|
Re: و انسي العتاب الكنت ناوي اقولو و ارجع منهزم (Re: انور تاج السر)
|
سيد الاسم محبوبى وكتين يبتسم الدنيا ياناااس تنقسم الفرحه تملاااها وتزغرد فيها والشوق يرتسم
مرااات اقول اديهو كلمه تزعلو حبة عذاااب وكلااام عتاااب انا عاارفو مابتحملو علشان اشوف خده الحرير الدمعه جاارية تبللو لكنى قباال ابدا بلحظااات اقيف اتاملو الضحكة واللفته البتااخد من عيونى النوم شهور وتجفلو وانسى العتاااب الكنت ناوى اقوله وارجع منهزم الدنيا يانااااس تنقسم الفرحه تملاها وتزغرد فيها والشوق يرتسم
فى العيون ببنيلو دارين من موده ومن منا بضمه فى قليبى محبه فياااضه وهنا ماردت غيره ولاهو راد زولا سواى انا نظراته كيفن اوصفا دى الفى العيون مدونا همساااته تحنان القمااارى الراجعه للعش والجنا وتضوى والليل ينهزم وكتين يبااالغ ويبتسم الدنيا يانااس تنقسم الفرحه تملاها وتزغرد فيها والشوق يرتسم يوم جانا شااايل خطااانا الكايسنه راح وشااايل الامل فى عيونه والحب والسماااح ارتحنا من ماشفناهو والليل استراح ضحكت نجومه وغنى قمره معانا لعند الصباح لكن بغير والله برجع منهزم الدنيا ياناس تنقسم الفرحه تملاااها وتزغرد فيها والشوق يرتسم
| |
|
|
|
|
|
|
Re: و انسي العتاب الكنت ناوي اقولو و ارجع منهزم (Re: Mahadi)
|
اخي و صديقي الغالي ناصر، يا الرحت طولت الغياب لو تعرف اللهفة و الشوق و العذاب ما كنت رحت و كنت طولت الغياب وينك يا مان مسجل غياب السنين، ليك و حشة الدهر ياخي.
و الله يا ناصر اليومين دي انا حقيقي مهزوم انهزام لذيذ و ربنا يتمو علي خير، دعواتك يا حبيب.
Quote: عشان تاه الفرح من دارنا وانت ديار فرحنا |
ان شاء الله نجتمع في ديار فرحنا، الوطن الحبيب.
خالص مودتي
| |
|
|
|
|
|
|
Re: و انسي العتاب الكنت ناوي اقولو و ارجع منهزم (Re: انور تاج السر)
|
معاك يا انور وقد صنعت بهذا الصوت العذب بعض الدهشة والجمال في هذا المساء البعيد عن بلاد الهمت خال صديقنا احمد تجاني (كامل عبد الماجد) مثل هذا الكلام الطاعم الحنين وجعلت الاسطوري وفريد زمانه الفلتة الجابري يدوزن صوته الرهيب علي اداء مثل هذا اللحن الخطر... معاك يا انور ورحم الله الجابري الغناي المدهش
| |
|
|
|
|
|
|
Re: و انسي العتاب الكنت ناوي اقولو و ارجع منهزم (Re: عبدالكريم الامين احمد)
|
العزيز كيكي، الجابري فنان مرهف و متمكن و يمتلك موهبة تطريبية متفردة، رحمه الله رحمة واسعة. من حق هؤلاء المبدعين علينا ان ننشر اعمالهم في كل المنابر ووسائل الاعلام فهي كما ذكرت تضفي الدهشة و الجمال علي نفوسنا التي اثقلتهاهموم الغربة و قسوتها. الشاعر المرهف كامل عبد الماجد كتب اروع القصائد التي اثرت الساحة الغنائية السودانية، فالتحية له و لكل شعرائنا الافذاذ.
مودتي
| |
|
|
|
|
|
|
|