|
|
|
 Re: الجنوبي البــــــــــــــــدون (Re: أحمد ابن عوف)
|
هذا ما هدد به المؤتمر الوطني، بانه في حالة الانفصال
ستسقط الجنسية عن المواطن الجنوبي اتوماتيكلي!!
يعني لو في جنوبي شايل جنسية سودانية او جواز سفر او بطاقة شخصية
يسبلها ويشرب مويتها
فهو الآن بـــــــــــــــــــدون
| |
 
|
|
|
|
|
|
|
|
Re: الجنوبي البــــــــــــــــدون (Re: أحمد ابن عوف)
|
Quote: وقد سمعنا همهمات من هذا القبيل من قبل، بان النوبيين ليسوا
سودانيين
|
Quote: (بالعربي) كدا لو كنت تتحدث لغة اخرى غير (العربية)
يعني رطاني، فقد تكون بـــــــــــــدون قريبا
|
بان النوبيين ليسوا
سودانيين ???
ايوا ، ما سودانيين ،
نحن كوشيين ،
والإسم العربي العنصري دا لازم يتغير.
والعاوز يعملنا بدون ،
خليهو يجرب ، والله نخليهم زي أجدادهم ديك،
والله ما ياخدو معانا ضحوية واحدة ،
إلا كل واحد منهم يقعد بي عين واحدة.
نحن رماة الحدق (ساتي)
تحياتي
| |
|
|
|
|
|
|
|
|
|
Re: الجنوبي البــــــــــــــــدون (Re: أحمد ابن عوف)
|
والله ما فهمتك عاوز تصل لي شنو؟
او عاوز تقول شنو؟
يعني بعد ما يصوت الجنوبي للانفصال ويختار وطن غير الموحد الان نربت على كتفه ونقول له بشئ وتعال تمتع بما كنت تتمتع به في السابق؟
ام نقول له كفاك فقد اصبحت غريبا باختيارك ورفضت العيش في الشمال كوطن لك وما عليك الا ترتيب اوضاعك والتوجه لبناء دولتك الجديدة ومبروك وسعيد عليك
من انت في هؤلاء
حيرتنا؟
| |
|
|
|
|
|
|
|
|
|
Re: الجنوبي البــــــــــــــــدون (Re: توفيق عبد المجيد)
|
اخوي ساتي
مسكاقنا
Quote: بان النوبيين ليسوا
سودانيين ??? |
نعم، سمعناها كثيرا، ويقولون تأدبا برابرة
ولا نرد عليهم ترفعا
التحية لكوش (انا ومجموعة بصدد عمل مركز ثقافي باسم كوش)
ولبعانخي العظيم
لكن الحذر الحذر، فلا نريد ان نقول اكلنا يوم اكل الثور الابيض
| |
|
|
|
|
|
|
|
|
|
Re: الجنوبي البــــــــــــــــدون (Re: أحمد ابن عوف)
|
الاخ توفيق
Quote: والله ما فهمتك عاوز تصل لي شنو؟
او عاوز تقول شنو؟ |
تصريح الحكومة باسقاط الجنسية عن المواطن الجنوبي في الشمال هو ما سيخلق
وضع قانوني ودستوري معقد، لذا اردنا التنبيه له بهذا البوست
وهذا غرضه لا اكثر لا اقل
اتفاقية الاستفتاء واضحة، اذا كان التصويت بالانفصال فسيعتبر نواب الجنوب
في برلمان الشمال بحكم من قدموا استقالتهم، وايضا لن يصبح سلفاكير النائب
الالول لرئيس الجمهورية، وهذا متفق عليه ومعلوم ولم تعترض الحركة الشعبية عليه
بل وقعوا وبصموا عليه بالعشرة وتركوا بقية الاحزاب تتجارى في ازقة امدرمان
ايام مظاهرات الاثنين الشهيرة.
لكن لم يرد اي حديث عن سحب الجنسية من الجنوبي، هذا هو الجديد
| Quote: يعني بعد ما يصوت الجنوبي للانفصال ويختار وطن غير الموحد الان نربت على كتفه ونقول له بشئ وتعال تمتع بما كنت تتمتع به في السابق؟ |
ومن قال لك ان اي جنوبي في الشمال سيصوت للانفصال، فقد يصوت البعض للوحدة
فلماذا تأخذ الكل بجريرة البعض اكانوا في الشمال او الجنوب
| Quote: ام نقول له كفاك فقد اصبحت غريبا باختيارك ورفضت العيش في الشمال كوطن لك وما عليك الا ترتيب اوضاعك والتوجه لبناء دولتك الجديدة ومبروك وسعيد عليك |
ولماذا لا تمنحه حق الاختيار بين (الاحتفاظ) بجنسية الشمال ام احتيار الجنسية الجديدة
جاوبتك وان لم تكن اجابتي كافية فلك ان تعيد سؤالي عشرين مرة ان احببت
انا زاتو متحير، تعال نسال الحكومة
| |
|
|
|
|
|
|
|
|
 Re: الجنوبي البــــــــــــــــدون (Re: أحمد ابن عوف)
|
Quote: هذا ما هدد به المؤتمر الوطني، بانه في حالة الانفصال
ستسقط الجنسية عن المواطن الجنوبي اتوماتيكلي!!
يعني لو في جنوبي شايل جنسية سودانية او جواز سفر او بطاقة شخصية
يسبلها ويشرب مويتها
فهو الآن بـــــــــــــــــــدون |
والله دة عين المنطق بغض النظر عن قائله المؤتمر الوطني ام المواطن الشمالي او الجنوبي الذي فعلا سيصبح من رعايا دولة اخرى
واذا كان الانفصاليون منهم يهللون بالوطن المقطوع لهم فهبيئا لهم بخيارهم
اما اذا كانت النتيجة الوحدة فهم اهل حقوق لهم ما كان لهم قبل الاستفتاء
دعنا نضرب المثل بامراة طلبت مت زوجها الطلاق وتم لها الانفصال عنه
هل لهذه المرأة نفس ما كان لها من الحقوق قبل طلب الطلاق
هل عليه نفس الواجبات تجاهها
بالله دعونا نكون منطقيين اذا اختار الجنوب الانفصال لن يكون الحال كما هو عليه الان من حيث الحقوق والواجبات
وهذا اوضاع قانونية معروفة وهناك سوابق على مستوى العالم كما في حالة اريتريا واثيوبيا ولا مجال للعواطف الكذوبة
واين هي العواطف عندما يختار ابن الوطن الواحد الانفصال عنه
هذا يعني انه يشعر بان هذا الكيان لا يشبهه ويحتاج لبناء كيان خاص به يمثل تطلعاته ولذلك عليه ان يتحمل كامل مسئولياته تجاه خياراته (ولا تنتطح عنزتان في هذا)
| |
|
|
|
|
|
|
|
|
|
Re: الجنوبي البــــــــــــــــدون (Re: توفيق عبد المجيد)
|
الاخ توفيق
تحياتي
واشكرك على مواصلة الحوار وطرح افكارك بكل شجاعة
اولا يا اخي الكريم يجب التفريق بين البشر والارض الديون
وقسمة السلطة والثروة
الارض والديون و و الخ من السهل قسمتها وترسيمها في الدفاتر او الارض
لكن البشر احرار يا صديقي، الانسان ولد حرا ويجب ان يحافظ المجتمع
على حرية افراده واخياراتهم واحترامها، فهؤلاء الجنوبيون ليسوا غنما
او نقدا او عبيدا لنقرر من سيرثهم بعد الانفصال، نحن نتكلم عن بشر
فباي مشيئة تجي وبكل صلف واستعلاء ان يقرر كائنا من كان ان يسحب
الجنسية منه فقط لانه يريد ان ينتقم
لا يوجد قانون في الدنيا يمكن ان يسمح لاي حكومة ان تسحب الجنسية
من شخص من توفيق لاوضاعه القانونية والدستورية
في 1956 تم اقرار ان اي شخص موجود على الاراضي السودانية في 1 يناير 1956
فهو سوداني، وبي كده تم قفل الباب لاي مزايد من المزايدين
وهذا ما يجب ان يكون عليه الحال، في 11 يناير 2011 اي شخص موجود شمال
الخط له الحق ان يحتفظ بجنسيته، واي شخص جنوب ذلك الخط له الحق في الحصول
على جنسية الجنوب ايضا.
طيب ازيدك من الشعر بيت، من قال ان الجنوبي لم يكن يعيش في الشمال؟؟
الشلك كقبيلة معروف توغلها شمالا الى الخرطوم منذ قديم الزمن، فاذا كان
قد تركها ورجع الى غاباته في اعالي النيل لاسباب معلومة للجميع ان نقول
له لا، انت لست سوداني، الزول دا سوداني اكتر من اي عربي في الشمال
العرب هم آخر الوافدون الى الاراضي السودانية، فمن اين يحق لهم توزيع صكوك
الهوية لعى اصحاب البلاد الاصليين
بلغة تانية، الجنوبي هو من تخلى عن ثلثين بلاده للوافدون الجدد وقبل بالثلث فقط ليعيش
في سلام. وبعد ده كله دايرينو يكون لافي سااااكت، بـــــــــدون؟؟!!
| |
|
|
|
|
|
|
|
|
|
Re: الجنوبي البــــــــــــــــدون (Re: أحمد ابن عوف)
|
ابن عوف سلام: لدي اسرة صديقة تعرفت عليهم حديثا من تشيكسوفاكية (سابقا) او الزوج ماريوس من التشيك/ وزوجته الكسندرا من السلوفاك تعرفا على بعض بعد ان انفصل التشيك عن السلفاك/ وقد حكيا لي بان الانفصال عندما وقع لم يكفر احدهم الاخر او يخونه (بتشديد الواو) ولم يقول احدهم للاخر سامنع عنك الحقنة والشاش/ بل انفصلوا من داخل البرلمان بكل ادب واحترام وتمني السلفاك التوفيق للتشيك والعكس واقيمت الالعاب الناريةعلى الحدود عنوا وسكروا واحتسوا الجعة وهناك تعرف ماريوس على الكسندرا وتزوجا لا مشاكل حدودية ولا بطيخ بينما نحن زي ماشايف لحم راس وانبلش لك الود.
| |
|
|
|
|
|
|
|
|
|
Re: الجنوبي البــــــــــــــــدون (Re: محمود الدقم)
|
Quote: هذا ما هدد به المؤتمر الوطني، بانه في حالة الانفصال
ستسقط الجنسية عن المواطن الجنوبي اتوماتيكلي!!
يعني لو في جنوبي شايل جنسية سودانية او جواز سفر او بطاقة شخصية
يسبلها ويشرب مويتها
فهو الآن بـــــــــــــــــــدون |
الظاهر انك ما فاهم معني كلمة البدون..........
لان ما عندو علاقة بالمواطن الجنوبي اذا قرر العيش في دولة الشمال.......
لانو ببساطة شديدة وبعد الأنفصال سوف يتحول الي أجنبي(مواطن من دولة أخري)...وليس الي بدون(والذي هو مواطن ليس له دولة).........
أنشاء الله فهمت عشان ماتفضح ضعف فهمك وسوء نيتك......
حكمة اليوم
من الجهل ما فضح
| |
|
|
|
|
|
|
|
|
|
Re: الجنوبي البــــــــــــــــدون (Re: توفيق عبد المجيد)
|
| Quote: ثم يصرون على المشاركة في حكم دولة رفضوا الانتماء اليها |
اللخو شارب حاجة......ولا دي حالتك كدي...................
الكلام عن المواطن الجنوبي العادي......زول الله العاوز يعيش في الشمال وبس
من القال لك زي دي داير يحكم.........
المشاركين في حكم الشمال دايرين يسيبوا ويمشوا الجنوب.........
عالم غريــــــــــب......وفهمها عجــــــــــــيب
| |
|
|
|
|
|
|
| |
أحمد ابن عوف
توفيق عبد المجيد
محمود الدقم
PLAYER
فيس بوك
تويتر
انستقرام
يوتيوب
بنتيريست