بريمه وشول وكل ابناء البقاره بالمنبر من دارفورين وجنوبين وكردفانين
كدي افتنوا الناس ديل منو؟؟ حقيقي انا لولا مكتوب ارتريا لما صدقت ممكن اقول اثيوبيا ولكن لم اعرف بارتريا مناطق بهاافيال و وغابات استوائيه خضراء مثل هذه!! والاكثر دهشةطبعا المشاط يشبه مشاط الامبرروا ومشاط رايته بصور بعض بنات البقاره البنشرها بريمه هنا.
لفت نظري ايضا عقود السكسك باعناق الرجال تشبه سكسك بعض قبائل الجنوب
وسكسك الامبرروا ايضا و عرب البقاره عموما.
رقص الرجال....ووقع خطواتهم شبهت لي رقصة المردوم....الكردفانيه!!
يا لهذه الافريقيا.....لو وضع الناس الرحمن في قلبهم يمين الله كلنا امه واحده.
09-27-2010, 03:25 AM
Tragie Mustafa Tragie Mustafa
تاريخ التسجيل: 03-29-2005
مجموع المشاركات: 49964
تراجي..حبابك يا صديقة كل سنة و انتي طيبة يا تراجي.. عارفة ، من الطرائف ، اهلك المسيرية عندهم نسبة قاطعنها من راسهم بتقول.. مسيرية (بقارة ناس حامد شارف) مسيرية طوال ( ياهم ناس شول ديل ذاتهم ياخي).. مسيرية قـُصار ( ديل ناس عبد الغني بريش و عامر جابر)..!!
كويس يا تراجي انك تتفرجي على ماوراء الصورة..فهي تحكي الكثير..
ياهم ديل اهلك البقارة في مالي..و ديل اول ناس علموا بقارة السودان سعاية البقر..يعني ناس الشي ذاتا على قول المغنية السودانية..
التحية للفنانة حواء بيلو..و الفيديو ده كنت داير احتفظ بيهو للكلام عن القرع.. المهم اتفرجي فيهو كويس..
كبر
09-27-2010, 08:01 AM
Kabar Kabar
تاريخ التسجيل: 11-26-2002
مجموع المشاركات: 18547
و هنا يا تراجي ..المردوم..و لكنه مدبلج.. ما عارف ناس السودان ليه ما دايرين يعملوا فيدوهات حية.. اما اهلنا ناس ارتريا تكون عجبتك فيهم (الحـزّامة) و دي اسألي منها كباشي أو بريمة..
كـبّر
09-27-2010, 12:38 PM
بريمة محمد بريمة محمد
تاريخ التسجيل: 04-30-2009
مجموع المشاركات: 13471
لاحظى فى الفيديو الذى أحضره الأخ عبدالقادر دنقس .. كتب أحد المتداخلين الكلمات التالية:
Quote: Eritrea should be a model country to this damn world on how Muslim and Christians live in harmony and peace. Man, I am very proud to be an Eritrean.
Asamarino thanks for your hard work and Wedi Druf... go brother, go Ash!! ash!! ash.... I love you all my people!!!
dahlaker 3 years ago 9
مناطق التماس هى مناطق تعايش سلمى وتلك هى طبيعة الناس هناك ... تفردت مناطق التماس بأحترام الأديان وكريم المعتقدات .. وهى مناطق سكن البقارة من غرب أفريقيا إلى شرقها ..
بريمة
09-27-2010, 02:36 PM
Tragie Mustafa Tragie Mustafa
تاريخ التسجيل: 03-29-2005
مجموع المشاركات: 49964
Quote: تراجي..حبابك يا صديقة كل سنة و انتي طيبة يا تراجي.. عارفة ، من الطرائف ، اهلك المسيرية عندهم نسبة قاطعنها من راسهم بتقول.. مسيرية (بقارة ناس حامد شارف) مسيرية طوال ( ياهم ناس شول ديل ذاتهم ياخي).. مسيرية قـُصار ( ديل ناس عبد الغني بريش و عامر جابر)..!!
كويس يا تراجي انك تتفرجي على ماوراء الصورة..فهي تحكي الكثير..
تسلم يا اخي على تثقيفنا حول انسابهم المقطوعه من الراس (هههههه) وياهم فعلا كلهم بقاره.
Quote: ياهم ديل اهلك البقارة في مالي..و ديل اول ناس علموا بقارة السودان سعاية البقر..يعني ناس الشي ذاتا على قول المغنية السودانية..
يا سلام يا هم فعلا اسياد الشيء ذاتا!!
وعراف يا كبر الفيلم وين تلقاهم رغم انهم ما بتلكموا عربي لكن بينسبوا روحهم للعرب برضو وعاصرين لك على بقية اجناس مالي وطالعين فوق راسهم!
اعجبني الشفع الصغير بتاع العراقي الاخضر ياهو فعلا نفس القرعه بتاعت الشراب لاي ود امبرروا.
الرخاء يبدو دوما على البقاره(الله يزيدهم) بقاماتهم القويه وهم على فكره غير عن الآباله العطشانين وقاماتهم نحيله. (اها ما سمعونا ناس بدر السنوسي وناس محمد سليمان)(هههههه)
القامات القويه دي عندها شغل ثاني بتؤدي للتمتع بالحياه وبالتالي ابدعاتهم الشعريه و الغنائيه وفنون الحياة عامة. حامدين شاكرين ربهم.....كل شيء تهبشه الا بقرهم!!
09-30-2010, 12:30 PM
بريمة محمد بريمة محمد
تاريخ التسجيل: 04-30-2009
مجموع المشاركات: 13471
محمد آدم الحسن يا سيد الجمال شكرا على مرورك وكدي الحقنا بنبذه بسيطه عن الفاتنه بهذه الصور من اي بلاد العالم هي واي القبائل؟؟!! يا لابتسامتها الساحره من القلب.
09-30-2010, 02:48 PM
محمد عمر الفكي محمد عمر الفكي
تاريخ التسجيل: 10-15-2006
مجموع المشاركات: 7313
ام حازم عليك الله وصية لبريمة شايف في العربية الصباح قبائل المسيرية هددت بانها ستحارب اذا لم يسمح لها بالمشاركة في الاستفتاء على ابيي وهو المتوقع حدوثه فلاقدر الله اذا نفذ المسيرية تهديدهم فارجو ان ارى بريمة وقد امتطى اول طيارة راجعة للسودان مع خالص تمنياتي له باحدي الحسنيين.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Tragie Mustafa
Kabar
بريمة محمد
محمد ادم الحسن
محمد عمر الفكي
فيس بوك
تويتر
انستقرام
يوتيوب
بنتيريست