السودان احدي الدول العشر التي ستشهد أعلي معدل ارتفاع في مجال النمو السياحي في العالم

حفل دعم الجالية السودانية بمنطقة واشنطن الكبري بالفنان عمر احساس
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 21-09-2018, 12:36 PM الصفحة الرئيسية

مدخل أرشيف الربع الأول للعام 2007م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
27-03-2007, 06:05 PM

معاوية التوم محمد طه

تاريخ التسجيل: 30-09-2005
مجموع المشاركات: 387

للتواصل معنا

FaceBook
تويتر Twitter
YouTube


السودان احدي الدول العشر التي ستشهد أعلي معدل ارتفاع في مجال النمو السياحي في العالم

    السودان احدي الدول العشر التي ستشهد أعلي معدل ارتفاع في مجال النمو السياحي في العالم

    أقر المجلس العالمي للسياحة والسفر وهو المؤسسة التي تتخذ لندن مقرا لها وتمثل كبريات شركات السياحة والنقل في العالم بأنه يمكن للسياحة العالميه ان تحقق حوالي 6200 مليار دولار أي 6.1% من اجمالي الناتج الداخلي حسب الدراسة التي أجراها المعهد البريطاني (Oxford Economic Forecasting) وأوضح بأن رقم أعمال السياحة العالميه سيرتفع بنسبة 405% عام 2005م بما يشمل الاستهلاك السياحي والاستثمارات وقدر معدل متوسط نمو هذا القطاع في السنوات العشر المقبله 2006- 2015 بنسبة 6.4 سنويا وحسب المجلس العالمي للسياحة والسفر فان الدول التي ستشهد أعلي ارتفاع في مجال النمو السياحي في السنوات العشر المقبلة ستكون:

    مونتيغرو9.9% سنويا
    كرواتيا 8.7%
    السودان7.7%
    فيتنام 7.7%
    الهند6.8%
    لاوس 6.7%
    الجمهوريه التشيكيه 5.7%
    لارينون 3.8%
    الصين2.9%
    غوادولوب2.7%
    كنت في غاية السرور وانا اطالع جريدة (أخبار الخليج البحرينيه9 التي أوردت هذا الخبر في صفحة المال والاقتصاد والمجلس العالمي للسياحة والسفر بقراره هذا يكون قد وضع القائمين علي امر السياحه في بلادنا في تحد كبير . فالسودان موطن الحضارات والثقافات التي لفتت أنظار العالم الخارجي وهو الدولة التي تمتاز بالعديد من المقومات والامكانيات المتعدده المتنوعه ويتميز ايضا ببيئة خلابه وطقس متنوع ومتجدد اضافة الي اكتشاف الموارد الطبيعية التي جعلته قبلة لرؤوس الاموال الوطنيه والعربية والاجنبيه مما يعد بنهضة عاليه في مختلف ضروب الحياة ولعها سانحه طيبه بأن نناشد أصحاب القرار والمسؤولين في الدولة بمختلف مستوياتهم ومسمياتهم الوظيفية بالاهتمام بالسياحة وجعلها من أولويات المرحلة وتفعيل دور وزارة السياحة وادارات السياحة بوزارة الشئؤون الثقافيه والاجتماعية بالولايات وتوفير معينات العمل ووضع الخطط لتنفيذ المشروعات السياحيه المطروحة بمساهمة القطاع الخاص والمستثمرين من أبناء الوطن بالخارج وتسهيل الاجراءات للمستثمرين العرب والاجانب لأن السودان في المرحلة القادمة يحتاج الي احداث مقلة كبري في مجال الخدمات الفندقية والسياحيه عالية المستوي خروجا من التقليديه والرتابه وخدمة وتسهيلا لزوار وضيوف البلاد عامة ورجال الاعمال والمستثمرين والمجموعات السياحيه علي وجه الخصوص لأن السودان موعود بنهضة سياحية كبري وحركة السياحه والسفر تتاثر بمجموعة من المتغيرات الكليه والجزئية أهمها الاستقرار السياسي والامن الداخلي ، ايضا تطور الحركه السلميه بالبلاد أي ( اتفاقية السلام) وتكاملها بالاضافة الي الترويج السياحي للسودان بالخارج
    .. و هذا يحتاج الي مجهودات مكثفة وتعاون من الجهات المنوط لها ترويج السودان خارجيا كالسفارات ، القنصليات، الممثليات والملحقيات الاعلاميه السودانيه بالخارج- بعدها يأتي الدعم الحكومي من خلال تفعيل الانظمة والقوانين.
    والكل يعلم ان السياحه أضحت تتجه الي تطوير صناعة السياحة وقناعاتنا تامه بأن السودان مؤهل لذلك كونه معبر الثقافات بين افريقيا واسيا ودول العالم وله موقع استراتيجي متفرد ومساحات شاسعه وحباه الله بنهر النيل الذي يضم في ثناياه النيلين الأزرق والأبيض، ونعتز بالتنوع الثقافي حيث يتحدث أبناء السودان أكثر من 500 لهجة محلية بالاضافة الي المواقع الأثريه وتلك المجسمات التي تعبر عن الحقب التاريخية المختلفة التي عاصرها أجدادنا القدماء . وتعتبر هذه الاثار تراث الامة القومي الذي يعبر عن اصالتها وكيانها والاهرامات التي تقف شامخه البناء ويتناغم لونها مع لون الصحراء الأخاذ لتمثل أهم المواقع الحضاريه عن هويتنا وعراقتنا بأن هنالك أكثر من (220) هرماً أثرياً داخل السودان.
    التحيه لكل اللذين يسعون لابراز الوجه المشرق والمشرف لسوداننا الحبيب ، ونناشد كل الكوادر السودانيه المؤهلة بالعوده الطوعية للمساهمة في بناء الوطن، وأعتقد ان جهاز شئون السودانيين العاملين بالخارج قطع شوطاً كبيراً في ذلك، والتحية لوزارة الداخليه التي نفذت مشروع الشرطة السياحيه بالتعاون مع وزارة السياحة والتي تعطي دليلاً عن فهمها العميق لخصوصية هذه الصناعة ونوعية العاملين في مناشطها المختلفة وستكون نموذجاً ملموساً للقطاع الخاص في اختيار العاملين في المجالات الخدمية والارشاديه للسياح ومستوي تأهيلهم ليكونوا عنصراً أساسياً في المعادلة السياحية الصحيحة وأن العنصر البشري المؤهل هو الضمانه بعد الله سبحانه وتعالي لكل تقدم ولكل نجاح ولكل صوره ذهنية ايجابيه عن أي مجتمع.
    مرة أخري أحي الزملاء العاملين في المجال السياحي والفندقي من القطاعين الحكومي والخاص وفقكم الله وسدد خطاكم من أجل سودان الغد ونحن معكم ونشد من أزركم ونقف من خلفكم ومعكم في خندق البناء والتعمير..
                   |Articles |News |مقالات |بيانات

28-03-2007, 03:04 PM

ghariba
<aghariba
تاريخ التسجيل: 09-03-2002
مجموع المشاركات: 12938

للتواصل معنا

FaceBook
تويتر Twitter
YouTube


Re: السودان احدي الدول العشر التي ستشهد أعلي معدل ارتفاع في مجال النمو السياحي في العالم (Re: معاوية التوم محمد طه)

    الاخ العلامة معاوية التوم

    بالفعل فانه آن الآوان لفتح ملف السياحة في السودان


    صلاح غريبة - الرياض
                   |Articles |News |مقالات |بيانات

28-03-2007, 03:59 PM

معاوية التوم محمد طه

تاريخ التسجيل: 30-09-2005
مجموع المشاركات: 387

للتواصل معنا

FaceBook
تويتر Twitter
YouTube


Re: السودان احدي الدول العشر التي ستشهد أعلي معدل ارتفاع في مجال النمو السياحي في العالم (Re: ghariba)

    الاخ العزيز صلاح غريبة
    لك التحية و التقدير و الاعزاز
    نعم ان الاوان لفتح ملف السياحة فى السودان و لعل النهضة التنموية فى المجال الفندقى التى شهدها السودان فى الاونه الاخيرة خير دليل على اهتمام المستثمر العربى و الاجنبى بامر السياحة فى السودان و ارتفاع معدلات السياحة فيه .

    معاوية التوم
                   |Articles |News |مقالات |بيانات

28-03-2007, 04:03 PM

Deng
<aDeng
تاريخ التسجيل: 28-11-2002
مجموع المشاركات: 46586

للتواصل معنا

FaceBook
تويتر Twitter
YouTube


Re: السودان احدي الدول العشر التي ستشهد أعلي معدل ارتفاع في مجال النمو السياحي في العالم (Re: معاوية التوم محمد طه)

    البارات حتفتح ولا شنوا؟

    دينق.
                   |Articles |News |مقالات |بيانات

29-03-2007, 08:39 AM

نادر السوداني
<aنادر السوداني
تاريخ التسجيل: 21-08-2006
مجموع المشاركات: 1374

للتواصل معنا

FaceBook
تويتر Twitter
YouTube


Re: السودان احدي الدول العشر التي ستشهد أعلي معدل ارتفاع في مجال النمو السياحي في العالم (Re: Deng)

    معاوية التوم محمد طة سلام
    لقد كان السودان في 1980 يخطوا بخطي حسيسة مشهود لها في هذة القطاع الحي الفعال للإقتصاد السوداني
    تدمرت بنيتة التحتية تماماً عندما لاحت قوانين سبتمبر وبنت خيوط العنكبوت في فنادقة ودهاليز تاريخة ومكاتبة
    الحكومية . كما تجدني احد شهود عيان لتلك الفترة وبحكم عملي كفنان تعايشت مع بداية الازدهار حتي تدني
    مستواة الخدمي وهرب السائح لعدم إحساسة الامان والملل اللزي سيطرة علي كل الفنادق فاصبح حبيس الاربعة
    جدران فرحل للابد
    كما كان لي الحظ الكبير وتواجدي في مصر لاكثر من عشرة سنوات داخل اروقة السياحة المصرية من خلال
    العقود الفنية مع الفنادق ورايت تدافع الشرقيين والافارقة والغربيين لمصر اللتي وفرت لهم الامن والامان
    ذائد البرامج والليالي السياحية الفنية كما وفرت لهم حياة داخل فنادقها تتوافق مع اسلوب حياتهم المتحضر
    فعندما يرجعون بلادهم علقت في طييات عقولهم زكريات جميلة لاتنسي كما لا تجدهم يهتمون بما صرفوة من مال
    في فتر إقامتهم نظير اوقات ممتعة يتمنون انتتكرر
    فياتي سؤآل هل قطاع السياحة الحالي إهتم بهذة الجانب ؟
    أم صرفت الملايين من الدولارات لإنشاء الفنادق والقري السياحية وعندما يحضر السائح يصبح مكتفاً
    في حركتة تحدة قوانيين تدعة يرحل وبلا رجعة
    صديقي العزيز لابد من تمهيد الارض قبل زراعتها ولك الود
                   |Articles |News |مقالات |بيانات

30-03-2007, 03:45 PM

معاوية التوم محمد طه

تاريخ التسجيل: 30-09-2005
مجموع المشاركات: 387

للتواصل معنا

FaceBook
تويتر Twitter
YouTube


Re: السودان احدي الدول العشر التي ستشهد أعلي معدل ارتفاع في مجال النمو السياحي في العالم (Re: Deng)

    الاخوة الاعزاء شكرا على مروركم ,
    الاخ العزيز و الفاضل دينق
    لك ودى وتقديرى الموضوع المطروح بوضح وضع السودان فى مجال السياحة بالنسبة للعالم و به أرقام و أحصاءات صادرة من منظمات عالمية معروفة و لكن موضوع فتح البارات و بيع الخمور لم أتعرض له لا من قريب و لا من بعيد و ركزت فى المقال على تضافر الجهود من الدولة و القطاع الخاص بتفعيل العمل السياحى والفندقى .
    الاخ العزيز ناذر
    لك الحب و المودة . رسالتك وصلت و نتمنى ان تهتم الدولة بالسيحة و ان يجد السائح خدمة متكاملة منذ قدومه و حتى مغادرته و الجهات المختصة هى :-
    سلطات المطار , الجمارك , أمن المطار , الجوازات , شركات اليموزين , دور الايواء و الضيافات و النزل السياحية أصحاب المرافق السياحية , الشرطة السياحية , سلطات الحياة البرية , لذلك هى دعوة لوزارة السياحة للاهتمام بهذا الجانب الحيوى .
    الاستاذ على الكرار
    لك التحية و التقدير . نعم قصدت من المقال أثراء المنبر بطرح جديد يختلف شكلا و نوعا من ما هو مطروح من بعض المواضيع الانصرافية و المكايدات و المشاحنات و هو دعوة للنقاش العلمى الذى يستفاد منه .

    الاخ العزيز أسماعيل عباس . لك تحياتى تعليقك بجملة (أنشاء الله ربنا يحقق الاحلام لى ارض الواقع ) هى أجمل ما يقال للامانى و الاحلام التى وردت فى مقالى .
    الاستاذ الجليل عبد الفتاح لك الود و الحب
    شكرا جزيلا و أتمنى ان يعرف الاخ العزيز دينق ان اهتمامى بشئون السفر و السياحة و الفندقة هو مجال عملى و تخصصى فى الدراسات العليا .
                   |Articles |News |مقالات |بيانات

05-04-2007, 07:38 PM

معاوية التوم محمد طه

تاريخ التسجيل: 30-09-2005
مجموع المشاركات: 387

للتواصل معنا

FaceBook
تويتر Twitter
YouTube


Re: السودان احدي الدول العشر التي ستشهد أعلي معدل ارتفاع في مجال النمو السياحي في العالم (Re: Deng)

    الاخ دينق
    سامحك الله و اثبت انك خارج التغطية و ما اعتقد انك حا تضيف معلومة جديدة للموضوع المطروح و كل ذكرتة فى مرورك لا يخرج من دائرة المهاترات خاصة وصفك لى بانى (كوز )وهذا اول الدلات انو تميل الى الانصرافية فى اطروحاتك (انت من زمن كوز و معارضة ) (صح النوم ) لذلك لم تجدنى من زباينك .
    حاشية :-- (ناس المعارضة اسياد الجلد و الراس يحتلون ارفع المناصب الوزارية السيادية )
    و اخيرا المثل بقول ( الما بعرفك ما بعزك )
    ما زلنا نتطلع الى الجادين فى اطروحاتهم و ارائهم
    مع شكرى
    معاوية التوم
                   |Articles |News |مقالات |بيانات

29-03-2007, 07:18 PM

علي الكرار هاشم
<aعلي الكرار هاشم
تاريخ التسجيل: 10-02-2007
مجموع المشاركات: 3651

للتواصل معنا

FaceBook
تويتر Twitter
YouTube


السياحة (Re: معاوية التوم محمد طه)

    الاخ معاوية
    تحياتي
    شكرا جزيلا علي المعلومة القيمة وهذا ليس كثيرا عليك وأنت الإعلامي المتمرس
    ثم شكرا مرة ثانية علي إهدائنا شيئا جميلا حين تعزر الجمال وأصبحنا نكتب فقط عن القتل والسلب ومصائب السودان.
    دعنا نبدأ في النظرة المتفائلة الباحثة عن نصف الكوب الممتلئ
    تحياتي
                   |Articles |News |مقالات |بيانات

29-03-2007, 07:30 PM

ismeil abbas
<aismeil abbas
تاريخ التسجيل: 17-02-2007
مجموع المشاركات: 10789

للتواصل معنا

FaceBook
تويتر Twitter
YouTube


Re: السودان احدي الدول العشر التي ستشهد أعلي معدل ارتفاع في مجال النمو السياحي في العالم (Re: معاوية التوم محمد طه)

    ألأخ/معاويه التوم


    السلام عليكم...............

    والله من ما كلمتنى كنت بفتش للبوست بتاعك ده يادوب لقيتو أنا قلت ممكن يكون ودوهو الخور لكن والله حاجة تمام وشى مدروس.

    ربنا إن شاء الله يحقق ألأحلام لى أرض الواقع والسودان بلد موعود بخير كثير بس الله يكفينا شر العوارض يارب.


    تحياتى.................إسماعيل محمد أحمد عباس.................

    (عدل بواسطة ismeil abbas on 29-03-2007, 07:30 PM)

                   |Articles |News |مقالات |بيانات

29-03-2007, 08:04 PM

معاوية التوم محمد طه

تاريخ التسجيل: 30-09-2005
مجموع المشاركات: 387

للتواصل معنا

FaceBook
تويتر Twitter
YouTube


Re: السودان احدي الدول العشر التي ستشهد أعلي معدل ارتفاع في مجال النمو السياحي في العالم (Re: ismeil abbas)

    فوق
                   |Articles |News |مقالات |بيانات

29-03-2007, 11:26 PM

عبد الفتاح محمد
<aعبد الفتاح محمد
تاريخ التسجيل: 03-02-2007
مجموع المشاركات: 178

للتواصل معنا

FaceBook
تويتر Twitter
YouTube


Re: السودان احدي الدول العشر التي ستشهد أعلي معدل ارتفاع في مجال النمو السياحي في العالم (Re: معاوية التوم محمد طه)

    التحية لك اخي معاوية علي هذا المجهود المقدر

    لكن شوف انته بتتحدث عن شنو والناس همها شنو
    Quote: البارات حتفتح ولا شنوا؟

    عجبي!
                   |Articles |News |مقالات |بيانات

30-03-2007, 00:23 AM

Moawia Mohammed
<aMoawia Mohammed
تاريخ التسجيل: 24-10-2006
مجموع المشاركات: 3675

للتواصل معنا

FaceBook
تويتر Twitter
YouTube


Re: السودان احدي الدول العشر التي ستشهد أعلي معدل ارتفاع في مجال النمو السياحي في العالم (Re: معاوية التوم محمد طه)

    شكرا أستاذ معاويه التوم لفتح هذا الملف الهام
    تحياتي وأشواقي





    ـــــــــــــــــ
    كدي عاين في الصورة وحول اتذكر
                   |Articles |News |مقالات |بيانات

30-03-2007, 09:00 PM

معاوية التوم محمد طه

تاريخ التسجيل: 30-09-2005
مجموع المشاركات: 387

للتواصل معنا

FaceBook
تويتر Twitter
YouTube


Re: السودان احدي الدول العشر التي ستشهد أعلي معدل ارتفاع في مجال النمو السياحي في العالم (Re: Moawia Mohammed)

    الاخ العزيز معاوية محمد
    لك التحية و التقدير
    شكرا على مرورك و أتمنى من الاخوة الزملاء طرح أراء يمكن الاستفاده منها لتفعيل السياحة فى السودان و الى مدى يمكن أن السودان بلدا سياحيا لما يذخر به من موارد طبيعية .
    أما موضوع صورتك ( الخائف عليها ) تمعنت فيها كثيرا لكن عشان أتذكرك و أمر فى الامتحان الصعب دا ( ممكن تزح الطاقية دى شوية ) أحتمال تشبه لى واحد ( مزعج ) دفعة فى جامعة الجزيرة أتمنى اكون مريت فى الامتحان .
                   |Articles |News |مقالات |بيانات

30-03-2007, 01:41 AM

Deng
<aDeng
تاريخ التسجيل: 28-11-2002
مجموع المشاركات: 46586

للتواصل معنا

FaceBook
تويتر Twitter
YouTube


Re: السودان احدي الدول العشر التي ستشهد أعلي معدل ارتفاع في مجال النمو السياحي في العالم (Re: معاوية التوم محمد طه)

    Quote: التحية لك اخي معاوية علي هذا المجهود المقدر

    لكن شوف انته بتتحدث عن شنو والناس همها شنو

    عجبي!


    عبد الفتاح.

    البخليك تتعجب لكلامي شنوا؟
    أنا سألت, هل البارات حتفتح؟
    كده بكب بساطة ورواقة كده ممكن تدلني على دولة سياحية لا تسمح ببيع الخمور؟

    دينق.
                   |Articles |News |مقالات |بيانات

30-03-2007, 01:48 AM

wesamm
<awesamm
تاريخ التسجيل: 02-05-2006
مجموع المشاركات: 5128

للتواصل معنا

FaceBook
تويتر Twitter
YouTube


Re: السودان احدي الدول العشر التي ستشهد أعلي معدل ارتفاع في مجال النمو السياحي في العالم (Re: Deng)


    خلي الدليل السياحي بتاعك يستعمل الفيديو دا عشان يجذب السواح
                   |Articles |News |مقالات |بيانات

30-03-2007, 05:05 PM

معاوية التوم محمد طه

تاريخ التسجيل: 30-09-2005
مجموع المشاركات: 387

للتواصل معنا

FaceBook
تويتر Twitter
YouTube


Re: السودان احدي الدول العشر التي ستشهد أعلي معدل ارتفاع في مجال النمو السياحي في العالم (Re: wesamm)

    الاخ العزيز wesamm
    لك التحية و التقدير و المعزة
    شكرا جزيلا على مرورك و حقيقة شاهدت شريط الفيديو الموجود فى ردك على مقالى و فعلا به صور تراجيديه و مأساوية لاخواننا بأقليم دارفور (تشريد لاسر و أطفال ابرياء , جراحات , دمار , فقر , مرض . . . )
    الصور معبرة عن مأساة كبيرة يعانى منها أخوة و أخوات لنا و لكن بكل هذه المرارا تفأنا متفائل جدا أن تنتهى هذه الماساة و أن تكون دارفور قبلة سياحية عالمية .
    أخى وسام لقد زرت أقليم دارفور و بالتحديد منطقة جبل مرة فى مطلع التمانينات من القرن الماضى و أنا طالب بمدرسة القضارف الثانوية القديمة فى رحلة طلابية و مكثت ردحا من الزمان فى مدينة نيالا و جبل مرة و لدى ذكريات جميلة ما زلت أذكرها من تلك الرحلة رغم مرور وقت طويل على ذلك . و لكن صدقنى أحلم ان تستثمر شركة أجنبية أو عربية أو وطنية فى جبل مرة و ان يكون مطار نيالا مطار دولى يستقبل السياح من كل انحاء العالم و ان يكون الطريق بين نيالاا و جبل مرة مسفلت و من ثم البنية التحتية من استراحلت و أضاءه و أتصالات و منشئات , و بعدها أراهنك تكون جبل مرة أجمل قبلة سياحية فى العالم بدون منازع و أخيرا أهديك مقطع (غير مرتب ) من أغنية الرائع خليل أسماعيل :-
    لو زرت مرة جبل مرة يعاودك حنبن طول السنين # # تتمنى تانى تزورو مرة
    ألوان شجر و أنواع طيور جات طلة من قلب الصخور ## و ناس تقول مرحب أهلنا
    فى طريقنا لى غرب الجبل شاهدنا أريل فى الملم ## يسدى الحقول يمحى الالم
    سونى العروس فى كرنفال مزدانه بى روعه و جمال ## عالم عجيب بى جمالو سحرنا
    فى نيرتتى و فى مرتجلو و فى قلول ### أنا اوصف عن أيه أقول

    الاخ وسام
    أظنك حا تغير شريط الفيديو بتاع (You Tub ) و تستبدله بى (فيديو كلب ) لهذه الاغنية مدعم بمناظر من شلال ساورة و هو يتوسط منطقتى نيرتتى و مرتجلو بجبل مرة حتى يجذب السياح الذين تعنيهم و حتى يتحقق الحلم و تسلم الشركة المشروع وتبدأ هيئة التنشيط السياحية السودانية عبر القنصليات و السفارات للترويج لهذا المشروع . . . تكون مشكلة دارفور أتحلت حل جذرى ., . , (أيه رأيك فى الحلم دا )

    أخوك معاوية التوم
                   |Articles |News |مقالات |بيانات

30-03-2007, 01:34 PM

عبد الفتاح محمد
<aعبد الفتاح محمد
تاريخ التسجيل: 03-02-2007
مجموع المشاركات: 178

للتواصل معنا

FaceBook
تويتر Twitter
YouTube


Re: السودان احدي الدول العشر التي ستشهد أعلي معدل ارتفاع في مجال النمو السياحي في العالم (Re: معاوية التوم محمد طه)

    Quote: عبد الفتاح.

    البخليك تتعجب لكلامي شنوا؟
    أنا سألت, هل البارات حتفتح؟
    كده بكب بساطة ورواقة كده ممكن تدلني على دولة سياحية لا تسمح ببيع الخمور؟

    دينق.


    دينق ياأخوي
    الله يهدينا ويهديك...

    استاذ معاوية زول متخصص في السياحة والفندقة
    طرح موضوع علمي بحت عن تطور السياحة في السودان
    ما ذكر سيرة للخمر وخلافه...

    عشان كده يا اريت لو ناقشت الموضوع من جوانبه العلميه حتى تعم الفائدة..

    لك ودي وتقديري
                   |Articles |News |مقالات |بيانات

30-03-2007, 02:03 PM

Deng
<aDeng
تاريخ التسجيل: 28-11-2002
مجموع المشاركات: 46586

للتواصل معنا

FaceBook
تويتر Twitter
YouTube


Re: السودان احدي الدول العشر التي ستشهد أعلي معدل ارتفاع في مجال النمو السياحي في العالم (Re: معاوية التوم محمد طه)

    Quote: استاذ معاوية زول متخصص في السياحة والفندقة
    طرح موضوع علمي بحت عن تطور السياحة في السودان
    ما ذكر سيرة للخمر وخلافه...


    عبد الفتاح.

    أنت جادي يا زول؟

    سياحة شنو وفندقة شنوا في السودان؟
    كل الاجانب اللي في السودان أتوا من أجل إغاثة الشعب السوداني.
    بلاش سخافات وضحك علة عقول الناس. بعدين شايف غريبة وصف زولك ده "بالعلامه" مبروك عليكم صلاح غريبة.

    دينق.
                   |Articles |News |مقالات |بيانات

30-03-2007, 05:27 PM

wesamm
<awesamm
تاريخ التسجيل: 02-05-2006
مجموع المشاركات: 5128

للتواصل معنا

FaceBook
تويتر Twitter
YouTube


Re: السودان احدي الدول العشر التي ستشهد أعلي معدل ارتفاع في مجال النمو السياحي في العالم (Re: Deng)

    Quote: أظنك حا تغير شريط الفيديو بتاع (You Tub ) و تستبدله بى (فيديو كلب ) لهذه الاغنية مدعم بمناظر


    الاخ معاوية احيي تفاولك الجميل ولكن واقع الحال مؤلم ولايمكن ان نطانشوا ونقول والله السودان كويس وطبعا لايكمن ان تتغير صور الشريط وتستبدل بأغنية متفائلة بالبسطة الانتا ذكرتها دي وكأن الامر لايعنيك دي ارواح ناس زهقت بغير حق وبعدين في حاجة اسمها اولويات فكيف تتحدث عن سياحة في بلد بتحترق من شمالها لجنوبها من شرقها لغربها بعدين السياح ديل ان قايلهم مجانيين ومابسمعوا اخبار سودانك الكلو مشاكل دا كيفن يجوك في بلد مجاعات وحروب واختطاف نهايك عن الساخنة المولعة والامراض وعدم توفر السلامة والبنية التحتية يازول كدي روق المنقة وحلحل اطنان المشاكل العندك وبعدين السياحة هينة.
    بعدين الاخ دينق بيقصد انو الواح ديل والمفترض يكونوا من جميع انحاء العالم بتشربوهم شنو حلو مر
                   |Articles |News |مقالات |بيانات

31-03-2007, 10:49 AM

معاوية التوم محمد طه

تاريخ التسجيل: 30-09-2005
مجموع المشاركات: 387

للتواصل معنا

FaceBook
تويتر Twitter
YouTube


Re: السودان احدي الدول العشر التي ستشهد أعلي معدل ارتفاع في مجال النمو السياحي في العالم (Re: Deng)

    الاخ دينق
    السلام عليكم و كيف الحال
    ((((((صح النوم ))))))
    مازلت تسال عن البارات و امكانية استعادة فتحها ..
    كما هو معلوم فقد تم اغلاقها بقرار جمهوري ابان حكومة الرئيس الاسبق جعفر نميري ... والان تحتاج الي قرار جمهوري لفتحها ((( دا لو كنت شايف انها ضرورة مكملة للسياحة في السودان))))...
    وبما انك عضو ناشط في المنبر .... نتمني أن نستنير بارائك في تفعيل العمل السياحي والفندقي في السودان...
                   |Articles |News |مقالات |بيانات

30-03-2007, 08:54 PM

عبد الفتاح محمد
<aعبد الفتاح محمد
تاريخ التسجيل: 03-02-2007
مجموع المشاركات: 178

للتواصل معنا

FaceBook
تويتر Twitter
YouTube


Re: السودان احدي الدول العشر التي ستشهد أعلي معدل ارتفاع في مجال النمو السياحي في العالم (Re: معاوية التوم محمد طه)

    Quote: بعدين الاخ دينق بيقصد انو الواح ديل والمفترض يكونوا من جميع انحاء العالم بتشربوهم شنو حلو مر


    العزيز wesamm

    لو انته اقتنعته بطرح الاخ معاويةبتغير ال(فيديو كلب ) الشراب مقدور عليه...

                   |Articles |News |مقالات |بيانات

01-04-2007, 01:22 AM

معاوية التوم محمد طه

تاريخ التسجيل: 30-09-2005
مجموع المشاركات: 387

للتواصل معنا

FaceBook
تويتر Twitter
YouTube


Re: السودان احدي الدول العشر التي ستشهد أعلي معدل ارتفاع في مجال النمو السياحي في العالم (Re: عبد الفتاح محمد)

    الاخ عبد الفتاح
    شكرا جزيلا . الاخ وسام مقتنع تماما بانو السودان موعود بسلام دائم انشاء الله و من ثم نهضه عمرانية فى كافة المجالات بما فى ذلك المجال الفندقى و السياحى و لعل افتتاح فندق السلام روتانا (خمسة نجوم )ومن قبله Grand Holiday Villa (خمسة نجوم ) وبعد 6 شهور فندق الفاتح من سبتمبر (خمسة نجوم ) ناهيك عن 4 فنادق (اربعة نجوم ) تم افتتاحها مؤخرا هذا بالعاصمة فقط دا كلو يؤكد وجود سياح باعداد متزايدة .
    و لنا عودة
                   |Articles |News |مقالات |بيانات

01-04-2007, 08:19 AM

ايوب عبدالرحيم
<aايوب عبدالرحيم
تاريخ التسجيل: 10-10-2005
مجموع المشاركات: 1341

للتواصل معنا

FaceBook
تويتر Twitter
YouTube


Re: السودان احدي الدول العشر التي ستشهد أعلي معدل ارتفاع في مجال النمو السياحي في العالم (Re: معاوية التوم محمد طه)

    شكرا الاخ معاوية التوم لهذا المقال

    والحقيقة ان السياحة تحتاج الى توفر بنيات تحتية اساسية اهمها الاستقرار الاقتصادي والمالي

    اضافة الى الوعي السياحي سواء من الدولة او المواطنين

    وحسب تقديري الشخصي ان مقال المجلس العالمي للسياحة مفرط في التفاؤل ويعتمد على مقاييس عامة

    انا لااتحدث عن الامكانيات الطبيعية للسياحة

    بل عن الخدمات السياحية من امن واستقرار وفندقة ورحلات جوية مبرمجة ومنتظمة اضافة الى التسهيلات

    الائتمانية البنكية وكمثال بسيط فان البطاقات الائتمانية ( الفيزا والماستر ) غير متوفرة في السودان

    الى في اماكن محدودة في الخرطوم فقط

    اضف الى ذلك ان الجاذبية السياحية تعتمد بصورة كبيرة على السمعة الدولية للحكومات

    وبخصوص السودان لايخفى العلاقات الغير واضحةوالغامضة للانقاذ مع دول العالم والتذبذب السياسي

    الذي اثر بصورة واضحة على سمعة السودان الخارجيةاضافة الى بروز العديد من المشاكل الداخلية

    ( دارفور والجنوب والشرق ) على سطح الاحداث العالمية باعتبار ان هذه المشاكل هي مشاكل ( انسانية )

    ااسف للاطالة

    ولك الشكر يامعاوية على ايراد هذا المقال



    طريق الرصيرص ( الصورة منقولة )

                   |Articles |News |مقالات |بيانات

01-04-2007, 09:49 PM

معاوية التوم محمد طه

تاريخ التسجيل: 30-09-2005
مجموع المشاركات: 387

للتواصل معنا

FaceBook
تويتر Twitter
YouTube


Re: السودان احدي الدول العشر التي ستشهد أعلي معدل ارتفاع في مجال النمو السياحي في العالم (Re: ايوب عبدالرحيم)

    الاخ العزيز ايوب

    لك الشكر و التقدير و اكيد ما طرحته من وجهة نظر حول الخدمات المفقودة للسائح ومن مشاكل سياسية حاصل و لكن لا بد من وجود حلول جذرية لهذه المشاكل حتى تنطلق السياحة فى السودان ونقدر نستفيد من هذه المقومات الطبيعة التى حباها الله للسودان و لسه مازلت اعشم فى المزيد من الاراء و المقترحات لتفعيل العمل السياحى و الفندقى فى السودان
                   |Articles |News |مقالات |بيانات

02-04-2007, 01:03 PM

ghariba
<aghariba
تاريخ التسجيل: 09-03-2002
مجموع المشاركات: 12938

للتواصل معنا

FaceBook
تويتر Twitter
YouTube


Re: السودان احدي الدول العشر التي ستشهد أعلي معدل ارتفاع في مجال النمو السياحي في العالم (Re: معاوية التوم محمد طه)

    الحديث عن السياحة في السودان يطول
    وأظن انه آن الأوان لتفعيل هذا المنشط من عدة نواحي
    وبخاصة وان العالم مقل على التكتلات والتجمعات والانفتاح الثقافي


    Quote: مقومات سياحية وفرص

    قبل حوالي 40 عاما برز اقتراح إنشاء وزارة مستقلة للسياحة بحجة أن السياحة في السودان يمكن أن تكون لها الأولوية في دعم الاقتصاد الوطني السوداني.

    ومما يحمد للدولة حاليا أنها استجابت لهذا المطلب فأنشأت وزارة مستقلة للسياحة والتراث القومي قائمة بذاتها كخطوة تدل على اهتمام الدولة بالاستثمار في إمكانيات السودان السياحية الكثيرة والمتنوعة التي أجمع كل خبراء السياحة الذين زاروا السودان على أنها تفوق إمكانيات كثير من البلدان التي تعتمد بصورة أساسية على السياحة في اقتصادها الوطني.

    وتعنى وزارة السياحة والتراث القومي عناية خاصة بالاستثمار السياحي المحلي والخارجي ووضعت لذلك امتيازات وتسهيلات كثيرة وجاذبة مستهدية في ذلك بقانون الاستثمار السوداني الذي شهدت بمرونته جميع الدوائر المعنية.

    وفى هذا الصدد وضعت الوزارة خريطة استثمارية استعرضت فيها مجالات وفرص الاستثمار السياحي المتاحة في مختلف أرجاء السودان بعد أن قسمت البلاد إلى أقاليم جغرافية وفقا لتشابه المنتج السياحي في كل إقليم، وقد ذكرنا في الأسطر السابقة ما يلي ولاية الخرطوم في هذا الصدد وبقى أن نستعرض هذه المجالات والفرص في بقية الأقاليم.

                   |Articles |News |مقالات |بيانات

02-04-2007, 01:33 PM

ghariba
<aghariba
تاريخ التسجيل: 09-03-2002
مجموع المشاركات: 12938

للتواصل معنا

FaceBook
تويتر Twitter
YouTube


Re: السودان احدي الدول العشر التي ستشهد أعلي معدل ارتفاع في مجال النمو السياحي في العالم (Re: معاوية التوم محمد طه)

                   |Articles |News |مقالات |بيانات

02-04-2007, 02:33 PM

Deng
<aDeng
تاريخ التسجيل: 28-11-2002
مجموع المشاركات: 46586

للتواصل معنا

FaceBook
تويتر Twitter
YouTube


Re: السودان احدي الدول العشر التي ستشهد أعلي معدل ارتفاع في مجال النمو السياحي في العالم (Re: معاوية التوم محمد طه)

    Quote: الاخ عبد الفتاح
    شكرا جزيلا . الاخ وسام مقتنع تماما بانو السودان موعود بسلام دائم انشاء الله و من ثم نهضه عمرانية فى كافة المجالات بما فى ذلك المجال الفندقى و السياحى و لعل افتتاح فندق السلام روتانا (خمسة نجوم )ومن قبله Grand Holiday Villa (خمسة نجوم ) وبعد 6 شهور فندق الفاتح من سبتمبر (خمسة نجوم ) ناهيك عن 4 فنادق (اربعة نجوم ) تم افتتاحها مؤخرا هذا بالعاصمة فقط دا كلو يؤكد وجود سياح باعداد متزايدة .
    و لنا عودة


    الاخ معاوية.

    للاسف الشديد أنت ومعك بعض الكيزان والانتهازية تريدون تضليل الناس.

    أنا بقول لك أن معظم الاجانب الذين تراهم في السودان هم أتوا للسودان لأغراض إنسانية بحتة, ولا علاقة لهم بالسياحة.
    أما إذا كنت تتحدث على الاجانب من أتراك وصينين وماليزين فهم أنا أعتبرهم مصاصين دماء جدد. هولاء الناس لن يخسرو مليما واحدا لدفع الاقتصاد السوداني أو إنعاشه. هولاء يحولون دخلهم لعملة صعبة ويتم تحويلها لبلادهم. بلاش ضحك على عقولنا يا معاوية.

    دينق.
                   |Articles |News |مقالات |بيانات

03-04-2007, 12:19 PM

معاوية التوم محمد طه

تاريخ التسجيل: 30-09-2005
مجموع المشاركات: 387

للتواصل معنا

FaceBook
تويتر Twitter
YouTube


Re: السودان احدي الدول العشر التي ستشهد أعلي معدل ارتفاع في مجال النمو السياحي في العالم (Re: Deng)

    الاخ دينق

    السلام عليكم
    يبدو انك( خارج الشبكة) عشان كدة المرة الفاتت قلت ليك (صح النوم )انا طرحت موضوع مدعم بالارقام و الاحصاءات و قلت بنهاية 2007 سيكون هنالك خمسة فنادق (خمسة نجوم )جديدة اضافية حقيقيةللنهضة التنموية الفندقية فى السودان اقل فندق يحتوى على 250 غرفة و هذه حقيقة لاينكرها الا مكابر وهى استثمارات دفعت فيها ملايين الدولارات وتقوم بتشغيل هذه الفنادق شركات عالمية معروفه والفنادق الان تقف شامخة وهى عبارة معالم حضارية .
    ايه العلاقة بين ما مطروح و مفرداتك المستخدمة و التى بدات ب (البارات حاتفتحو لا شنو ؟ ) و اليوم بتقول تضليل ؟كيزان ؟انتهازية ؟ مصاصين دماء ؟ من كلامك كدة جانى احساس انو معاك صورة من كل دراسات الجدوى الاقتصادية للاستثمارات العربية و الاجنبية التى دخلت السودان و انك عملت بحوث و دراسات و استبيانات و خرجت بنتيجة انو (الاتراك و الماليزيين و الصينيين مصاصين دماء ).
    كان العشم انك تناقش نقاش علمى و تكون لديك معلومات (مواكبة مفيدة تثرى النقاش )و تحذف عبارة (تضحك على عقولنا) لانو الموضوع ما مطروح من باب الهزل و التسلية انا مسئول من اى كلمة كتبتها عن السياحة فى السودان و مستعد ارد على الاسئلة التى تحمل مضامين و معلومة جديدة .
    مع معزتى و مودتى
                   |Articles |News |مقالات |بيانات

03-04-2007, 12:03 PM

ghariba
<aghariba
تاريخ التسجيل: 09-03-2002
مجموع المشاركات: 12938

للتواصل معنا

FaceBook
تويتر Twitter
YouTube


Re: السودان احدي الدول العشر التي ستشهد أعلي معدل ارتفاع في مجال النمو السياحي في العالم (Re: معاوية التوم محمد طه)

    Quote: البشير: الحكومة حريصة علي تطوير قطاع السياحة
    الثلاثاء 3 أبريل 2007

    الخرطوم – (smc) – سونا
    قال المشير عمر البشير رئيس الجمهورية ان الحكومة حرصت علي تطوير قطاع السياحة وزيادة الطاقة الإيوائية من الفنادق والنزل والترويح للسياحة بمختلف أنواعها بما زاد من مساهمة قطاع السياحة في الدخل القومي لأكثر من 366مليون دولار.
    وأبان في خطابه أمام فاتحة أعمال الهيئة التشريعية القومية ان العام المنصرم شهد حركة واسعة للوفاء بجميع متطلبات المرحلة علي الأصعدة السياسية والاقتصادية والخدمية مشيرا للتوسع في اللامركزية وبسط الشورى والديمقراطية والحرية لتحقيق معدلات نمو موجبة وعالية وجني ثمار التحرير الاقتصادي وثبات سياساته.
    وأضاف ان الحكومة عملت علي تخفيف وطأة الفقر من خلال توسيع مظلة الضمان الاجتماعي والدعم المباشر وتوفير الخدمات حيث تشير التقديرات الى تحسن في خفض معدلات الفقر وأشار لمعدلات النمو الذي حققته السياسة التعليمية والبالغ 4ر5% للأساس و1ر3% للثانوي وتصاعد النمو في اعداد المعلمين معدلات ملحوظة وحدثت طفرة مقدرة في مجال تعليم الرحل وارتفعت نسبة التغطية من 26% عام 2005 الي 40% في هذا العام بفضل ارتفاع معدل الأنفاق علي التعليم الى 2% من اجمال الناتج المحلي






                   |Articles |News |مقالات |بيانات

04-04-2007, 02:30 PM

قريب الله محمد الحسن

تاريخ التسجيل: 29-01-2005
مجموع المشاركات: 0

للتواصل معنا

FaceBook
تويتر Twitter
YouTube


Re: السودان احدي الدول العشر التي ستشهد أعلي معدل ارتفاع في مجال النمو السياحي في العالم (Re: ghariba)

    الاستاذ الجليل معاوية
    تحية واحتراما

    لقد اطلعت بتعمق في مقالك عن السياحة في السودان وفرص نجاحها وبما انني احد الذين اتيحيت لهم فرص العمل مع بعض الجهات ذات ذات صلة بالسياحة لجد نفسي معنى بنقاش الموضوع وساسهم معك بحول الله

    قريب الله
                   |Articles |News |مقالات |بيانات

04-04-2007, 08:44 PM

Deng
<aDeng
تاريخ التسجيل: 28-11-2002
مجموع المشاركات: 46586

للتواصل معنا

FaceBook
تويتر Twitter
YouTube


Re: السودان احدي الدول العشر التي ستشهد أعلي معدل ارتفاع في مجال النمو السياحي في العالم (Re: معاوية التوم محمد طه)

    Quote: الاخ دينق

    السلام عليكم
    يبدو انك( خارج الشبكة) عشان كدة المرة الفاتت قلت ليك (صح النوم )انا طرحت موضوع مدعم بالارقام و الاحصاءات و قلت بنهاية 2007 سيكون هنالك خمسة فنادق (خمسة نجوم )جديدة اضافية حقيقيةللنهضة التنموية الفندقية فى السودان اقل فندق يحتوى على 250 غرفة و هذه حقيقة لاينكرها الا مكابر وهى استثمارات دفعت فيها ملايين الدولارات وتقوم بتشغيل هذه الفنادق شركات عالمية معروفه والفنادق الان تقف شامخة وهى عبارة معالم حضارية .
    ايه العلاقة بين ما مطروح و مفرداتك المستخدمة و التى بدات ب (البارات حاتفتحو لا شنو ؟ ) و اليوم بتقول تضليل ؟كيزان ؟انتهازية ؟ مصاصين دماء ؟ من كلامك كدة جانى احساس انو معاك صورة من كل دراسات الجدوى الاقتصادية للاستثمارات العربية و الاجنبية التى دخلت السودان و انك عملت بحوث و دراسات و استبيانات و خرجت بنتيجة انو (الاتراك و الماليزيين و الصينيين مصاصين دماء ).
    كان العشم انك تناقش نقاش علمى و تكون لديك معلومات (مواكبة مفيدة تثرى النقاش )و تحذف عبارة (تضحك على عقولنا) لانو الموضوع ما مطروح من باب الهزل و التسلية انا مسئول من اى كلمة كتبتها عن السياحة فى السودان و مستعد ارد على الاسئلة التى تحمل مضامين و معلومة جديدة .
    مع معزتى و مودتى


    الكوز معاوية.

    بلاش لف ودوران معاك.

    يعني صنفت نفسك أنت الشخص العالم والشخص الذي يملك المعلومة الحقيقية وبقية الناس يجب عليهم أن يقتنعوا بما تطرحه. يبدوا لي أنك صدقت اللقب الذي أطلقه عليك الانتهازي الاخر صلاح غريبة(لقب العالم) سياحة شنو وبطيخ شنو والبلد فيها كجاعات وحروب طاحنة؟
    لو دايرين تقولوا أن موظفي الاغاثة هم سواح فهذا خداع في خداع.

    دينق.
                   |Articles |News |مقالات |بيانات

04-04-2007, 09:46 PM

خضر الطيب
<aخضر الطيب
تاريخ التسجيل: 24-06-2004
مجموع المشاركات: 6432

للتواصل معنا

FaceBook
تويتر Twitter
YouTube


Re: السودان احدي الدول العشر التي ستشهد أعلي معدل ارتفاع في مجال النمو السياحي في العالم (Re: معاوية التوم محمد طه)

    الاخ الحبيب / معاوية

    لك التحية والتقدير


    ----------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------


    كت اووت :

    فعلا يامعاوية دينق دا خارج التغطية
                   |Articles |News |مقالات |بيانات

05-04-2007, 07:25 AM

عواطف الطيب حسن

تاريخ التسجيل: 19-12-2005
مجموع المشاركات: 0

للتواصل معنا

FaceBook
تويتر Twitter
YouTube


Re: السودان احدي الدول العشر التي ستشهد أعلي معدل ارتفاع في مجال النمو السياحي في العالم (Re: معاوية التوم محمد طه)


    الاخ العزيز معاوية
    فعلا السودان بلد واعد في مجال السياحة ونتمني انه يتطور في هذا المجال وخصوصاَ ونحن نملك مقومات لا تملكها كثير من الدول السياحية الكبري ولكن لابد من الاهتمام والاعلام و دعم الحكومة الجاد لهذا المجال .


    سؤال خاص

    هل لك شقيقة محامية تدعي اميرة .
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de