|
Re: ما بين راجل قناة العربية ... وهذا الذي يبحث عن راجل المره .. حقيقي الرجالة خشم بيوت. (Re: أبو الحسين)
|
ازيك يا أبو الحسين
أنا ذاتي حلت على البركة وتشرفت بي أخون/أختنا يادوب,
لكن والله يااخوي قدر ما اجتهدت أشوف ليك مسمى لعينة حمادة بت ده/دي ما لقيت. لكن البقدر
بؤكدوا ليك آن الجماعة ديل والله بعد شوية حيعملوا ليهم نقابة في السودان، وتسن ليهم
التشريعات التحفظ حقوقهم ( ومابعيد هسع دي يجي بوردابي يقوليك: وماله...المشكلة شنو..
المواطنة.. الحقوق ... الحريات ... الدرابات الكبيرة ديك).
وإن بقيت مامصدقني أمش ياخوي سوق بحري بالعصر وميدان عقرب بالليل، واحضر ليك اي عرس فيه ربه
كاربة في الحاج يوسف.
وبعديها تعال نتكلم..
دم بخير
محمدنور
| |
|
|
|
|
|
|
Re: ما بين راجل قناة العربية ... وهذا الذي يبحث عن راجل المره .. حقيقي الرجالة خشم بيوت. (Re: معتز القريش)
|
معتز القريش
مساءاتك زينة
شايف الغنية عجبتك ؟؟
طالما تمايلت طرباكدي لراجل المرة ياخوي تكون قطع شك راجل مرتين أو أكتر.
في ذمتك يا القريش هسع حمادة بت ده/دي فرقوا شنو من البنات عشان تقول لي آآآآآآه لو غنتها
بت ؟؟؟
كسره على قول الجماعة:
في ظاهرة غريبة يا معتز جديرة بالتوقف، وقاعد أشوفها عند كتيرين، وهي مسألة أغاني البنات دي
قاعدين نستهجنها ونرفضها بشكل غريب ونقول عنها كلامات كبيرة في المنتديات والجرائد، ولكن تحت
تحت نسمعهاونحتهالامن نقول سي يا بدوي سي.
لاحظت الحكاية دي ..؟؟؟
دم بخير..
محمدنور
| |
|
|
|
|
|
|
Re: ما بين راجل قناة العربية ... وهذا الذي يبحث عن راجل المره .. حقيقي الرجالة خشم بيوت. (Re: أبو الحسين)
|
الظلامي/معتز القريش
إنت عارف أنا كنت قايل الشغلة ظرافة منك وونسة ساكت، لكن لمن اطقست لقيت الموضوع جد والله،
فزاد عجبي. الله يخليهن ليك يا الحاج متولي السوداني. لكن طالما بقيت تجيب سيرة البورد في خانة
الرابعة- ولو مؤقتا- فثق أنك مهدد من قبل الثلاثة وما بعيد يكونوا هارشنك كمان.
العزيز/نزار حسين
شكلك متصالح جدا مع نفسك تجاه هذه اللونبية من الأغاني. أنا شخصيا فشلت تماما في هذا الإطار
مما يجعلني أحمل لك إحتراما شديدا.
العزيز/ أبو الحسين
أخدت جولة في المناطق القلتها ليك ولا لسه؟ وكمان أضيف ليك الديم، بس أوع تقول لي ياتو ديم
وتألب علي بورداب الديم.
دوموا بخير
محمدنور
| |
|
|
|
|
|
|
Re: ما بين راجل قناة العربية ... وهذا الذي يبحث عن راجل المره .. حقيقي الرجالة خشم بيوت. (Re: محمد نور أحمد)
|
Quote: الظلامي/معتز القريش
إنت عارف أنا كنت قايل الشغلة ظرافة منك وونسة ساكت، لكن لمن اطقست لقيت الموضوع جد والله،
فزاد عجبي. الله يخليهن ليك يا الحاج متولي السوداني. لكن طالما بقيت تجيب سيرة البورد في خانة
الرابعة- ولو مؤقتا- فثق أنك مهدد من قبل الثلاثة وما بعيد يكونوا هارشنك كمان.
|
محمد نور
البتهرش واحدة ما بسويها
تعرف أنا لمن أقول هييييييييع
الواحدة أمها في السودان ترمي الكباية من يدها
وكان قلت أححممم
الثلاثة يردوا أسسسسسسسسسسسسد
مرة من المرات أنا في الصلاة اتنحنحت قلت أحمممم قالن لي أسسسسسسد
أها لقيتني كيف ؟
| |
|
|
|
|
|
|
|