|
|
 بهذه المشاهد ! .. وداعاً سودانيز أون لاين !
|
أنا لست عضواً بسودانيز أون لاين , فلقد كنت ضيفاً على صفحات أخى وصديقى العزيز الطيب , أبى الطيب ردحاً من الزمان. وأرجو أن لا أكون ضيفاً ثقيلاً,ولقد كان لى مؤخراً بعض الرؤى على
خيطين بعنوان ( داهشين أخت داهلين ).... و ( أحتار أنا فى أمر هذا الرجل ) عن العملاق
إبراهيم الكاشف وما وراء عوالم الفنون والموسيقى ... لكننى أعتذر إليكم عن عدم تمكنى
من تكملتها آملاً أن أجد سانحة أخرى لهذا التواصل الجميل .. فقط سوف أرفع هذه البوستات
مره واحده لإستودعكم بها فى رعاية من لا تضيع عنده الودائع ..إضافة إلى هذا الخيط الذى
وددت أن أشرككم فيه , وهو حبى الكبير لذلك الطيران والإنعتاق من حصار الأشياء والكلمات والمفاهيم المعتاده! ... فى تجربه أرجو أن تكون جديده ومفيده..هذه المحاوله هى عباره عن كتاب كبير فى ذهنيتى أرجو أن ترى النور قريباً ..... ولقد وجدت إستحساناً من الناقد الكبير صديق محيسى , والأديب الكبير حسن توفيق .. وسأكتفى الآن بمقدمة هذا العمل على
أمل المواصله فيما بعد ................................
مشاهد خلف الرؤى :
----------------
مقدمه:
لم يعد الناس الناس .... ولم تعد الأشياء الأشياء ... ولا الأشكال الأشكال ... كما لم تعد الألوان الألوان ... ولا المعانى المعانى !! ... ذلك أن المكنون القابع خلف حدود الرؤيا
ومن وراء العقول والأذهان , يظل دائماً بلا أدنى شك , أكبر إتساعاً وأبعد عمقاً من كل
الطاقات والكلمات والدلالات والمعانى .. كما أنه أبعد ما يكون عن أشمل العبارات وأدقها
وأرقاها وأروعها وصفاً .
وإذا كان أجمل وألطف وأعمق وأخطر ما يجول أو يخطر على أى بال .. يمكن أن يصنف ويوضع
ببساطه ضمن دائرة البديهيات والأفكار الساذجه البسيطه , ويظل يرزح داخل حلقات الرتابه
المميته والسطحيه المسيطره ..... على زعم أن المفاهيم كلها لا زالت بعيده كل البعد عن
معيار رفيع ومتجدد على الدوام , ومتصاعد إلى أعلى , وقائم على تصور مفهوم :
( ما لاعين رأت ولا أذن سمعت ولاخطر على قلب بشر ! ) .
والشاهد أن كل أدوات التكنولوجيا والصناعات الحديثه , لهذه المدنيه الحاضره بدءاً من إكتشاف الآله البخاريه , والقطار , والسياره , والتلغراف , والكهرباء , والمذياع , والهاتف , ثم الطائره , والكاميرا , والسينما , والتلفزيون , والتلكس , ثم الفاكس , والكمبيوتر , والقنوات الفضائيه , والجوال , وهذا الإنترنت ! إضافة إلى شتى العلوم الإنسانيه , وثورة المعلومات الهائله , كانت بالنسبه لإنسانية القرون الوسطى , فى عداد الغيبيات والعوالم المجهوله ! ولم تك أقرب إلى التصور البشرى , كما أنها لم تك تشكل أى ضرب من ضروب الخيال !... بمعنى أن ما حدثت بعد ذلك الوقت من وقائع وأحداث ومفاهيم تجسدت على أرض الواقع , تُُقاس بالنسبه لأولئك الناس على نفس هذا المقياس ! فهى بالنسبة لهم ( مالا عين رأت ولا أذن سمعت ولا خطر على قلب بشر ! ) .
وعلى هذا المقياس يمكننا أن تقيس أونستدل على أن الآتى , والقادم من المستقبل , يشكل نفس القدر من الغموض والإشكاليه بالنسبه للإنسانيه الحاضره !... وعلى هذا يصبح التصور بعيداً كل البعد عن إدراك المعرفه الحقيقيه لمكنونات وماهية القادم المجهول !.. وهكذا دواليك حينما تمر الحقب حقبة من بعد حقبه .. فى سيرها نحو المستقبل .. وحينما تتقدم الأزمان نحو القادم المبهم !
هذا بالنسبه للجوانب المحسوسه والملموسه من حقيقة الأشياء والمفاهيم .... أما بالنسبه لتلك الجوانب الأخر التى أصبو أن أتطرق إليها عبر هذه الإطلاله , فهى تكمن فى معين ذلك الخضم الهائل من اللا معقول ! واللا محسوس نسبياً ! ....... وهى لا تعدو إلا أن تكون مجرد محاوله خجوله وعاجزه .... فى إتجاه فك الرموز والطلاسم والشفرات التى يمكن أن نفلت من خلالها عبر النوافذ المطله خلف الأفق والآفاق المعقوله واللامعقوله ! والغياهب المحسوسه واللامحسوسه نسبياً !
هذه الإطلاله أرجو لها أن تكون مجرد محاوله للسباحه أوالغوص .. أو الطيران والإنعتاق من حصار الأشياء والمفاهيم والكلمات المعتاده ! بعيداً أى ركود ممل , أو رتابه مميته , أو سطحيه مستشريه ..... أتمنى أن أجد مرتعاً فسيحاً خارج بوتقة الدوائر المغلقه والمضامين الفجه .. والمعانى السميكه والغليظه .. فى الطريق إلى مخارج أخر للإنفلات من الطوق إلى عوالم أكثر لطفاً وشفافيه ! ... ليتنا نرتاد معاً عوالم من الحيره والغرابه والإندهاش , عبر هذه الحكايات السرياليه من مشاهد خلف الرؤى ..... على أمل اللقاء مع مشهد أول.
مامون أحمد إبراهيم
|
|
 
|
|
|
|
|
|
|
|
Re: بهذه المشاهد ! .. وداعاً سودانيز أون لاين ! (Re: Abu Eltayeb)
|
Quote: أحتار أنا فى أمر هذا الرجل
|
واحتار انا فيك يا اخى
فالى اين انت راحل
Quote: وسأكتفى الآن بمقدمة هذا العمل على
أمل المواصله فيما بعد ................................
|
متى ؟؟؟؟؟؟؟؟؟؟؟؟؟
واين ؟؟؟؟؟؟؟؟؟؟؟؟
وكيف؟؟؟؟؟؟؟؟؟؟
الغموض يلف المكان هنا
ابتداء من شخصك الى رحيلك الى مقدمتك المبتوره
| |
|
|
|
|
|
|
|
|
|
Re: بهذه المشاهد ! .. وداعاً سودانيز أون لاين ! (Re: وليد محمد المبارك)
|
عزيزي مامون
كيف ترحل، وقد زخرفت البورد بمحبتك، وهمتكم العميقة، الاصيلة، ودفقك الشعري، ونبعك الفكري، ومحبتك الخلاقة لمصير الإنسان، ومغزاه، كيف ترحل، وهناك حقل لك، كي تزرعه، وتحصده، وتكرم منه، إنه مكانك، مكانك الخاص، خلق لك فقط، كي تمسك الكمان وتعزف فيه للحيوات البعيدة عن أصلها، ونبعها...
لا محال، ستعود، فنفحة الصدق، وعمق الحرف لديك، يمثل حداء جميل، لنوق تسعى لمواردها، وحوضها الاعظم..
ياله من نص، قرأته مرات ومرات، ولم اشبع، رؤى خلف البصر، وتجليات الانشراح...
لن ترحل، بل تبقى فرحا ومودة وجمال
| |
|
|
|
|
|
|
|
|
|
Re: بهذه المشاهد ! .. وداعاً سودانيز أون لاين ! (Re: وليد محمد المبارك)
|
هو فى أيه ؟ أيها المبارك !
ومافى شىء إلا المودة فى القربى .
الحكايه ياوليد الأكاونت ما بتاعى,
بتاع لطفى . هذا العصامى الذى آثر
على نفسه لإتاحة الفرصه لى , فتره
طويله من الزمن , ودلوقت عاوز أرجع
الأمانه لى صاحبا..
وليد, عليك الله أعدل الصوره , واللا أنا بقلب الكمبيوتر
عشان أشوفك ... ياخى ما شحتفت روحنا ..وشوفتك بالدنياياخى ..
مامون
| |
|
|
|
|
|
|
|
|
|
Re: بهذه المشاهد ! .. وداعاً سودانيز أون لاين ! (Re: يوسف الولى)
|
أيها الولى , يوسف الحبوب
مافى غموض حول شخصى الضعيف
إلا غموض هذا الكون المكتنز
بالجمال ! فقط نحاول أن نجد
فى معيتكم مطرحاً! بكم تبتهج
النفس وتزغرد ..وعن نفسى أنا
مافى أى غموض .. أنا مامون
أحمد الذى أسقط فى يوم ما
على سماء أمدرمان العباسيه
فوجد نفسه مكتول هواكم وهوى
السودان وأمدرمان !
هذه الصفحه بسودانيز أون لاين ليست لى ,
وهى للأخ العزيز لطفى على لطفى (أبوالطيب)
الرجل الطيب الرائع العصامى الذى أفسح لى
المجال سنه كامله ولا كل ولا مل .. ولكن صاحبك
إن بقى عسل ماتلحسو كلو! ..
الأمل مازال موجود فى حصولى على حساب خاص بى
ولعلى أرسلت لبكرى أبوبكر ومنتظر دورى .. هذا
الرجل المبدع مشغول شديد ومجابد وأمام مسؤوليه كبرى ..
وأنا عاذرو من كل قلبى .. ومتى ماوجدنا الفرصه ! أنا معاكم من كل قلبى ..
بالنسبه لهذا الخيط المبتور , سوف أحاول أن أتقدم فيه ماأستطعت إلى ذلك سبيلا ..
كن بخير أيها الولى .. تحياتى ..
مامون
| |
|
|
|
|
|
|
|
|
|
Re: بهذه المشاهد ! .. وداعاً سودانيز أون لاين ! (Re: Abu Eltayeb)
|
Quote: أتمنى أن أجد مرتعاً فسيحاً خارج بوتقة الدوائر المغلقه والمضامين الفجه .. والمعانى السميكه والغليظه .. فى الطريق إلى مخارج أخر للإنفلات من الطوق إلى عوالم أكثر لطفاً وشفافيه ! ... ليتنا نرتاد معاً عوالم من الحيره والغرابه والإندهاش , عبر هذه الحكايات السرياليه من مشاهد خلف الرؤى ..... على أمل اللقاء مع مشهد أول.
مامون أحمد إبراهيم |
سلامات..
أتمنى ألا تغيب ..ننتظر حكاياتك ..ومشهدك الأوَّل..
مودتي..
| |
|
|
|
|
|
|
|
|
|
Re: بهذه المشاهد ! .. وداعاً سودانيز أون لاين ! (Re: Omer Abdalla)
|
الأعزاء ,
يوسف الولى
وليد المبارك
عبدالغنى كرم الله
مكى
السنى دفع الله
تماضر الخنساء
عمر عبدالله ..
ياسلام عليكم وألف تحيه ليكم ,ولكل واحد فيكم قصه طويله ,
متحكره فى ثنايا هذا القلب , المحتفى بكم دوماً.........
وراجع ليكم أيها الأحبه .. وتلبية لرغبة مكى ياعمر , أنا
أصلى مرزوع فى حشاكم واحد واحد , إلى حد الوله ..
مامون
| |
|
|
|
|
|
|
|
|
|
Re: بهذه المشاهد ! .. وداعاً سودانيز أون لاين ! (Re: Omer Abdalla)
|
الشوق والريد ..ترين ترين
والحب البان فى لمسة ايد فى لمسة ايد ..
ترن ترن ...
واغانى نقولها ..نقول ونعيد ..نقول ونعيد ...
ترن ترن ترن ..
ابوالطيب
استهدى بالله وخليك مواصل ..خلاص كمل
لينا بوست الكاشف دا وامشى ...
دا كان بكمل ...
كل الاشواق ترن ترن ...
كل الاشواق اه بتجرح قلب المشتاق
كل الاشواق ..
ترن ترن ترن
كراماتك ياعبدالغنى عايزنها فى الزول دا ..
ومنتظرين
| |
|
|
|
|
|
|
|
|
|
Re: بهذه المشاهد ! .. وداعاً سودانيز أون لاين ! (Re: Abu Eltayeb)
|
لن تذهب
لآن روحك هنا
وحرفك وعشقك ولونك ودمك وعتقك وسجنك
كلو هنا
لن ترحل ,,
لاننا ما عندنا قدرة البحث عنك في مرافئ
الغيم ,,,
لاننا لانملك شفافية جمالك التي سمحت لك بالتحليق
لآن بنا كثير من القبح ,ومسؤليتك
زرع جمال فينا...
لا ترحل يا مامون لا
تفعلهــــــــــا
ودع الامر لبكري ليحله لك لنا ولك
ولسودانيزاونلاين...
صادق المحبه...
| |
|
|
|
|
|
|
|
|
|
Re: بهذه المشاهد ! .. وداعاً سودانيز أون لاين ! (Re: Abu Eltayeb)
|
Quote: يازول ياجميل
لاك الزول النفسو قصير
لاك الزول الصبرو قليل
وين مروح ؟ وين؟؟ |
هو فى أجمل منك أيها الخال,
الفنان , الجميل , المبدع ,
الظريف .... تعرف يا خال نحن تحت ضل ضراكم ,
نراوح مكانا وبس .. وقدر مانمش بعيد إليكم نعود ..
عشان إنتو الروح وإنتو النفس الطالع ونازل ..... لك
خالص حبى يا السنى ..
مامون
| |
|
|
|
|
|
|
|
|
|
Re: بهذه المشاهد ! .. وداعاً سودانيز أون لاين ! (Re: Abu Eltayeb)
|
Quote: سلامات..
أتمنى ألا تغيب ..ننتظر حكاياتك ..ومشهدك الأوَّل.. |
الخنساء الشفيفه , مشهدى الأول هو أنتم ..
ومافى مشهد إلا بيكم ! ....... مشاهد خلف الرؤى
محاوله تكاد تكون يائسه , لتصور ما فوق التصور!
هى مجرد محاوله فقط .. والمشهد الأول فى القريب ..
دمت بألف خير وصحه وعافيه ... مامون
| |
|
|
|
|
|
|
|
|
|
Re: بهذه المشاهد ! .. وداعاً سودانيز أون لاين ! (Re: Abu Eltayeb)
|
| Quote: أعجبتني مخاطبة الأخ مكي الحميمية لك (فاسمع الكلام بالله) |
أستاذى عمر عبدالله ....... سمعاً وطاعه ,
وهل يعصى لكم أمرا .. ولطفى الإنت عارفو
صاحب الأكاونت ما قال حاجه , سنه كامله لا كل ولا مل ,
وصاحبك إن بقى عسل ما تلحسو كلو ! وأنا لحست العسل كلو !
عسل لطفى , وعسل بكرى أبوبكر , وعسلكم كلكم .. حأكون مرابط قريب منكم
ومانى ماشى بعيد ............ لك ودى وخالص تحياتى أخى عمر...... مامون
| |
|
|
|
|
|
|
|
|
|
Re: بهذه المشاهد ! .. وداعاً سودانيز أون لاين ! (Re: Abu Eltayeb)
|
Quote: الشوق والريد ..ترين ترين
والحب البان فى لمسة ايد فى لمسة ايد ..
ترن ترن ...
واغانى نقولها ..نقول ونعيد ..نقول ونعيد ...
ترن ترن ترن .. |
محمد عبدالرحمن , يالك من رائع يارجل !
الشوق والريد .. والحب البان الجايينا منكم
ماليهو حد ولا عد .. وجمال وزمان ممتد .. الكاشف الذى وحدنا
ما حيخلينا , وهو مكتمل فينا أصلاً , وحيزيد فى كمالو بى روعتكم ..
وترن ترن .. أنا مرابط قريب فى ضرا حبكم الكبير .. ألف تحيه ليك ..
مامون
| |
|
|
|
|
|
|
|
|
|
Re: بهذه المشاهد ! .. وداعاً سودانيز أون لاين ! (Re: Abu Eltayeb)
|
Quote: ولأن الأغلبية تسعي لحفظ جمال هذا المكان..
يكون النداء لك ان تبقي..لأنك قطعا تضيف له |
ياسلام يا منى , يا بنت خوجلى , يا حاجه من الزمن الجميل !
كل الحصل إنو أنا خجلت من صديقى العزيز لطفى ( الكلس ) لأنى حرمتو
من هذا الوصال الجميل ! .. عموما أنا بعد البوست ده حأكون مرابط قريب ,
وباقين إنتو فى ضميرى إلى الأبد .. وأنا باقى بيكم ! ألف تحيه ليك ......
مامون
| |
|
|
|
|
|
|
|
|
|
Re: بهذه المشاهد ! .. وداعاً سودانيز أون لاين ! (Re: Abu Eltayeb)
|
Quote:
لن تذهب
لآن روحك هنا
وحرفك وعشقك ولونك ودمك وعتقك وسجنك
كلو هنا
لن ترحل ,,
لاننا ما عندنا قدرة البحث عنك في مرافئ
الغيم ,,, |
فيصل .. إبن عباس , وكفى ..
لن تبحث عنى يا عزيزى فى تلك المرافىء ,
ولن تتكبد عناء السفر ! لأن تلك المرافىء ماهى إلا
مرافىء عشقكم الكبير , الذى يتوسد شغاف قلبى !
أنا مرابط قريب بى جاى يا فيصل ..
مامون
| |
|
|
|
|
|
|
|
|
|
Re: بهذه المشاهد ! .. وداعاً سودانيز أون لاين ! (Re: Abu Eltayeb)
|
الاخ مامون
اشكرك جدا على التوضيح
وجودك هنا ضروره ملحه
املتها افتقار المكان لامثالك ممن نهرول الى كتاباتهم كى نسترح ونلقى عن كاهلنا درن الزمان( هم قله هنا )
اتفهم تماما رغبتك فى ان تظهر تلك الكتابات باسم صاحبها الحقيقى
والى ان يحين ذلك لا اظن ان الاخ ابوالطيب حيكون عندو مانع
ولا شك عندنا فى ان الاخ بكرى ابو بكر سيكون حريصا باضافه نجم او كوكب الى المنبر
لذا دعنى اكرر تلك الصرخه هنا
Quote: نداء الي بكري ابوبكر وباسم كل من كتب هنا بسرعة انضمامك الي كوكبة هذا الفضاء
عليكم بالماسنجر وانا اثني واويد الترشيح للعضوية |
والى ان يتم ذلك فالتواصل يا اخى مامون
ونحن فى انتظار ما بعد المقدمه
| |
|
|
|
|
|
|
|
|
|
Re: بهذه المشاهد ! .. وداعاً سودانيز أون لاين ! (Re: يوسف الولى)
|
| Quote: Quote: هو في ايه ؟ |
عزيزى مهند مامون ,
هوفى غير الحب ؟1
الحاصل أنو بنحبكم ياخى
وعايزين نكون معاكم , لكن
ما باليد حيله ! وما تعب المضيف ,
وماكلّ ولا ملّ ! لكن الضيف تعب من كتر الكرم والإكرام! وخجل !
بعد البوست ده , خليتكم بى عافيه , حتى صورتى دى حأنزلها !!
وبالمناسبه يا مهند ما تشوف الصوره دى تقول مامون ده قدرى !
دى صورة مامون الزمان ! لكن لسه برضو قريبه وما تقول عجزنا خالص
وكان الله أده العافيه وجينا راجعين , حتشوف مامون الهسى .. تحياتى ..
مامون ,الهسى..
| |
|
|
|
|
|
|
|
|
|
Re: بهذه المشاهد ! .. وداعاً سودانيز أون لاين ! (Re: Abu Eltayeb)
|
| Quote: وكمان كلامك الدوغري المعافى |
ياسلام أخى العزيز الأديب , محمد عبدالجليل ,
والبركه فيكم فى صهرك العزيز ... وكنت كتبت
ليك تعازينا الحاره عبر بوستات التعزيه الكانت
مرفوعه .. ولقد آلمنا جداً هذا الخبر ..
وياسبحان الله يامحمد حتى فى الفراق والإنتقال من الحياه
يحصل توارد أيضاً ,, أقرب لى توارد الخواطر! .. فلقد إنتقل بالأمس
صهرى العزيز بابكر الحافظ آدم, الرباطابى المكافح الصنديد . ولقد
كتبت عنه فى بوست بعنوان  بابكر الحافظ الباشكاتب بالمعاش ) , لعلك لم
تنتبه له, لأن عنوان البوست عادى ولا يدل على تعزيه .. كتبت عن الرجل ماجادت
به الخواطر ... وأنا دائماً كما تعلم أهتم برأيك الأدبى حول كتاباتى ومواضيعى , وذلك
لثقتى الكبيره فى رأيك الذى أعتز به كثيراً ..... أرجو وضع بصمتك على بوست العم بابكر
العصامى المكافح الفريد .. ألف ألف تحيه ليك أخى محمد وأحسن الله عزاكم وجبر كسركم .
مامون
| |
|
|
|
|
|
|
|
|
|
Re: بهذه المشاهد ! .. وداعاً سودانيز أون لاين ! (Re: Abu Eltayeb)
|
| Quote: كيف ترحل بعد ان ملات المكان القا ورونقا |
وده من رونق حسك الراقى وألق روعتك ,
يامتولى ياود مالك الأمدرمانى المعطون
فى حب أمدرمان والوطن السودان ......
ياسلام يا متولى أيها العزيز مشتاقين ليك
كتير يارجل ... وإنشاله البركه فيكم فى العم بابكر الحافظ .
وربنا يجبر كسركم .. ويجعل البركه فيكم وفى كل أولاد أهله ..
مامون
| |
|
|
|
|
|
|
|
|
|
Re: بهذه المشاهد ! .. وداعاً سودانيز أون لاين ! (Re: Abu Eltayeb)
|
Quote: عزيزى يوسف الولى , ألف تحيه ليك ..
طبعاً أبوالطيب ماعندو أى مانع .. ده أبو الطيب
يا يوسف ! لكن المشكله أنى أنا لحست العسل كلو,
وزى الكأنو حرمت لطفى , هذا الوديع الشامخ من هذا
الوصال ... أرجو المعذره .... ولابد أنها حتهون ..
أيدك معانا أيها الولى .. أخليك بألف خير ..
مامون
|
| |
|
|
|
|
|
|
|
|
|
Re: بهذه المشاهد ! .. وداعاً سودانيز أون لاين ! (Re: Abu Eltayeb)
|
أبوالطيب
ليتكم جميعاً تعرفونه عن قرب
ليتكم ترونه
كم مؤدب
شفيف
موطء الجنب
مأمون
ورفيقه عبد الغني كرم الله
تستطيع الإستدلال على وجودهما بالمكان
حين تسرى النسائم
وحين يعبق عطرهما
رجال في أدب وحياء العزارى
أحببتهما
وسأظل
تعال فخذ ( باسووردي ) يامأمون
فمن نحن ؟؟
حتى يذهب مأمون
ونبقى نحن ؟؟
محبتي
| |
|
|
|
|
|
|
|
|
|
Re: بهذه المشاهد ! .. وداعاً سودانيز أون لاين ! (Re: كمال علي الزين)
|
Quote: حين تسرى النسائم
وحين يعبق عطرهما |
وعطرك يا كمال يازين ,
الذى يعطر هذا المكان بعبق الكلام ,
وفوحان هذا النفس الطيب والفكر المستنير,
يكفى جداً قبسك هذا, ليسد خانة ألف مامون .
أنا قاعد قريب ياكمال , بعد أن كنتم أنا, وأسكنتكم
شغاف قلبى .... ألف تحيه ليك يا كمال ..
مامون
| |
|
|
|
|
|
|
|
|
|
Re: بهذه المشاهد ! .. وداعاً سودانيز أون لاين ! (Re: كمال علي الزين)
|
سلامات
وعوافي
واني "أًخيبُ" الناس تجاه موقفك هذا استاذي مامون احمد ابراهيم ..
وبل واني "اكثرهم خيبة" بقرارك هذا .. غير اني وددت لو ان بكري اعارنا بعض انتباه حيال امر عضويتك ..
تقصيري لم يكن بيدي اخي مامون ولكن فعلت مافي الوسع ..
تعلم محبتنا لك .. ونعلم اخلاقك وروحك النبوية ..
لذلك نتمناك دائما بيننا .. اخا وصدقيا وكاتبا خلوقا ومهذبا طيب الحرف ونير الافكار ..
لا ادري ماذا سيقول لنا بكري ..ولكن نطالبه بان يستجيب لنا فهذا الطلب قد كررناه في غير مرة ولم يجيب النداء عل الامر اكرم مما نتخيل فربما الرجل لم يجد رسائلنا اوربما لم يلتفت لبوستاتنا التي فتحناها لطلب عضويتك انت وعضوية الاستاذ كمال سالم الذي يقف الان نفس موقفك هذا تجاه سودانيزاون لاين ..
كل الامل في ان يمنحكما بكري ابوبكر عضوية المنبر فنحن في اشد الحاجة لوجودكم بيننا فكلاكما "له قلب انسان وروح ملاك" ..
فتقبل حبي وتقديري ..
"واقف حائرا امام عجزي"
| |
|
|
|
|
|
|
|
|
|
Re: بهذه المشاهد ! .. وداعاً سودانيز أون لاين ! (Re: ودرملية)
|
| Quote: واني "أًخيبُ" الناس تجاه موقفك هذا |
إنت حاشاك الخيبه ياودرمليه ! يا أخو الأخوات والأخوان !
لا تثريب يا عزيزى من أحد على أحد , فهذه دار سودانيه ,
مضيافه وعامره بى ناسا , والضيف فيها صاحب بيت ,
وبكرى أبوبكر , هذا الرجل الرائع عندو مشغوليات جامده ومسؤوليات كبيره
تجاه هذا البيت العامر .. فله العذر وكل التحيه والتقدير ..
لاعليك ياودرمليه , أنا قاعد قريب بى جاى حداكم وفى البال والخاطر .
مامون
| |
|
|
|
|
|
|
|
|
|
Re: بهذه المشاهد ! .. وداعاً سودانيز أون لاين ! (Re: Abu Eltayeb)
|
Quote: رايك شنو ؟
اديك الباسورد بتاعي ومرة مرة خليني اتاوق معاك |
عبدالمنعم الحاج , ياسلام عليك ياأصيل !
أنا وأنت كلو واحد .. والقلوب شواهد.
وعلى الرغم من كل هذه المسافات عبر
هذا الفضاء, زى الكأننا متشاوفين من
سنين طويله ! .. لك جزيل شكرى ....
وخالص تحياتى ....... مامون
| |
|
|
|
|
|
|
|
|
|
Re: بهذه المشاهد ! .. وداعاً سودانيز أون لاين ! (Re: Abu Eltayeb)
|
و في عدل في الدنيا دي. قلم مامون يدخل بالباب الرسمي وتتفتح ليه كل غرف المنبر..
طالما المنبر مليان بأقلام "الرصاص" القاعدة ترشنا كل يوم بالليل.
العزيز مامون.. سنقود حملة لتحقيق العدالة دي.. ونشكر لطف العزيز لطفي بسماحه لنا لمعرفة قلمك..
تخريمة: الصورة بتاعت لطفي ولا بتاعتك ..؟
ودي
| |
|
|
|
|
|
|
|
|
|
Re: بهذه المشاهد ! .. وداعاً سودانيز أون لاين ! (Re: Abu Eltayeb)
|
Quote: العزيز مامون.. سنقود حملة لتحقيق العدالة دي.. ونشكر لطف العزيز لطفي بسماحه لنا لمعرفة قلمك..
|
أولا نثني المقتبس من حديث الاخت رجاء العباسي وأغتنم هذه السانحة لأرحب بأوبتهاإلى حيث تنتمي...
-------------
مأمون المأمون
كيفنك يا أصيل ،،
هو بالله إنت الزمن دا كلو راكب جواز ؟؟؟
مره سألت شقيقك الصديق العزيز الفنان صلاح (فالوله) عن هل لمامون أبن اسمه الطيب؟؟ فذكر لي القصة كلها من طق طق إلى السلام عليكم...
يا مأمون:
الريس من أكرم الناس ولن يستكثر عليك منحة أنت مستحقها...وستكون عطيته بلا شك عطية من يملك لمن يستحق..
فمامون الصديق الصدوق الخلوق ظل صحبتكم يا بكري حولا بالتمام والكمال كان فيه فاعلا وجميلا وصادقا...فتكرم علينا (للمرة الألف) بصحبته هنا..
ما هماهو في الدنيا ويكبر كومـ(هـ)ـــا
غير ما يشيل هموم البرغي غالبا القومـا
ودمت ودمتم
| |
|
|
|
|
|
|
|
|
|
Re: بهذه المشاهد ! .. وداعاً سودانيز أون لاين ! (Re: Abu Eltayeb)
|
اخي مامون
والي ان يمد الله لنا خيط وصل مع سيد الحوش نهديك مقاطع من اغنية المرحوم محمد احمد عوض
تفارق وين تخلينا لشوقنا وذكري ماضينا
وكيف بعدك يكون الحال وكيف تصبح ليالينا
لو في واحد حريف كدا يجيب لينا الاغنية هنا
لؤي - تمبس - ودالعباسية - احمد خضر وكل من يانس في نفسه الكفاءة
| |
|
|
|
|
|
|
|
|
|
Re: بهذه المشاهد ! .. وداعاً سودانيز أون لاين ! (Re: Mutwali Malik)
|
Quote: والي ان يمد الله لنا خيط وصل مع سيد الحوش نهديك مقاطع من اغنية المرحوم محمد احمد عوض
تفارق وين تخلينا لشوقنا وذكري ماضينا
وكيف بعدك يكون الحال وكيف تصبح ليالينا |
متولى , صاحب أجمل بوست عن أمدرمان !
محمدأحمد عوض ! .. عديل كده ! ياسلام يامتولى
ويا لها من ذكرى نشتم معها كل روائح أمدر الذكيه
ويعتمل شوقنا وذكرى ماضينا !
مافى فراق يا صديقى مادامت هذه الذكرى العطره النديه بيننا ..
مامون
| |
|
|
|
|
|
|
|
|
|
Re: بهذه المشاهد ! .. وداعاً سودانيز أون لاين ! (Re: Omer Abdalla)
|
Quote: Quote: يامرحبا، يامرحبا...
هذا الحبيب أتى، وكان مغيبا
فسرى نسيم الروح في احشائنا
فأمالنا طرباً كأغصان الربى..
لم أك مغيبا , عزيزى عبدالغنى
وأنتم هنا ! وهذه النخبه المنيره .
الشكر كل الشكر لكم جميعاً ...
وشكر خاص ومن أعماق أعماقى ,
لبنات أهلى العزيزات , الرائعات
الشفيفات , الزاخرات :
منى خوجلى
رجاء العباسى
تماضر الخنساء
مريم بنت الحسين
وبنت أختى العزيزه ,
سلمى صبحى ..
فالنساء عطر هذا الكون وروحه
الفضفاضه المشرقه ..
أها ياسلمى دعواتك إتحققت
وإمتطينا الفضاء ات المطلقه .
ألف ألف تحيه ليكم .. |
| |
|
|
|
|
|
|
| |
يوسف الولى
وليد محمد المبارك
عبدالغني كرم الله بشير
mekki
محمد سنى دفع الله
Omer Abdalla
محمد عبدالرحمن
Muna Khugali
فيصل عباس
خضر حسين خليل
مهند مامون
Mohamed Abdelgaleel
Mutwali Malik
عوض حمزة
ودرملية
حبيب نورة
بدر الدين الأمير
jini
Raja
Ahmed Yousif Abu Harira
Hani Arabi Mohamed
مامون أحمد إبراهيم
نادر محمد الراضي
salma subhi
فيس بوك
تويتر
انستقرام
يوتيوب
بنتيريست