|
|
 انا طلقت راجلي التاني الحقوني يا ناس التكنلوجيا المتقدمة
|
يا ناس التكنلوجيا المتقدمة وتقنية المعلومات الحقوني انا طلقت راجلي التاني ومحتاجة للبوست حق عرسي الفات داك وما عارفة اجيبه كيفن؟
الرسول فوقكم ما تصهينوا مني ووروني الطريقة ولا جيبوه لي عشان نسخن العرس تاني اصله العرس بيحرروه اهله
عنوان البوست كان
اها يا جماعة انا مغتربة ولميت القروش وجاهزة للعرس
ناس حسين ملاسي والمقرضين يمتنعون
وناس فيصل نوبي والدجالين يشرفون
وناس الموج والمهندس محمد السيد ودكتور محمد الامين واصحابي القدام ديك يقفون في الصف الجديد
والبنات الممسوخات ما اشوفهن هنا كله كله عشان ما يطيرن الارزاق
البت الوحيدة المسموح ليها بالدخول ايزابيل الحلبي عشان البوست يجيب دخل رجالي واخليه ليهم زي المرة الفاتت
وخليتكم بعافية
ايمان
|
|
 
|
|
|
|
|
|
|
 ما بنات.. مسزات (Re: إيمان صالح)
|
| Quote: والبنات الممسوخات ما اشوفهن هنا كله كله عشان ما يطيرن الارزاق |
| Quote: تاني ما اشوفك بي هنا |
هيْ يا حبيبة أنا ما (بنات) أنا (مسزات)!
| |
|
|
|
|
|
|
|
|
|
Re: ما بنات.. مسزات (Re: lana mahdi)
|
ايمان صالح ....
وحات الله اسمك دا ما غريب على ..
وان صورة البنوته الفى بروفايلك دى بتك ....الشكل ذاتو ما غريب على ....
وان كمان بقيت موهومه ساكت .... اعفى لى ..
| |
|
|
|
|
|
|
|
|
|
Re: ما بنات.. مسزات (Re: Randa Hatim)
|
يا رندا
اسمي ايمان صالح
يمانية يعني من اصل ايطالي وامي ايطالية من اصل يماني وابوي ايطالية من اصل يمانية وامي يماني من اصل ايطالية
يعني سودانية زي حسين ملاسي
والصورة دي من زمان كتبت اول موضوع لي في البورد عنها انا لافحاها من النت عشان عاجباني ابتسامتها وخدودها
فطلعتي موهومة ساكت
وعفيت ليك
ايمان
| |
|
|
|
|
|
|
|
|
|
Re: ما بنات.. مسزات (Re: lana mahdi)
|
مس لنا تيريزا
يعني ما بتتوبي وحايمة بيجاي سمح اديني نمرة راجلك اليجي يحرسك بيجاي كان الكترابة قامت ما اتحمل مسؤوليات انا ما قدرها
كفاية السووها في الانصار في الجزيرة ابا وودنوباوي
ايمان
| |
|
|
|
|
|
|
|
|
|
Re: انا طلقت راجلي التاني الحقوني يا ناس التكنلوجيا المتقدمة (Re: طارق جبريل)
|
الكريمة ايمان
انا غير مسموح لي بالدخول عشان شينة وبيركس وما بجيب دخل ع قولك زي بت لبنان
اصلي سودانية شديد ودقة قديمة وديناصورة كمان
يعني نوع العريس الا يجي براهو و بمزاجو ويدفع دمو قلبو كمان
بس وحاتك دخلت عشان استنجاد محمد طه دا
| Quote: محول للأخت سودانية للافاده والتعليق |
وانا بصراحة عندي راي في الدفع المقدم بشأن عريس
وناس القفز بالزانة ديل ما تبعنا نهائي
اما عرس التكنو دا
نبقي زي واحد اخونا عرف امو ع البت
يا ماما دي ما بت النت يااخي
فردت اجي ياولدي الشواطين ديل بعرسوهن
علا قايلة بونسوكا ساكت اهد الله
اها يا بت الناس
لمي قروشك عليك
ح القاك هنا تاني
تصرخي طلقت الثالث
القصة مصلحة قروشك تكمل وتكمل حلاتك معاها
شوفي ليك
ع قول بابا الله يرحمو
دين (بالتشديد) تقي هدي ورضي
يبقالك هدم وتبقيلو تقابة
فتك بعافية
اصلي داخلة شمال ساكت
والله يديك الفي مرادك
| |
|
|
|
|
|
|
|
|
|
Re: انا طلقت راجلي التاني الحقوني يا ناس التكنلوجيا المتقدمة (Re: إيمان صالح)
|
Quote: ها المطرطش ده
ديل كتبتهم يجيبوا لي البوست خلي الطرطشة البتوسي فيها دي
ايمان |
ايمان و دكين
الف مبروكـ والله
بيت مال و عيال
دكين الرد لن يفوت علي فطنتكـ اظنه .. ففيه ما فيه من دلال و قبول
فأسرج خليكـ و احص نقودكـ جيدا و تعطر بأفضل ماعند الاصدقاء من عطور
و يمم قاصدا اهلها ففي ذلكـ نجاتكـ و قطع للسان نسوان بيت البكا
الفي امبده الاسبوع الفات ,, لانهن كانن بنضمن عن ولد في الانترنت
تعبان
و
داير يعرس
و
اسمو دكين
__________
كلمتني بالقوالة دي خالتي علويه
| |
|
|
|
|
|
|
|
|
|
Re: انا طلقت راجلي التاني الحقوني يا ناس التكنلوجيا المتقدمة (Re: ايزابيل حلبي)
|
| Quote: وكنت في شهر العسل انا |
بالهنا
| Quote: انا طلقت راجلي التاني |
بالسرعة دي؟
طيب ما تتقلي شوية خلي العدة تنتهي , و لا خلوها الزمن دا؟
| Quote: وياخواني شنو قصة الحبشي دي انت وملاسي؟ |
الحكاية إنو جيت داخل لقيت الحبشي كاتب وين فلان و فلان و من الضمن إسمك
قلت بس ديل يكونوا غالطوا الحبشي في موضوع كدا من سنتين تلاتة
و هو حالف ليهم , أها أول ما خلص من غلاط محسن خالد و صبري الشريف و آخرين
إتذكرهم و نكت الملفات و جهز الكوتات و ربط ليهم, و دخلت متوقع الشبكة و الكتاحة
إتفاجات لقيت الموضوع غير كدا خالص, و هليتي حضرتك بكتابتك الطاعمة دي .
عشان كدا أنا دعيت للحبشي
(هذا ما كان من أمري أما ملاسي فقد يكون له مآرب أخري هو أجدر بالبوح عنها)
بالمناسبة....
ما في أي كبكبة و لا حاجة بس عدم موضوع وونسة ساي
(أم حتوت كانت واقفة جمبي و أنا بكتب)
| |
|
|
|
|
|
|
|
|
|
Re: انا طلقت راجلي التاني الحقوني يا ناس التكنلوجيا المتقدمة (Re: ايزابيل حلبي)
|
عزيزتي ايزابيل
تعالي اشرحلك حبيبتي
انا زمان كتبت موضوع عن بحثي عن زوج وعرضت اني اتكفل بكل ما يتكفل به الازواج عند الزواج من تكاليف العرس وهدايا للعريس وتزوجت والان طلقت زوجي وناوية اعيد الموضوع من جديد فحتى اضمن عرسان لازم اضمن دخول رجال للبوست ولعلمي بحب الرجال السودانيين للجمال العربي واللبناني تحديدا فقد رايت دخولك للبوست سيكون مفيدا لي لان الرجال سيركضون خلف جمالك المشهود وسيدخلون خلفك للبوست وحينها دخول الحمام مش زي خروجه
فهمتيني حبيبتي؟
| |
|
|
|
|
|
|
|
|
 Re: انا طلقت راجلي التاني الحقوني يا ناس التكنلوجيا المتقدمة (Re: إيمان صالح)
|
حوووووووووولا
إيمان هار سلف
الشوق يشيلوا باللودرات ويشحنوا كونتينرات
كنتى وييين(قالها بأسنانه وهو يعض على سبابته متوعدا)(كما سى سيد)
الغيرة كتلتنى وكل يوم أصحى الصباح ملكوز(أقول كلوا منك يا صديق الموووج)
(ختفتها تف وخليت قلبى نتف نتف .. حالة إتعلمنا من بعدها السف)
شيلتينى ذنب فى شان صديق الموج المسكين
والإعتذار حار فى بورد سودانيز أون لاين
حليتى أهلا ونزلتى علينا فى عيدا يحكى حاله الحجز بالطوب.
هسع عليك الله الطوب دى كلمة تدخلا فى سطر زى دا(قالها فى نفسه)
طوبى لنا بعودتك
باش طلبه محمد السيد
.............................................................................
ياربى الكلام الأنا رسلتو دا فى العام ولا المسنجررررررررر جرررررررررر جررررررررررر
| |
|
|
|
|
|
|
|
|
|
Re: انا طلقت راجلي التاني الحقوني يا ناس التكنلوجيا المتقدمة (Re: elameen)
|
اللذيذة ايمان صاحبتي
هي انا البعمل المعاينات سمح؟
خبرة 21 سنة زواج..
برضو لو شرحتي للمسزات (حقوق محفوظة للنا)
خارطة طريق كيف يطلقو ويلمو القروش بتكوني ما قصرتي
وليك وحشة شديدة..
في زول يا ايمان رسل قالي ايمان دي انتي
خلي بالك الاوشاعة دي لو انتشرت بس بتقدمو ليك الظلامين..
وذي ما قلت زمان
ظلامي عديل ولا مستنير مجهجه
بما انك عندك القروش انت تختي شروط
نوع اصفر وطويل وشعرو ناعم وعيونو غلاد و سيد بيت كويس
ويقدس الحياة الزوجية..
| |
|
|
|
|
|
|
|
|
|
Re: انا طلقت راجلي التاني الحقوني يا ناس التكنلوجيا المتقدمة (Re: bayan)
|
ووووب علي
بيان قاعدة بيجاي
ازيك يا نجاة
والله العظيم مشتاقة ليك
والمعاينات عاد سلمتها ليكي تب
ناس رندا ولنا وملكة سبا ديل ذاتهن انا شاكة فيهن
هسه شايفاهن حايمات حوامة في بروفايلات الوليدات من امس
عليكي النبي اليقولوا
انا وانتي ما يانا واحد
الرسول سلمي على بنياتك
وسلمي لي على الغالية دومة
لمن الاقيها
ايمان
| |
|
|
|
|
|
|
|
|
|
Re: انا طلقت راجلي التاني الحقوني يا ناس التكنلوجيا المتقدمة (Re: إيمان صالح)
|
Quote: الفوق ديل كتبتهم يجيبوا لي البوست لأنهم بيعرفوا للحاجات دي خلي الطرطشة البتوسي فيها دي انت ذاتك
وقدم اوراقك عند ملكة سبا هي بتستلمها وتعمل ليها تنسيق ولو دين بتشديد الياء قدمها لسودانية2000 عشان هي الماسكة الديون
|
الله يسألك هسة في طرطشة أكتر من البتسوي فيها إنتي دي؟ ..... ملكة سبأ وسودانية 2000 ما غابي عنهم ... ولو عايز أصلهم عارف دربهم .... بس أنا بتفاهم دايماً مع صاحب الجلد والراس.
عموماً أنا اتأخرت عشان مشيت للبوست الأول ..... و ...... رسالتك وصلت.
أنا يا ستي متزوج (يعني عندي 3 شواغر) بس في ناس كتيييييير متكلمين علي ومستني أعمل (Filter) عشان أشوف صاحبة النصيب نمرة (2) .... تحبي تدخلي في المنافسة؟ 
| |
|
|
|
|
|
|
|
|
|
Re: انا طلقت راجلي التاني الحقوني يا ناس التكنلوجيا المتقدمة (Re: فيصل نوبي)
|
Quote: نزار
اسمع النحدثك مش عندي بيت وبس كمان بنيت بيتنا الفي ودنوباوي من اول جديد وهسه ببني في قطعتنا الفاضية اها شن قولك؟
ايمان |
وقبل ظهور ناس شطة وتهاديل كمان؟ يعني بنيتي بنا راسو عديل...لا 3 بانيل
ولا بلوكات طين؟
لا كان كدي انسحب لعدم الكفاءة...
انتي مؤهلة تأهيل عالي جدا...ومستطيعة مش الباءة...وصلتي الياءة زاتا..
بس بعد ما تعرسي طالبك طلب تديني كسار الطوب...
| |
|
|
|
|
|
|
|
|
|
Re: انا طلقت راجلي التاني الحقوني يا ناس التكنلوجيا المتقدمة (Re: nazar hussien)
|
ايمان يا اختى اسمعينى ... انا والله ح اديك اقتراح اصلو ما ح تلاقى احسن منو..
شوفى بما اننا الاتنين نساء عاملات .. يعنى ما فاضين وورانا مشاكل عمل والتزامات اخرى .. رايك شنو نعرس لينا راجل واحد انا وانتى ... واذا اتفقنا على الاساسيات ممكن نسكن فى بيت واحد ... وعلى الاقل كل واحده فينا يكون عندها يوم براها لا راجل ولا وجع راس !!!!!!!
بعدين ممكن نحاول نلقى لينا حل لى مسالة قطر والسعوديه دى ...
انتى اذا وافقتى من حيث المبدأ ممكن نقعد فى الواطه ونتفاهم فى باقى التفاصيل التانيه ..
رايك شنو؟؟؟؟؟
| |
|
|
|
|
|
|
| |
إيمان صالح
lana mahdi
معتز القريش
محمد عثمان محمد طه
طارق جبريل
ملكة سبأ
عاطف عمر
محمد أبوالعزائم أبوالريش
Salah Waspa
ناذر محمد الخليفة
محمد البشرى الخضر
خدر
nazar hussien
رشا سالم
الخير محمد عوض
أبوبكر طه
فيصل نوبي
بهاء بكري
bayan
د.محمد حسن
فيس بوك
تويتر
انستقرام
يوتيوب
بنتيريست