|
الإنطباع الاول
|
هنالك الكثير من الأشخاص الذين يحاولون أن يعطوك إنطباعاً أولاً قد يكون مغايراً او معاكساً او غريباً وإليكم بعض الامثلة .
|
|
|
|
|
|
|
|
Re: الإنطباع الاول (Re: فيصل محمد رشوان)
|
أولاً بتاع الإيجار او بتاع النفايات او الموية او بتاع الكهرباء (قبل الجمرة الخبيثة ) لمن يجيي في البيت بيدق الباب بطريقة غريبة جداً تتخيل أنو حيكسر الباب حتة حتة ويحاول أنه يعطيك إنطباع أنه صاحب حق وما جاي شاحدك والغريبة طريقتك في دق الباب تقول مدخلينهم كورسات خاصة ؟
| |
|
|
|
|
|
|
Re: الإنطباع الاول (Re: فيصل محمد رشوان)
|
ثانياً البنات لمن تجي تتعرف على واحدة جديد تعمل تحاول تديك إنطباع أول وتعمل ليك في إنها ست الحنكشة وما بتعرف الفول ده ذاتو شنو وبياكلو بالمعلقة ولا بالشوكة والسكين وتقعد تتكلم ليك بالجيم المعطشة أم ثلاثة نقط ديك (والله قدر ما فتشت الكيبورد ما لقيتها هي والفاء بتاعت الفيمتو ديك برضو ما عارف كيبورتي ده صحراوي ودشن ولا شنو ) .
| |
|
|
|
|
|
|
Re: الإنطباع الاول (Re: فيصل محمد رشوان)
|
رابعاً البياعين وخاصة بتاعين الهدوم لمن تجي تسألو من حاجة عجبتك طوالي يخمك بسعر قدر سعرها ثلاثة مرات وإنت عارف لوحاججتو ممكن يدك ليها بربع ثمنها ولكن هو بديك إنطباع أول أنو شاف جيبك الكبير المليان ورق وبطاقات ده قايلاه قروش .
| |
|
|
|
|
|
|
Re: الإنطباع الاول (Re: فيصل محمد رشوان)
|
خامساً في الكورة وقت تجي تلعب مع ناس جداد يبدوا معلك بكسر وشلاليت (علاء الدين عديل كده) يحاولوا يدوك إنطباع أول إنك زول فاره ساي وتطلع من الكورة معوق وحالتك صعبة زي الطالع من أبوغريب ؟؟؟
| |
|
|
|
|
|
|
|