عصيان عصيان حتي نسقط الكيزان
إلى شباب ثورة العصيان المدني: الحرية لا تقبل المساومة!
منبر التجانى الطيب للحوار بواشنطن يقيم ندوة بعنوان الازمة السودانية و افاق التغيير يتحدث فيها على الكنين
العصيان المدني...... تجميع فيديوهات للتوثيق ومزيد من النشر
19 ديسمبر .. إني أرى شعباً يثور !!
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-07-2016, 12:38 PM الصفحة الرئيسية

مدخل أرشيف الربع الأول للعام 2007م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

قصيده للقدال لو سمحتم

04-03-2007, 08:25 PM

Luay Elhashimi

تاريخ التسجيل: 11-29-2004
مجموع المشاركات: 308

للتواصل معنا

FaceBook
تويتر Twitter
YouTube

كيف احذف مداخلة من بوستى
قصيده للقدال لو سمحتم

    ابحث عن قصيده الشاعر محمد طه القدال ...اظن ان عنوانها اغنيه للاطفال

    بعض من ابياتها

    قمر الحلا الضوا .... القنديل شن سوا

    وايضا

    نحن اولاد قدامي..... لاعبين عسكر وحرامي

    شكرا مقدما
                   |Articles |News |مقالات |بيانات

04-03-2007, 11:14 PM

Luay Elhashimi

تاريخ التسجيل: 11-29-2004
مجموع المشاركات: 308

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: قصيده للقدال لو سمحتم (Re: Luay Elhashimi)

    still
                   |Articles |News |مقالات |بيانات

04-04-2007, 02:14 AM

خطاب حسن احمد
<aخطاب حسن احمد
تاريخ التسجيل: 03-24-2007
مجموع المشاركات: 464

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: قصيده للقدال لو سمحتم (Re: Luay Elhashimi)

    ..
    ...الأخ لؤى ..
    ..سلامات..
    بعد الإذن طبعا ..
    ..
    .. ..نحن أهل الفرحه جينا..
    ...معاك كيف.!!
    ..
    سلامات
    ..
                   |Articles |News |مقالات |بيانات

04-04-2007, 03:35 AM

munswor almophtah
<amunswor almophtah
تاريخ التسجيل: 12-02-2004
مجموع المشاركات: 18556

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: قصيده للقدال لو سمحتم (Re: خطاب حسن احمد)

    محمد طه القدال : بين الخليفة وأمونة بت حاج احمد

    وانتى فى كل الخواتم والمياتم
    والنجيمات والعواتم
    ما حزنت اقول بكيتك
    ونحن فى حزن المخاليق
    والمغنين المطاليق
    الفرح جاييك وعد
    غنوة اولاد التحاريك
    السعد ولا البعد
    البعد ولا السعد
    وكنتى فى ليل الخوابى
    تهاتى بينات الطوابى
    تحاكى جقليب السعى
    الجناييت خلو حجرك ريح يفوفى
    وعين مزرزرة من شقى الفرح المرابى
    ومنية الوعد الدعى
    يا ديارى الوين ....أنى
    تور عفين الشين .....أنى
    ما اضينة وزين انى
    تور عفين الشين انى
    وانت فى شوفك تخاتل رفة الطير والحفيف
    وانت فى خوفك تكاتل عينة الجلبت خريف
    وانت فى اللالوبة مصلبة البنيات
    النسيمات الهفيف
    وانت فى اللالوبة مشنقة الوليدات
    ناس نجومى ومحبس النفس الرهيف
    بطنك كرشت غى البنات نافى
    دقنك حمست جلدك خرش مافى
    وكت الوهم نافيت .. صدق الوعد جافى
    وكت العلم جافيت .. مر الصدق وافى
    وكنا بنشيل الغباين والاناشيد
    جهدية الاورطية
    جهدية الحلبونا
    شدو جمالم جونا
    حلبنا ليهم سمسم
    والسمسم ما كفاهم
    جلبنالهم سعية
    وجينا للبقعة ام قبايل
    سيل من الوادى الكبير
    الكفيف شايل الكسيح
    يا عيون ود الضكير
    واحدة من توشكى
    تقلع
    تانى تقلع فى المطامير
    يا جبة الدرويش
    البابا بسل العيش الله بسلا
    والبابا خدمة الديش الله بسلا
    البابا القول بى شويش
    يا عيون ود الضكير
    عماك فى حقك ديه
    لى زمنا مو جهدية
    جهدية الاورطية
    جهدية الحلبونا
    شدو جمالم جونا
    وحلبنا ليهم سمسم
    والسمسم ما كفاهم
    جلبنالهم سعية
    يا عيونى شن بتشوفى
    ويا امونة شن بتشوقى
    شدرا تال اليمامة
    ولا الصقر الحمامة
    ولا البطن التفوفى
    يا امونة شن بتشوفى
    ويا عيونى شن بتشوفى
    جهدية وسيف وراية
    تبروقة وخيل وشاية
    اذان بالجوع اذن لى
    ام خوفك فايت خوفى
    يا امونة شن بتشوفى
    ويا عيونى شن بتشوفى
    تلت التلاتة شلق
    تانى التلات محلق
    والتالت جا يبشرنى
    سرقوهو الدايرين حتوفى
    يا امونة شن بتشوفى
    ويا عيونى شن بتشوفى
    شايفة الدموم واللمة
    بين الدقون والعمة
    ولانى فوق معلق
    صقر الحدى مندوفى
    يا عيونى شن بتشوفى
    ويا امونة شن بتشوفى




    محمد طه القدال : بين الخليفة وأمونة بت حاج احمد

    وانتى فى كل الخواتم والمياتم
    والنجيمات والعواتم
    ما حزنت اقول بكيتك
    ونحن فى حزن المخاليق
    والمغنين المطاليق
    الفرح جاييك وعد
    غنوة اولاد التحاريك
    السعد ولا البعد
    البعد ولا السعد
    وكنتى فى ليل الخوابى
    تهاتى بينات الطوابى
    تحاكى جقليب السعى
    الجناييت خلو حجرك ريح يفوفى
    وعين مزرزرة من شقى الفرح المرابى
    ومنية الوعد الدعى
    يا ديارى الوين ....أنى
    تور عفين الشين .....أنى
    ما اضينة وزين انى
    تور عفين الشين انى
    وانت فى شوفك تخاتل رفة الطير والحفيف
    وانت فى خوفك تكاتل عينة الجلبت خريف
    وانت فى اللالوبة مصلبة البنيات
    النسيمات الهفيف
    وانت فى اللالوبة مشنقة الوليدات
    ناس نجومى ومحبس النفس الرهيف
    بطنك كرشت غى البنات نافى
    دقنك حمست جلدك خرش مافى
    وكت الوهم نافيت .. صدق الوعد جافى
    وكت العلم جافيت .. مر الصدق وافى
    وكنا بنشيل الغباين والاناشيد
    جهدية الاورطية
    جهدية الحلبونا
    شدو جمالم جونا
    حلبنا ليهم سمسم
    والسمسم ما كفاهم
    جلبنالهم سعية
    وجينا للبقعة ام قبايل
    سيل من الوادى الكبير
    الكفيف شايل الكسيح
    يا عيون ود الضكير
    واحدة من توشكى
    تقلع
    تانى تقلع فى المطامير
    يا جبة الدرويش
    البابا بسل العيش الله بسلا
    والبابا خدمة الديش الله بسلا
    البابا القول بى شويش
    يا عيون ود الضكير
    عماك فى حقك ديه
    لى زمنا مو جهدية
    جهدية الاورطية
    جهدية الحلبونا
    شدو جمالم جونا
    وحلبنا ليهم سمسم
    والسمسم ما كفاهم
    جلبنالهم سعية
    يا عيونى شن بتشوفى
    ويا امونة شن بتشوقى
    شدرا تال اليمامة
    ولا الصقر الحمامة
    ولا البطن التفوفى
    يا امونة شن بتشوفى
    ويا عيونى شن بتشوفى
    جهدية وسيف وراية
    تبروقة وخيل وشاية
    اذان بالجوع اذن لى
    ام خوفك فايت خوفى
    يا امونة شن بتشوفى
    ويا عيونى شن بتشوفى
    تلت التلاتة شلق
    تانى التلات محلق
    والتالت جا يبشرنى
    سرقوهو الدايرين حتوفى
    يا امونة شن بتشوفى
    ويا عيونى شن بتشوفى
    شايفة الدموم واللمة
    بين الدقون والعمة
    ولانى فوق معلق
    صقر الحدى مندوفى
    يا عيونى شن بتشوفى
    ويا امونة شن بتشوفى




    محمد طه القَدّال : مسْدَار أبو السُّرة لي اليانكي


    أُمّاتِي القِبيلْ

    بي حِنّهنْ لجّـنّي

    كَرفة وقَلدة

    كيف شوق اللّبن رَجّني

    حُزناً جاني في مَيْع الصِّبا يلَجِّني

    أطلعْ مِنِّي يا جلدي المِنمِّل جِنيِّ

    واطلعْ مِنِّي يا حُزناً بِقى مكَجِّني



    خَلّني أبدا مُسداري

    وأودي قفايا لي داراً بِقَتْ مِي دَاري

    جِيتَا ..

    وجِلْدِي بينو وبين عضايا الشّحَمَة

    إلا النّار بِقَتْ قِدّامي

    جِلْدِي اللّيلة بينو وبين عَضَايَا المافي

    إلاّ تراني شَوّالْ الكِبِسْ

    نِفّيخْ جَراريب الوَرَمْ هَدّامِي

    في جِلدي الورم قُولَنْلي

    واللاّ صَحِي الورم عَضّامِي



    سفريتك مِي في النيّة

    ماها الكانت محريّة

    خابراكْ عِرِّيفْ ..

    ذم العُربانْ واللاّ قِيام الوردية

    مالكْ ؟؟؟

    تَرْيَانْ ومندِّي

    كاسي الكِتّان والهندي

    قولَكْ كِكّيفْ ترجى البيشان

    واللاّ الغُربة البي الزِّنْدي

    برقاً عِبْدِلِّي الوَزْنِ

    يا طاشْ .. يا جاب المُزْنِ

    فَرِّقْ يا الضّيفْ

    فِعْل الغَضْبان ..

    أم فِرْفيرات الحُزْنِ

    وشِنْ القَعدة

    يا أبو السُّرة

    شِنْ القَعدة في ضُل العمارات أم كمرةً برّة

    ضُقْنا الحَنْضَل اليانكي

    وبَلَعْنا المُرّة

    كِمْلَتْ كوتة التُّمبَاك

    صَقَعْنا الجِّـرّة

    ووكت إتقفّلَتْ شِقّيشْ

    قَبَلْ بي المرّة

    نَرْمي أمُرنا في بلد المعاني الحُـرّة

    الشّمْ خَوّخَتْ

    بَرَدَنْ ليالي الحّـرّة

    والبرّاق بَرَقْ ..

    مِنْ مِنّا جاب القِرّة

    شوف عيني الصِّقير بجناحو كَفَتْ الفِرّة

    تلقاها ام خدود الليلة مَرَقَتْ بَرّة

    مَرَقَتْ بَرّة ..

    مَرَقَتْ بَرّة تغلي مديدة الحِلْبة التَسَمِّن رِدْفَها

    السَمِنْ المبَسْتَرْ يانْكي

    والويقود بعيرات الدُّخان في العين

    وفي الفَشْفَاشْ يسوِّي عمايلو

    شِنْ فايدة مديدة الحلبة والويقود بشيلو اليانكي ؟؟

    يا ابو السُّرة

    قامت من دخاخين العمى تلمِّع وشِيها

    اليانكي مِسْتَنِّيهَا

    كان اليانكي مستنيها في مراية السَجَم في اللّيل

    لقيتها مِتِلْ فريخ الطّير

    مَرَقْ ود عينها من ود عينها

    رجّافة المزمّلْ حُمّى

    جَفَلَتْ مِنّو

    وَقَعَتْ عندي

    صدرها بغلي

    يا ابوالسُّرة

    شُفْتَ اليانكي في ود عينها

    سُقْتَها للبحر

    يمكن يغسِّل عينها من اليانكي

    فُتْنَا الحَجْرة بالكَتّة وغطسنا مسافة

    تبقى قَدُر مسالك الرّيدة

    وما لاقانا من يغبانا في البحر الفَدَرْ تحتاني

    ناس عارفاها

    ناس عارفاكا

    ناس عارفاني

    نادينا القعوي والبُلْطي

    قرقور السّمَك ودّانا لي دابي الخُشَشْ

    نادينا عُمّال الطّمِي

    عُمّال الطّمِي الصّارقيلا

    والقَرْمُوط

    وود الموية

    وفُتْنَا عليها

    كانت نايمة

    عَجّال البحر حارساها

    كانت نايمة بين حجرين وضُل ساسوية

    وعُمّال الطّمِي الصّحونا لّمُو حصى البحر

    قسموهو ياتْ من كان سبع جمراتْ

    دابي الخُشّة قال :

    أدُّوها في الجمرات تلات سبعاتْ

    قُلْنا :

    أدُّوها في الجمرات تلات سبعاتْ



    مَسَكْنَا دَرِبْنَا

    وعُمّال الطّمِي الصّحوها

    خابرين الدّروبْ

    مَرَقوبنا في مُشْرَعْ مسارب الضّيْ

    لقينا الدُّنيا تترجّانَا

    قُوقَا القِمْري

    خَوّى صِقيرْ

    وعَوّى حِديْ

    وعُمّال الطّمِي الصّحونَا

    لَمُّو على البعرفو الصّيْ

    حَصَى القيزان

    دوابي الدّارْقَة

    والسِّحْليّة

    والنّاسْ التِّحِتْ

    النّاسْ التِّحِتْ خابرين عَمايْل اليَانْكي

    مَرّة معونة لي اللّغّاف

    ومَرّة دَوانْكِي

    شِنْ معناهو جيبها إن كان ملوهو بوانكي

    وصوتها مكتِّمو القَرَبين سيوف وسَوانْكِي



    قولَنْ لي الأَخْلو ديارو

    دمّكْ فَرْهَدْ في نارو

    غَوّرْ في الأرض

    طارو صَقْرين

    أولاد الأرض ما طارو

    لحمي غَطّى بِنْ عَمِّي

    شو صار حالو يا إمِّي

    منديل العِرْضْ في بيت الدِّينْ

    دمِّي ما يخلِّي دمِّي

    إنّا من دير ياسينْ

    صِرْنا في جِزْر التّين

    عَمْ نسقى بعضْ

    حُبّ الزّيتونْ بدّو يرجع للطينْ



    صابرا تحت الدورية

    صابرا فوق الدورية

    صابرا فوق الدورية

    يا حال الضِّدْ

    لحم الطِّفلين نابت غُصنْ الحريّة

    جِذْري مو في شاتيلا

    ما قال حالي يا ويلا

    حِنّا في الأرضْ

    أرضِ فلسطين

    يا إمِّي هيلا هيلا

    يا إمِّي هيلا هيلا

    يا أُمِّى هيلا هيلا

    هيلا

    هيلا

    هيلا



    هيلا وهيلا يا ابو السُّرة كُجْ العين

    تخبر الشّينة من الزّينْ

    تَفُرْز الطّاري من السّاري

    يا ابو السُّرة كُجْ العينْ

    ومدُّو صباعك السّبابي

    قول لي الغَافي يا زول هويْ

    وهوي يا غافي يا زول هويْ

    أرخي الغُردة للعَنّافي

    شِدْ القمري بالحوبابي

    في مسدارنا

    شِلْنا نهارنا

    في إيدنا من ساسو البحر عقدينْ

    مَسَكْنا دَرِبْنا

    وعُمّال الطّمي الصّحونا

    خابرين الدِّروب مرقوبنا في مُشْرع مَسَارب الضّيْ

    لقينا الدُّنيا تترجّانا

    قوقا القِمري

    خَوّى صقيْر

    وعَوّى حِدَيْ

    وكُنّا جماعة

    دابّات الأرض والسّايمة

    عَوّامة البحر والطّيرْ

    وحتى الغيمة قصّاصة الأَتَرْ

    فوق راسنا شايفة الدّربْ

    ضِنيب اليَانْكي

    قال القمري لي الضُّليلة :

    خَلِّكْ صاحية زوغ اليانكي لا يودِّرنا

    قال الدّابي :

    إن يغباها ما بيغباني

    ولمّا الشّمْ مودِّعة غاربة

    وَصّتْ جملة الصّقّار عيونهنْ كَارْبة :

    أبقو أَلِفْ

    بَفوت لي المِتْلَكُنْ ناهضينْ



    وفوق ديناب عريباً غادي

    قال السِّحْلي لا تغشوهو

    ديل عُربانْ توابع اليانكي

    وخَلُّوها العريب الغايبة

    السّراقْ طبيقو معاهو

    تيجاناً عروشها الخروعْ ..

    الهَشْ ..

    العَويشْ

    الناّر تَعَلِّبْ فوق عُقَال العَرْشْ

    ولا خَسّانا بي هادي العروش الهـُرْبة

    يا ابو السُّرة .. لا عَقّالْ

    مسكنا دربنا

    وعمال الطمي الصحوها

    خابرين الدروب مرقوبنا من وادي الضلمة

    الكان

    وعقب لمينا في باقي الجمع

    قاصين دريب اليانكي

    سنور الغيب في الكونغو

    وصبراً من جنوب أمريكا

    ومن كلهاري ديباً ضاري

    والتمساح وليد أمازون

    ونمراً في النمور كمبودي

    وام رَخَمْ الله مكسيكية



    ولمّ لميمنا

    لمّ لميمنا والشّمش البتوقد فوقنا

    شدّ شديدنا لا التِّمثال مَشيّلْ روقنا

    عَالَم حُرْ يدوعِلْ فوقنا

    لي يوم سوقنا

    نبصُق فيهو .. في عينيهو جَرْ واسوقنا



    يا شمسي طِلِّي .. طِلِّي

    شاوري عَ بيتي دِليِّ

    كَيّال الكيل .. ختياري ماتْ

    ظِلِّي عَمْ يحرس ظِلِّي

    عَادِلْ عَ خَييّ ميلي

    خَييّ ما يحمل شَيلي

    ما خَفّ الشّيلْ

    تاني المرّات ناطِرْ رصّاصِي سيلي

    عيني في الفيل ما ظِلّه

    كِلْنا ندريه ما نضِلّه

    يا ويل الويلْ

    نرمي الجمرات عَدِّ المستشْهِدْ كِلّه

    نرمي الجمرات عَدِّ المستشْهِدْ كِلّه





    محمد طه القدال : الطمباره والغناى

    نحن اهل الفرحه جينا

    لاالمدامع وقفتنا ولاالحكايات الحزينه

    لما درب الرايحه جابنا جابنا في هادى المدينه

    ياولدى الدروب شقاقا بحر التيه

    ليك درب ولا دربين مساك الدروب ضهاب

    ليك قلب ولا بالين وسواى القلوب كضاب

    ليك ضهر ولاسرجين ركاب السروج وقاع

    شق ياولدى بحر التيه بتتدردر وتتودر

    ولامن يوم علي تايتنا ديك ترسي

    نعزك بالقبيل داخرنو ليك

    الشوق بحر ياولدى بحراً تيه

    قت ليك العليك ادرابو لا تنغش ولا ترضابو لاتنغش

    في الزمن الزمين والكي يسوهو خلاف عشان الني

    عليك الدور وتصريف الليالي بدور تشيل ما شلنا من الهم

    ولا من دمعه ترمي الدمعه فوق دربك

    روح يابا .. وابق قفاك لاتعاين ولاتعاين علي موطاك

    ولا تندم علي خطوا تملي مشيتو لى قدام

    وابقي العاتي زى سنطتنا زى صبرا نلوك فوق مرو زى الزاد

    لاشيتاً نزل في الجوف ولابرجع ولا بنزاد

    واركز للبجيبها الريح تقيف انت ويشيلها الريح

    وابقي العاتي والدرب الوراك مسدود و شيل شيلتك

    بقيت للنص لاحلما بجيب البر ولا حدود

    وانبليتا اختا الرمله ما تقع البكان الهش

    هي الممطوره مابتبالي من الرش

    النعمه بتعرف عاطيها والجمره بتحرق واطيها

    بالكيله عطانا و ما لقينا فوق جمر خطانا وما لقينا

    يوم الوعد... ياحليوه فيك الدنيا ما كانت شروق

    الا الارض متكشفه متبلمه نعمنو من خير الخريف

    لافحالها شال منطرحه خضرا وفرحه دوب تتشابي لي عين الشمس

    من بت حليوه النفس بيضا كذا الحليب

    والروح مشحتفه في البلود الفيها ريحتك

    للبعود من فزعة الغربة البساسق فوكا

    موراجع ولا بالحيل قريب

    الروح مشحتفه في الحبيب القلب بكر الدنيا ما شافت جديدو

    ولا الحزن دقالو باب

    وشفتي كيف يوم الوعد كيفنو مترامي الغمام

    والقمري زغرد للبلوم النسمه هبت مرتين

    يا حليوه يوم دقيت بارضك فاس خصيب والتانيه في

    يوم الوعد والايد تسالم في الايدين

    والام تقالد فوق جناها تشمو زين

    وحليوه صاحيه حليوة ضاحيه كذا النسيم

    والدنيا غيم وحليوة جد جد ياولد قول للبلد

    قايل غناوي الحزن ليش شايل مساديرك مجامر دمع ليش

    ليش يا بلد والناس تريد والدنيا كل ما نريد تزيد

    تملا الايدين تفرح تهش

    لو صحيح غنينا بالدمعه الحميمه ولو دموع الفرحه ما لاقت غنانا

    بكره نرجع تاني للكلمه الرحيمه شان هنانا شان منانا

    شان عيون اطفالنا ما تضوق الهزيمه





    محمد طه القدال : حليوة ليلة لمولد


    الشاعر الفذ محمد طه القدال


    حليوة ليلة لمولد
    بقول غنوات وأقول غنوات
    فى البلد ا لبسير جنياتها لى قدام
    ولى الولد البتل ضرعاتو فى العرضة
    ويطير فى الدارة صقرية
    ولو السمحة تلت إيد ومدت جيد
    يقوم شايلاهو هاشمية
    ويشيل شبال ختفة ريد وفرحة عيد
    وريدة روح وحمرة عين وايدية
    * * *
    ويالولد البشيل مدقاقو
    قولة خير على القمره
    يقابل الجاية متحزم
    ويدارك الجاية متلزم
    كلام فاسك على أرضك
    يبقى عديلة يا بيضا
    ويبقى زفاف تزغرد ليه قمرية
    * * *
    وقبال حول تغّيم غيمة قِبلية
    ترش الدارة والحدبه الصعيد الحلة
    ويا فرحة بتطارد الصفقة فى النسمة الصعيدية
    ويا جهرة نهار الليلة بدرية
    رحيح جنياتنا فى الحدبة الصعيد الحلة
    * * *
    يا سمحاتنا هو لبلب
    ويا قمحاتنا هو لبلب
    وياللوز الفتق فى الوادى هو لبلب
    ويا سمحاتنا هو لبلب
    ويالبحر الطمح مدّادى هو لبلب
    سألتك بالذى ركز الارض معبد
    وسوى الفاس عليها مقام
    سألتك بى حشا الأُمات ودمعاتنا
    * * *
    سألتك بى كبيداتن ودعواتنا
    شليل وين راح؟؟
    يكون ضل الخريف فاتنا
    شليل وين راح؟؟
    وزى برق السماك الجابها دغشية
    وزى زغرودة البطن الكبارية
    مرق من شامة القمره
    ومقدم بالعديل يبرا
    تعالوا أبشروا آجنيات
    شليل ماراح شليل ما فات
    شليل عند المسورو حرق
    بقالو حصاد
    شليل فوق التقانت قام خدار وبلاد
    شليل مسدار شليل مشوار
    شليل أرضنا يا جنيات
    شليل قايم نصاصى الليل
    يتمتم ليلو وردية
    حرازنا شليل شليلنا دليب
    شليلنا دليل على البلدات
    بعد درب التبلدية
    شليل ما راح شليل ما فات
    شليلنا ونحنا همباتة ومهاجرية
    مزارع بات على عشقين
    تراب بلدو وسماح فوق بت مزارعية

    --------------------
    وضحكت ما هـمــاني شــي وبكيــت ولا هـــماني شـــي






    محمد طه القدال : رجعلك قليبى المهضلم


    رجعلك قليبى المهضلم
    يراجع صنوف الغناوى العصية
    يراجع معاك الكلام القبيل استباك
    الكلام المبهرج وخاوى
    الكلام المزيف
    ولا فيه غير إحتلام وانفصام
    تموت الحروف يوم تقوم القصائد
    مقام الطبول والبخور
    بشوفك جرايد شواكر حوامد
    ولا هامى فيها
    عليها المصائب تمام التمام
    مغايص بتفرم حشاها
    وغبائن بتنفخ بطون البسفو التراب
    وحايح لهيب تلهلب وتكوى الجلود
    اتف القصائد
    إذا مالقصائد دايره ليك البُكا
    البِصاحب..رضا..السردار
    واتف القصائد اذا مالقصائد
    بتنزل مُريده وتسبح بحمد الذى
    ابتلاك وهدانى الودار
    طِريتك وأنا الكنت قايل
    خيالك معشعش جواى
    سكنتك ومالاقى فِجة
    اخيرلك اقول البحرق حشاى
    اخيرلك افضفض جراب الخبايا
    أقول الكلام البفكفك سوارك
    يوقف جدراك ويرفع عضايا
    تضيع الرموز التغنى الكلام
    أقول السكاكر أبتنى ورمتنى وكفانا
    اقول العساكر تبارى الكبارى
    وتفتش قلوب الجهال الشلوخهم هوية
    واغنى الزيود والكنانة
    كضب..
    اقول البنات البفتحن صدورن
    يقالدن رشاشك ويخلن حبيبن
    كضب..
    مراحك يعشى ويفشى
    خضارك مرطب يندى الضهارى
    ترابك...دخن لو رزعتو الحجارة
    بلاك ولاك كروها السحالى
    تسفر سعيتك تقنب تبارى
    الجداد العقالى
    تجوع يا البشدّر خريفك
    سوافى البطانة
    ويمّطر رزازك عزازا حصايا
    وقموحك سنابل مشاط كرفالى
    ابيت الكلام المغتغت وفاضى
    وخمج
    ولادك قصادك شعاع التحايا
    يضوّوا الشقوق التلم الدوابى
    يوروا الدورب للقلوبهم عمايا
    عرقهم حبالك
    وصوتهم مشانق
    تلم الدقون الكبيرة
    وتحدر فقر سمّنتها الليالى الضليمة
    بتهدر حرائق وتحمى البياكلوا المطايب
    وتسجن بطون الجياع العرايا
    وشوشهم سمر حر اباطك
    صفوفهم مرامك وحلمك حملهم
    رغيفة وكرامه وسلامه
    مصانع بتحرق قبل تبدا فيها
    مزارع بتيبس ونيلك ممدد جنازة
    وعقيدك وسيدك بيكتب ويمحى
    وتبق المحايا


    ©




    محمد طه القدال :المسدار


    المسدار ....

    الشاعر البمدع محمد طه القدال


    أماتي القبيل بي حنهن لجني
    كرفة وقدلة كيف شوق اللبن رجني
    حزناً جاني في ميع الصبا يلجني
    أطلع مني يا جلدي المنمل جني
    وأطلع مني يا حزنا بقي مكجني
    خلني ابدي مسداري
    واودي قفاي لي دارا بقت مي داري
    وجيتا وجيت بينا و بين عضاي الشحمة
    الا النار بقت قدامي
    جلدي الليلة وبينو وبين عضاي المافي
    الا تراني شوال الكبس
    نفيخ جراريب الورم هدامي
    في جلدي الورم قولن لي ولا صحي الورم عضامي .؟
    سفريتك مي في النية مي ها الكانت محرية
    خابراك عريف ...
    ذم العربان ولا قيام الوردية .؟

    حقوق الطبع محفوظة للمبدع القدال
    ******************************************************

    بعد الرحيل
    بعد الرحيل برجاك فوق هدب السنين
    برجاك عيد فجر الليالي الفيها بحلم بيك يقين
    عشمان أعيش لامن أشوفك في الدروب
    شمعة فرح بسمة للعمر الحــزين

    بعدك رحل فرح الفواصــل
    وفي الحروف ذغرد جـــرح
    ذان الجبـــين
    وارتجف قلم الشعـــر
    فوق الورق فجر اساي
    صرخة حـــرف
    حسرة وأنيـــن

    والرحيق هجر البنفسج
    والفراش بكي في إرتحالو
    وانسكب عطر الأماني
    فوق حقول الاحتمــال
    ماتت أنفاس الاغاني
    وقالت الفرحة الســلام
    وفي العيون الحسرة طافــت
    غاب فنار الابتسام

    مكتوب علي احمل أساي
    أرحل أطوف بين الحروف
    امسح فرح وأكتب جرح
    حافظ هواك رغم الظروف

    ومهما طال الانتظار
    تلقيني واقف منتظر
    جوه في نبض الحروف
    راجيك لما ترجعي للديار
    تهدي للعمر إبتسامه
    وليك تتقال القصائد
    بيك تتحدد خطاي
    وليك تتقال القصائد
    بيك تتحدد خطاي
                   |Articles |News |مقالات |بيانات

04-04-2007, 04:07 AM

خطاب حسن احمد
<aخطاب حسن احمد
تاريخ التسجيل: 03-24-2007
مجموع المشاركات: 464

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: قصيده للقدال لو سمحتم (Re: Luay Elhashimi)

    ..
    ...ياسلام عليك
    ..منصورنا المفتاح ..وتحايا ليك
    ..صديقنا الهاشمى ..
    ..جات القصايد..كوم
    ...
    ..ما عارف فكرتك ..شنو !!
    ..إحتمال ..تكون لابد لينا بى شيتا..تانى زيما قال ابو عركى.!
    ..ويا قلب خليك حنين..وطلع الكلام..
    سلامات
    ..
    شكرا يامنصور
    ..على الكلام..الما مغتغت..
    ..
    نحن أهل الفرحه..
    ..
                   |Articles |News |مقالات |بيانات

04-04-2007, 05:15 AM

سيف اليزل الماحي

تاريخ التسجيل: 12-26-2006
مجموع المشاركات: 2782

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: قصيده للقدال لو سمحتم (Re: Luay Elhashimi)

    .


    عزيزي لؤي
    تحية ليك وللقدال ولشعره
    والقدال حالة خاصة جدا في باحة الشعر السوداني

    أنا برضو عندي قصيدة سمعتها للقدال .. تجيني وتروح
    منها مقطع بقول :
    عاينت لي جاري قتلو لحم وشيشك وين؟
    ضحك ..!
    .....................
    .....................


    مين يساعدنا بالنص، وأياك أعني يا خطاب بعد التحيات.

    سيف اليزل

    .
                   |Articles |News |مقالات |بيانات

04-04-2007, 05:46 PM

Luay Elhashimi

تاريخ التسجيل: 11-29-2004
مجموع المشاركات: 308

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: قصيده للقدال لو سمحتم (Re: Luay Elhashimi)

    مرحب بيك يا خطاب يا فنان ....مرحب بيك وبي فرحتك...

    شكرا يا مفتاح علي الكرم الجميل...لنجعل من هذا البوست بيتا للقدال ولكل شعر جميل...

    سيف اليزل شوقتني للقصيده التي تبحث عنها...
                   |Articles |News |مقالات |بيانات

04-04-2007, 06:31 PM

عبدالله علي عجبنا

تاريخ التسجيل: 08-02-2006
مجموع المشاركات: 60

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: قصيده للقدال لو سمحتم (Re: Luay Elhashimi)

    الاخوة خطاب ، ومنصور وباقي الاخوة المتداخلين
    السلام عليكم
    القدال شاعر مطبوع، وهو ينظم القصيدة تحسه فنان ممسك بريشه ينقل بها الى الورق صورة لا يستطيع ان ينقلها الا انسان فنان، تحسه مغني او عازف ينقل أيضا معزوفة موسيقية عذبه، تحسه معماري يشكل بالكلمات مبنى جميل من عدة طوابق. القصائد التي اوردها الاخ منصور سمعناها ايام الدراسة قبل عقدين من الزمان، لكن عندما نسمعها الآن نطرب لها بنفس مقدار الطرب الأول. هي شحنات من المشاعر والاحاسيس ودفقات من العواطف. شكرا لكم على اتاحتها لنا عبر هذا الموقع واسع الانتشار. ودمتم
                   |Articles |News |مقالات |بيانات

04-04-2007, 06:48 PM

Adil Osman
<aAdil Osman
تاريخ التسجيل: 07-27-2002
مجموع المشاركات: 10193

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: قصيده للقدال لو سمحتم (Re: عبدالله علي عجبنا)

    هذه قصيدة القدال التى سأل عنها سيف اليزل الماحى
    ______

    لقينا عوجنا قايم بينا ما عرفناهو
    ما قلنالو كيف حالك ..
    نسينا مجامر التجريب
    على برد المحن والعادة كان تهمد
    قسينا الظاهر الباطن
    ويوم حنينا كان الزحمة شالت من قلبنا الرحمة
    ما قالتلو كيف حالك ..
    دحين كيف الدبارة
    وكت تمش في الزيفة وحيدك
    دحين كيف الدبارة
    وانت ماك فارز طلوع الروح وغميدك
    دحين كيف الدبارة
    وجرحك الدافن دشر جواك
    لا مسك بطيب تاني .. لا مسك بطيب تاني
    إلا تلاقي حد السيف
    على لب الجرح نازف
    بعد جواني يصبح تاني براني ..
    ***
    مشيت يات من طريق
    غشيت يات من مدينة
    لقيتها زي طمل الخريف طينها
    مشمر جيتها لي وجع المخاض
    البر متل موية الرهاب
    والوحل غطاني
    مشيت يات من طريق
    الناس مزغلله في الفراغ
    وهموم مجدعة في التراب
    وإيدين تخاتف ..
    شن تخاتف ماني عارف ..إلا جيتا
    وجيتا لي وجع المخاض ...البر متل موية الرهاب
    وقفت أعاين في الخليقة
    لقيت بتاوق جوه روحي
    ضهبت في موج السراب
    عريان وسط موج العرايا
    سألت الجمبي : قتلو لحم وشيشك وين ؟؟
    ضحك بين دمو عاين للورايا ...!
    شفت عضامي في دمعوا المرايا ..!!
    مشيت قدامو شفت عضامو في دمعي المرايا !!!!!
    وشلت خطايا لي بلداً
    قبيل ظنيتها فوق ..فوق للثرايا
    لقيت كل الخلوق قامو ..
    فِرح فرحاً .. فِرح فرحاً
    فِرح فرح اللقا الرايحة
    قعد وحيدي في نص السهل دامع
    بكيت بالحيل ..قدر ما الله أداني ...
    وقلت يا اخواني : إن الطيبة غطتني
    دحين كيفن تكون الخجلة سالباني
    ولا مسك بطيب تاني .. لا مسك بطيب تاني
    إلا تلاقي حد السيف
    على لب الجرح نازف
    بعد جواني يصبح تاني براني ..
                   |Articles |News |مقالات |بيانات

04-04-2007, 10:33 PM

خطاب حسن احمد
<aخطاب حسن احمد
تاريخ التسجيل: 03-24-2007
مجموع المشاركات: 464

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: قصيده للقدال لو سمحتم (Re: Luay Elhashimi)

    ..
    ...سلامات للجميع
    ..شكرا ًالاخ لؤى الهاشمى
    ..على طيب الترحيب ..فلقد تداخلت وغيابك ..والمفتاح منصور
    عبدالله على عجبنا..لك الود ..وعادل عثمان على إيرادك ..القصيده
    لصديقى محمد طه القدال..ضالة.!
    ..سيف اليزل الماحى ..
    ..أهو لقيته ..ّ!
    كيف معاك .!
    ..مازلت أحتفظ لك ..ياسيف ..بقدر من الود
    .وطيب ..إحترام..
    ..شكراللتحايا..نهايات الرساله
    ..
    أماتى القبيل
    ..
    ..دعونا كما قلت يا هاشمى
    ..نفتح نافذة حقيقيه..
    ..أو بيت حب ..
    ..لى حليوه .. وأمحد طه..
    كما يحلو لى أن أناديه..
    لكم الورد
    ..
    ..ولجندرته الحميمه..والعيال
    كتير الحب ، وافر السلام
    ..
    دمتم
    ..
                   |Articles |News |مقالات |بيانات

04-05-2007, 09:30 AM

رأفت ميلاد
<aرأفت ميلاد
تاريخ التسجيل: 04-03-2006
مجموع المشاركات: 7655

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: قصيده للقدال لو سمحتم (Re: خطاب حسن احمد)

    محمد طه القدال : أمونة
    عقد الجلاد

                   |Articles |News |مقالات |بيانات

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de