الكاريكاتير الذي حذف للمرة الثالثة من موقع سودان فوراول الديمقراطي!!

عزاء واجِب ، وتعريف .. بقلم عادل الحكيم
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 18-11-2018, 03:53 AM الصفحة الرئيسية

مدخل أرشيف الربع الأول للعام 2007م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
01-04-2007, 10:36 AM

سيف اليزل الماحي

تاريخ التسجيل: 26-12-2006
مجموع المشاركات: 2909

للتواصل معنا

FaceBook
تويتر Twitter
YouTube


الكاريكاتير الذي حذف للمرة الثالثة من موقع سودان فوراول الديمقراطي!!


    .



    أطبـع ، صّــور ، وزع

    .
                   |Articles |News |مقالات |بيانات

02-04-2007, 01:53 PM

سيف اليزل الماحي

تاريخ التسجيل: 26-12-2006
مجموع المشاركات: 2909

للتواصل معنا

FaceBook
تويتر Twitter
YouTube


Re: الكاريكاتير الذي حذف للمرة الثالثة من موقع سودان فوراول الديمقراطي!! (Re: سيف اليزل الماحي)

    .

    بوست " سودانيز أون لاين هل ثمة خطب ما ..." بموقع سودان فوراول
    بوست جدير بالمرور فهو نموذج وعينة من درر الكلام المهذب والمحتشم!!
    الذي تسهر عليه إدارة "المحروسة" هناك إكراماً لحرية التعبير، فتأمل !!


    ------------------------------------------
    * برضو لو لقيت طريقة أطبع ، صّـور ، وزع


    .
                   |Articles |News |مقالات |بيانات

02-04-2007, 04:12 PM

خدر
<aخدر
تاريخ التسجيل: 07-02-2005
مجموع المشاركات: 13188

للتواصل معنا

FaceBook
تويتر Twitter
YouTube


Re: الكاريكاتير الذي حذف للمرة الثالثة من موقع سودان فوراول الديمقراطي!! (Re: سيف اليزل الماحي)

    حبيبنا سيف سلامات

    الكاريكاتير انا اخر زول نزلو للمرة التالته في سودان فور اوول
    و كان غرضي انو أزكر حسن موسي انو سلاح الكاريكاتير ده اصبح سلاح
    غير مُجدي بعد بوست النمل .

    لانو حسن موسي رسم كل المشاركين في بوست النمل و بأشكال و اوضاع
    تستهزئ بهم و بمساهماتهم و لم يغير ذلكـ من مواقفهم و انا احدهم
    و كان كاريكاتيركـ اعلاة اول رد فعل و بنفس اللغة تم توجيهو لي حسن
    موسي مباشرة و في رسم سهل يستخدم حكمة او مثل سوداني معروف موضحاَ
    منطق و تفكير حسن موسي في تعاملو مع الاخر
    إذن كاريكاتيرات حسن موسي ان كانت ستوقف سيل البوستات المتسائلة عن
    تعريف للديمقراطيه في ادارة منبر الحوار الديمقراطي لكانت فعلت ذلكـ
    منذ بوست النمل
    , و بالتالي لا داع للمذيد من الكاريكاتيرات التي لن
    تجعل الاخرين يتخلون عن اسئلتهم لمجرد انو تم رسمهم في كاريكاتير

    انا يا سيف لسه بعاين للموضوع في اطارو الكبير و بعيدا عن التفاصيل
    الصغيره المامفيدة
    .. فشكرا علي كاريكاتيركـ الذي ساعدني في توصيل
    فكرتي بكلمات قليلة .

    تحياتي
                   |Articles |News |مقالات |بيانات

03-04-2007, 06:26 AM

سيف اليزل الماحي

تاريخ التسجيل: 26-12-2006
مجموع المشاركات: 2909

للتواصل معنا

FaceBook
تويتر Twitter
YouTube


Re: الكاريكاتير الذي حذف للمرة الثالثة من موقع سودان فوراول الديمقراطي!! (Re: سيف اليزل الماحي)

    .

    Quote: انا يا سيف لسه بعاين للموضوع في اطارو الكبير

    إطارو الكبير ده ياتو يامان .. إنتو لسا مع النغمة دي!؟

    .
                   |Articles |News |مقالات |بيانات

03-04-2007, 09:53 AM

سيف اليزل الماحي

تاريخ التسجيل: 26-12-2006
مجموع المشاركات: 2909

للتواصل معنا

FaceBook
تويتر Twitter
YouTube


Re: الكاريكاتير الذي حذف للمرة الثالثة من موقع سودان فوراول الديمقراطي!! (Re: سيف اليزل الماحي)

    .




    ده كمان كراكتير أخونا محمد حسبو، المحذوف من قبل إدارة سودان فورال.
    علما بأن البوست نفسه قد حذف اليوم من الموقع، لكن سنقوم بنشره هنا أيضا للفائدة!


    .
                   |Articles |News |مقالات |بيانات

05-04-2007, 07:31 AM

محمد حسبو
<aمحمد حسبو
تاريخ التسجيل: 10-10-2005
مجموع المشاركات: 365

للتواصل معنا

FaceBook
تويتر Twitter
YouTube


لمن فاته الإطِّلاع (Re: سيف اليزل الماحي)

    لمن فاته الإطِّلاع هنا

    و جاهل مدّه في جهله ضحكي حتى أتته يدٌ فرّاسةٌ و فمُ

    توجد نسخة غير أصليّة:

    Quote: و جاهل مدّه في جهله ضحكي حتى أتته يدٌ فرّاسةٌ و فمُ

    سيف اليذل
    يا زول أنا سكتت ليك إنت ما فهمتَ، اتظارفت معاك قلت ليك ورينا اعتراضاتك نجاوبك عليها أبيت، نجيك بالعديل تكوس المغتغت، أها أنا اتضرست من نسنستك و خباثتك دي و من أجندتك الوسخانة و مرضك البتبث فيهو دة.

    جدّك سيف بن ذي يزن القلتو ليك، البطل الملحمي العربي الشنو دة الذي استعاد أمجاد العرب، الراجل دة كان نفعي و شريميط زيّك كدة، ما كان بطل و لا أي شيء، الحبش بالوا ليهو فوق راسو، و قام يتجارى بالمياعة و الاستجداء، ما خلّى بلاط ما برك فيهو، عشان يلقى من ينصره على البايلين ليهو فوق رأسو ديلاك، جرى لي الروم يتمجمج ليهم زي وحوحتك دي طردوهو، جرى للفرس يلحس في البلاط قالوا ليهو يا زول مصلحتنا فيك شنو؟ قاليهم: رابطانا الجبلّة البيضاء دي، قصدوا الحبش عبيد سود و أنا أقرب ليكم منّهم، شفت غماسة الشريميط؟ يكوس في الواهي و المتين، و الحق و الباطل عشان ينصروهو على السوكروهو قلع ضراع و رفع كراع. و إنت ما فضلت ليك خصلة كويسة نتحرّى بيها الخير من جهتك، راقد على صفحتك الزمن بطوله و متفنس في القطيعة و السواطة، كبّو لي جالون، حتى لو بالدين..

    إنت يا النزل شغلتك شنو و أجندتك شنو؟ سودانفورأول إدارتو كعبة؟ قلنا ما عاجبانا طريقتهم و نشوف الله بيقدّرنا على شنو، و سوينا الما بسويهو نسناس متلك، هناااك بالدرب و في حكرهم.. و قول ما سوينا، سودانفورأول كعععبة، إنت شغلتك البتسوي فيها دي سمحة؟ شايل طارك و مديدتك و حايم تلخبط و تسوط و تحرَّش؟:
    (طارق ساكت لي إسماعيل مالك؟ إنت يا طارق قلبك مات و للا المسكنة دي شنو؟)
    (حسبو شايفك نطّيت، حسبو تلحس كلامك؟ يا حسبو ما تخليهم أيوة)
    (يا الجريفاوي حا تتخذ موقف متين؟ يشطبوا بوستك؟ شوف عثمان حامد سوّا شنو)
    (حاتم الياس يخس عليك، و كمان عامل حوار مع نجاة؟ إنت يا حاتم حا تتخذ موقف متين؟) و دواليكـ يافلانة تعالي و يافلان حُكَّ لي

    دي شغلة شريفة ليك هسة يا سيف؟

    بعدين تعال هنا، إنت مواقفك شنو؟ أذكِّرك؟ طيب هاك

    في بوست النمل المتباشر بيهو دة و عامل صدر المحافل حقّتك، وكت سلوى صيام دي سألتك دغري إنت شايت وين؟ مالك ما قلت ليها كلام من النجيييض البتزقِّد فيهو للناس دة، شوف كلامك:

    Quote: الأربعاء 8 نوفمبر 2006
    سلوى صيام كتبت:
    اقتباس:
    خلينا من بيع المراجع هسع .. ورينا انت فهمت التصاوير دى ولا لا .. عشان نصنفك معانا ولا مع الخيانة ؟؟



    -قمت إنت ردّيت ليها رد مُحكم و صريح و شجاع و لا يخاف الردى، قلت ليها:

    Quote: متين ووين أنا إتكلمت عن بيع مراجع؟

    بس ياها زاتا: (جينا نساعدو في فهم التصاوير دس المراجع)

    قالوا كترت الكلام بتبوّظ الكاريكاتير، وبتجيب "الظراف" للطين!


    اقتباس:
    معانا ولا مع الخيانة ؟؟

    ممكن الاتصال بـ ص د ي ق



    دة خلِّيهو كان ما دليل على مداراتك و سلفقتك، جاييك الأسوأ، النت دة عيبو الأرشيف يا البطل الملحمي، خليك كدي معاي هنا

    أها تاني أجندتك شنو؟ الناس تمرق من سودانفورأول؟ عشان تبقى إنت تمثّلت صورة البطل العربي سيف اليزل؟ ما مارقين، و نمرق عشان شنو؟ عشان قاعدين بيفصلوا الناس؟ طيب لسة حا يفصلوا، و أنا ذاتي حا اتفصل، دااااك شايفو، لكن إدارتهم دي أشرف منك، أجندتهم فوق الطاولة، قالوا دي عرفتنا و بصارتنا. إنت ليك أربعة شهور تنوح في شنو؟ حارقك وين؟ نق نق نق نق وي وي وي وي، يازول عملك دة عمل مرض و التواء جواك، مش إنت مشيت سجّلت هناك و اتدهنست ليهم ما خليت شعار موقع و لا خليت عزيزي و أستاذي و محبّتي لامن سمّعوك وسخ اضنينك؟ قلنا ليك ما عندنا شيء نتضامن بيهو معاك، و إنت ما مرقت بشرف و لا عشان قضيّة و زول مدّعي عام ساي، قصتك ما فايتة مغصتك من عفصتهم ليك، مش قلت في حوارك مع عقدتك الجواك أنّو جاتك عشراات الرسائل و الفاكسات؟ خلاص، الله الغني ياخ، لمّهن في بطن موبايلك و بيتك و نوح نواحتك قبلك، ما عندك شغلة غير التعرِّص دة؟

    أها تعال نسألك يالثوري و أبو الدقيق، إنت قايل سودانيز أونلاين دي ما فيها الفصل و سحب البوستات؟ لا لا انت عااارف و من زمان و برّرت للممارسة نفسها في سودانفورأول، أذكِّرك؟ هاك شوف قهمتَ صاحبك طارق دة المجوبنو الليلة هنا، و متين؟


    Quote:
    الأحد 12 نوفمبر 2006
    كتب طارق:
    اقتباس:
    -هل سحب البوست وارجاعه سيصبح سكين ذبح الخط الديمقراطي علي مواقع الانترنت السودانيه !!
    فإنبرى له سيف اليزل قائلا:

    - ليس للأمر علاقة بذبح الخط الديمقراطي في مواقع الإنترنت السوادنية، لأن سحب البوست قد تم على موقع هذا المنبر، كما أن أمر سحب البوست هو اسلوب متبع في كثير من المواقع على الإنترنت سودانية وغير سودانية، ولأن المعني بالحديث هنا بوست اخونا عثمان فأرجو أن أقول أنه لا يعني نهاية الديمقراطية هنا أو هناك ولا يوقعنا في الكفران بحق التعبير واحترام الرأي الآخر على موقع سودان فورال، بقدر ما ينبهنا جميعا أن بناء خط ديمقراطي يظل مسئولية الجميع، فقد كان بالإمكان ترك بوست عثمان مفتوحا للحوار وعلى الإدارة أن تبين وجهة نظرها فيما خلص إليه عثمان حامد في عجلته المشهودة تلك فربما إتفقنا جميعا مع وجهة نظر الإدارة وتفضل عثمان بحذف البوست وربما إكتفينا بنقده الاخير حين قال بوقوعه في العجلة التي أفضت به الى الندم وربما أتيح لنا جميعا الرد على ماكتب أسامة الخواض!! .



    و بعدين كنت أكثر تبريرية (؟) في نفس المشاركة ردّا على سؤال؟ طارق التاني و تشجيعا لعثمان للقبول بمقص الإدارة (مش من زمان اسمو كدة؟) و للا عملتو سماية بعد استقالتك؟

    Quote:
    كتب طارق:
    اقتباس:
    هل سحب بوست سيفقد عثمان كـ (نموذج للعضوية ) الشهية في الكتابه بحُجة احتمال تدخل مقص الادارة ؟؟

    برضو فانبرى له سيف اليزل قائلا:

    - في إعتقادي أنه إذا أقر عثمان بخطأ لازم البوست "البائس" موضوع النقاش وانتقد عجلته في قبوله اعتذار أسامة الخواض كيفما كان، فذلك وحده كفيل بأن ينأى به من الوقوع في مظان الخوف حد مداراة الكلام خوفا من مقص الإدارة ويفتح شهيته كنموذج للعضو الديمقراطي بالمنبر، علماً بأن ركوب "العجلة" ما بتنسي! .



    يا ريت لو علي تبرير سحب البوستات بس، داير زيادة؟ ندّيك يا زول، شوف بيانك المتملِّق دة، يافارس الساعة الخامسة و العشرين:

    قلت يا سيف يوم الثلاثاء 18 يوليو 2006
    مخاطبا عزيزك أبوبكر:

    Quote:
    رغم أن المواقع مبذولة للجميع لم (تصيبني) الرغبة في نيل عضوية تخصني
    هنا او هناك لحجة بسيطة متواضعة وهي انني لن أفقد شيئاً ولن تخسر تلك المواقع شيئا في ابتعادي عنها ووجدتني أقول: هي ناقصة!!

    لكن يظهر انو العنقدة ليها حدود كمان، فوجدتني عضواً في سودان فورال
    لأنه مختلف بالنسبة لي ويسعى نحو أهداف تقوم على أسس للحوار اتفقت معها ورضيت ورغبت في العمل من خلالها .. ودي كلها حكاية بسيطة وعادية وممكنة،
    لكن...
    بعد ده ربما تلحقك الاساءة المجانية لا أيدك ولاكراعك من هنا أو هناك مثلاً
    تعابير من شاكلة (والمشاركين في المقبرة الاسفيرية) وأنا شخصياً ما أكلتها في حناني ولاحاجة ..ذلك من باب علمي المتواضع أن الشطارة والفهلوة والزكاوة والمكاوشة والمكابرة وإفتعال المعارك الهوائية والجلبة الواهية وغيرها وغيرها أمور ما استعصت يوما على أحد وهي متاحة لكل خلق الله إلا من أبى..
    لكن ...
    كلو في شنو؟

    في ناس رأيهم أنو الموقع ما متحرك، ما متحرك يعني ما مسخن ما فيهو عناوين
    مثيرة وعجيبة ومضحكة تخلي الواحد يقع من الضحك في شر أعمالوا، ومرات يقولوا ليك: ياخ خلو الناس تاخد راحتها في الكتابة والكلام موش قلتوا منبر وحر وديمقراطي ... وهوكلام لا ندعو لتجاهله وعدم الانتباه له وتقديره لكن لا يمنعنا هذا من القول أنه لايصمد طويلا أوان الرد عليه من حيث أنه محض ترهات.



    دي بالذات عايزة لنك
    http://sudaneseonline.com/forum/viewtopic.php?p=9994&sid=...c5cccccfb78a1d8#9994

    يعني نفهم أنّك من زمان عارف المواقع الكتييرة دي سودانيزأونلاين (الروم) و سودانات (الفرس) و الخ، لكن لقيت نفسك في سودانفورأول لأنه مختلف، سمح ما قلنا شيء حقّك، لكن لما سودانفورأول يركِّبك النملة، تبقى المواقع التانية دي سمممحة و

    نحدثك يالثوري الهمام، بكري دة بيفصل برضو، بي بصيرتو و حكمتو الفوق راسو دة، و بيودّي الخور بلا شورة، و بيسحب بوستات. أها موقفك شنو؟
    و الثورية دي ما لون أو زخارف.

    يا زول نحدِّثك، قضيتي و قضيتك ما شيء واحد، عشان ما تجي تاني تنيص لي و تتحكحك فيني بالمساحكة بتاعتك دي، إنت زول نسناس و لخباط و بتلعب لي صالح مرضك، و قدر ما مدّيت حسن النيّة و التظنّن في الخير ما لقيت عندك غير الخناسة و الفتنة و الغرض القيّح، يا زول أنا قاعد هناك في فورأول دة و إلّا اترفت حتى اسيبو، و حسن موسى دة انضف منّك بلا مقارنة.. و مشاكل مع متسلّط مستقيم و واضح، أفضل من حلف مع زول دسيس و لصيص يدور بين الناس بالنميمة و الفتن و نقل القوالات، شغلتك دي خرية، و ما فيها شرف و لا ضمير، و الناس ما أدوات لي مداواة وجعتك الشخصية و صغَرة نفسك، أمش يا زول كان عندك فن و للا مهارة تانية غير الخناسة دي أعملها، و لو بس ياها شغلتك سودانفورأول و دق الطار يبقى اخترت محلّك و تتحرق حيث انتهيت
    عارف سيف ذي يزن جدّك في النهاية الفرس اتجوّدوا عليهو كيف؟ رسّلوا معاهو المساجين حقينهم حاربوا ليهو، الناس القنعانين من خيرا فيهم، أها يا سيف ذي اليزل، نحنا هنا في سودانيز و للا سودانفورأول و للا سودانات ناس أحرار، و زول ساجننا مافي، و ما بنحارب ليك يا بطل (؟)

    و سلِّم على المعاك،،،

    *كنت ممكن أصبر أشوف دهنستك لي عادل عبد العاطي حتى أجيب كلامك فيهو (شوف الفتن الماخمج) لكن هسة أنا مارق، نذكِّرك قولتك عنّو مقدّما (برضو في مبايعة لي حسن موسى) و تعال ورينا حا ترد عليهو كيفن

    قلت يا سيف يوم الثلاثاء 17 اكتوبر 2006 في بوست حسن موسى الاسمو عاطب عبد الجاهل الحرامي لو متذكِر:

    Quote:
    ياحسن موسى
    أ د ي ل و . . .
    وان شاء الله عين الجبناء ما تغمد كلو كلو

    سيف اليزل



    (المقصود و الله أعلم هو عادل عبد العاطي دة ذااتو)

    أها المشارك الفوقي دة ياهو عاطب عبد الجاهل داك، عشان ماتكون مسهّي، همّتك يا الثوري المستقيم، نعيش و نشوف

    - أسمع؛ شايف أحمدي نجاد أطلق سراح البحّارة البريطانيين و سالمهم أمس كمان، افتكر دة موضوع كويس معاك، الراجل نطّ



    مع تحياتي يا طارق خدر
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de