صبحت ا ساعة غابت شمس الحلم وضارى رجولو من السكة المهموم يا ربي .. الأتأخر منو فيهممممممممممم ؟؟؟
ربما تأخر الجميع ..
وربما.. كنت متأخر الحس والشوف متأخر حتى في سماع وقع الخطى ..
محتمل ... !!!
لحظة غياب الشمس فاض النيل ودس شليل في بعض موجاتو القبيل حردن مشاوير اليباس أبن اللعب في ضل حواس الشفع الجاريين حفايا أو قول عرايا كلو واحد رغم اختلاف اللعب في الموية وفي ضل الحواس ..
شاورت القيفة تفتش عن خواص الإلفة وترتب رويحتا شان تجيني ملانة حِنْ .. ضحكت علي ..
قالتلي : طوااااااااااااالي متأخر .. حتى في الريدة البتدخل غير قصد ..
زعلت :
قت أخاوي السهلة والنجمات مسا فصَّلت لي سروال وعراقي وسعية سويتا من وهمي القديم ورحت طاش ..
. . .
(سالت مشاعر الناس جداول) كانت غنية الرادي البتاوق سمعي عِنْية
(سالت مشاعر الناس جداول) كانت غنية في الرادي البتاوق سمعي عِنْية
الغنية لخبطت شوف القلب - بقيت واقف بتخيل الجداول سايلة مشاعر - ارسمها كيف دي ..
اتأخر ..
ظرف الحلوة وانا كنت بمني النفس بقراية خط اليد الماقادر يوزن خطواتو على نص الأسطر .. شييييين .. وانا كنت بكمل كم شمعة علشان ما ألهب حس القلب بحنيني الساكت ليهو اسبوع ..
اتأخر ..
صاحبي الواحد من الزمن البيتدلى فيه على الخدين .. دمعات دافيات ما كان الحزن . . . أول مرة يعملها ويتأخر يا ربي مالو خلاني اترجى الخطاوي اتحسس مدى البعد اللي بينا . . .
بجيكم صاد
مرفق: حبي الكبير بــــادي
03-06-2007, 12:29 PM
تماضر الخنساء حمزه تماضر الخنساء حمزه
تاريخ التسجيل: 10-13-2006
مجموع المشاركات: 5215
مامني.. كان الوكت غمام.. لابس لبساً أشتر كان الساعةتلاوز دار تتأخر وما تتأخر والجية ..تتاوق .. راجية الزول الأسمر .. ياسيدي تعال ..سيب السبب الفاتر من غير ماتقول وإراودك خاطر: (لو كان النيل ..إتمطّى شوية .. كانت غرقت فيهو بنية..) ياخي إتدفّق ..خلّي الوهم الساكن حِسّك إغادر
يا ربي منو الجاييك بي المطرة منتظرك برة جوة البيت ضيفان حيران فضلت خيرك موية و سبحة و عيشة وكسرة حامدين لي الله ولي المطرة وحتي تسبح بي حمدو الواقفة عديلة في نص الحوش البت الشجرة ـــــــ جيت بيجاي حبيت أقول سلام
03-06-2007, 03:02 PM
عبد المنعم ابراهيم الحاج عبد المنعم ابراهيم الحاج
تاريخ التسجيل: 03-22-2005
مجموع المشاركات: 5691
لست ممن يقدرون على هندسة الحروف وتركيبها لكي تخرج الكلمات كلوحه فنيه تسر كل من يراها لذا لاأملك إلا أن أتابع ماتكتب بإستمتاع وأرفق لك مع كل بوست إعجابي وحبي وتقديري
03-06-2007, 05:49 PM
عبد المنعم ابراهيم الحاج عبد المنعم ابراهيم الحاج
تاريخ التسجيل: 03-22-2005
مجموع المشاركات: 5691
Quote: مامني.. كان الوكت غمام.. لابس لبساً أشتر كان الساعةتلاوز دار تتأخر وما تتأخر والجية ..تتاوق .. راجية الزول الأسمر .. ياسيدي تعال ..سيب السبب الفاتر من غير ماتقول وإراودك خاطر: (لو كان النيل ..إتمطّى شوية .. كانت غرقت فيهو بنية..) ياخي إتدفّق ..خلّي الوهم الساكن حِسّك إغادر
Quote: يا ربي منو الجاييك بي المطرة منتظرك برة جوة البيت ضيفان حيران فضلت خيرك موية و سبحة و عيشة وكسرة حامدين لي الله ولي المطرة وحتي تسبح بي حمدو الواقفة عديلة في نص الحوش البت الشجرة ـــــــ جيت بيجاي حبيت أقول سلام
حبيب نورة أو نورة حبيبتك ما فرقت ما الحب مفتاح بفتح بابين
يا زول
سلامك واصل قُبَّال نطقو ممشوق بالحرف الباين فرقو ما بين الصدق والنضم الساي مميز نقير الباب واضح طرقو ألحقنا سريع الناس غرقو
سرحو حنين وقصيد وشجن غنوات ومحبة من بدري زمن فرحان بيهم باقين لي وطن فاردين جنحات واشواقي رضن
راجينك يا زين
مرفق : حبي الكبير بـــادي
03-07-2007, 12:27 PM
هاشم أحمد خلف الله هاشم أحمد خلف الله
تاريخ التسجيل: 01-16-2007
مجموع المشاركات: 6449
عزيت الخدار .. ساعتو اللي مات.. جيت أعاتب في الصفق.. دموعي.معروشة بندى .. تحضن معاي باقي الرفات.. ورمت كمان عين الشفق ياشمس مابتعرف هوى .. قاسية ..إن رحمت وجات.. تلقى باقي الشوق ..حِرق.. وإن قلتا في نورا الدوا.. تهجمك باقي الصفات.. وكمين من الهم الدفق
زولين...إتشايلو الأحلام..سوا روحين..إتشايلوا الإحساس ( أنا ) والعشق كم بيهم سما هل كانوا مرهونين..لقا ؟؟ وياربي ..الإتأخر.. منو.. فيهم ؟؟
03-07-2007, 03:00 PM
هاشم أحمد خلف الله هاشم أحمد خلف الله
تاريخ التسجيل: 01-16-2007
مجموع المشاركات: 6449
البحر لامن عكر خت التفاصيل احتفال بقدوم عزيز رفض الطمي يقعد يرتب نفسو في حالة ركون مرق السطح حالف يرحب بيك وبالرواسي في ساعة نزول الشبكة بتحوت رويحة الموية ما لاقياها
يكون مالو السحاب أبى يتولد في رحمو سيل .. ؟؟ يمكن مخاصم القيفة في شان الرويحة الرايحة .. ؟؟ !! ولا ...... مضاري من حواتي ما يلمح كريشتو وفيها جاهل سيل بيرفس كايس خريف يتدلى فوقو .. !!
ما عارف .. لكن .. حسيتك بتهبش غيمة قبل نزولا شان تمش البحر أكان عكران وأكان صافي في النهاية هو المصب
يامسكون بالحرف الكلكي إنتا الطيش لو فينا بلادة وإنتا الجاي قبال الأوّل .. لو كسنا سماحة الروح جوّانا ماتتأخر.. الموج من جنو لابس ملكي وقال للرملة أنحنا السادة ماشايف الرملة أبت تتحوّل وقالت : هل فاض النيل لولانا ؟؟
كان تبقى النيل ..نلبس رملة وندفق موية الريد في دمانا نغسل حزن الليل الطوّل وإفضل شوقنا بحورو معانا ونبدا نعيش الحب من أول يسكن غيم اللهفة سمانا نعدل كف الزمن الأشول ونطرح فيها الخير وشذانا
03-07-2007, 10:45 PM
عبد المنعم ابراهيم الحاج عبد المنعم ابراهيم الحاج
تاريخ التسجيل: 03-22-2005
مجموع المشاركات: 5691
الزول الطلع روح الروح اللسة تشابي عليك ملهوفة سكران بحروفك ماشي وبدقِّش ترس الحِنّ الفيك وأجيك راجع بتَّكِّس ليّ غنواتك رغم الحرص وارجع تاني وأعيد الكرة أرتب ليك أجمل كلمات تخذلني حواسي وكل ما أوسع حجم الذاكرة تتطش كلمات وكل ما أوسع حجم القلب تتمدد عنية
أسوي ليك شنو ؟؟
مرفق : محبتي خضراء من غير سوء يكسوها الوداد بــــــــــــــااااااااادي
03-08-2007, 12:44 PM
مهند الجيلي بادي مهند الجيلي بادي
تاريخ التسجيل: 10-13-2006
مجموع المشاركات: 324
الزول الطلع روح الروح اللسة تشابي عليك ملهوفة سكران بحروفك ماشي وبدقِّش ترس الحِنّ الفيك وأجيك راجع بتَّكِّس ليّ غنواتك رغم الحرص وارجع تاني وأعيد الكرة أرتب ليك أجمل كلمات تخذلني حواسي وكل ما أوسع حجم الذاكرة تتطش كلمات وكل ما أوسع حجم القلب تتمدد عنية
أسوي ليك شنو ؟؟
مرفق : محبتي خضراء من غير سوء يكسوها الوداد بــــــــــــــااااااااادي
الروح مرقت حفيانة
تدقش
شوق لي زولا بستر
عورة ايدمشتاقة ايدينك
يا مجنون بي كل الحاصل
وبرضو تواصل
فعل الشوق في جوه قلوبنا
وراسم بينا معاني حنينك
سد الروح بي وشك مرة
بل البال اسقيهو عيونك
ولو ممكن تدينا سنينك
مشتاقين عنك نتساءل
ايه الغير لون العرفة؟
ودس عيونك جوة عيونا
وفي الاشواق خلاني سجينك
03-10-2007, 11:25 PM
مهند الجيلي بادي مهند الجيلي بادي
تاريخ التسجيل: 10-13-2006
مجموع المشاركات: 324
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
مهند الجيلي بادي
ناذر محمد الخليفة
هاشم أحمد خلف الله
حبيب نورة
محمد فرح
فيس بوك
تويتر
انستقرام
يوتيوب
بنتيريست