|
مشوار ..الأغاني ..
|
خطواتي زي.. تبعد وألقاها ترجع ليكا تاني وقلبى ماداير يفارق يهجر الحب والأماني إشتقتا ليك قبال أسافر واللهفة فى بعدك تعاني وكيف بضيع لحظة سلامك إحساسي بى نبض الثواني وتهرب الكلمات تهاجر تبدا مشوار الأغاني ولسه إيديّ فى إيديكا وإنتا بتهدهد حناني توعدك بالشوق..عينيَّ وتديها من عينيك معاني.. برسمك.. في كل فكرة .. وديمة في جوَّاك ..أراني.. شايلة من شوقك حنيني وريدي من ريدك سقاني.. لهفة الزول المفارق أصلو بُعدك كم شقاني وبرضو قربك فيني بتعب كل تفاصيلي وشجاني ومابحس الفرحة ..إلا.. تديها بعض الفيك ..وماني.. بحلم بي طريقاً ..خالي .. من عينيك ..تراني وزي حسابك لى رجوعى ألقانى بستعجل زماني
|
|
|
|
|
|
|
|
Re: مشوار ..الأغاني .. (Re: تماضر الخنساء حمزه)
|
الأخت تماضر
تحياتي
ما كل هذا الجمال وهذي الاريحية الشعرية المنمقة البسيطة العذبة0
الدنيا لسه بخير وانا عندي ملكة شعرية خجولة ولكن بعد سماعي لهذه
القصيدة الجميلة ( بيني وبينك خفت من نشر اشعاري علي البورد )
عموما إلي الأمام يا شاعرة يا متفردة وآمل ان اسمع المزيد لعل وعسي
تجينى الشجاعة الأدبية واقدر اعلن عن قصائدي 0
| |
|
|
|
|
|
|
Re: مشوار ..الأغاني .. (Re: إسماعيل حميم)
|
الاخت / تماضر بت حمزة -ايتها الخنساء شاعرة العرب الفحلة
معذرة فى مداخلة سابقة حيث خلطت بينك وبين بت شيخ الدين فالذاكرة اصبحت كثيرة الثقوب كالجبن السويسرى المعتق-
اطلع على شعر او اشعار كثيرة من شاعرات صغيرات السن كبيرات الموهبة واحار فيما افعل فارد على صاحبتها ببعض الاراء المشجعة وللاسف ليس فى بلادنا ارض الشعر والشعراء جهة تتبنى البراعم الناشئة من شعراء وشاعرات ونوالى الاهتمام بمواهبهم نعم نحن فى عصر التكنولوجيا والعولمة ما زلنا فى حاجة للشعر والشعراء -ومازال واجبنا ان نهتم وان نفرح بالشعر اء القادمين كما كان يفعل اجدادنا الذين كانوا يحتفلون بمقدم الشاعر وتعتبر القبيلة ظهور الشاعر فيها حدثا مهما تهتم به وتعلن عنه -فى الغرب يهتمون بالشعراء الصغار ولا تتردد دور النشر فى الانفاق على اصدار مجموعة شعرية لشاعر او شاعرة صغيرة ما دامت موهبته او موهبتها تستحق الاهتمام والرعاية -- مرحب تماضر الخنساء وامنياتنا لك ودعاؤنا بالتوفيق-
الاخ ابوبكر -كيفك وكيف العيال وان شاء الله تكون حرقت تش -التحية لك
| |
|
|
|
|
|
|
|