المعتاد كل سنة عن اغانى واغانى
البرنامج الشهير على قناة النيل الازرق ،، للخاااال ابوبكر ،، ولكن شكله كدا
محاربنا ،، هو ومعاهو ياقى الشله الجميلة الكانت حضور خلال السنوات الماضية ،،
اتجرأت وفتحت البوست انا عشان ما نكسر العادة ،،
كل ما يتعلق بى برنامج اغانى واغانى فى دورتة الخامسة حا يكون من خلال هذا البوست
الحايشاركنا فيه النجوم القدام الكانو مواظبين على الحضور والظهور هنا بالاضافة الى
كل الاعضاء داخل البورد وخارج البورد ،،،
والى ضربة البداية ،، ومرحب بيكم
|
|
 
|
|
|
|
|
|
|
 Re: برنامج اغانى واغانى فى دورتة الخامسة على النيل الازرق وعلى المنبر (Re: ودالعباسية)
|
اتكلم السر قدور عن رحلة الى الجنوب لى افتتاح خط السكة حديد
وكانت بتتضم كل الفنانيين الكبار فى الزمن داك ،
تغنت فى الحلقة ،،
الزكريات ،،، القمر بوبا ،، بتتغير ،، وطن الجدود ،،
الاغنية الغناها فرفور نسيتها ،،
بعد كدا نرجى الخاااال ابوبكر فى الكريبة ،، بعد ما يحن علينا ،، بى الفيديوهات ،،
ـــــــ
السنة دي فى تنافس كبير جدا بين 5 قنوات سودانية فى البرنامج الذي يقدم
بعد الافطار مباشرة ،، وذلك لجلب المشاهدين او لى تنافس برنامج اغانى واغانى
على ما اعتقد ،،
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: انور التكينة)
|
حلقة كانت وطنية جدا ورغم زحمة الفنانين الا إنو يبقى التنافس الداخلي بينهم هو متعة لنا كمشاهدين ,
ولكن اعتقد صف البنات ده طويييل شديييد..ولو انهم اكتفوا بـ منار صديق وريماز ولا بأس في شموس ( 3فنانات) كفاية جدا اعتقد ..
الذي يدعو للحيرة حقا... الحووت ماااالو .؟!!
بدا رث الهيئة...كثيف اللحية..لايتحدث ولايغني من دواخله ؟!!
ياخ والله شي محزن مايحدث لمحمود .
عموما الحلقة رائعه وبداية قوية وسيرتفع الاداء شيئا فشيئا .. دي رهبة الحلقة الاولى ساااي..
مشاهدة ممتعه..
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: انور التكينة)
|
ود التكينة حبابك ،،
الحلقة كانت فيها بعض الربكة ودا دائما بصاحب اي عمل فى البدايات ،،
لكن عشمنا كبير انه يكون احسن ،،
تعرف بنات حواء ديل ،، لانه حا يكون عبارة عن غنى بنات فانا بحب استمع ليه
من خلال التسجيلات ،، والان اغانى الحلقة بستمع ليها من احدي المواقع ،،
شفته الناس ديل سريعين كيف ،،،
باقى لينا اليوتيوب لى حلقة اليوم من اغانى اغانى ،،
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: ودالعباسية)
|
ود العباسية
بداية موفقة منك وانت تحاول لم شمل رواد بوست اغاني واغاني
وتشكر على ذلك كما نتمنى اضافة مجموعة رواد هذا البرامج معك
هنا في هذا البوست .
حلقة اليوم
كما قال اخونا محمد المرتضى حامد في ما يخص حلقة اليوم
زحمة وجوطة الى ان افقدتنا التركيز
السر قدور : كان هو نجم حلقة اليوم بقصصة الجميلة
عن قطار الوحدة وقصة قمربوبا والكاشف
محمود عبدالعزيز : خارج الفورمة اي خارج الحلقة ولكن ترقبوه
عصام محمدنور : لم يتوفق في اغنية العملاق صالح الضي رحمة الله علية
نادر خضر : لم يتوفق في القمر بوبا
طه سليمان : بعكس نادر خضر توفق في القمر بوبا لانه من ضمن اغاني خفلاته الخاصة
باقي التعليق نتركة لبقية الحضور
--------------
ود العباسية والضيوف تصوموا وتفطروا على خير
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: وليد عبد اللطيف)
|
ود العباسية ... وشلة البرنامج ... سلام .. ورمضان كريم ...
زحمة يادنيا زحمة ....
ياخي معقولة المهرجان ده ... دي زحمة مبالغ فيها ...
محمود عبد العزيز ... بذكرني تعليق ممكونة "على ما أذكر " في سميرة دنيا ... كأنه ماخد حقنة الملاريا قبل الحلقة بدقايق ...
..
تسفاي ... لسه مصر يفشلنا ... باللبس الغريب ...
وفرفور .. والهرجلة ...
أنا بصراحة ..جريت بهناك حصلت القدال وحميد وود الجبل ..
..
وبالجد شكله .. الطيب في تلفزيون السودان ح يجهجه ليك أبوكلام السنة دي ..
ورمضان كريم ..
..
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: طارق ميرغني)
|
اخي ود العباسية
كتبت في البوست الذي فتحته اليوم ما يلي
ومن باكر ان شاء الله في ضيافتك لانك كنت الاسبق
واتمني ان تتقبل اعتذاري
Quote: اعتذر لاخوتي المتداخلين والضيوف الكرام
منذ الغد باذن الله سنكون في ضيافة اخينا ود العباسيه في البوست ادناه
فالي هناك مساء الغد ثاني ايام رمضان
ورمضان كريم
برنامج اغانى واغانى فى دورتة الخامسة على النيل ...ازرق وعلى المنبر |
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: سامى عتبانى)
|
سلام و رمضان كريم
الزحمه شديده مافي داعي للحشو ده كله
عاصم زي المجبور ولا زهجان و اداء ضعيف ما معتادين عليه
فرفور شكله كان متابع البوست السنه الفاتت و غير شويه من الكواريك و لحدي هسه متفائله بلبسه
منار الصديق خلاص فسخت وشها بالكريمات
عصام محمد نور بالغ في الشده و لبس سواقين التاكسي في ابوظبي زمان
الاداء ضعيف شديد و الفرقه في جهه و الناس في جهه
الموضوع شكله ما مطمئن
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: سامى عتبانى)
|
سلام و رمضان كريم
الزحمه شديده مافي داعي للحشو ده كله
عاصم زي المجبور ولا زهجان و اداء ضعيف ما معتادين عليه
فرفور شكله كان متابع البوست السنه الفاتت و غير شويه من الكواريك و لحدي هسه متفائله بلبسه
منار الصديق خلاص فسخت وشها بالكريمات
عصام محمد نور بالغ في الشده و لبس سواقين التاكسي في ابوظبي زمان
الاداء ضعيف شديد و الفرقه في جهه و الناس في جهه
الموضوع شكله ما مطمئن
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: abubakr)
|
عليكم الله دى صورة فنان ؟؟ وفى رمضان ؟؟ وكمان فى اول حلقة فى اول رمضان ؟؟
والله بالغت يا السر قدور
كانت تكتفى بى عاصم وجمال ونادر مع الاضافة الجديدة طه
محمود شكله كان مجبور على الحلقة ومستاء وحتى بتاع الكاميراء كانت بيتحاشى تصويره .
فى الاغنية الاخيرة وطن الجدود الكل وقف من اجل الوطن لاداء الاغنية وزلنا ده كل شوية بيعاين على كرسيه متييين يقعد وبمجرد ما انتهت الاغنية وطوالى جلس .. والله كان اسواء واحد فى الحلقة زى ما قال واحد من المتداخلين أعلاه تقول ماخد حقنة ملاريا قبل الحلقة .
مهندس جمال
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: محمد علي شقدي)
|
مرحب بكل الحضور الانيق على البوست ،،
ومعذرة اذا لم ارد على كل شخص بمفرده ،، ولكن هو بوست للفضفضة ولى ابداء الملاحظات
حول البرنامج الناجح اغانى واغانى ،،،
اشكر الاخ الاكبر طارق لتفضله بى المشاركة فى هذا البوست ،، وكنت اري انه ليه الحق
فى البوست الذي ادرجه ،،،
الخاااال بكري ،، نحن لسه فى انتظارك ،، على الاقل مشاركتك لينا ،، وبرضو فى انتظار
نجوان ،، ممكونة ،، وكل العقد الفريد ،،
تشكر الاخ احمد على ادراج الحلقة كاملة ،،،
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: محمد علي شقدي)
|
الاخوة والاخوات
كل عام وانتم بخير وتصوصموا وتفطروا بخير
انا من المتابعين لهذالبرنامج منذ بداياته
الحلقة كانت طبيعية مع ملاحظة ان كثرة عدد الفنانين اعطتنا نوع من عدم التركيز
اكثر ماصدمني محمود عبدالعزيز للوهلة الاولى لم اتعرف عليه
يبدو منهك القوى وكانه خارج وعيه
في جزء كبير من الحلقة يعطيك احساس بانه قد اخذ غفوة صغيرة وعاد مرة اخرى ؟؟؟
تحس انه قد اصبح شبح من الماضي
محمود فنان كبير وانا من اشد المحبين والمتابعين له منذ بداياته وله خامة صوتية متفردة
تالمت كثيرا وانا انظر اليه
احس ان محمود محتاج للاهتمام بصحته وهيئته لانه يبدوا كانه مريض
ااسف للاطالة ولكن حبي لمحمود اصابني بصدمة عندما رايته امس وهو حتى لايستطيع الوقوف
ساعود للتعليق على بقية الحلقة
وتصوموا وتفطروا على خير
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: جمال الباقر)
|
| Quote: الإمبراطور أحمد الصادق متين؟؟؟ |
فاروق أبوحوه.. رمضان كريم عليك وتصوم وتفطر على خير..
مع احترامي لوجهة نظرك، إلا أن كلمة (الامبراطور)
كبيرة جداً جداً على أحمد الصادق..
ياخي معقول وردي وأحمد الصادق يشتركوا في كلمة (امبراطور)..
قبل كم يوم سمعت أغنية لثنائي العاصمة غناها أحمد الصادق..
(لما ترجع بالسلامة)
ولولا معرفتي لكلمات الأغنية لظننت أنها أغنية جديدة..
تشويه مؤلم جداً للحن الأغنية.. وأداء قبيح جداً
ولو سمعها السني الضوي حيموت وهو واقف طولو..
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: أيمن دياب)
|
Quote: ولكن اذا نفس البرمجة بتاعة السنة الفاتت الاعادة بتكون حوالى الساعة 1 صباحا
|
الأخ ود العباسية والإخوة والإخوات الحضور ،، تحية وكل عام وأنتم بخير ،،
فى البدء إذا كان وقت أعادة البرنامج كما هو مقتبس أعلاه ،، فإن إدارة التلفزيون غير موفق فى إختياره ،، لأن معظم أهل السودان يغطون فى نوم عميق فى تلك الأوقات ،، ثم أن وقت إنتهاء البرنامج ووقت الإعادة متقارب جداَ ،، كان فى إمكانهم أن يعرضوا الإعادة فى منتصف النهار مثلاَ أو فى حدود الرابعة ظهراَ ليكون متاحاَ لمن فاتهم العرض عند بداية المساء .
ثانياَ : كان ظاهراَ أن الفتاة السودانية متمثلة فى العنصر النسائى الحضور فى الأستديو أصبحت تهتم بلبسها ومكياجها بصورة مريحة وبالوان جذابة غير صارخة ،، والفارق كبير جداَ بين الأناقة الرجالية والأناقة النسائية ،، وبعض الفنانين يجرحون الجماليات بملابسهم الغريبة التى لا نستطيع تصنيفه ( أى اللبس ) لأى جهة ينتمى ولا من أى ترزى خُيط .
ثالثاَ : أعتقد أنه من المفترض أن يعطى فرصة للفنانين والفرصة التالية للفنانات ،، المسألة فى إعتقادى هى فى الأداء جملة وإنتهاءاَ ،، ولا أتصور أن الفنانين فقط هم من يملكون جودة الأداء .
رابعاَ : أعتقد بأن المقدم قدور وكذلك ضيوفه من الجنسين مطالبون بالحديث بعض الشىء عن الأغنية او الفنان نفسه أو الملحن أو الظرف الذى تغنى فيه الأغنية بين كل أغنية واخرى ،، النط سريع جداَ بين كل أغنية وأخرى .
خامساَ : لماذا الأتيان بهؤلاء الفنانين تحديداَ فى كل عام ؟؟ أليس هنالك غيرهم فى الساحة .
رابعاَ : تغيب عن حلقات الأعوام الماضية وأعتقد كذلك فى هذا العام الأغانى السودانية الغير عربية ،، عن نفسى أتحدث عن الأغنية النوبية أليس لتلك الأغانى جماليات وإحداثيات وقصص وألحان شجية جميلة وتاريخ تحتاج توثيقها كذلك ضمن مكونات الثقافة والأغنية السودانية ؟؟
أكتفى بهذا حتى لا أعكر للناس صفوتهم فى هذا البوست الجميل ،،
ماهر
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: ودالعباسية)
|
شكرا ودالعباسية يا فنان علي الرد
و اخيرا ممكن نشارك معاكم في القصة دي لانو لاول مره منذ إختراع قناة النيل الازرق
اشاهد حلقة من البرنامج ده لايف (ما عندي النيل الازرق في المحطات بتلفزيون البيت)
تابعت عن طريق لنك القناة بعد ان هداني عليه الصديق مخرج البرنامج الحفنان مجدي عوض
في زيارته الاخيرة لامستردام.
استحملوني يا شباب سؤال فني تاني
اغاني و اغاني ده اصلا طريقتو كده ؟
كل حلقة عن موضوع - حلقة اليوم و حسب ملاحظتي كانت عن الالوان - صححوني
استاذ السر قدور بقترح اغنية و بتتغني بدويتو من الشباب الفنانيين ؟
هل اغاني و اغاني بتم كل السنوات الفاتت بالطريقة دي ؟
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: ودالعباسية)
|
شكراً ود العباسية على البوست
بقى تقليد حميم من تقاليد رمضان
(+)
+ الديكور جميل وألوانو متناسقة ومريحة للعين
+ هندسة الصوت جيدة جداً
+ غناء بتناسق تام وعفوية بنفس الوقت مما يعني بروفات جادة سبقت التسجيل
+ تحسن ملحوظ في المظهر العام من ناحية الألوان وإختيار الملابس إلا قليلاً
+ طه ومحمود عبد العزيز "لغاية ما يفتّح" وباقي البنات إضافة كويسة للبرنامج
(-)
- حركة الكاميرا والـ rotation سيء والتصوير من بعيد خالص وهم كتار، ما عارفة عدد الكاميرات الثابتة والمتحركة كم !
- الشباب قاعدين أو (مجدعين) في الكراسي بإهمال ولا مبالاة غريبة، على عكس البنات كلهم قاعدين وظهرهم مشدود بشكل لائق وبه كثير إحترام للمشاهدين
- إشارات فرفور وعصام التوجيهية الكثيرة لباقي الزملاء مفروض إنها من مهام المخرج
ــــــــــــ
حلقتين أمس والليلة إختيار الأغاني فيهم موفق
وطن الجدود بكتني عديل ودخلة عاصم البنا بعد الرمية فيها حرفنة
بصراحة شباب يبهجوا القلب أصواتهم حلوة وأرواحهم أحلى
كدي نشوف الجاي شنو
سلام للجميع ورمضان كريم ،،
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: تيسير عووضة)
|
مساكم خير ياشباب ...
حلقة اليوم .. فعلاً فيها حاجات حلوة ...
وأحسن حاجة غياب محمود عبد العزيز ... قطع شك بكون بياخد في حقنة الملاريا ...
..
.. في أغنية "خداري" .. منال وشموس ... كانت عندهم حاجات صغيرة عملوها في الأغنية .. كانت جميلة جداً ..
ويستفتى في هذا الأمر مالك (خدر) مادام متواجد بهنا ... بقيةالبنات .. أداءهم كان تقريري ..
تسفاي لابس كويس اليوم ...
رماز ... وكمية الألوان - التعليق محول لــ عضوات شلة البوست للإفتاء الفني ...
درر الإنبراش في أسباب وجع الفشفاش :-
1- صناعة العصاير والبوهيات في السودان .. وعمل الدعاية المصرية لها ..
2- الدعاية لإسبيرات العربات .. والشاحنات .. بـ حاجة مسخ لأغاني وتقطع القلب ..
3- البند الأول + الصابون ..
..
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: حاتم يوسف العبيد)
|
مرحب بكل الحضور فى حضرة اغانى واغانى ،،
وبالاخص ممكونة مرحب بى عودتك ،،
وحلقة الليلة عايزين ليها تلخيص ،،، كااارب كدا ،،
انا ببداء ليكم ،، مع انى ما قاعد احفظ ،،
ابتدات الحلقة كالعادة ،، وكانت عن اللون الخداري ،،
وتغنى فرفور بصورة جيدة بى اغنية ( خداري ما بخلى )
ثم كانت الروعة فى اغنية خداري اداء قرووب البنات انا بديها 10/10
ثم غنى عاصم ،، لون الدهب
وتغنى نادر وعصام محمد نور بى اغنيو محمد الامين اسمر جميل
وتغنى احمد الصادق وشريف الفحيل بى اغنية الساده لونو خمري
وكان الختام مع طه سليمان الذي تغنى بكل اريحيه ،، اسمر لونه لادن جسمه
فكانت حلقة رائعة من حيث المظهر العام والاغانى المختارة ،، والحفظ والفرقة
الموسيقية الكان فيها عضو جديد عليها وهو العازف ( الكردفانى ) ما عارف اسمه منو !
فاطلقت عليها الحلقة الانيقة ،،
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: ودالعباسية)
|
يا خدر تحياتي
(هل حلقة اليوم إتغنى فيها اغنية اسمر لمحمد الامين
والان اغنية اسمر لونو لادن جسمو ؟
ولا ده تسجيل ؟
استحملوني يا شباب سؤال فني تاني
اغاني و اغاني ده اصلا طريقتو كده ؟
كل حلقة عن موضوع - حلقة اليوم و حسب ملاحظتي كانت عن الالوان - صححوني
استاذ السر قدور بقترح اغنية و بتتغني بدويتو من الشباب الفنانيين ؟
هل اغاني و اغاني بتم كل السنوات الفاتت بالطريقة دي ؟)
شكل (التصاعدي الدرامي) بتاع أسئلتك دي زي الداير تصل لي : قوموا لفوا بالله
شكرا لفاتح البوست ود العباسية
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: ودالعباسية)
|
الاخ العزيز ود العباسية
الاخوة الافاضل الذين اثرو هذا البوست بملاحظاتهم القيمة
لكم جميعا سلامي وتهاني الشهر المبارك وكل عام وانتم بألف خير
فكرة التوثيق لهذا البرنامج الهادف والجميل الذي ياتينا كل رمضان يستحق القائمين علي امرها اوسمة التقدير
البرنامج لابد ان يكون بهذا الابهار حيث يجذب ارقاما لا يستهان بها علي امتداد البث الفضائي حيث يستكين الملايين من السودانيين
امام الشاشات في الداخل وفي جميع المهاجر للاستمتاع بتقديم راقي ومعلومات ثرة واسلوب جاذب في الطرح حيث يمثل فيه استاذي القدير
الاديب والشاعر والمطرب والملحن الاعلامي القدير السر قدور (كتيبة فنية ذاخرة بالمعرفة والعطاء) واخاف مثل غيري من الزملاء الا نعطي الرجل
حقه كاملا فيما قدمه لسنوات طويلة وما سيقدمه لآعوام قادمات بأذن الله اثراء لذوق المتلقي عامة والمثقف علي وجهة التخصيص
فلك مني كل احترام والقومه ليك استاذي الفاضل السر قدور
الاخ العزيز مجدي عوض صديق يكفي ان تمارس هذا الفن الراقي متسلحابالمعرفة والعلم اضافة لفعل الجينات التي تجري في دمك تجعلك تفعل فينا فعل
الساحر امام جمهور المتفرجين
الاخوة الاعزاء مهندسو الديكور حقيقة لم ار اجمل من ذلك
كذلك يمتد الابهار للاخوة في الاضاءة وخلف الكاميرات وعمال استديو اجزم بأن كل فرد ادي دوره علي اكمل وجه
فلكم جميعا السكر اجزله ومزيد من النجاح وكل عام وانتم في قدمة الفضائيات صوتا وصورة ومضمونا
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: أيمن دياب)
|
Quote: فاروق أبوحوه.. رمضان كريم عليك وتصوم وتفطر على خير..
مع احترامي لوجهة نظرك، إلا أن كلمة (الامبراطور)
كبيرة جداً جداً على أحمد الصادق..
ياخي معقول وردي وأحمد الصادق يشتركوا في كلمة (امبراطور)..
قبل كم يوم سمعت أغنية لثنائي العاصمة غناها أحمد الصادق..
(لما ترجع بالسلامة)
ولولا معرفتي لكلمات الأغنية لظننت أنها أغنية جديدة..
تشويه مؤلم جداً للحن الأغنية.. وأداء قبيح جداً
ولو سمعها السني الضوي حيموت وهو واقف طولو.. |
أيمن يا حبوب:
ربما كان السؤال إستنكاري ولكنك ذهبت بعيداً ..
المهم كما قلت أنت هذا اللقب لا يتماشي مع أحمد وبعيد عنه وانا معك في ذلك ..
ولكن حسب رأي الشخصي
أحمد غنااااااي .. ويطربني جداً ..
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: فاروق أبوحوه)
|
اخي ود العباسيه والضيوف الكرام
اسف لتاخري ووصلت المنزل قبل دقائق وكلي شوق للقائكم
حلقة اليوم عن الوان البشر وتحديدالوان الحسان....
اجمل ما قرأت في هذا المجال ما كتبه الاديب الدكتور بشري الفاضل
في سبعينيات القرن الماضي عندما كتب قصة البنت التي قد طارت عصافيرها وقال عنها
قمحية لا كلون القمح الذي نعرفه ولكن كلون القمح حين يكون قمحيا مثلها
وقال شاعرنا:
اخدر لونا اخدر تاجا
خل نظهرلك استنتاجا
الالوان جميعو نتاجا
كلها للخدار محتاجا
اليوم اعجبني فرفور في ادائه لخداري
عدد المطربين الكبير سيكون عائق كبير لاظهار ابداعاتهم الصوتية
اؤيد حديث تيسير عووضه عن توجيهات فرفور وعصام التي لا معني لها
افتقدت كثيرا عازف العود المبدع عوض احمداني
والعازف الحالي هو عبد الله الكردفاني وهو بالمناسية مطرب وله تسجيلات عديده في الاذاعة السودانية
الاستاذه احسان عبد المتعال
السر قدور لا احد يستطيع ان يطعن في خبرته الطويله في مجال الشعر والغناء وحتي التمثيل وربما
الصغار منكم لم يستمعوا اليه ممثلا
الحق لله من اجمل الدراميين الذين حضرت لهم اعمال في الاذاعة السودانية
لكن فقط نرجوه ان لا يغني
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: ودالعباسية)
|
| Quote: اؤيد حديث تيسير عووضه عن توجيهات فرفور وعصام التي لا معني لها |
لو لا توجيه فرفور لمنار صديق حول الكوبليه الخاص بيها في خداري البي حالي ماهو داري كانت الأوركسترا وقعت في النيل, أرجع للكوبليه دا يا طارق فمنار صديق عندها مشكلة "زمن" مع نوع من الإيقاع و الأغنيات و ما بتعرف متين تدخل و متين تمرق ربما يكون لتعودها على إيقاع السيرة أكتر!
| |
|
|
|
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: طارق ميرغني)
|
الاستاذ ياسر تمتام
Quote: أهلنا الطيبين سلام
رمضان كريم عليكم و تقبل الله صيامكم
حقيقي كلام إحسان و جميع المشاركين عين
العقل ، وأرجو من المستمعين إعطاء الفرصة
لأخواننا الفنانين ليأكدو حبهم لكل جميل
يتغنون به ، فصبرا يبل الآبري يا ناس
وهي مجموعة حلوة نتمنى لها التوفيق |
قبل كل شيء تصوم وتفطر على خير
ياخي البرنامج به زحمة ماعادية ويوجد ناس مافي ليهم داعي
على الاقل كان يكون في تنوع في الاصوات
مثل البنات كلهم اصواتهم واحدة زحمتهم مافي داعي ليها
اما الشباب الفنانيين احيانا غناهم كانهم بيقروا في قصيدة
كما تعلم هناك فرق بين القراءة والغناء
كما يغني احمد الصادق والفحيل اغنية السادة لونو خمري
وود البنا يغني وينو السمح بطريقة ( خوجلي عثمان )
اما صاحبنا فرفور ياريت تنبه ولاننسى دعمك له في بداياته
حين تخرجون به الى الحفلات لكي يظهر .ان يبطل( فرفرة )
وماهي قصة محمود عبد العزيز وضياعة الملفت للنظر
| |
|
|
|
|
|
|
| |
ودالعباسية
محمد المرتضى حامد
Elfatih Noureldayem
motaz
SHIBKA
انور التكينة
عطية المحسي
وليد عبد اللطيف
Alsa7afa_30
المعز ادريس
سامى عتبانى
Dania Elmaki
abubakr
جمال محمود
علاء الدين صلاح محمد
Ahmed Hashim
محمد علي شقدي
خالد عبد الله محمود
شهاب الفاتح عثمان
ايوب عبدالرحيم
الهادي محمد ابراهيم
فاروق أبوحوه
عفاف الصادق بابكر
جمال الباقر
khaleel
mamkouna
خدر
تيسير عووضة
بلدى يا حبوب
Maawya Hussein
معاوية الزبير
إحسان عبدالمتعال أحمد
yasir tamtam
عمران حسن صالح
فيصل نوبي
عزام حسن فرح
أيمن التوم حسن
فيس بوك
تويتر
انستقرام
يوتيوب
بنتيريست