|
Re: حـــالة صعــــبة .... (Re: Gafar Bashir)
|
Quote: لكن بس لو بقي عاقل ونام بالليل وصحي بالنهار ما عندي معاهو مشكلة |
جعفر ازيك صباح الخير بالليل مساء الخير بالنهار يا سيدي راحت عليك نوم مافي تاني عاد اكضب عليك دي الحقيقة والله يعينك شهرين تلاته لي قدام
| |
|
|
|
|
|
|
Re: حـــالة صعــــبة .... (Re: اسماء الأمين)
|
ربنا اخليهو ويحفظو
لسة قدامك تلاتة سنين
كل يوم اصعب من يوم
تحسبو عرس
اركز زي اخوك
عشرة سنين نايم فيهن سنتين
بس
4 مجرات وباقي تمانية شهور
ياداب نمرق من الزوم الختري
بعدها سنحتفل بعيد الحب
شايف كيف؟
ابوآمنة يا صديق عيش مراحل
حسن حسين بكل تفاصيلها
فقط تذكر عظمة امهاتنا
تحت ظلال تلك المظلة الذكورية المتشددة
| |
|
|
|
|
|
|
Re: حـــالة صعــــبة .... (Re: عبد المنعم ابراهيم الحاج)
|
الحبيب عبد المنعم
ياخي ربنا يهديك نحنا نقول ثلاثة شهور زي ما قالت اسماء الامين انت تقول 3 سنين
وكمان الاحتفال بعيد الحب بعد 10 سنين ... ده اسمو اليوبيل الذهبي ما عيد الحب ... بعدين يا اخوي انا في الاول قلنا عايزين 3 بس ونوقف ... لكن مع جنس الحالة دي الشاف وحيد امه وابوهو ما كضب ...
يا ربي اهلنا ربونا وتعبوا بالطريقة دي زمان .... مااااااااااا اظن.
ويا حبيب والله انا حاسي بي عظمة المرأة والامومة ومدافع عن حقوق المرأة ومحترمها ومحترم خياراتها وواقف معاها في الحلوة والمرة ومتفهم معاناتها وبحتفل معاها بيوم المرأة العالمي وبعمل كل حاجة ممكنة ... يعني اذا كان الموضوع موضوع معرفة فانا عارف وما محتاج لعذاب قدر ده ... عشان اعرف
ولا شنو كمان ...
طيب يا سيدي مافي مشكلة اصلا دي مسالة ما مرجوعة يعني خلاص موضوعها انتهي وحانخوض التجربة لحد النهاية لكن تكرار التجربة اظنها حاتكون بلادة وربك يهون ...
قلت لي عشرة سنين ما نمت فيهم غير سنتين ... الله يطمنك يا حبيب
| |
|
|
|
|
|
|
Re: حـــالة صعــــبة .... (Re: اسماء الأمين)
|
اسماء الامين سلامات
شهرين تلاتة
الله يطمنك يا ستي ..
طبعا ما قصرنا معاهو .. معاهو امه وحبوبته وحبوبة امه وخاله ... يعني جيش شغالين قصادو وبعد كدة ادب السنين ... لكن اهو دي شكلها نوع التجارب البعملها الزول اول مرة واخر مرة ... اظنها
| |
|
|
|
|
|
|
Re: حـــالة صعــــبة .... (Re: Gafar Bashir)
|
دينننننننننننننننننننننننننننناك ده شنو ياجعفر .....وانا اقول الزول ده وين تاري النوم مجافي عيونك لكن يستاهل والله بس خليك متابعوا كده طوالي ,نام,صحا ,اكل ,ضحك وشوف اخرتا شنو سلامي للحشد الاسري المعاك هناك
وتسلم ياصديق
| |
|
|
|
|
|
|
Re: حـــالة صعــــبة .... (Re: arif elsawi)
|
عارف الصاوي
يا حبيب خليها علي الله ... لكن ما عرفت قصدك يستاهل هو انو الجيش السوداني كلو يقعد في خدمته ولا استاهل انا عشان فكرت اعمل وليدات .... وقصة خليك متابعوا كدة طوالي ما واقعة لي ... حاسي انو وراها كلام ... لكن ليك علي اتغاتت عليك غتاتة كان مفكر انو انا حاوريك تعمل شنو بعدين ..
في امان الله كما قالت ..
| |
|
|
|
|
|
|
Re: حـــالة صعــــبة .... (Re: محارب)
|
سلامات يا جعفر بشير
و الله لكن ما شاء الله ولدك عسل عدييييييييييييييييل كدة، ربنا يخليهو ليكم..
قلت لى نوم ؟؟؟ ما تحلم أنا قبل 11 سنة أول ما بكرت ، جبت "تومات" وا حلاتن و وا تعب "ابوهن" معانا !!
والله كان "يحنن" بيشتغل شيفتات صباح و ليل ، و يجى من ليل يشيل و يخت معاى،، ألله يخليهو لينا ياااااااااااااااااااااااا رب...
غايتو ما بطمنك و أقول شهرين تلاتة ، بس سنتين تلاتة و بترتاح " كان ما خاويتو يعنى""
الله يخليهو و يفرحكم بيهو
| |
|
|
|
|
|
|
Re: حـــالة صعــــبة .... (Re: نوسة)
|
عزيزتي نوسة
تاااااااني رجعتيني لي قصة التوأم دي بعد ما كنت نسيتها طبعا الاخ المحترم ده ما عارف انو ابوهو كان عايز ليهو توأم بنات لكن بعض الفحص الاول والتاني والتالت رضينا بالبت الواحدة واشترينا اي حاجة لحد الدهب شلناهو معانا المستشفي قام الاخ ده جانا طالع اها وشكلو ده انتقام وادب عشان تاني ما نقول عايزين بنات لكن بيني وبينك لو بقي توأم بنات بي جنس الحالة دي الا الواحد يشرد من البيت
تحياتي لي البنات التلاتة وابوهم لو كنا جيرانكم كنت سرقت منكم واحدة ولا اتنين وبعد كدة ما تطمئني لانو بيناتنا بس بحر ونفق يعني يعني المشوار كلو ساعتين وربنا يحفظ ليك كل اولادك ِ
| |
|
|
|
|
|
|
Re: حـــالة صعــــبة .... (Re: محارب)
|
تحياتي يا محارب
وهنيئا لك الخروج من حالة اللا صحو واللا نوم دي ... بعدين ياخي ورينا اي طريقة ممكن تنفع في انو ينوم بالليل ويصحي بالنهار زيو وزي اي بني ادم ...
عارف اليوم التاني للقصة الحزينة دي طوالي ... خليتو ليك صاحي النهار كلو قلت عشان اوريهو ليك الادب جد جد ... اها بالليل جا نام زي الحجر لحد الصباح ونحنا نمنا مرتاحين ...
لما حاولت اليوم التاني اعمل نفس القصة ... الدنيا دي كلها جاطت .. امه وحبوبته وحبوبة امه ... كلهم قالوا لي لي الولد بربوهو بالنوم ...
اها قلت يعني انا حاكون اعلم من الاجيال المتعاقبة من الامهات ديل ... حبوبة امه دي عندها تسعة اولاد وربت 90 ولد الله يديها الصحة والعافية ... طيب انا اطلع شنو قدام الكلام ده كلو .. اضريت خليتو ليهم ...
واخونا ما صدق تاني راجع للحركات بتاعتو
| |
|
|
|
|
|
|
Re: حـــالة صعــــبة .... (Re: Gafar Bashir)
|
شوف يا جعفر بشير بطل حنك وماترمي اهمالك لينا وعدم ردك علينا في الماسنجر والمنبر فوق رأس الشافع ده ! خلاص هو وصل وانت طوالي عايز تسويهو الشماعة !!! ياخينا شوف لي كم يوم بنضم معك في الماسنجر وانت عامل فيها بالخارج ايوة نعم عارفك يا (غفار) بالخارج لكن كمان (خارجك) ده غيرتو؟!! رد ياخ رد علي الناس ! عالم بتاعة حنك بي شكل ياخ نحنا مش اصحاب نحن اكتر من اخوات
| |
|
|
|
|
|
|
Re: حـــالة صعــــبة .... (Re: Gafar Bashir)
|
Quote: لكن بيني وبينك لو بقي توأم بنات بي جنس الحالة دي الا الواحد يشرد من البيت |
شفت عليك الله نحن "ركزنا" كيف ، عشان كدة أنا دايماً بقول لى الناس نحن خلاص "ضمنا" الجنة مع التيمان و كمان بنات ....
الله يمتعكم بالعافية و راحة البال
| |
|
|
|
|
|
|
Re: حـــالة صعــــبة .... (Re: سفيان بشير نابرى)
|
سفيان بشير
[email protected] 00966509545477
ده الايميلوالتلفون عندي 200 اسم في المسنجر لي سنين ما قاعد افتحو الا اكون عايز اتكلم مع واحد ومافي حل غير المسنجر يعني المسنجر ده الا بمواعيد بس لوف كرت انو المسنجر بتاعي بكون فب اكتر من جهاز وبيدخل تلقائي بمجرد فتحالجهاز كان بتعرف انو مافي كلام زي البتقول فيهوده لكن لازم توريني ده منو الحرشك وقال ليك ما عايز يرد عليك
وبالمناسبة ....
ولا اقول ليك حاجة عجبتني فكرة الشماعةدي واحتمال الواحد يستخدمها لاحقا اذا اضطر شكرا للمعلومة المفيدة
| |
|
|
|
|
|
|
Re: حـــالة صعــــبة .... (Re: خضر حسين خليل)
|
الله يعين يا خضر والله بس ده كلو راجيك
سهر الجداد ولا نومو
بعدين خلاص العيال جو قول بيت مال
بالمناسبة انا في الشرقية ... في الخبر لكن لسه ما بقيت من بورداب الشرقية لحد ما الم ليك فيهم
| |
|
|
|
|
|
|
Re: حـــالة صعــــبة .... (Re: Gafar Bashir)
|
يا جعفر يا ابو حسن حسين يا خينا ذو القلب العطوف وذو العقل الراجح ايه الحصل عليك اول مرة يا جعفر مما عرفتك منيف وكم وكم ما عارف اول مرة اشوفك مجهجه في نضم وبتنسف نضمك بييدك وشديدك اها كان مغالط شوف هنا:-
Quote: ما انا البدس ورا الرجال خلي ادس ورا بيضة ما فقست
|
اها يا جعفر البيضة المافقسة دي عملت ليك كل الطوابير الفوق دي و(زوزت) بيك وورتك الويل وسهر الليل وخلتك جبته كميرا في الدقيقة عشرة لقطات وتجي تقول لي ما شنو وما شنو !
اما بخصوص الايميل فيا صاحبي حجة ما عندك ياهو ايميلك ايوة مكتوب بي ابو أمنة ولما تنزلو في القايمة بينزل بي جعفر بشير اها تاني في كلام ؟!! انا محدد انو خلاص لقيت الشماعة ما تعمل لي فيها حريف وتقول أنا اديتك الفكرة يا جعفر دي ما تلعبه علي أنا اللعبه علي كيشه زي عارف الصاوي مثلاً لكن أنا لا يا مانا ياخ نحنا اكلنها عيش بي شاي ساده مع بعض
اها بخصوص عارف الصاوي والشاي الساده والرغيف اخونا عارف الصاوي داقي ليهو صيوان مهرجان بي جاي والله زي صيوانات الديوم وواحد هاك شوف وورينا رايك :- بيواغرافيا......ناس بتعدل راسك ومقامك..محسن طه(لاكو)1
قلته لي السهر كيف ناضلو انت ونضال دي يا خينا لسع ما شفتو شي .
| |
|
|
|
|
|
|
Re: حـــالة صعــــبة .... (Re: سفيان بشير نابرى)
|
شكرا ليك يا حبيب
انا جاييكم لانو لاكو ده عندي معاهو قصص وحكايات طويلة نتلاقي بي هناك
بعدين ياخي حسن حسين عمل انقلاب قبل كدة يعني بقت علي جهجهتي انا وفي حاجات لو حكيتها ليك ما بتصدق لكن دي ما بقولوها هنا في مكان عام
الله يكتب السلامة
| |
|
|
|
|
|
|
Re: حـــالة صعــــبة .... (Re: Gafar Bashir)
|
Quote: شفت عليك الله نحن "ركزنا" كيف ، عشان كدة أنا دايماً بقول لى الناس نحن خلاص "ضمنا" الجنة مع التيمان و كمان بنات .... |
انتي عارفة انتو زاتكم الناس النزلت فيهم الاية بعدين كل ما اقول عايز جوز بنات توأم يقولوا لي عايز تتاجر فيهم ولا شنو ....
ويا ستي ربنا يخليهم ليكم
| |
|
|
|
|
|
|
Re: حـــالة صعــــبة .... (Re: مجاهد عبدالله)
|
زي ما قال عارف دينننننننننننننننااااااااااااااك عشان كدة انت مختفي وفاتح للدنيا والعالمين كبري عموما الف مبروك وربنا يحفظو ويقدرك علي السهر واللولوة اقصد واللولي النهاري والمسائي تحياتي الخالصة
| |
|
|
|
|
|
|
Re: حـــالة صعــــبة .... (Re: مجاهد عبدالله)
|
تحياتي يا مجاهد
عارف انا قصة غرة عينه دي كانت مجهجهاني شديد عشان اعرف معناها شنو زمان وحلفت ما اسال منها زول الا اعرفها براي اها بعد كدة اتوصلت لنتيجة انها من نام نوم قرير العين هانيها يعني ينوم قرير العين هانيها ...
لكن ياخوي القصة دي هسي بتنطبق علينا في المرحلة النحن فيها دي ... يعني الواحد لو نام ليهو خمسة دقليق ساي بقوم مخلوع ويتخيل مليون حاجة .. عايشين في رعب ..بس ربك يهون ونصل مرحلة قرير العين دي
شكرا ليك يا حبيب
| |
|
|
|
|
|
|
Re: حـــالة صعــــبة .... (Re: Gafar Bashir)
|
ابو الجعافر....
ياخ والله انا كنت شايلة الهم...الولد يطلع شبهك! بس الحمدلله
ربنا قدر ولطف
مبروك تاني الولد ويتربي في عزكم...
بالجمبة كدا..ما شايفاك في البوست بتاع مني خوجلي...
هرشوك ولا شنو؟
| |
|
|
|
|
|
|
Re: حـــالة صعــــبة .... (Re: Gafar Bashir)
|
Quote: حـــالة صعــــبة .... |
اها الزولة دي عملت العليها و غلبتك بالعيال من اول عيل لما قتا الروووب ، يلا ابقي راجل و سوي العليك و اغلبا بالريال ،،، حسن حسين يتربي في عزكم ، و جعله بارا بكم .
Quote: بالمناسبة انا في الشرقية ... في الخبر لكن لسه ما بقيت من بورداب الشرقية لحد ما الم ليك فيهم |
كدا ورينا انت وين في الخبر و نحن نلم فيك زي الما حصل شئ ، هي كلها شبر في اتنين .
| |
|
|
|
|
|
|
Re: حـــالة صعــــبة .... (Re: حمد فتح الرحمن)
|
الحبيب حمد
والله يا حمد المرا جابت العيال وبقت القصة معلقة في رقبتي يعني انا اجيب المال ولا اقعد اربي في العيال ... بعدين معقول الكلام القديم ده لسه ما غيروهو من قبل يلدونا بنسمع فيهو بي نفس الطريقة ... يا ربي الجيل الجديد ده ما طلع حاجة تانية .. طبعا نحنا طوالي مع الجيل الجديد ...
ويا سيدي انا في الخبر من اسبوعين شارع الرياض تقاطع 15 مركز الحصن التجاري مؤسسة يارا للدعاية والاعلان
0509545477 [email protected]
| |
|
|
|
|
|
|
|