|
|
 يا ناس ما حمد لله على سلامتى
|
اولا يا سيد الحوش سلام وتشكر تانى
تانيا كل الناس الفى الحوش سلام وحمدلله على سلامتى.
يا جماعه لو واحد راح منو مفتاح حوش لمدة سنتيين
وبعد عذاب سنتيين لقى مفتاح الحوش تفتكروا يعمل شنو
بس يفتح وتوش يدخل ولا اولا يقول بسم الله و بعديين يجرب
المفتاح يمكن ما يفتح لانه الزمن طال.
اها قلته بسم الله الاولى بتاعت المفتاح وفعلا فتح وقبل
ما ادخل قلته بسم الله الرحن الرحيم دى فيها حاجه
يمكن تعتر لى حاجه وانا داخل بس للضمان وكمان دخلته
برجلينى الاتنيين يعنى ما نطيت دخلته بيهم عديل كده
فى ناس ما فهمو دى افتكرونى نطيت بالحيطه (الله يسامحم)
وفى ناس مستغربيين فى قولت بسم الله الرحمن الرحيم دى
برضو الله يسامحم دى ما بين قوسيين لانه ما بيستاهلوها
وقالو ما سمعونى قبال كده قلتها ياجماعه ممكن الواحد يقوله
فى سره.
المهم فى الموضوع انه حمدلله على سلامتى لانه دخلته الحوش العامر بناسو
والله يستر ويكفينا شر المصايب.
زوغه على خفيف على وزن تخريمه البكتبوها الاخوان
كتابتى دى واضحه بالله قولو لى كان ما واضحه نديها سنه شويه.
بعدين قاعد افط سطر الحكايه دى جايه ولا لا . عشان نوفر مساحه للاخوان.
وبعدين زى ما قلته فى بوست مسيرة ارجاع باسوردى الكانت رايحه من سنتيين
اشكر كل الذين شاركو بحبر كمبيوتراتم و الذين طقطقو كيبورتاتم وهم جالسون على كراسيهم.
الود كله للحبايب اللينا منهم زمن طويل وبجيهم واحد واحد.
|
|
 
|
|
|
|
|
|
|
|
Re: يا ناس ما حمد لله على سلامتى (Re: حمد اسماعيل)
|
Quote:
متابع ابداعاتك من بره الحوش
|
وأنا أتابع إبداعاتك منذ صباي
ولا أنسى وقفتك بجانب صلاح خليل في حفلات وردي
ومشاغبات الصّديق العزيز صلاح خليل لك
وقفشاته التي لازلت أذكرها
أهلاً بك بيننا من جديد
وبيناتنا الحكي والموسيقى والذّكريات
محبّتي وإحترامي
| |
|
|
|
|
|
|
|
|
 Re: يا ناس ما حمد لله على سلامتى (Re: لؤى)
|
يالؤى تشكر يااخى وبالمناسبه دى
زكرتنى صديق عزيز خالص. يااخى الزول
الوحيد ما قدرته الم فيه عبر الهاتف
صلاح خليل الراجل الفنان الذى وضع بصمات
فى الموسيقى السودانيه والذى كان يقلد
عزفه وصولاته كل من عزف الجيتار فى ذلك
الزمان الجميل.
الغريبه النمره عندى وحاولتها كذا
مره ومافى رد.
عرفته انه سكرتير النادى فى الدوره دى.
يديك العافيه يافنان.
| |
|
|
|
|
|
|
|
|
|
Re: يا ناس ما حمد لله على سلامتى (Re: نادر السوداني)
|
يا ايها النادر السودانى
نعم انى انا حمد شخصيا واشكرك على هذا الترحيب.
يانادر زمن طويل يااخى . يا حليل ايام زمان زمن
ديفدقروب انته وممدوح واحمد اسكيس واحمد داؤد(الله يرحمه)
دى حاجات مابتتنسى . بقينا بس نتزكر الحاجات الجميله ونعيش عليها
طلتك بالدنيا .(تتزكر اشتريت منك بيز ياماها ب 150 جنيه)
تكون غشيتنى فى البيعه دى؟؟؟؟؟
تسلم نادر
| |
|
|
|
|
|
|
|
|
|
Re: يا ناس ما حمد لله على سلامتى (Re: حمد اسماعيل)
|
بتاع البيز يالها من ايام وزكريات لم تبارح زاكرتي
جقلرة
بيقول المثل خير وسيلة للدفاع الهجوم انا لي في زمتك خمسين جنية زمن الجنية بدولار يعني
بعد خرتومية سنة بقت زي ....احسبة براك قال باع لي البيز بي 150 دولار قال بحبك موت
| |
|
|
|
|
|
|
|
|
 Re: يا ناس ما حمد لله على سلامتى (Re: أبو الحسين)
|
| Quote: يا جماعه لو واحد راح منو مفتاح حوش لمدة سنتيين |
يا استاذ حمد..
المزيكاتية لما يروح منهم مفتاح (الحوش) قاعدين يستعملو بدلو مفتاح (صول)طوالي
ولذلك
حمد الله على سلامتك ...
بعدين ياسر طيفور ده الظاهر لي بقى واصل شديد
بلاي يا استاذ اتوسط لينا عندو إن شاء الله ( يكشحنا بي فاتحة ) لانو مفاتيحنا دي ما بنفرط فيها بالساهل..
تحياتي للمعاكم بي هناك .. وممكن نبادلك بي تحيات من هنا ( بالطرمبة ).. لحدي ما الناس تجي
| |
|
|
|
|
|
|
|
|
|
Re: يا ناس ما حمد لله على سلامتى (Re: tmbis)
|
اولا اهلا
و مرحب باهل الفن
و
حمد لله علي السلامة
و لا يهمك كلنا كنا بنطط ب برة
إلا دوشتك السنتين دى ما سمعنا بيها
و يا اخوى فط سطر ممكن تساعد في قراءة نوتة مابين السطور
| |
|
|
|
|
|
|
|
|
|
Re: يا ناس ما حمد لله على سلامتى (Re: الأمين لعوتة)
|
الاخ الامين
سلامات وشكرا و كتر خيرك .طمنتنى يعنى فط السطر ما مشكله
لاكين ظنيتو فى المسنجر ما تفط سطر لانى لما كنته حايم ببره
سمعته بينى وبينك بكرى قال عشان السيرفر الناس تعمل حسابه
عشان كدى قلته اخير اسال يمكن الحكايه تاسر بغادى.
تسلم عزيزى
| |
|
|
|
|
|
|
|
|
|
Re: يا ناس ما حمد لله على سلامتى (Re: tmbis)
|
يا تمبس يا الاخوك عمر
والله طلعته ما منك اى فايده يااخى اخسر
فيك كرت تلفون بعشرة (فتحه فى التا) دولارات(كسرتيين فى الاخر)
عشان تتكلم مع بكرى بحكم انك ليك شخصيه هنا طلعته اى كلام
وياسر صاحبك ده عملنى سبب عشان يفتح ليه بوست . تعرف هو
يكتب بغادى وانا ما عارف انه بكرى رسل لى المفتاح بجاى
لانى رديت ليه الايمييل بتاع العنوان الجديد للمبر طوالى
ما قصر فكه لى المفتاح.سنتيين لافى ببره لا فى تعويضات
لازيادة بوستات .
غايته ربك وصلنا و الحمد ليهو.
نتلاقى .
.
| |
|
|
|
|
|
|
|
|
|
Re: يا ناس ما حمد لله على سلامتى (Re: حمد اسماعيل)
|
أخي وصديقي الفنان حمد إسماعيل
تحية وشوق بعدد السنين والأميال التي باعدت بيننا.. ليك وحشة
حمد بقفشاته الظريفة.. وحضوره المزهل سواء وهو يمسك الباص جيتار أو وهو ممسكا بزمام الحديث..
أي مجلس في دار الفنانين معتم وقاتم بدون حمد ..
والله النادي والسودان كله مظلم وأنتم بعيدون عنه
نادر السوداني
لؤي الأمدرماني
وكل الأصدقاء المبدعين الذين فرضت عليهم الهجرة والوطن يسكنهم كما الإبداع.
شوقي لكل من شد وترا شوقا وحباً للوطن .. وأنقل لكم تحية خاصة (أمانة) من شاكر عبدالرحيم الإنسان الذي أحبكم وأحببتموه
عاطف عبدالله
| |
|
|
|
|
|
|
|
|
|
Re: يا ناس ما حمد لله على سلامتى (Re: عاطف عبدالله)
|
الاخ عاطف عبدالله
كان انته عاطف البيتم جنب نادى الفنانيين تكون بالغته
عاطف الكنا بنعمل البروفات فى بيتم مع شاكر تكون صدفه
ما بعدها صدفه.
افتقد كل الزملاء والاحباب والغربه خليها ساكت الله يسامحه.
زى ما قلته شوقك لكل من شد وترا والله بعد الشفناهو دا
بنفكر نشد الرحال لانه الحاله بقت ما بتندار.
شاكر عرفه جا معانا لما الناس فكرت تقعدهو قال
انا راجع السودان .شاكر كان فنان وعشان كده ربنا
اداهو بت فنانه . الله يحقق ليه حاجاته الدايما جميله.
عاطف ياخى شكرا والجايات اكتر من الجن
مودتى
| |
|
|
|
|
|
|
|
|
|
Re: يا ناس ما حمد لله على سلامتى (Re: عاطف عبدالله)
|
عاطف العزيز
سلامات وأشواق بالجّملة
Quote:
والله النادي والسودان كله مظلم وأنتم بعيدون عنه
نادر السوداني
لؤي الأمدرماني
وكل الأصدقاء المبدعين الذين فرضت عليهم الهجرة والوطن يسكنهم كما الإبداع.
شوقي لكل من شد وترا شوقا وحباً للوطن .. وأنقل لكم تحية خاصة (أمانة) من شاكر عبدالرحيم الإنسان الذي أحبكم وأحببتموه
|
وأنت كذلك يا عاطف يفتقدك الوطن بالتّأكيد
ردّ الله غربتنا جميعنا
أمانة عليك تحاياي لشاكر العزيز
ولأسرتك الكريمة
محبّتي ..
وعُذراً أستاذ حمد
| |
|
|
|
|
|
|
|
|
|
Re: يا ناس ما حمد لله على سلامتى (Re: عاطف عبدالله)
|
تشكر اخي عاطف علي الكلام الجميل واللة نادي الفنانين الناس الحلوة بجد لم يفارقوا زاكرتي
وزكرتني غنية كنت بغنيها زمان من اشعاري المهببة بتقول
كل زول بي حالة يدور
يلملم في الشقي المشرور
الوجع في الجيب مصرور
لا بسد لا بيبل الزور.........ولية باقي نسيتة
ارجوا ان تبلق خالص تحيياتي للفنان الجميل شاكر عبد الرحيم ولكل ناس حوش الفنانين والجقلرجية مودتي نادر السوداني
| |
|
|
|
|
|
|
|
|
|
Re: يا ناس ما حمد لله على سلامتى (Re: raheel)
|
حمد لبد تعرف القصة دي
انت بطلها
المهم من مصر من السودان
ليك وحشة وشووووق شديد
كل ماشوف عربة طالعة من الدلالة بتذكرك
كل ماشوف حاجة جميلة بتذكرك
ولمن نسمع نغمة بديعة بنتذكرك
ياحمد ياجميل
بركة العرفة بقت الطلة والشوفة
قول أمين
مودتي
| |
|
|
|
|
|
|
|
|
|
Re: يا ناس ما حمد لله على سلامتى (Re: Elmosley)
|
يا استاذ موصلى
هنا بترد سريع لاكين فى MSN بتعمل نايم
بنلبد ليك هنا وبالمناسبه عندى كمبيوترين
واحد لسودانيس اون لاين بس ((عشان جهجهة الباسوردات))
والتانى لزوم الحاجات التانيه.
جاهزيين وعندى بيز ابو تلاته رقبات يعنى
واحد تسخن تركب التانيه والصوت مستمر بدون انقطاع
(دا ما اظنه عندكم فى امريكا)
المهم تحيات كتيره ليك و للاسره وكل الحبايب.
| |
|
|
|
|
|
|
|
|
|
Re: يا ناس ما حمد لله على سلامتى (Re: محمد مكى محمد)
|
Quote: يا اوسلى انا كان ختيتك مابتجينى عوجه
خلينى اعرف لى ناس وصحبان جداد منهم فايده.
انته معرفتك معانا بالخساره.
عشان كده ممادخلته فى الاول قلته الله يستر. |
اها ده اوسلى ونحن كيف
اوسلى قال الامدرمانية متوصية بيك
قول ليه ده كان زمان
اتصلت عليها فى السودان
سمنارات ساكت..تقول لى روقة
| |
|
|
|
|
|
|
|
|
|
Re: يا ناس ما حمد لله على سلامتى (Re: نصار)
|
يا نصار ياجميل
شفته الصندوق دا مهم كيف وبلم الناس كيف
قبال خمسه دقايق اتصل على اوسلى وقال لى
حتلاقى ناس كتار هنا و من ضمنهم زكرك انته
وسيد مراره واخرون المهم دى حاجه ما ساهله.
اها اتلاقينا مرات كتيره بس انا ما كنته
بتكلم كتير وبخلى الكلام لناس الكلام و بسمع
كنته دايما بشغل الاغانى القديمه النسوها الناس.
انا كنت بدخل بWAD_ELOBAID
تشكر يانصار وحمد لله على سلامتى.
| |
|
|
|
|
|
|
|
|
|
Re: يا ناس ما حمد لله على سلامتى (Re: حمد اسماعيل)
|
العزيز استاذ حمد اسماعيل
شرفت الدار والله
وليك من الشوق كميات يا مبدع
افتقدناك كثيرا فى البالتوك
وافتقدنا ايامكم الشجيات
وحملنا اشواقنا لكم للخال
بشير عباس ولا ندرى هل وصلت ام لا
المهم الف مرحب بيك فى دارك
ضياء الدين ميرغنى (الطاهر2 )
| |
|
|
|
|
|
|
|
|
|
Re: يا ناس ما حمد لله على سلامتى (Re: حمد اسماعيل)
|
حمد حصد ?!
إنت جيت متين و ضارب الغلبة ?.. متفررررجخ و كابي النقة ..
ليك وحشة والله يا أستاذ و مرحب بيك في الستريت كار ده ! بس ما تسويهو لينا زي كندا حجة و زوغة ولا
حفلة و زوغة !.. أظنك السنة حا تقضي الشتاء في حوش بكري ده .. أنا غايتو حا أشرح ليه و أكلمو يلم
باسووردو عليه لأنها دي شبكة تاني يفكو منها الجليل الرحيم و حا أقول ليه حمد ده نحن هسة خايفينو
يصل مطار الخرطوم و يطش و يمرقها في الهلالية !
رسل لي تلفونك علي الماسينجر .. و الماسينجر كلم ياسر طيفور يكلم بكري يرسل ليك نسخة من مفتاحو !
و الله مشتاقين يا حمد يا عزيز..
| |
|
|
|
|
|
|
|
|
|
Re: يا ناس ما حمد لله على سلامتى (Re: Elmuez)
|
المعز
انته ما شايف الردود السريعه دى
اخوك حايم ببره السيرفر زى البوليس الحارس البنك
مره بتاع النجده قال لى انته ليك سنتيين بتتحاوم
بجاى عندك شنو فى الحته دى, قلته ليه انا منتظر بكرى
قام قال لى بكرى دا بكون مشغوول ولما يجى مافى زول بشوفه
فابالله اتخارج لينا من الحته دى و كان عندك ايميل احرس بكرى
فى امل تلم فيه وكان كلامه صاح بكرى رسل لى ايميل عشان العنوان
الجديد للمبر عملته ليه ربلاى وكلمته بالباسوورد الرايحه
ما قصر رسل واحده جديده لنج . قلته يا ولدى اجربه فى الكريسماس
وراس السنه والايام التاليه ان شاء الله.
بعدين زوول عنده كيبورت بكتب تلاته لغات وفى لغه ماكتب بيها كتير
تفتكر لما يلقى فرصه زى دى يفوته .بالغته لما قلته لى ضارب غلبه
انا عايز اجيب الفرق باثر رجعى رأيك شنو؟؟؟
قالو عزفك فى الاورغن ما بطال خلاص شوف ليك فنان ما عنده رخصه
اتمرن فيه وبعدين لما يسلك نزله خط ان شاء الله داون تاون تورونتو
هاملتون وبالعكس .
تسلم يا معز( التلفون فى البروفايل) بعد اسبوع حنسحبه
| |
|
|
|
|
|
|
|
|
|
Re: يا ناس ما حمد لله على سلامتى (Re: حمد اسماعيل)
|
الف مرحب حمد اللطيف...تتذكر يا حمد لما مشيت ترخص العربية بتاعتك وظبطت
الفرامل لما الاسبير قبض..قام بتاع الحركة رخص ليك ولى الوراك عشان فرملتك
انا احبك انت بذاتك واحب ترم تريم تريرم والفرملة،،
| |
|
|
|
|
|
|
| |
لؤى
osly2
Muna Khugali
نادر السوداني
أبو الحسين
tmbis
عاطف عبدالله
مهيرة
raheel
محمد سنى دفع الله
Elmosley
محمد مكى محمد
عبد المنعم سيد احمد
نصار
altahir_2
Mohamed Doudi
صديق الموج
فيس بوك
تويتر
انستقرام
يوتيوب
بنتيريست